റോഡ് അറ്റകുറ്റപ്പണികളും നിർമാണ ജോലികളും നടക്കുന്നതിന്റെ ഭാഗമായി വിവിധ ജില്ലകളിൽ ഇന്നും ഗതാഗത നിയന്ത്രണങ്ങൾ തുടരും. യാത്രക്കാർ ഈ റൂട്ടുകൾ ശ്രദ്ധിച്ച് യാത്ര മുൻകൂട്ടി ക്രമീകരിക്കേണ്ടതാണ്. ഇന്ന്, നവംബർ 2ന് ഗതാഗത നിയന്ത്രണങ്ങൾ ഏർപ്പെടുത്തിയിട്ടുള്ള വിവിധ റൂട്ടുകളും ബദൽ മാർഗങ്ങളും പരിശോധിക്കാം....

ഗതാഗത നിയന്ത്രണങ്ങൾ

ഈഞ്ചയ്ക്കൽ മേൽപാലനിർമ്മാണം

1. ഈഞ്ചയ്ക്കൽ മേൽപാലത്തിന്റെ നിർമാണവുമായി ബന്ധപ്പെട്ട് തിങ്കളാഴ്ച രാത്രി 9 മുതൽ ചൊവ്വാഴ്ച രാവിലെ 6 വരെ തിരുവല്ലത്തു നിന്ന് ഈഞ്ചയ്ക്കലിലേക്ക് വാഹനങ്ങൾ കടത്തിവിടില്ല.
2. കഴക്കൂട്ടത്തേക്ക് പോകുന്ന വാഹനങ്ങൾ തിരുവല്ലം - അമ്പലത്തറ–അട്ടക്കുളങ്ങര–സ്റ്റാച്യു–വി.ജെ.ടി–പാറ്റൂർ–ചാക്ക വഴി ബൈപാസ് റോഡിലെത്തേണ്ടതാണ്.
3. കിള്ളിപ്പാലം–പവർഹൗസ് റോഡ് ഭാഗത്തുനിന്ന് ഈഞ്ചയ്ക്കൽ വഴി കഴക്കൂട്ടത്തേക്കുള്ള വാഹനങ്ങൾ ചൂരക്കാട്ടുപാളയം–തമ്പാനൂർ–പനവിള–ആശാൻ സ്ക്വയർ–പാറ്റൂർ–ചാക്ക വഴിയോ ശ്രീകണ്ഠേശ്വരം–ഉപ്പിടാമൂട്–പേട്ട–ചാക്ക വഴിയോ പോകേണ്ടതാണ്.
4. കോവളത്ത് നിന്ന് വിമാനത്താവളത്തിലേക്ക് വരുന്ന ചെറിയ വാഹനങ്ങൾ കുമരിച്ചന്ത–പരുത്തിക്കുഴി സർവീസ് റോഡ് വഴി കല്ലുമൂട്–പൊന്നറ പാലം–വലിയതുറ–ശംഖുമുഖം റോഡിലേക്ക് തിരിഞ്ഞുപോകണം.
5. അട്ടക്കുളങ്ങരയിൽ നിന്ന് ചാക്കയിലേക്ക് പോകുന്ന കാറുകൾ ഉൾപ്പെടെയുള്ള ചെറിയ വാഹനങ്ങൾ വാഴപ്പള്ളി–ശ്രീകണ്ഠേശ്വരം–ഉപ്പിടാമൂട്–നാലുമുക്ക്–പേട്ട–ചാക്ക വഴിയും പോകണമെന്നും അറിയിപ്പ് നൽകി.

ALSO READ: ആലുവ–എറണാകുളം യാത്രക്കാർ ശ്രദ്ധിക്കുക; നവംബർ 2 മുതൽ റോഡ് അടയ്ക്കും

വേളി - ഓൾ സെയിന്റ്സ് റോഡ് നവീകരണം

ശബരിമല മണ്ഡലകാല – മകരവിളക്ക് തീർഥാടനവുമായി ബന്ധപ്പെട്ട് വേളി – ഓൾ സെയിന്റ്സ് റോഡിൽ നവീകരണ പ്രവൃത്തികൾ നടക്കുന്നതിനാൽ വേളി – ഓൾ സെയിന്റ്‌സ് റോഡിൽ നവംബർ 15 വരെയാണ് നിയന്ത്രണങ്ങൾ ഏർപ്പെടുത്തി. ഗതാഗത നിയന്ത്രണമുള്ള ദിവസങ്ങളിൽ ഓൾ സെയിന്റ്‌സിൽ നിന്ന് ശംഖുംമുഖം, വെട്ടുകാട് വഴി വേളിയിലേക്കും വേളിയിൽ നിന്ന് വെൺപാലവട്ടം ചാക്ക വഴിയും യാത്ര ചെയ്യാം.

തിരുമല – മങ്ങാട്ടുകടവ് ഭാഗത്തുനിന്ന് വരുന്ന വാഹനങ്ങൾ പുത്തൻകട ജംഗ്ഷനിൽ നിന്നും തൃക്കണ്ണാപുരം ഭാഗത്തേക്ക് പ്രവേശിക്കാൻ അനുവദിക്കില്ല. നേമത്ത് നിന്ന് തിരുമലയിലേക്ക് വരുന്ന വാഹനങ്ങൾ പ്ലങ്കലമുക്ക് ജംഗ്ഷനിൽ നിന്നും തിരിഞ്ഞു പോകണം. അറ്റകുറ്റപ്പണികൾ നടക്കുന്ന റോഡിന്റെ ഇരുവശങ്ങളിലും വാഹനങ്ങൾ പാർക്ക് ചെയ്യുന്നതിനും നിരോധനമുണ്ട്.

എറണാകുളം ജില്ല നിയന്ത്രണങ്ങൾ

നോർത്ത് പറവൂർ ഭാഗത്ത് വഴിക്കുളങ്ങര - ആനച്ചാൽ റോഡ് ടാറിങ് റോഡ് ടാറിങ് ജോലികൾ നടക്കുന്നതിനാൽ നവംബർ 2 മുതൽ മൂന്ന് ദിവസത്തേക്ക് ഗതാഗത നിയന്ത്രണമുണ്ടായേക്കും. ആലുവ ഭാഗത്തുനിന്ന് വരാപ്പുഴ-എറണാകുളം ഭാഗത്തേക്ക് പോകേണ്ടവർ ആനച്ചാൽ ജംങ്ഷനിൽ നിന്നും നേരെ ചേന്ദമംഗലം ജംങ്ഷൻ, മുൻസിപ്പൽ ജംങ്ഷൻ, കെ എം കെ ജംങ്ഷൻ വഴി പോകേണ്ടതാണ്.

എറണാകുളം ഭാഗത്തുനിന്ന് ആലുവ-മാഞ്ഞാലി ഭാഗത്തേക്ക് പോകേണ്ടവർ വഴിക്കുളങ്ങര ജംങ്ഷനിൽ നിന്ന് പറവൂർ പെരുവാരം പുല്ലംകളം ചേന്ദമംഗലം ജംങ്ഷൻ വഴി തിരിഞ്ഞു പോകണംയ കൂടാതെ, ആലുവ മാർ‍ത്താണ്ഡവർമ്മ പഴയ പാലത്തിന്റെ അറ്റകുറ്റപ്പണികൾ പ്രമാണിച്ച് ആലുവ നഗരത്തിൽ നവംബർ 8 വരെ ഗതാഗത നിയന്ത്രണം തുടരുന്നതാണ്.

English Summary:

Traffic restrictions will remain in various districts on November 2 due to ongoing road maintenance and construction activities. Commuters are advised to check the affected routes, follow traffic regulations and plan their journeys in advance to avoid delays.

തിരുവനന്തപുരം: സംസ്ഥാനത്ത് ഇന്നും ഇടിമിന്നലോട് കൂടിയ ശക്തമായ മഴയ്ക്ക് സാധ്യതയെന്ന് കാലാവസ്ഥ വകുപ്പ്. 6 ജില്ലകളിൽ യെല്ലോ അലർട്ട് പ്രഖ്യാപിച്ചു. അതേസമയം, ഇന്ന് രാവിലെ കൊല്ലം ജില്ലയിൽ ഒറ്റപ്പെട്ടയിടങ്ങളിൽ ഇടിമിന്നലോട് കൂടിയ ഇടത്തരം മഴയ്ക്കും മണിക്കൂറിൽ 40 കിലോമീറ്റർ വരെ വേഗതയിൽ ശക്തമായ കാറ്റിനും, ആലപ്പുഴ, മലപ്പുറം, കോഴിക്കോട് ജില്ലകളിൽ ഒറ്റപ്പെട്ടയിടങ്ങളിൽ നേരിയ മഴയ്ക്കും സാധ്യതയുണ്ടെന്നും കേന്ദ്ര കാലാവസ്ഥ വകുപ്പ് അറിയിച്ചിട്ടുണ്ട്.

മഴ മുന്നറിയിപ്പ്

യെല്ലോ അലർട്ട്

നവംബർ 2: പാലക്കാട്, മലപ്പുറം, കോഴിക്കോട്, വയനാട്, കണ്ണൂർ, കാസർഗോഡ്

നവംബർ 3: കോഴിക്കോട്, വയനാട്, കണ്ണൂർ, കാസർഗോഡ്

നവംബർ 4: പത്തനംതിട്ട, ഇടുക്കി, പാലക്കാട്, മലപ്പുറം

മുരശു ചുഴലിക്കാറ്റ് പണിതരുമോ?

മുരശു ചുഴലിക്കാറ്റ് ചെന്നൈ തീരത്തോട് അടുക്കുകയാണ്. ചൊവ്വാഴ്ച പുലർച്ചെ ആന്ധ്ര തീരത്ത് കര തൊടും. അറബിക്കടലിലും മേഘങ്ങളുണ്ട്. വടക്കൻ കേരളത്തിലും കർണാടകയിലും തീരത്താണ് മേഘങ്ങൾ സ്ഥിതിചെയ്യുന്നത്. തെക്കുപടിഞ്ഞാറന്‍ ബംഗാള്‍ ഉള്‍ക്കടലിലാണ് കഴിഞ്ഞ ദിവസം മുരശു രൂപപ്പെട്ടത്.

ALSO READ: നവംബറെത്തിയത് മഴയുമായി! നാല് ദിവസം യെല്ലോ അലര്‍ട്ട്; മുന്നറിയിപ്പുമായി കാലാവസ്ഥ വകുപ്പ്‌

രാവിലെ ബംഗാള്‍ ഉള്‍ക്കടലിലെ ഈ മേഖലയില്‍ രൂപപ്പെട്ട തീവ്രന്യൂനമര്‍ദം വൈകിട്ടോടെ മുരശുചുഴലിക്കാറ്റായി മാറി. ഈ വര്‍ഷം ബംഗാള്‍ ഉള്‍ക്കടലില്‍ രൂപപ്പെടുന്ന രണ്ടാമത്തെ ചുഴലിക്കാറ്റാണിത്. പടിഞ്ഞാറ്  വടക്കുപടിഞ്ഞാറന്‍ ദിശയില്‍ സഞ്ചരിക്കുന്ന ചുഴലിക്കാറ്റ്, ഇന്ന് രാവിലെയോടെ കൂടുതൽ ശക്തിപ്രാപിച്ച് തീവ്ര ചുഴലിക്കാറ്റായി മാറിയേക്കും.

ഇടിമിന്നൽ ജാഗ്രതാ നിർദേശം

കേരളത്തിൽ ഒറ്റപ്പെട്ടയിടങ്ങളിൽ നവംബർ 5 വരെ ഇടിമിന്നലോട് കൂടിയ മഴയ്ക്കും മണിക്കൂറിൽ 30- 40 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.

1. ഇടിമിന്നലിന്റെ ആദ്യ ലക്ഷണം കണ്ടുകഴിഞ്ഞാൽ ഉടൻ തന്നെ സുരക്ഷിതമായ കെട്ടിടത്തിനുള്ളിലേക്ക്‌ മാറുക.
2. ശക്തമായ കാറ്റിനും ഇടിമിന്നലിനും സാധ്യതയുള്ള ഘട്ടത്തിൽ ജനലും വാതിലും അടച്ചിടുക.
3. ഗൃഹോപകരണങ്ങളുടെ വൈദ്യുതി ബന്ധം വിഛേദിക്കുക.
4. ഇടിമിന്നലുള്ള സമയത്ത് ടെലഫോൺ ഉപയോഗിക്കുന്നത് ഒഴിവാക്കണം.
5. അന്തരീക്ഷം മേഘാവൃതമാണെങ്കിൽ തുറസായ സ്ഥലത്തും ടെറസിലും, കുട്ടികൾ ഉൾപ്പെടെ, കളിക്കുന്നത് ഒഴിവാക്കുക.
6. ഇടിമിന്നലുള്ള സമയത്ത് വൃക്ഷങ്ങളുടെ ചുവട്ടിൽ നിൽക്കരുത്‌. വാഹനങ്ങൾ മരച്ചുവട്ടിൽ പാർക്ക് ചെയ്യുകയുമരുത്.
7. ഇടിമിന്നലുള്ള സമയത്ത് വാഹനത്തിനകത്ത് തന്നെ തുടരുക.
8. ഇടിമിന്നലുള്ള സമയത്ത് കുളിക്കുന്നത്‌ ഒഴിവാക്കുക. ടാപ്പുകളിൽ നിന്ന് വെള്ളം ശേഖരിക്കുന്നതും ഒഴിവാക്കുക.

മത്സ്യത്തൊഴിലാളി ജാഗ്രത നിർദേശം

ബംഗാൾ ഉൾക്കടലിൽ രൂപപ്പെട്ട 'മുറസു' ചുഴലിക്കാറ്റിന്റെ സ്വാധീനം മൂലം ശക്തമായ കാറ്റിനും മോശം കാലാവസ്ഥക്കും സാധ്യതയുള്ളതിനാൽ നവംബർ 4 വരെ ബംഗാൾ ഉൾക്കടലിൽ യാതൊരു കാരണവശാലും മൽസ്യബന്ധനത്തിനായി പോകാൻ പാടുള്ളതല്ല.

English Summary:

IMD has forecast heavy rain accompanied by thunderstorms and lightning across Kerala today. A yellow alert has been issued in six districts, warning residents to remain cautious. Isolated parts of Kollam district are likely to experience moderate rainfall with thunderstorms and strong winds reaching speeds of up to 40 kmph during the morning.

കൊച്ചി : ചേരാനല്ലൂർ വാഹനാപകടക്കേസിൽ ലൈസൻസില്ലാതെ കാർ ഓടിച്ച 17 കാരന്റെ പിതാവായ അഡീഷണൽ ജഡ്ജിക്കെതിരെ പ്രത്യേക അന്വേഷണം വേണമെന്ന ആവശ്യമുയർത്തി പോലീസിൽ പരാതി. അപകടത്തിൽ മരണപ്പെട്ട ജയപാലകൃഷ്ണന്റെ മകൾ ഭദ്ര കീർത്തിയാണ് ഇക്കാര്യം ഉൾപ്പെടെ ഉന്നയിച്ചുകൊണ്ട് ജഡ്ജിക്കെതിരെ അന്വേഷണം വേണമെന്ന് പോലീസിൽ പരാതി നൽകിയിരിക്കുന്നത്. അപകട സ്ഥലത്തെ ജഡ്ജിയുടെ സാന്നിധ്യവും തുടർന്ന് തെളിവ് നശിപ്പിക്കാൻ ശ്രമം നടന്നതായും പരാതിയിൽ പറയുന്നുണ്ട്. അന്വേഷണം വഴിതെറ്റിക്കാൻ ഇടപെടൽ നടക്കുന്നതായും പരാതിയിൽ ഉന്നയിക്കുന്നു.

അപകട സ്ഥലത്തെ ജഡ്ജിയുടെ സാന്നിധ്യത്തെപ്പറ്റി ക്രൈംബ്രാഞ്ച് സംഘം വിശദമായി നിലവിൽ പരിശോധിക്കുന്നുണ്ട്. അപകടം സംഭവിച്ചതിന് പിന്നാലെ സ്ഥലത്തെത്തിയ ജഡ്ജിയുടെ സാന്നിധ്യത്തിൽ ആണ് ബെൻസ് കാറിൽ നിന്ന് ഔദ്യോഗിക ബോർഡ് നീക്കം ചെയ്തത് എന്ന ആരോപണവും ശക്തമായി ഉന്നയിക്കപ്പെടുന്നുണ്ട്. അഡീഷണൽ ജഡ്ജിയെ കേസ് അന്വേഷിക്കുന്ന ജില്ലാ ക്രൈംബ്രാഞ്ചിലെ ഉദ്യോഗസ്ഥർ ഇതിനോടകം രണ്ടു പ്രാവശ്യം ചോദ്യം ചെയ്തുകഴിഞ്ഞു. നിലവിൽ കേസുമായി ബന്ധപ്പെട്ട തെളിവു ശേഖരണത്തിലാണ് അന്വേഷണസംഘം.

Also Read: കുറിപ്പുകളില്‍ മുഴുവന്‍ മകനെക്കുറിച്ചുള്ള ആശങ്കകള്‍; വില്ലനായത് ഓണ്‍ലൈന്‍ ഗെയ്‌മോ? ചങ്ങനാശേരിയിലെ കൂട്ടാത്മഹത്യയില്‍ അന്വേഷണം

ലൈസൻസില്ലാതെ കാറോടിച്ചിരുന്ന 17 കാരന്റെ ജാമ്യം റദ്ദാക്കുന്നതിനുള്ള അപേക്ഷ പരിഗണിച്ച കോടതി കേസ് ഡയറി ഹാജരാക്കാൻ അന്വേഷണ സംഘത്തോട് ആവശ്യപ്പെട്ടിട്ടുണ്ട്. ഈ സാഹചര്യത്തിൽ പരമാവധി കുറ്റമറ്റ രീതിയിൽ കേസ് ഡയറി തയ്യാറാക്കുക എന്ന ലക്ഷ്യത്തോടെയാണ് അന്വേഷണസംഘം നീങ്ങുന്നത്. ജഡ്ജിയുടെ വീട്ടിൽ നടത്തിയ റെയ്ഡിൽ പിടിച്ചെടുത്ത ലാപ്ടോപ്പ്, മൊബൈൽ ഫോൺ തുടങ്ങിയവയിലെ വിവരങ്ങൾ സൈബർ വിംഗ് പരിശോധിച്ചു വരികയാണ്. ഇതിൽ നിന്ന് എല്ലാം ലഭിക്കുന്ന വിവരങ്ങൾ അനുസരിച്ച് ജഡ്ജിയെ വീണ്ടും ചോദ്യം ചെയ്യാനും അന്വേഷണസംഘം നീക്കം നടത്തുന്നു.

ദാരുണമായ സംഭവത്തിൽ ജയബാലകൃഷ്ണന്റെ കുടുംബത്തിന് നീതി ഉറപ്പാക്കും എന്നാണ് നേരിട്ട് എത്തി മുഖ്യമന്ത്രി വി ഡി സതീശനും ആഭ്യന്തരവകുപ്പ് മന്ത്രി രമേശ് ചെന്നിത്തലയും വ്യക്തമാക്കിയത്. കേസ് കൈകാര്യം ചെയ്യുന്ന രീതിയിൽ വീഴ്ച വരുത്തിയ സർക്കിൾ ഇൻസ്പെക്ടർ ഉൾപ്പെടെയുള്ള നാല് പോലീസ് ഉദ്യോഗസ്ഥരെ ആഭ്യന്തരവകുപ്പ് സസ്പെൻഡ് ചെയ്തിരുന്നു. മേൽനോട്ട ചുമതലയിൽ വീഴ്ച വരുത്തിയ കൊച്ചി സിറ്റി പോലീസ് കമ്മീഷണറെയും സ്ഥാനത്തുനിന്ന് മാറ്റുന്ന സാഹചര്യവും ഉണ്ടായി. തങ്ങൾക്ക് നീതി ഉറപ്പാക്കുന്നത് വരെ പോരാട്ടം തുടരുമെന്നാണ് ജയ ബാലകൃഷ്ണന്റെ മകൾ ഭദ്രകീർത്തി പറയുന്നത്.

English Summary

A complaint has been filed with the police demanding a special investigation into an Additional Judge, whose 17-year-old son drove a car without a license an act linked to a road accident in Cheranalloor. Bhadra Keerthi, the daughter of Jayapalakrishnan—who died in the accident—lodged the complaint, calling for an inquiry into the judge.

കോട്ടയം: ചങ്ങനാശേരിയില്‍ മൂന്നംഗ കുടുംബത്തെ മരിച്ച നിലയില്‍ കണ്ടെത്തിയ സംഭവത്തില്‍ പൊലീസ് അന്വേഷണം തുടരുന്നു. കരിങ്കട വീട്ടില്‍ സാജു ആന്റണി (64), ഭാര്യ അനു (59), മകന്‍ സബിന്‍ (34) എന്നിവരാണ് മരിച്ചത്. ബെഡ്‌റൂമില്‍ തൂങ്ങിമരിച്ച നിലയിലായിരുന്നു ദമ്പതികളുടെ മൃതദേഹം. സ്റ്റോര്‍ റൂമിലാണ് സബിനെ മരിച്ച നിലയില്‍ കണ്ടെത്തിയത്. മാതാപിതാക്കള്‍ മരിച്ചത് കണ്ട് സബിനും ജീവനൊടുക്കുകയായിരുന്നുവെന്ന് പൊലീസ് സംശയിക്കുന്നു. സാജുവിന്റെയും സബിന്റെയും സാമ്പത്തിക ഇടപാടുകള്‍ കേന്ദ്രീകരിച്ച് പൊലീസ് അന്വേഷണം പുരോഗമിക്കുകയാണ്.

സബിന്‍ ചില ഓണ്‍ലൈന്‍ ഗെയ്മുകളിലൂടെയും, ട്രേഡിങിലൂടെയും സാമ്പത്തിക നഷ്ടം വരുത്തിയിട്ടുണ്ടെന്ന് ബന്ധുക്കളില്‍ ചിലര്‍ മൊഴി നല്‍കിയിട്ടുണ്ടെന്നാണ് റിപ്പോര്‍ട്ട്. ഇതുസംബന്ധിച്ച് പൊലീസ് അന്വേഷിക്കുന്നുണ്ട്. കുവൈത്തിലുള്ള സബിന്റെ ഭാര്യയില്‍ നിന്നും അന്വേഷണസംഘം വിവരങ്ങള്‍ തേടും.

മകനെക്കുറിച്ച് ആശങ്ക

ദമ്പതികള്‍ എഴുതിയ രണ്ട് ആത്മഹത്യാക്കുറിപ്പുകള്‍ പൊലീസ് കണ്ടെത്തി. മകനെക്കുറിച്ചുള്ള ആശങ്കകളായിരുന്നു കുറിപ്പുകളില്‍ മുഴുവന്‍. സാമ്പത്തിക ബാധ്യതയാണ് മരിക്കാന്‍ കാരണമെന്ന് ഇതില്‍ പറയുന്നുണ്ടെന്നാണ് റിപ്പോര്‍ട്ട്.

മകന്‍ ജീവനൊടുക്കാന്‍ സാധ്യതയുണ്ടെന്നും, അവനെ നന്നായി നോക്കണമെന്നും ബന്ധുക്കള്‍ക്ക് എഴുതിയ കുറിപ്പില്‍ ദമ്പതികള്‍ കുറിച്ചതായാണ് വിവരം. സാജുവും അനുവും നല്ല വസ്ത്രങ്ങള്‍ ധരിച്ച നിലയിലായിരുന്നു. വീട്ടില്‍ ധരിക്കുന്ന വസ്ത്രങ്ങളായിരുന്നു സബിന്റെ ശരീരത്തിലുണ്ടായിരുന്നത്. ബാങ്ക് രേഖകളും ഫോണുകളും പരിശോധിക്കാനാണ് പൊലീസിന്റെ നീക്കം.

Also Read: ബെഡ്‌റൂമില്‍ ദമ്പതികളുടെ മൃതദേഹം; മകന്‍ സ്റ്റോര്‍ റൂമില്‍ മരിച്ച നിലയില്‍; ചങ്ങനാശേരിയെ ഞെട്ടിച്ച് കൂട്ടമരണം

ചങ്ങനാശേരി എസ്ബി കോളേജിന് സമീപമായിരുന്നു ഇവര്‍ താമസിച്ചിരുന്നത്. ഇന്നലെ രാവിലെ ഫോണില്‍ വിളിച്ചിട്ട് കിട്ടാത്തതിനെ തുടര്‍ന്ന് ബന്ധുക്കള്‍ നടത്തിയ അന്വേഷണത്തിലാണ് മൃതദേഹങ്ങള്‍ കണ്ടെത്തിയത്. നേരത്തെ ഐടി മേഖലയിലാണ് സബിന്‍ ജോലി ചെയ്തിരുന്നത്. സാജു മുമ്പ് കോന്നിയില്‍ ചലചരക്ക് വ്യാപാരം നടത്തിയിരുന്നു. വീടിന്റെ മുകള്‍നില കോളേജ് വിദ്യാര്‍ത്ഥികള്‍ക്ക് ഹോംസ്‌റ്റേയായി നല്‍കിയിരുന്നു. സംഭവസമയം വിദ്യാര്‍ത്ഥികള്‍ നാട്ടിലേക്ക് പോയിരിക്കുകയായിരുന്നു.

സംസ്‌കാരം ചൊവ്വാഴ്ച

ചൊവ്വാഴ്ച മൂന്ന് മണിക്കാണ് സംസ്‌കാരം. കോട്ടയം മെഡിക്കല്‍ കോളേജിലെ പോസ്റ്റ്‌മോര്‍ട്ടത്തിന് ശേഷം മൃതദേഹങ്ങള്‍ സ്വകാര്യ ആശുപത്രിയിലെ മോര്‍ച്ചറിയില്‍ സൂക്ഷിച്ചിരിക്കുകയാണ്. കുവൈത്തിലുള്ള സബിന്റെ ഭാര്യ നാളെ നാട്ടിലെത്തും.

(ശ്രദ്ധിക്കുക: ആത്മഹത്യ ഒന്നിനും പരിഹാരമല്ല, മാനസികാരോഗ്യ വിദഗ്ധരുടെ സഹായം തേടുക, അതിജീവിക്കാന്‍ ശ്രമിക്കുക. അത്തരം ചിന്തകളുളളപ്പോള്‍ ‘ദിശ’ ഹെല്‍പ് ലൈനില്‍ വിളിക്കുക. Toll free helpline number: 1056, 0471-2552056)

English Summary

Three members of a family were found dead inside their home in Changanassery. The police suspect severe financial distress and debt triggered the tragedy. Investigators are currently checking the bank accounts and financial records of the deceased.

കൊല്ലം : ഓച്ചിറയിൽ നിന്ന് വൻ മദ്യ ശേഖരം പിടികൂടി എക്സൈസ്. ചങ്ങൻകുളങ്ങരയിൽ കൊച്ചുമടത്തിൽ വീട്ടിൽ ഗോപാലകൃഷ്ണന്റെ വീട്ടിൽ നിന്നാണ് എക്സൈസ് സംഘം മദ്യ ശേഖരം പിടിച്ചെടുത്തത്. ഡ്രൈ ഡേയിൽ അനധികൃതമായി മദ്യ വില്പന നടത്തുന്നതിനിടെയാണ് ഗോപാലകൃഷ്ണൻ എക്സൈസിന്റെ പിടിയിലായത്. ഇയാളുടെ കൈവശമുണ്ടായിരുന്ന 124 കുപ്പി ഇന്ത്യൻ നിർമ്മിത വിദേശ മദ്യമാണ് പിടിച്ചെടുത്തത്. സംഭവത്തിൽ ഗോപാല കൃഷ്ണന്റെ അറസ്റ്റ് രേഖപ്പെടുത്തിയതായി എക്സൈസ് അറിയിച്ചു.

അതേസമയം സംസ്ഥാനത്തെ ബാറുകളിൽ നിയന്ത്രണങ്ങൾ കർശനമാക്കാൻ നിർദ്ദേശം നൽകിയിരിക്കുകയാണ് എക്സൈസ് വകുപ്പ് മന്ത്രി എം ലിജു. ബാറുകളിൽ മദ്യപിക്കാൻ എത്തുന്നവരുടെ ആധാർ കാർഡ് പരിശോധിച്ച് വയസ്സ് വ്യക്തമായതിനു ശേഷം മാത്രമേ മദ്യം നൽകാൻ പാടുള്ളൂ എന്ന കർശന നിർദേശമാണ് മന്ത്രി നൽകിയിരിക്കുന്നത്. ഈ തീരുമാനം പ്രഖ്യാപിച്ചതിന് പിന്നാലെ ചില ആശയക്കുഴപ്പങ്ങൾ വരികയും മന്ത്രി അതിൽ വ്യക്തത വരുത്തുകയും ചെയ്തിരുന്നു. ബാറുകൾ എത്തുന്നവരുടെ എല്ലാവരുടെയും ആധാർ കാർഡ് പരിശോധിക്കണമെന്നല്ല പ്രായം സംബന്ധിച്ച് സംശയം തോന്നുന്നവരുടെ ആധാറാണ് പരിശോധിക്കേണ്ടത് എന്നും മന്ത്രി വ്യക്തമാക്കിയിരുന്നു. സംസ്ഥാനത്ത് മദ്യം വാങ്ങുന്നതിനുള്ള കുറഞ്ഞ പ്രായം 23 വയസ്സ് ആണ്.

Also Read: ശ്രീനാദേവി കുഞ്ഞമ്മ അ‌ടൂർ പോലീസ് സ്റ്റേഷനിൽ അ‌തിക്രമം നടത്തിയ സംഭവം: എസ്പിയോട് റിപ്പോർട്ട് തേടി ഡി ജി പി

നെടുമ്പാശ്ശേരിയിൽ മദ്യപിച്ച് അമിത വേഗതയിൽ വാഹനം ഓടിച്ച് 19 കാരൻ സ്കൂട്ടർ ഇടിച്ചു തെറിപ്പിക്കുകയും മൂന്നുപേർ കൊല്ലപ്പെടുകയും ചെയ്ത സാഹചര്യത്തിലാണ് ഈ ശക്തമായി നടപ്പിലാക്കുന്നുണ്ട് എന്ന് ഉറപ്പാക്കാൻ മന്ത്രി നിർദേശം നൽകിയത്. ബാറുകളിൽ മദ്യപിക്കാൻ എത്തുന്നവരുടെ ആധാർ കാർഡ് പരിശോധിക്കേണ്ടത് ബാർ ലൈസൻസുകാരുടെ ഉത്തരവാദിത്തമാണ് മന്ത്രി പറയുകയുണ്ടായി. യുഡിഎഫ് സർക്കാരിന്റെ മദ്യനയം ഈ മാസം പുറത്തു വരും എന്നാണ് വിവരം.

ഇതോടൊപ്പം തന്നെ ബാറുകൾ കേന്ദ്രീകരിച്ച് നടക്കുന്ന അനധികൃത പാർട്ടികൾക്കെതിരെയും ശക്തമായ നടപടിയാണ് സർക്കാർ എടുക്കുന്നത്. കഴിഞ്ഞദിവസം കൊച്ചിയിലും തിരുവനന്തപുരത്തും ബാറുകളിൽ മിന്നൽ പരിശോധന ഡാൻസാഫ് സംഘത്തിന്റെ നേതൃത്വത്തിൽ ഉണ്ടായി. ബാറുകളിൽ അനധികൃതമായി പാർട്ടികൾ നടത്തുന്നത് നിയമ വിരുദ്ധമാണെന്നും ഇതിനെതിരെ ശക്തമായ നടപടി സ്വീകരിക്കുമെന്നും ആണ് അധികൃതർ അറിയിക്കുന്നത്. ഓപ്പറേഷൻ തൂഫാൻ്റെ ഭാഗമായുള്ള പരിശോധനകളും മറ്റൊരു വശത്ത് പുരോഗമിച്ച് വരുന്നുണ്ട്.

English Summary

The Excise Department has seized a large stock of liquor in Ochira. The haul was recovered from the residence of Gopalakrishnan in Changankulangara. Gopalakrishnan was caught by the Excise team while he was illegally selling liquor on a dry day. A total of 124 bottles of Indian-Made Foreign Liquor were seized from his possession.

കൊല്ലം: രോഗം ഭേദമാക്കാം എന്ന് പറഞ്ഞ് വിശ്വസിപ്പിച്ച് 16 കാരിയെ ലൈംഗികമായി പീഡിപ്പിച്ച കേസിൽ പ്രമുഖ മത പ്രഭാഷകനും ബ്ലോഗറുമായ മുഹമ്മദ് നിയാസ് ജൗഹരി അറസ്റ്റിൽ. കൊല്ലം ജില്ലയിലെ ഓച്ചിറ കേന്ദ്രീകരിച്ച് പ്രവർത്തിക്കുന്ന ഹബീബിയ ഇസ്ലാമിക് അക്കാദമി എന്ന സ്ഥാപനത്തിന്റെ ഡയറക്ടർ കൂടിയാണ് അറസ്റ്റിലായ മുഹമ്മദ്. രോഗബാധിതയായ പെൺകുട്ടിക്ക് പ്രാർത്ഥനയിലൂടെ അസുഖം ഭേദമാക്കാം എന്ന് പറഞ്ഞാണ് ഇയാൾ പീഡനം നടത്തിയത് എന്നാണ് വിവരം. പ്രാർത്ഥനയ്ക്ക് വേണ്ടി പെൺകുട്ടിയുടെ അടുത്ത ബന്ധുവാണ് ഓച്ചിറയിലെ ഹബീബിയ ഇസ്ലാമിക് അക്കാദമിയിൽ എത്തിച്ചത്.

തുടർച്ചയായ പ്രാർത്ഥനയിലൂടെയും ചികിത്സയിലൂടെയും രോഗം മാറ്റാമെന്ന് ബന്ധുക്കളെ വിശ്വസിപ്പിച്ച ഇയാൾ പിന്നീട് പെൺകുട്ടിയെ ഒറ്റയ്ക്ക് കിട്ടിയ സാഹചര്യത്തിലാണ് ലൈംഗിക പീഡനത്തിന് ഇരയാക്കിയത്. പിന്നീട് വിവിധ സ്ഥലങ്ങളിൽ എത്തിച്ചും പീഡനം തുടർന്നു. താൻ പീഡിപ്പിക്കപ്പെട്ട വിവരം കുട്ടി ബന്ധുക്കളെ അറിയിക്കുകയായിരുന്നു. തുടർന്ന് ഇവർ പോലീസിനെ സമീപിച്ചു. സംഭവത്തിൽ ഡ്യൂട്ടിയുടെ പ്രാഥമിക മൊഴി പോലീസ് അന്വേഷണ സംഘം രേഖപ്പെടുത്തി.

Also Read: ശ്രീനാദേവി കുഞ്ഞമ്മ അ‌ടൂർ പോലീസ് സ്റ്റേഷനിൽ അ‌തിക്രമം നടത്തിയ സംഭവം: എസ്പിയോട് റിപ്പോർട്ട് തേടി ഡിജിപി

ഇതെ തുടർന്ന് ശനിയാഴ്ച രാത്രിയാണ് മുഹമ്മദ്‌ നിയാസിനെ പോലീസ് കസ്റ്റഡിയിൽ എടുത്തത്. കസ്റ്റഡിയിലെടുത്തശേഷം പോലീസ് നടത്തിയ ചോദ്യം ചെയ്യലിൽ മുഹമ്മദ് നിയാസ് ജൗഹരി കുറ്റം സമ്മതിച്ചതായി അന്വേഷണ ഉദ്യോഗസ്ഥർ അറിയിച്ചു. പ്രതിക്കെതിരെ പോക്സോ വകുപ്പുകളും ലൈംഗിക അതിക്രമം തടയുന്നതിനുള്ള മറ്റു വകുപ്പുകളും ആണ് നിലവിൽ ചുമത്തി ഇരിക്കുന്നത്. മത പ്രഭാഷകൻ എന്നതിലുപരിയായി സമൂഹ മാധ്യമങ്ങളിലും സജീവമാണ് മുഹമ്മദ് നിയാസ്.

ഇയാൾക്ക് ഇൻസ്റ്റഗ്രാമിൽ മാത്രം ഒരു ലക്ഷത്തിന് മുകളിൽ ഫോളോവേഴ്സ് ആണ് ഉള്ളത്. മത വിഷയങ്ങൾക്ക് പുറമേ മറ്റു സാമൂഹ്യ കാര്യങ്ങളിലും നിരന്തരമായി തന്റെ സമൂഹ മാധ്യമ അക്കൗണ്ടുകൾ വഴി ഇയാൾ പ്രതികരിക്കാറുണ്ട്. പ്രധാനമായും വീഡിയോ കണ്ടെന്റുകളാണ് നിയാസ് ജൗഹരി പങ്കുവക്കുന്നത്. ഇയാളുടെ പ്രൊഫൈലിൽ ഏറ്റവും അവസാനമായി പുറത്തുവന്ന വീഡിയോ നസ്രിയ നസീമിന്റെ വേഷ ധാരണവുമായി ബന്ധപ്പെട്ട് ഉയർന്നു വന്ന വിവാദത്തിലാണ്. ഇതു പോലുള്ള മറ്റ് വിഷയങ്ങളിലും ഇയാൾ സ്ഥിരമായി തൻ്റെ പ്രതികരണങ്ങൾ പങ്കു വെക്കാറുണ്ട്.

English Summary

Prominent religious preacher and blogger Muhammed Niyas Jauhari has been arrested for the sexual abuse of a 16-year-old girl, after convincing her that he could cure her illness. Muhammed also serves as the director of the Habibia Islamic Academy, an institution based in Ochira, Kollam district. Reports indicate that he carried out the abuse by claiming he could heal the girl's ailment through prayer.

