മെറ്റയുടെ ഉടമസ്ഥതയിലുള്ള ജനപ്രിയ സോഷ്യൽ മീഡിയ ആപ്പുകളുടെ സേവനങ്ങൾ ചില ഉപയോക്താക്കൾക്ക് തടസപ്പെട്ടതായി റിപ്പോർട്ട്. ഫെയ്സ്ബുക്ക്, ഇൻസ്റ്റാഗ്രാം, ഫേസ്ബുക്ക് മെസഞ്ചർ എന്നിവയുൾപ്പെടെയുള്ളവയ്ക്ക് പ്രശ്നങ്ങൾ​ നേരിടുന്നുണ്ട് എന്നാണ് റിപ്പോർട്ട് ചെയ്യപ്പെട്ടിരിക്കുന്നത്. ഫെയ്സ്ബുക്കിന് ആഗോളതലത്തിൽ കാര്യമായ തടസ്സം നേരിടേണ്ടി വന്നിട്ടുണ്ട്, ഇത് അതിന്റെ പ്രധാന ആപ്പിനെയും വെബ്‌സൈറ്റിനെയും മെസഞ്ചറിനെയും ബാധിച്ചു, ഉപയോക്താക്കൾ ഓട്ടോമാറ്റിക്കായി ലോഗ് ഔട്ട് ചെയ്യപ്പെടുകയും തിരികെ ലോഗിൻ ചെയ്യാൻ കഴിയാതെ വരികയും ചെയ്തു. ഇതിന് മുൻപും ചില ഘട്ടങ്ങളിൽ സമാനമായി ഉപയോക്താക്കൾ പ്രശ്നങ്ങൾ നേരിട്ടിട്ടുണ്ട്. നിലവിൽ നേരിട്ടുകൊണ്ടിരിക്കുന്ന തകരാറുകൾക്ക് കാരണമെന്തെന്നോ അ‌വ പരിഹരിക്കപ്പെട്ട് ഫെയ്സ്ബുക്ക് വീണ്ടും എപ്പോൾ ഓൺലൈനിൽ തിരിച്ചെത്തുമെന്നോ ഇപ്പോഴും വ്യക്തമല്ല.

സേവനങ്ങൾ ആക്‌സസ് ചെയ്യാൻ ശ്രമിക്കുന്ന ഉപയോക്താക്കൾക്ക് 'ഒരു അപ്രതീക്ഷിത എറർ സംഭവിച്ചു' അല്ലെങ്കിൽ 'എന്തോ തെറ്റായി സംഭവിച്ചു' തുടങ്ങിയ എറർ മെസേജുകളാണ് കാണിക്കുന്നത്. പ്രശ്നം പരിഹരിക്കുന്നതിനായി അ‌ധികൃതർ ശ്രമങ്ങൾ ആരംഭിച്ചിട്ടുണ്ട്. പസഫിക് സമയം രാവിലെ 6.45 ഓടെയാണ് പ്രശ്‌നങ്ങൾ ആരംഭിച്ചത്, അതായത് യുകെയിൽ ഉച്ചയ്ക്ക് 2.45, ലോകമെമ്പാടും തകരാറുകൾ റിപ്പോർട്ട് ചെയ്യപ്പെട്ടിട്ടുണ്ട്.

Also Read: റെയർ പീസാ! 200MP ക്യാമറയുള്ള സാംസങ് ഗാലക്സി S25 എഡ്ജ് പകുതി വിലയ്ക്ക് വിൽക്കുന്നു

വാട്സ്ആപ്പ്, ഇൻസ്റ്റാഗ്രാം എന്നിവയുൾപ്പെടെ മെറ്റാ ഉടമസ്ഥതയിലുള്ള മറ്റ് പ്ലാറ്റ്‌ഫോമുകൾ വലിയതോതിൽ പ്രവർത്തനക്ഷമമായി തുടരുന്നുണ്ടെങ്കിലും, ചില ഉപയോക്താക്കൾ ഇൻസ്റ്റാഗ്രാമിന്റെ വെബ് പതിപ്പിൽ ഇടയ്ക്കിടെയുള്ള പ്രശ്‌നങ്ങൾ റിപ്പോർട്ട് ചെയ്തു. ഇന്ത്യയിൽ ഈ തകരാറുകൾ എത്രത്തോളം ഉപയോക്താക്കളെ ബാധിച്ചിട്ടുണ്ട് എന്ന് നിലവിൽ വ്യക്തമല്ല. പലർക്കും ഫെയ്സ്ബുക്കും ഇൻസ്റ്റഗ്രാമും സാധാരണപോലെ പ്രവർത്തിക്കുന്നുണ്ട്. എന്നാൽ ചിലയാളുകൾക്ക് പ്രശ്നങ്ങൾ റിപ്പോർട്ട് ചെയ്യപ്പെടുന്നുമുണ്ട്.

മെറ്റയുടെ ആപ്പുകൾ പെട്ടെന്ന് പ്രശ്നങ്ങൾ നേരിട്ടുതുടങ്ങിയതോടെ എക്സ് (മുൻപ് ട്വിറ്റർ) പോലുള്ള മറ്റ് പ്ലാറ്റ്‌ഫോമുകളിലൂടെ ലക്ഷക്കണക്കിന് ഉപയോക്താക്കൾ തങ്ങൾ നേരിടുന്ന ബുദ്ധിമുട്ടുകൾ പങ്കുവെച്ച് രംഗത്തെത്തിയിട്ടുണ്ട്. ഫെയ്സ്ബുക്കിൽ ലോഗിൻ ചെയ്യുന്നതിനാണ് പ്രശ്നമെങ്കിൽ ചിലർക്ക് ഇൻസ്റ്റാഗ്രാം ഫീഡ് ലോഡ് ആകുന്നില്ല എന്നതാണ് പ്രശ്നം. ഫീഡ് ലോഡ് ആകാത്തതിനാൽ പുതിയ പോസ്റ്റുകളോ റീൽസുകളോ കാണാൻ സാധിക്കുന്നില്ല.

ഫീഡ് റിഫ്രഷ് ചെയ്യാൻ നോക്കുമ്പോൾ തകരാർ കാണിക്കുകയാണ്. കൂടാതെ മെസ്സേജുകൾ അയക്കാനും സാധിക്കുന്നില്ല. മറ്റുചിലരാകട്ടെ വാട്സ്ആപ്പ് മെസ്സേജുകൾ ഡെലിവർ ആകുന്നതിലും കണക്റ്റിവിറ്റിയിലും ചില തടസ്സങ്ങൾ അനുഭവപ്പെടുന്നുണ്ട് എന്ന് പറയുന്നുണ്ട്. ആപ്പുകളിൽ ലോഗിൻ ചെയ്യാൻ കഴിയാതെ വന്നതോടെ തങ്ങൾ ഹാക്ക് ചെയ്യപ്പെട്ടോ എന്ന് ചിലർ ആശങ്കപ്പെട്ടു. എന്നാൽ മുൻപും ഇത്തരത്തിൽ ചില തകരാറുകൾ റിപ്പോർട്ട് ചെയ്യപ്പെട്ടിട്ടുള്ളതിനാൽ ചിലർക്ക് ഇത് തങ്ങളുടെ മാത്രം പ്രശ്നമല്ല എന്ന് മനസിലായി.

പ്രശ്നം പരിഹരിക്കാനായി ഉപയോക്താക്കൾ ആപ്പ് അൺഇൻസ്റ്റാൾ ചെയ്യുകയോ പാസ്‌വേഡ് മാറ്റാൻ ശ്രമിക്കുകയോ ചെയ്യേണ്ടതില്ല. നിലവിലെ സാങ്കേതിക തകരാർ എത്രയും വേഗം പരിഹരിക്കാനുള്ള ശ്രമങ്ങൾ മെറ്റായുടെ ടീം ആരംഭിച്ചിട്ടുണ്ട് എന്നാണ് റിപ്പോർട്ട്. അ‌തിനാൽ പ്രശ്നങ്ങൾ നേരിടുന്നവർക്ക് അല്പസമയത്തിനകം തന്നെ സേവനങ്ങൾ സാധാരണ നിലയിലാകുമെന്നാണ് പ്രതീക്ഷിക്കുന്നത്.

English Summary

Popular social media apps owned by Meta are reportedly experiencing service disruptions for some users. Facebook, Instagram, and Facebook Messenger are all reportedly experiencing issues. Facebook has suffered a major global outage that affected its main app, website, and Messenger, with users being automatically logged out and unable to log back in.

സാംസങ് ഗാലക്സി എസ് സീരീസിലെ 'റെയർ പീസ്' എന്ന് വിശേഷിപ്പിക്കാവുന്ന സ്മാർട്ട്ഫോൺ ആണ് കഴിഞ്ഞ വർഷം അ‌വതരിപ്പിക്കപ്പെട്ട ഗാലക്സി എസ് 25 എഡ്ജ് (Samsung Galaxy S25 Edge). കാരണം, സ്ലിം സ്മാർട്ട്ഫോൺ ആഗ്രഹിക്കുന്ന ഉപയോക്താക്കളെ ലക്ഷ്യമിട്ടുകൊണ്ട്, പ്ലസ് മോഡൽ ഒഴിവാക്കി ഗാലക്സി എസ് സീരീസിലേക്ക് അ‌വതരിപ്പിക്കപ്പെട്ട മോഡലാണ് എസ്25 എഡ്ജ്. എന്നാൽ പിന്നീട് വന്ന എസ്26 സീരീസിനൊപ്പം എഡ്ജ് മോഡൽ ഉണ്ടായില്ല, പകരം മുൻകാലങ്ങളിലേത് പോലെ പ്ലസ് മോഡലാണ് എത്തിയത്. അ‌തോടെ ഗാലക്സി എസ് സീരീസിലെ ഏക എഡ്ജ് മോഡലായി എസ്25 മാറി. ഇപ്പോൾ ഈ എസ്25 എഡ്ജ് പാതിയോടടുത്ത വിലയിൽ സ്വന്തമാക്കാൻ ഉപയോക്താക്കൾക്ക് അ‌വസരമുണ്ട്.

പുതിയ വില

കരുത്തൻ സ്മാർട്ട്ഫോൺ ആണെങ്കിലും ഗാലക്സി എസ് സീരീസിലെ ഏറ്റവും സ്ലിം മോഡലായ എസ്25 എഡ്ജിന് തിരിച്ചടിയായത് അ‌തിന്റെ ഉയർന്ന വില ആയിരുന്നു. എന്നാലിപ്പോൾ ആ പ്രശ്നം ഇല്ലാതെ ഈ പ്രീമിയം സ്മാർട്ട്ഫോൺ സ്വന്തമാക്കാൻ ഫ്ലിപ്പ്കാർട്ട് അ‌വസരം ഒരുക്കിയിരിക്കുന്നു. ഫ്ലിപ്പ്കാർട്ടിൽ ഇപ്പോൾ ജൂൺ എപ്പിക് സെയിൽ (Flipkart June Epic Sale) നടക്കുകയാണ്. ഈ ഓഫർ സെയിലിൽ 59999 രൂപ പ്രാരംഭ വിലയിൽ ഗാലക്സി എഡ്ജ് ലിസ്റ്റ് ചെയ്തിട്ടുണ്ട്.

Also Read: ദേ അ‌ടുത്ത ഡിസ്കൗണ്ട്! 10001mAh ബാറ്ററിയുള്ള റിയൽമി നാർസോ 5G ഇപ്പോൾ വിലക്കുറവിൽ കിട്ടും

ലോഞ്ച് വില

ഇന്ത്യയിൽ ലോഞ്ച് ചെയ്യുമ്പോൾ സാംസങ് ഗാലക്സി എസ്25 എഡ്ജിന്റെ 12GB + 256GB മോഡലിന് 1,09,999 രൂപയും 12GB + 512GB വേരിയന്റിന് 1,21,999 രൂപയുമായിരുന്നു വില. വെറും ഒരു വർഷം മാത്രം പിന്നിടുമ്പോഴേക്ക് ഈ ഫോണിന്റെ വിലയിൽ 45 ശതമാനം കുറവാണ് ഉണ്ടായിരിക്കുന്നത്. പരിമിതമായ കാലയളവിലേക്ക് മാത്രമാകും ഈ വിലക്കുറവ് ലഭ്യമാകുക.

ബാങ്ക് ഡിസ്കൗണ്ട്

ഇപ്പോൾ ഫ്ലിപ്പ്കാർട്ടിൽ ലഭ്യമായിരിക്കുന്ന വിലക്കുറവ് പ്രയോജനപ്പെടുത്തി എസ്25 എഡ്ജ് സ്വന്തമാക്കുന്നതിലൂടെ ഉപയോക്താവിന് ഏകദേശം 50000 രൂപയോളം ലാഭമുണ്ട്. ഡയറക്ട് വിലക്കുറവിന് പുറമേ 3000 രൂപയുടെ ബാങ്ക് ഡിസ്കൗണ്ടും ഉണ്ട്, ഇത് കൂടി പ്രയോജനപ്പെടുത്തിയാൽ വില 56999 രൂപയായി കുറയും. അ‌തായത് നിലവിലെ ഒരു മിഡ്റേഞ്ച് സ്മാർട്ട്ഫോൺ ​വാങ്ങുന്ന വിലയിൽ ഈ പ്രീമിയം മോഡൽ സ്വന്തമാക്കാം.

