Priyadarshan: ‘ആ സീനിന് ഒട്ടും ലോജിക്കില്ല, പക്ഷേ ആളുകൾ അത് കണ്ട് ചിരിക്കുകയാണ്’

Priyadarshan

ഇന്ത്യൻ സിനിമയിലെ ഏറ്റവും മികച്ച സംവിധായകരിൽ ഒരാളാണ് പ്രിയദർശൻ. ഇപ്പോഴിതാ, തന്റെ കരിയറിലെ നൂറാമത്തെ ചിത്രം പ്രഖ്യാപിച്ചിരിക്കുകയാണ് പ്രിയദർശൻ. തന്റെ ആ​ദ്യചിത്രത്തിൽ നായകനായ മോഹൻലാൽ തന്നെയാണ് നൂറാമത്തെ ചിത്രത്തിലും പ്രധാനവേഷത്തിൽ എത്തുന്നത്. പ്രിയദർശൻ – മോഹൻലാൽ കോമ്പോയിൽ പുറത്തിറങ്ങിയ മലയാള സിനിമയിലെ എക്കാലത്തെയും മികച്ച ക്ലാസിക്കുകളിൽ ഒന്നാണ് വെള്ളാനകളുടെ നാട് എന്ന ചിത്രം.

ആ സിനിമയിലെ ഏറ്റവും ഐക്കോണിക് ആയ സീൻ ഏതെന്ന് ചോദിച്ചാൽ എല്ലാവരുടെയും മനസിൽ വരുന്നത് കുതിരവട്ടം പപ്പുവിന്റെ റോഡ് റോളർ സീൻ തന്നെയാണ്. ഇപ്പോഴിതാ, ആ സീനിലെ ലോജിക്ക് ഇല്ലായ്മയെ കുറിച്ച് പറയുകയാണ് പ്രിയദർശൻ.

ALSO READ: ‘ആള്‍ക്കാരുമായി കൂടുതല്‍ കമ്മ്യൂണിക്കേറ്റ് ചെയ്യുന്നത് മോഹന്‍ലാലാണ്, മമ്മൂട്ടി അത്ര എളുപ്പമല്ല’

‘ഖട്ട മീഠായിലെ ആ റോഡ് റോളർ സീണ ഒറിജിനൽ വേർഷനിലും ഒരു മാറ്റമില്ലതെ ഷൂട്ട് ചെയ്തിട്ടുണ്ട്. എല്ലാവരും ആ സീൻ കണ്ട് ചിരിക്കാറുണ്ട്. സത്യം പറഞ്ഞാൽ ആ സീനിലെ ലോജിക്ക് ഇല്ലായ്മയെ കുറിച്ച് ആരും ചിന്തിക്കാറില്ല. എല്ലാവരും അത് കണ്ട് ചിരിക്കും. അതിനപ്പുറത്തേക്ക് ഒന്നും ആലോചിക്കാറില്ല. റോഡ് റോളർ കൺട്രോളില്ലാതെ ഓടുന്നത് കണ്ട് എല്ലാവരും പേടിച്ച് ഓടുകയാണ്. ശരിക്കും ഒരു റോഡ് റോളർ അങ്ങനെ നീങ്ങില്ല.

നമ്മൾ മുന്നോട്ട് പോകാനുള്ള രീതിക്ക് കൺട്രോൾ ചെയ്താൽ അത് മുന്നോട്ട് പോകും. തിരിച്ച് ചെയ്താൽ പിന്നോട്ട് പോകും. അല്ലാത്ത സമയത്ത് അതിന്റെ സ്റ്റിയറിങ് ലോക്കായി കിടക്കും. അപ്പോൾ ആ സീൻ എടുത്തപ്പോൾ ലോജിക്കിനെ പറ്റിയൊന്നും ചിന്തിച്ചില്ല. പ്രേക്ഷകർ ആസ്വദിക്കുന്നു, അതിനപ്പുറത്തേക്ക് വേറൊന്നും വേണ്ട’ പ്രിയദർശൻ പറഞ്ഞു.