തിരുവനന്തപുരം: സംസ്ഥാനത്ത് ഇന്ന് (നവംബര്‍ ഒന്ന്) നാല് ജില്ലകളില്‍ കേന്ദ്ര കാലാവസ്ഥ വകുപ്പ് യെല്ലോ അലര്‍ട്ട് പുറപ്പെടുവിച്ചു. പത്തനംതിട്ട, ആലപ്പുഴ, കോട്ടയം, ഇടുക്കി ജില്ലകളിലാണ് ഇന്ന് യെല്ലോ അലര്‍ട്ട്. നാളെ ആറു ജില്ലകളിലാണ് യെല്ലോ അലര്‍ട്ട്. പാലക്കാട്, മലപ്പുറം, കോഴിക്കോട്, വയനാട്, കണ്ണൂര്‍, കാസര്‍കോട് ജില്ലകളിലാണ് നാളെ മുന്നറിയിപ്പ്. നവംബര്‍ മൂന്നിന് കോഴിക്കോട്, വയനാട്, കണ്ണൂര്‍, കാസര്‍കോട് എന്നീ നാലു ജില്ലകളില്‍ യെല്ലോ അലര്‍ട്ടുണ്ട്. നവംബര്‍ നാലിന് പത്തനംതിട്ട, ഇടുക്കി, പാലക്കാട്, മലപ്പുറം ജില്ലകളിലും കേന്ദ്ര കാലാവസ്ഥ വകുപ്പ് യെല്ലോ അലര്‍ട്ട് പ്രഖ്യാപിച്ചു.

നവംബര്‍ അഞ്ചിന് ഒരു ജില്ലയിലും യെല്ലോ അലര്‍ട്ട് പ്രഖ്യാപിച്ചിട്ടില്ല. യെല്ലോ അലര്‍ട്ട് പ്രഖ്യാപിക്കാത്ത മറ്റ് ജില്ലകളിലെല്ലാം നേരിയതോ, മിതമായ തോതിലോ ഒറ്റപ്പെട്ടയിടങ്ങളില്‍ മഴ പ്രതീക്ഷിക്കാം.

മുന്നറിയിപ്പ്

അതേസമയം, തെക്കന്‍ ബംഗാള്‍ ഉള്‍ക്കടലിന്റെ വടക്കന്‍ ഭാഗങ്ങള്‍ മധ്യ പടിഞ്ഞാറന്‍ ബംഗാള്‍ ഉള്‍ക്കടലിന്റെ തെക്കന്‍ ഭാഗങ്ങള്‍ എന്നിവിടങ്ങളില്‍ ഇന്ന്‌ മണിക്കൂറില്‍ 60-100 കിലോമീറ്റര്‍ വരെ വേഗത്തില്‍ അതിശക്തമായ കാറ്റിന് സാധ്യതയുണ്ടെന്ന് കാലാവസ്ഥ വകുപ്പ് മുന്നറിയിപ്പ് നല്‍കി.

തെക്കന്‍ ബംഗാള്‍ ഉള്‍ക്കടലിന്റെ മധ്യ പടിഞ്ഞാറന്‍ ബംഗാള്‍ ഉള്‍ക്കടലില്‍ തെക്കന്‍ ഭാഗങ്ങള്‍ എന്നിവിടങ്ങളില്‍ മണിക്കൂറില്‍ 55-75 കിലോമീറ്റര്‍ വരെ വേഗത്തില്‍ ശക്തമായ കാറ്റിനും പ്രതികൂല കാലാവസ്ഥയ്ക്കും ഇന്ന് സാധ്യതയുണ്ട്.

Also Read: Kerala Weather Update: കേരളപ്പിറവിയിൽ മഴ തകർക്കും! സംസ്ഥാനത്ത് യെല്ലോ അലർട്ട് ഈ ജില്ലകളിൽ

നാളെ ആന്ധ്രാപ്രദേശ് തീരം അതിനോട് ചേര്‍ന്ന മധ്യ പടിഞ്ഞാറന്‍ ബംഗാള്‍ ഉള്‍ക്കടല്‍ എന്നിവിടങ്ങളില്‍ മണിക്കൂറില്‍ 60-100 കി.മീ വേഗത്തില്‍ അതിശക്തമായ കാറ്റിന് സാധ്യതയുണ്ട്. മധ്യ പടിഞ്ഞാറന്‍ ബംഗാള്‍ ഉള്‍ക്കടലില്‍ മണിക്കൂറില്‍ 55-75 കി.മീ വരെ വേഗത്തില്‍ ശക്തമായ കാറ്റിനും മോശമായ കാലാവസ്ഥയ്ക്കും സാധ്യതയുണ്ട്.

ഇടിമിന്നലോടു കൂടിയ മഴ

സംസ്ഥാനത്ത് ഒറ്റപ്പെട്ടയിടങ്ങളില്‍ ഇന്ന് മുതല്‍ നവംബര്‍ നാലു വരെ ഇടിമിന്നലോടുകൂടിയ മഴയ്ക്കും മണിക്കൂറില്‍ 30-40 കി.മീ വരെ വേഗത്തില്‍ ശക്തമായ കാറ്റിനും സാധ്യതയുണ്ടെന്നാണ് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്.

ഇടിമിന്നലിനു സാധ്യതയുള്ളതിനാല്‍ ജനങ്ങള്‍ ജാഗ്രത പാലിക്കണം. ശക്തമായ കാറ്റിനും മിന്നലിനും സാധ്യതയുണ്ടെങ്കില്‍ വാതിലും ജനലും അടച്ചിടണം. സുരക്ഷിതമായ കെട്ടിടത്തിനുള്ളില്‍ തുടരണം. ഇടിമിന്നലിന്റെ പ്രാരംഭ ലക്ഷണം കാണുമ്പോള്‍ മുതല്‍ ജാഗ്രത പാലിക്കണം.

English Summary

The Indian Meteorological Department has issued a yellow alert for Kerala over the next four days. Today's alert covers Pathanamthitta, Alappuzha, Kottayam, and Idukki districts. Rain warnings will continue across various northern and central districts through November 4.

കേരള സംസ്ഥാന ഭാഗ്യക്കുറി വകുപ്പിൻ്റെ സമൃദ്ധി SM-79 ലോട്ടറിയുടെ ഫലം പ്രഖ്യാപിച്ചു. ഒരു കോടി രൂപയാണ് ലോട്ടറിയുടെ ഒന്നാം സമ്മാനം. രണ്ടാം സമ്മാനം 25 ലക്ഷം രൂപയും മൂന്നാം സമ്മാനം 5 ലക്ഷം രൂപയുമാണ്. ആദ്യത്തെ മൂന്ന് സമ്മാനങ്ങൾക്കും ഒരോ വിജയികൾ വീതമാണ് ഉണ്ടാവുക. എന്നാൽ മറ്റു സമ്മാനങ്ങൾ നിരവധി പേർക്ക് ലഭിക്കും. നാലാം സമ്മാനമായി ലഭിക്കുക 5000 രൂപയാണ്, അഞ്ചാം സമ്മാനം 2000 രൂപ, ആറാം സമ്മാനം നേടുന്നവർക്ക് 1000 രൂപ, ഏഴാം സമ്മാനമായി 500 രൂപ, എട്ടാം സമ്മാനം 200 രൂപ, ഒമ്പതാം സമ്മാനം 100 രൂപ എന്നിങ്ങനെയാണ് മറ്റു സമ്മാനത്തുകള്‍. സമാശ്വാസ സമ്മാനമായി 5000 രൂപ വീതം 11 പേർക്കും ലഭിക്കും.

സമൃദ്ധി ലോട്ടറിയുടെ ഇന്നത്തെ വിജയികൾ

ഒന്നാം സമ്മാനം 1 കോടി രൂപ

MA 847261

സമാശ്വാസ സമ്മാനം 5,000 രൂപ

MB 847261 MC 847261 MD 847261 ME 847261 MF 847261 MG 847261 MH 847261 MJ 847261 MK 847261 ML 847261 MM 847261

രണ്ടാം സമ്മാനം 25 ലക്ഷം രൂപ

ME 352847

മൂന്നാം സമ്മാനം 5 ലക്ഷം രൂപ

MK 247531

നാലാം സമ്മാനം 5,000 രൂപ

0141 0979 1500 1549 2299 4452 4669 5230 5246 6037 6339 6863 7191 7268 7670 8127 8616 9281 9692

അഞ്ചാം സമ്മാനം 2,000 രൂപ

3645 4628 7130 7474 8087 8424

ആറാം സമ്മാനം 1,000 രൂപ

0271 0900 1159 1211 1790 3500 4063 4409 4438 4770 4886 5264 5546 6046 6125 6653 6942 6947 7078 7239 7294 7380 7591 8101 8697

ഏഴാം സമ്മാനം 500 രൂപ

0028 0151 0249 0252 0296 0354 0415 0497 1167 1221 1234 1334 1348 1501 1771 1981 2012 2298 2436 2812 2846 2852 3385 3432 3798 3873 4107 4168 4326 4439 4461 4650 4806 4934 4962 5248 5306 5463 5697 5791 5804 5843 6050 6091 6241 6485 6491 6622 6673 6697 6778 6851 7143 7174 7205 7253 7337 7453 7531 7647 7752 8105 8209 8271 8419 8420 8744 9026 9049 9084 9239 9450 9467 9703 9879 9945

എട്ടാം സമ്മാനം 200 രൂപ

0200 0268 0613 0655 0672 0853 1239 1244 1795 1833 1866 1979 2021 2130 2159 2454 2462 2493 2605 2933 3097 3202 3357 3374 3382 3391 3445 3506 3511 3817 3829 4075 4220 4338 4436 4543 4592 4647 4687 4732 4932 5058 5261 5380 5467 5479 5522 5574 5580 5650 5655 5912 6049 6070 6183 6270 6317 6336 6468 6762 7019 7023 7050 7109 7192 7324 7465 7481 7492 7523 7558 7667 7815 7871 7969 8081 8152 8224 8299 8313 8460 8775 8826 9098 9159 9188 9247 9289 9318 9333 9714 9833

ഒൻപതാം സമ്മാനം 100 രൂപ

0017 0041 0043 0152 0197 0205 0280 0360 0369 0372 0513 0563 0618 0823 0859 0941 1028 1039 1166 1172 1296 1394 1443 1511 1514 1712 1779 1807 1812 1893 1939 1941 1958 2008 2045 2062 2152 2214 2285 2396 2459 2461 2492 2532 2592 2996 3029 3109 3641 3710 3713 3715 3727 3729 3737 3845 3999 4015 4059 4071 4131 4146 4206 4247 4281 4521 4556 4818 4904 4950 5025 5032 5052 5091 5125 5198 5210 5231 5252 5256 5379 5449 5510 5551 5590 5664 5667 5676 5741 5807 5820 5941 6077 6093 6097 6109 6124 6269 6350 6456 6499 6526 6573 6631 6658 6678 6690 6776 6825 6897 7046 7284 7334 7362 7485 7524 7607 7618 7635 7642 7682 7712 7934 7940 7981 8007 8085 8326 8336 8394 8440 8568 8576 8590 8653 8674 8700 8758 8803 8809 9250 9389 9616 9627 9643 9834 9871 9888 9946 9976

എല്ലാ ഞായറാഴ്ചകളിലുമാണ് ഈ ലോട്ടറിയുടെ നറുക്കെടുപ്പ് നടക്കുക. ജി.എസ്.ടി ഉൾപ്പടെ 50 രൂപയാണ് ടിക്കറ്റിൻ്റെ വില. തിരുവനന്തപുരത്തെ ഗോർക്കി ഹൗസിൽ വച്ചാണ് നറുക്കെടുപ്പ് നടന്നത്. മെക്കാനിക്കൽ ഡ്രോ മെഷിനുകൾ വഴി സുതാര്യമായാണ് ഭാഗ്യ നമ്പർ തിരഞ്ഞെടുക്കുക. വിശ്വാസ്യത ഉറപ്പാക്കുന്നതിനായി ഉന്നത അധികാരികളുടെ മേൽനോട്ടത്തിലാണ് നറുക്കെടുപ്പ് നടത്തുന്നത്. ജഡ്ജിമാർ പരിശോധിച്ച് രേഖയിൽ ഒപ്പ് വച്ചതിന് ശേഷം മാത്രമേ ലോട്ടറി ഫലം പ്രഖ്യാപിക്കു.

സമ്മാനം ലഭിച്ചാൽ എന്ത് ചെയ്യണം?

ഒരു ലക്ഷം രൂപക്ക് മുകളിലുള്ള സമ്മാനങ്ങൾക്ക് രേഖകൾ ഹാജരാക്കേണ്ടത് ആവശ്യമാണ്. ഫലം വന്ന് 30 ദിവസത്തിനകം ലോട്ടറി ടിക്കറ്റും രേഖളുമായി ബന്ധപ്പെട്ട് അധികാരികൾക്ക് അപേക്ഷ സമർപ്പിക്കണം. ടിക്കറ്റ് കൈമാറുന്നതിന് മുൻപായി അതിൻ്റെ പിൻ ഭാഗത്തായി വിജയി ഒപ്പിടേണ്ടതുണ്ട്. നൽകുന്ന വ്യക്തിഗത വിവരങ്ങൾ ആധാർ കാർഡിലെ വിവരങ്ങളുമായി പൊരുത്തപ്പെടണം എന്നത് നിർബ്ബന്ധമാണ്. ക്ലെയിം സമർപ്പിക്കുന്നതിനുള്ള അപേക്ഷാ ഫോമുകൾ ലോട്ടറി ഓഫീസുകളിലും ഓൺലൈൻ വഴിയും ലഭുമാണ്.

പ്രത്യേകം ശ്രദ്ധിക്കുക

സമ്മാനം ലഭിച്ച ടിക്കറ്റ് നൽകിയാൽ സമ്മാന തുക മുഴുവൻ നൽകാമെന്നും ടാക്സ് നൽകേണ്ടതില്ലെന്നും വിശ്വസിപ്പിച്ച് ടിക്കറ്റ് കൈവശപ്പെടുത്തി മുങ്ങുന്ന തരത്തിലുള്ള കുറ്റകൃത്യങ്ങൾ വർധിച്ചുവരികയാണ്. അതിനാൽ സമ്മാനം ലഭിച്ചു എന്ന് ഉറപ്പായാൽ ടിക്കറ്റ് ഔദ്യോഗിക മാർഗത്തിലൂടെ മാത്രം പണമാക്കുക. തട്ടിപ്പ് സംഘങ്ങളുടെ തന്ത്രങ്ങളിൽ വീണ് തേടിയെത്തിയ ഭാഗ്യത്തെ ഇല്ലാതാക്കാതിരിക്കുക.

English Summary

The results of the Kerala State Lottery Department's 'Samrudhi SM-79' lottery have been announced. The first prize is ₹1 crore. The draw was held at Gorky Bhavan in Thiruvananthapuram.

കോട്ടയം: കെ.കെ റോഡിൽ മുണ്ടക്കയം ചോറ്റിയിൽ വാഹനങ്ങൾ കൂട്ടിയിടിച്ച് നിരവധി യാത്രക്കാർക്കും വഴിയാത്രികർക്കും പരുക്ക്. ഞായറാഴ്ച രാവിലെ 8.15ന് ചോറ്റി ജങ്ഷനിൽ ആണ് ഏഴ് വാഹനങ്ങൾ കൂട്ടിയിടിച്ചുള്ള വമ്പൻ അ‌പകടം ഉണ്ടായിരിക്കുന്നത്. അഞ്ച് കാറുകളും ഒരു ഓട്ടോറിക്ഷയും ഒരു സ്കൂട്ടറും അ‌പകടത്തിൽപ്പെട്ടു. ഏകദേശം 11 പേർക്ക് പരുക്കേറ്റു. ഇവരിൽ എട്ടുപേരെ ഇരുപത്താറാം മൈലിലെ മേരീ ക്യൂൻസ് മിഷൻ ആശുപത്രിയിലും മൂന്നുപേരെ കാഞ്ഞിരപ്പള്ളി ജനറൽ ആശുപത്രിയിലും പ്രവേശിപ്പിച്ചു. കൂട്ടിക്കൽ, മടുക്ക, ചോറ്റി സ്വദേശികൾക്കാണ് പരിക്കേറ്റത്. ഇതിൽ മൂന്ന് പേർക്ക് സാരമായി പരുക്ക് ഉണ്ട്. അമിത വേഗത്തിലെത്തിയ കാർ മറ്റൊരു വാഹനത്തെ മറികടക്കുന്നതിനിടെ എതിരേ എത്തിയ വാഹനത്തിൽ ഇടിക്കുകയും തുടർന്ന് മറ്റു വാഹനങ്ങൾ കൂട്ടിയിടിക്കുകയുമായിരുന്നു എന്നാണ് വിവരം.

മദ്യപിക്കാൻ പണം കൊടുത്തില്ല, ഗ്യാസ് സിലിണ്ടർ സഹോദരന് നൽകി; അ‌മ്മയെ മകൻ ചവിട്ടിക്കൊന്നു

കൊച്ചി: മകന്റെ ചവിട്ടേറ്റ് അ‌മ്മയ്ക്ക് ദാരുണാന്ത്യം. ഫോർട്ട് കൊച്ചി അമരാവതിയിൽ ലക്ഷ്മി (78) എന്ന വയോധിക ആണ് കൊല്ലപ്പെട്ടത്. സംഭവത്തിൽ മകൻ കണ്ണനെ പോലീസ് കസ്റ്റഡിയിൽ എടുത്തു. മദ്യപിക്കാൻ പണം നൽകാത്തതിനെ തുടർന്നുണ്ടായ പ്രകോപനത്തിൽ അമ്മയെ മകൻ ക്രൂരമായി ആക്രമിക്കുകയായിരുന്നു.

Also Read: പ്രാർത്ഥനയുടെപേരിൽ 16 കാരിക്ക് പീഡനം, മതപണ്ഡിതനായ വ്ലോ​ഗർ അറസ്റ്റിൽ

കണ്ണൻ സ്ഥിരമായി മദ്യപിച്ച് വീട്ടിലെത്തി ലക്ഷ്മിയുമായി വാക്കു തർക്കത്തിൽ ഏർപ്പെടുകയും ദേഹോപദ്രവം ഏൽപ്പിക്കുകയും ചെയ്തിരുന്നു. കഴിഞ്ഞ ദിവസം രാത്രി, മദ്യപിക്കാൻ പണം ചോദിച്ചപ്പോൾ പണം കൊടുത്തില്ല. മാത്രമല്ല, വീട്ടിലുണ്ടായിരുന്ന ഗ്യാസ് സിലിണ്ടർ സഹോദരന് നൽകുകയും ചെയ്തിരുന്നു. ഇതിൽ പ്രകോപിതനായാണ് കണ്ണൻ അ‌മ്മയെ ചവിട്ടിയത് എന്നാണ് വിവരം.

ഭാര്യയെ ഉപദ്രവിക്കുന്നത് തടഞ്ഞ അ‌മ്മായിയമ്മയുടെ മൂക്ക് തകർത്തു; മരുമകൻ അറസ്റ്റിൽ

മല്ലപ്പള്ളി: മകളെ മർദിക്കുന്നത് തടയാൻ ശ്രമിക്കുന്നതിനിടെ, മരുമകന്റെ മർദനമേറ്റ് അ‌മ്മായിയമ്മയുടെ മൂക്ക് തകർന്നു. കുന്നന്താനം കൃഷ്ണവിലാസത്തിൽ മണിയമ്മ (63)യുടെ മൂക്കിന്റെ പാലമാണ് തകർന്നത്. സംഭവത്തിൽ കോട്ടയം തൃക്കൊടിത്താനം പാലക്കുളം കാലായിൽ പാലക്കുളം വീട്ടിൽ പ്രജീഷ് പ്രസന്ന​ൻ (32) അ‌റസ്റ്റിലായി.

മർദ്ദനമേറ്റ് രക്തം വാർന്ന് അവശനിലയിലായ മണിയമ്മയെ ചങ്ങനാശ്ശേരി താലൂക്ക് ആശുപത്രിയിൽ പ്രവേശിപ്പിച്ചു. ഒക്ടോബർ 24 -ന് രാത്രി 10 മണിയോടെ ആയിരുന്നു സംഭവം. കീഴ്വായ്പൂര് പോലീസ് അറസ്റ്റുചെയ്ത പ്രജീഷ് പ്രസന്നനെ പിന്നീട് തിരുവല്ല ജുഡീഷ്യൽ ഒന്നാംക്ലാസ് മജിസ്ട്രേറ്റ് കോടതിയിൽ ഹാജരാക്കി റിമാൻഡ് ചെയ്തു.

English Summary

Several passengers and pedestrians sustained injuries following a multi-vehicle collision at Chotti, Mundakayam, on K.K. Road. The major accident, involving seven vehicles, occurred at the Chotti junction at 8:15 AM on Sunday. The vehicles involved included five cars, an auto-rickshaw, and a scooter. Approximately 11 people were injured.

തിരുവനന്തപുരം: ജില്ലാ പഞ്ചായത്ത് അംഗവും കോൺഗ്രസ് നേതാവുമായ ശ്രീനാദേവി കുഞ്ഞമ്മയുടെയും ഫെനി നൈനാന്റെയും നേതൃത്വത്തിൽ അടൂർ പോലീസ് സ്റ്റേഷനിൽ നടത്തിയ അ‌തിക്രമത്തിൻ്റെ സിസിടിവി ദൃശ്യങ്ങൾ പുറത്തുവന്നതിന് പിന്നാലെ സംഭവത്തിൽ പത്തനംതിട്ട എസ്പിയോട് റിപ്പോർട്ട് തേടി ഡിജിപി റാവാഡ ചന്ദ്രശേഖർ. അടൂർ പൊലീസ് സ്റ്റേഷനിലെ ജനപ്രതിനിധികളുടെ അതിക്രമം ഗൗരവമുള്ള വിഷയമാണെന്ന് ഡിജിപി മാധ്യമങ്ങളോട് പ്രതികരിച്ചു. സ്റ്റേഷന് മുന്നിലുണ്ടായ സംഘർഷത്തിൻറെയും ലോക്കപ്പിലെ പ്രതിയോട് സംസാരിക്കാൻ ശ്രീനാദേവി കുഞ്ഞമ്മയ്ക്ക് അവസരം കൊടുത്തതിൻറെ സാഹചര്യം വിശദമാക്കാൻ ജില്ലാ പോലീസ് മേധാവിയോട് ഡിജിപി ആവശ്യപ്പെട്ടിട്ടുണ്ട്.

കഴിഞ്ഞ ജൂ​ലൈയിലാണ് ശ്രീനാദേവി കുഞ്ഞമ്മയുടെ നേതൃത്വത്തിൽ അ‌ടൂർ പോലീസ് സ്റ്റേഷനിൽ അ‌തിക്രമം ഉണ്ടായത്, ഇതിന്റെ സിസിടിവി ദൃശ്യങ്ങൾ കഴിഞ്ഞ ദിവസം പുറത്തുവന്നതോടെ സംഭവം വലിയ ചർച്ചയാകുകയായിരുന്നു. തന്നെ സാമൂഹിക മാധ്യമങ്ങളിലൂടെ അധിക്ഷേപിച്ചു എന്നുകാട്ടി ശ്രീനാദേവി കുഞ്ഞമ്മ യൂട്യൂബർ രാജൻ ജോസഫിനെതിരേ പരാതി നൽകിയിരുന്നു.

ALSO READ: പ്രിൻസിപ്പലിനെ സ്ഥലം മാറ്റി; മീനങ്ങാടി സ്കൂളിലെ വിനോദയാത്രയിൽ ചട്ടങ്ങൾ പാലിക്കപ്പെട്ടില്ലെന്ന് റിപ്പോർട്ട്

ശ്രീനാദേവിയുടെ പരാതിയിൽ, യൂട്യൂബറെ എറണാകുളത്തു നിന്നും അറസ്റ്റ് ചെയ്ത് അടൂർ പോലീസ് സ്റ്റേഷനിൽ എത്തിച്ചപ്പോഴാണ് വിവാദ സംഭവങ്ങൾ അ‌രങ്ങേറിയത്. രാജൻ ജോസഫുമായി എത്തിയ പോലീസ് ജീപ്പ് തടഞ്ഞു നിർത്തി ശ്രീനാദേവിയും സംഘവും ആക്രമിക്കാൻ ശ്രമിക്കുന്നതും പോലീസ് സ്റ്റേഷനുള്ളിലേക്ക് അതിക്രമിച്ചു കയറുന്നതും സിസിടിവി ദൃശ്യങ്ങളിലൂടെ പുറത്തുവന്നു.

പോലീസ് സ്റ്റേഷനുള്ളിലെ സെല്ലിനു മുന്നിലെത്തി രാജൻ ജോസഫിനോട് ശ്രീനാദേവി സംസാരിക്കുന്നതും ഭീഷണിപ്പെടുത്തുന്നതും സിസിടിവി ദൃശ്യങ്ങളിലുണ്ട്. അന്ന് പൊലീസിന്റെ ജോലി തടസ്സപ്പെടുത്തിയതിന് കേസെടുത്തിരുന്നെങ്കിലും കണ്ടാൽ അറിയാവുന്നവർ എന്ന് മാത്രമായിരുന്നു എഫ്ഐആർ. ശ്രീനാദേവി കുഞ്ഞമ്മയുടെയോ ഫെന്നി നൈനാന്റെയോ പേരുകൾ എഫ്ഐആറിൽ രേഖപ്പെടുത്താൻ പോലീസ് തയ്യാറായിരുന്നില്ല. ഈ കേസിൽ പിന്നീട് അ‌ന്വേഷണങ്ങൾ കാര്യമായി ഉണ്ടായതുമില്ല.

എന്നാൽ സിപിഎം വിവരാവകാശം വഴി സ്റ്റേഷനിലെ സിസിടിവി ദൃശ്യം കഴിഞ്ഞ ദിവസം പുറത്തുകൊണ്ടുവന്നു. ഇതിന് പിന്നാലെയാണ് ശ്രീനാദേവി കുഞ്ഞമ്മയുടെ പോലീസ് സ്റ്റേഷൻ അ‌തിക്രമം ചർച്ചയായത്. വീഡിയോ പുറത്തുവന്ന പശ്ചാത്തലത്തിൽ ഡിജിപിയുടെ ഇടപെടലിന് പിന്നാലെ ഡിവൈഎസ്പി തല അന്വേഷണത്തിന് എസ്പി നിർദേശം നൽകിയെന്നാണ് റിപ്പോർട്ട്. ഇതിൽ പൊലീസിൻ്റെ ഭാഗത്തുനിന്ന് വീഴ്ചയുണ്ടായോ, ശ്രീനാദേവിക്കും സംഘത്തിനും പൊലീസ് ഒത്താശ ചെയ്തോ എന്നുള്ള വിവരങ്ങൾ ഡിവൈഎസ്പി പരിശോധിക്കും.

പത്തനംതിട്ട എസ്പിയുടെ റിപ്പോർട്ട് കിട്ടിയ ശേഷം പോലീസിന് വീഴ്ചയുണ്ടോയെന്ന് ഡിജിപി തീരുമാനിക്കും. ജനപ്രതിനിധികൾ സ്റ്റേഷനിൽ വരുന്നത് സ്വഭാവികമെന്നും ‌അതിനപ്പുറം സംഭവിച്ചോ എന്ന് പരിശോധിക്കുമെന്നുമാണ് ഡിജിപി അ‌റിയിച്ചിരിക്കുന്നത്. അ‌തേസമയം, പൊലീസ് സ്റ്റേഷനിൽ യാതൊരു വിധ അതിക്രമവും നടത്തിയിട്ടില്ലെന്നും പരാതിക്കാരി എന്ന നിലയിൽ പ്രതിയെ തിരിച്ചറിയാനാണ് അവിടെയെത്തിയതെന്നുമാണ് ശ്രീനാദേവി കുഞ്ഞമ്മ പ്രതികരിച്ചിരിക്കുന്നത്.

English Summary

Following the emergence of CCTV footage showing an incident of misconduct at the Adoor Police Station- led by District Panchayat member and Congress leader Sreenadevi Kunjamma along with Feni Ninan-DGP Ravada Chandrasekhar has sought a report on the matter from the Pathanamthitta Superintendent of Police (SP). Speaking to the media, the DGP remarked that the misconduct by the elected representatives at the Adoor Police Station is a serious issue.

തിരുവനന്തപുരം: കഴിഞ്ഞ സർക്കാരിന്റെ കാലത്ത് കണ്ണൂരിൽ ആരോഗ്യമന്ത്രി വീണ ജോർജിനെ കെ എസ് യു പ്രവർത്തകർ ആക്രമി​ച്ച കേസിൽ പ്രത്യേക അന്വേഷണ സംഘം ഡിജിപിക്ക് റിപ്പോർട്ട് നൽകി. സംഭവത്തിൽ കെ എസ് യു വിന് ക്ലീൻ ചിറ്റ് നൽകുന്ന നിലയ്ക്കുള്ള റിപ്പോർട്ടാണ് എസ്ഐടി നൽകിയിരിക്കുന്നത്. മുൻ സർക്കാരിന്റെ കാലത്ത് വധശ്രമത്തിന് കേസെടുത്ത സംഭവം, പുതിയ സർക്കാർ വന്നതിന് പിന്നാലെ നടത്തിയ പുനരന്വേഷണത്തിൽ പെരുപ്പിച്ച് കാട്ടിയ കേസെന്ന നിലയിലേക്ക് മാറിയിരിക്കുന്നു എന്നതാണ് എസ്ഐടി റിപ്പോർട്ടിനെ ശ്രദ്ധേയമാക്കുന്നത്. വീണ ജോർജിനെ കെ എസ് യു പ്രവർത്തകർ ആക്രമിച്ചിട്ടില്ലെന്ന് പ്രത്യേക അന്വേഷണ സംഘം റിപ്പോർട്ടിൽ പറയുന്നു. ഈ റിപ്പോർട്ട് ഒപ്പിട്ട് കൈമാറിയതിന് തൊട്ടുപിന്നാലെ എസ്ഐടിയുടെ തലവനായിരുന്ന കെ.എ.പി. നാലാം ബറ്റാലിയൻ കമൻഡാന്റ് യു. പ്രേമൻ സർവീസിൽനിന്ന് വിരമിച്ചു.

ഇക്കഴിഞ്ഞ നിയമസഭാ തെരഞ്ഞെടുപ്പിന് മുമ്പ്, കണ്ണൂ‍ർ റെയിൽവേ സ്റ്റേഷനിൽവെച്ച് വീണാ ജോ‍ർജിനെതിരേ കെഎസ്‍യു പ്രവർത്തകർ നടത്തിയ കരിങ്കൊടി പ്രതിഷേധത്തിനിടെ മന്ത്രിക്ക് പരുക്കു പറ്റിയിരുന്നു. ഈ സംഭവത്തിൽ വധശ്രമം അടക്കമുള്ള വകുപ്പുകൾ ചുമത്തിയാണ് മുൻ സർക്കാർ കേസെടുത്തത്. എന്നാൽ യുഡിഎഫ് സർക്കാർ അ‌ധികാരത്തിൽ വന്നതിന് പിന്നാലെ കേസിൽ പുനരന്വേഷണം വന്നു.

Also Read: പാചകവാതക വിലയിൽ മാറ്റം; നവംബർ 1 മുതൽ പുതുക്കിയ നിരക്ക്

കെ.എ.പി. നാലാം ബറ്റാലിയൻ കമൻഡാന്റ് യു. പ്രേമന്റെ നേതൃത്വത്തിലുള്ള പ്രത്യേക അ‌ന്വേഷണ ടീമിനെയാണ് പുനരന്വേഷണത്തിനായി സർക്കാർ നിയോഗിച്ചത്. കെഎസ്‌യു പ്രവർത്തകർക്ക് വീണ ജോർജിൻ്റെ അടുത്ത് എത്താൻ കഴിഞ്ഞിരുന്നില്ലെന്നും പ്രതിഷേധത്തെ പെരുപ്പിച്ചു കാട്ടിയെന്നും ഇപ്പോൾ എസ്ഐടി ഡിജിപിക്ക് നൽകിയ അ‌ന്തിമ റിപ്പോർട്ടിൽ പറയുന്നു. ആക്രമിച്ചന്ന കേസ് ഗൺമാൻ മൊഴി മാറ്റിയതിനാൽ നിലനിൽക്കില്ല. കെഎസ്‌യു പ്രവർത്തകരും പൊലീസും തമ്മിൽ ഉന്തും തള്ളും ആണ് ഉണ്ടായത് എന്നാണ് എസ്ഐടി കണ്ടെത്തൽ.

മന്ത്രിയെ ആക്രമിച്ചെന്നു പറയുന്ന ആയുധങ്ങൾ കണ്ടെത്താൻ കഴിഞ്ഞിരുന്നില്ല എന്നും റിപ്പോർട്ടിലുണ്ട്. ഗണ്‍മാന്‍ അഭിലാഷ് നല്‍കിയ മൊഴിയുടെ അടിസ്ഥാനത്തിലാണ് നേരത്തെ അഞ്ച് കെ എസ് യു പ്രവര്‍ത്തകര്‍ക്കെതിരെ പൊലീസ് വധശ്രമമുള്‍പ്പെടെ ചുമത്തി കേസെടുത്തത്. എന്നാൽ ആയുധമുപയോഗിച്ച് പ്രതിഷേധക്കാര്‍ മന്ത്രിയെ അക്രമിക്കാന്‍ ശ്രമിച്ചെന്ന മൊഴി അഭിലാഷ് പ്രത്യേക അന്വേഷണ സംഘത്തിന് മുന്നില്‍ തിരുത്തിയിരുന്നു.

വീണയെ അക്രമിക്കാൻ ശ്രമിക്കുന്നത് കണ്ടില്ല എന്നായിരുന്നു എസ്ഐടിക്ക് ഗൺമാൻ നൽകിയ പുതിയ മൊഴി. വീണയുടെ നിർദേശ പ്രകാരമാണ് തെറ്റായ മൊഴി നൽകിയതെന്നും ഗൺമാൻ മൊഴി നൽകി. സംഭവത്തിൽ ഗൺമാനെതിരേ ഡിജിപിയുടെ വിവേചനാധികാരം ഉപയോഗിച്ച് നടപടി എടുക്കാവുന്നതാണെന്ന് എസ്ഐടി റിപ്പോർട്ടിലുണ്ട്. ഈ കേസുമായി ബന്ധപ്പെട്ട് വീണാ ജോർജിനും ഗൺമാൻ എം.എസ്. അഭിലാഷിനും എതിരേ കണ്ണൂർ എംഎൽഎ ടി.ഒ. മോഹനൻ നൽകിയ സ്വകാര്യ ഹർജി കോടതിയുടെ പരിഗണനയിൽ ഉള്ളതിനാൽ ഗൺമാനെതിരേ റിപ്പോർട്ടിൽ നേരിട്ട് നടപടി ശുപാർശ ചെയ്തിട്ടില്ല എന്നാണ് വിവരം.

English Summary

The Special Investigation Team (SIT) has submitted a final report to the Director General of Police (DGP) that effectively clears the KSU in the case involving an alleged attack on Health Minister Veena George in Kannur during the tenure of the previous government. The report states that KSU activists were unable to reach the Minister and that the scale of the protest had been exaggerated.

കൊച്ചി: നോര്‍ത്ത് പറവൂര്‍ മേഖലയിലൂടെ യാത്ര ചെയ്യുന്നവര്‍ ശ്രദ്ധിക്കുക. വഴിക്കുളങ്ങര-ആനച്ചാല്‍ റോഡില്‍ ടാറിങ് ജോലികള്‍ ആരംഭിക്കുന്നതിന്റെ ഭാഗമായി നവംബര്‍ 2 തിങ്കളാഴ്ച മുതല്‍ ഗതാഗത നിയന്ത്രണം ഏര്‍പ്പെടുത്തും. നവംബര്‍ 2, 3, 4 തീയതികളിലാണ് നിയന്ത്രണം. ഈ ദിവസങ്ങളില്‍ റോഡിലൂടെയുള്ള പതിവ് യാത്രയ്ക്ക് പകരം അധികൃതര്‍ നിര്‍ദേശിച്ച ബദല്‍ വഴികള്‍ ഉപയോഗിക്കണം.

ഇതോടെ ആലുവ, മാഞ്ഞാലി, വരാപ്പുഴ, എറണാകുളം തുടങ്ങിയ ഭാഗങ്ങളിലേക്ക് പോകുന്ന യാത്രക്കാര്‍ക്ക് യാത്രാമാര്‍ഗത്തില്‍ മാറ്റമുണ്ടാകും. പ്രത്യേകിച്ച് ജോലിക്കായും വിദ്യാഭ്യാസ ആവശ്യങ്ങള്‍ക്കായും ദിവസേന ഈ റോഡ് ഉപയോഗിക്കുന്നവര്‍ ഗതാഗത ക്രമീകരണം മുന്‍കൂട്ടി മനസിലാക്കണം.

ആലുവയില്‍ നിന്ന് എറണാകുളത്തേക്ക് പോകുന്നവര്‍ക്ക്

ആലുവ ഭാഗത്തുനിന്ന് വരാപ്പുഴ, എറണാകുളം മേഖലകളിലേക്ക് പോകുന്ന വാഹനങ്ങള്‍ ആനച്ചാല്‍ ജങ്ഷനില്‍ നിന്ന് വഴിമാറണം. ഇവിടെനിന്ന് ചേന്ദമംഗലം ജങ്ഷന്‍ വഴി യാത്ര തുടരാം. തുടര്‍ന്ന് മുനിസിപ്പല്‍ ജംങ്ഷന്‍, കെഎംകെ ജങ്ഷന്‍ എന്നിവയിലൂടെ ലക്ഷ്യസ്ഥാനത്തേക്ക് എത്താം. പതിവായി വഴിക്കുളങ്ങര-ആനച്ചാല്‍ റോഡ് ഉപയോഗിക്കുന്നവര്‍ ഈ ബദല്‍പാത പരിഗണിക്കണം. വഴിയില്‍ ഉണ്ടാകാനിടയുള്ള തിരക്ക് കൂടി കണക്കിലെടുത്ത് യാത്രയ്ക്ക് ആവശ്യമായ അധിക സമയം മാറ്റിവെക്കുന്നതും നല്ലതാണ്.