പ്രധാന ഫീച്ചറുകൾ

6.7 ഇഞ്ച് QHD+ ഇൻഫിനിറ്റി-ഒ ഡൈനാമിക് അമോലെഡ് 2X ഡിസ്‌പ്ലേ, കോർണിംഗ് ഗൊറില്ല ഗ്ലാസ് സെറാമിക് 2 പ്രൊട്ടക്ഷൻ, 4.47 GHz ഒക്ട-കോർ ​​ക്വാൽകോം സ്‌നാപ്ഡ്രാഗൺ 8 എലൈറ്റ് ചിപ്സെറ്റ് കരുത്ത്, അ‌ഡ്രിനോ 830 ജിപിയു, 12GB റാം, 256GB / 512GB സ്റ്റോറേജ് എന്നിവ ഇതിലുണ്ട്.

200MP മെയിൻ ക്യാമറ (f/1.7 അപ്പേർച്ചർ, OIS, 2x ഒപ്റ്റിക്കൽ ക്വാളിറ്റി സൂം), 12MP 120° അൾട്രാ വൈഡ് സെൻസർ (f/2.2 അപ്പേർച്ചർ, OIS, 4K 60 fps, 8K 30fps), LED ഫ്ലാഷ് എന്നിവ അ‌ടങ്ങുന്ന ഡ്യുവൽ റിയർ ക്യാമറ സജ്ജീകരണവും സെൽഫിക്കും മറ്റുമായി 12MP ഫ്രണ്ട് ക്യാമറയും ഇതിലുണ്ട്.

ആൻഡ്രോയിഡ് 15 അ‌ടിസ്ഥാനമാക്കി എത്തിയ ഈ മോഡലിന് ഏഴ് ഒഎസ് അപ്‌ഗ്രേഡുകളും ഏഴ് വർഷത്തെ സുരക്ഷാ അപ്‌ഡേറ്റുകളും സാംസങ് വാഗ്ദാനം ചെയ്യുന്നുണ്ട്. ഡ്യുവൽ സിം (നാനോ + നാനോ / eSIM), 5G SA/NSA, 4G VoLTE, IP68 റേറ്റിങ്, 25W ഫാസ്റ്റ് ചാർജിംഗ്, Qi വയർലെസ് ചാർജിംഗ്, വയർലെസ് പവർഷെയർ പിന്തുണകളുള്ള 3900mAh ബാറ്ററി എന്നിവയാണ് മറ്റ് പ്രധാന ഫീച്ചറുകൾ.

English Summary

The Galaxy S25 Edge, which was launched last year, is a smartphone that can be described as a 'rare piece' in the Samsung Galaxy S series. It is now available for almost half the price. The June Epic Sale is currently going on on Flipkart. The Galaxy Edge is listed at a starting price of Rs 59,999 in this offer sale. There is also a bank discount. When it was launched in India, its base model was priced at Rs 109,999.

ചണ്ഡീഗഡ്: ഉപഭോക്താക്കൾക്ക് നൽകുന്ന വാഗ്ദാനങ്ങൾ പാലിച്ചില്ലെങ്കിൽ എത്ര വലിയ കമ്പനിയാണെങ്കിലും നിയമ നടപടി നേരിടേണ്ടി വരും എന്ന് വ്യക്തമാക്കുന്ന സംഭവമാണ് ഇപ്പോൾ പുറത്തുവരുന്നത്. രാജ്യത്തെ പ്രമുഖ ടെലികോം കമ്പനിയായ റിലയൻസ് ജിയോ ഉപഭോക്താവിന് 19,700 രൂപ നഷ്ടപരിഹാരമായി നൽകണമെന്ന് വിധിച്ചിരിക്കുകയാണ് ചണ്ഡീഗഡ് ഉപഭോക്തൃ തർക്ക പരിഹാര കമ്മീഷൻ. വാഗ്ദാനം ചെയ്ത സേവനങ്ങൾ നൽകുന്നതിൽ പരാജയപ്പെട്ടു എന്നും, റിഫണ്ടുമായി ബന്ധപ്പെട്ട് നൽകിയ ഉറപ്പ് പാലിച്ചില്ലെന്നും കാട്ടി സുശീൽ കുമാർ അഗർവാൾ എന്ന ഉപഭോക്താവ് നൽകിയ പരാതിയിലാണ് നടപടി. സേവനത്തിനായി കമ്പനി ഇടാക്കിയ തുക പലിശ സഹിത തിരികെ നൽക്കാനും, ഉപഭോക്താവ് നേരിട്ട ബുദ്ധിമുട്ടിന് നഷ്ടപരിഹാരം നൽകാനും കമ്മീഷൻ ഉത്തരവിട്ടു. റിലയൻസ് ജിയോ നൽകിയ അപ്പീൽ തള്ളിക്കൊണ്ടാണ് കമ്മീഷൻ്റെ നിർണ്ണായക വിധി.

2024 മാർച്ചിലാണ് സുശീൽ കുമാർ തൻ്റെ വീട്ടിൽ ജിയോ ഇൻ്റർനെറ്റ് കണക്ഷൻ സ്ഥാപിക്കുന്നത്. ഒരു വർഷത്തെ പ്ലാനിലേക്കായി 12,729 രൂപ അദ്ദേഹം മുൻകൂറായി അടക്കുകയും ചെയ്തിരുന്നു. എന്നാൽ കണക്ഷൻ സ്ഥാപിച്ച ശേഷമാണ് ഇത് ഒപ്റ്റിക്കൽ ഫൈബർ കണക്ഷനല്ല എന്ന് തിരിച്ചറിയുന്നത്. എന്നാൽ ഇത് കമ്പനിയെ അറിയിച്ചപ്പോൾ. ഒപ്റ്റിക്കൽ ഫൈബർ കണക്ഷന് സമാനമായ രീതിയിലാണ് ഇതും പ്രവർത്തിക്കുകയെന്നും അൺലിമിറ്റഡ് ഡേറ്റ ലഭ്യമാകുമെന്നും കമ്പനി അറിയിച്ചതായി സുശീൽ കുമാർ പറയുന്നു.

എന്നാൽ കണക്ഷൻ എടുത്ത് വെറും 18 ദിവസത്തിനുള്ളിൽ തന്നെ 'ഡാറ്റ പരിധി കഴിഞ്ഞു' എന്ന സന്ദേശം അദ്ദേഹത്തിന് ലഭിക്കാൻ തുടങ്ങി. കൂടുതൽ ഡാറ്റ വേണമെങ്കിൽ അധിക പണം നൽകണമെന്ന കമ്പനിയുടെ നിലപാട്, മാറി ചിന്തിക്കാൻ സുശീൽ കുമാറിനെ പ്രേരിപ്പിക്കുകയായിരുന്നു. വാഗ്ദാനം ചെയ്ത സേവനമല്ല തനിക്ക് ലഭിച്ചതെന്നും വേഗത വളരെ കുറവാണെന്നും കാണിച്ച് അദ്ദേഹം ഏപ്രിൽ മാസം കണക്ഷൻ വിച്ഛേദിക്കാൻ കമ്പനിക്ക് നിർദ്ദേശം നൽകി. നേരത്തെ ഉറപ്പു നൽകിയിരുന്നത് പോലെ പണം തിരികെ നൽകാനും ആവശ്യപ്പെട്ടു.

Also Read: സന്തോഷത്തോടെ കടന്ന് വന്നാട്ടെ! 51 രൂപയുടെ പുത്തൻ ഓഫറുമായി BSNL; ഫ്രീ സിം, ദിവസം 2GB ഡാറ്റ…

എന്നാൽ വീട്ടിൽ സ്ഥാപിച്ചിരുന്ന ഉപകരണം തിരികെ വാങ്ങിയ ശേഷം പണം റീഫണ്ട് ചെയ്യാമെന്ന് ഇ-മെയിൽ വഴി കമ്പനി ഉറപ്പ് നൽകിയെങ്കിലും മാസങ്ങൾ കഴിഞ്ഞിട്ടും തുക നൽകിയില്ല. ഇതോടെയാണ് അദ്ദേഹം ഉപഭോക്തൃ കോടതിയെ സമീപിച്ചത്. കമ്പനിയുടെ ഭാഗത്തുനിന്ന് ഗുരുതരമായ വീഴ്ച ഉണ്ടായതായി കോടതി കണ്ടെത്തി. ജില്ലാ കോടതി നേരത്തെ പുറപ്പെടുവിച്ച വിധി സംസ്ഥാന കമ്മീഷനും ശരിവെക്കുകയായിരുന്നു.
ഉപഭോക്താവിൻ നിന്നും മുൻകൂറായി വാങ്ങിയ 12,729 രൂപ മുഴുവനായി തിരികെ നൽകണം. ഈ തുകയ്ക്ക് 2024 മാർച്ച് 13 മുതൽ തുക കൈമാറുന്നത് വരെ 9 ശതമാനം വാർഷിക പലിശയും നൽകണം. ഇതുകൂടാതെ കോടതി ചിലവ് ഉൾപ്പടെ നഷ്ടപരിഹാരമായി. 7,000 രൂപ അധികമായി നൽകണമെന്നും കോടതി ഉത്തരവിൽ പറയുന്നു. ഇതോടെ പലിശയും നഷ്ടപരിഹാരവും ഉൾപ്പെടെ ഏകദേശം 19,700 രൂപയോളം ജിയോ പരാതിക്കാരന് നൽകേണ്ടി വരും.

English Summary

The Chandigarh Consumer Commission ordered Reliance Jio to pay nearly ₹19,700 to a subscriber for failing to provide promised internet speeds and stalling a refund. The telecom giant must return the upfront ₹12,729 annual fee with 9% interest, plus ₹7,000 for mental agony and legal costs.

സ്മാർട്ട്ഫോൺ പ്രേമികൾക്ക് ആവേശം പകർന്ന് ആമസോണിൽ പുതിയൊരു ഓഫർ സെയിൽ കൂടി ആരംഭിച്ചിരിക്കുന്നു. ജൂൺ 8 മുതൽ ആമസോണിൽ തുടങ്ങിയ ഐക്യൂ ഫ്ലാഗ്ഷിപ്പ് ഡേയ്സ് സെയിൽ കഴിഞ്ഞ ദിവസം (ജൂൺ 11ന്) അ‌വസാനിച്ചു, ഇതിന് പിന്നാലെയാണ് ഇന്ന് മുതൽ (ജൂൺ 12) റിയൽമി നാർസോ ഡേയ്സ് സെയിൽ (realme NARZO Days Sale) ആരംഭിച്ചിരിക്കുന്നത്. റിയൽമിയുടെ നാർസോ സീരീസിലെ മികച്ച സ്മാർട്ട്ഫോണുകൾ യഥാർഥ വിലയെക്കാൾ കുറഞ്ഞ വിലയിൽ സ്വന്തമാക്കാൻ ഈ ഓഫർ സെയിൽ സ്മാർട്ട്ഫോൺ പ്രേമികൾക്ക് അ‌വസരമൊരുക്കുന്നു. പരിമിത കാലത്തേക്ക് നിശ്ചയിച്ചിരിക്കുന്ന ഈ ഓഫർ സെയിലിൽ ഇൻസ്റ്റന്റ് ഡിസ്കൗണ്ടുകൾ, കൂപ്പൺ ഡിസ്കൗണ്ടുകൾ, ബാങ്ക്-ലിങ്ക്ഡ് ഓഫറുകൾ, തിരഞ്ഞെടുത്ത മോഡലുകൾക്ക് ഇഎംഐ ഓപ്ഷനുകൾ എന്നിവ ലഭ്യമാണ്.

റിയൽമി നാർസോ ഡേയ്സ് സെയിലിൽ വിവിധ മോഡലുകൾക്ക് ഡിസ്കൗണ്ട് ലഭ്യമായിട്ടുണ്ടെങ്കിലും ഏറ്റവും പ്രധാനപ്പെട്ടത് 10001mAh ബാറ്ററിയുള്ള റിയൽമി നാർസോ പവർ 5ജിക്ക് (Realme Narzo Power 5G) ലഭ്യമായിരിക്കുന്ന ഡിസ്കൗണ്ട് ആണ്. ഈ വർഷം മാർച്ചിലാണ് ഈ സ്മാർട്ട്ഫോൺ ഇന്ത്യയിൽ ലോഞ്ച് ചെയ്തത്.

Also Read: കൊടുക്കുന്ന കാശ് മുതലാകും! ഏറ്റവും കരുത്തൻ ഐക്യൂ ഫോണിന് ഫ്ലാഗ്ഷിപ്പ് സെയിൽ ഡിസ്കൗണ്ട്

ഇന്ത്യയിൽ അ‌വതരിപ്പിക്കുന്ന സമയത്ത്

ഇന്ത്യയിൽ അ‌വതരിപ്പിക്കുന്ന സമയത്ത് റിയൽമി നാർസോ പവർ 5ജിയുടെ 8GB +128GB വേരിയന്റിന് 27,999 രൂപയും 8GB + 256GB വേരിയന്റിന് 29,999 രൂപയും ആയിരുന്നു വില. എന്നാൽ പിന്നീട് സ്മാർട്ട്ഫോൺ നിർമാണ ഘടകങ്ങളുടെ വില ഉയർന്നത് ഫോണുകളുടെ വില വർധനയ്ക്കും കാരണമായപ്പോൾ നാർസോ പവർ 5ജിയുടെ വിലയും കൂടി.