Also Read: Traffic Restrictions: തലസ്ഥാനത്ത് കുടുങ്ങുമോ? തിരുവനന്തപുരത്ത് പ്രധാന റോഡുകളിൽ ഗതാഗത നിയന്ത്രണം

എറണാകുളത്തു നിന്ന് ആലുവയിലേക്ക് പോകുന്നവര്‍ ശ്രദ്ധിക്കുക

എറണാകുളം ഭാഗത്തുനിന്ന് ആലുവ, മാഞ്ഞാലി ഭാഗങ്ങളിലേക്ക് പോകുന്ന വാഹനങ്ങള്‍ക്കും പ്രത്യേക വഴിയാണ് നിര്‍ദേശിച്ചിരിക്കുന്നത്. വഴിക്കുളങ്ങര ജങ്ഷനില്‍ നിന്ന് തിരിഞ്ഞ് പറവൂര്‍, പെരുവാരം, പുല്ലംകളം, ചേന്ദമംഗലം ജങ്ഷന്‍ വഴി യാത്ര തുടരാം.

മൂന്ന് ദിവസം യാത്രക്കാര്‍ ശ്രദ്ധിക്കേണ്ട കാര്യങ്ങള്‍

നവംബര്‍ 2 മുതല്‍ 4 വരെ മൂന്ന് ദിവസത്തേക്കാണ് ഗതാഗത നിയന്ത്രണം. ഈ കാലയളവില്‍ പ്രദേശത്തെ റോഡ് ജോലികള്‍ നടക്കുന്നതിനാല്‍ പതിവ് യാത്രാമാര്‍ഗം ഉപയോഗിക്കാന്‍ കഴിയാത്ത സാഹചര്യമുണ്ടാകും. അതിനാല്‍ യാത്ര തുടങ്ങുന്നതിന് മുമ്പ് ബദല്‍പാതകള്‍ മനസിലാക്കുന്നത് സമയനഷ്ടം ഒഴിവാക്കാന്‍ സഹായിക്കും. പ്രത്യേകിച്ച് രാവിലെ, വൈകുന്നേരം തിരക്കേറിയ സമയങ്ങളില്‍ യാത്ര ചെയ്യുന്നവര്‍ നേരത്തെ പുറപ്പെടാന്‍ ശ്രദ്ധിക്കണം. സ്‌കൂള്‍, ഓഫീസ്, മറ്റ് ആവശ്യങ്ങള്‍ എന്നിവയ്ക്കായി നിശ്ചിത സമയത്ത് എത്തേണ്ടവര്‍ യാത്രയ്ക്ക് കൂടുതല്‍ സമയം കണക്കാക്കുന്നത് ഉചിതമാണ്.

English Summary

Traffic restrictions will be in place on the Vazhikkulangara–Anachal road in North Paravur from November 2 to 4 due to tarring work. Vehicles travelling between Aluva, Ernakulam and nearby areas will have to use alternative routes.

തിരുവനന്തപുരം: സംസ്ഥാനത്ത് തത്സമയ വിപണിയിൽ നിന്ന് ആവശ്യത്തിന് വൈദ്യുതി ലഭിച്ചില്ലെങ്കിൽ നവംബർ രണ്ട് (നാളെ) മുതൽ വീണ്ടും കടുത്ത ലോഡ് ഷെഡ്ഡിംഗിനും വൈദ്യുതി നിയന്ത്രണങ്ങൾക്കും സാധ്യതയെന്ന് റിപ്പോർട്ട്. ഹിമാചൽ പ്രദേശിൽ നിന്ന് ലഭിച്ചിരുന്ന ഹ്രസ്വകാല വൈദ്യുതി സഹായത്തിന്റെ കാലാവധി അവസാനിച്ചതോടെയാണ് കെഎസ്ഇബി വീണ്ടും പ്രതിസന്ധിയിലായത്. കഴിഞ്ഞ മാസങ്ങളിൽ പീക്ക് സമയങ്ങളിൽ 850 മെഗാ വാട്ട് വരെ വൈദ്യുതി ഹിമാചൽ പ്രദേശിൽ നിന്ന് ലഭിച്ചിരുന്നു. ഇത് കേരളത്തിന് വലിയ ആശ്വാസമായിരുന്നു. എന്നാൽ ഈ കരാർ നവംബർ ഒന്നോടെ അവസാനിച്ചിരിക്കെയാണ് വൈദ്യുതി നിയന്ത്രണത്തിനുള്ള സാധ്യത മുന്നിൽ നിൽക്കുന്നത്.

ALSO READ: കെ -ടെറ്റ് ഇല്ലാത്ത അധ്യാപകരെ പിരിച്ചുവിടും; ഉത്തരവിട്ട് പൊതുവിദ്യാഭ്യാസ ഡയറക്ടർ

ഇന്ന് ഞായറാഴ്ച്ചയും പൊതു അവധിയും അയതിനാൽ സംസ്ഥാനത്തെ മൊത്തം വൈദ്യുതി ഉപഭോഗം കുറവുണ്ടാക്കുമെന്നാണ് കെഎസ്ഇബിയുടെ കണക്കുകൂട്ടൽ. ഇത് ഇന്നത്തെ ദിവസം പ്രതിസന്ധി ഒഴിവാക്കാൻ സഹായിക്കും. ഉത്തരേന്ത്യയിൽ ശൈത്യകാലം ആരംഭിക്കുന്നതോടെ അവിടെ വൈദ്യുതി ഉപഭോഗം കുറയുകയും ഉത്പാദനം കൂടുകയും ചെയ്യും. ഇത് തത്സമയ വിപണിയിൽ കേരളത്തിന് കൂടുതൽ വൈദ്യുതി ലഭ്യമാകാൻ കാരണമാകുമെന്നാണ് വിലയിരുത്തൽ.

ഈ മാസം 15 വരെയെങ്കിലും തത്സമയ വിപണിയിൽ നിന്ന് ആവശ്യത്തിന് വൈദ്യുതി വാങ്ങി ലോഡ് ഷെഡ്ഡിംഗ് ഒഴിവാക്കി പ്രതിസന്ധി പരിഹരിക്കാം എന്നാണ് കെഎസ്ഇബിയുടെയും സർക്കാരിന്റെയും നിലവിലെ കണക്കുകൂട്ടൽ. ആറ് സംസ്ഥാനങ്ങളിൽ അധിക വൈദ്യുതിക്കായി അന്വേഷിച്ചെങ്കിലും ലഭ്യത ഉറപ്പാക്കാനായില്ല എന്നാണ് റിപ്പോർട്ടുകൾ വ്യക്തമാക്കുന്നത്. മതിയായ വൈദ്യുതി കിട്ടിയില്ലെങ്കിൽ നിയന്ത്രണം അനിവാര്യമാകുമെന്ന് നേരത്തെ അധികൃതർ അറിയിച്ചിരുന്നു.

നിലവിൽ 800 മെഗാവാട്ട് വൈദ്യുതി കുറവ്

നിലവിൽ 800 മെഗാവാട്ട് വൈദ്യുതിയുടെ കുറവാണുള്ളത്. സംസ്ഥാനത്ത് ചൂട് കനത്ത് ഉപഭോഗം കൂടിയാൽ രാത്രികാല വൈദ്യുതിയുടെ കുറവ് ആയിരം മെഗാവാട്ട് കടക്കുമെന്നാണ് വിലയിരുത്തൽ. കെഎസ്ഇബി ചെയർമാൻ ആറ് സംസ്ഥാനങ്ങളിലെ ഉദ്യോഗസ്ഥരുമായി ചർച്ച നടത്തിയെങ്കിലും വൈദ്യുതി ലഭ്യത ഉറപ്പിക്കാനായില്ലെന്നത് നിയന്ത്രണത്തിന് കാരണമായേക്കാം. തത്സമയ മാർക്കറ്റിൽ മുന്നൂറ് മെഗാവാട്ടിനോട് അടുത്ത് വാങ്ങാനുള്ള സാധ്യത തെളിയുന്നത് മാത്രമാണ് നേരിയ ആശ്വാസം.

കേന്ദ്ര വിഹിതം കൂടുതൽ ആവശ്യപ്പെടുന്നതിനൊപ്പം സംസ്ഥാനത്ത് ലോഡ്ഷെഡിംഗ് തടയാനുള്ള എല്ലാ ബദൽ മാർഗങ്ങളും ആരായുകയാണെന്നും കെഎസ്ഇബി അറിയിച്ചു. ഉയർന്ന വില നൽകി ഹിമാചൽ പ്രദേശിൽ നിന്ന് വൈദ്യുതി വേണ്ടെന്ന സർക്കാർ തീരുമാനം ബോർഡിന് തിരിച്ചടിയായി. എന്നിരുന്നാലും മറ്റ് വ്യക്തമായ ബദൽ മാർഗങ്ങളൊന്നും നിർദേശിച്ചിട്ടില്ല. തത്സമയ വിപണിയിലെ ലഭ്യതയും വിലയും പരിഗണിച്ച് പരമാവധി പവർകട്ട് ഒഴിവാക്കാനുള്ള ശ്രമങ്ങളിലാണ് കെഎസ്ഇബി.

English Summary:

There is a possibility of load shedding starting tomorrow if electricity cannot be procured from the spot market. Supplies from Himachal Pradesh will cease effective today.

കൽപ്പറ്റ: വയനാട് മീനങ്ങാടി സ്കൂളിലെ വിനോദയാത്ര വിവാദത്തിൽ പ്രിൻസിപ്പൽ ഷിവി കൃഷ്ണനെതിരേ നടപടിയുമായി വിദ്യാഭ്യാസ വകുപ്പ്. മീനങ്ങാടി സ്കൂളിൽ നിന്ന് വടുവഞ്ചാൽ ഹയർ സെക്കൻഡറി സ്കൂളിലേക്ക് പ്രിൻസിപ്പലിനെ സ്ഥലം മാറ്റി. വിനോദയാത്രയുമായി ബന്ധപ്പെട്ട ചട്ടങ്ങൾ പാലിക്കുന്നതിൽ വീഴ്ച പറ്റിയെന്ന റിപ്പോർട്ടിന്റെ അ‌ടിസ്ഥാനത്തിലാണ് നടപടി. വിനോദയാത്രയ്ക്കിടെ പ്രിൻസിപ്പലും പിടിഎ പ്രസിഡന്റും മദ്യപിച്ചു എന്ന ആരോപണത്തെ തുടർന്നാണ് മീനങ്ങാടി സ്കൂളിലെ വിനോദയാത്ര വിവാദത്തിലായത്. വിദ്യാർഥികളുടെയും രക്ഷിതാക്കളുടെയും പ്രതിഷേധങ്ങളെ തുടർന്ന് പ്രിൻസിപ്പലിന്റെ രക്തപരിശോധന നടത്തുകയും ചെയ്തു. എന്നാൽ പരിശോധനയിൽ പ്രിൻസിപ്പൽ ഷിവി കൃഷ്ണന്റെ രക്തത്തിൽ മദ്യത്തിന്റെ സാന്നിധ്യമില്ല എന്നാണ് റിപ്പോർട്ട് വന്നത്.

മദ്യപിച്ചില്ല എന്ന് തെളിഞ്ഞെങ്കിലും, വിനോദയാത്രയുമായി ബന്ധപ്പെട്ട സർക്കാർ നിർദേശങ്ങൾ പാലിക്കുന്നതിൽ വീഴ്ചയുണ്ടായി എന്ന പേരിലാണ് ഇപ്പോൾ പ്രിൻസിപ്പലിനെതിരേ നടപടി വന്നിരിക്കുന്നത്. വിവാദത്തെ തുടർന്ന് ഹയർ സെക്കൻഡറി റീജണൽ ഡെപ്യൂട്ടി ഡയറക്ടറുടെ നേതൃത്വത്തിൽ അന്വേഷണം നടന്നിരുന്നു. വിനോദയാത്രയ്ക്കായി ആർആർഡിയിൽ നിന്ന് അനുമതി തേടിയില്ലെന്നും മൂന്നുദിവസം നടത്തേണ്ട യാത്ര 5 ദിവസം വരെ നീട്ടിയെന്നും അ‌ന്വേഷണത്തിൽ കണ്ടെത്തി.

ALSO READ: കെ -ടെറ്റ് ഇല്ലാത്ത അധ്യാപകരെ പിരിച്ചുവിടും; ഉത്തരവിട്ട് പൊതുവിദ്യാഭ്യാസ ഡയറക്ടർ

വിനോദയാത്രാ വിവാദത്തിൽ മീനങ്ങാടി സ്കൂൾ പിടിഎ പ്രസിഡന്റിനെ മാറ്റാനും നിർദേശമുണ്ട്. മീനങ്ങാടി സ്കൂളിൽ നിന്ന് ​ഹൈദരാബാദിലേക്ക് നടന്ന വിനോദയാത്രയുമായി ബന്ധപ്പെട്ട് സർക്കാരിന് അവമതിപ്പുണ്ടാക്കുന്ന കാര്യങ്ങളാണ് നടന്നത്. അതിന്റെ കൂടി അടിസ്ഥാനത്തിലാണ് പ്രിൻസിപ്പലിനെ സ്ഥലം മാറ്റാനുള്ള ഉത്തരവ് വന്നിരിക്കുന്നത്. അ‌തേസമയം സംഭവത്തിൽ രാഷ്ട്രീയ ഗൂഡാലോചന ഉണ്ടായിട്ടുണ്ടെന്നും തനിക്കെതിരെ നടന്ന നീക്കങ്ങൾക്കെതിരെ നിയമപരമായ നടപടികളെക്കുറിച്ച് ആലോചിക്കുമെന്നും പ്രിൻസിപ്പൽ ഷിവി കൃഷ്ണൻ പ്രതികരിച്ചു.

മീനങ്ങാടി സ്കൂളിൽ നിന്ന് ​ഹൈദരാബാദിലേക്ക് നടത്തിയ വിനോദയാത്രയ്ക്കിടെ പ്രിൻസിപ്പലും പിടിഎ പ്രസിഡന്റും മദ്യപിച്ചെന്ന വിദ്യാർഥികളുടെ വീഡിയോയിൽ നിന്നാണ് വിവാദങ്ങൾ തുടങ്ങിയത്. വീഡിയോ പുറത്തുവന്നതിന് പിന്നാലെ സ്കൂളിനു മുന്നിൽ പ്രതിഷേധവുമായി രക്ഷിതാക്കളും നാട്ടുകാരും രംഗത്തെത്തി. ഇത് വലിയ ചർച്ചയായി. തുടർന്ന് പൊലീസ് നടത്തിയ വൈദ്യപരിശോധനയിൽ പ്രിൻസിപ്പലിന്റെ രക്തത്തിൽ മദ്യത്തിന്റെ സാന്നിധ്യമില്ലെന്ന് വ്യക്തമായി.

മദ്യപിച്ചിട്ടില്ല എന്ന റിപ്പോർട്ട് വന്നതോടെ പ്രിൻസിപ്പലിനെ കുടുക്കാൻ ശ്രമം നടന്നതാണ് എന്ന നിലയ്ക്ക് വാദങ്ങൾ ഉയർന്നു. സത്യം തെളിഞ്ഞെന്നും തനിക്കെതിരെ നടന്നത് രാഷ്ട്രീയ ഗൂഢാലോചനയാണെന്നുമായിരുന്നു ഷിവി കൃഷ്ണന്റെ പ്രതികരണം. ഈ വിഷയത്തിൽ രാഷ്ട്രീയ മുതലെടുപ്പാണ് നടന്നതെന്നും ഇതിനു പിന്നിൽ പിടിഎ തെരഞ്ഞെടുപ്പുമായി ബന്ധപ്പെട്ട ചില പ്രശ്നങ്ങളും ഉണ്ടായിരുന്നുവെന്നുമാണ് പ്രിൻസിപ്പൽ പറയുന്നത്.

എന്നാൽ, പ്രിൻസിപ്പൽ മദ്യപിച്ചിട്ടില്ല എന്ന റിപ്പോർട്ട് വന്നിട്ടും വിവാദങ്ങൾ അ‌വസാനിച്ചിട്ടില്ല. സംഭവം നടന്ന് 12 മണിക്കൂർ വരെ വൈകിയാണ് രക്തസാമ്പിൾ ശേഖരിച്ചതെന്നും, അതുകൊണ്ടാണ് ഫലം നെഗറ്റീവായതെന്നും ഒരു വിഭാഗം ഇപ്പോഴും ആരോപിക്കുന്നു. യൂറിൻ പരിശോധനയ്ക്ക് പ്രിൻസിപ്പൽ വിസമ്മതിച്ചതിൽ ദുരൂഹതയുണ്ടെന്നാണ് ഇവർ വാദിക്കുന്നത്. എന്നാൽ യാത്രയിലുണ്ടായിരുന്ന ഒരു വിഭാഗം വിദ്യാർഥികൾ പ്രിൻസിപ്പൽ മദ്യപിച്ചിട്ടില്ല എന്ന നിലപാട് വ്യക്തമാക്കിയിട്ടുണ്ട്. ഈ നിലയ്ക്ക് വിവാദങ്ങൾ തുടരുന്നതിനിടെയാണ് ഇപ്പോൾ പ്രിൻസിപ്പലിന് സ്ഥലംമാറ്റം ഉണ്ടായിരിക്കുന്നത്.

English Summary

The Education Department has taken action against Shivi Krishnan, the principal of the school in Meenangadi, Wayanad, in connection with a controversy surrounding a school excursion. The principal has been transferred from the Meenangadi school to the Higher Secondary School in Vaduvanchal. This action follows a report indicating a failure to comply with the regulations governing school excursions. The controversy arose after allegations surfaced that the principal and the PTA president had consumed alcohol during the trip. However, a medical examination revealed no traces of alcohol in the principal's blood.

"ശ്യാമ സുന്ദര കേരകേദാര ഭൂമി..." 1956 നവംബർ ഒന്നിന് ഐക്യകേരളം രൂപീകൃതമായതിന്റെ 70-ാം ജന്മദിനം ഇന്ന് കേരളീയർ പ്രൗഢിയോടെ ആഘോഷിക്കുകയാണ്. മാതൃഭാഷയുടെ മധുരവും കസവിന്റെ പ്രൗഢിയും സമന്വയിക്കുന്ന ഈ ചരിത്രദിനം ലോകത്ത് എവിടെയാണെങ്കിലും മലയാളികൾ ആഘോഷിക്കാൻ മറക്കില്ല. ലോകമെമ്പാടുമുള്ള മലയാളികൾ തങ്ങളുടെ നാടിൻ്റെ പിറന്നാൾ ആഘോഷിക്കുന്ന ഈ വേളയിൽ അതിൻ്റെ ചരിത്രവും പ്രത്യേകതയും നമ്മൾ അറിയാതെ പോകരുത്. വരും തലമുറയ്ക്ക് പകർന്ന് നൽകാൻ ആ സുവർണ നാളുകളുടെ ഓർമകളിലേക്ക് ഒരിക്കൽ കൂടി തിരിഞ്ഞുനോക്കാം.

ALSO READ: ‘എൻ്റെ ഭാഷ, എൻ്റെ മണ്ണ്, എൻ്റെ അഭിമാനം!’; പ്രിയപ്പെട്ടവർക്ക് കേരളപ്പിറവി ആശംസകൾ നേരാം

കേരളപ്പിറവിയുടെ ചരിത്രം

കേരള, കേരളം എന്ന പേര് മാറ്റത്തിന് ശേഷമുള്ള ആദ്യ പിറവി എന്നതാണ് ഇക്കൊല്ല ഏറ്റവും വലിയ പ്രത്യേകത. 1956 നവംബർ ഒന്നിന് തിരുവിതാംകൂർ, കൊച്ചി, മലബാർ എന്നീ പ്രദേശങ്ങൾ കൂട്ടിച്ചേർത്ത് കേരള സംസ്ഥാനം രൂപീകരിച്ചത്. നമ്മുടെ സ്വന്തം കേരളത്തിന് ഇന്ന് 70 വയസ്സ് തികയുകയാണ്. സപ്തതിയുടെ നിറവിലുള്ള മലയാള നാട്ടിൽ പിറന്നതിലും ജീവിക്കുന്നതിലും ഓരോ നിമിഷവും അഭിമാനിക്കുന്നവരാണ് നമ്മൾ മലയാളികൾ.

എല്ലാ വർഷവും നവംബർ ഒന്നിനാണ് നമ്മൾ കേരളപ്പിറവി ദിനം ആചരിക്കുന്നത്. 1956 നവംബർ 1-ന് ഫസൽ അലി കമ്മീഷന്റെ ശുപാർശയോടെ തിരുവിതാംകൂർ, കൊച്ചി, മലബാർ എന്നീ പ്രദേശങ്ങൾ ഒന്നിച്ചുചേർന്ന് ഐക്യകേരളം പിറവികൊണ്ടു. വിദ്യാഭ്യാസം, ആരോഗ്യം, സാക്ഷരത, സാമൂഹിക പരിഷ്കരണം എന്നിവയിൽ ലോക ശ്രദ്ധയാകർഷിച്ച സവിശേഷമായ 'കേരള മോഡൽ' വികസനപാതയിൽ 70 വർഷം നമ്മൾ വിജയകരമായി പൂർത്തിയാക്കുകയാണ് ഇന്ന്.

ഏകദേശം 580 കിലോമീറ്റർ കടൽത്തീരമുള്ള കേരളത്തിലെ 14 ജില്ലകളിൽ 9 ജില്ലകൾ കടലിനോട് ചേർന്നുക്കിടക്കുന്നവയാണ്. 44 നദികൾ കേരളത്തിലൂടെ ഒഴുകുന്നതിൽ 41 എണ്ണം പടിഞ്ഞാറോട്ടും മൂന്ന് എണ്ണം കിഴക്കോട്ടുമാണ് ഒഴുകുന്നത്. തീരസമതലങ്ങൾ, ഇടനാട്, ഹൈറേഞ്ച്/മലയോര മേഖലകൾ എന്നിങ്ങനെ മൂന്നു പ്രധാന മേഖലകളായി തിരിച്ചതാണ് നമ്മുടെ ഈ കൊച്ചു കേരളം. 1956-ലെ സംസ്ഥാന പുനഃസംഘടനാ നിയമമാണ് കേരളത്തിന്റെ രൂപീകരണത്തിനും മറ്റു പല സംസ്ഥാനങ്ങളുടെ രൂപീകരണത്തിനും ആധാരമായത്.

എന്നാൽ കേരളം രൂപംകൊണ്ടതിന് ശേഷം ചില പ്രദേശങ്ങൾ നമ്മുടേത് അല്ലാതായി മാറുകയുണ്ടായി. അതായത് തമിഴ്നാടിൻ്റെ കന്യാകുമാരി ജില്ല. തിരുവിതാംകൂറിൽ നിന്ന് വേർപെടുത്തിയ തോവാളം, അഗസ്തീശ്വരം, കൽക്കുളം, വിളവങ്കോട് എന്നീ നാല് താലൂക്കുകളും ചെങ്കോട്ട താലൂക്കിന്റെ ഒരു ഭാഗവും മദ്രാസ് സംസ്ഥാനത്തോട് ചേർന്നു മാറുകയാണ് ഉണ്ടായത്. രൂപീകൃതമാകുമ്പോൾ ഇന്ത്യയിലെ സംസ്ഥാനങ്ങളിൽ ഏറ്റവും ചെറിയ സംസ്ഥാനമായിരുന്നു നമ്മുടെ കേരളം.

കേരളപ്പിറവി ആശംസകൾ

• എല്ലാ മലയാളി സഹോദരങ്ങൾക്കും ഹൃദയം നിറഞ്ഞ കേരളപ്പിറവി ആശംസകൾ
• ഒരു മലയാളിയായി ജനിച്ചതിൽ അഭിമാനിക്കാം. എല്ലാ മലയാളികൾക്കും കേരളപ്പിറവി ആശംസകൾ
• മലയാള നാടിന് ഇന്ന് 70 വയസ്സ്. ഏവർക്കും കേരളപ്പിറവി ആശംസകൾ
• കേരളം ഇന്ന് 70ൻ്റെ നിറവിൽ, ഏവർക്കും കേരളപ്പിറവി ആശംസകൾ
• ദൈവത്തിൻ്റെ സ്വന്തം നാടിന് എഴുപതാം പിറന്നാൾ. എല്ലാവർക്കും കേരളപ്പിറവി ആശംസകൾ

English Summary:

Kerala marks its landmark 70th Formation Day on November 1 2026, commemorating the historical unification of Malabar, Cochin, and Travancore in 1956 into a single linguistic state.

തിരുവനന്തപുരം: കേരളപ്പിറവി ദിനമായ ഇന്ന് സംസ്ഥാനത്ത് വരും മണിക്കൂറുകളിൽ ശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ് (Kerala Weather Update Today). ബംഗാൾ ഉൾക്കടലിൽ രൂപപ്പെട്ട ന്യൂനമർദ്ദത്തിന്റെയും അന്തരീക്ഷ ചുഴിയുടെയും സ്വാധീനഫലമായാണ് സംസ്ഥാനത്ത് മഴ വീണ്ടും ശക്തമാകുന്നത്. അടുത്ത മൂന്ന് മണിക്കൂറിൽ കേരളത്തിലെ തിരുവനന്തപുരം, കൊല്ലം ജില്ലകളിൽ ഒറ്റപ്പെട്ടയിടങ്ങളിൽ നേരിയ മഴയ്ക്ക് സാധ്യതയുണ്ടെന്നാണ് കേന്ദ്ര കാലാവസ്ഥ വകുപ്പ് അറിയിച്ചിരിക്കുന്നത്.

മഴയ്ക്കൊപ്പം മണിക്കൂറിൽ 30 മുതൽ 40 കിലോമീറ്റർ വരെ വേഗതയിൽ ശക്തമായ കാറ്റിനും ശക്തമായ ഇടിമിന്നലിനും സാധ്യതയുള്ളതിനാൽ പൊതുജനങ്ങൾ ഇടിമിന്നൽ ജാഗ്രത പാലിക്കേണ്ടതാണ്. ഇന്ന് കേരളത്തിൽ മൂന്ന് ജില്ലകളിലാണ് യെല്ലോ അലർട്ട് പ്രഖ്യാപിച്ചിരിക്കുന്നത്. പത്തനംതിട്ട, കോട്ടയം, ഇടുക്കി ജില്ലകളിലാണ് യെല്ലോ അലർട്ടുള്ളത്. നാളെ ഇടുക്കി, പാലക്കാട്, മലപ്പുറം, വയനാട് ജില്ലകളിലും , മൂന്നാം തീയതി കോഴിക്കോട്, വയനാട്, കണ്ണൂർ ജില്ലകളിലും, നാലാം തീയതി കണ്ണൂർ, കാസറഗോഡ് ജില്ലകളിലുമാണ് യെല്ലോ അലർട്ടുള്ളത്.

ALSO READ: വീണ്ടും ചുഴലിക്കാറ്റ് മുന്നറിയിപ്പ്; മുരാസു ആഞ്ഞടിക്കുമോ?

ബംഗാൾ ഉൾക്കടലിൽ വീണ്ടും ചുഴലിക്കാറ്റ്

ബംഗാൾ ഉൾക്കടലിലെ ശക്തികൂടിയ ന്യൂനമർദം ചുഴലിക്കാറ്റായി മാറാമെന്ന മുന്നറിയിപ്പിന്റെയും, തെക്കുകിഴക്കൻ അറബിക്കടലിലെ ചക്രവാതചുഴിയുടെയും സ്വാധീനത്തിൽ സംസ്ഥാനത്ത് നവംബർ ഒന്ന് മുതൽ നാല് വരെ ഇടിമിന്നലോട് കൂടിയ ശക്തമായ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് പ്രഖ്യാപിച്ചു. തെക്കുകിഴക്കൻ ബംഗാൾ ഉൾക്കടലിലും ആൻഡമാൻ കടലിലും സ്ഥിതിചെയ്യുന്ന ശക്തികൂടിയ ന്യൂനമർദം അടുത്ത 6 മണിക്കൂറിനുള്ളിൽ തീവ്ര ന്യൂനമർദമായും തുടർന്ന് 24 മണിക്കൂറിനുള്ളിൽ ചുഴലിക്കാറ്റായും മാറാൻ സാധ്യതയുണ്ട്. നവംബർ 2-ഓടെ ഇത് ആന്ധ്രാപ്രദേശ് തീരത്തേക്ക് നീങ്ങും.

അതിശക്തമായിരുന്ന 'അർണബ്' ചുഴലിക്കാറ്റിന്റെ ശേഷിപ്പ് യുപിക്ക് മുകളിലും, മഹാരാഷ്ട്ര തീരത്ത് ചക്രവാതചുഴിയായും നിലനിൽക്കുന്നുണ്ട്. അറബിക്കടലിൽ നിന്നും ഇങ്ങോട്ട് നീളുന്ന ന്യൂനമർദ പാത്തി കേരളത്തിൽ വരും ദിവസങ്ങളിൽ മഴയ്ക്ക് കാരണമാകും. ഇവയുടെ എല്ലാം സ്വാധീനഫലമായി നവംബർ 1 മുതൽ 4 വരെ കേരളത്തിൽ ഒറ്റപ്പെട്ട സ്ഥലങ്ങളിൽ 24 മണിക്കൂറിൽ 7 മുതൽ 11 സെന്റീമീറ്റർ വരെ മഴ ലഭിക്കാം. 30 മുതൽ 40 കി.മീ വേഗതയുള്ള ശക്തമായ കാറ്റിനും ഇടിമിന്നലിനും സാധ്യതയുണ്ട്.

വരും ദിവസങ്ങളിലെ കാലാവസ്ഥ പ്രവചനം

1. 01 (ഇന്ന്- ഞായർ): പത്തനംതിട്ട, കോട്ടയം, ഇടുക്കി എന്നീ ജില്ലകളിലാണ് യെല്ലോ അലർട്ട്. മറ്റെല്ലാ ജില്ലകളിലും ​ഗ്രീൻ അലർട്ടാണ്.
2. 02 (തിങ്കൾ): ഇടുക്കി, പാലക്കാട്, മലപ്പുറം, വയനാട് എന്നീ ജില്ലകളിലാണ് യെല്ലോ അലർട്ട്. മറ്റെല്ലാ ജില്ലകളിലും ​ഗ്രീൻ അലർട്ടാണ്.
3. 03 (ചൊവ്വ): കോഴിക്കോട്, വയനാട്, കണ്ണൂർ എന്നീ ജില്ലകളിലാണ് യെല്ലോ അലർട്ട്. മറ്റെല്ലാ ജില്ലകളിലും ​ഗ്രീൻ അലർട്ടാണ്.
4. 04 (ബുധൻ): കണ്ണൂർ, കാസറഗോഡ് എന്നീ ജില്ലകളിലാണ് യെല്ലോ അലർട്ട്. മറ്റെല്ലാ ജില്ലകളിലും ​ഗ്രീൻ അലർട്ടാണ്.

English Summary:

IMD has issued a heavy rainfall advisory for Kerala from November 1 to 4, driven by a well-marked low-pressure system over the Bay of Bengal set to intensify into a cyclonic storm.

തിരുവനന്തപുരം: കെ -ടെറ്റ് യോഗ്യതയില്ലാതെ നിയമനമോ സ്ഥാനക്കയറ്റമോ ലഭിച്ച അധ്യാപകരെ പിരിച്ചുവിടും. ഇത് സംബന്ധിച്ച ഉത്തരവിറക്കി പൊതുവിദ്യാഭ്യാസ ഡയറക്ടർ. 2025 സെപ്റ്റംബർ ഒന്നിന് ശേഷം കെ -ടെറ്റ് ഇല്ലാതെ നിയമിക്കപ്പെട്ടവരെയാണ് പിടിച്ചുവിടുക. എയ്ഡഡ് സ്കൂളിലെ അധ്യാപകരെ മാതൃതസ്ഥിതിയിലേക്ക് തിരിച്ചയക്കാൻ മാനേജർമാർക്കും നിർദ്ദേശം നൽകിയിട്ടുണ്ട്. ഈ യോഗ്യത ഇല്ലാത്തവർക്ക് ഇടത് സർക്കാരിന്റെ കാലത്തിളവുകൾ നൽകിയിരുന്നു.

ബോണ്ട് എഴുതിക്കൊണ്ട് പ്രമോഷന് അംഗീകാരം നൽകാമെന്നായിരുന്നു നിലപാട് സ്വീകരിച്ചിരുന്നത്. ഈ ഇളവുകളാണ് നിലവിൽ പൊതുവിദ്യാഭ്യാസ വകുപ്പ് പിൻവലിച്ചിരിക്കുന്നത്. കെ ടെറ്റുമായി ബന്ധപ്പെട്ട യുഡിഎഫ് സർക്കാർ വ്യക്തതക്കായി സുപ്രീംകോടതി നൽകിയതായി റിപ്പോർട്ട് വ്യക്തത വരുന്നവരെ ഇളവുകൾ നൽകേണ്ടതില്ല എന്നാണ് സ്വീകരിച്ചിരിക്കുന്ന നിലപാട്.

ALSO READ:വ്യാജ നെയ്യ് തട്ടിപ്പിലെ പങ്കാളി കുറഞ്ഞ തുക ക്വാട്ട് ചെയ്തു; ശബരിമല നെയ് ടെൻഡറുകൾ റദ്ദാക്കി തിരുവിതാംകൂർ ദേവസ്വം ബോർഡ്

ഇളവ് നൽകിയാൽ ഭാവിയിൽ നിയമപ്രശ്നങ്ങൾ നേരിടേണ്ടി വരുമെന്നും വിലയിരുത്തൽ. മാത്രമല്ല പുതിയ തീരുമാനം സംസ്ഥാനത്ത് ആയിരത്തിനടുത്ത് അധ്യാപകരെ ബാധിക്കുമെന്നാണ് നിലവിലെ കണക്കുകൂട്ടൽ അധ്യാപക വിരുദ്ധ നിലപാട് പിൻവലിക്കണമെന്ന് അധ്യാപക സംഘടനകളും ആവശ്യപ്പെടുന്നുണ്ട്.

ENGLISH SUMMARY

Teachers who secured appointments or promotions without K-TET (Kerala Teacher Eligibility Test) qualification will be dismissed. The Director of General Education has issued an order to this effect. The dismissal will apply to those appointed without K-TET after September 1, 2025. Furthermore, managers of aided schools have been instructed to return teachers to their original positions (parent institutions).

തിരുവനന്തപുരം: സംസ്ഥാനത്ത് നാളെയും മറ്റന്നാളും (നവംബർ 1,2) റേഷൻ കടകൾ അവധിയായിരിക്കും. ഒക്ടോബർ മാസത്തേക്കുള്ള റേഷൻ വിതരണം ഇന്നത്തോടെ ( ഒക്ടോബർ 31 ) അവസാനിച്ചു. നവംബർ മാസത്തിലെ റേഷൻ വിതരണം ചൊവ്വാഴ്ച മുതലാണ് (നവംബർ 3) ആരംഭിക്കുക.

നവംബർ മാസത്തിലെ റേഷൻ വിതരണം

അന്ത്യോദയ അന്ന യോ​ജന AAY -അന്ത്യോദയ അന്ന യോ​ജന കാർഡിന് 30 കിലോ അരിയും 2 കിലോ ഗോതമ്പും സൗജന്യമായും 3 പായ്കറ്റ് ആട്ട 7 രൂപ നിരക്കിലും ലഭിക്കും

മുൻ​ഗണനാ വിഭാ​ഗം PHH - മുൻ​ഗണനാ വിഭാ​ഗം PHH കാർഡിലെ ഓരോ അംഗത്തിനും 4 കിലോ അരിയും 1 കിലോ ഗോതമ്പും സൗജന്യമായി ലഭിക്കും. അതാത് കടകളിലെ സ്റ്റോക്കിനനുസൃതമായി ഗോതമ്പിന് പകരം പരമാവധി 4 പായ്കറ്റ് ആട്ട, 9 രൂപാ നിരക്കിൽ, ലഭിക്കുന്നതാണ്

Also Read: എടിഎം വഴി റേഷൻ വാങ്ങാം! ആദ്യ പരീക്ഷണം തിരുവനന്തപുരത്ത്

പൊതു വിഭാഗം സബ്‌സിഡി (NPS) - എൻപിഎസ് കാർഡിലെ ഓരോ അംഗത്തിനും 2 കിലോ അരി വീതം കിലോയ്ക്ക് 4 രൂപ നിരക്കിലും സ്പെഷ്യൽ വിഹിതമായി 2 കിലോ അരി, കിലോയ്ക്ക് 10.90 രൂപ നിരക്കിലും 3 കിലോ ഗോതമ്പ് കിലോയ്ക്ക് 8.70 രൂപാ നിരക്കിലു, അതാത് താലൂക്കിലെ സ്റ്റോക്കിനനുസൃതമായി ലഭിക്കും.
സ്റ്റോക്കിനനുസരിച്ച് കാർഡിന് 4 കിലോ വരെ ആട്ട കിലോയ്ക്ക് 17 രൂപാ നിരക്കിലും കിട്ടുന്നതാണ്.

പൊതു വിഭാഗം (NPNS) - പൊതു വിഭാഗം NPNS കാർഡിന് 6 കിലോ അരി കിലോയ്ക്ക് 10.90 രൂപ നിരക്കിൽ ലഭിക്കും കൂടാതെ സ്പെഷ്യൽ വിഹിതമായി 3 കിലോ ഗോതമ്പ് കിലോയ്ക്ക് 8.70 നിരക്കിലും, അതാത് താലൂക്കിലെ സ്റ്റോക്കിനനുസൃതമായി ലഭിക്കുന്നതാണ്. സ്റ്റോക്കിനനുസരിച്ച് കാർഡിന് 4 കിലോ ​ഗ്രാം വരെ ആട്ട കിലോയ്ക്ക് 17 രൂപക്ക് വാങ്ങാം.

പൊതു വിഭാഗം സ്ഥാപനം (NPI) - NPI കാർഡിന് 2 കിലോ അരി കിലോയ്ക്ക് 10.90 രൂപ വിലയിൽ ലഭിക്കും. സ്പെഷ്യൽ വിഹിതമായി 3 കിലോ ഗോതമ്പ് കിലോയ്ക്ക് 8.70 രൂപക്ക് താലൂക്കിലെ സ്റ്റോക്കിനനുസൃതമായി ലഭിക്കും. കൂടാടെ സ്റ്റോക്കിനനുസരിച്ച് കാർഡിന് 1 കിലോ ആട്ട കിലോയ്ക്ക് 17 രൂപക്ക് കിട്ടുന്നതാണ്.
ഇതിന് പുറമെ, അതാത് റേഷൻ കടകളിൽ ബാക്കിയുള്ള OMSS Special അരിയുടെ സ്റ്റോക്കിനനുസരിച്ച്, NPS, NPNS, NPI കാർഡുകൾക്ക് അധിക വിഹിതമായി പരമാവധി 10 കിലോ​ ​ഗ്രാം അരിയും . PHH കാർഡകൾക്ക് അധിക വിഹിതമായി പരമാവധി 3 കിലോ അരിയ്യം കിലോയ് 26 രൂപ നിരക്കിൽ കിട്ടുന്നതാണ്.

മണ്ണെണ്ണ വിഹിതം ഇങ്ങനെ

2026 ഒക്ടോബർ-നവംബർ-ഡിസംബർ ക്വാർട്ടറിൽ, വൈദ്യുതി ഉള്ള വീടുകളിലെ AAY കാർഡിന് ആകെ 1 ലിറ്റർ മണ്ണെണ്ണയും, PHH, NPS, NPNS കാർഡുകൾക്ക് ആകെ 0.5 ലിറ്റർ മണ്ണെണ്ണയും, വൈദ്യുതി ഇല്ലാത്ത വീടുകളിലെ കാർഡുകൾക്ക് ആകെ 6 ലിറ്റർ മണ്ണെണ്ണയും കിട്ടുന്നതാണ്.

English Summary

Ration shops in the state will remain closed tomorrow and the day after (November 1 and 2). The distribution of rations for the month of October concluded today (October 31). The distribution of rations for the month of November will commence on Tuesday (November 3).

തിരുവനന്തപുരം : സംസ്ഥാനത്ത് മൂന്നു ബാറുകൾക്ക് ലൈസൻസ് അനുവദിച്ചതിൽ ഉദ്യോഗസ്ഥരുടെ നടപടി ശരിവെച്ചു കൊണ്ടുള്ള എക്സൈസ് കമ്മീഷണറുടെ റിപ്പോർട്ട് തള്ളി വകുപ്പ് മന്ത്രി എം ലിജു. നിയമാനുസൃതമാണ് ബാർ ലൈസൻസ് നൽകിയത് എന്ന എക്സൈസ് കമ്മീഷണറുടെ നിലപാട് തള്ളിക്കൊണ്ട് രണ്ട് ഡെപ്യൂട്ടി കമ്മീഷണർമാരെ സർക്കാർ സസ്പെൻഡ് ചെയ്യുകയുണ്ടായി. മുൻ എൽഡിഎഫ് സർക്കാരിന്റെ ഉത്തരവുകളുടെ പിൻബലത്തിൽ തീരുമാനമെടുക്കുന്ന ഉദ്യോഗസ്ഥർക്കെതിരെ കർശനമായ നടപടി ഉണ്ടാകും എന്നാണ് മന്ത്രി എം ലിജു മുന്നറിയിപ്പ് നൽകിയിരിക്കുന്നത്. പുതിയതായി അനുവദിച്ച ബാർ ലൈസൻസുകൾ റദ്ദാക്കുന്നതിനുള്ള നിയമോപദേശം സർക്കാർ തേടിയിട്ടുണ്ട്.

പുതിയ മദ്യ നയവുമായി ബന്ധപ്പെട്ട് യുഡിഎഫിൽ ചർച്ചകൾ പുരോഗമിക്കുകയാണ്. അതിനിടയാണ് മന്ത്രി അറിയാതെ എറണാകുളത്തെ രണ്ടും കോട്ടയത്തെ ഒരു ബിയർ പാർലറിനും വിദേശ മദ്യം വിൽക്കുന്നതിനുള്ള ബാർ ലൈസൻസ് നൽകിയത്. താൻ അറിയാതെയുള്ള നടപടിയിൽ മന്ത്രിക്ക് കടുത്ത അതൃപ്തി ഉണ്ടായിരുന്നു. സ്റ്റാർ ഹോട്ടൽ ഉള്ള ബിയർ വൈൻ ലൈസൻസികൾക്ക് അവിടെ വിദേശമദ്യ വില്പന അനുമതി നൽകാമെന്നുള്ളതാണ് നിലവിലെ ചട്ടം. ബാർ പൂട്ടിയപ്പോൾ വിദേശ മദ്യ വില്പനയ്ക്കുള്ള ലൈസൻസ് നഷ്ടമായവർക്കാണ് ഇത്തരത്തിൽ അനുമതി നൽകുന്നത്.

Also Read: ബെഡ്‌റൂമില്‍ ദമ്പതികളുടെ മൃതദേഹം; മകന്‍ സ്റ്റോര്‍ റൂമില്‍ മരിച്ച നിലയില്‍; ചങ്ങനാശേരിയെ ഞെട്ടിച്ച് കൂട്ടമരണം

ഈ ചട്ടത്തിന്റെ ചുവട് പിടിച്ചാണ് സർക്കാരിന്റെ അനുമതിയില്ലാതെ ഡെപ്യൂട്ടി എക്സൈസ് കമ്മീഷണർമാർ വിദേശ മദ്യ വില്പനക്കുള്ള ലൈസൻസ് ബാറുകൾക്ക് അനുവദിച്ചത്. ലൈസൻസ് അനുവദിച്ച ഡെപ്യൂട്ടി കമ്മീഷണർ മാരായ പി കെ സതീഷ്, പി എൽ ഷിബു എന്നിവരെ അടിയന്തരമായി സസ്പെൻഡ് ചെയ്യാൻ എക്സൈസ് വകുപ്പ് മന്ത്രി ആവശ്യപ്പെടുകയായിരുന്നു. ഉദ്യോഗസ്ഥർ നിലവിലെ ചട്ടം പാലിച്ചാണ് തീരുമാനമെടുത്തത് എന്ന എക്സൈസ് കമ്മീഷണറുടെ റിപ്പോർട്ട് തള്ളിയായിരുന്നു മന്ത്രിയുടെ ഈ നടപടി.

കമ്മീഷണറുടെ റിപ്പോർട്ട് ചോർന്നതിലും മന്ത്രിക്ക് കടുത്ത അതൃപ്തിയാണ് ഉള്ളത്. നേരത്തെ ബേക്കറി വഴി വൈൻ വിൽക്കാനുള്ള എക്സൈസ് തീരുമാനവും മന്ത്രി അറിഞ്ഞിരുന്നില്ല. തുടർന്ന് ഈ തീരുമാനം മരവിപ്പിക്കുകയും ചെയ്തു. സംഭവത്തിൽ അബ്കാരി ചുമതലമുണ്ടായിരുന്ന ഡെപ്യൂട്ടി കമ്മീഷണറെ സ്ഥാനത്തുനിന്ന് നീക്കുകയും ഉണ്ടായി. പുതിയ ബാർ ലൈസൻസുകൾക്കായി നിരവധി അപേക്ഷകളാണ് സർക്കാരിന് മുന്നിൽ കെട്ടിക്കിടക്കുന്നത്. പുതിയ മദ്യ നയം വന്നതിനുശേഷം ലൈസൻസ് നൽകാമെന്നാണ് ഇക്കാര്യത്തിൽ സർക്കാർ ഹൈക്കോടതിയെ നിലപാട് അറിയിചിട്ടുള്ളത്.

English Summary

Kerala Excise Minister M. Liju has rejected the Excise Commissioner's report, which had upheld the actions of officials regarding the granting of licenses to three bars in the state. Dismissing the Excise Commissioner's stance that the bar licenses were issued in accordance with the law, the government has suspended two Panchayat Commissioners.

തിരുവനന്തപുരം: ശബരിമലയിലെ നെയ് ടെൻഡറിൽ ക്രമക്കേട് കണ്ടെത്തിയതിനെ തുടർന്ന് തിരുവിതാംകൂർ ദേവസ്വം ബോർഡ് നടപടി സ്വീകരിച്ചു. കഴിഞ്ഞവർഷത്തെ മിൽമ വ്യാജ നെയ്യ് കേസില്‍ പങ്കാളിയായ തമിഴ്നാട്ടിലെ വ്യാപാരിയാണ് ഇത്തവണത്തെ ടെൻഡറിൽ ഏറ്റവും കുറഞ്ഞ തുക ക്വാട്ട് ചെയ്തത്. കഴിഞ്ഞതവണ മിൽമ നെയ്യ് മറച്ചുവിറ്റ ട്രാൻസ്പോർട്ട് കരാറുകാരനുമായി ബന്ധമുള്ളയാളാണ് ഈ വ്യാപാരി എന്ന് അന്വേഷണത്തിൽ വ്യക്തമായി.

ഈ പശ്ചാത്തലത്തിൽ ബോർഡ് പ്രസിഡന്റ് കെ ജയകുമാറിന്റെ നിർദ്ദേശപ്രകാരം തമിഴ്നാട്ടിലെ വ്യാപാരിയുടേത് ഉൾപ്പെടെ മൂന്ന് ടെൻഡറുകളും റദ്ദാക്കിയതായാണ് റിപ്പോർട്ട്. കഴിഞ്ഞവർഷം മിൽമയുടെ പത്തനംതിട്ട യൂണിറ്റിൽനിന്നും നെയ്യ് എത്തിക്കാൻ കരാറെടുത്ത് വ്യക്തിയാണ് തമിഴ്നാട്ടിലെ വ്യാപാരിക്ക് നെയ്യ് മറിച്ച് വിറ്റത്. വിജിലൻസ് അന്വേഷണവും അറസ്റ്റും പുരോഗമിക്കുന്നതിനിടയിലാണ് തട്ടിപ്പിൽ പങ്കാളികളായ സംഘം പുതിയ ടെൻഡറുകൾക്കായി വീണ്ടും എത്തിയത്.

ALSO READ:പിഎസ്‍സി പരീക്ഷാ ക്രമക്കേട്: ചെയർമാൻ എംആർ ബൈജുവിനേയും അംഗങ്ങളേയും പ്രതികളാക്കി കേസ്

അതേസമയം ഇത്തവണ മിൽമ ടെൻഡറിൽ പങ്കെടുത്തിരുന്നില്ല എന്നും എന്നാൽ വന്ന ടെൻഡറിൽ ക്രമക്കേടുകൾ ഉള്ളതായി മനസ്സിലാക്കി എന്നും ദേവസ്വം ബോർഡ് പ്രസിഡന്റ് കെ ജയകുമാർ വ്യക്തമാക്കി. 1,60000 ലിറ്റർ നെയ്യനാണ് ആദ്യം ടെൻഡർ വിളിച്ചിരുന്നത് എങ്കിലും ഇത്രയും നീയ്യ് ശബരിമലയിലേക്ക് ആവശ്യമില്ലെന്നാണ് ബോർഡ് വിലയിരുത്തുന്നത്.ഇതിന്റെ അടിസ്ഥാനത്തിൽ അമ്പതിനായിരം ലിറ്റർ മാത്രം കണക്കാക്കി പുതിയ ടെൻഡർ വിളിക്കാനാണ് തീരുമാനിച്ചിരിക്കുന്നത്. ചെറുകിട വിതരണക്കാർക്ക് ഉൾപ്പെടെ പങ്കെടുക്കാൻ കഴിയുന്ന വിധത്തിൽ അടുത്തയാഴ്ചയോടെ പുതിയ നടപടികൾ പൂർത്തിയാക്കുന്നതാണ് തിരുവിതാംകൂർ ദേവസ്വം ബോർഡ് അറിയിച്ചിരിക്കുന്നത്.

ENGLISH SUMMARY

The Travancore Devaswom Board has taken action following the discovery of irregularities in the tender for the supply of ghee at Sabarimala. The lowest bid for the current tender was submitted by a trader from Tamil Nadu who was implicated in last year’s case involving the sale of spurious ghee under the 'Milma' brand. Investigations have revealed that this trader is linked to the transport contractor who, on the previous occasion, had diverted and sold off the Milma ghee.

കേരളത്തില്‍ നവംബര്‍ ഒന്ന് മുതല്‍ നാല് വരെ ഒറ്റപ്പെട്ട സ്ഥലങ്ങളില്‍ ശക്തമായ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ്. 24 മണിക്കൂറില്‍ ഏഴ് മുതല്‍ 11 സെ.മീ വരെ മഴയ്ക്ക് സാധ്യതയുണ്ട്. നവംബര്‍ നാലു വരെ ഇടിമിന്നലോടുകൂടിയ മഴയ്ക്കും മണിക്കൂറില്‍ 30-40 കിലോമീറ്റര്‍ വേഗത്തില്‍ ശക്തമായ കാറ്റിനും സാധ്യതയുണ്ട്. ബംഗാള്‍ ഉള്‍ക്കടലില്‍ വീണ്ടും ചുഴലിക്കാറ്റ് മുന്നറിയിപ്പ് പുറപ്പെടുവിച്ചിട്ടുണ്ട്. തെക്കു കിഴക്കന്‍ ബംഗാള്‍ ഉള്‍ക്കടലിനും ആന്‍ഡമാന്‍ നിക്കോബാര്‍ ദ്വീപുകള്‍ക്കും ആന്‍ഡമാന്‍ കടലിനും മുകളിലായി ശക്തിയേറിയ ന്യൂനമര്‍ദ്ദം തുടരുന്നുണ്ട്. അടുത്ത ആറു മണിക്കൂറില്‍ ഇത് തീവ്ര ന്യൂനമര്‍ദ്ദമായി ശക്തി പ്രാചിച്ചേക്കുമെന്ന് ഇന്ന് (ഒക്ടോബര്‍ 31) ഉച്ചയ്ക്ക് ഒരു മണിക്ക് പുറപ്പെടുവിച്ച മുന്നറിയിപ്പില്‍ കേന്ദ്ര കാലാവസ്ഥ വകുപ്പ് വ്യക്തമാക്കി.

തുടര്‍ന്നുള്ള 24 മണിക്കൂറില്‍ ഇത് വീണ്ടും ശക്തി പ്രാപിച്ച് ചുഴലിക്കാറ്റായി മാറാനാണ് സാധ്യത. ചുഴലിക്കാറ്റ് രൂപപ്പെട്ടാല്‍ 'മുരാസു' എന്ന പേരാകും നല്‍കുക. തുടര്‍ന്ന് പടിഞ്ഞാറ്-വടക്കുപടിഞ്ഞാറ് ദിശയില്‍ നീങ്ങി നവംബര്‍ രണ്ടിന് വൈകുന്നേരത്തോടെ മധ്യ-പടിഞ്ഞാറന്‍ ബംഗാള്‍ ഉള്‍ക്കടലില്‍ ആന്ധ്രാപ്രദേശ് തീരത്തിന് സമീപം എത്താന്‍ സാധ്യതയുണ്ട്.

Also Read: Kerala Weather Update: കേരളപ്പിറവിയിൽ മഴ കനക്കും? സംസ്ഥാനത്തെ കാലാവസ്ഥ ഇങ്ങനെ

അര്‍ണബ് ചുഴലിക്കാറ്റിന്റെ ശേഷിപ്പ് തെക്കുകിഴക്കന്‍ ഉത്തര്‍പ്രദേശിനും സമീപപ്രദേശങ്ങള്‍ക്കും മുകളിലായി ന്യൂനമര്‍ദ്ദമായി സ്ഥിതി ചെയ്യുന്നുണ്ടെന്ന് കാലാവസ്ഥ വകുപ്പ് അറിയിച്ചു. തെക്കന്‍ മഹാരാഷ്ട്ര തീരത്തിനും, സമീപപ്രദേശങ്ങള്‍ക്കും മുകളിലായി ചക്രവാതച്ചുഴിയും സ്ഥിതി ചെയ്യുന്നുണ്ട്. തെക്കന്‍ കേരള-കര്‍ണാടക തീരത്തിന് അടുത്തുള്ള തെക്കുകിഴക്കന്‍ അറബിക്കടലില്‍ നിന്ന് തെക്കന്‍ മഹാരാഷ്ട്ര തീരത്തിന് സമീപത്തുള്ള ഉയര്‍ന്ന ചക്രവാതച്ചുഴിയിലേക്ക് ഒരു ന്യൂനമര്‍ദ്ദ പാത്തി നിലനില്‍ക്കുന്നുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.

വിവിധ ജില്ലകളില്‍ യെല്ലോ അലര്‍ട്ട്‌

ഇന്ന് ഒരു ജില്ലയിലും യെല്ലോ അലര്‍ട്ട് പ്രഖ്യാപിച്ചിട്ടില്ല. എന്നാല്‍ തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, പാലക്കാട്, മലപ്പുറം ജില്ലകളില്‍ മിതമായ തോതിലും, മറ്റ് ജില്ലകളിലും നേരിയ തോതിലും മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. നവംബര്‍ ഒന്ന് മുതല്‍ നാല് വരെ സംസ്ഥാനത്ത് എല്ലാ ജില്ലകളിലും ഒറ്റപ്പെട്ടയിടങ്ങളില്‍ മഴ പ്രതീക്ഷിക്കാം. യെല്ലോ അലര്‍ട്ടുള്ള ജില്ലകളില്‍ ശക്തമായ മഴയും, മറ്റിടങ്ങളില്‍ മിതമായ തോതിലും മഴയ്ക്ക് സാധ്യതയുണ്ടെന്നാണ് മുന്നറിയിപ്പ്.

English Summary

A new low-pressure area in the Bay of Bengal is expected to intensify into a cyclonic storm named 'Murasu'. The storm is predicted to move towards the Andhra Pradesh coast by November 2. Kerala will experience heavy rainfall and gusty winds from November 1 to 4. The IMD has issued a yellow alert for several districts.

തിരുവനന്തപുരം: കേരള സംസ്ഥാന ഭാ​ഗ്യക്കുറി വകുപ്പിന്റെ ഏറ്റവും ജനീകയമായ ലോട്ടറിയാണ് കാരുണ്യ ഭാ​ഗ്യക്കുറി. എല്ലാ ശനിയാഴ്ചകളിലുമാണ് കാരുണ്യ ലോട്ടറിയുടെ നറുക്കെടുപ്പ് നടക്കുന്നത്. കാരുണ്യ ഭാ​ഗ്യക്കുറിയുടെ (Karunya KR 774) ഇന്നത്തെ നറുക്കെടുപ്പ് ഫലം പുറത്ത് വന്നിരിക്കുകയാണ്. ഒരു കോടി രൂപ ഒന്നാം സമ്മാനം ലഭിക്കുന്ന കാരണ്യ ലോട്ടറിയുടെ ഒരു ടിക്കറ്റിന് 50 രൂപയാണ് നിരക്ക് വരുന്നത്.
കാരുണ്യ ലോട്ടറിയുടെ നറുക്കെടുപ്പിന്റെയും വിജയ നമ്പറുകളുടെയും എല്ലാ വിവരങ്ങളും ഒറ്റനോട്ടത്തിൽ അറിയാം. തിരുവനന്തപുരം ബേക്കറി ജംഗ്ഷന് സമീപത്തുള്ള ഗോർക്കി ഭവനിൽ ഉച്ചയ്ക്ക് 3 മണി മുതൽ നടന്ന നറുക്കെടുപ്പിലാണ് കാരുണ്യ ലോട്ടറി വിജയികളെ തിരഞ്ഞെടുത്തത്.

സമ്മാനത്തുകകൾ ഇങ്ങനെ

കാരുണ്യ ലോട്ടറിയുടെ ഓന്നാം സമ്മാനം ലഭിക്കുന്നത് ഒരു കോടിയാണെങ്കിൽ രണ്ടാം സമ്മാനം സ്വന്തമാക്കുന്ന വിജയിക്ക് 25 ലക്ഷം രൂപയാണ് ലഭിക്കുക. മൂന്നാം സ്ഥാനം നേടുന്ന വിജയിക്ക് സമ്മാനത്തുകയായി 10 ലക്ഷം രൂപയും സ്വന്തമാക്കാം. ഈ ഉയർന്ന ആദ്യ മൂന്ന് സമ്മാനങ്ങൾക്ക് പുറമെ മറ്റ് നിരവധി പേർക്ക് ചെറിയ തുകകളിലൂടെ വിജയികളാകാനുള്ള അവസരവും ഭാഗ്യക്കുറി വകുപ്പ് നൽകുന്നുണ്ട്. 5,000 രൂപ വീതം 11 പേർക്കാണ് സമാശ്വാസ സമ്മാനവും കിട്ടും. അതിന് പുറമെ നാലാം സമ്മാനമായി 5,000 രൂപയും, അഞ്ചാം സമ്മാനമായി 2,000 രൂപയും, ആറാം സമ്മാനമായി 1,000 രൂപയും വിജയികൾക്ക് സ്വന്തമാക്കാൻ കഴിയുന്ന തരത്തിലാണ് കാരുണ്യ ലോട്ടറിയുടെ സമ്മാന ഘടന നിശ്ചയിച്ചിരിക്കുന്നത്. ഏഴാം സമ്മനമാമായി 500 രൂപയും, എട്ടാം സമ്മാനമായി 200 രൂപയും, ഒൻപതാം സമ്മാനമായി 100 രൂപാ വീതവും വിജയികൾക്ക് നേടാം.

Also Read: എടിഎം വഴി റേഷൻ വാങ്ങാം! ആദ്യ പരീക്ഷണം തിരുവനന്തപുരത്ത്

ഇത്തന്നെ സുവർണ കേരളം ലോട്ടറിയുടെ വിജയ നമ്പറുകൾ നോക്കാം

ഒന്നാം സമ്മാനം 1 കോടി രൂപ

KG 501790 (KOZHIKKODE)

സമാശ്വാസ സമ്മാനം 5,000 രൂപ

KA 501790
KB 501790
KC 501790
KD 501790
KE 501790
KF 501790
KH 501790
KJ 501790
KK 501790
KL 501790
KM 501790

രണ്ടാം സമ്മാനം 25 ലക്ഷം രൂപ

KB 845961 (KOTTAYAM)

മൂന്നാം സമ്മാനം 10 ലക്ഷം രൂപ

KM 364503 (KOLLAM)

നാലാം സമ്മാനം 5,000 രൂപ

0054 0061 0908 1220 1459 1461 2503 3251 3277 3611 3737 3973 4107 5065 7212 7328 7996 9383 9887

അഞ്ചാം സമ്മാനം 2,000 രൂപ

1243 1832 4547 5765 6026 9703

ആറാം സമ്മാനം 1,000 രൂപ

0027 0707 0819 1327 1383 1427 1966 2633 2724 2806 2998 4237 4814 5177 5231 6088 6195 6279 6829 7075 7588 7726 7956 7964 9587

ഏഴാം സമ്മാനം 500 രൂപ

0031 0141 0634 0745 0757 0773 1171 1238 1286 1561 1852 2336 2534 2719 2738 2784 2858 2898 3134 3446 3490 3495 3575 3610 3742 3779 3801 3834 3851 4138 4194 4404 4543 4964 5012 5016 5349 5358 5385 5841 6155 6413 6448 6878 6996 7004 7024 7243 7299 7383 7609 7785 7786 7829 7974 8020 8039 8060 8122 8124 8136 8704 8902 8955 9147 9176 9200 9254 9385 9629 9662 9733 9738 9856 9904 9993

എട്ടാം സമ്മാനം 200 രൂപ

ഒൻപതാം സമ്മാനം 100 രൂപ

സമ്മാനം ലഭിക്കുന്നവർ ഇക്കാര്യങ്ങൾ ഒർക്കുക

കാരുണ്യ ലോട്ടറി ഉൾപ്പെടെയുള്ള എല്ലാ ഭാ​ഗ്യക്കുറികളുടെയും നറുക്കെടുപ്പ് പൂർത്തിയാക്കി ഫലം പ്രഖ്യാപിച്ച് കഴിഞ്ഞ് മുപ്പത് ദിവസത്തിനുള്ളിൽ തന്നെ ഭാ​ഗ്യശാലികൾ സമ്മാനത്തുക സ്വീകരിക്കാനുള്ള നപടികൾ നോക്കണം. സമ്മാനത്തിന് അർഹമായ ലോട്ടറി ടിക്കറ്റുകൾ കേടുപാടുകൾ കൂടാതെ സുരക്ഷിതമായി സൂക്ഷിക്കാൻ വിജയികൾ പ്രത്യേകം ഓർമ്മിക്കുക. ടിക്കറ്റ് വാങ്ങിയ ഉടൻ തന്നെ ലോട്ടറിയുടെ ഒപ്പ് രേഖപ്പെടുത്താൻ മറക്കരുത്.

നിരാകരണം – കാരുണ്യ ലോട്ടറി നറുക്കെടുപ്പുമായി ബന്ധപ്പെട്ട ഈ ലേഖനം വായനക്കാരുടെ താൽപ്പര്യപ്രകാരം മാത്രം എഴുതിയതാണ്. ടിവി 9 ഒരിക്കലും ലോട്ടറികളെ പ്രോത്സാഹിപ്പിക്കുന്നില്ല. വായനക്കാർ അവരുടെ ജീവിത വിധി മാറ്റാൻ ഒരിക്കലും ഭാഗ്യക്കുറിയെ ആശ്രയിക്കാതിരിക്കുക.

English Summary

Are you waiting for the results of today’s Suvarna Karunya KR 774 Lottery from the State Lottery Department. Check All Winning Numbers and Draw Details Here. If so, here are the details regarding the draw, the winning numbers, and the steps to follow if you win a prize.

സൈബർ കുറ്റകൃത്യങ്ങളെ സൈബർ സുരക്ഷ കൊണ്ട് പ്രതിരോധിക്കുക എന്ന് നടൻ മമ്മൂട്ടി. ആറ്റംബോംബ് ഊർജ്ജം ഉത്പാദിപ്പിക്കാനും ലോകത്തെ നശിപ്പിക്കാനും പറ്റുന്ന കണ്ടുപിടുത്തമാണ് അതുപോലെതന്നെ ഒരു കണ്ടുപിടിത്തമാണ് ഇന്റർനെറ്റ് എന്നും മമ്മൂട്ടി പറഞ്ഞു. കുറ്റകൃത്യങ്ങൾക്കെതിരെ ജാഗ്രത പുലർത്താൻ സാമാന്യ വിദ്യാഭ്യാസം പോരെന്നും ഓരോരുത്തരും ക്ലിക്കിന്റെ ക്യാപ്റ്റൻമാർ ആകണമെന്ന് അദ്ദേഹം പറഞ്ഞു.

നടൻ മമ്മൂട്ടിക്കെതിരെ കഴിഞ്ഞ ദിവസങ്ങളിലായി വലിയ രീതിയിലുള്ള സൈബർ ആക്രമണമാണ് ഉണ്ടായത്. ഇതിനു പിന്നാലെയാണ് താരത്തിന്റെ ഈ രീതിയിലുള്ള പ്രതികരണം എന്നതും ശ്രദ്ധേയം. സൈബർ ലോകത്ത് ഒളിയമ്പെയ്യുന്ന ഒരുപാട് പേരുണ്ട്. അവരിൽ മുഖം ഉള്ളവരും മുഖമില്ലാത്തവരും ഉണ്ട്. ഇവരെ തിരിച്ചറിഞ്ഞ് സുരക്ഷയുള്ള സൈബർ ലോകം കെട്ടിപ്പടുക്കണമെന്ന് മമ്മൂട്ടി പറഞ്ഞു.

ALSO READ:ഏതെങ്കിലും ചില സംഭവങ്ങളുടെ പേരില്‍ പ്രതിഭകളെ വിലയിരുത്തരുത്; മമ്മൂട്ടി മലയാളികളുടെ സ്വകാര്യ അഹങ്കാരം; ചിന്ത ജേറോം

സംസ്ഥാന പോലീസിന്റെ പുതിയ സൈബർ സുരക്ഷാ പദ്ധതി ' CLICK' സംസ്ഥാനതല ഉദ്ഘാടന വേളയിലായിരുന്നു മമ്മൂട്ടിയുടെ പ്രതികരണം. പദ്ധതിയുടെ ഉദ്ഘാടനം നിർവഹിച്ചത് ആഭ്യന്തരമന്ത്രി രമേശ് ചെന്നിത്തലയാണ് ഈ പദ്ധതിയുടെ ക്യാപ്റ്റനായി ആണ് നടൻ മമ്മൂട്ടിയെ പ്രഖ്യാപിച്ചത്.

ഈ വേളയിൽ നടൻ മമ്മൂട്ടിക്കെതിരെ കഴിഞ്ഞ ദിവസങ്ങളിൽ നടന്ന സൈബർ ആക്രമണത്തെ രമേശ് ചെന്നിത്തല വിമർശിച്ചു. മമ്മൂട്ടി സൈബർ ആക്രമണം നേടുന്നയാളാണ് നമ്മളെല്ലാം സൈബർ ആക്രമണം നേരിടുന്നവരെ എന്നും ചെന്നിത്തല പറഞ്ഞു. 54000 സൈബർ കുറ്റകൃത്യങ്ങളാണ് കഴിഞ്ഞവർഷം മാത്രം പോലീസ് രജിസ്റ്റർ ചെയ്തത് 250 ഓളം എൻജിനീയറിങ് കോളേജിൽ സൈക്കിൾ സുരക്ഷാ കേന്ദ്രങ്ങൾ ആരംഭിക്കും.

സൈബർ സുരക്ഷയ്ക്കായി 5 കാര്യങ്ങളാണ് നിർവഹിക്കുക. ഒന്ന് ശബ്ദവും വ്യത്യസ്തവുമായ പാസ്സ്‌വേർഡുകൾ, 2 സ്റ്റപ് വെരിഫിക്കേഷൻ അപ്ഡേഷൻ, ക്ലിക് ചെയ്യും മുമ്പ് ശ്രദ്ധിക്കുക, തട്ടിപ്പിനിര യായാൽ ഉടൻ പരാതി നൽകുക എന്നിവയാണ്. നവംബർ മൂന്നു മുതൽ ആഭ്യന്തരമന്ത്രിയുടെ ഓഫീസ് ഡിജിറ്റലൈസ് ചെയ്യുമെന്നും ചെന്നിത്തല വ്യക്തമാക്കി.

ENGLISH SUMMARY

Actor Mammootty stated that cybercrimes should be countered through cybersecurity. He compared the internet to the atomic bomb—an invention capable of both generating energy and destroying the world. He further remarked that general education alone is insufficient to remain vigilant against such crimes; instead, everyone must become a "captain of their own clicks."

കോട്ടയം: ചങ്ങനാശേരിയില്‍ ഒരു കുടുംബത്തിലെ മൂന്ന് പേരെ മരിച്ച നിലയില്‍ കണ്ടെത്തി. ചങ്ങനാശേരി എസ്ബി കോളേജിന് സമീപം കരിങ്ങട വീട്ടില്‍ സാജു (64), ഭാര്യ അനു (59), മകന്‍ സബിന്‍ (34) എന്നിവരാണ് മരിച്ചത്. തൂങ്ങി മരിച്ച നിലയിലാണ് മൂന്ന് പേരുടെയും മൃതദേഹങ്ങള്‍ കണ്ടെത്തിയത്. കുടുംബത്തിന് സാമ്പത്തിക പ്രയാസങ്ങളുണ്ടായിരുന്നുവെന്നാണ് വിവരം. നേരത്തെ ഇവര്‍ക്ക് പലചരക്കുകടയുണ്ടായിരുന്നു. ഇപ്പോള്‍ വീടിന്റെ മുകള്‍നിലയില്‍ ഹോംസ്‌റ്റേ നടത്തിവരികയായിരുന്നു. ചങ്ങനാശേരി പൊലീസ് സംഭവസ്ഥലത്തെത്തി മേല്‍നടപടികള്‍ സ്വീകരിച്ചു. ബെഡ്‌റൂമിലാണ് സാജുവിന്റെയും ഭാര്യയുടെയും മൃതദേഹം കണ്ടെത്തിയത്. മകന്റെ മൃതദേഹം സ്റ്റോര്‍ റൂമിലായിരുന്നു.

ഇന്ന് രാവിലെ ഫോണില്‍ വിളിച്ചിട്ട് കിട്ടാത്തതിനെ തുടര്‍ന്ന് ബന്ധുക്കള്‍ വീട്ടിലെത്തി നടത്തിയ അന്വേഷണത്തിലാണ് മൂവരെയും മരിച്ച നിലയില്‍ കണ്ടെത്തിയത്. പ്രാഥമിക പരിശോധനയില്‍ അതിക്രമങ്ങള്‍ നടന്നതിന്റെ സൂചനകള്‍ കണ്ടെത്തിയിട്ടില്ല. സംഭവം ആത്മഹത്യയാണെന്നാണ് പ്രാഥമിക നിഗമനം. അസ്വഭാവിക മരണത്തിന് പൊലീസ് കേസെടുത്തു. സബിന്റെ ഭാര്യ വിദേശത്താണ്.

ജയബാലകൃഷ്ണന്റെ വീട് സന്ദര്‍ശിച്ച് ചെന്നിത്തല

അതേസമയം, ചേരാനല്ലൂരില്‍ 17-കാരന്‍ ഓടിച്ച ബെന്‍സ് കാറിടിച്ച് മരിച്ച ജയബാലകൃഷ്ണന്റെ വീട് ആഭ്യന്തരമന്ത്രി രമേശ് ചെന്നിത്തല സന്ദര്‍ശിച്ചു. സര്‍ക്കാര്‍ കുടുംബത്തിനൊപ്പമാണെന്നും, കേസ് ശരിയായ ദിശയില്‍ പോകുമെന്നും ചെന്നിത്തല പറഞ്ഞു. കുടുംബം ആവശ്യപ്പെടുന്നയാളെ പബ്ലിക് പ്രോസിക്യൂട്ടറാക്കുമെന്നും അദ്ദേഹം വ്യക്തമാക്കി.

Also Read: യുവതിക്കൊപ്പം പാർക്കിൽ എത്തി, കൊച്ചിയിൽ ഊഞ്ഞാൽ ചങ്ങല കഴുത്തിൽ കുരുങ്ങി യുവാവ് മിരിച്ച നിലയിൽ

നീതിയും നിയമവും എല്ലാവര്‍ക്കും ഒരുപോലെയാണ്. ലഹരി ഉപയോഗിച്ച് വാഹനം ഓടിക്കുന്നവര്‍ക്കെതിരെ കര്‍ശന നടപടി സ്വീകരിക്കും. അപ്പീലിലെ പ്രോസിക്യൂഷന്‍ പിഴവ് ഗുരുതരമല്ലെന്നും, അത് തിരുത്തിയിട്ടുണ്ടെന്നും അദ്ദേഹം വ്യക്തമാക്കി.

നിയമങ്ങള്‍ കാര്യക്ഷമമല്ല എന്ന് പരാതികളുണ്ട്. പരിഷ്‌കരണത്തിന്റെ കാര്യം ആലോചിച്ച് തീരുമാനിക്കും. പ്രോസിക്യൂഷന്‍ ഭാഗത്തുനിന്ന് ശക്തമായ നടപടികളുണ്ടാകും. 17-കാരന് ജാമ്യം കൊടുത്തതിനെതിരെ ജില്ലാ കോടതിയില്‍ അപ്പീല്‍ നല്‍കി. അതിന്റെ വാദം കേട്ടുകഴിഞ്ഞു. ജയബാലകൃഷ്ണന്റെ കുടുംബത്തിന് നീതി ഉറപ്പാക്കുക എന്നത് സര്‍ക്കാരിന്റെ ഉത്തരവാദിത്തമാണ്. ജയബാലകൃഷ്ണന്റെ മകള്‍ ഭദ്രകീര്‍ത്തി തനിക്ക് മകളെ പോലെയാണെന്നും അദ്ദേഹം പറഞ്ഞു. മുഖ്യമന്ത്രിയും ആഭ്യന്തരമന്ത്രിയും നല്‍കിയ ഉറപ്പില്‍ വിശ്വാസമുണ്ടെന്നായിരുന്നു ഭദ്രകീര്‍ത്തിയുടെ പ്രതികരണം.

(ശ്രദ്ധിക്കുക: ആത്മഹത്യ ഒന്നിനും പരിഹാരമല്ല, മാനസികാരോഗ്യ വിദഗ്ധരുടെ സഹായം തേടുക, അതിജീവിക്കാന്‍ ശ്രമിക്കുക. അത്തരം ചിന്തകളുളളപ്പോള്‍ ‘ദിശ’ ഹെല്‍പ് ലൈനില്‍ വിളിക്കുക. Toll free helpline number: 1056, 0471-2552056)

English Summary

A family of three was found dead inside their residence in Changanassery, Kottayam. The deceased were identified as Saju Antony, his wife Anu, and their son Sabin. Relatives discovered the bodies after the family failed to answer phone calls. Police suspect suicide due to financial difficulties and have registered a case.

തിരുവനന്തപുരം: പിഎസ്‍സി പരീക്ഷാ ക്രമക്കേടുമായി ബന്ധപ്പെട്ട രജിസ്റ്റർ ചെയ്ത എഫ്ഐആർ വിവരങ്ങൾ പുറത്ത്. കേസിൽ പിഎസ്‍സി ചെയർമാൻ എം ആർ ബൈജുവിനെയും മറ്റ് അംഗങ്ങളെയും പ്രതികളാക്കി പുതിയ കേസ് രജിസ്റ്റർ ചെയ്തതായി അധികൃതർ അറിയിച്ചു. ഫിഷറീസ് എക്സ്റ്റൻഷൻ ഓഫീസർ നിയമനത്തിൽ നടന്ന പിഎസ്‍സി ക്രമക്കേടിലാണ് പ്രത്യേക അന്വേഷണ സംഘം (എസ്‌ഐടി) പുതിയ എഫ്‌ഐആർ രജിസ്റ്റർ ചെയ്തിരിക്കുന്നത്. തസ്തികയ്ക്ക് ആവശ്യമായ യോഗ്യതയില്ലാത്ത ഉദ്യോഗാർത്ഥികൾക്ക് നിയമനം നൽകിയെന്നും ഇതിനായി പദവി ദുരുപയോഗം ചെയ്തുവെന്നുമാണ് എഫ്ഐആറിൽ വ്യക്തമാക്കുന്നത്.