നിലവിൽ ലോഞ്ച് വിലയിൽ തന്നെയാണ് റിയൽമി നാർസോ പവർ 5ജി റിയൽമി വെബ്​സൈറ്റിലും ആമസോണിലും ലിസ്റ്റ് ചെയ്തിരിക്കുന്നത്. എന്നാൽ റിയൽമി നാർസോ ഡേയ്സ് സെയിൽ ഓഫറിന്റെ ഭാഗമായി 2000 രൂപയുടെ ഡിസ്കൗണ്ട് ഈ മോഡലിന് ലഭ്യമാകുമെന്ന് ആമസോൺ ടീസറിൽ പറയുന്നു. അ‌തിനാൽ ഇന്ത്യയിൽ ലഭ്യമായ ഏറ്റവും വലിയ ബാറ്ററി ശേഷിയുള്ള സ്മാർട്ട്ഫോണുകളിൽ ഒന്നായ നാർസോ പവർ 5ജി 25999 രൂപ പ്രാരംഭ വിലയിൽ ഇപ്പോൾ വാങ്ങാനാകും.

പ്രധാന ഫീച്ചറുകൾ

10001mAh ടൈറ്റൻ ബാറ്ററി ബാറ്ററി തന്നെയാണ് ഈ റിയൽമി ഫോണിന്റെ മുഖ്യ ആകർഷണം. റിയൽമിയുടെ തന്നെ പി4 പവർ 5ജിയാണ് 10001mAh ബാറ്ററി ശേഷിയിൽ ഇന്ത്യയിൽ ലഭ്യമായിട്ടുള്ള മറ്റൊരു മോഡൽ. 2.6GHz ഒക്ട കോർ മീഡിയടെക് ഡൈമെൻസിറ്റി 7400 അൾട്രാ 4nm പ്രോസസർ ആണ് റിയൽമി നാർസോ പവർ 5ജിയുടെ കരുത്ത്.

144Hz റിഫ്രഷ് റേറ്റുള്ള 6.8-ഇഞ്ച് (1280 × 2800 പിക്സലുകൾ) 1.5K AMOLED സ്‌ക്രീൻ, HDR10+, 6500 nits വരെ പീക്ക് ബ്രൈറ്റ്‌നസ്, കോർണിംഗ് ഗൊറില്ല ഗ്ലാസ് 7i പ്രൊട്ടക്ഷൻ എന്നിവയാണ് ഡിസ്പ്ലേയുമായി ബന്ധപ്പെട്ട പ്രധാന ഫീച്ചറുകൾ. ആൻഡ്രോയിഡ് 16 അ‌ടിസ്ഥാനമാക്കിയുള്ള റിയൽമി UI 7.0ൽ ആണ് പ്രവർത്തനം. 3 OS അപ്‌ഡേറ്റുകളും 4 വർഷത്തെ സുരക്ഷാ അപ്‌ഡേറ്റുകളും ലഭിക്കും.

ഡ്യുവൽ റിയർ ക്യാമറ സജ്ജീകരണമാണ് നാർസോ പവർ 5ജിയിൽ ഉള്ളത്. അ‌തിൽ 1/1.95″ IMX882 സെൻസറുള്ള 50MP മെയിൻ ക്യാമറ (f/1.8 അപ്പേർച്ചർ, 2-ആക്സിസ് OIS), 8MP അൾട്രാ-വൈഡ് ക്യാമറ (f/2.2 അപ്പേർച്ചർ), 4K വരെ 30 fps വീഡിയോ റെക്കോർഡിംഗ് എന്നിവ അ‌ടങ്ങുന്നു. ഫ്രണ്ടിൽ സോണി IMX480 സെൻസറുള്ള 16MP ക്യാമറയും (f/2.4 അപ്പേർച്ചർ, 1080p വരെ 30 fps വീഡിയോ റെക്കോർഡിംഗ്) ഉണ്ട്.

Mali-G615 MC2 GPU, 8GB LPDDR4X RAM, 128GB/256GB (UFS 3.1) സ്റ്റോറേജ്, ഇൻ-ഡിസ്പ്ലേ ഫിംഗർപ്രിന്റ് സെൻസർ, IP66 + IP68 + IP69 റേറ്റിങ്സ്, ഡ്യുവൽ സിം (നാനോ + നാനോ), 5G SA/NSA, ഡ്യുവൽ 4G VoLTE, 27W റിവേഴ്‌സ് ചാർജിങ്, ബൈപാസ് ചാർജിങ് എന്നിവയാണ് മറ്റ് പ്രധാന ഫീച്ചറുകൾ. ട്രാൻസ് സിൽവർ, ട്രാൻസ് ബ്ലൂ എന്നീ രണ്ട് കളർ ഓപ്ഷനുകളിൽ ആണ് ഇത് വാങ്ങാനാകുക.

English Summary

The Realme Narzo Days Sale on Amazon has started today. While there are discounts on various Narzo models in this offer sale, the most important one is the discount available on the Realme Narzo Power 5G with a 10001mAh battery. This smartphone was launched in India in March this year. Its original price is Rs 27,999 for the 8GB + 128GB variant and Rs 29,999 for the 8GB + 256GB variant. If you take advantage of the discount in the offer sale, it will be available on Amazon at a starting price of Rs 25,999.

ഇലക്ട്രിക് വാഹനപ്രേമികള്‍ക്കിടിയിലെ ഇപ്പോഴെത്തെ പ്രധാന ചോദ്യങ്ങളിലൊന്നാണ് ബി.വൈ.ഡിയുടെ സീഗള്‍ എപ്പോള്‍ ഇന്ത്യയിലേക്ക് വരും, അതോ വരില്ലെയോ എന്നാണ്. ലോകത്തിലെ ഏറ്റവും മുന്‍നിര ഇലക്ട്രിക് വാഹന നിര്‍മ്മാണ കമ്പനിയാണ് ബി.വൈ.ഡി. അവരുടെ ലൈനപ്പിലെ ഏറ്റവും കുഞ്ഞല്‍ വാഹനമെന്ന നിലയിലാണ് സീഗളിന് ഇത്രയും പ്രചാരം ലഭിച്ചത്. നിലവില്‍ കമ്പനിയുടെ ഭാഗത്ത് നിന്ന് വാഹനം ഇന്ത്യയില്‍ അവതരിപ്പിക്കുന്ന കാര്യത്തില്‍ യാതൊരുവിധ അറിയിപ്പും ലഭിച്ചിട്ടില്ല. എന്നാല്‍ സമൂഹമാധ്യമങ്ങളില്‍ പല ഒട്ടോമോട്ടീവ് കണ്ടന്റ് ക്രിയേറ്റര്‍മാരും വാഹനം വരുന്നു എന്ന തരത്തില്‍ വീഡിയോകള്‍ അപ്ലോഡ് ചെയ്തിട്ടുണ്ട്.

അവതരിപ്പിച്ച് വെറും ഇരുപത്തിയേഴ് മാസങ്ങള്‍ കൊണ്ട് ആഗോള വിപണിയില്‍ 10 ലക്ഷം യൂണിറ്റാണ് സീഗള്‍ വിറ്റഴിച്ചത്. അതായത് റെക്കോര്‍ഡ് വില്‍പനയെന്ന് പറയാം. യൂറോപ്യന്‍ വിപണിയില്‍ ഡോള്‍ഫിന്‍ സര്‍ഫ് എന്ന പേരിലാണ് വാഹനം പുറത്തിറക്കിയത്. 2023 ലാണ് വാഹനം ലോഞ്ച് ചെയ്യുന്നത്. പല ഘട്ടങ്ങളിലും ആഗോള തലത്തില്‍ ടെസ്ലയുടെ വില്‍പനയെ പോലും സീഗള്‍ മറികടന്നിരുന്നു. പെട്രോള്‍ കാറുകളെയും മറികടക്കുന്ന സാഹചര്യവുമുണ്ടായി.

ലംബോര്‍ഗിനി ഇന്‍പയേര്‍ഡ് ഡിസൈനാണ് വാഹനത്തിന് നല്‍കിയിരുക്കുന്നത്. കുഞ്ഞനെന്ന് വിശേഷണമാണുള്ളത് എങ്കിലും അത്ര വലുപ്പം കുറഞ്ഞ കാറല്ല ഇത്. 3700 മില്ലീമീറ്ററിന് മുകളില്‍ നീളമുണ്ട്. ബി.വൈ.ഡിയെ സംബന്ധിച്ചിടത്തോളം അവരുടെ ലൈനപ്പിലെ ചെറിയ വാഹനമാണ് എന്ന് മാത്രം. ബ്ലേഡ് ബാറ്ററി സംവിധാനത്തില്‍ ലാണ് വാഹനം വരുന്നത്. ആക്ടീവ് എന്ന മോഡലിന് ഫുള്‍ ചാര്‍ജില്‍ 305 കിലോ മീറ്ററും, ഫ്‌ളൈ എന്ന മോഡലിന് 405 കിലോ മീറ്ററും റേഞ്ച് കിട്ടും. യഥാക്രമം 30.08, 38.88 കിലോ വാട്ട് കപ്പാസിറ്റിയുള്ള ബാറ്ററികളാണ് വാഹനങ്ങളില്‍ നല്‍കിയിട്ടുള്ളത്.

ഇന്ത്യക്കാരെ സംബന്ധിച്ചിടത്തോളം കാറിന്റെ വിലയാണ് പ്രധാന ഘടകമായി വരുന്നത്. അങ്ങനെ നോക്കിയില്‍ ഒരു ബഡ്ജറ്റ് ഇ.വി എന്ന നിലയില്‍ സീഗളിന് വലിയ സാധ്യതയാണ് ഉള്ളത്. ചൈനയിലും മറ്റ് രാജ്യങ്ങളിലും വില്‍ക്കുന്ന വില നേക്കിയാല്‍ 8 ലക്ഷത്തിനും 12 ലക്ഷത്തിനും ഇടയിലാണ് ഇന്ത്യയില്‍ സീഗളിന്റെ എക്‌സ് ഷോറും നിരക്ക് വരുക. ഈ വാഹനം ഇന്ത്യയില്‍ വരുകയാണെങ്കില്‍ ടാറ്റ, മഹീന്ദ്ര, എം.ജി എന്നീ കമ്പനികളെ മറികടന്ന് വില്‍പനയില്‍ ഒന്നാമത്തെത്തുമെന്നാണ് ഒരു വിഭാഗം വാഹനപ്രേമികള്‍ പറയുന്നത്. സെഗ്‌മെന്റില്‍ ടാറ്റ ടിയാഗോ ആവും സീഗളിന്റെ പ്രധാന എതിരാളി ആവുക. വാഹനം ഇന്ത്യയിലെത്തുമോ എന്ന് കാത്തിരിക്കാം. എന്തായാലും സീഗളിന്റെ പേരില്‍ ഇന്ത്യയില്‍ ബി.വൈ.ഡി ട്രേഡ് മാര്‍ക്ക് നേരത്തെ തന്നെ എടുത്തിട്ടുണ്ട്.

English Summary

One of the main questions among electric vehicle enthusiasts right now is when BYD's Seagull will come to India, or will it ever come at all. BYD is the world's leading electric vehicle manufacturer. The Seagull has gained so much popularity as the smallest vehicle in their lineup. Many automotive content creators have uploaded videos on social media claiming that the vehicle is coming.

ഇന്ത്യൻ ടെലിക്കോം രംഗത്തെ പ്രമുഖ കമ്പനികളിലൊന്നായ ബിഎസ്എൻഎൽ (BSNL) പുതിയ വരിക്കാരെ ആകർഷിക്കുന്നതിന്റെ ഭാഗമായി 51 രൂപയുടെ സ്പെഷൽ ഓഫർ പ്രഖ്യാപിച്ച് രംഗത്തെത്തി. നിലവിൽ ജിയോ, എയർടെൽ, വൊഡാഫോൺ ഐഡിയ എന്നീ കമ്പനികളിൽ നിന്ന് കടുത്ത മത്സരമാണ് ബിഎസ്എൻഎൽ നേരിട്ടുകൊണ്ടിരിക്കുന്നത്. മറ്റ് കമ്പനികളെല്ലാം 5ജി സേവനങ്ങൾ രാജ്യവ്യാപകമായി ആരംഭിച്ചിട്ടും ബിഎസ്എൻഎല്ലിന് 5ജി ആരംഭിക്കാൻ കഴിഞ്ഞിട്ടില്ല. എന്നുമാത്രമല്ല, പലയിടങ്ങളിലും ഇതുവരെ ബിഎസ്എൻഎൽ 4ജി എത്തിയിട്ടുമില്ല. എങ്കിലും അ‌ടുത്തിടെ ഒരുലക്ഷം 4ജി ടവറുകൾ പൂർത്തിയാക്കാനായതിനാൽ ബിഎസ്എൻഎൽ സേവനം പലയിടത്തും മുൻപത്തെക്കാൾ ഏറെ മെച്ചപ്പെട്ടിട്ടുണ്ട്. ഈ സാഹചര്യത്തിൽ കൂടുതൽ ആളുകളെ ആകർഷിക്കാൻ ബിഎസ്എൻഎൽ പല ഓഫറുകളും കൊണ്ടുവരുന്നുണ്ട്. അ‌തിൽ ഏറ്റവും പുതിയതാണ് 51 രൂപയുടെ ഓഫർ.

ബിഎസ്എൻഎൽ 51 രൂപ ഓഫർ

ബിഎസ്എൻഎൽ പ്രഖ്യാപിച്ച 51 രൂപയുടെ ഓഫർ യഥാർഥത്തിൽ നിലവിലുള്ള വരിക്കാർക്ക് വേണ്ടിയുള്ളതല്ല, മറിച്ച് പുതിയതായി ബിഎസ്എൻഎല്ലിലേക്ക് കടന്നുവരുന്ന ഉപയോക്താക്കൾക്ക് വേണ്ടിയുള്ളതാണ്. ബിഎസ്എൻഎൽ നേരത്തെ ഒരു രൂപയുടെ ഒരു പ്രത്യേക ഓഫർ പ്രഖ്യാപിച്ചിരുന്നു. അ‌തിന് സമാനമാണ് ഈ പുതിയ 51 രൂപയുടെ ഓഫറിലെ ആനുകൂല്യങ്ങൾ.

Also Read: 8000 രൂപ കിഴിവ്, വിവോയുടെ പ്രീമിയം മോഡൽ ഫ്ലീപ്പ്കാർട്ടിൽ നിന്ന് തന്നെ വാങ്ങിക്കോ

സൗജന്യ സിം, ദിവസം 2ജിബി ഡാറ്റ, അ‌ൺലിമിറ്റഡ് കോളിങ്, ദിവസം 100 എസ്എംഎസ്, 28 ദിവസം വാലിഡിറ്റി എന്നിവയാണ് 51 രൂപയുടെ ഓഫറിൽ ബിഎസ്എൻഎൽ ഉപയോക്താക്കൾക്ക് വാഗ്ദാനം ചെയ്യുന്നത്. പുതിയ കണക്ഷൻ എടുക്കുന്ന ഉപയോക്താക്കൾക്കുള്ള പ്രൊമോഷനൽ ഫസ്റ്റ് റീചാർജ് കൂപ്പൺ പ്ലാൻ എന്നും ഈ ഓഫറിനെ വിളിക്കാം.

പ്രത്യേക ഓഫർ എന്ന നിലയിലാണ് 51 രൂപയ്ക്ക് ബിഎസ്എൻഎൽ ഇത്രയും ആനുകൂല്യങ്ങൾ നൽകുന്നത്. ജൂൺ 30 വരെയാണ് ഈ ഓഫർ ലഭ്യമാകുക. പുതിയ ബിഎസ്എൻഎൽ കണക്ഷൻ എടുക്കാൻ ആഗ്രഹിക്കുന്നവർക്ക് ഇത് ഒരു സുവർണാവസരമാണ്, ഇവിടെ ഒരു മാസത്തെ റീച്ചാർജ് വെറും 51 രൂപ വിലയിൽ ഉപയോക്താവിന് കിട്ടുന്നു.

ബിഎസ്എൻഎൽ കണക്ഷന്റെ ഒരു ഗുണം റീച്ചാർജ് ചെലവ് വളരെ ലാഭിക്കാം എന്നതാണ്. ഇന്ത്യയിലെ ടെലിക്കോം കമ്പനികളിൽ വച്ച് നിലവിൽ ഏറ്റവും കുറഞ്ഞ നിരക്കിൽ ടെലിക്കോം ആനുകൂല്യങ്ങൾ ലഭ്യമാക്കുന്നത് ബിഎസ്എൻഎൽ ആണ്. ഒരു മാസത്തേക്ക് മറ്റ് കമ്പനികൾ 350 രൂപയ്ക്കടുത്ത് വിലയിൽ നൽകുന്ന ആനുകൂല്യങ്ങൾ ബിഎസ്എൻഎൽ 200 രൂപയിൽ താഴെ വിലയിൽ നൽകുന്നുണ്ട്, അ‌തിന് ഉദാഹരമാണ് 199 രൂപയുടെ ബിഎസ്എൻഎൽ പ്ലാൻ.

എന്നാൽ ബിഎസ്എൻഎൽ കണക്ഷൻ എടുക്കുംമുമ്പ് ഒരുകാര്യം ഉറപ്പിക്കുന്നത് നന്നായിരിക്കും, തങ്ങളുടെ പ്രദേശത്ത് ബിഎസ്എൻഎല്ലിന് 4ജി കവറേജ് ഉണ്ടോ എന്നതാണ് അ‌ത്. ബിഎസ്എൻഎൽ മാത്രമല്ല, ഏത് കമ്പനിയുടെ കണക്ഷൻ എടുക്കുമ്പോഴും തങ്ങളുടെ പ്രദേശത്ത് അ‌വരുടെ നെറ്റ്വർക്കിന് കവറേജ് ശക്തമാണോയെന്ന് ഉറപ്പിക്കുന്നത് ഭാവിയിലെ ബുദ്ധിമുട്ടുകൾ കുറയ്ക്കാൻ സഹായിക്കും.

ഇന്ത്യയിലെ മറ്റ് പല ടെലിക്കോം സർക്കിളുകളിലും ബിഎസ്എൻഎൽ 4ജി കവറേജ് എത്താത്ത സ്ഥലങ്ങൾ ധാരാളം ഉണ്ടെങ്കിലും കേരളത്തിൽ നില ഏറെ മെച്ചമാണ്. ബിഎസ്എൻഎല്ലിന്റെ ഇന്ത്യയിലെ തന്നെ ഏറ്റവും പ്രധാനപ്പെട്ട സർക്കിളാണ് കേരളം. അ‌തിനാൽത്തന്നെ മറ്റുള്ളിടങ്ങളിലെക്കാൾ മെച്ചപ്പെട്ട സേവന നിലവാരം കേരളത്തിലെ പല ബിഎസ്എൻഎൽ ഉപയോക്താക്കൾക്കും കിട്ടുന്നുണ്ട്. ബിഎസ്എൻഎൽ സേവനം എങ്ങനെയുണ്ട് എന്ന് പരീക്ഷിക്കാൻ ആഗ്രഹിക്കുന്നവർക്കും 51 രൂപയുടെ ഓഫർ ഒരു നല്ല അ‌വസരമാണ്.

English Summary

As part of attracting new subscribers, BSNL has announced a special offer of Rs 51. This offer will be available till June 30. This offer is not for existing subscribers, but for new users joining BSNL. This offer offers benefits including free SIM, 2GB data per day, and unlimited calling to the users.

ഒരു പ്രമീയം സ്മാർട്ട്ഫോൺ മോഡലൊന്ന് വാങ്ങാൻ ആഗ്രഹിക്കുന്നവർക്കായി ഇപ്പോഴൊരു സന്തോഷ വാർത്ത എത്തിയിട്ടുണ്ട്. ഫ്ലിപ്പ്കാർട്ടിൻ്റെ ജൂൺ എപ്പിക് സെയിലിൽ ചില വിവോ മോഡലുകൾക്ക് വലിയൊരു കിഴിവ് തന്നെ ഇപ്പോൾ ലഭിക്കും. 6000 മുതൽ 8700 രൂപ വരെയാണ് പ്രതീക്ഷിക്കുന്ന ഡിസ്‌കൗണ്ട്‌. ആക്സിസ് ബാങ്ക് ക്രെഡിറ്റ് കാർഡ് ഉപയോഗിക്കുനവർക്കാണ് ഇത് കൂടുതൽ ഉപകാരപ്രദം. ഇവർക്ക് ലഭിക്കുന്ന ആനുകൂല്യം സാധാരണേയക്കാൾ ഇനിയും കൂടും എന്നതാണ് വ്യത്യാസം. നിലവിൽ വിവോയുടെ X200T-യാണ് കിഴിവിൽ ഉൾപ്പെട്ടിരിക്കുന്ന മോഡൽ. ഇത് എങ്ങനെ ഉപയോക്താക്കൾക്ക് ലഭിക്കും എന്തൊക്കെയാണ് മോഡലിൻ്റെ പ്രത്യേകത തുടങ്ങിയ കാര്യങ്ങൾ പരിശോധിക്കാം. വിവോ X200T-ൻ്റെ യഥാർത്ഥ വില 59,999 രൂപയാണ്. ഇതിൽ കിഴിവ് കൂടി ലഭിക്കുമ്പോൾ താരതമ്യേനെ മികച്ചൊരു വിലയിൽ ഫോൺ സ്വന്തമാക്കാം.

ഓഫറിൽ അറിയാൻ

വിവോ X200T-യുടെ ഔദ്യോഗിക വില 59,999 രൂപയാണ്. എന്നാൽ ബാങ്ക് ഓഫറുകൾ കൂടി ചേരുമ്പോൾ ഫോണിൻ്റെ യഥാർത്ഥ വില 53,999 രൂപയായി കുറയും, ചില ഓഫർ കോമ്പോകളിൽ ഇത് 53-ൽ നിന്നും 51,299 രൂപയായും കുറയുന്നുണ്ട. ഇത്തരത്തിൽ ഫോൺ വാങ്ങുന്നവർക്ക് പ്രതിമാസം 5,000 രൂപ മുതൽ ആരംഭിക്കുന്ന നോ-കോസ്റ്റ് ഇഎംഐ ഓപ്ഷനും കമ്പനിയും ഫ്ലിപ്പ്കാർട്ടും ചേർന്നൊരുക്കുന്നുണ്ട്. ഫോണിൻ്റെ മറ്റ് ബാങ്ക് ഡിസ്‌കൗണ്ടുകൾ കൂടി എന്തൊക്കെയാണെന്ന് നോക്കാം.

Also Read: അ‌ടിമുടി പരിഷ്കാരം! 8000mAh ബാറ്ററി, സോണി ക്യാമറ സഹിതം ​ടെക്നോ പോവ 8 5G ഇന്ത്യയിൽ ലോഞ്ച് ചെയ്തു

8,000 രൂപ കിഴിവ്

എസ്‌ബി‌ഐ, എച്ച്‌ഡി‌എഫ്‌സി,ആക്സിസ് ക്രെഡിറ്റ് കാർഡുകൾ ഉപയോഗിച്ച് ഫ്ലിപ്പ്കാർട്ടിൽ നിന്നും ഫോൺ വാങ്ങുമ്പോൾ 6,000 രൂപ കിഴിവ് തൽക്ഷണം ലഭിക്കും.
ഫ്ലിപ്കാർട്ട് ആക്സിസ്, ഫ്ലിപ്കാർട്ട് എസ്‌ബി‌ഐ കാർഡുകൾ ഉപയോഗിച്ച് ഫോൺ വാങ്ങിയാൽ ക്യാഷ്ബാക്ക് അടക്കം ആകെ 8,700 രൂപ വരെ കിഴിവും ഫോണിന് ലഭിക്കും. ഇതിനൊപ്പം 48,000 രൂപ വരെ എക്‌സ്‌ചേഞ്ച് ഓഫറും കമ്പനി നൽകുന്നുണ്ട് പഴയ ഫോൺ കൊടുത്ത് പുതിയത് വാങ്ങാൻ ആഗ്രഹിക്കുന്നവർക്ക് ഇത് മികച്ചൊരു ഡീലായിരിക്കും.

ലോഞ്ചിനു ശേഷമുള്ള ഏറ്റവും കുറഞ്ഞ വില

ഫോണിൻ്റെ കിഴിവുമായി ബന്ധപ്പെട്ട് ഫ്ലിപ്കാർട്ട് പറയുന്നത് എക്സ്200T ലോഞ്ച് ചെയ്തതിന് ശേഷമുള്ള ഏറ്റവും കുറഞ്ഞ വില എന്നാണ്. കഴിഞ്ഞ മാസം SASA Lele വിൽപ്പനയിലെ അത്രയും കഴിവ് ഇപ്പോൾ ഇല്ലെങ്കിലും ഇത് താരതമ്യേനെ കുറഞ്ഞ വില എന്നാണ് വിലയിരുത്തുന്നത്. മാർക്കറ്റിൽ ഫോണുകളുടെ വില കുതിച്ചുയരുന്നതിനാൽ തന്നെ നിലവിലെ വിലയ്ക്ക്, വിവോ X200T ഈ സെഗ്മെൻിലെ ഏറ്റവും മികച്ച ഡീലുകളിൽ ഒന്നാണ്.

ഫോണിൻ്റെ സവിശേഷത

ഫ്ലാഗ്ഷിപ്പ് ഡൈമെൻസിറ്റി 9400+ ചിപ്‌സെറ്റ്, പെരിസ്‌കോപ്പ് ക്യാമറ, 6,200mAh ബാറ്ററി, ഫാസ്റ്റ് വയർഡ്, വയർലെസ് ചാർജിംഗ്, ലോംഗ് ടോം സോഫ്റ്റ്‌വെയർ സപ്പോർട്ട് എന്നിവയുൾപ്പെടെ ഫ്ലാഗ്ഷിപ്പ് ലെവൽ ഫോൺ എന്നാൽ ഇതാണ്. വിവോ X200T-യോട് മത്സരിക്കുന്നത് മോട്ടറോള സിഗ്നേച്ചർ , ഓപ്പോ റെനോ 15 പ്രോ മിനി , പിക്സൽ 10 എന്നീ മോഡലുകളാണ്. എന്തായാലും പ്രമീയം ഫോൺ വാങ്ങാൻ ആഗ്രഹിക്കുന്നവർക്ക് ഇതാണ് പറ്റിയ അവസരം. വിവോ ഫോണുകളിൽ എക്സ് സീരീസിലേക്ക് കടക്കാനും സ്മാർട്ട്ഫോൺ പ്രേമികൾക്ക് ഇത് കറക്റ്റ് സമയമാണ്.

English Summary

Vivo X200T can buy from flipkart June epic sale with a discount of rs 8000. Premium smartphone lover's can buy this model using bank discounts and offers. Also people can exchange their old model in this deal and get up to RS 48000.  Vivo also said this phone is selling in flipkart with a lower price comparing launch. here we discussing how to buy this model.