കമ്മീഷൻ ചെയർമാനും അംഗങ്ങളും തങ്ങളുടെ പദവിയും അധികാരവും ദുരുപയോഗം ചെയ്താണ് നിയമന പ്രക്രിയകളിൽ തിരിമറി നടത്തിയത്. ഫിഷറീസ് എക്സ്റ്റൻഷൻ ഓഫീസർ തസ്തികയിലേക്ക് അപേക്ഷിക്കുന്നതിന് ഫിഷറീസ് സർവകലാശാലയിൽ (KUFOS) നിന്നുള്ള ബിരുദമോ ബിരുദാനന്തര ബിരുദമോ ആയിരുന്നു പ്രധാന യോഗ്യതയായി നിശ്ചയിച്ചിരുന്നത്. പരീക്ഷാ ഫലം പുറത്തുവന്നപ്പോൾ മറ്റ് സർവകലാശാലകളിൽ നിന്നുള്ള യോഗ്യതയുള്ള ഉദ്യോഗാർത്ഥികളെ പിന്നിലാക്കി, കുഫോസിൽ നിന്നുള്ളവരെ വഴിവിട്ട് ഉയർന്ന റാങ്കുകളിൽ തിരുകിക്കയറ്റിയതായി ആക്ഷേപമുയരുകയും വിജിലൻസ് അത് സ്ഥിരീകരിക്കുകയും ചെയ്തു.

ALSO READ: മഹാരാജാസ് കോളജിൽ ഗുണ്ടായിസമാണ് എസ്.എഫ്.ഐ കാണിച്ചത്, കർശന നടപടി ഉണ്ടാകും – മുഖ്യമന്ത്രി

‌പരീക്ഷാ ഫലം പുറത്തുവന്നപ്പോൾ റാങ്ക് പട്ടികയിൽ കൂടുതലായും കുഫോസിൽ നിന്നുള്ള ആളുകളാണ് ഉൾപ്പെട്ടിരുന്നത്. അഭിമുഖത്തിലും പരീക്ഷാ മാർക്കിലും തിരിമറികൾ നടത്തി കുഫോസ് ഉദ്യോഗാർത്ഥികൾക്ക് അനധികൃതമായി മുൻഗണന നൽകിയെന്നാണ് എഫ്ഐആർ നൽകുന്ന സൂചന. ഇതുമായി ബന്ധപ്പെട്ട് കൂടുതൽ അന്വേഷണം നടന്നുവരികയാണ്.

ഇതേ കേസിൽ എസ്‌ഐടി ബൈജുവിനോട് ഇക്കാര്യം ചോദിച്ചിരുന്നു. എന്നാൽ യോഗ്യതയുള്ള ആളുകൾ കൂടുതലായി കുഫോസിൽ ഉള്ളതിനാലാണ് പട്ടികയിൽ അവർക്ക് മുൻഗണന വന്നതെന്ന ന്യായീകരണമാണ് പിഎസ്‍സി ചെയർമാൻ എസ്‌ഐടിയോട് പറഞ്ഞത്. അതുകൊണ്ടുതന്നെ അർഹരായ ഉദ്യോഗാർത്ഥികൾ റാങ്ക് ലിസ്റ്റിൽ ഉൾപ്പെട്ടതിൽ അത്ഭുതപ്പെടാനില്ലെന്നും അദ്ദേഹം കൂട്ടിച്ചേർത്തു. അതോടൊപ്പം നിലവിൽ തനിക്കെതിരായി ഉയരുന്ന എല്ലാ ആരോപണങ്ങളും അദ്ദേഹം നിഷേധിക്കുകയും ചെയ്തിരുന്നു.

പിഎസ്‍സിയുമായി ബന്ധപ്പെട്ട് ഇതുവരെ കേരള സർക്കാരിന് 150 പരാതികൾ ലഭിച്ചിട്ടുണ്ടെന്നാണ് മുഖ്യമന്ത്രി കഴിഞ്ഞ ദിവസം നിയമസഭയിൽ പറഞ്ഞത്. ഇതിൽ നാലെണ്ണം മാത്രമാണ് ഇപ്പോൾ കേസായത്. ആസൂത്രണ ബോർഡ് ചീഫ് നിയമനവുമായി ബന്ധപ്പെട്ട കേസിലാണ് നേരത്തേ എസ്‌ഐടി പിഎസ്‍സി ചെയർമാന്റെ മൊഴി രേഖപ്പെടുത്തിയത്. കൂടുതൽ വിവരങ്ങൾ ശേഖരിക്കുന്നതിനായി എം ആർ ബൈജുവിനെ വീണ്ടും ചോദ്യം ചെയ്യാൻ തയ്യാറെടുക്കുകയാണ് എസ്‌ഐടി.

English Summary:

SIT registered new FIR against PSC Chairman MR Baiju and board members for official misconduct and illegal recruitement in fisheries. SIT Said unqualified KUFOS candidates included in the Fisheries Extension Officer rank list.

തിരുവനന്തപുരം: ശബരിമല മണ്ഡലകാല - മകരവിളക്ക് തീർഥാടനവുമായി ബന്ധപ്പെട്ടും മറ്റ് റോഡ് പ്രവൃത്തികളുടെ ഭാഗമായും തിരുവനന്തപുരം നഗരത്തിൽ ഇന്ന് മുതൽ ഗതാഗത നിയന്ത്രണങ്ങൾ. ശബരിമല മണ്ഡലകാല - മകരവിളക്ക് തീർഥാടനവുമായി ബന്ധപ്പെട്ട് വേളി - ഓൾ സെയിന്റ്സ് റോഡിൽ നവീകരണ പ്രവൃത്തികൾ നടക്കുന്നതിനാൽ വേളി - ഓൾ സെയിന്റ്‌സ് റോഡിൽ ഒക്ടോബർ 31 മുതൽ നവംബർ 15 വരെയാണ് നിയന്ത്രണങ്ങൾ ഏർപ്പെടുത്തിയിരിക്കുന്നത്.

നവീകരണ പ്രവർത്തനങ്ങളുടെ ഭാഗമായി ഒരു മാസത്തേക്ക് ഭാഗികമായി ഗതാഗത നിയന്ത്രണം ഏർപ്പെടുത്തിയതായ പിഡബ്ല്യുഡി കന്റോൺമെന്റ് സെക്ഷൻ അസിസ്റ്റന്റ് എൻജിനീയർ ഔദ്യോഗികമായി അറിയിച്ചു. കൂടാതെ, തിരുമല - തൃക്കണ്ണാപുരം റോഡിൽ അറ്റക്കുറ്റ പണികൾ നടക്കുന്നതിനാൽ ഞായറാഴ്ച (നവംബർ 1) വരെ ഈ പാതയിൽ ഗതാഗത നിയന്ത്രണം ഏർപ്പെടുത്തിയിട്ടുണ്ട്.

ALSO READ: എടിഎം വഴി റേഷൻ വാങ്ങാം! ആദ്യ പരീക്ഷണം തിരുവനന്തപുരത്ത്

ഗതാഗത നിയന്ത്രണങ്ങൾ

1. ഗതാഗത നിയന്ത്രണമുള്ള ദിവസങ്ങളിൽ ഓൾ സെയിന്റ്‌സിൽ നിന്ന് ശംഖുംമുഖം, വെട്ടുകാട് വഴി വേളിയിലേക്കും വേളിയിൽ നിന്ന് വെൺപാലവട്ടം ചാക്ക വഴിയും യാത്ര ചെയ്യാം.
2. തിരുമല - മങ്ങാട്ടുകടവ് ഭാഗത്തുനിന്ന് വരുന്ന വാഹനങ്ങൾ പുത്തൻകട ജംഗ്ഷനിൽ നിന്നും തൃക്കണ്ണാപുരം ഭാഗത്തേക്ക് പ്രവേശിക്കാൻ അനുവദിക്കില്ല.
3. നേമത്ത് നിന്ന് തിരുമലയിലേക്ക് വരുന്ന വാഹനങ്ങൾ പ്ലങ്കലമുക്ക് ജംഗ്ഷനിൽ നിന്നും തിരിഞ്ഞു പോകണം.
4. അറ്റകുറ്റപ്പണികൾ നടക്കുന്ന റോഡിന്റെ ഇരുവശങ്ങളിലും വാഹനങ്ങൾ പാർക്ക് ചെയ്യുന്നതിനും നിരോധനമുണ്ട്.

അമൃത, രാജ്യറാണി ട്രെയിനുകളിൽ കോച്ചുകൾ മാറ്റുന്നു

അമൃത എക്സ്പ്രസ്, രാജ്യറാണി എക്സ്പ്രസ് എന്നീ ട്രെയിനുകൾ ലിങ്ക്- ഹോഫ്മാൻ- ബുഷ് കോച്ചുകളിലേക്ക് മാറ്റുന്നതായി റെയിൽവേ അറിയിച്ചു. നിലവിലെ പരമ്പരാഗത ഐസിഎഫ് കോച്ചുകൾക്ക് പകരമായാണ് ജർമ്മൻ സാങ്കേതികവിദ്യയിൽ നിർമ്മിച്ച കൂടുതൽ സുരക്ഷിതവും സുഖകരവുമായ എൽഎച്ച്ബി കോച്ചുകൾ വരുക. രാജ്യത്തെ തീവണ്ടി യാത്രക്കാരുടെ സുരക്ഷയും യാത്രാസൗകര്യങ്ങളും വർദ്ധിപ്പിക്കുന്നതിനുള്ള ഇന്ത്യൻ റെയിൽവേയുടെ വൻ പദ്ധതിയുടെ ഭാഗമായാണ് ഈ മാറ്റം.

രാമേശ്വരം–തിരുവനന്തപുരം സെൻട്രൽ–രാമേശ്വരം അമൃത എക്സ്പ്രസ് (ട്രെയിൻ നമ്പർ 16344/16343), 2027 ജനുവരി ഒന്ന് മുതൽ രാമേശ്വരത്തുനിന്നും, 2027 ജനുവരി രണ്ട് മുതൽ തിരുവനന്തപുരം സെൻട്രലിൽ നിന്നും LHB കോച്ചുകളോടെ സർവീസ് ആരംഭിക്കും. അതേസമയം, തിരുവനന്തപുരം നോർത്ത് – നിലമ്പൂർ റോഡ് – തിരുവനന്തപുരം നോർത്ത് ‘രാജ്യ റാണി എക്സ്പ്രസ്’ (ട്രെയിൻ നമ്പർ 16349/16350), ഡിസംബർ 31 മുതൽ തിരുവനന്തപുരം നോർത്തിൽ നിന്നും, ജനുവരി ഒന്ന് മുതൽ നിലമ്പൂർ റോഡിൽ നിന്നും എൽഎച്ച്ബി കോച്ചുകളോടെ സർവീസ് നടത്തുന്നതാണ്.

English Summary:

Traffic restrictions have been imposed on several roads in Thiruvananthapuram due to ongoing road renovation and maintenance works. The VelI–All Saints Road will remain completely closed to traffic from October 31 to November 15 as part of renovation work related to the upcoming Sabarimala pilgrimage season.

തിരുവനന്തപുരം: റേഷൻ കടകളിലെ നീണ്ട വരികൾക്കും സമയപരിധികൾക്കും അറുതിവരുത്താൻ കേരളത്തിൽ ആദ്യമായി ഗ്രെയിൻ എടിഎം (അന്നപൂർത്തി) വരുന്നു. ബാങ്ക് എടിഎമ്മുകളുടെ മാതൃകയില്‍ 24 മണിക്കൂറും റേഷന്‍ ധാന്യങ്ങള്‍ ലഭ്യമാക്കുന്ന ഈ അത്യാധുനിക ഓട്ടോമേറ്റഡ് സംവിധാനം ആദ്യഘട്ടമായി തിരുവനന്തപുരത്താണ് പരീക്ഷണാടിസ്ഥാനത്തിൽ സ്ഥാപിക്കുന്നത്. ഐക്യരാഷ്ട്രസഭയുടെ വേള്‍ഡ് ഫുഡ് പ്രോഗ്രാമുമായി (WFP) സഹകരിച്ച് ഭക്ഷ്യ- സിവില്‍ സപ്ലൈസ് വകുപ്പാണ് ഈ പദ്ധതി നടപ്പാക്കുന്നത്.

ഗ്രെയിൻ എടിഎം (അന്നപൂർത്തി)

പുതിയ ഓട്ടോമേറ്റഡ് സംവിധാനം വഴി ഗുണഭോക്താക്കൾക്ക് നിമിഴങ്ങൾക്കകം റേഷൻ ധാന്യങ്ങൾ വാങ്ങാവുന്നതാണ്. പരീക്ഷണാടിസ്ഥാനത്തില്‍ ബാങ്ക് എടിഎമ്മുകള്‍ക്ക് സമാനമായി ഏതു സമയത്തും റേഷന്‍ ധാന്യങ്ങള്‍ ഗുണഭോക്താക്കള്‍ക്ക് ലഭ്യമാക്കുന്ന പദ്ധതി നടപ്പാക്കാന്‍ ഒരുങ്ങുന്ന കാര്യം ഭക്ഷ്യ- സിവില്‍ സപ്ലൈസ് വകുപ്പ് മന്ത്രി അനൂപ് ജേക്കബ് തന്നെയാണ് വ്യക്തമാക്കിയത്. ആദ്യഘട്ടത്തിൽ തിരുവനന്തപുരത്തും വിജയിച്ചാൽ മറ്റ് ജില്ലകളിൽ വ്യാപിപ്പിക്കാനുമാണ് തീരുമാനം.

ഒഡീഷയിലും ഹരിയാനയിലും വേള്‍ഡ് ഫുഡ് പ്രോഗ്രാമിന്റെ ഭാഗമായി വിജയകരമായി നടപ്പാക്കിയ മാതൃകയാണ് ഇത്. അതേസമയം, നിലവിലെ റേഷൻ കടയുടമകളുടെ ഉപജീവനത്തെയോ പ്രവർത്തനത്തെയോ ഇത് ദോഷകരമായി ബാധിക്കില്ലെന്നും അധികൃതർ പറയുന്നു.

ALSO READ: ശബരിമലയിൽ അരവണ ക്ഷാമം ഉണ്ടാകില്ല; പ്ലാന്റിന്റെ പണി തീർന്നു എന്ന് ദേവസ്വം ബോർഡ് പ്രസിഡന്റ്

ഗ്രെയിൻ എടിഎം - പ്രവർത്തനം എങ്ങനെ?

റേഷന്‍ ഗുണഭോക്താക്കള്‍ക്ക് തങ്ങളുടെ വിഹിതമായ അരി, ഗോതമ്പ് തുടങ്ങിയ ഭക്ഷ്യധാന്യങ്ങള്‍ നേരിട്ട് ലഭ്യമാക്കുന്ന ഓട്ടോമേറ്റഡ് വെന്‍ഡിംഗ് മെഷീനാണ് ഗ്രെയിന്‍ എടിഎം. ഉപഭോക്താക്കള്‍ക്ക് ടച്ച് സ്‌ക്രീനില്‍ റേഷന്‍ കാര്‍ഡ് നമ്പറോ ആധാര്‍ നമ്പറോ രേഖപ്പെടുത്തിയ ശേഷം ബയോമെട്രിക് പരിശോധന (വിരലടയാളം അല്ലെങ്കില്‍ ഐറിസ് സ്‌കാനിംഗ്) വഴി വിവരങ്ങള്‍ ഉറപ്പുവരുത്താം.

മെഷീന്റെ ഔട്ട്ലെറ്റിന് താഴെ സഞ്ചി വച്ചുകൊടുത്താൽ കൃത്യമായി തൂക്കി അളന്ന് റേഷൻ ലഭിക്കും. റിപ്പോർട്ടുകൾ പ്രകാരം 5 മുതല്‍ 7 മിനിറ്റിനകം 50 കിലോയിലധികം ധാന്യം കൃത്യമായ തൂക്കത്തിൽ സ്വന്തമാക്കാവുന്നതാണ്.

പ്രയോജനം എങ്ങനെ?

1. ജോലികഴിഞ്ഞ് വൈകിയെത്തുന്ന തൊഴിലാളികള്‍ക്കും, ദിവസവേതനക്കാര്‍ക്കും, വീട്ടമ്മമാര്‍ക്കും എപ്പോള്‍ വേണമെങ്കിലും റേഷന്‍ വാങ്ങാമെന്നതാണ് ഇതിന്റെ പ്രധാന നേട്ടം.
2. 'ഒരു രാജ്യം ഒരു റേഷന്‍ കാര്‍ഡ്' പദ്ധതി പ്രകാരം ഇതര സംസ്ഥാനങ്ങളില്‍ നിന്നുള്ള തൊഴിലാളികള്‍ക്കും ഇത് ഏറെ സഹായകരമാകും.
3. ഡിജിറ്റൽ സെന്‍സറുകള്‍ വഴി കൃത്യമായ തൂക്കം ലഭിക്കുന്നതിനാല്‍ അളവിലെ വെട്ടിപ്പുകളും കരിഞ്ചന്തയും പൂര്‍ണ്ണമായും തടയാന്‍ സാധിക്കും.
4. ധാന്യങ്ങളുടെ ഗുണനിലവാരം ഉറപ്പാക്കാന്‍ ഈര്‍പ്പവും കീടങ്ങളും കടക്കാത്ത സുരക്ഷിത സംഭരണ സംവിധാനവും ഇതിലുണ്ട്.

English Summary:

Kerala is planning to introduce Grain ATMs, known as Annapurti, to provide ration grains to beneficiaries without the need to stand in long queues at ration shops. The pilot project will initially be implemented in Thiruvananthapuram by the Food and Civil Supplies Department in collaboration with the United Nations World Food Programme.

തിരുവനന്തപുരം: അമൃത എക്സ്പ്രസ്, രാജ്യറാണി എക്സ്പ്രസ് എന്നീ ട്രെയിനുകൾ അടിമുടി മാറുന്നു. ഈ ട്രെയിനുകൾ ലിങ്ക്- ഹോഫ്മാൻ- ബുഷ് കോച്ചുകളിലേക്ക് മാറ്റുന്നതായി റെയിൽവേ അറിയിച്ചു. രാജ്യത്തെ തീവണ്ടി യാത്രക്കാരുടെ സുരക്ഷയും യാത്രാസൗകര്യങ്ങളും വർദ്ധിപ്പിക്കുന്നതിനുള്ള ഇന്ത്യൻ റെയിൽവേയുടെ വൻ പദ്ധതിയുടെ ഭാഗമായാണ് ഈ മാറ്റം. നിലവിലെ പരമ്പരാഗത ഐസിഎഫ് കോച്ചുകൾക്ക് പകരമായാണ് ജർമ്മൻ സാങ്കേതികവിദ്യയിൽ നിർമ്മിച്ച കൂടുതൽ സുരക്ഷിതവും സുഖകരവുമായ എൽഎച്ച്ബി കോച്ചുകൾ വരുക.

സതേൺ റെയിൽവേ പുറത്തിറക്കിയ വാർത്താക്കുറിപ്പ് പ്രകാരം, രാമേശ്വരം–തിരുവനന്തപുരം സെൻട്രൽ–രാമേശ്വരം അമൃത എക്സ്പ്രസ് (ട്രെയിൻ നമ്പർ 16344/16343), 2027 ജനുവരി ഒന്ന് മുതൽ രാമേശ്വരത്തുനിന്നും, 2027 ജനുവരി രണ്ട് മുതൽ തിരുവനന്തപുരം സെൻട്രലിൽ നിന്നും LHB കോച്ചുകളോടെ സർവീസ് ആരംഭിക്കും. അതേസമയം, തിരുവനന്തപുരം നോർത്ത് – നിലമ്പൂർ റോഡ് – തിരുവനന്തപുരം നോർത്ത് 'രാജ്യ റാണി എക്സ്പ്രസ്' (ട്രെയിൻ നമ്പർ 16349/16350), ഡിസംബർ 31 മുതൽ തിരുവനന്തപുരം നോർത്തിൽ നിന്നും, ജനുവരി ഒന്ന് മുതൽ നിലമ്പൂർ റോഡിൽ നിന്നും എൽഎച്ച്ബി കോച്ചുകളോടെ സർവീസ് നടത്തുന്നതാണ്.

ALSO READ: തിരുവനന്തപുരം മെട്രോ വൈകുമോ? ഒരു മാസത്തിനുള്ളിൽ നിർണായക തീരുമാനം

പുതുക്കിയ കോച്ച് പ്രകാരം അമൃത എക്സ്പ്രസിൽ, എ.സി ഫസ്റ്റ് ക്ലാസ് - 1, എസി 2-ടയർ - 1, എസി 3-ടയർ - 4, സ്ലീപ്പർ - 10, സെക്കൻഡ് ക്ലാസ് ജനറൽ - 4, ഭിന്നശേഷി സൗഹൃദ സെക്കൻഡ് ക്ലാസ് - 1, ലഗേജ് കം ബ്രേക്ക് വാൻ കോച്ച് - 1 എന്നിവ ഉൾപ്പെടുന്നതാണ്. രാജ്യ റാണി എക്സ്പ്രസിൽ എസി 2-ടയർ - 1, എസി 3-ടയർ - 2, സ്ലീപ്പർ - 6, ജനറൽ സെക്കൻഡ് ക്ലാസ് - 4, ഭിന്നശേഷി സൗഹൃദ സെക്കൻഡ് ക്ലാസ് - 1, ലഗേജ് കം ബ്രേക്ക് വാൻ കോച്ച് - 1 എന്നിവ ഉൾപ്പെടുന്നു.

കോട്ടയം മെമു സർവീസ് എറണാകുളം വരെ നീട്ടി

കൊല്ലം - കോട്ടയം മെമു ട്രെയിൻ സർവീസ് എറണാകുളത്തേക്ക് നീട്ടി റെയിൽവേ. കോട്ടയം - എറണാകുളം റൂട്ടിൽ ദിവസവും യാത്ര ചെയ്യുന്ന നൂറുകണക്കിന് യാത്രക്കാർക്ക് ഏറെ ആശ്വാസകരമാകുന്ന നടപടിയാണിത്. വൈകുന്നേരങ്ങളിൽ വേണാട് എക്സ്പ്രസിൽ അനുഭവപ്പെടുന്ന അതിരൂക്ഷമായ തിരക്കും യാത്രാദുരിതവും മനസ്സിലാക്കിയാണ് സർവീസ് നീട്ടിയിരിക്കുന്നത്.

ഏറ്റുമാനൂർ, കുറുപ്പുംതറ, വൈക്കം റോഡ്, പിറവം റോഡ്, കാഞ്ഞിരമറ്റം, തൃപ്പൂണിത്തുറ എന്നീ സ്റ്റേഷനുകളിൽ പുതിയ സർവീസിൽ മെമുവിന് സ്റ്റോപ്പ് ഉണ്ടാകും. കൊല്ലത്തുനിന്ന് ഉച്ചകഴിഞ്ഞ് 1:40ന് പുറപ്പെടുന്ന രീതിയിലാണ് സമയക്രമം. എറണാകുളത്തുനിന്ന് വൈകുന്നേരം 5:25നാണ് ട്രെയിൻ പുറപ്പെടുക.

English Summary:

Southern Railway will upgrade the Amrita and Rajya Rani express trains with Linke-Hofmann-Busch (LHB) coaches to provide passengers with an enhanced travel experience, with improved safety features and greater riding comfort.

തിരുവനന്തപുരം: സംസ്ഥാനം കേരളപ്പിറവി ആഘോഷിക്കുന്ന വേളയിൽ കാലാവസ്ഥാ മുന്നറിയിപ്പുകളുമായി കേന്ദ്ര കാലാവസ്ഥാ വകുപ്പ് (Kerala Weather Update). ആൻഡമാൻ കടലിൽ രൂപപ്പെട്ട ന്യൂനമർദ്ദത്തിൻ്റെ സ്വാധീനത്തിൽ കേരളത്തിൽ വരും ദിവസങ്ങളിൽ ഇടിമിന്നലോടു കൂടിയ മഴ ശക്തിപ്പെടാൻ സാധ്യതയുണ്ടെന്നാണ് പ്രവചനം. വരും മണിക്കൂറുകളിൽ ചില ജില്ലകളിലെ ഒറ്റപ്പെട്ടയിടങ്ങളിൽ ശക്തമായ ഒറ്റപ്പെട്ട മഴയ്ക്ക് സാധ്യതയുണ്ട്. കേന്ദ്ര കാലാവസ്ഥ വകുപ്പിന്റെ അടുത്ത 5 ദിവസത്തേക്കുള്ള മഴ സാധ്യത പ്രവചനം അനുസരിച്ച്, ഇന്ന് ഒരു ജില്ലയിലും പ്രത്യേക മഴ മുന്നറിയിപ്പ് നൽകിയിട്ടില്ല.

അതേസമയം, നാളെ (നവംബർ 1) മൂന്ന് ജില്ലകളിലാണ് യെല്ലോ അലർട്ട് നൽകിയിരിക്കുന്നത്. പത്തനംതിട്ട, കോട്ടയം, ഇടുക്കി ജില്ലകളിൽ ഒറ്റപ്പെട്ട ശക്തമായ മഴയ്ക്ക് സാധ്യതയുണ്ടെന്നാണ് പ്രവചനം. രണ്ടാം തീയതി ഇടുക്കി, പാലക്കാട്, മലപ്പുറം, വയനാട് ജില്ലകളിലും മൂന്നാം തീയതി കോഴിക്കോട്, വയനാട്, കണ്ണൂർ ജില്ലകളിലുമാണ് യെല്ലോ അലർട്ട് പ്രഖ്യാപിച്ചിരിക്കുന്നത്. ഉച്ചയ്ക്ക് 2:00 മണി മുതൽ രാത്രി 10:00 മണി വരെയുള്ള സമയങ്ങളിൽ ശക്തമായ ഇടിമിന്നലിന് സാധ്യതയുള്ളതിനാൽ പൊതുജനങ്ങൾ മുൻകരുതലുകൾ സ്വീകരിക്കണമെന്ന് ദുരന്തനിവാരണ അതോറിറ്റി നിർദ്ദേശിക്കുന്നു.

ALSO READ: ആന്‍ഡമാന്‍ കടലില്‍ ന്യൂനമര്‍ദ്ദം, മഴ തിരിച്ചെത്തുന്നു! നവംബര്‍ ഒന്ന് മുതല്‍ വിവിധ ജില്ലകളില്‍ യെല്ലോ അലര്‍ട്ട്‌

ഇടിമിന്നൽ ജാഗ്രതാ നിർദേശം

കേരളത്തിൽ ഒറ്റപ്പെട്ടയിടങ്ങളിൽ നവംബർ ഒന്നാം തീയതി മുതൽ മൂന്നാം തീയതി വരെ ഇടിമിന്നലോട് കൂടിയ മഴയ്ക്കും മണിക്കൂറിൽ 30- 40 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. ഇടിമിന്നലിന്റെ ആദ്യ ലക്ഷണം കണ്ടുകഴിഞ്ഞാൽ ഉടൻ തന്നെ സുരക്ഷിതമായ കെട്ടിടത്തിനുള്ളിലേക്ക്‌ മാറുക. തുറസായ സ്ഥലങ്ങളിൽ തുടരുന്നത് ഇടിമിന്നലേൽക്കാനുള്ള സാധ്യത വർധിപ്പിക്കും.

ആൻഡമാൻ കടലിൽ ന്യൂനമർദ്ദം

ബംഗാൾ ഉൾക്കടലിലും ആൻഡമാൻ കടലിലും രൂപപ്പെട്ട പുതിയ കാലാവസ്ഥാ വ്യതിയാനങ്ങളുടെയും ന്യൂനമർദ്ദത്തിന്റെയും പശ്ചാത്തലത്തിൽ സംസ്ഥാനത്ത് നവംബർ ആദ്യവാരം മഴ ശക്തമാകാൻ സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് മുന്നറിയിപ്പ് നൽകുന്നു. തെക്കൻ ആൻഡമാൻ കടലിലും സമീപത്തെ ആൻഡമാൻ-നിക്കോബാർ ദ്വീപുകൾക്കും മുകളിലായി സ്ഥിതിചെയ്യുന്ന ന്യൂനമർദ്ദം പടിഞ്ഞാറ്-വടക്കുപടിഞ്ഞാറ് ദിശയിൽ സഞ്ചരിച്ച് ഒക്ടോബർ 31-ഓടെ തീവ്ര ന്യൂനമർദ്ദമായി ശക്തിപ്രാപിക്കും. തുടർന്ന് അടുത്ത രണ്ട് ദിവസങ്ങളിൽ ഇത് ആന്ധ്രാപ്രദേശ് തീരം ലക്ഷ്യമാക്കി നീങ്ങാൻ സാധ്യതയുണ്ട്.

അതിശക്തമായ ചുഴലിക്കാറ്റായിരുന്ന 'അർണബ്' ശക്തികുറഞ്ഞ് വടക്കൻ ഛത്തീസ്ഗഢിനും സമീപത്തെ കിഴക്കൻ മധ്യപ്രദേശിനും മുകളിലായി ന്യൂനമർദമായി സ്ഥിതിചെയ്യുന്നു. ഇവയുടെ എല്ലാം സ്വാധീനഫലമായി കേരളത്തിൽ നവംബർ 1 മുതൽ 3 വരെ ഒറ്റപ്പെട്ട സ്ഥലങ്ങളിൽ 24 മണിക്കൂറിൽ 7 മുതൽ 11 സെൻ്റീമീറ്റർ വരെ ലഭിക്കുന്ന ശക്തമായ മഴയ്ക്ക് സാധ്യതയുണ്ട്. സംസ്ഥാനത്ത് ഇടിമിന്നലോടു കൂടിയ മഴയ്ക്കും മണിക്കൂറിൽ 30 മുതൽ 40 കിലോമീറ്റർ വരെ വേഗതയിൽ ശക്തമായ കാറ്റും വീശിയടിച്ചേക്കാം.

English Summary:

IMD has issued a rain alert for Kerala today, October 31, forecasting isolated heavy rainfall accompanied by thunderstorms and winds. Driven by developing low-pressure systems over the Bay of Bengal and Andaman Sea.

കോട്ടയം : കൊല്ലം-കോട്ടയം മെമു സർവീസ് എറണാകുളത്തേക്ക് നീട്ടിയതിൽ വിമർശനവുമായി യാത്രക്കാർ. കോട്ടയം വഴി കൊല്ലം-എറണാകുളം പുതിയ സർവീസ് ഉണ്ടാകുമെന്നായിരുന്നു വാഗ്ദാനം. എന്നാൽ ലഭിച്ചത് ഉള്ള സർവീസ് നീട്ടി നൽകിയത് മാത്രമാണ് റെയിൽവെ ചെയ്തെന്ന് യാത്രക്കാർ. റെയിൽവെയുടെ ഈ തീരുമാനം കോട്ടയം-കൊല്ലം യാത്ര കൂടുതൽ ദുരിതമാകുമെന്ന് യാത്രക്കാർ. അതേസമയം അഭിനവ യൂദാസ് ചമഞ്ഞ് ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖരാണ് കോട്ടയം-കൊല്ലം മെമു ഇല്ലാതാക്കിയതിന് പിന്നിൽ എന്ന് മാവേലിക്കര എംപി കൊടിക്കുന്നിൽ സുരേഷ് ആരോപിച്ചു.

വൈകുന്നേരങ്ങളിൽ എറണാകുളം-കോട്ടയം യാത്രക്ലേശം ഇല്ലാതാക്കുന്നതിന് വേണ്ടി പുതിയ സർവീസ് ഉണ്ടാകുമെന്നായിരുന്നു നേരത്തെ അറിയിച്ചിരുന്നത്. എന്നാൽ ഉത്തരവ് വന്നപ്പോൾ നിലവിലുള്ള കൊല്ലം-കോട്ടയം സർവീസ് നീട്ടി നൽകുക മാത്രമാണ് റെയിൽവെ ചെയ്തിരിക്കുന്നത്. എന്നാൽ ഈ തീരുമാനം കോട്ടയത്ത് നിന്നും കൊല്ലത്തേക്കുള്ള യാത്രക്കാർക്ക് വലിയ പ്രതിസന്ധിയാകും സൃഷ്ടിക്കാൻ പോകുന്നത്. 3.20ന് പരശുറാം എക്സ്പ്രസ് പോയി കഴിഞ്ഞാൽ കോട്ടയത്ത് നിന്നുമുള്ള യാത്രക്കാർ ആശ്രയിച്ചിരുന്നത് കൊല്ലം മെമു ആയിരുന്നു. നിലവിൽ കോട്ടയത്ത് നിന്നുമെടുക്കുന്ന ഈ ട്രെയിൻ തിങ്ങി നിറഞ്ഞാണ് സർവീസ് നടത്തുന്നത്. എന്നാൽ സർവീസ് എറണാകുളത്തേക്ക് നീട്ടിയതോടെ ഇനി മുതൽ കോട്ടയത്ത് നിന്നുമുള്ള യാത്രക്കാർക്ക് മെമുവിനുള്ളിൽ പ്രവേശിക്കാനാകുമോ എന്ന കാര്യത്തിൽ സംശയമാണെന്ന് യാത്രക്കാർ പറയുന്നു.

ALSO READ : Kollam-Ernakulam MEMU : വൈകുന്നേരങ്ങളിലെ കോട്ടയം വഴിയുള്ള യാത്ര പ്രതിസന്ധിക്ക് ആശ്വാസം; കൊല്ലം-കോട്ടയം മെമു എറണാകുളം വരെ നീട്ടി

നേരത്തെ വൈകിട്ട് 5.45നായിരുന്നു കോട്ടയത്ത് നിന്നും കൊല്ലത്തേക്ക് മെമു സർവീസ് ആരംഭിക്കുന്നത്. ഇനി എറണാകുളത്ത് നിന്നും ഈ ട്രെയിൻ വരുമ്പോൾ കോട്ടയത്തെ യാത്രക്കാർക്ക് ഒരു മണിക്കൂറും കാത്തിരിക്കേണ്ടി വരും. പുതിയ സമയക്രമം പ്രകാരം വൈകിട്ട് 6.45 ആണ് ട്രെയിൻ എറണാകുളത്ത് നിന്നും കോട്ടയത്ത് എത്തുക. കൂടാതെ വേണാടിൻ്റെ തിരക്ക് കുറയ്ക്കുന്നിതിന് വേണ്ടിയാണ് ഈ സർവീസ് എറണാകുളത്തേക്ക് നീട്ടിയതെങ്കിലും അതും പുതിയ സമയക്രമം പ്രകാരം കൂടുതൽ ബുദ്ധിമുട്ടെ സൃഷ്ടിക്കൂ. വൈകിട്ട് 5.15ന് എറണാകുളത്ത് നിന്നുമെടുക്കുന്ന വേണാട്, 6.27നാണ് കോട്ടയത്ത് എത്തി ചേരുന്നത്. ഈ ട്രെയിന് പിന്നാലെ പാസഞ്ചർ വരികെയുള്ള. അതിനാൽ കോട്ടയത്തുള്ള യാത്രക്കാർ വേണാട് എക്സ്പ്രസിലേക്ക് ഇടിച്ച് കയറാനാണ് സാധ്യതയേറെയും.

അതേസമയം കൊല്ലം-കോട്ടയം മെമു ഇല്ലാതാകാൻ കാരണം ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖരാണെന്ന് മാവേലിക്കര എംപി കൊടിക്കുന്നിൽ സുരേഷ് ആരോപിച്ചു. എറണാകുളം കൊല്ലം റൂട്ടിൽ പുതിയ റേക്ക് ആയിരുന്നു ആവശ്യപ്പെട്ടത്. ഇത് റെയിൽവെ സമ്മതിച്ചിരുന്നതാണ്. എന്നാൽ രാജീവ് ചന്ദ്രശേഖർ യൂദാസ് ചമഞ്ഞ് കൊല്ലം-കോട്ടയം മെമു ഇല്ലാതാക്കുകയായിരുന്നുയെന്ന് കൊടിക്കുന്നിൽ സുരേഷ് ആരോപിച്ചു.

കൊച്ചി: മഹാരാജാസ് കോളേജിലെ ബിരുദദാന ചടങ്ങിൽ പങ്കെടുത്ത ഉന്നത വിദ്യാഭ്യാസ വകുപ്പ് മന്ത്രി റോജി എം ജോണിന് നേരെ എസ്എഫ്ഐ നടത്തിയ പ്രതിഷേധത്തെ രൂക്ഷമായി വിമർശിച്ച് മുഖ്യമന്ത്രി വി ഡി സതീശൻ. എസ്എഫ്ഐ തനി ഗുണ്ടായിസം ആണ് മഹാരാജാസ് കോളേജിൽ കാണിച്ചത് എന്നും ക്രിമിനലുകളെ പോലെയാണ് പ്രവർത്തകർ പെരുമാറിയതെന്നും മുഖ്യമന്ത്രി പ്രതികരിച്ചു. ഫേസ്ബുക്കിൽ പങ്കുവെച്ച കുറുപ്പിലൂടെ ആണ് മുഖ്യമന്ത്രി എസ്എഫ്ഐയുടെ നടപടിയെ ശക്തമായ ഭാഷയിൽ വിമർശിച്ചത്.

ബിരുദദാന ചടങ്ങ് അലങ്കോലപ്പെടുത്തുകയും ഉന്നത വിദ്യാഭ്യാസ മന്ത്രിയെ തടയുകയും ചെയ്ത എസ്എഫ്ഐയുടെ നടപടിക്ക് യാതൊരുവിധ ന്യായീകരണവും ഇല്ല എന്ന് മുഖ്യമന്ത്രി പറയുന്നു. ക്യാമ്പസിൽ ഭീകരാന്തരീക്ഷം സൃഷ്ടിക്കുകയാണ് എസ്എഫ്ഐ പ്രവർത്തകർ ചെയ്തത്. ജനാധിപത്യരീതിയിൽ പ്രതിഷേധം പ്രകടിപ്പിക്കുന്നതിന് പകരം തനി ഗുണ്ടായിസത്തിന്റെ രീതിയിലാണ് പ്രവർത്തകർ പെരുമാറിയത്. വിദ്യാർത്ഥികളുടെയും അവരുടെ രക്ഷിതാക്കളുടെയും എത്രയോ കാലത്തെ സ്വപ്നമാണ് മിനിറ്റുകൾ കൊണ്ട് എസ്എഫ്ഐ അലങ്കോലമാക്കിയത്.

Also Read: പ്രിൻസിപ്പൽ മദ്യപിച്ചിട്ടില്ലെന്ന് പരിശോധനാഫലം, മീനങ്ങാടി സ്കൂൾ വിനോദയാത്ര വിവാദത്തിൽ ട്വിസ്റ്റ്

വിദ്യാർത്ഥികളുടെ ജീവിതത്തിലെ ഏറ്റവും പ്രധാനപ്പെട്ട ഒരു ദിവസം അലങ്കോലപ്പെടുത്തിയതിന് എസ്എഫ്ഐ പൊതു സമൂഹത്തോടും വിദ്യാർത്ഥികളോടും അവരുടെ കുടുംബത്തോടും മാപ്പ് പറയണം എന്നും മുഖ്യമന്ത്രി ഫേസ്ബുക്ക് പോസ്റ്റിൽ ആവശ്യപ്പെട്ടു. മാത്രമല്ല ചടങ്ങ് തടസ്സപ്പെടുത്തിയവർക്കെതിരെ കർശനമായ നടപടി ഉണ്ടാകുമെന്നും മുഖ്യമന്ത്രി വി. ഡി സതീശൻ വ്യക്തമാക്കി. കാലടി സംസ്കൃത സർവകലാശാലയിലെ വിദ്യാർഥികളുടെ സസ്പെൻഷൻ നടപടിയിൽ മന്ത്രിയുടെ നിലപാട് ചോദ്യം ചെയ്താണ് എസ്എഫ്ഐ മഹാരാജാസ് കോളേജിലെ കോൺവെക്കേഷൻ ചടങ്ങിന് എത്തിയ റോജി എം ജോണിനെതിരെ പ്രതിഷേധം നടത്തിയത്. എന്നാൽ വിദ്യാർത്ഥികൾക്ക് എതിരായുള്ള നടപടിയിൽ ഉറച്ചുനിൽക്കുന്നുവെന്ന് വ്യക്തമാക്കിയ മന്ത്രി ചടങ്ങ് പൂർത്തിയാക്കാതെ വേദി വിട്ടു.

കാലടിയിലെ സംസ്കൃത സർവകലാശാലയിൽ സമരം ചെയ്തതിന് 16 വിദ്യാർഥികളെ രണ്ടുമാസത്തോളമായി സസ്പെൻഡ് ചെയ്തിരിക്കുന്ന നടപടിയെ ചോദ്യംചെയ്താണ് എസ്എഫ്ഐ കോൺവെക്കേഷൻ ചടങ്ങിൽ പ്രതിഷേധമുയർത്തിയത്. വിഷയത്തിൽ മന്ത്രി റോജി എം ജോൺ നടത്തിയ പരാമർശങ്ങൾ പിൻവലിക്കണം എന്നും എസ്എഫ്ഐ ആവശ്യപ്പെടുന്നു. കോൺവെക്കേഷൻ ചടങ്ങ് ഉദ്ഘാടനം ചെയ്ത് സംസാരിക്കാൻ മന്ത്രിയെത്തിയപ്പോഴാണ് എസ്എഫ്ഐ ബാനറുകളുമായി വേദിക്ക് മുന്നിലേക്ക് വന്നത്. തുടർന്നുണ്ടായ സംഭവവികാസങ്ങൾ ബിരുദദാന ചടങ്ങ് തടസ്സപ്പെടുന്ന നിലയിലേക്ക് നീങ്ങുകയായിരുന്നു.

English Summary

Chief Minister V.D. Satheesan has  criticized the protest staged by the SFI against Higher Education Minister Roji M. John during the graduation ceremony at Maharaja's College. Satheesan remarked that the SFI engaged in pure thuggery at the college, adding that the activists behaved like criminals.

കൊച്ചി : കൊല്ലം-കോട്ടയം മെമു സർവീസ് എറണാകുളം (Kollam-Ernakulam MEMU) വരെ നീട്ടി ഇന്ത്യൻ റെയിൽവെ. ഉച്ചയ്ക്ക് ശേഷം സർവീസ് നടത്തുന്ന കൊല്ലം-കോട്ടയം മെമു ട്രെയിനാണ് എറണാകുളം വരെ നീട്ടിയത്. തിരികെയുള്ള സർവീസ് എറണാകുളത്ത് നിന്നാരംഭിക്കും. വൈകുന്നേരങ്ങളിൽ എറണാകുളത്ത് നിന്നും കോട്ടയം ഭാഗങ്ങളിലേക്കുള്ള യാത്ര പ്രതിസന്ധിക്ക് ആശ്വാസമായിട്ടാണ് റെയിൽവെയുടെ അറിയിപ്പ്. ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖർ എംഎൽഎ കേന്ദ്ര റെയിൽവെ മന്ത്രി അശ്വനി വൈഷ്ണവിന് സമർപ്പിച്ച നിവേദനം പരിഗണിച്ചാണ് റെയിൽവെയുടെ തീരുമാനം.

ട്രെയിൻ സർവീസ് നീട്ടയതോടെ സമയക്രമത്തിലും റെയിൽവെ മാറ്റം വരുത്തിട്ടുണ്ട്. ഉച്ചയ്ക്ക് 1.40നാണ് ട്രെയിൻ കൊല്ലത്ത് നിന്നും പുറപ്പെടുക. 3.28ന് ട്രെയിൻ കോട്ടയത്ത് എത്തി ചേരും. തുടർന്ന് വൈകിട്ട് 5.05 ഓടെ ട്രെയിൻ എറണാകുളത്തെത്തും. 5.25നാണ് മടക്കയാത്ര, കോട്ടയത്ത് 6.45ന് എത്തും രാത്രി 9.25 ട്രെയിൻ തിരികെ കൊല്ലത്തെത്തി സർവീസ് അവസാനിപ്പിക്കും. നിലവിൽ 2.40നാണ് മെമു സർവീസ് കൊല്ലത്ത് നിന്നും ആരംഭിക്കുന്നത്. വൈകിട്ട് 4.55 ഓടെ ട്രെയിൻ കൊല്ലത്തെത്തും. 5.40 ഓടെ മടക്കയാത്രയും ആരംഭിക്കും. ഈ സമയക്രമത്തിലാണ് സർവീസ് നീട്ടുന്നതോടെ മാറ്റം വരുത്തുന്നത്.

ALSO READ : Diwali Special Train: ദീപാവലി സ്പെഷ്യൽ ട്രെയിൻ; ബുക്കിങ് ആരംഭിച്ചു, ഡൽഹിയിൽ നിന്ന് കൊച്ചുവേളിയിലേക്ക് സർവീസ്

വേണാടിന് പുറമെ ഒരു പാസഞ്ചർ സർവീസും കൂടി കോട്ടയം-എറണാകുളം പാതയിൽ ഉൾപ്പെടുത്തിയതോടെ വൈകുന്നേരങ്ങളിലെ യാത്ര ദുരിതത്തിനാണ് താൽക്കാലിക ആശ്വാസം ലഭിച്ചിരിക്കുന്നത്. കോട്ടയത്ത് നിന്നും പുറപ്പെടുന്ന ട്രെയിന് ഏറ്റുമാനൂർ, കുറുപ്പുന്തറ, വൈക്കം റോഡ്, പിറവം റോഡ്, കാഞ്ഞിരമറ്റം, തൃപ്പൂണിത്തുറ എന്നീ സ്റ്റേഷനുകളിലാണ് എറണാകുളത്തിന് മുമ്പ് സ്റ്റോപ്പുകൾ ഉള്ളത്. പുതുക്കിയ സർവീസും സമയക്രമവും എന്ന് മുതൽ ഔദ്യോഗികമായ ആരംഭിക്കുമെന്ന് റെയിൽവെ പിന്നീട് അറിയിക്കുന്നതാണ്.

English Summary

Kollam-Kottayam MEMU Service Extended To Ernakulam. It Will Helps Passenger During Evening Peak Time, especially between Kochi And Kottayam. Kollam-Ernakulam MEMU Service Will Starts From Everyday At 1.30 PM, Arrives Ernakulam At 5.05 PM. On 5.30pm Return Service Will Starts And Ends At Kollam on Night 9.25pm.

സുൽത്താൻ ബത്തേരി: വയനാട് മീനങ്ങാടി സ്കൂൾ വിനോദയാത്ര വിവാദത്തിൽ ഒടുവിൽ വഴിത്തിരിവ്. വിനോദയാത്രയ്ക്കിടെ സ്കൂൾ പ്രിൻസിപ്പൽ മദ്യപിച്ചു എന്ന ആരോപണം തെറ്റാണെന്ന് വ്യക്തമായി. പ്രിൻസിപ്പൽ മദ്യപിച്ചിട്ടുണ്ടോ എന്ന് അറിയുന്നതിന് വേണ്ടി നടത്തിയ രക്ത പരിശോധന ഫലം നെഗറ്റീവ് ആയി. സംഭവത്തെ തുടർന്ന് ആരോപണ പ്രത്യാരോപണങ്ങൾ ഉയരുകയും വിവാദം മറ്റൊരു തലത്തിലേക്ക് എത്തുകയും ചെയ്ത സാഹചര്യത്തിലാണ് പുതിയ വഴിത്തിരിവ് ഉണ്ടായിരിക്കുന്നത്.

സ്കൂൾ വിനോദയാത്രയ്ക്ക് ഇടയിൽ വയനാട് മീനങ്ങാടി ഗവൺമെന്റ് ഹയർ സെക്കൻഡറി സ്കൂളിലെ പ്രിൻസിപ്പലും പിടിഎ പ്രസിഡണ്ടും മദ്യപിച്ചു എന്ന് ആരോപിച്ചാണ് കഴിഞ്ഞദിവസം സ്കൂളിനു മുന്നിൽ രക്ഷിതാക്കൾ പ്രതിഷേധിക്കുന്ന സാഹചര്യം ഉണ്ടായത്. ഈ പ്രതിഷേധത്തെ തുടർന്നാണ് പോലീസ് സ്കൂൾ പ്രിൻസിപ്പലിനെ മദ്യപിച്ചിട്ടുണ്ടോ എന്നറിയുന്നതിന് വേണ്ടി വൈദ്യ പരിശോധനയ്ക്ക് വിധേയനാക്കിയത്. ഈ പരിശോധനയുടെ ഫലമാണ് ഇന്ന് പുറത്തുവന്നത്.

Also Read: യുവതിക്കൊപ്പം പാർക്കിൽ എത്തി, കൊച്ചിയിൽ ഊഞ്ഞാൽ ചങ്ങല കഴുത്തിൽ കുരുങ്ങി യുവാവ് മിരിച്ച നിലയിൽ

പ്രിൻസിപ്പലിന്റെ രക്ത സാമ്പിളിൽ മദ്യത്തിന്റെ അംശം പരിശോധനയിൽ കണ്ടെത്താൻ കഴിഞ്ഞില്ല. പ്രിൻസിപ്പൽ മദ്യപിച്ചിട്ടില്ല എന്ന് വിശദീകരിച്ച് വിനോദ യാത്ര സംഘത്തിലെ ഒരു വിഭാഗം വിദ്യാർത്ഥികളും ഇന്ന് രംഗത്തെത്തുകയുണ്ടായി. സംഭവത്തിൽ പ്രിൻസിപ്പൽ പൂർണ്ണമായും നിരപരാധിയാണെന്നും അദ്ദേഹത്തിനെതിരെ തങ്ങൾ ആരോപണം ഉന്നയിച്ചിട്ടില്ലെന്നും ആണ് കുട്ടികൾ പറയുന്നത്. പിടിഎ പ്രസിഡണ്ട് ആണ് മദ്യപിച്ച് വാഹനത്തിൽ കയറിയതെന്നും ഇയാളുടെ ശരീരത്തിൽ നിന്നും മദ്യത്തിന്റെ മണം വന്നപ്പോൾ അപ്പോൾ തന്നെ പരാതിപ്പെടുകയായിരുന്നു എന്നും കുട്ടികൾ ഇന്ന് വിശദീകരിച്ചു.

പുറത്തുവന്ന വീഡിയോയിൽ കുട്ടികൾ പിടിഎ പ്രസിഡന്റിനെതിരെയാണ് പറയുന്നത് എന്നും പ്രിൻസിപ്പളിനെ ആരും തെറ്റുകാരനായി പറഞ്ഞിട്ടില്ല എന്നും വിദ്യാർത്ഥികൾ ഇന്ന് മാധ്യമങ്ങളോട് പ്രതികരിച്ചു. രക്ഷിതാക്കളാണ് പ്രിൻസിപ്പൽ മദ്യപിച്ചു എന്ന് ആരോപണമുന്നയിക്കുന്നതും അദ്ദേഹത്തെ തടഞ്ഞു വയ്ക്കുന്നത് ഉൾപ്പെടെയുള്ള പ്രതിഷേധം നടത്തുകയും ചെയ്തത്. ഇന്നിപ്പോൾ രക്ത പരിശോധന ഫലം പുറത്തുവരുമ്പോൾ ആ ആരോപണം പൂർണ്ണമായും അസാധു ആവുകയാണ്. ഇനി വ്യക്തത വരേണ്ടത് ആരാണ് ഈ വിഷയത്തിലേക്ക് പ്രിൻസിപ്പലിനെ കൂടി വലിച്ചിഴച്ചത് എന്ന കാര്യത്തിലാണ്. പ്രിൻസിപ്പൽ മദ്യപിച്ചു എന്ന തരത്തിൽ വാർത്ത വന്നപ്പോൾ സംഭവം  വിലയ ചർച്ചകൾക്ക് വഴിവച്ചിരുന്നു.

English Summary

There has finally been a breakthrough in the controversy surrounding the school excursion from Meenangadi, Wayanad. It has been clarified that the allegation that the school principal consumed alcohol during the trip is false. The results of a blood test, conducted to determine whether the principal had consumed alcohol, came back negative.

തിരുവനന്തപുരം : ശബരിമലയിലെ അരവണയുടെ കാര്യത്തിൽ യാതൊരു രൂപത്തിലുള്ള ആശങ്കയുമില്ല എന്ന് ദേവസ്വം ബോർഡ് പ്രസിഡന്റ് കെ ജയകുമാർ. ശബരിമലയിൽ അരവണ നിർമാണ പ്ലാന്റിന്റെ പണി പൂർത്തിയായി എന്നും പ്രതിദിനം 2 ലക്ഷം ടിൻ അരവണ തയ്യാറാക്കുന്നുണ്ട് എന്നും അദ്ദേഹം പറഞ്ഞു. രാത്രിയും പകലുമായി നിർമ്മാണം നടക്കുകയാണ് എന്നും അദ്ദേഹം കൂട്ടിച്ചേർത്തു.

60 ലക്ഷം കരുതൽ ശേഖരം ഉണ്ടാകും. ഇന്നുമുതൽ സാധനങ്ങൾ സന്നിധാനത്തെക്ക്‌ എത്തിക്കാനുള്ള ട്രാൻസ്പോർട്ട് കോൺട്രാക്ട് ആരംഭിക്കും. ദേവസ്വം ബോർഡ് രണ്ട് ട്രാക്ടറുകൾ വാങ്ങും എന്നും അറിയിച്ചു. അതേസമയം ശബരിമല ഡിജിറ്റലൈസേഷനുമായി ബന്ധപ്പെട്ട പണം കിൻഫ്രാക്ക് നൽകിയിട്ടില്ല എന്നും വ്യക്തമാക്കി.

ALSO READ:ശബരിമല നെയ്യ് ക്രമക്കേട്: ദേവസ്വം ജീവനക്കാരൻ അറസ്റ്റിൽ, വൻ സാമ്പത്തിക തട്ടിപ്പ് പുറത്ത്

നമ്മുടെ അക്കൗണ്ടിൽ നിന്നാണ് പണം പോകുന്നത്...

അവർക്ക് എന്തെങ്കിലും വിഷമം ഉണ്ടെങ്കിൽ അവർ പോയിക്കോട്ടെ, നമ്മുടെ അക്കൗണ്ടിൽ നിന്നാണ് പണം പോകുന്നത്. പ്രോജക്ട് വഴിയിൽ നിന്ന് പോകാതിരിക്കാനുള്ള മുൻകരുതൽ എടുക്കുന്നുണ്ടെന്നും അറിയിച്ചു. ഒരേ മനസ്സോടെ എല്ലാവരും മുന്നോട്ടു പോയാൽ എല്ലാ കാര്യങ്ങളും ശുഭകരമാകും എന്നും ദേവസ്വം ബോർഡ് പ്രസിഡന്റ് പ്രതികരിച്ചു.

അതിനിടെ ശബരിമലയിലെ മിൽമ നെയ്യ് ക്രമക്കേടുമായി ബന്ധപ്പെട്ട ഒരാൾ കൂടി അറസ്റ്റിൽ. നെയ്യ് സ്റ്റോർ സൂപ്രണ്ടിന്റെ ഓഫീസിലെ ജീവനക്കാരനായ ജയലാലിനെ ആണ് അറസ്റ്റ് ചെയ്തിരിക്കുന്നത്. ദേവസ്വം ബോർഡിലെ പഞ്ച ജീവവാദ്യം ജീവനക്കാരനും കൂടിയാണ് ഇയാൾ. വലിയ സാമ്പത്തിക തട്ടിപ്പാണ് ഇയാൾ നടത്തിയത് എന്നാണ് റിപ്പോർട്ട്. ഇതിന് പിന്നാലെ അറസ്റ്റ് രേഖപ്പെടുത്തുകയായിരുന്നു. മിൽമയുടെ നെയ്യ് ശബരിമലയിൽ എത്തിയതായി വ്യാജ രേഖയുണ്ടാക്കി പണം കൈപ്പറ്റിയതിൽ ജയലാലിന് പങ്കുണ്ടെന്ന് വിജിലൻസ് കണ്ടെത്തിയിരിക്കുന്നത്.

അതേസമയം കേസുമായി ബന്ധപ്പെട്ട് ഇതിനുമുമ്പ് പിടിയിലായ കരാറുകാരൻ എസ് എസ് ബിനുവിന്റെ മൊഴിയുടെ പശ്ചാത്തലത്തിലാണ് ഇപ്പോൾ ഈ അറസ്റ്റ് നടന്നിരിക്കുന്നത്. കഴിഞ്ഞ ദിവസമാണ് നെയ്യ് ക്രമക്കേടിൽ കരാറുകാരനായ എസ് എസ് ബിനുവിനെ വിജിലൻസ് കസ്റ്റഡിയിലെടുത്തിരുന്നത്. ട്രാൻസ്പോർട്ട് കരാറുകാരൻ ആയിരുന്നു എസ്എസ് ബിനു.

ENGLISH SUMMARY

Devaswom Board President K. Jayakumar stated that there is absolutely no cause for concern regarding the Aravana at Sabarimala. He mentioned that the construction of the Aravana production plant at Sabarimala has been completed, and 2 lakh tins of Aravana are being prepared daily.

കൊച്ചി: കടവന്ത്ര ഗാന്ധി നഗറിലെ പാർക്കിൽ യുവാവിനെ മരിച്ച നിലയിൽ കണ്ടെത്തി. പാർക്കിലെ ഊഞ്ഞാലിൽ ഘടിപ്പിച്ചിട്ടുള്ള ചങ്ങല കഴുത്തിൽ കുരുങ്ങിയാണ് ആലുവ ചെമ്പറക്കി അരിമ്പശ്ശേരി പി എം അബ്ദുൽ കരീമിന്റെയും ഷംലയുടെയും മകൻ ഫർഹാനെ മരിച്ച നിലയിൽ കണ്ടെത്തിയത്. 21 കാരനായ ഫർഹാൻ ഒരു പ്രമുഖ യുടൂബറുടെ ക്യാമറമാനായി ജോലി ചെയ്തു വരികയായിരുന്നു. വ്യാഴാഴ്ച പുലർച്ചെ ഒരു ഒരു മണിക്കാണ് ഈ സംഭവം ഉണ്ടാകുന്നത്. തന്റെ സുഹൃത്തായ യുവതിക്ക് ഒപ്പമാണ് ഫർഹാൻ പാർക്കിൽ എത്തിയത്.

തുടർന്ന് ഇവർ തമ്മിൽ വാക്കേറ്റം ഉണ്ടായതായി പറയപ്പെടുന്നു. ഇതിൽ പ്രകോപിതനായ ഫർഹാൻ ഊഞ്ഞാലിന്റെ ചങ്ങല തന്റെ കഴുത്തിൽ കുരുക്കുകയായിരുന്നു എന്നാണ് പ്രാഥമികമായി ലഭിക്കുന്ന വിവരം. സംഭവം കണ്ടതിനെ തുടർന്ന് പരിഭ്രാന്തിയിലായ യുവതി റോഡിലെ യാത്രക്കാരോട് സഹായം തേടുകയും സമീപത്ത് താമസിച്ചു വന്നിരുന്ന മറ്റ് സുഹൃത്തുക്കളെ വിവരമറിയിക്കുകയും ആയിരുന്നു എന്നാണ് റിപ്പോർട്ട്.

Also Read: ബൈക്ക് പോസ്റ്റിലിടിച്ച് 18, 19 വയസുള്ള രണ്ട് കോളേജ് വിദ്യാർഥികൾ മരിച്ചു

വിവരമറിഞ്ഞ് കടവന്ത്ര പോലീസ് ഉടൻ തന്നെ സ്ഥലത്തെത്തി. ഇതിനു ശേഷമാണ് ചങ്ങലയിൽ നിന്ന് മൃതദേഹം പുറത്തെടുത്തത്. ഫർഹാന്റെ ഒപ്പമുണ്ടായിരുന്ന കോട്ടയം സ്വദേശിനിയായ സുഹൃത്ത് കൊച്ചിയിലെ ഒരു സ്വകാര്യ കോസ്മെറ്റോളജി ക്ലിനിക്കിലെ ജീവനക്കാരിയാണ് എന്ന് പോലീസ് അറിയിക്കുന്നു. സംഭവത്തിൽ കടവന്ത്ര പോലീസ് അസ്വാഭാവികമായ മരണത്തിന് കേസ് എടുത്തിട്ടുണ്ട്. അന്വേഷണം പുരോഗമിച്ചു വരികയാണ്. നടപടിക്രമങ്ങൾ പൂർത്തിയാക്കിയ ശേഷം ഫർഹാൻ്റെ മൃതദേഹം സംസ്കരിച്ചു. സംഭവത്തിൽ ഏതെങ്കിലും വിധത്തിലുള്ള ദുരൂഹതകൾ ഉണ്ടോ എന്ന് പോലീസ് അന്വേഷണത്തിലൂടെയെ വ്യക്തമാകൂ. എന്തായാലും ദാരുണമായ സംഭവത്തിൻ്റെ ഞെട്ടലിലാണ് യുവാവിൻ്റെ സുഹൃത്തുക്കളും ബന്ധുക്കളും.

അതേസമയം ഇന്ന് കണ്ണൂരിൽ ഒരു അജ്ഞാത മൃതദേഹം കണ്ടെത്തിയ സംഭവം ഇന്ന് റിപ്പോർട്ട് ചെയ്യപ്പെട്ടിട്ടുണ്ട് . പെരിങ്ങോം പോലീസ് സ്റ്റേഷൻ പരിധിയിൽ വരുന്ന കാടാം കുന്നിലാണ് റബ്ബർ തോട്ടത്തിൽ അഴുകിയ നിലയിൽ അജ്ഞാത മൃതദേഹം കണ്ടെത്തിയിരിക്കുന്നത്. സംഭവത്തെ തുടർന്ന് പെരിങ്ങോം പോലീസ് സ്ഥലത്തെത്തി അന്വേഷണം ആരംഭിച്ചിട്ടുണ്ട്. വാഹനത്തിൽ എത്തിച്ചേരാൻ കഴിയാത്ത കുന്നിൻ മുകളിലെ റബ്ബർ തോട്ടത്തിലാണ് മൃതദേഹം കണ്ടെത്തിയത്. തുടർന്നുള്ള അന്വേഷണത്തിലേ മൃതദേഹം ആരുടേത് ആണ് എന്ന് വ്യക്തമാവുകയുള്ളൂ.

English Summary

A young man was found dead in a park at Gandhi Nagar, Kadavanthra. The deceased, Farhan son of P.M. Abdul Kareem and Shamla from Arimbasseri, Chemparakki, Aluva was found with a chain attached to a park swing wrapped around his neck. Farhan, 21, had been working as a cameraman for a prominent YouTuber.

തിരുവനന്തപുരം: നിപ്പ രോഗികൾക്ക് കാലാവധി കഴിഞ്ഞ മരുന്ന് നൽകി എന്ന ആരോഗ്യമന്ത്രി കെ മുരളീധരന്റെ ആരോപണത്തിനെതിരെ മുൻ ആരോഗ്യമന്ത്രി വീണ ജോർജ്.ആരോഗ്യമന്ത്രിയുടെ പരാമർശം ദുരൂഹത നിറഞ്ഞതാണെന്നും മുരളീധരനെ ആരെങ്കിലും തെറ്റിദ്ധരിപ്പിച്ചതാണോ എന്ന് അറിയില്ല, ജനങ്ങളോട് മാപ്പ് പറയണം എന്ന് വീണാ ജോർജ്. എത്ര നിരുത്തരവാദപരമായി ആണ് അദ്ദേഹം സംസാരിച്ചത് എന്നും വീണാ ജോർജ് ചോദിക്കുന്നു.

ഇത്തരത്തിൽ സെൻസിറ്റീവ് ആയ ഒരു വിഷയത്തിൽ കെ മുരളീധരൻ എപ്രകാരമാണ് ഇത്തരത്തിൽ മറുപടി പറയാൻ സാധിക്കുന്നത്. കെ മുരളീധരൻ തെറ്റിദ്ധാരണ പരത്തുകയാണ് എന്നും നിപ്പാ ബാധിതർക്ക് കാലാവധി കഴിഞ്ഞ മരുന്നുകൾ നൽകിയിട്ടില്ല എന്നും വീണ ജോർജ് വ്യക്തമാക്കി. 2021ൽ നൽകിയ മരുന്നിന് 2025 വരെ കാലാവധി ഉണ്ടായിരുന്നു. KMSCL കൃത്യമായ വിവരം രേഖപ്പെടുത്തിയിട്ടുണ്ട്. റെംഡിസിവർ മരുന്ന് നൽകിയ ആരും മരിച്ചിട്ടില്ല എന്നും വീണാ ജോർജ് പറഞ്ഞു.

ALSO READ:ബൈക്ക് പോസ്റ്റിലിടിച്ച് 18, 19 വയസുള്ള രണ്ട് കോളേജ് വിദ്യാർഥികൾ മരിച്ചു

നിപ്പാ രോഗികളുടെ കൃത്യമായ രേഖകൾ സർക്കാറിന്റെ പക്കലുണ്ട്...

മാത്രമല്ല കെ മുരളീധരൻ പ്രസ്താവന തിരുത്തി മാപ്പ് പറയണം എന്നും വീണാ ജോർജ് ആവശ്യപ്പെട്ടു. നിപ്പാ രോഗികളുടെ കൃത്യമായ രേഖകൾ സർക്കാറിന്റെ പക്കലുണ്ട്. എന്തെല്ലാം മരുന്നുകൾ കൊടുത്തു. എന്തൊക്കെ തരത്തിലുള്ള ചികിത്സകൾ നൽകി എന്നതിന്റെ എല്ലാ രേഖകളും സർക്കാരിന്റെ സമക്ഷമുണ്ട് എന്നും വീണാ ജോർജ് പറയുന്നു. ആകെ അഞ്ച് നിപ്പ രോഗികൾക്കാണ് മരുന്ന് കൊടുത്തിട്ടുള്ളത് മരുന്ന് സ്വീകരിച്ചവർ എല്ലാം ഇന്ന് ജീവനോടെ തന്നെയുണ്ട്.

പകർച്ചവ്യാധിയുടെ മരണ നിരക്ക് 70%ത്തിന് മുകളിലാണ് എന്നിരിക്കെ കേരളത്തിൽ മരണനിരക്ക് കുറയ്ക്കാൻ സാധിച്ചിട്ടുണ്ട്. ഏറ്റവും വിജയകരമായ മരുന്നായിരുന്നു രോഗികൾക്ക് നൽകിയിരുന്നത്. 2023 ജൂലൈയിൽ മരുന്നിന്റെ കാലാവധി കഴിഞ്ഞിട്ടുണ്ടെങ്കിൽ പിന്നെ മരുന്നിന്റെ മൂവ്മെന്റ് സാധിക്കില്ല.മരുന്ന് ലോക്ക് ആവുകയും ചെയ്യും ഒരു ഗോഡൗണിൽ നിന്നും മറ്റൊരു ഇൻസ്റ്റിറ്റ്യൂഷനിലേക്ക് കൊണ്ടുപോകണമെങ്കിൽ തന്നെ പോർട്ടലിൽ മാറ്റം വരുത്തണം എന്നാൽ കാലാവധി കഴിഞ്ഞിട്ടുണ്ടെങ്കിൽ പോർട്ടൽ ലോക്ക്ഡ് ആവും മരുന്ന് കൊണ്ടുപോകാൻ പിന്നെ സാധിക്കില്ല എന്നും വീണാ ജോർജ് വ്യക്തമാക്കി.

അതേസമയം കഴിഞ്ഞ ദിവസമായിരുന്നു ആരോഗ്യ മന്ത്രി കെ മുരളീധരൻ ഇത്തരത്തിൽ നിപ്പാരോഗികൾക്ക് നൽകിയത്. കാലാവധി കഴിഞ്ഞ മരുന്നാണ് എന്ന തരത്തിലുള്ള പരാമർശം നടത്തിയത്. നിയമസഭാ സമ്മേളനത്തിൽ സംശയമായിട്ടായിരുന്നു ഉന്നയിച്ചത്. എന്നാൽ ഇത് വലിയ വിവാദമാണ് ഉണ്ടാക്കിയിരിക്കുന്നത്. സംഭവത്തിൽ അന്വേഷണം പ്രഖ്യാപിച്ചുവെന്നും മന്ത്രി കെ മുരളീധരൻ കഴിഞ്ഞ ദിവസം പറഞ്ഞിരുന്നു. 2023, 24, 25 വർഷക്കാലങ്ങളിൽ കാലാവധി കഴിഞ്ഞ് മരുന്നു വിതരണം ചെയ്തതായി സംശയിക്കുന്നു എന്നാണ് മുരളീധരൻ നിയമസഭാ സമ്മേളനത്തിൽ പറഞ്ഞിരുന്നത്.

ENGLISH SUMMARY

Former Health Minister Veena George has responded to an allegation by Health Minister K. Muralidharan that expired medicines were administered to Nipah patients. Veena George stated that the Health Minister’s remarks are suspicious—noting that it is unclear if he was misinformed by someone else—and demanded that he apologize to the public.

തിരുവനന്തപുരം: ഒരു കോടി രൂപ ഒന്നാം സമ്മാനം ലഭിക്കുന്ന സംസ്ഥാന ലോട്ടറി വകുപ്പിന്റെ സുവർണ കേരളം ഭാ​ഗ്യക്കുറിയുടെ ഇന്നത്തെ ഫലം അറിയാം. എല്ലാ വെള്ളിയാഴ്ചകളിലും നറുക്കെടുക്കുന്ന ലോട്ടിറായണ് സുവർണ കേരളം. ഒരു ടിക്കറ്റിന് 50 രൂപയാണ് നിരക്ക് വരുന്നത്. ഇന്നത്തെ സുവർണ കേരളം ലോട്ടറി Suvarna Keralam SK 75 ന്റെ നറുക്കെടുപ്പിന്റെയും വിജയ നമ്പറുകളുടെയും പൂർണ്ണ വിവരങ്ങൾ ഒറ്റനോട്ടത്തിൽ അറിയാം. തിരുവനന്തപുരം ബേക്കറി ജംഗ്ഷന് സമീപത്തുള്ള ഗോർക്കി ഭവനിൽ ഉച്ചയ്ക്ക് 3 മണി മുതൽ നടന്ന നറുക്കെടുപ്പിലാണ് സുവർണ കേരളം ലോട്ടറി വിജയികളെ തിരഞ്ഞെടുത്തത്. RA, RB, RC, RD, RE, RF, RG, RH, RJ, RK, RL, RM എന്നിങ്ങനെ വരുന്ന ആകെ 12 സീരീസുകളിലാണ് സുവർണ്ണ കേരളം ഭാ​ഗ്യക്കുറി വിൽപനയ്ക്ക് എത്തി‌യത്.

സമ്മാന ഘ​ടന ഇങ്ങനെ

ഈ ലോട്ടറിയുടെ ഓന്നാം സമ്മാനം ലഭിക്കുന്നത് ഒരു കോടിയാണെങ്കിൽ രണ്ടാം സമ്മാനം സ്വന്തമാക്കുന്ന വ്യക്തിക്ക് 30 ലക്ഷം രൂപയാണ് കിട്ടുക. മൂന്നാം സ്ഥാനം നേടുന്ന വിജയിക്ക് സമ്മാനമായി 10 ലക്ഷം രൂപയും സ്വന്തമാക്കാം. ഉയർന്ന ആദ്യ മൂന്ന് സമ്മാനങ്ങൾക്ക് പുറമെ മറ്റ് നിരവധി പേർക്ക് ചെറിയ തുകകളിലൂടെ വിജയികളാകാനുള്ള അവസരവും ഭാഗ്യക്കുറി വകുപ്പ് ഒക്കിയിട്ടുണ്ട്. 5,000 രൂപ വീതം 11 പേർക്കാണ് സമാശ്വാസ സമ്മാനം ലഭിക്കുക. അതിന് പുറമെ നാലാം സമ്മാനമായി 5,000 രൂപയും, അഞ്ചാം സമ്മാനമായി 2,000 രൂപയും, ആറാം സമ്മാനമായി 1,000 രൂപയും ലഭിക്കുന്ന വിധത്തിലാണ് സുവർണ കേരളം ലോട്ടറിയുടെ സമ്മാന ഘടന ക്രമീകരിച്ചിരിക്കുന്നത്. ഏഴാം സമ്മനമാമായി 500 രൂപയും, എട്ടാം സമ്മാനമായി 200 രൂപയും, ഒൻപതാം സമ്മാനമായി 100 രൂപാ വീതവും വിജയികൾക്ക് നേടാനും കഴിയും.

Also Read: വെളിച്ചെണ്ണയ്ക്ക് 70 രൂപ ഇളവ്, ‘മ’യിൽ തുടങ്ങുന്ന ഉത്പന്നങ്ങൾക്കും വിലക്കുറവ്; വൻ ഓഫറുകളുമായി സപ്ലൈകോ

ഇത്തന്നെ സുവർണ കേരളം ലോട്ടറിയുടെ വിജയ നമ്പറുകൾ നോക്കാം

ഒന്നാം സമ്മാനം 1 കോടി രൂപ

RC 903806 (ADIMALY)

സമാശ്വാസ സമ്മാനം 5,000 രൂപ

RA 903806
RB 903806
RD 903806
RE 903806
RF 903806
RG 903806
RH 903806
RJ 903806
RK 903806
RL 903806
RM 903806

രണ്ടാം സമ്മാനം 30 ലക്ഷം രൂപ

RM 502433 (KOLLAM)

മൂന്നാം സമ്മാനം 5 ലക്ഷം രൂപ

RK 190155 (WAYANADU)

നാലാം സമ്മാനം 5,000 രൂപ

0520 0894 1303 1343 1350 2026 2928 2952 4503 5376 5469 5896 6133 6879 7167 7417 8473 9241 9623

അഞ്ചാം സമ്മാനം 2,000 രൂപ

2289 2814 2946 3205 3326 8833

ആറാം സമ്മാനം 1,000 രൂപ

0275 0658 0691 1316 1572 2129 2315 2595 2762 3190 3661 3880 4922 5024 5103 5561 5790 6067 6160 6979 7204 8289 8468 9299 9770

ഏഴാം സമ്മാനം 500 രൂപ

0157 0193 0289 0564 0596 0861 0978 1166 1185 1369 1510 1555 1601 1614 1656 1941 2019 2071 2279 2497 2801 2828 3081 3145 3617 3888 4326 4338 4432 4821 4834 4885 5050 5375 5610 5671 5798 6032 6116 6120 6155 6283 6630 6675 6800 7104 7105 7229 7298 7334 7406 7415 7521 7699 7819 8001 8247 8318 8339 8620 8699 8780 8805 8914 9002 9056 9163 9218 9380 9459 9574 9700 9780 9784 9921 9998

എട്ടാം സമ്മാനം 200 രൂപ

0197 0208 0217 0290 0293 0371 0472 0541 0600 0642 0814 0863 0967 0979 0998 0999 1149 1156 1285 1513 1617 1951 2041 2161 2452 2570 2579 2744 3002 3041 3093 3176 3196 3269 3406 3844 4284 4356 4405 4527 4607 4618 4686 4850 4896 4940 4971 4981 5005 5220 5512 5573 5668 5707 5793 5803 5840 5909 5943 6000 6053 6261 6398 6636 6645 6851 7012 7076 7169 7253 7259 7721 7829 8006 8027 8131 8250 8384 8409 8730 8843 8866 8896 8976 9047 9491 9596 9617 9639 9705 9742 9745

ഒൻപതാം സമ്മാനം 100 രൂപ

0011 0146 0169 0338 0411 0495 0575 0696 0698 0801 0867 0888 0891 1051 1082 1101 1117 1129 1169 1271 1334 1345 1411 1412 1450 1666 1686 1723 1728 1823 1829 2024 2079 2096 2202 2326 2483 2507 2616 2619 2930 2958 3033 3051 3405 3469 3580 3648 3775 3782 3853 3878 3909 3915 3975 4003 4011 4037 4080 4298 4567 4573 4753 4755 4831 5017 5084 5099 5111 5176 5204 5254 5334 5361 5580 5674 5718 5743 5839 5875 5888 5945 5992 6140 6149 6190 6399 6441 6452 6519 6641 6672 6704 6736 7029 7039 7127 7133 7161 7201 7234 7315 7411 7416 7437 7460 7497 7579 7642 7677 7719 7768 7952 7956 7965 7985 8032 8099 8210 8275 8293 8344 8411 8443 8474 8516 8543 8812 8862 8972 9000 9021 9119 9158 9186 9251 9333 9339 9353 9513 9538 9645 9769 9824

ലോട്ടറി വിജയികൾ ആകുന്നവർ ഇക്കാര്യങ്ങൾ പ്രത്യേകം ശ്രദ്ധിക്കുക

സുവർണ കേരളം ഉൾപ്പെടെയുള്ള എല്ലാ ഭാ​ഗ്യക്കുറികളുടെയും നറുക്കെടുപ്പ് പൂർത്തിയാക്കി ഫലം പ്രഖ്യാപിച്ച് കഴിഞ്ഞ് മുപ്പത് ദിവസത്തിനുള്ളിൽ തന്നെ ഭാ​ഗ്യശാലികൾ സമ്മാനത്തുക സ്വീകരിക്കാനുള്ള നപടികൾ നോക്കണം. സമ്മാനത്തിന് അർഹമായ ലോട്ടറി ടിക്കറ്റുകൾ കേടുപാടുകൾ കൂടാതെ സുരക്ഷിതമായി സൂക്ഷിക്കാൻ വിജയികൾ പ്രത്യേകം ഓർമ്മിക്കുക. ടിക്കറ്റ് വാങ്ങിയ ഉടൻ തന്നെ അതിന് പുറക് വശത്ത് പേര് എഴുതാനും ഒപ്പ് രേഖപ്പെടുത്താനും വിട്ടുപോകരുത്.