മോട്ടറോള കഴിഞ്ഞ ആഴ്ച ഇന്ത്യയിൽ അ‌വതരിപ്പിച്ച ഏറ്റവും പുതിയ എഡ്ജ് സീരീസ് സ്മാർട്ട്ഫോണായ മോട്ടറോള എഡ്ജ് 70 പ്രോ പ്ലസ് Motorola Edge 70 Pro Plus ഇന്ന് (ജൂൺ 11) മുതൽ ഇന്ത്യയിൽ വിൽപ്പന ആരംഭിച്ചു. മോട്ടറോളയുടെ ഔദ്യോഗിക വെബ്​സൈറ്റ്, ഓഫ്‌ലൈൻ സ്റ്റോറുകൾ എന്നിവ വഴി ഇപ്പോൾ ഈ 5ജി ഫോൺ വാങ്ങാൻ ലഭ്യമാണ്. എഡ്ജ് 70 സീരീസിൽ ഇതിനകം എഡ്ജ് 70, എഡ്ജ് 70 ഫ്യൂഷൻ, എഡ്ജ് 70 പ്രോ എന്നീ മോഡലുകൾ ഇന്ത്യയിൽ എത്തിയിരുന്നു. ഇപ്പോൾ ഈ സീരീസിലെ നാലാമത്തെ മോഡലാണ് വിൽപ്പന ആരംഭിച്ചിരിക്കുന്നത്.

വിലയും ഡിസ്കൗണ്ടും

ഇന്ത്യയിൽ മോട്ടോറോള എഡ്ജ് 70 പ്രോ പ്ലസിന്റെ 12GB + 256GB മോഡലിന് 47,999 രൂപയാണ് വില. ഫ്ലിപ്പ്കാർട്ടിലും മോട്ടറോള വെബ്​സൈറ്റിലും ഇതേ വിലയിലാണ് ഇത് ലിസ്റ്റ് ചെയ്തിരിക്കുന്നത്, എന്നാൽ ബാങ്ക് ഡിസ്കൗണ്ടിൽ വ്യത്യാസമുണ്ട്. മോട്ടറോള വെബ്​സൈറ്റിൽ തെരഞ്ഞെടുത്ത ബാങ്ക് കാർഡുകൾക്ക് 3000 രൂപ ഡിസ്കൗണ്ട് ഉണ്ട്.

Also Read: അ‌ടിമുടി പരിഷ്കാരം! 8000mAh ബാറ്ററി, സോണി ക്യാമറ സഹിതം ​ടെക്നോ പോവ 8 5G ഇന്ത്യയിൽ ലോഞ്ച് ചെയ്തു

അ‌തേസമയം ഫ്ലിപ്പ്കാർട്ടിൽ 2400 രൂപയുടെ ബാങ്ക് ഡിസ്കൗണ്ട് ആണ് മോട്ടറോള എഡ്ജ് 70 പ്രോ പ്ലസിന് ലഭ്യമാകുക. അ‌തിനാൽത്തന്നെ ഇപ്പോൾ ഔദ്യോഗിക വെബ്​സൈറ്റിൽ നിന്ന് വാങ്ങുന്നതാണ് കൂടുതൽ ലാഭകരം. പാന്റോൺ സ്റ്റോമി സീ (ഗ്രീൻ), പാന്റോൺ സിൻഫാൻഡെൽ (റെഡ്), പാന്റോൺ ചിക്കറി കോഫി (വുഡ്) എന്നീ മൂന്ന് കളർ ഓപ്ഷനുകളിൽ ഇത് വാങ്ങാനാകും.

പ്രധാന ഫീച്ചറുകൾ

3.4GHz ഒക്ടാ-കോർ ഡൈമെൻസിറ്റി 8500 എക്സ്ട്രീം 4nm പ്രോസസർ ആണ് മോട്ടറോള എഡ്ജ് 70 പ്രോ പ്ലസിന്റെ കരുത്ത്. 6.8 ഇഞ്ച് (2772 x 1272 പിക്സൽസ്) 1.5K 10- ബിറ്റ് എക്സ്ട്രീം AMOLED ഡിസ്പ്ലേ, 144Hz റിഫ്രഷ് റേറ്റ്, 5200 nits വരെ പീക്ക് ബ്രൈറ്റ്നസ്, കോർണിംഗ് ഗൊറില്ല ഗ്ലാസ് 7i പ്രൊട്ടക്ഷൻ എന്നിവ ഇതിലുണ്ട്.

ആം മാലി G720 MC8 GPU, 12GB LPDDR5X റാം, 256GB UFS 4.1 സ്റ്റോറേജ്, വെള്ളം, പൊടി എന്നിവയെ പ്രതിരോധിക്കാൻ IP68 + IP69 റേറ്റിങ്, മിലിട്ടറി-ഗ്രേഡ് ഡ്യൂറബിലിറ്റി(MIL-STD-810H), USB ടൈപ്പ്-സി ഓഡിയോ, സ്റ്റീരിയോ സ്പീക്കറുകൾ, ഡോൾബി അറ്റ്‌മോസ് എന്നിവയും ഇതിലുണ്ട്.

LYTIA-710 സെൻസറുള്ള 50MP മെയിൻ ക്യാമറ (f/1.8 അപ്പേർച്ചർ, OIS), 50MP 122º അൾട്രാ-വൈഡ് ഓട്ടോഫോക്കസ് ക്യാമറ, മാക്രോ ഓപ്ഷൻ, 50MP 3.5x പെരിസ്കോപ്പ് ടെലിഫോട്ടോ ക്യാമറ (f/2.8 അപ്പേർച്ചർ, മൾട്ടിസ്പെക്ട്രൽ സെൻസർ), 4K 60fps വീഡിയോ റെക്കോർഡിങ് എന്നിവ അ‌ടങ്ങുന്ന ട്രിപ്പിൾ റിയർ ക്യാമറ സജ്ജീകരണവും എഡ്ജ് 70 പ്രോ പ്ലസിൽ ഉണ്ട്.

സെൽഫി പ്രേമികൾക്കായി 50MP ഓട്ടോഫോക്കസ് ഫ്രണ്ട് ക്യാമറ (f/1.9 അപ്പേർച്ചർ, 4K 60fps വരെ വീഡിയോ റെക്കോർഡിംഗ്) ആണ് മോട്ടറോള ഇതിൽ നൽകിയിരിക്കുന്നത്. 90W ടർബോപവർ ഫാസ്റ്റ് ചാർജിങ്, 15W വയർലെസ് ചാർജിങ് പിന്തുണകളോടെ 6500mAh ബാറ്ററിയും എഡ്ജ് 70 പ്രോ പ്ലസിൽ ഉണ്ട്.

ആൻഡ്രോയിഡ് 16 അ‌ടിസ്ഥാനമാക്കിയാണ് പ്രവർത്തനം. 3 OS അ‌പ്ഡേറ്റുകളും 5 വർഷത്തെ സുരക്ഷാ അ‌പ്ഡേറ്റുകളും ഈ മോഡലിന് കമ്പനി വാഗ്ദാനം ചെയ്യുന്നുണ്ട്. ഡ്യുവൽ സിം (നാനോ + നാനോ), 5G SA/NSA (17 5G ബാൻഡുകൾ), ഡ്യുവൽ 4G VoLTE, Wi-Fi 6E 802.11be (2.4GHz/5GHz/6GHz), ബ്ലൂടൂത്ത് 5.4, GPS, USB ടൈപ്പ്-C 2.0, NFC എന്നിവയാണ് മറ്റ് പ്രധാന ഫീച്ചറുകൾ.

English Summary

Motorola Edge 70 Pro Plus 5G has gone on sale in India with bank discounts starting today. Its 12GB + 256GB model is priced at Rs 47,999. It is listed at the same price on Flipkart and Motorola's website, but the bank discount differs. Motorola's website is offering a discount of Rs 3,000 for selected bank cards. Flipkart, on the other hand, is offering a bank discount of Rs 2,400.

പോവ സീരീസ് കൂടുതൽ വിപുലീകരിച്ചുകൊണ്ട് ടെക്നോ ഇന്ത്യൻ സ്മാർട്ട്ഫോൺ വിപണിയിൽ ഒരു പുതിയ സ്മാർട്ട്ഫോൺ കൂടി അ‌വതരിപ്പിച്ചിരിക്കുന്നു. കഴിഞ്ഞ വർഷത്തെ ടെക്നോ പോവ 7 5ജിയുടെ പിൻഗാമിയായി പുതിയ ടെക്നോ പോവ 8 5ജി (Tecno POVA 8 5G) ആണ് ഇന്ത്യയിൽ ലോഞ്ച് ചെയ്തത്. മുൻ മോഡലിനെ അ‌പേക്ഷിച്ച് അ‌ടിമുടി അ‌പ്ഗ്രേഡുകളോടെയാണ് പോവ 8 എത്തിയിരിക്കുന്നത്. അ‌തിൽ ഏറ്റവും ശ്രദ്ധേയം നിലവിലെ ട്രെൻഡിനോട് ചേർന്നുനിന്ന് 8000mAh ബാറ്ററി സഹിതമാണ് ഈ ഫോൺ അ‌വതരിപ്പിക്കപ്പെട്ടിരിക്കുന്നത് എന്നതാണ്. കരുത്തൻ ബാറ്ററി മാത്രമല്ല, സ്പെഷൽ മൾട്ടി-ചിപ്പ് കോൺഫിഗറേഷൻ, AI ഫീച്ചറുകൾ എന്നിവയും പുതിയ മോഡലിന്റെ നേട്ടങ്ങളാണ്.

റിയർ പാനലിൽ ക്യാമറ മൊഡ്യൂളിനുള്ളിൽ ഇടംപിടിച്ചിരിക്കുന്ന പുതിയ Alive Matrix ഡിസ്‌പ്ലേയാണ് പോവ 8 5ജിയുടെ മറ്റൊരു പ്രത്യേകത. നിർദ്ദിഷ്ട ഇവന്റുകൾക്കിടയിൽ ട്രിഗർ ചെയ്യുന്ന 49 വ്യത്യസ്ത ആനിമേഷനുകൾ വരെ ഈ പാനൽ പിന്തുണയ്ക്കും. ഇൻകമിംഗ് കോളുകൾ, അറിയിപ്പുകൾ, ചാർജിങ് സ്റ്റാറ്റസ്, ആക്റ്റീവ് ഗെയിമിങ് സെഷനുകൾ എന്നിവ ഈ Alive Matrix ഡിസ്‌പ്ലേയിൽ കാണാം. ഉപയോക്താക്കളുടെ മുൻഗണനകൾക്ക് അനുയോജ്യമായ രീതിയിൽ ഈ ലൈറ്റിംഗ് ഇഫക്റ്റുകൾ കസ്റ്റ​മൈസ് ചെയ്യാനാകും.

Also Read: കൊടുക്കുന്ന കാശ് മുതലാകും! ഏറ്റവും കരുത്തൻ ഐക്യൂ ഫോണിന് ഫ്ലാഗ്ഷിപ്പ് സെയിൽ ഡിസ്കൗണ്ട്

ഡി​സൈന്റെ കാര്യമെടുത്താൽ, സെമി-ട്രാൻസ്പറന്റ് റിയർ പാനൽ ഉൾക്കൊള്ളുന്ന പോവ സീരീസിന്റെ സിഗ്നേച്ചർ സയൻസ് ഫിക്ഷൻ-പ്രചോദിത ഡിസൈൻ രീതി പുതിയ പോവ 8 5ജിയും നിലനിർത്തുന്നു. എലിവേറ്ററുകൾ, ബേസ്‌മെന്റുകൾ പോലുള്ള ദുർബല-സിഗ്നൽ പരിതസ്ഥിതികളിൽ സെല്ലുലാർ കണക്റ്റിവിറ്റി നിലനിർത്താൻ സഹായിക്കുന്ന G1 സിഗ്നൽ എൻഹാൻസ്‌മെന്റ് ചിപ്പ് ഈ ഫോണിലുണ്ട്.

കൂടാതെ SE1 വൈ-ഫൈ എൻഹാൻസ്‌മെന്റ് ചിപ്പ്, ചൂട് നിയന്ത്രിക്കാൻ 15,000mm² ഗ്രാഫൈറ്റ് ഷീറ്റ് എന്നിവയും പോവ 8 5ജിയിലുണ്ട്. ഈ ഫോൺ വാങ്ങുന്നവർക്ക് മൂന്ന് വർഷത്തെ സൗജന്യ 256GB ക്ലൗഡ് സ്റ്റോറേജ് കമ്പനി വാഗ്ദാനം ചെയ്യുന്നുണ്ട്. കൂടാതെ തെരഞ്ഞെടുത്ത പ്രദേശങ്ങളിലെ ഉപയോക്താക്കൾക്ക് 2TB ക്ലൗഡ് സ്റ്റോറേജിലേക്ക് ആക്‌സസ് അനുവദിക്കുന്ന ഗൂഗിൾ AI Plus-ന്റെ 3 മാസത്തെ ട്രയൽ ലഭിക്കും.

പ്രധാന ഫീച്ചറുകൾ

6.76-ഇഞ്ച് (1080×2344 പിക്സലുകൾ) 144Hz റിഫ്രഷ് റേറ്റ് ഉള്ള FHD+ ഫ്ലാറ്റ് LCD സ്ക്രീൻ ആണ് ഇതിലുള്ളത്. 2.4GHz ഒക്ട കോർ മീഡിയടെക് ഡൈമെൻസിറ്റി 7100 6nm പ്രൊസസർ ആണ് പോവ 8 5ജിക്ക് കരുത്ത് പകരുന്നത്. മാലി-G610 GPU, 6GB / 8GB LPDDR5X റാം, 128GB UFS 2.2 സ്റ്റോറേജ് എന്നിവയും ഇതിലുണ്ട്.

ക്യാമറകളുടെ കാര്യമെടുത്താൽ, സോണി LYT-600 സെൻസറുള്ള 50MP മെയിൻ ക്യാമറ (f/1.8 അപ്പേർച്ചർ, LED ഫ്ലാഷ്, 2K 30fps വീഡിയോ റെക്കോർഡിംഗ്) നയിക്കുന്ന ഡ്യുവൽ റിയർ ക്യാമറ സജ്ജീകരണവും സെൽഫിക്കും മറ്റുമായി 13MP ഫ്രണ്ട് ക്യാമറയും (f/2.2 അപ്പേർച്ചർ, 2K 30fps വീഡിയോ റെക്കോർഡിംഗ്) ഇതിലുണ്ട്.

സൈഡ്-മൗണ്ടഡ് ഫിംഗർപ്രിന്റ് സെൻസർ, ഡ്യുവൽ മൈക്രോഫോണുകൾ, ഡോൾബി അറ്റ്‌മോസ്, IP64 റേറ്റിങ്, ഹൈബ്രിഡ് ഡ്യുവൽ സിം (നാനോ+ നാനോ/ മൈക്രോ എസ്ഡി), 5G SA/NSA (20 5G ബാൻഡുകൾ), ഡ്യുവൽ 4G VoLTE, 45W ഫാസ്റ്റ് ചാർജിംഗുള്ള 8000mAh ബാറ്ററി എന്നിവയാണ് മറ്റ് പ്രധാന ഫീച്ചറുകൾ. ആൻഡ്രോയിഡ് 16 അ‌ടിസ്ഥാനമാക്കിയുള്ള HiOS 16ൽ ആണ് പ്രവർത്തനം. രണ്ട് പ്രധാന OS അപ്‌ഗ്രേഡുകളും മൂന്ന് വർഷത്തെ സുരക്ഷാ അപ്‌ഡേറ്റുകളും ലഭിക്കും.

വിലയും ലഭ്യതയും

POVA 8 5ജിയുടെ 6GB + 128GB അ‌ടിസ്ഥാന വേരിയന്റിന് 29,999 രൂപയും 8GB + 128GB വേരിയന്റിന് 31,999 രൂപയുമാണ് വില. ഫ്ലിപ്കാർട്ട്, ഇന്ത്യയിലുടനീളമുള്ള പ്രമുഖ റീട്ടെയിൽ സ്റ്റോറുകൾ എന്നിവ വഴി ജൂൺ 18 മുതൽ ഇതിന്റെ വിൽപ്പന ആരംഭിക്കും. ​വൈറ്റ്, ടെർമിനൽ ഗ്രീൻ എന്നീ രണ്ട് കളർ ഓപ്ഷനുകളിലാണ് ഈ ഫോൺ ലഭ്യമാകുക.

English Summary

The new Tecno Pova 8 5G has been launched in India as a successor to last year's Tecno Pova 7 5G. The phone is powered by an 8000mAh battery. Its 6GB + 128GB base variant is priced at Rs 29,999 and the 8GB + 128GB variant is priced at Rs 31,999. It will go on sale from June 18 via Flipkart and leading retail stores across India. The phone will be available in two colour options - White and Terminal Green.

ആമസോണിലും ഐക്യൂ ഇന്ത്യയുടെ ഔദ്യോഗിക വെബ്​സൈറ്റിലും ജൂൺ 8 മുതൽ ആരംഭിച്ച ഐക്യൂ ഫ്ലാഗ്ഷിപ്പ് ഡേയ്സ് സെയിൽ (iQoo Flagship Days Sale) ഇന്ന് (ജൂൺ 11) അ‌വസാനിക്കുകയാണ്. ഈ ഓഫർ സെയിലിൽ മൂന്ന് മോഡലുകൾക്കാണ് ഡിസ്കൗണ്ട് ലഭ്യമായിരുന്നത്, അ‌തിൽവച്ച് ഏറ്റവും കരുത്തൻ സമാർട്ട്ഫോൺ ഏതാണ്ട് ഏഴ് മാസം മുൻപ് ഇന്ത്യയിൽ ലോഞ്ച് ചെയ്യപ്പെട്ട ഐക്യൂ 15 5G (iQOO 15 5G) ആണ്. ഐക്യൂ ഇന്ത്യയിൽ വിറ്റുകൊണ്ടിരിക്കുന്ന സ്മാർട്ട്ഫോണുകളിൽ വച്ച് ഏറ്റവും പ്രീമിയം മോഡലും ഇതുതന്നെ. ഇപ്പോൾ ഫ്ലാഗ്ഷിപ്പ് ഡേയ്സ് സെയിലിന്റെ ഭാഗമായി ഇതിന്റെ അ‌ടിസ്ഥാന വേരിയന്റിന് 6000 രൂപയുടെയും ടോപ് വേരിയന്റിന് 4000 രൂപയുടെയും ഡിസ്കൗണ്ട് ലഭ്യമായിരിക്കുന്നു.

ഐക്യൂ 15 5ജിയുടെ താഴെ വരുന്ന ഐക്യൂ 15R മോഡൽ, അ‌തിനും താഴെ വരുന്ന ഐക്യൂ നിയോ 10 5ജി എന്നിവയും ഇപ്പോൾ നടന്നുകൊണ്ടിരിക്കുന്ന ഫ്ലാഗ്ഷിപ്പ് ഡേയ്സ് സെയിൽ ഡിസ്കൗണ്ടിൽ കുറഞ്ഞ വിലയിൽ വാങ്ങാനാകും. എങ്കിലും ഈ കൂട്ടത്തിൽ വച്ച് ഏറ്റവും ശക്തനായ സ്മാർട്ട്ഫോൺ ഐക്യൂ 15 5ജി തന്നെയാണ്.

Also Read: ഇനി ഇതാണ് മാസ്റ്റർ പീസ്! ഒന്നിനൊന്ന് മുന്നിൽ ബാറ്ററി, ക്യാമറ മികവുമായി വിവോ X500

ഇന്ത്യയിൽ ലോഞ്ച് ചെയ്യുമ്പോൾ ഐക്യൂ 15 5യുടെ 12GB + 256GB അ‌ടിസ്ഥാന വേരിയന്റിന് 72,999 രൂപയും 16GB + 512GB മോഡലിന് 79,999 രൂപയുമാണ് വിലയുണ്ടായിരുന്നത്, ലോഞ്ച് ഓഫറുകൾ പ്രയോജനപ്പെടുത്തിയാൽ വില കുറച്ചുകൂടി കുറയ്ക്കാൻ സാധിക്കുമായിരുന്നു. കഴിഞ്ഞ ആറുമാസത്തിനിടെ സ്മാർട്ട്ഫോൺ വിപണിയിൽ പല മോഡലുകൾക്കും പല തവണ വില കൂടി. എന്നാൽ ഐക്യൂ 15 5ജി ഇപ്പോഴും ലോഞ്ച് വിലയിൽ തന്നെ ലിസ്റ്റ് ചെയ്തിരിക്കുന്നു എന്നതുതന്നെ വലിയ കാര്യമാണ്.

ആമസോണിലും ഐക്യൂ വെബ്​സൈറ്റിലും 72999 രൂപ പ്രാരംഭ വിലയിലാണ് ഐക്യൂ 15 5ജി ലിസ്റ്റ് ചെയ്തിരിക്കുന്നത്. എന്നാൽ ഡിസ്കൗണ്ടിൽ ചെറിയ വ്യത്യാസമുണ്ട്. ഐക്യൂ വെബ്​സൈറ്റിൽ 6000 രൂപ ബാങ്ക് ഡിസ്കൗണ്ട് ആണ് അ‌ടിസ്ഥാന മോഡലിന് ലഭ്യമാക്കിയിരിക്കുന്നത്, അ‌തേസമയം ആമസോണിൽ 4000 രൂപ കൂപ്പൺ ഡിസ്കൗണ്ടും 2000 രൂപ ബാങ്ക് ഡിസ്കൗണ്ടും എന്ന നിലയിലാണ് ഓഫർ ലഭ്യമാക്കിയിരിക്കുന്നത്.

ഫ്ലാഗ്ഷിപ്പ് ഡേയ്സ് സെയിൽ ഡിസ്കൗണ്ട് പ്രയോജനപ്പെടുത്തിയാൽ 66,999 രൂപ വിലയിൽ ഐക്യൂ 15 5ജി പ്രാരംഭ വേരിയന്റ് ഇപ്പോൾ ഈ രണ്ട് പ്ലാറ്റ്ഫോമുകളിൽ നിന്നും സ്വന്തമാക്കാനാകും. ആൽഫ, ലെജൻഡ്, അ‌പെക്സ് എന്നിങ്ങനെ മൂന്ന് കളർ ഓപ്ഷനുകളിൽ ഐക്യൂ 15 വാങ്ങാൻ ലഭ്യമാണ്.

പ്രധാന ഫീച്ചറുകൾ

ഐക്യൂവിന്റെ നിലവിലെഏറ്റവും കരുത്തൻ സ്മാർട്ട്ഫോൺ എന്ന് വിശേഷിപ്പിക്കാവുന്ന ഐക്യൂ 15 5ജിയുടെ പ്രവർത്തനങ്ങളുടെ ശക്തികേന്ദ്രം ഒക്ട കോർ സ്‌നാപ്ഡ്രാഗൺ 8 എലൈറ്റ് ജെൻ 5 3nm ചിപ്സെറ്റ് ആണ്. ബെസ്റ്റ് സ്മാർട്ട്ഫോൺ ഡിസ്പ്ലേ ഓഫ് ദ ഇയർ എന്ന നിലയ്ക്ക് പ്രശംസ പിടിച്ചുപറ്റിയ ഡിസ്പ്ലേ ഫീച്ചറുകൾ ഈ ഫോണിലുണ്ട്.

6.85-ഇഞ്ച് (3168×1440 പിക്സൽസ്) 2K+ കർവ്ഡ് സാംസങ് M14 8T LTPO AMOLED സ്‌ക്രീൻ ആണ് ഐക്യൂ 15യുടെ ​ഹൈ​ലൈറ്റുകളിലൊന്ന്. HDR10+, 144Hz റിഫ്രഷ് റേറ്റ്, 2160Hz PWM ഡിമ്മിംഗ് + DC ഡിമ്മിംഗ്, ഡോൾബി വിഷൻ ഉൾപ്പെടെ നിരവധി ഫീച്ചറുകളോടെയാണ് ഈ ഡിസ്പ്ലേ എത്തിയിട്ടുള്ളത്. അഡ്രിനോ 840 GPU, Q3 ഗെയിമിംഗ് ചിപ്പ്, LPDDR5X റാം, UFS 4.1 സ്റ്റോറേജ് എന്നിവയും ഈ പ്രീമിയം മോഡലിലുണ്ട്.

50MP സോണി IMX921 VCS മെയിൻ സെൻസർ, 50MP സോണി IMX882 പെരിസ്കോപ്പ് ടെലിഫോട്ടോ ലെൻസ്, 50MP അൾട്രാ-വൈഡ്-ആംഗിൾ ക്യാമറ, LED ഫ്ലാഷ് എന്നിവ അ‌ടങ്ങുന്ന ട്രിപ്പിൾ റിയർ ക്യാമറ സജ്ജീകരണവും സെൽഫിക്കും മറ്റുമായി 32MP ഫ്രണ്ട് ക്യാമറയും ഇതിലുണ്ട്. 100W അൾട്രാ-ഫാസ്റ്റ് ഫ്ലാഷ് ചാർജിംഗ്, 40W വയർലെസ് ചാർജിംഗ് എന്നിവയുള്ള 7000mAh ബാറ്ററിയാണ് മറ്റൊരു ശ്രദ്ധേയ ഫീച്ചർ.

ആൻഡ്രോയിഡ് 16 അടിസ്ഥാനമാക്കിയുള്ള OriginOS 6-ൽ ആണ് പ്രവർത്തനം. 5 ആൻഡ്രോയിഡ് OS അപ്‌ഡേറ്റുകളും 7 വർഷത്തെ സുരക്ഷാ അപ്‌ഡേറ്റുകളും, ഇൻ-ഡിസ്പ്ലേ അൾട്രാസോണിക് ഫിംഗർപ്രിന്റ് സെൻസർ, IP68+IP69 റേറ്റിങ്, ഡ്യുവൽ സിം (നാനോ + നാനോ), 5G SA/NSA, ഡ്യുവൽ 4G VoLTE എന്നിവയാണ് മറ്റ് പ്രധാന ഫീച്ചറുകൾ.

English Summary

The iQoo 15 5G is now available at a discount during the iQoo Flagship Days Sale. The iQoo 15 5G is listed at a starting price of Rs 72,999 on Amazon and the iQoo website. There is a Rs 6,000 bank discount on the iQoo website, a Rs 4,000 coupon discount and a Rs 2,000 bank discount on Amazon. If you take advantage of this, you can get this premium phone for Rs 66,999.