നിരാകരണം – സുവർണ കേരളം ഭാ​ഗ്യക്കുറി നറുക്കെടുപ്പുമായി ബന്ധപ്പെട്ട ഈ ലേഖനം വായനക്കാരുടെ താൽപ്പര്യപ്രകാരം മാത്രം എഴുതിയതാണ്. ടിവി 9 ഒരിക്കലും ലോട്ടറികളെ പ്രോത്സാഹിപ്പിക്കുന്നില്ല. വായനക്കാർ അവരുടെ ജീവിത വിധി മാറ്റാൻ ഒരിക്കലും ഭാഗ്യക്കുറിയെ ആശ്രയിക്കാതിരിക്കുക.

English Summary

Are you waiting for the results of today’s Suvarna Keralam SK 75 Lottery from the State Lottery Department. Check All Winning Numbers and Draw Details Here. If so, here are the details regarding the draw, the winning numbers, and the steps to follow if you win a prize.

തിരുവനന്തപുരം: തലസ്ഥാന നഗരിയുടെ ദീർഘകാല ആവശ്യമായിരുന്നസ മെട്രോ പദ്ധതിയുമായി ബന്ധപ്പെട്ട പ്രവർത്തനങ്ങൾ പുരോഗമിക്കുന്നു. നിർദിഷ്ട മെട്രോ പദ്ധതിയുടെ വിശദമായ പ്രോജക്റ്റ് റിപ്പോർട്ടും (ഡിപിആർ) പരിഷ്കരിച്ച സമഗ്ര മൊബിലിറ്റി പ്ലാനും (സിഎംപി) സംസ്ഥാന സർക്കാരിന്റെ പരിഗണനയിലാണുള്ളത്. ഇക്കാര്യത്തിൽ ഒരു മാസത്തിനകം അന്തിമ തീരുമാനം ഉണ്ടാകുമെന്നാണ് സൂചന.

ഡിപിആർ സർക്കാരിന്റെ പരിഗണനയിൽ

കൊച്ചിക്ക് പിന്നാലെ തിരുവനന്തപുരത്തും മെട്രോ എത്തുന്നതോടെ സംസ്ഥാനത്തെ പൊതുഗതാഗത സംവിധാനത്തിന് അത് വലിയൊരു കരുത്താകും. നിർദിഷ്ട മെട്രോ പദ്ധതിക്കായുള്ള പ്രാഥമിക നടപടികൾ ആരംഭിച്ചിട്ടും തുടർനടപടികൾ വൈകുകയാണ്. ഡിപിആറും സമഗ്ര മൊബിലിറ്റി പ്ലാനും കഴിഞ്ഞ രണ്ട് മാസമായി സർക്കാരിന്റെ മുന്നിലാണ്. ഇതുവരെയും തുടർനടപടികളിലേക്ക് കടന്നിട്ടില്ല. ഒരു മാസത്തിനകം അന്തിമ തീരുമാനം ഉണ്ടായേക്കുമെന്ന് ടൈംസ് ഓഫ് ഇന്ത്യ റിപ്പോർട്ട് ചെയ്തു.

കഴിഞ്ഞ ഓഗസ്റ്റിൽ തന്നെ ഡിപിആറും സിഎംപി റിപ്പോർട്ടും ഉൾപ്പെടെയുള്ള പദ്ധതി രേഖകൾ സംസ്ഥാന സർക്കാരിന് സമർപ്പിച്ചിരുന്നു. മെട്രോ റെയിൽ വിഭാഗം, ഗതാഗത വകുപ്പ്, തദ്ദേശ സ്വയംഭരണ വകുപ്പ് ഉൾപ്പെടെയുള്ള വകുപ്പുകൾ പദ്ധതി വിവരങ്ങൾ പരിശോധിക്കുന്നുണ്ട്. കൊച്ചി മെട്രോ റെയിൽ ലിമിറ്റഡ് (കെഎംആർഎൽ) ആണ് തിരുവനന്തപുരം മെട്രോ റെയിൽ പദ്ധതിക്കായി അടിസ്ഥാനപരമായ പ്രവർത്തനങ്ങൾ ഏകോപിപ്പിക്കുന്നത്.

ALSO READ: പിങ്ക് ലൈൻ 2027 ഓഗസ്റ്റിൽ; കൊച്ചി മെട്രോയ്ക്ക് പച്ചക്കൊടി വീശി എഐഐബി

ജനസംഖ്യ തടസ്സമാകുമോ?

മെട്രോ റെയിൽ പദ്ധതി നടപ്പാക്കുന്ന നഗരത്തിൽ കുറഞ്ഞത് 20 ലക്ഷം ജനസംഖ്യ വേണമെന്നാണ് കേന്ദ്ര സർക്കാരിന്റെ പ്രധാന മാനദണ്ഡം. 2017ലെ ദേശീയ മെട്രോ റെയിൽ നയത്തിൽ നിഷ്കർഷിച്ചിട്ടുള്ള ഈ ജനസംഖ്യാ മാനദണ്ഡങ്ങൾ നിർദിഷ്ട പദ്ധതിക്ക് തിരിച്ചടിയാകാതിരിക്കാൻ വിശദമായ വിവരങ്ങൾ സമർപ്പിച്ചിട്ടുണ്ടെന്ന് കെഎംആർഎൽ വൃത്തങ്ങൾ അറിയിച്ചു. കോർപറേഷൻ, മൂന്ന് മുനിസിപ്പാലിറ്റികൾ, 51 ഗ്രാമപഞ്ചായത്തുകൾ എന്നിവ ഉൾപ്പെടുന്ന 1,194 ചതുരശ്ര കിലോമീറ്റർ വിസ്തൃതിയുള്ള നഗര ആസൂത്രണ മേഖലയിൽ 2011ലെ സെൻസസ് പ്രകാരം ഏകദേശം 26 ലക്ഷം ജനങ്ങളുണ്ടെന്ന് കെഎംആർഎൽ ചൂണ്ടിക്കാട്ടിയിട്ടുണ്ട്.

തിരുവനന്തപുരം മെട്രോ

പാപ്പനംകോട് മുതൽ ഈഞ്ചക്കൽ വരെ 31 കിലോമീറ്ററിലാണ് തിരുവനന്തപുരം മെട്രോ ഒരുങ്ങുന്നത്. ഈ ഇടനാഴി പാപ്പനംകോടിനെ കരമന, തമ്പാനൂർ, സെക്രട്ടേറിയറ്റ്, പാളയം, മെഡിക്കൽ കോളേജ്, ഉള്ളൂർ, ശ്രീകാര്യം, കഴക്കൂട്ടം, ടെക്നോപാർക്ക്, ആക്കുളം, കൊച്ചുവേളി, വിമാനത്താവളം, ഈഞ്ചക്കൽ തുടങ്ങിയ പ്രധാന റെസിഡൻഷ്യൽ, വാണിജ്യ, ഭരണ, വിദ്യാഭ്യാസ, തൊഴിൽ കേന്ദ്രങ്ങളുമായി ബന്ധിപ്പിക്കുന്നതായിരിക്കും. 27 സ്റ്റേഷനുകളാണ് ഒരുക്കുക. ഇടനാഴിക്ക് ഏകദേശം 8,000 കോടി രൂപ ചെലവ് വന്നേക്കും.  പാപ്പനംകോട്, ആനയറ എന്നിവിടങ്ങളിൽ ഇന്റർമോഡൽ സൗകര്യങ്ങളും കഴക്കൂട്ടത്ത് പ്രത്യേക മെട്രോ റെയിൽ യാർഡും നിർദേശിച്ചിട്ടുണ്ട്.

English Summary:

The proposed Thiruvananthapuram Metro Rail project is awaiting further progress following issues related to its Detailed Project Report and Comprehensive Mobility Plan. The project aims to improve public transportation in the capital city, reduce traffic congestion and provide faster connectivity between major residential and commercial areas.

ആന്‍ഡമാന്‍ കടലില്‍ രൂപപ്പെട്ട ന്യൂനമര്‍ദ്ദം ഒരിടവേളയ്ക്ക് ശേഷം കേരളത്തില്‍ മഴ ശക്തമാക്കിയേക്കും. നിലവില്‍ തെക്കന്‍ ആന്‍ഡമാന്‍ കടലിനും സമീപത്തെ ആന്‍ഡമാന്‍ നിക്കോബാര്‍ ദ്വീപുകള്‍ക്കും മുകളിലായാണ് ന്യൂനമര്‍ദ്ദം സ്ഥിതി ചെയ്യുന്നത്. ഇത് പടിഞ്ഞാറ്-വടക്കുപടിഞ്ഞാറ് ദിശയിലേക്ക് നീങ്ങി ഒക്ടോബര്‍ 31-ഓടെ തെക്കുകിഴക്കന്‍ ബംഗാള്‍ ഉള്‍ക്കടലിനും സമീപത്തെ ആന്‍ഡമാന്‍ നിക്കോബാര്‍ ദ്വീപുകള്‍ക്കും ആന്‍ഡമാന്‍ കടലിനും മുകളിലായി തീവ്രന്യൂനമര്‍ദ്ദമായി ശക്തിപ്രാപിക്കാന്‍ സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. തുടര്‍ന്ന് അടുത്ത രണ്ട് ദിവസങ്ങളില്‍ ആന്ധ്രാപ്രദേശ് തീരം ലക്ഷ്യമാക്കി നീങ്ങാനാണ് സാധ്യത. ഈ സാഹചര്യത്തില്‍ കേരളത്തില്‍ നവംബര്‍ ഒന്ന് മുതല്‍ മൂന്ന് വരെ ഒറ്റപ്പെട്ട സ്ഥലങ്ങളില്‍ 24 മണിക്കൂറില്‍ ശക്തമായ മഴ ലഭിച്ചേക്കുമെന്ന് കാലാവസ്ഥ വകുപ്പ് മുന്നറിയിപ്പ് നല്‍കി.

ഏഴ് മുതല്‍ 11 സെ.മീ വരെ മഴ ലഭിച്ചേക്കും. ഈ തീയതികളില്‍ ഇടിമിന്നലോടുകൂടിയ മഴയ്ക്കും മണിക്കൂറില്‍ 30-40 കിലോമീറ്റര്‍ വേഗത്തില്‍ ശക്തമായ കാറ്റ് വീശിയടിക്കാനും സാധ്യതയുണ്ട്. അതുകൊണ്ട് ജനം ജാഗ്രത പാലിക്കണമെന്നും ഇന്ന് (ഒക്ടോബര്‍ 30) ഉച്ചയ്ക്ക് ഒരു മണിക്ക് പുറപ്പെടുവിച്ച മുന്നറിയിപ്പില്‍ കാലാവസ്ഥ വകുപ്പ് വ്യക്തമാക്കി.

Also Read: Kerala Weather Update: വിടവാങ്ങാതെ മഴ! സംസ്ഥാനത്ത് ഇന്നത്തെ കാലാവസ്ഥ പ്രവചനം ഇങ്ങനെ

ജാഗ്രതാ നിര്‍ദ്ദേശം പുറപ്പെടുവിച്ചു

നവംബര്‍ ഒന്നിന് പത്തനംതിട്ട, കോട്ടയം, ഇടുക്കി ജില്ലകളിലും, രണ്ടിന് ഇടുക്കി, പാലക്കാട്, മലപ്പുറം, വയനാട് ജില്ലകളിലും, മൂന്നിന് കോഴിക്കോട്, വയനാട്, കണ്ണൂര്‍ ജില്ലകളിലുമാണ് ശക്തമായ മഴ പ്രതീക്ഷിക്കുന്നത്. ഈ ദിവസങ്ങളില്‍ ഈ ജില്ലകളില്‍ കേന്ദ്ര കാലാവസ്ഥ വകുപ്പ് യെല്ലോ അലര്‍ട്ട് പുറപ്പെടുവിച്ചിട്ടുണ്ട്.

നവംബര്‍ ഒന്ന് മുതല്‍ മൂന്ന് വരെയുള്ള തീയതികളില്‍ യെല്ലോ അലര്‍ട്ട് പ്രഖ്യാപിക്കാത്ത മറ്റ് ജില്ലകളില്‍ മിതമായ തോതിലും മഴ പ്രതീക്ഷിക്കാം. ഇന്ന് തിരുവനന്തപുരം മുതല്‍ മലപ്പുറം വരെയുള്ള ജില്ലകളില്‍ നേരിയ മഴയ്ക്കും, മറ്റ് ജില്ലകളില്‍ മിതമായ മഴയ്ക്കും സാധ്യതയുണ്ട്. നാളെ തൃശൂര്‍, കോഴിക്കോട്, വയനാട്, കണ്ണൂര്‍, കാസര്‍കോട് ജില്ലകളില്‍ നേരിയ തോതിലും, മറ്റ് ജില്ലകളില്‍ മിതമായ തോതിലും മഴയ്ക്ക് സാധ്യതയുണ്ടെന്നും കേന്ദ്ര കാലാവസ്ഥ വകുപ്പ് അറിയിച്ചു.

English Summary

A low-pressure system over the Andaman Sea is expected to intensify into a depression by October 31. Kerala is likely to receive heavy rain, thunderstorms, and strong winds from November 1 to 3.The IMD has issued yellow alerts for several districts across these three days.

കട്ടപ്പന: ബൈക്ക് നിയന്ത്രണം വിട്ട് സിമന്റ് പോസ്റ്റിലിടിച്ച് രണ്ട് കോളേജ് വിദ്യാർഥികൾക്ക് ദാരുണാന്ത്യം. മേരികുളം നിരപ്പേക്കട ആരംപുളിക്കൽ സാനിഫ് സലീം (19), ആലടി തോണിത്തടി വരിക്കയാനിക്കൽ നോയൽ അനീഷ് (18) എന്നിവരാണ് മരിച്ചത്. ലബ്ബക്കട ജെ.പി.എം. കോളേജിലെ വിദ്യാർഥികളായിരുന്നു ഇവർ. ആലടിയിൽ നിന്നും കട്ടപ്പന ഭാഗത്തേക്ക് പോവുകയായിരുന്ന ബൈക്ക് കട്ടപ്പന- കുട്ടിക്കാനം മലയോര ഹൈവേയിൽ പരപ്പ് കുരിശുപള്ളിക്ക് സമീപത്തുവച്ചാണ് അ‌പകടത്തിൽപ്പെട്ടത്. നിയന്ത്രണം വിട്ട ബൈക്ക് റോഡരികിലെ സംരക്ഷണ വേലിയുടെ സിമന്റ് പോസ്റ്റിലിടിക്കുകയായിരുന്നു. വ്യാഴാഴ്ച രാത്രി 1.20 ന് ആയിരുന്നു അ‌പകടം.

സാനിഫ് സലീമിന്റെ ബൈക്ക് ഓടിച്ചിരുന്നത് നോയൽ അനീഷായിരുന്നു. പരപ്പ് ഓട്ടോ സ്റ്റാൻഡിന് സമീപത്ത് എത്തിയപ്പോൾ ബൈക്കിന്റെ നിയന്ത്രണം നഷ്ടപ്പെടുകയും റോഡിൽ മറിഞ്ഞ് കുറച്ചു ദൂരം നിരങ്ങി, സംരക്ഷണ വേലിയുടെ സിമന്റ് പോസ്റ്റിലേക്ക് ഇടിച്ചുകയറുകയുമായിരുന്നു എന്നാണ് വിവരം. അ‌പകടം നടന്നയുടൻ ഓടിയെത്തിയ സമീപത്തെ ലോഡ്ജിലെയും നൈറ്റ് കടയിലെയും ജീവനക്കാർ പോലീസിനെ വിവരമറിയിച്ചു.

ALSO READ: നെടുമ്പാശേരി അ‌പകടം: കമ്പനിയുടെ വിദഗ്ധരെത്തി മിനി കൂപ്പ‍‍ർ പരിശോധിച്ചു; ഇന്ന് കസ്റ്റഡി അ‌പേക്ഷ നൽകാൻ പോലീസ്

തൊട്ടടുത്ത് പട്രോളിങ് ഡ്യൂട്ടിയിൽ ഉണ്ടായിരുന്ന പോലീസ് സംഘം ഉടൻതന്നെ സ്ഥലത്തെത്തി ഇരുവരെയും കട്ടപ്പനയിലെ സ്വകാര്യ ആശുപത്രിയിൽ എത്തിച്ചു. ഒരാൾ സംഭവസ്ഥലത്തുവച്ചും രണ്ടാമത്തെയാൾ ആശുപത്രിയിലേക്കുള്ള യാത്രാമധ്യേയും മരിച്ചു. അപകടത്തിൽ ഉപ്പുതറ പോലീസ് മേൽനടപടികൾ സ്വീകരിച്ചു. പോസ്റ്റ്മോർട്ടത്തിന് ശേഷം മൃതദേഹങ്ങൾ ഇരുവരുടെയും ബന്ധുക്കൾക്ക് വിട്ടുനൽകും.

കൊഴിഞ്ഞാമ്പാറ കൊലപാതകം: അ‌മ്മയുടെ ആൺസുഹൃത്ത് അ‌റസ്റ്റിൽ

പാലക്കാട്: കൊഴിഞ്ഞാമ്പാറയിൽ സഹോദരങ്ങളായ കുട്ടികളെ അമ്മ കുളിമുറിയിലെ വെള്ളത്തൊട്ടിയിൽ മുക്കിക്കൊലപ്പെടുത്തിയ കേസിൽ അമ്മയുടെ ആൺസുഹൃത്ത് അറസ്റ്റിൽ. മാർട്ടിൻ ഇഗ്നേഷ്യസ് എന്നയാൾ ആണ് അറസ്റ്റിലായത്. ഇയാൾക്ക് കൊലപാതകത്തിൽ നേരിട്ട് പങ്കുണ്ട് എന്നാണ് അന്വേഷണ സംഘം കണ്ടെത്തിയിരിക്കുന്നത്. അറസ്റ്റിലായ അമ്മയുമായി നടത്തിയ തെളിവെടുപ്പിനിടെ ഉണ്ടായ സംശയത്തെ തുടർന്ന് നടത്തിയ അന്വേഷണത്തിലാണ് ആൺസുഹൃത്തിനെക്കുറിച്ച് സൂചന ലഭിച്ചത്.

കുട്ടികളേ ഒഴിവാക്കാൻ ഇരുവരും ചേർന്ന് കൊലപാതകം ആസൂത്രണം ചെയ്യുകയായിരുന്നു. കുട്ടികളെ അമ്മ കൊലപ്പെടുത്തുന്ന സമയത്ത് വീട്ടിലേക്ക് ആരെങ്കിലും വരുന്നുണ്ടോ എന്ന് നിരീക്ഷിക്കാൻ മാർട്ടിൻ വീടിന്റെ മുൻഭാഗത്ത് കാവലിരുന്നു എന്നാണ് വിവരം. വടകരപ്പതി പഴണിയാർപാളയം മണൽക്കാട് ജോൺകുമാറിന്റെയും നിവേദ്യയുടെയും മക്കളായ ജെനിഫർ ജൂലിയറ്റ് (അഞ്ച്), റോബിൻ ക്രിസ്റ്റഫർ (മൂന്ന്) എന്നിവരെയാണ് സെപ്റ്റംബർ 29-ന് രാവിലെ വാടകവീട്ടിലെ കുളിമുറിയിലെ വെള്ളത്തൊട്ടിയിൽ മരിച്ചനിലയിൽ കണ്ടെത്തിയത്.

English Summary

Two college students met a tragic end after their motorcycle went out of control and collided with a cement post. The deceased are Sanif Salim (19), son of Arampulikkal, from Nirappekkada, Marykulam; and Noel Aneesh (18), son of Varikkayanickal, from Thonithadi, Aladi. Both were students at JPM College, Labbakkada. The accident occurred on the Kattappana-Kuttikkanam Hill Highway, near the Parappu Kurishupally, while the motorcycle was traveling from Aladi towards Kattappana.

പത്തനംതിട്ട: ശബരിമല മിൽമ നെയ്യ് ക്രമക്കേട് കേസിൽ ഒരാൾ കൂടി അറസ്റ്റിൽ (Sabarimala Ghee Scam Arrest). നെയ്യ് സ്റ്റോർ സൂപ്രണ്ടിൻ്റെ ഓഫീസിലെ ജീവനക്കാരനായ ജയലാലിനെ ആണ് അറസ്റ്റ് ചെയ്തിരിക്കുന്നത്. ദേവസ്വം ബോർഡിലെ പഞ്ചവാദ്യം ജീവനക്കാരൻ കൂടിയാണ് ഇയാൾ. വൻ സാമ്പത്തിക തട്ടിപ്പാണ് ഇയാൾ നടത്തിയതെന്ന് കണ്ടെത്തിയതിന് പിന്നാലെയാണ് അറസ്റ്റ് രേഖപ്പെടുത്തിയിരിക്കുന്നത്. മിൽമ നെയ്യ് ശബരിമലയിൽ എത്തിയതായി വ്യാജരേഖയുണ്ടാക്കി പണം കൈപ്പറ്റിയതിൽ ജയലാലിന് പങ്കുണ്ടെന്നാണ് വിജിലൻസ് കണ്ടെത്തൽ.

കേസിൽ മുമ്പ് പിടിയിലായ കരാറുകാരൻ എസ് എസ് ബിനുവിൻ്റെ മൊഴിയ്ക്ക് പിന്നാലെ ഇപ്പോൾ പുതിയ അറസ്റ്റ് നടന്നിരിക്കുന്നത്. നെയ്യ് ക്രമക്കേടിൽ കരാറുകാരൻ എസ് എസ് ബിനുവിനെ കഴിഞ്ഞ ദിവസമാണ് വിജിലൻസ് കസ്റ്റഡിയിലെടുത്തത്. ട്രാൻസ്പോർട്ട് കരാറുകാരനായിരുന്നു എസ് എസ് ബിനു. ഇയാൾ വൻ ക്രമക്കേടിലൂടെ ലക്ഷങ്ങൾ സമ്പാദിച്ചെന്നാണ് വിജിലൻസിൻ്റെ കണ്ടെത്തൽ.

ALSO READ: വെളിച്ചെണ്ണയ്ക്ക് 70 രൂപ ഇളവ്, ‘മ’യിൽ തുടങ്ങുന്ന ഉത്പന്നങ്ങൾക്കും വിലക്കുറവ്; വൻ ഓഫറുകളുമായി സപ്ലൈകോ

കഴിഞ്ഞ വർഷത്തെ മണ്ഡല- മകരവിളക്ക് കാലത്ത് സന്നിധാനത്ത് എത്തേണ്ടിയിരുന്ന മിൽമ നെയ്യ് തമിഴ്നാട്ടിലെ രണ്ട് ഏജൻസികൾക്ക് ഇവർ മറിച്ചു വിറ്റെന്നാണ് കണ്ടെത്തൽ. പകരം ഗുണനിലവാരം കുറഞ്ഞ മോശം നെയ്യാണ് സന്നിധാനത്ത് എത്തിച്ചതെന്നും കണ്ടെത്തലിൽ വ്യക്താക്കുന്നു. ഇതിലൂടെ വൻ സാമ്പത്തിക നഷ്ടമാണ് ദേവസ്വം ബോർഡിന് ഉണ്ടായതെന്നാണ് നിഗമനം. അതേസമയം, പിടിയിലായ കരാറുകാരൻ എസ് എസ് ബിനുവിനെ വിശദമായി ചോദ്യം ചെയ്യുന്നതിനൊപ്പം തമിഴ്നാട്ടിൽ ഉൾപ്പെടെ എത്തിച്ച് തെളിവ് ശേഖരിക്കാനാണ് നീക്കം.

ദേവസ്വം ഉദ്യോ​ഗസ്ഥർക്കും പങ്കുണ്ടോ?

ദേവസ്വം ബോർഡ് ഉദ്യോഗസ്ഥർക്കും നെയ്യ് മറിച്ച് വിറ്റ വൻ സാമ്പത്തിക ക്രമക്കേടിൽ പങ്കുണ്ടെന്ന നിഗമനത്തിലാണ് അന്വേഷണ സംഘം. പ്രതിയിൽ നിന്ന് ലഭിക്കുന്ന വിവരങ്ങളിലൂടെ മറ്റ് കണ്ണികളിലേക്ക് എത്താനാകുമെന്ന കണക്കുകൂട്ടലിലാണ് വിജിലൻസ്. കേസിൽ ഏകദേശം രണ്ടര കോടി രൂപയുടെ നഷ്ടടം ദേവസ്വം ബോർഡിന് ഉണ്ടായിട്ടുണ്ടെന്നാണ് കണക്കുകൂട്ടൽ. എസ് എസ് ബിനു ഈ ക്രമക്കേടിലൂടെ ലക്ഷങ്ങൾ സമ്പാദിച്ചെന്നും വിജിലൻസ് അന്വേഷണം സംഘം വ്യക്തമാക്കുന്നു.

തമിഴ്നാട് ആസ്ഥാനമായി പ്രവർത്തിക്കുന്ന ശ്രീ വെങ്കിടേശ്വര ട്രേഡേഴ്സ്, ലിയോ ട്രേഡേഴ്സ് എന്നീ സ്ഥാപനങ്ങൾക്കാണ് നെയ്യ് മറിച്ചുവിറ്റതെന്നാണ് അന്വേഷണ സംഘം പറയുന്നത്. മിൽമയുടെ നെയ്ക്ക് പകരം വില കുറഞ്ഞ നെയ്യാണ് ശബരിമലയിൽ എത്തിച്ചത്. ഒരു ലിറ്റർ നെയ്ക്ക് 369 രൂപ നിരക്ക് ക്വോട്ട് ചെയ്തിരുന്നെങ്കിലും മിൽമയിൽ നിന്ന് നെയ്യ് വാങ്ങുന്നതിനായി ലിറ്ററിന് 510 രൂപയാണ് ചെലവഴിച്ചത്. ഇത്തരത്തിൽ 1.65 ലക്ഷം ലിറ്റർ നെയ്യ് മിൽമയിൽ നിന്ന് വാങ്ങുകയും ചെയ്തു. അങ്ങനെ കണക്കാക്കിയാൽ ദേവസ്വം ബോർഡിന് 2.27 കോടി രൂപയുടെ സാമ്പത്തിക നഷ്ടമാണ് ഉണ്ടായിരിക്കുന്നത്.

English Summary:

Vigilance officials have arrested Jayalal, an employee at the Sabarimala ghee store superintendent's office, in connection with Milma ghee scam. He allegedly helped create fake records to claim payments for undelivered ghee.

തിരുവനന്തപുരം: സംസ്ഥാനത്തെ ബാറുകളിൽ മദ്യം ലഭിക്കാൻ പ്രായ പരിശോധന കർശനമാക്കുന്നു. മദ്യപിക്കാൻ എത്തുന്നവരുടെ ആധാർ കാർഡ് പരിശോധിച്ച് വയസ് വ്യക്തമായതിന് ശേഷം മാത്രമേ മദ്യം നൽകാൻ പാടുള്ളൂ എന്ന് എക്​സൈസ് മന്ത്രി എം ലിജു സംസ്ഥാനത്തെ ബാറുകൾക്ക് നിര്‍ദ്ദേശം നൽകി. നെടുമ്പാശ്ശേരി മിനികൂപ്പ‍ര്‍ വാഹനാപകടത്തിന്റെ പശ്ചാത്തലത്തിലാണ് ബാറുകളിലെ പ്രായ പരിശോധന കർശനമാക്കിയുള്ള ഉത്തരവ് എത്തിയിരിക്കുന്നത്. മദ്യം വാങ്ങാനുള്ള നിയമപരമായ മിനിമം പ്രായം 23 ആണ്. 23 വയസിൽ താഴെയുള്ളവർക്ക് മദ്യം നൽകുന്നത് കുറ്റകരമാണ്. നെടുമ്പാശേരി മിനി കൂപ്പർ വാഹനാപകടം ഉണ്ടാക്കിയ സു​ഹൈലിന് 19 വയസ് മാത്രമായിരുന്നു പ്രായം. അ‌പകട ദിവസം പകൽ മുതൽ രാത്രി വരെ വിവിധ ബാറുകളിൽ നിന്ന് സു​ഹൈൽ മദ്യപിച്ചിരുന്നു.

മദ്യപിച്ച് അ‌മിത വേഗതയിൽ സു​ഹൈൽ വാഹനമോടിക്കുന്നതിനിടയിൽ കാർ സ്കൂട്ടറുമായി കൂട്ടിയിട്ടുകയും മൂന്ന് ജീവനുകൾ നഷ്ടപ്പെടുകയും ചെയ്തിരുന്നു. അ‌പകടത്തിന് ശേഷം നടത്തിയ പരിശോധനയിൽ സു​ഹൈലിന്റെ ശരീരത്തിൽ അ‌നുവദനീയമായതിനെക്കാൾ പല മടങ്ങ് ഉയർന്ന അ‌ളവിൽ മദ്യത്തിന്റെ അ‌ംശം ഉണ്ടായിരുന്നതായി കണ്ടെത്തി. ഈ പശ്ചാത്തലത്തിലാണ് പ്രായപരിധി കർശനമാക്കി മന്ത്രി രംഗത്തിറങ്ങിയിരിക്കുന്നത്.

ALSO READ: തൊണ്ടിമുതലിൽ കൈവെച്ചു; എംഡിഎംഎ അടിച്ചുമാറ്റിയ എസ്ഐ അറസ്റ്റിൽ

23 വയസ് എന്ന പ്രായപരിധി പാലിക്കുന്നതിൽ ബാറുകാർക്കുണ്ടായ വീഴ്ചയാണ് നെടുമ്പാശ്ശേരി മിനികൂപ്പ‍ർ വാഹനാപകടത്തിൽ കണ്ടതെന്ന് മന്ത്രി ചൂണ്ടിക്കാട്ടി. ബാറുകളിൽ മദ്യപിക്കാൻ എത്തുന്നവരുടെ ആധാർ കാർഡ് പരിശോധിക്കേണ്ടത് ബാർ ലൈസൻസുകാരുടെ ഉത്തരവാദിത്തമാണെന്നും മന്ത്രി വ്യക്തമാക്കി. ഇതിൽ വീഴ്ചയുണ്ടായാൽ കർശന നടപടി എടുക്കാനും നിർദേശിച്ചിട്ടുണ്ട്.

സംസ്ഥാന സർക്കാരിൻറെ എക്സൈസ് നയം നവംബറിൽ നിലവിൽ വരും. എൽഡിഎഫ് സർക്കാരിന്റെ മദ്യനയം ആയിരിക്കില്ല യുഡിഎഫിന്റേതെന്നും മന്ത്രി എം ലിജു വ്യക്തമാക്കി. അ‌തേസമയം നെടുമ്പാശേരി മിനി കൂപ്പർ ​വാഹനാപകടക്കേസിൽ പ്രതികളെ പോലീസ് കസ്റ്റഡിയിൽ വിട്ടുനൽകുമോ എന്നതിൽ ഇന്ന് തീരുമാനമുണ്ടാകും. പ്രതികളെ വിട്ടുകിട്ടാൻ അങ്കമാലി മജിസ്ട്രേറ്റ് കോടതിയിൽ പൊലീസ് ഇന്ന് രണ്ടു ദിവസത്തെ കസ്റ്റഡി അപേക്ഷ നൽകും.

അ‌പകടവുമായി ബന്ധപ്പെട്ട് പോലീസ് സിസിടിവി ദൃശ്യങ്ങളടക്കം ശേഖരിച്ചിട്ടുണ്ട്. ഈ തെളിവുളുമായി പ്രതികളെ ചോദ്യം ചെയ്യുന്നതിന് വേണ്ടിയാണ് കസ്റ്റഡിയിൽ ആവശ്യപ്പെടുക. അങ്കമാലി മജിസ്‌ട്രേറ്റ് കോടതിക്ക് പിന്നാലെ കഴിഞ്ഞ ദിവസം സെഷൻസ് കോടതിയും കേസിലെ നാല് പ്രതികളുടെയും ജാമ്യാപേക്ഷ തള്ളിയിരുന്നു. ഇതിനെത്തുടർന്ന് ഇവർ കാക്കനാട് ജയിലിനോട് ചേർന്നുള്ള ബോസ്റ്റൽ സ്കൂളിൽ തുടരുകയാണ്.

English Summary

Age verification for the purchase of alcohol in bars across the state is being tightened. Excise Minister M. Liju has directed bars to serve alcohol only after verifying the customer's age through their Aadhaar card. This directive follows the Mini Cooper accident in Nedumbassery. The legal minimum age to purchase alcohol is 23.

കൊച്ചി: മൂന്ന് ചെറുപ്പക്കാരുടെ മരണത്തിനിടയാക്കിയ നെടുമ്പാശേരി മിനി കൂപ്പർ വാഹനാപകടവുമായി ബന്ധപ്പെട്ട്, കമ്പനിയുടെ സാങ്കേതിക വിദഗ്ധർ എത്തി വാഹനം പരിശോധിച്ചു. അപകടം നടക്കുമ്പോൾ കാറിന്റെ വേഗവും ബ്രേക്ക്‌ ചെയ്തിട്ടുണ്ടോ എന്നറിയാനുമുള്ള പരിശോധനയുമാണ് ഡൽഹിയിൽ നിന്ന് എത്തിയ വിദഗ്ധരുടെ നേതൃത്വത്തിൽ നടന്നത്. കുറ്റപത്രം ബലപ്പെടുത്തുന്നതിൻറെ ഭാഗമായാണ് നടപടി. പരിശോധനയുടെ രേഖാമൂലമുള്ള റിപ്പോർട്ട് ഔദ്യോഗികമായി കമ്പനി അധികൃതർ ഡിവൈ.എസ്.പി. ബൈജു പൗലോസിന് കൈമാറും. ​അ‌തേസമയം കേസിലെ ഒന്നാം പ്രതി ആലപ്പുഴ സ്വദേശിയായ 19 വയസുകാരൻ സു​ഹൈൽ സജീവിനെയും മറ്റ് പ്രതികളെയും കസ്റ്റഡിയിൽ വാങ്ങാനുള്ള നീക്കങ്ങളുമായി മുന്നോട്ട് പോവുകയാണ് പോലീസ്. പ്രതികൾക്കായി ഇന്ന് കസ്റ്റഡി അപേക്ഷ നൽകും.

മിനി കൂപ്പർ അ‌പകടക്കേസിൽ ഒന്നാം പ്രതിയായ സു​ഹൈലിന്റെയും മറ്റ് പ്രതികളായ നിനവ്, അമീർ, ജോയൽ എന്നിവരുടെയും ജാമ്യാപേക്ഷ ബുധനാഴ്ച ജില്ലാ സെഷൻസ് കോടതി തള്ളിയിരുന്നു. നേരത്തെ അങ്കമാലി മജിസ്‌ട്രേറ്റ് കോടതി ജാമ്യാപേക്ഷ തള്ളിയതിനെ തുടർന്നാണ് പ്രതികൾ സെഷൻസ് കോടതിയെ സമീപിച്ചത്. എന്നാൽ അന്വേഷണത്തിന്റെ നിർണായകഘട്ടത്തിൽ പ്രതികൾക്ക് ജാമ്യം നൽകരുത് എന്ന് പ്രോസിക്യൂഷൻ വാദിച്ചു.

ALSO READ: തൊണ്ടിമുതലിൽ കൈവെച്ചു; എംഡിഎംഎ അടിച്ചുമാറ്റിയ എസ്ഐ അറസ്റ്റിൽ

സെഷൻസ് കോടതിയും ജാമ്യാപേക്ഷ തള്ളിയതോടെ പ്രതികൾ കാക്കനാട് ജയിലിനോട് ചേർന്നുള്ള ബോസ്റ്റൽ സ്കൂളിൽ തുടരുകയാണ്. ഇനി ​ഹൈക്കോടതിൽ ജാമ്യാപേക്ഷ സമർപ്പിക്കുക എന്നതാണ് പ്രതികൾക്ക് മുന്നിലുള്ള അ‌ടുത്ത വഴി. ഇന്ന് പോലീസിന്റെ കസ്റ്റഡി അ‌പേക്ഷയിൽ ഉണ്ടാകുന്ന തീരുമാനം കേസിൽ ഏറെ നിർണായകമാകും എന്ന് കരുതപ്പെടുന്നു.

സുഹൈൽ സജീവടക്കം നാലു പ്രതികളെ വിട്ടു കിട്ടാൻ അങ്കമാലി മജിസ്ട്രേറ്റ് കോടതിയിലാണ് പൊലീസ് രണ്ടു ദിവസത്തെ കസ്റ്റഡി അപേക്ഷ നൽകുക. കേസുമായി ബന്ധപ്പെട്ട് അന്വേഷണ സംഘം ശേഖരിച്ച സിസിടിവി ദ്യശ്യങ്ങളിലടക്കം വ്യക്തത വരുത്താനാണ് പ്രതികളെ കസ്റ്റഡിയിൽ വാങ്ങുന്നത്. ഒക്ടബോർ 11ന് പുലർച്ചെയാണ് മൂന്ന് പേരുടെ ജീവനെടുത്ത നെടുമ്പാശേരി മിനി കൂപ്പർ അ‌പകടം ഉണ്ടായത്.