2026 എന്നത് ആഗോള തലത്തിൽ തന്നെ സ്മാർട്ട് ഫോൺ മാർക്കറ്റ് മൊത്തത്തിൽ പൊളിച്ചെഴുതിയ വർഷങ്ങളിൽ ഒന്നാണ് അതിലൊന്ന് വിവോയുടെ ടെലി ഫോട്ടോ ക്യാമറയും, അനുബന്ധ മോഡലുകളുമായിരുന്നു. അത്തരത്തിൽ മറ്റൊരു പുതിയ മോഡലിൻ്റെ സൂചന നൽകിയിരിക്കുകയാണ് വിവോ. കമ്പനിയുടെ X300 ലൈനപ്പിൻ്റെ പിൻഗാമിയായി X500 ആണ് കമ്പനി അവതരിപ്പിക്കാൻ ഒരുങ്ങുന്നത്. ഇതുവരെ പുറത്തിറങ്ങാത്ത കമ്പനിയുടെ ഏറ്റവും പുതിയ പ്രോസ്സസറായ ഡൈമെൻസിറ്റി 9500 ആയിരിക്കും ഫോണിൽ ഉണ്ടായിരിക്കുക എന്നതാണ് നിലവിൽ ലഭിക്കുന്ന സൂചനകൾ. വിവിധ ടെക് സൈറ്റുകൾ ഇതിനോടകം തന്നെ ഫോണിൻ്റെ ചോർന്ന സവിശേഷതകളും പങ്കുവെച്ചിട്ടുണ്ട്.

സവിശേഷത പലത്

ഫോണിൽ 6.59 ഇഞ്ച് ഫ്ലാറ്റ് ഡിസ്‌പ്ലേയാണ് പ്രതീക്ഷിക്കുന്നത്. ഒപ്പം . 1/1.28 ഇഞ്ച് സെൻസറും ഒരു പെരിസ്‌കോപ്പ് ടെലിഫോട്ടോ ലെൻസും ഉള്ള 50MP പ്രൈമറി ക്യാമറയും ഫോണിലുണ്ടാവാം. 64MP പെരിസ്‌കോപ്പ് ലെൻസും ഇതിലുണ്ടെന്നാണ് സൂചന. ഫോണിൻ്റെ മുൻ മോഡലായ X300-നേക്കാൾ ഒരു പടി മുൻപിൽ തന്നെ X500-ൻ്റെ ഫീച്ചറുകളും ഉണ്ടാവും. വിവോ എക്സ് 500-ൻ്റെ പ്രോസ്സർ ഡൈമെൻസിറ്റി 9500 ആയിരിക്കുമെന്നാണ് സൂചന. ഫോണിൻ്റെ വിലയിലും ചില മാറ്റങ്ങൾ ഉണ്ടായേക്കുമെന്നാണ് സൂചന.

Also Read: നോട്ടമിട്ട് വച്ചോ… 8000mAh ബാറ്ററിയൊക്കെയുണ്ട്! റിയൽമി P4R 5G ഇന്ത്യയിൽ ലോഞ്ച് ചെയ്തു

ബാറ്ററി എങ്ങനെ

വിവോ X500-ൽ ബാറ്ററിയിൽ പോലും കമ്പനി വമ്പൻ അപ്ഗ്രേഡേഷനാണ് നൽകിയത്. 7,500mAh ബാറ്ററിയാണ് ഫോണിൽ ഉണ്ടാവുമെന്ന് സൂചന, X300-ൽ 6,040 mAh ബാറ്ററി മാത്രമാണ് നൽകിയിരുന്നത്. X500 ലൈനപ്പിലെ എല്ലാ ഫോണുകളും 7,000mAh+ ബാറ്ററികളുമായി പുറത്തിറങ്ങുമെന്ന് സൂചനയുണ്ട്. X300 പ്രോയ്ക്ക് 6,510mAh ബാറ്ററിയായിരുന്നു, അതിനാൽ വിവോയുടെ പുതിയ ഫ്ലാഗ്ഷിപ്പ് സീരീസായ X-500-ൽ ഇതൊരു പ്രധാന അപ്ഗ്രേഡായിരിക്കും.

വില കുറയുമോ കൂടുമോ

ഇതുവരെ പുറത്തു വന്നിട്ടുള്ള വിവരങ്ങൾ പ്രകാരം വിവോ തങ്ങളുടെ ഫ്ലാഗ്ഷിപ്പ് സീരീസിൽ മറ്റു ചില തന്ത്രങ്ങൾ നടപ്പാക്കിയേക്കാം എന്നാണ് വിവരം. കൂടുതൽ പ്രയോജനകരമായതും, എല്ലാവർക്കും പറ്റുന്നതുമായൊരു മറ്റൊരു വിലയിലേക്ക് മാറിയേക്കാം എന്നാണ് വിവരം. ഇത് 50000-നും 60000-നും ഇടയിൽ ആയേക്കുമെന്നാണ് സൂചന. ഇതിനോടൊപ്പം ഫ്ലാഗ്ഷിപ്പ് സീരീസിൻ്റെ ഭാഗമായി കമ്പനി വിവോയുടെ ഒരു പ്രോ മിനി മോഡലും വാഗ്ദാനം ചെയ്യുന്നുണ്ട്. കൊടുക്കുന്ന പൈസക്ക് മുതലാകുന്ന ഫീച്ചറുകളുള്ളൊരു ഫോണിന് കാത്തിരിക്കുന്നവർക്ക് പറ്റിയ മോഡലായിരിക്കും X500. ഒരു ഫ്ലാഗ്ഷിപ്പ്-ഗ്രേഡ് വിവോ ഫോണിനായി നിങ്ങൾ തിരയുകയാണെങ്കിൽ വിവോ എക്സ് 500 എല്ലാം കൊണ്ടും നേട്ടമായിരിക്കും.

ലോഞ്ചിംഗ് തീയ്യതി

വിവോ എക്സ് 500 സീരീസ് ഒക്ടോബർ അല്ലെങ്കിൽ നവംബർ മാസങ്ങളിൽ ചൈനീസ് വിപണിയിൽ എത്തുമെന്നാണ് സൂചന. ശേഷം ഡിസംബറിൽ ഇന്ത്യയിലും മറ്റ് ആഗോള വിപണികളിലും ലോഞ്ച് ചെയ്യുമെന്നും തങ്ങളുടെ സോഴസ്കുകളെ ഉദ്ധരിച്ച് ടെലികോം ടോക്ക് റിപ്പോർട്ട് ചെയ്യുന്നു.

English Summary

Vivo X500 Leaks: Dimensity 9500, 7500mAh Battery 50MP Camera Specs Revealed. Chinese Smartphone giant likely to launch this flagship phone on December. X500 Series will bring new battery capacity probably 7,500mAh. Company Planning to avail this model on a better price. Read what kind of features are waiting on this Model.

ഷവോമി കഴിഞ്ഞ ആഴ്ച ഇന്ത്യയിൽ ലോഞ്ച് ചെയ്ത പ്രീമിയം ലെവൽ സ്മാർട്ട്ഫോണായ ഷവോമി 17T 5ജി (XIAOMI 17T 5G) ഇന്ന് (ജൂൺ 10) മുതൽ ഇന്ത്യയിൽ വിൽപ്പന തുടങ്ങി. ഉപയോക്താക്കൾക്ക് ഷവോമിയുടെ ഔദ്യോഗിക വെബ്​സൈറ്റ്, ആമസോൺ, ഷവോമി റീട്ടെയിൽ ഔട്ട്‌ലെറ്റുകൾ എന്നിവ വഴി ഷവോമി 17T 5ജി ഇപ്പോൾ വാങ്ങാനാകും. മൂന്ന് കളർ ഓപ്ഷനുകളിലാണ് ഈ കിടിലൻ 5ജി ഫോൺ വിപണിയിൽ എത്തിയിരിക്കുന്നത്, പർപ്പിൾ, ബ്ലൂ, ബ്ലാക്ക് എന്നിവയാണ് ഈ ഓപ്ഷനുകൾ. 60000 രൂപയിൽ താഴെ വിലയിൽ ഒരു പ്രീമിയം സ്മാർട്ട്ഫോൺ തേടുന്നവർക്ക് ഷവോമി 17T പരിഗണിക്കാം. ഇപ്പോൾ ലോഞ്ച് ഓഫറിന്റെ ഭാഗമായി ബാങ്ക് ഡിസ്കൗണ്ട് ലഭ്യമാകുന്നതിനാൽ വില 55000 രൂപയിൽ ഒതുക്കാം എന്ന പ്രത്യേകതയുമുണ്ട്.

രണ്ട് റാം + സ്റ്റോറേജ് വേരിയന്റുകളിലാണ് ഷവോമി 17T 5ജി വാങ്ങാൻ ലഭ്യമായിട്ടുള്ളത്. അ‌തിൽ 12GB + 256GB അ‌ടിസ്ഥാന വേരിയന്റിന് 59,999 രൂപയും 12GB + 512GB ടോപ് വേരിയന്റിന് 64,999 രൂപയുമാണ് വില. ലോഞ്ച് ഓഫറിന്റെ ഭാഗമായുള്ള 5000 രൂപ ബാങ്ക് ഡിസ്കൗണ്ട് പ്രയോജനപ്പെടുത്തിയാൽ യഥാക്രമം 54999 രൂപ, 59999 രൂപ വിലകളിൽ ഇത് വാങ്ങാനാകും.

Also Read: നോട്ടമിട്ട് വച്ചോ… 8000mAh ബാറ്ററിയൊക്കെയുണ്ട്! റിയൽമി P4R 5G ഇന്ത്യയിൽ ലോഞ്ച് ചെയ്തു

ലെയ്ക ക്യാമറകൾ, അഡ്വാൻസ്ഡ് ഐ-കെയർ ഡിസ്‌പ്ലേ, നെക്സ്റ്റ് ജനറേഷൻ ബാറ്ററി ടെക്നോളജി എന്നിവ അ‌ടക്കം ശക്തമായ ഫീച്ചറുകൾ ഈ ഷവോമി ഫോൺ വാഗ്ദാനം ചെയ്യുന്നുണ്ട്. ഹെവി മൾട്ടിടാസ്കിങ്ങും മൊബൈൽ ഗെയിമിങ്ങും ഉൾപ്പെടെ ഈസിയായി ​കൈകാര്യം ചെയ്യാൻ ലക്ഷ്യമിട്ട് മീഡിയടെക് ഡൈമെൻസിറ്റി 8500-അൾട്രാ ചിപ്‌സെറ്റ് കരുത്തിലാണ് ഇത് അ‌വതരിപ്പിക്കപ്പെട്ടിരിക്കുന്നത്.

പ്രധാന ഫീച്ചറുകൾ

3.4GHz ഒക്ടാ-കോർ ഡൈമെൻസിറ്റി 8500-അൾട്രാ 4nm പ്രോസസർ ആണ് ഈ ഫോണിന്റെ കരുത്ത്. 50MP മെയിൻ ക്യാമറ (1/1.55″ ലൈറ്റ് ഫ്യൂഷൻ 800 സെൻസർ, f/1.7 അപ്പർച്ചർ, OIS), 12MP അൾട്രാ-വൈഡ്-ആംഗിൾ ക്യാമറ, 50MP 5x പെരിസ്‌കോപ്പ് ടെലിഫോട്ടോ (f/3.0 അപ്പർച്ചർ, OIS), 4K 60fps വരെ വീഡിയോ റെക്കോർഡിങ് എന്നിവ അ‌ടങ്ങുന്ന ട്രിപ്പിൾ റിയർ ക്യാമറ സജ്ജീകരണം ഇതിലുണ്ട്.

1G+6P ഹൈബ്രിഡ് ലെയ്‌ക സമ്മിലക്‌സ് ലെൻസ് സ്ട്രക്ചറും ലെയ്‌ക അൾട്രാപ്യുവർ ഒപ്റ്റിക്കൽ ഡിസൈനും പ്രധാന ക്യാമറയിൽ ഉൾപ്പെടുത്തിയിട്ടുണ്ട്. കൂടാതെ 50MP ലെയ്‌ക 5x ടെലിഫോട്ടോ ക്യാമറ സിസ്റ്റം സങ്കീർണ്ണമായ 30cm മാക്രോ ഫോട്ടോഗ്രാഫി മുതൽ 10x ഒപ്റ്റിക്കൽ-ഗ്രേഡ് സൂം വരെയും 120x AI അൾട്രാ സൂം വരെയും വൈവിധ്യമാർന്ന ഫോക്കൽ ശ്രേണിയെ പിന്തുണയ്ക്കുന്നു. ഫ്രണ്ടിൽ 32MP ക്യാമറ ( 4K 30fps വീഡിയോ റെക്കോർഡിങ് പിന്തുണ) ആണ് ഉള്ളത്.

6.59-ഇഞ്ച് (2756 x 1268 പിക്സൽസ്) 1.5K OLED സ്ക്രീൻ, 120Hz റിഫ്രഷ് റേറ്റ്, ഡോൾബി വിഷൻ, 3840Hz ഹൈ-ഫ്രീക്വൻസി PWM ഡിമ്മിംഗ് + DC ഡിമ്മിംഗ്, 3500 nits വരെ പീക്ക് ബ്രൈറ്റ്നസ്, HDR10+, ഡോൾബി വിഷൻ, കോർണിംഗ് ഗൊറില്ല ഗ്ലാസ് 7i പ്രൊട്ടക്ഷൻ എന്നിവയാണ് ഡിസ്പ്ലേയുമായി ബന്ധപ്പെട്ട പ്രധാന ഫീച്ചറുകൾ.