അ‌തേസമയം ​മിനി കൂപ്പർ അ‌പകടത്തിന്റെ പശ്ചാത്തലത്തിൽ കഴിഞ്ഞ ദിവസം നെടുമ്പാശ്ശേരി വിമാനത്താവള റോഡിൽ മോട്ടോർ വാഹനവകുപ്പ്, പോലീസ്, സിയാൽ ഉന്നത ഉദ്യോഗസ്ഥർ എന്നിവരടങ്ങുന്ന സംഘം തുടർപരിശോധന നടത്തി. അത്താണി സിഗ്നൽ മുതൽ വിമാനത്താവളം വരെയുള്ള റോഡിലെ സുരക്ഷാ ക്രമീകരണങ്ങൾ പരിശോധിച്ചു. വളവുകൾ, യുടേണുകൾ, വേഗനിയന്ത്രണ സംവിധാനങ്ങൾ, എ ഐ നിരീക്ഷണ ക്യാമറകൾ, റോഡ് മാർക്കിങ്ങുകൾ, ദിശാ സൂചികകൾ എന്നിവയുടെ സാധ്യതകൾ സംഘം പരിശോധിച്ചു. നിർദേശങ്ങളുടെ വിശദമായ റിപ്പോർട്ട് സർക്കാരിലേക്ക് സമർപ്പിക്കും.

English Summary

In connection with the Mini Cooper accident at Nedumbassery, technical experts from the company arrived from Delhi to examine the vehicle. The inspection was conducted to determine the car's speed at the time of the accident and whether the brakes had been applied. The company officials will formally submit a written report on these findings to DySP Baiju Poulose. Meanwhile, the police are set to file an application today seeking custody of the primary accused 19-year-old Suhail Sajeev, a native of Alappuzha, along with the other accused in the case.

കൊച്ചി: പോലീസ് സ്റ്റേഷനിൽ സൂക്ഷിച്ചിരുന്ന തൊണ്ടിമുതലിൽ നിന്ന് രാസലഹരിയായ എംഡിഎംഎ അപഹരിച്ച പോലീസ് പിടിയിൽ. എറണാകുളം സെൻട്രൽ സ്‌റ്റേഷനിലെ ലോക്കറിൽ സൂക്ഷിച്ചിരുന്ന 87 ഗ്രാം രാസലഹരി സീൽചെയ്ത കവറോടെ മോഷ്ടിച്ച എസ്ഐയാണ് അറസ്റ്റിലായത്. തൊണ്ടിമുതൽ മോഷ്ടിച്ച് പിടിവീഴുമെന്നായപ്പോൾ‍ തിരിച്ചേൽപിച്ചത് 202 ഗ്രാം ലഹരി വസുതു. സംഭവത്തിൽ എറണാകുളം സെൻട്രൽ പൊലീസ് എസ്‌ഐ തിരുവനന്തപുരം കാട്ടാക്കട സ്വദേശി അനസ്‌ എസ്‌ ത‍ൗഫീഖിനെ അറസ്റ്റ് ചെയ്തു.

പ്രതിയെ ജോലിയിൽ നിന്ന് സസ്‌പെൻഡ്‌ ചെയ്‌തിരിക്കുകയാണ്. സംഭവത്തിൽ വകുപ്പുതല അന്വേഷണം ആരംഭിച്ചിട്ടുണ്ട്. രണ്ടര ഇരട്ടിയോളം രാസലഹരി, സീൽ ചെയ്യാത്ത കവറിലാണ് എസ്ഐ തിരിച്ചേൽപിച്ചത്. എന്തിനാണ് ലഹരി പുറത്തേക്ക് കടത്തിയതെന്ന കാര്യത്തിലും അധിക അളവ് എങ്ങനെ വന്നെന്നതിലും ഇതുവരം വ്യക്തത ലഭിച്ചിട്ടില്ല. എസ്എച്ച്ഒയ്ക്ക് നൽകിയ വിശദീകരണത്തിൽ തെറ്റിദ്ധരിപ്പിക്കുന്ന വാദങ്ങൾ ഉന്നയിച്ചതായും സസ്പെൻഷൻ ഉത്തരവിൽ പറയുന്നു.

ALSO READ: കോവിഡ്, നിപ്പ രോഗികൾക്ക് കാലാവധി കഴിഞ്ഞ മരുന്ന് നൽകി? അന്വേഷണത്തിന് ഉത്തരവിട്ട് ആരോഗ്യമന്ത്രി

ഓപ്പറേഷൻ തൂഫാൻ പദ്ധതിയുടെ ഭാഗമായി ബോധവൽക്കരണ ക്ലാസുകൾ എടുക്കുന്നതിലുൾപ്പെടെ എസ്ഐ അനസ് സജീവമായിരുന്നു. ലഹരിക്കേസിൽ മുൻപ് വിവരങ്ങൾ ചോർത്തിയോ, മറ്റാരെയെങ്കിലും കുടുക്കാനാണോ മോഷ്ടിച്ചത് തുടങ്ങിയ കാര്യങ്ങളിലാണ് നിലവിൽ അന്വേഷണം നടക്കുന്നത്. ട്രാഫിക് വെസ്റ്റ് എസിപിക്കാണ് അന്വേഷണം നടത്തി 10 ദിവസത്തിനകം റിപ്പോർട്ട് സമർപ്പിക്കാൻ ചുമതലയുള്ളത്. കോടതി നടപടി പൂർത്തിയാക്കിയ ശേഷം നശിപ്പിക്കാൻ സൂക്ഷിച്ച രാസലഹരിയാണ് ലോക്കർ റൂമിൽ നിന്ന് എസ്ഐ മോഷ്ടിച്ചിരിക്കുന്നത്.

പിടിച്ചെടുത്ത എംഡിഎംഎയുടെ 87 ഗ്രാമിന്റെ കവർ ലോക്കറിൽ ഇല്ലെന്ന് മനസ്സിലാക്കിയതിനെ തുടർന്നുള്ള അന്വേഷണത്തിലാണ് ഈ മാസം 18ന് അനസ് ലോക്കർ മുറിയിൽ കയറുന്നത് കണ്ടെത്തിയത്. അന്വേഷത്തിന്റെ ഭാഗമായി ലോക്കർ റൂമിന്റെ താക്കോൽ മാറ്റിയിരുന്നു. അനസ് ഈ താക്കോൽ തിരക്കിയതോടെയാണ് ഈ വിവരം പുറത്തറിയുന്നത്. പിന്നീട് വിശദീകരണം തേടിയപ്പോളഅ‍ കുടുങ്ങുമെന്നായപ്പോൾ കവർ തിരിച്ചേ‍ൽപ്പിക്കുകയായിരുന്നു. എന്നാൽ അതിലെ അളവും സംശയും കൂടുതൽ ഊട്ടിയുറപ്പിച്ചു.

പ്രണയം നിരസിച്ചതിന് പെൺകുട്ടിയുടെ ക്വട്ടേഷൻ? വിദ്യാർഥിക്ക് മർദ്ദനം

ആലപ്പുഴ ജില്ലയിലെ ഹരിപ്പാട് പ്ലസ് വൺ വിദ്യാർഥിയെ സഹപാഠികൾ ചേർന്ന് കൂട്ടത്തോടെ മർദ്ദിച്ചതിന് പിന്നിൽ ക്വട്ടേഷൻ ആണെന്ന് ആരോപണം. പ്രണയം നിരസിച്ചതിനെ തുടർന്ന് വിദ്യാർഥിക്കെതിരെ ക്വാട്ടേഷൻ നൽകിയതാണെന്നാണ് ആരോപണം. പ്ലസ് വൺ വിദ്യാർഥിനിയാണ് ക്വട്ടേഷന് പിന്നിൽ എന്നാണ് മർദ്ദനമേറ്റ വിദ്യാർത്ഥിയുടെ മാതാപിത്താക്കൾ പറയുന്നത്. സംഭവത്തിൽ ക്വട്ടേഷൻ ഏറ്റെടുത്തത് 19 കാരന്റെ നിർദ്ദേശത്തെ തുടർന്നാണെന്നും വിവരമുണ്ട്. സ്കൂളിലെ സഹപാഠികളായ 16 പേർ ചേർന്ന് വിദ്യാർത്ഥിയെ മർദ്ദിച്ചെന്നാണ് ആരോപണം.

മർദ്ദനത്തിൽ പരിക്കേറ്റ വിദ്യാർത്ഥിയുടെ മാതാവിന്റെ വാക്കുകൾ – ‘ഇക്കഴിഞ്ഞ പതിനഞ്ചാം തീയതി തന്റെ മകനെ അവൻ പഠിക്കുന്ന സ്കൂളിൽ ഉള്ള ഒരു കൂട്ടം വിദ്യാർത്ഥികൾ ചേർന്ന് ക്ലാസ് റൂമിൽ കയറ്റി ക്രൂരമായി മർദ്ദിച്ച പരിക്കേൽപ്പിച്ചു. തന്റെ മകന്റെ കൂടെ തന്നെ പഠിക്കുന്ന ഒരു പെൺകുട്ടിയും 19 കാരനും നൽകിയ കൊട്ടേഷന്റെ അടിസ്ഥാനത്തിലാണ് മകനെ അവർ മർദ്ദിച്ചത്. ആ പെൺകുട്ടിക്ക് തന്റെ മകനോട് ഇഷ്ടമുണ്ടായിരുന്നു. എന്നാൽ മകനത് നിരസിച്ചതിനെ തുടർന്നാണ് ഈ ക്വട്ടേഷൻ ഉണ്ടായത്. തന്റെ മകന്റെ തലയ്ക്കും മുഖത്തും പുറംഭാഗത്തും ആണ് ഏറ്റവും കൂടുതൽ പരിക്കേറ്റിരിക്കുന്നത്.’

English Summary:

Sub-Inspector arrested for drug theft. Anas S Thoufeeq was placed under suspension after allegedly pilfering an 87-gram packet of synthetic narcotics from the Ernakulam Central Police Station evidence locker.

തിരുവനന്തപുരം: സംസ്ഥാനത്ത് വീണ്ടും ​വൈദ്യുതി മുടക്കം നിലവിൽ വന്നേക്കും എന്ന ആശങ്കകൾക്കിടെ പ്രതീക്ഷയായി പുതിയ നീക്കം. അടുത്ത മാസം മുതൽ മാര്‍ച്ച വരെ 164. 16 ദശലക്ഷം യൂണിറ്റ് വൈദ്യുതി വാങ്ങാൻ കെഎസ്ഇബിക്ക് റഗുലേറ്ററി കമ്മീഷൻ അനുമതി നൽകി. രാത്രി 12 മുതൽ പുലര്‍ച്ചെ 5 വരെ യൂണിറ്റിന് ശരാശരി 8 രൂപയ്ക്ക് വാങ്ങാനാണ് അനുമതി നൽകിയിരിക്കുന്നത്. ഇത് വൈദ്യുതി പ്രതിസന്ധിക്ക് താത്കാലിക പരിഹാരമാകുമെന്ന് കരുതപ്പെടുന്നു. മാര്‍ച്ചിലും ഏപ്രിലിലും 13.89 രൂപയ്ക്ക് പീക്ക് സമയത്ത് വൈദ്യുതി വാങ്ങാനായിരുന്നു കെഎസ്ഇബി അപേക്ഷ. എന്നാൽ യൂണിറ്റിന് 8 രൂപയ്ക്ക് വാങ്ങാനാണ് നിലവിൽ അ‌നുമതി നൽകിയിരിക്കുന്നത്.

സിന്നാർ താപനിലയത്തിൽ നിന്നുള്ള വൈദ്യുതി ലഭ്യത അടക്കം ചൂണ്ടിക്കാട്ടി പീക്ക് സമയത്തെയും ഓഫ് പീക്ക് സമയത്തെയും മറ്റ് ഹ്രസ്വകാല കരാർ അപേക്ഷകൾ കമ്മീഷൻ തള്ളി. ആകെ 131.26 കോടി രൂപയ്ക്ക് വൈദ്യുതി വാങ്ങാനാണ് റഗുലേറ്ററി കമ്മിഷൻ കെഎസ്ഇബിക്ക് ഇപ്പോൾ അനുമതി കൊടുത്തിരിക്കുന്നത്.

ALSO READ: മുൻ എംഎൽഎമാരുടെ മിനിമം പെൻഷൻ കൂട്ടി! 5 വർഷം പൂർത്തിയായവർക്ക് എത്ര ലഭിക്കും?

ജലവൈദ്യുതി പദ്ധതികളിലെ വെള്ളം വേനൽക്കാലത്തേയ്ക്ക് കരുതി വയ്ക്കുകയെന്ന ലക്ഷ്യത്തോടെയാണ് ഹ്രസ്വകാല കരാറുകള്‍ക്ക് അനുമതിയെന്ന് വ്യക്തമാക്കിയാണ് കമ്മിഷൻ ഉത്തരവ്. നവംബർ മുതൽ കേരളത്തിൽ വീണ്ടും പവർകട്ട് വന്നേക്കും എന്ന ആശങ്കകൾക്കിടെയാണ് ഹ്രസ്വകാല കരാറുകൾക്ക് റഗുലേറ്ററി കമ്മിഷൻ അ‌നുമതി നൽകിയിരിക്കുന്നത്. കേരളത്തിന് ഹിമാചൽ പ്രദേശിൽ നിന്ന് ​വൈദ്യുതി ലഭ്യമാകുമെന്ന് പ്രതീക്ഷിച്ചിരിക്കെ, ഈ നീക്കത്തിൽ നിന്ന് ഹിമാചൽ പ്രദേശ് പിന്മാറിയ വിവരം കഴിഞ്ഞ ദിവസം പുറത്തുവന്നിരുന്നു.

1280 മെഗാവാട്ട് വൈദ്യുതി ഹിമാചൽ പ്രദേശം നൽകും എന്നായിരുന്നു നേരത്തെ ലഭിച്ച വാഗ്ദാനം. എന്നാൽ, ഉയർന്ന നിരക്ക് നിശ്ചയിച്ച കരാർ രാജസ്ഥാൻ സ്വന്തമാക്കി. ഇതോടെയാണ് ആ പ്രതീക്ഷ അ‌വസാനിച്ചത്. വൈദ്യുതി വാങ്ങുന്നതിൽ കേരളം കൃത്യസമയത്ത് തീരുമാനമെടുക്കാത്തതാണ് ഈ ഡീലിൽ തിരിച്ചടിയായത് എന്ന് വിലയിരുത്തലുകളുണ്ട്.

ഇപ്പോൾ റെഗുലേറ്ററി കമ്മിഷൻ അ‌നുമതി നൽകിയ ഹ്രസ്വകാല കരാറുകളുടെ ഭാഗമായി, അഞ്ച് കമ്പനികളിൽ നിന്നായി 270 മെഗാവാട്ട് വരെ വൈദ്യുതി ലഭ്യമാക്കും. പിടിസി ഇന്ത്യ ലിമിറ്റഡ്, ആർപിജി പവർ ട്രേഡിംഗ് കമ്പനി ലിമിറ്റഡ് എന്നിവ ഉൾപ്പെടെയുള്ള കമ്പനികളിൽ നിന്ന് ​വൈദ്യുതി വാങ്ങാനാണ് അ‌നുമതി ലഭിച്ചിരിക്കുന്നത്. ഇത് ​വൈദ്യുതി പ്രതിസന്ധിയിൽ ചെറിയ ആശ്വാസമാകും എന്ന് കരുതപ്പെടുന്നു. എന്നാൽ, യൂണിറ്റിന് പത്ത് രൂപയിൽ കൂടരുതെന്ന കർശന നിബന്ധനയുണ്ട്.

English Summary

Amid concerns regarding potential power outages in Kerala, a new development offers a glimmer of hope. The Regulatory Commission has granted permission to the KSEB to procure 164.16 million units of electricity, spanning from next month through March. This authorization allows for the purchase of power between midnight and 5:00 AM at an average cost of 8 rupees per unit.

തിരുവനന്തപുരം: 70-ാം കേരള പിറവിയുടെ ഭാഗമായി വൻ ഓഫറുകളുമായി സപ്ലൈകോ. 70 വയസ്സും അതിൽ കൂടുതലുമുള്ള മുതിർന്ന പൗരന്മാർക്കായി പ്രത്യേക വിലക്കുറവ് പദ്ധതിയുമായി രംഗത്തെത്തിയിരിക്കുകയാണ് സപ്ലൈകോ. കേരളത്തിന്റെ വളർച്ചയ്ക്കും പുരോഗതിക്കും സാക്ഷികളായ മുതിർന്ന തലമുറയോടുള്ള ആദരസൂചകമായാണ് പ്രത്യേക ഓഫറുകൾ ഒരുക്കിയിരിക്കുന്നത്.

സപ്ലൈകോ സ്പെഷ്യൽ ഓഫർ

ആയിരം രൂപയ്ക്ക് മുകളിൽ സബ്സിഡിയിതര സാധനങ്ങൾ വാങ്ങുന്ന 70 വയസോ അതിൽ കൂടുതലോ പ്രായമുള്ള ഉപഭോക്താക്കൾക്ക് ശബരി വെളിച്ചെണ്ണയുടെ പരമാവധി ചില്ലറ വിൽപ്പന വിലയിൽ നിന്ന് 70 രൂപ കുറച്ച്, ഒരു ലിറ്റർ 229 രൂപ നിരക്കിൽ ലഭ്യമാക്കും. നവംബർ 1 മുതൽ 7 വരെയാണ് ഈ പ്രത്യേക ഓഫർ ലഭ്യമാക്കിയിട്ടുള്ളത്.

അതുപോലെ, മലയാളത്തിലെ 'മ' എന്ന അക്ഷരത്തിൽ തുടങ്ങുന്ന ശബരി ഉൽപ്പന്നങ്ങൾക്കും പ്രത്യേക ഓഫറുണ്ട്. ശബരി മഞ്ഞൾപ്പൊടി, മല്ലിപ്പൊടി, മുളകുപൊടി എന്നിവയുടെ 100 ഗ്രാം പാക്കറ്റുകൾക്ക് നിലവിൽ നൽകുന്ന വിൽപ്പന വിലയിൽ നിന്ന് ഏഴ് ശതമാനം വിലക്കുറവ് ലഭിക്കും. എല്ലാ ഉപഭോക്താക്കൾക്കും ഈ ആനുകൂല്യം ലഭിക്കുന്നതാണ്. ശബരി പായസമിക്സ് ഉൽപ്പന്നങ്ങൾക്കും 10 ശതമാനം വിലക്കുറവ് ഉണ്ടായിരിക്കും. നവംബർ ഒന്ന് മുതൽ 30 വരെ എല്ലാ ഉപഭോക്താക്കൾക്കും ഈ ഓഫർ പ്രയോജനപ്പെടുത്താം. സപ്ലൈകോ നിലവിൽ നൽകുന്ന വിലക്കുറവിനും പുറമെയാണിത്.

ALSO READ: പിങ്ക് ലൈൻ 2027 ഓഗസ്റ്റിൽ; കൊച്ചി മെട്രോയ്ക്ക് പച്ചക്കൊടി വീശി എഐഐബി

ശബരിയുടെ പുതിയ ഉൽപ്പന്നങ്ങളെത്തുന്നു

സപ്ലൈകോ സ്വന്തം ബ്രാൻഡായ ശബരിയുടെ പുതിയ ഉൽപ്പന്നങ്ങളായ മൈദ, റവ എന്നിവ വിപണിയിലിറക്കാൻ ഒരുങ്ങുകയാണ്. കൂടാതെ, ശബരി ആട്ട, ശബരി ഗോൾഡ് ചായപ്പൊടി, ശബരി ഹോട്ടൽ ബ്ലെൻഡ് ചായപ്പൊടി എന്നിവ പുതിയ ബ്രാൻഡഡ് പാക്കിംഗിൽ പുനരവതരിപ്പിക്കുകയും ചെയ്യും. ഒക്ടോബർ 31ന് വൈകിട്ട് മൂന്നിന് എറണാകുളം ഐഎംഎ ഹൗസിൽ നടക്കുന്ന ചടങ്ങ് ഭക്ഷ്യ-പൊതുവിതരണ വകുപ്പ് മന്ത്രി അനൂപ് ജേക്കബ് ഔദ്യോഗികമായി ഈ പുതിയ ഉത്പന്നങ്ങൾ വിപണിയിലിറക്കുമെന്ന് അധികൃതർ അറിയിച്ചു.

ഉപഭോക്താക്കൾക്കായി ഓൺലൈൻ പരാതി പരിഹാര സംവിധാനവും സപ്ലൈകോ ആരംഭിച്ചിട്ടുണ്ട്. ഹൈബി ഈഡൻ എം പിയാണ് ഓൺലൈൻ പരാതി പരിഹാര സംവിധാനം  ഉദ്ഘാടനം ചെയ്യുന്നത്. 2026-ലെ ഓണത്തോടനുബന്ധിച്ച് സപ്ലൈകോ നടത്തിയ നറുക്കെടുപ്പിലെ വിജയികൾക്കുള്ള സമ്മാനദാനവും ചടങ്ങിൽ നടക്കും. ഓണക്കാലത്ത് മികച്ച വിൽപ്പന കൈവരിച്ച സപ്ലൈകോ വിൽപ്പനശാലകളിലെയും ഡിപ്പോകളിലെയും ജീവനക്കാർക്കുള്ള സമ്മാനദാനവും ഉണ്ടായിരിക്കും.

English Summary:

കൊച്ചി: കൊച്ചി നഗരത്തിലെ ഗതാഗത കുരുക്ക് പരിഹരിക്കുന്നതിൽ കൊച്ചി മെട്രോ പ്രധാന പങ്ക് വഹിക്കുന്നുണ്ട്. നിലവിൽ, കൊച്ചി മെട്രോയുടെ ഒന്നാം ഘട്ടത്തിൽ ആലുവ മുതൽ തൃപ്പൂണിത്തുറ ടെർമിനൽ വരെയാണ് സർവീസ് ഉള്ളത്. ആകെ 25 സ്റ്റേഷനുകളാണ് ഈ പാതയിലുള്ളത്. രണ്ടാം ഘട്ട പ്രവർത്തനങ്ങൾ പുരോഗമിക്കുന്നുണ്ട്. കലൂർ ജവഹർലാൽ നെഹ്‌റു അന്താരാഷ്ട്ര സ്റ്റേഡിയത്തിൽ നിന്ന് തുടങ്ങി പാലാരിവട്ടം വഴി കാക്കനാട് ഇൻഫോപാർക്ക് / സ്മാർട്ട് സിറ്റി വരെയാണ് രണ്ടാം ഘട്ടത്തിൽ ഉൾപ്പെടുന്നത്.

പിങ്ക് ലൈൻ ഓഗസ്റ്റിൽ

ജവഹർലാൽ നെഹ്‌റു സ്റ്റേഡിയത്തിൽ നിന്ന് കാക്കനാട് വഴി സ്മാർട്ട് സിറ്റി വരെയുള്ള 11.2 കിലോമീറ്റർ ദൈർഘ്യമുള്ള രണ്ടാം ഘട്ടമായ പിങ്ക് ലൈൻ നിർമാണ് അതിവേഗത്തിൽ പുരോഗമിക്കുകയാണ്. 2027 ഓഗസ്റ്റിൽ ഇത് പ്രവർത്തനസജ്ജമാക്കാനാണ് കൊച്ചി മെട്രോ റെയിൽ ലിമിറ്റഡ് (കെഎംആർഎൽ) ലക്ഷ്യമിടുന്നത്. രണ്ടാം ഘട്ടം പൂർത്തിയാകുന്ന സാഹചര്യത്തിൽ വിവിധ പ്രവൃത്തികൾക്കായി ഭൂമി ഏറ്റെടുക്കൽ നടപടികൾ പൂർത്തിയായിക്കഴിഞ്ഞതായി അധികൃതർ അറിയിച്ചു.

റോഡി വീതികൂട്ടൽ, ഓടകളുടെ നിർമ്മാണം, നടപ്പാതകൾ എന്നിവയ്ക്കുള്ള ഭൂമി ഏറ്റെടുക്കൽ നടപടികളാണ് പൂർത്തിയായത്. അതേസമയം, സ്റ്റേഷനുകൾക്കായി ഭൂമി ഏറ്റെടുക്കുന്ന നടപടികൾ അവസാന ഘട്ടത്തിലാണ്. എലിവേറ്റഡ് വയഡക്റ്റ് നിർമാണം പൂർത്തിയായി. ട്രാക്ക് സ്ഥാപിക്കൽ, സിഗ്നലിങ്, ടെലികോം സംവിധാനങ്ങൾ, ലിഫ്റ്റ് - എസ്കലേറ്ററുകൾ സ്ഥാപിക്കൽ എന്നീ പ്രവർത്തനങ്ങളാണ് നിലവിൽ നടക്കുന്നത്.

ALSO READ: കെ- ടെറ്റ് യോഗ്യത ഇല്ലാത്ത അധ്യാപകർക്ക് നിയമനാംഗീകാരവും പ്രമോഷനവും ലഭിക്കില്ല; ഉത്തരവിറക്കി വിദ്യാഭ്യാസ വകുപ്പ്

എഐഐബിയുടെ പച്ചക്കൊടി

കൊച്ചി മെട്രോയുടെ രണ്ടാം ഘട്ട പ്രവർത്തനങ്ങൾ ഏഷ്യൻ ഇൻഫ്രാസ്ട്രക്ചർ ഇൻവെസ്റ്റ്‌മെന്റ് ബാങ്ക് (എഐഐബി) വിലയിരുത്തി. 1,016.24 കോടി രൂപയുടെ വായ്പ അനുവദിച്ചുകൊണ്ടാണ് എഐഐബി ഈ പദ്ധതിക്ക് ധനസഹായം നൽകുന്നത്. ഭാവിയിൽ കൂടുതൽ സഹകരണങ്ങൾക്കും സന്നദ്ധത അറിയിച്ചിട്ടുണ്ട്. കൊച്ചി മെട്രോ റെയിൽ ലിമിറ്റഡ് മാനേജിങ് ഡയറക്ടർ ജി പ്രിയങ്കയുടെ അധ്യക്ഷതയിൽ ചേർന്ന അവലോകന യോഗത്തിൽ എഐഐബി പ്രതിനിധികളായ നീരജ ശുക്ല, ശിവ രാമകൃഷ്ണ ശാസ്ത്രി, ഖാലിഖ് മുഹമ്മദ്, ജതിൻ അറോറ എന്നിവരും കെഎംആർഎല്ലിലെ മുതിർന്ന ഡയറക്ടർമാരും പങ്കെടുത്തു.

പിങ്ക് ലൈൻ പ്രവർത്തനങ്ങൾ

പിങ്ക് ലൈൻ നിർമാണവുമായി ബന്ധപ്പെട്ട വിശദമായ പദ്ധതി റിപ്പോർട്ട് (ഡിപിആർ) കെഎംആർഎൽ 2019 ജനുവരിയിലാണ് സമർപ്പിച്ചത്. 2022 നവംബറിൽ അന്തിമ അംഗീകാരം ലഭിച്ചു. 2023 ജൂണിൽ പദ്ധതി നടത്തിപ്പിന് ആവശ്യമായ വായ്പയ്ക്ക് അനുമതി ലഭിച്ചു. പദ്ധതിയുടെ പ്രാരംഭ ചെലവ് 1,957.05 കോടി രൂപയാണ് കണക്കാക്കിയിരുന്നത്. എന്നാൽ പദ്ധതിക്ക് അംഗീകാരം ലഭിക്കുന്നതിൽ നാലര വർഷത്തോളം കാലതാമസം നേരിട്ടതോടെ നിർമാണ ചെലവിലും നികുതികളിലും വർധനവുണ്ടായി.

English Summary:

Kochi Metro Rail Limited is making significant progress on Phase II of the Kochi Metro, known as the Pink Line, which connects Jawaharlal Nehru Stadium to SmartCity in Kakkanad through an 11.2-km elevated corridor with 11 stations. The project is targeted for completion by August 2027.

തിരുവനന്തപുരം: കേരളത്തിൽ മഴ വീണ്ടും ശക്തമാകുന്നതായി കാലാവസ്ഥ വകുപ്പിൻ്റെ മുന്ന്റിയിപ്പ്. ആൻഡമാൻ കടലിൽ രൂപപ്പെട്ട ന്യൂനമർദ്ദത്തെ തുടർന്നാണ് സംസ്ഥാനത്ത് മഴ കനക്കാൻ സാധ്യതയുണ്ടെന്ന് കാലാവസ്ഥ വകുപ്പ് പ്രവചിക്കുന്നത്. ഉച്ചയ്ക്ക് ശേഷം ഇടിമിന്നലോടും ശക്തമായ കാറ്റോടും കൂടിയ മഴയ്ക്കാണ് സാധ്യത. പ്രത്യേകിച്ച് തെക്കൻ ജില്ലകളിലും മധ്യകേരളത്തിലും മഴ കൂടുതൽ കനത്തേക്കാം. എന്നാൽ ഇന്ന് ഒരു ജില്ലയിലും പ്രത്യേക മഴ മുന്നറിയിപ്പ് പുറപ്പെടുവിച്ചിട്ടില്ല. എല്ലാ ജില്ലകളിലും ​ഗ്രീൻ അലർട്ടാണുള്ളത്.

ALSO READ: മഴ പോയിട്ടില്ല, വിവിധ ജില്ലകളിൽ യെല്ലോ അലർട്ട്, അടുത്ത 5 ദിവസത്തെ കാലാവസ്ഥ ഇങ്ങനെ

ആൻഡമാൻ കടലിൽ ന്യൂനമർദ്ദം രൂപപ്പെട്ടു

തെക്കൻ ആൻഡമാൻ കടലിലും സമീപപ്രദേശങ്ങളിലും നിലനിൽക്കുന്ന ചക്രവാതചുഴി ന്യൂനമർദ്ദമായി ശക്തി പ്രാപിച്ചു. അടുത്ത 24 മണിക്കൂറിനുള്ളിൽ ഇത് പടിഞ്ഞാറ്-വടക്കുപടിഞ്ഞാറ് ദിശയിൽ നീങ്ങി തെക്കൻ ആൻഡമാൻ കടലിലും സമീപത്തെ ആൻഡമാൻ- നിക്കോബാർ ദ്വീപുകൾക്ക് മുകളിലുമായി ശക്തി കൂടിയ ന്യൂനമർദമായി മാറാനാണ് സാധ്യത. അതിശക്ത ചുഴലിക്കാറ്റ് “ഓർണബിന്റെ” ശേഷിപ്പായ തീവ്ര ന്യൂനമർദം തെക്കൻ ഛത്തീസ്ഗഢിനും സമീപത്തെ തെക്കൻ ഒഡിഷയ്ക്കും മുകളിലായി നിലനിൽക്കുന്നമുണ്ട്.

ഇത് ഇന്ന് വൈകുന്നേരത്തോടെ വടക്കൻ ഛത്തീസ്ഗഢിനും സമീപത്തെ വടക്കുപടിഞ്ഞാറൻ ഒഡിഷയ്ക്കും മുകളിലായി ദുർബലമായി ശക്തി കൂടിയ ന്യൂനമർദമായി മാറാൻ സാധ്യതയെന്നും കാലാവസ്ഥാ വകുപ്പ് അറിയിക്കുന്നു. ഇതിൻ്റെ സ്വാധീനഫലമായി കേരളത്തിൽ നവംബർ രണ്ടിന് ഒറ്റപ്പെട്ട ശക്തമായ മഴയ്ക്ക് സാധ്യതയുണ്ടെന്നാണ് കാലാവസ്ഥ വകുപ്പിൻ്റെ പ്രവചനം.

ഇടിമിന്നൽ ജാഗ്രതാ നിർദേശം

കേരളത്തിൽ ഒറ്റപ്പെട്ടയിടങ്ങളിൽ നവംബർ 01, 02 തീയതികളിൽ ഇടിമിന്നലോട് കൂടിയ മഴയ്ക്കും മണിക്കൂറിൽ 30- 40 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. ഇടിമിന്നലിന്റെ ആദ്യ ലക്ഷണം കണ്ടുകഴിഞ്ഞാൽ ഉടൻ തന്നെ സുരക്ഷിതമായ കെട്ടിടത്തിനുള്ളിലേക്ക്‌ മാറുക. തുറസായ സ്ഥലങ്ങളിൽ തുടരുന്നത് ഇടിമിന്നലേൽക്കാനുള്ള സാധ്യത വർധിപ്പിക്കും. ഉച്ചയ്ക്ക് 2 മണി മുതൽ രാത്രി 10 മണി വരെയുള്ള സമയങ്ങളിൽ പൊതുജനങ്ങൾ ഇടിമിന്നൽ ജാഗ്രതാ നിർദ്ദേശങ്ങൾ പാലിക്കണം.

മത്സ്യത്തൊഴിലാളി ജാഗ്രത നിർദേശം

കേരള - കർണാടക - ലക്ഷദ്വീപ് തീരങ്ങളിൽ ഇന്ന് മത്സ്യബന്ധനത്തിന് തടസ്സമില്ലെന്ന് കേന്ദ്ര കാലാവസ്ഥ വകുപ്പ് അറിയിച്ചു. വടക്കൻ ആന്ധ്രപ്രദേശ് തീരം അതിനോട്‌ചേർന്ന മധ്യപടിഞ്ഞാറൻ ബംഗാൾ ഉൾക്കടൽ, ആൻഡമാൻ കടൽ എന്നിവിടങ്ങളിൽ മണിക്കൂറിൽ മണിക്കൂറിൽ 35 മുതൽ 45 കിലോമീറ്റർ വരെയും ചില അവസരങ്ങളിൽ മണിക്കൂറിൽ 55 കിലോമീറ്റർ വരെയും ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ട്. കൂടാതെ തെക്ക് കിഴക്കൻ ബംഗാൾ ഉൾക്കടൽ അതിനോട് ചേർന്ന മധ്യ കിഴക്കൻ ബംഗാൾ ഉൾക്കടൽ, മധ്യ പടിഞ്ഞാറൻ ബംഗാൾ ഉൾക്കടൽ, ആൻഡമാൻ കടൽ എന്നിവിടങ്ങളിൽ മണിക്കൂറിൽ മണിക്കൂറിൽ 40 മുതൽ 50 കിലോമീറ്റർ വരെയും ചില അവസരങ്ങളിൽ മണിക്കൂറിൽ 60 കിലോമീറ്റർ വരെയും ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ടെന്നും അധികൃതർ അറിയിച്ചു.

English Summary:

Kerala Weather Update, IMD has forecast rainfall and thundershowers at isolated places across several districts of Kerala today. Check The Latest rain alert and climate change.

തിരുവനന്തപുരം : അധ്യാപകർക്ക് തിരിച്ചടി. കെ- ടെറ്റ് യോഗ്യത ഇല്ലാത്ത അധ്യാപകർക്ക് നിയമന അംഗീകാരവും പ്രമോഷനവും ലഭിക്കില്ല എന്ന് ഉത്തരവിറക്കി വിദ്യാഭ്യാസ വകുപ്പ്. സുപ്രീം കോടതിയിൽ നൽകിയിരിക്കുന്ന പെറ്റീഷനിൽ വ്യക്തത വരുന്നതിനു ശേഷം മാത്രം തുടർ നടപടികൾ സ്വീകരിക്കുമെന്നും റിപ്പോർട്ട്. 2028 സെപ്റ്റംബർ ഒന്നിന് മുൻപ് അധ്യാപകർ കെ- ടെറ്റ് യോഗ്യത നേടണം എന്നാണ് സുപ്രീംകോടതിയിലെ വിധി വ്യക്തമാക്കിയിരിക്കുന്നത്.

അതേസമയം പി എസ് സി അഡ്വൈസ് ലഭിച്ച കെ- ടെറ്റ് യോഗ്യത ഇല്ലാത്തവർക്ക് പ്രൊവിഷണൽ ആയി നിയമനം നൽകുമെന്നും റിപ്പോർട്ട്. അതേസമയം കോടതി വിധിക്കും മുമ്പ് ദിവസ വേതനാടിസ്ഥാനത്തിൽ ജോലി ചെയ്തവരുടെ കേസുകൾ പരിശോധിച്ച് ശമ്പളം അംഗീകരിക്കാനും ഉത്തരവിറക്കി.

ALSO READ:കോവിഡ്, നിപ്പ രോഗികൾക്ക് കാലാവധി കഴിഞ്ഞ മരുന്ന് നൽകി? അന്വേഷണത്തിന് ഉത്തരവിട്ട് ആരോഗ്യമന്ത്രി

അതേസമയം ഇപ്പോൾ സർവീസിൽ ഇരിക്കുന്ന അധ്യാപകർ അടക്കം കെ- ടെറ്റ് വിജയിച്ചിരിക്കണം എന്ന വിധിക്കെതിരായ പുനഃ പരിശോധന ഹർജികൾ സുപ്രീംകോടതി ഇതിനോടകം തന്നെ തള്ളിയതാണ്. ഇതിന്റെ ഭാഗമായി സർക്കാർ അനുവദിച്ച ഇളവുകളും നീക്കിയിരുന്നു.

യുപി വിഭാഗത്തിലെ അധ്യാപകർക്ക് കെ ടെറ്റ് 2 ആണ് യോഗ്യത. എൽ പി വിഭാഗം അധ്യാപകർക്ക് കെ ടെറ്റ് വണ്ണും. എന്നിരുന്നാലും ഉയർന്ന കെ ടെറ്റ് ഉള്ളവർക്ക് നിയമനം നൽകാമെന്നും പുതിയ ഉത്തരവ് ഇറങ്ങിയിരുന്നു. അതിനിടെ സംസ്ഥാനത്തെ ന്യൂനപക്ഷ പദവിയിലുള്ള എയ്ഡഡ് വിദ്യാഭ്യാസ സ്ഥാപനങ്ങളിലെ അധ്യാപകർ നിയമനങ്ങൾക്കും സ്ഥാനക്കായ തങ്ങൾക്കും കേട്ടത് യോഗ്യത നിർബന്ധം എന്ന് വ്യക്തമാക്കി കേരള സർക്കാർ പൊതുവിദ്യാഭ്യാസ വകുപ്പും ഉത്തരവിറക്കിയത്.

ENGLISH SUMMARY

A setback for teachers: The Education Department has issued an order stating that teachers who lack K-TET (Kerala Teacher Eligibility Test) qualification will not be granted approval for appointment or promotion. Reports also indicate that further action will be taken only after the petition currently before the Supreme Court is clarified.