ആം മാലി -G720 MC8 GPU, 12GB LPPDDR5X റാം, 256GB / 512GB (UFS 4.1) സ്റ്റോറേജ്, ഇൻ-ഡിസ്‌പ്ലേ ഫിംഗർപ്രിന്റ് സെൻസർ, ഇൻഫ്രാറെഡ് സെൻസർ, IP68 റേറ്റിങ്, USB ടൈപ്പ്-സി ഓഡിയോ, ഹൈ-റെസ് ഓഡിയോ, ഡ്യുവൽ സ്പീക്കറുകൾ, ഡോൾബി അറ്റ്മോസ് എന്നിവയും ഇതിലുണ്ട്.

67W ഹൈപ്പർചാർജിങ് പിന്തുണയുള്ള 6500mAh ബാറ്ററിയുമായാണ് ഷവോമി 17T എത്തിയിട്ടുള്ളത്. ആൻഡ്രോയിഡ് 16 അടിസ്ഥാനമാക്കിയുള്ള ഷവോമി ഹൈപ്പർ OS 3- ൽ ആണ് പ്രവർത്തനം. ഡ്യുവൽ സിം (നാനോ + നാനോ), 5G SA/NSA, ഡ്യുവൽ 4G VoLTE, എന്നിവയാണ് മറ്റ് പ്രധാന ഫീച്ചറുകൾ.

English Summary

Xiaomi launched its premium smartphone Xiaomi 17T 5G in India last week and it has gone on sale in India from today. With a bank discount of Rs 5,000 as part of the launch offer, it can be purchased at prices of Rs 54,999 and Rs 59,999 respectively. It is available on Xiaomi's official website, Amazon and Xiaomi retail outlets. It is available in Purple, Blue and Black colour options.

മികച്ച ബാറ്ററി ശേഷിയോടെ നല്ലാരു പുത്തൻ 5ജി ഫോൺ 15000- 20000 രൂപയോട് അ‌ടുത്ത വിലയിൽ തേടുന്നവർക്ക് പരിഗണിക്കാൻ കഴിയും​ വിധത്തിൽ റിയൽമി തങ്ങളുടെ P4 സീരീസിലെ പുതിയ സ്മാർട്ട്ഫോൺ ഇന്ത്യയിൽ ലോഞ്ച് ചെയ്തു. റിയൽമി P സീരീസിലെ ആദ്യ R മോഡൽ എന്ന പ്രത്യേകതയുമായി റിയൽമി P4R 5ജി (realme P4R 5G) ആണ് അ‌വതരിപ്പിക്കപ്പെട്ടിരിക്കുന്നത്. പ്രധാനമായും യുവ ഉപയോക്താക്കളെ ലക്ഷമിട്ട് മികച്ച ബാറ്ററി ലൈഫ്, തെർമൽ മാനേജ്‌മെന്റ്, AI ഫീച്ചറുകൾ എന്നിവയ്ക്ക് പ്രാധാന്യം നൽകിക്കൊണ്ടാണ് ഈ റിയൽമി ഫോൺ എത്തിയിരിക്കുന്നത്. ശക്തമായ ബാറ്ററി ശേഷിക്കൊപ്പം 45W ഫാസ്റ്റ് ചാർജിങ്, ബൈപാസ് ചാർജിങ് ഫീച്ചറുകളും ഇതിനുണ്ട്.

8000mAh "ടൈറ്റൻ ബാറ്ററി" ആണ് റിയൽമി P4R 5ജിയുടെ ​ഹൈ​ലൈറ്റ്. ഒറ്റ ചാർജിൽ ഇത് മൂന്ന് ദിവസം വരെ ഉപയോഗം വാഗ്ദാനം ചെയ്യുമെന്ന് കമ്പനി അവകാശപ്പെടുന്നു. ഇത്ര വലിയ ബാറ്ററി ശേഷിയുണ്ടെങ്കിലും 8.8mm കനവും 224 ഗ്രാം ഭാരവുമേ ഈ ഫോണിനുള്ളൂ എന്നതും ശ്രദ്ധേയമാണ്.

Also Read: ഇതു കിട്ടിയത് തന്നെ ഭാഗ്യം! ഫ്ലാഗ്ഷിപ്പ് ഡേയ്സ് സെയിലിൽ ഡിസ്കൗണ്ടുമായി ഐക്യൂ നിയോ 10

ഏഴ് വർഷത്തെ ഉപയോഗത്തിന് ശേഷം അല്ലെങ്കിൽ 1,600 ചാർജിംഗ് സൈക്കിളുകൾ വരെ 80% ത്തിലധികം ആരോഗ്യം നിലനിർത്താൻ കഴിയും വിധമാണ് ഇതിലെ ബാറ്ററി രൂപകൽപ്പന ചെയ്തിരിക്കുന്നതെന്ന് റിയൽമി പറയുന്നു. താപ നിയന്ത്രണത്തിനായി, P4R 5G 5300mm² എയർഫ്ലോ വേപ്പർ ചേംബർ (VC) കൂളിംഗ് സിസ്റ്റവും "വൺ ടാപ്പ് കൂളിംഗ്" ഫീച്ചറും ഇതിലുണ്ട്.

പ്രധാന ഫീച്ചറുകൾ

6.8-ഇഞ്ച് (1570×720) പിക്സലുകൾ HD+ IPS LCD സ്ക്രീൻ, 144Hz റിഫ്രഷ് റേറ്റ്, 180Hz വരെ ടച്ച് സാമ്പിൾ റേറ്റ്, 1200 nits വരെ HBM ബ്രൈറ്റ്നസ് എന്നിവ ഇതിലുണ്ട്. ഒക്ട കോർ മീഡിയടെക് ഡൈമെൻസിറ്റി 6300 6nm പ്രോസസർ (2x കോർടെക്സ്-A76 @ 2.4GHz 6x കോർടെക്സ്-A55 @ 2GHz) ആണ് ഈ റിയൽമി ഫോണിന്റെ കരുത്ത്.

ആം മാലി-G57 MC2 GPU, 4GB / 6GB LPDDR4X റാം, 128GB / 256GB (UFS 2.2) സ്റ്റോറേജ്, മൈക്രോ എസ്ഡി ഉപയോഗിച്ച് 2TB വരെ സ്റ്റോറേജ് വർധിപ്പിക്കാനുള്ള സൗകര്യം എന്നിവയും ഇതിലുണ്ട്. ആൻഡ്രോയിഡ് 16 അ‌ടിസ്ഥാനമാക്കിയുള്ള റിയൽമി UI 7.0 ൽ ആണ് പ്രവർത്തനം. മൂന്ന് വർഷത്തെ സുരക്ഷാ പാച്ചുകൾക്കൊപ്പം രണ്ട് ഒഎസ് അപ്‌ഡേറ്റുകളും കമ്പനി ഇതിന് വാഗ്ദാനം ചെയ്യുന്നുണ്ട്.

GC50F6 സെൻസറുള്ള 50MP മെയിൻ ക്യാമറ (f/1.8 അപ്പേർച്ചർ, LED ഫ്ലാഷ്, 1080p വരെ 60 fps വീഡിയോ റെക്കോർഡിംഗ്) അ‌ടങ്ങുന്ന ഡ്യുവൽ റിയർ ക്യാമറ സജ്ജീകരണവും സെൽഫിക്കും മറ്റുമായി SC800CSA സെൻസറുള്ള 8MP ഫ്രണ്ട് ക്യാമറയും (f/2.0 അപ്പർച്ചർ, 1080p വരെ 30 fps വീഡിയോ റെക്കോർഡിംഗ്) ഇതിലുണ്ട്.

സൈഡ്-മൗണ്ടഡ് ഫിംഗർപ്രിന്റ് സെൻസർ, USB ടൈപ്പ്-സി ഓഡിയോ, 1115 അൾട്രാ-ലീനിയർ ബോട്ടം-പോർട്ടഡ് സ്പീക്കർ, 400% അൾട്രാ വോളിയം ഓഡിയോ, IP65 റേറ്റിങ്, മിലിട്ടറി-ഗ്രേഡ് ഈട് (MIL-STD 810H സർട്ടിഫിക്കേഷൻ), ഹൈബ്രിഡ് ഡ്യുവൽ സിം (നാനോ + നാനോ / മൈക്രോ എസ്ഡി), 5G SA / NSA (n1/n3/n5/n8/n28B/n40/n41/n77/n78 ബാൻഡുകൾ), ഡ്യുവൽ 4G VoLTE, 45W ഫാസ്റ്റ് ചാർജിങ്ങുള്ള 8000mAh ബാറ്ററി എന്നിവയും ഇതിലുൾപ്പെടുന്നു.

വിലയും ലഭ്യതയും

റിയൽമി P4R 5ജിയുടെ 4GB+128GB അ‌ടിസ്ഥാന മോഡലിന് 18999 രൂപയും 6GB+128GB വേരിയന്റിന് 20999 രൂപയും 6GB+256GB വേരിയന്റിന് 22999 രൂപയുമാണ് വില. എന്നാൽ ലോഞ്ച് ഓഫറിന്റെ ഭാഗമായി ആദ്യ 12 മണിക്കൂറിൽ ലഭ്യമാകുന്ന 2000 രൂപ ബാങ്ക് ഡിസ്കൗണ്ട് പ്രയോജനപ്പെടുത്തിയാൽ ഇവ യഥാക്രമം 16999 രൂപ, 18999 രൂപ, 20999 രൂപ വിലകളിൽ വാങ്ങാനാകും. ജൂൺ 17 മുതൽ റിയൽമി വെബ്​സൈറ്റ്, ഫ്ലിപ്പ്കാർട്ട് എന്നിവ വഴി ഇതിന്റെ വിൽപ്പയാരംഭിക്കും.

English Summary

Realme P4R 5G has been launched in India. Its 4GB+128GB base model is priced at Rs 18,999, the 6GB+128GB variant is priced at Rs 20,999, and the 6GB+256GB variant is priced at Rs 22,999. However, if you take advantage of the Rs 2,000 bank discount available in the first 12 hours as part of the launch offer, you can buy them at prices of Rs 16,999, Rs 18,999, and Rs 20,999, respectively.

കരുത്തൻ സ്മാർട്ട്ഫോണുകൾക്ക് ഡിസ്കൗണ്ടുകളുമായി ഐക്യൂ ഫ്ലാഗ്ഷിപ്പ് ഡേയ്സ് (iQoo Flagship Days) സെയിൽ പുരോഗമിക്കുകയാണ്, ജൂൺ 8ന് ആരംഭിച്ച ഈ ഓഫർ സെയിൽ ജൂൺ 11വരെയാണ് നിശ്ചയിച്ചിരിക്കുന്നത്. ഐക്യൂ 15, ഐക്യൂ 15R, ഐക്യൂ നിയോ 10 5ജി എന്നീ മൂന്ന് മോഡലുകൾക്കാണ് ഈ ഓഫർ സെയിലിൽ ഡിസ്കൗണ്ടുകൾ ലഭ്യമാക്കിയിരിക്കുന്നത്. ഇതിൽ ഏറ്റവും കുറഞ്ഞ വിലയിൽ വാങ്ങാൻ ലഭ്യമായിരിക്കുന്ന മികച്ച ഓപ്ഷൻ ഐക്യൂ നിയോ 10 5ജി (iQOO Neo 10 5G) ആണ്. ലോഞ്ച് ചെയ്യുന്ന ഘട്ടത്തിൽ നാല് വ്യത്യസ്ത റാം+ സ്റ്റോറേജ് വേരിയന്റുകളിൽ ഇത് വാങ്ങാൻ ലഭ്യമായിരുന്നെങ്കിലും നിലവിൽ 256ജിബി സ്റ്റോറേജിന്റെ രണ്ട് വേരിയന്റുകൾ മാത്രമാണ് സ്റ്റോക്കുള്ളത്.

​കഴിഞ്ഞ വർഷമാണ് ഐക്യൂ നിയോ 10 5G ഇന്ത്യയിൽ അ‌വതരിപ്പിക്കപ്പെട്ടത്. എന്നാൽ ലോഞ്ചിന് ശേഷം പലപ്പോഴായി ഇതിന്റെ വില വർധിപ്പിക്കപ്പെട്ടു. സ്മാർട്ട്ഫോൺ നിർമാണചെലവുകൾ ഉയർന്നതാണ് ഇതിന് കാരണം. വിൽപ്പന ആരംഭിക്കുന്ന ഘട്ടത്തിൽ ഐക്യൂ നിയോ 10 5ജിയുടെ 8GB+128GB അ‌ടിസ്ഥാന വേരിയന്റിന് 31,999 രൂപയും, 8GB+ 256GB മോഡലിന് 33,999 രൂപയും, 12GB+ 256GB മോഡലിന് 35,999 രൂപയും, 16GB + 512GB മോഡലിന് 40,999 രൂപയുമായിരുന്നു വില.

ALSO READ: 4G ഫോണിന്റെ വിലയിൽ 5G ഫോൺ! ഡിസ്കൗണ്ടുമായി പുത്തൻ ലാവ ബോൾഡ് N2 വിൽപ്പന ആരംഭിച്ചു

നിലവിൽ ഐക്യൂ വെബ്​സൈറ്റിൽ നിയോ 10 5ജിയുടെ രണ്ട് വേരിയന്റുകൾ മാത്രമാണ് സ്റ്റോക്കുള്ളത്. അ‌തിൽ 8GB+256GB വേരിയന്റ് 37999 രൂപ വിലയിലും 12GB+256GB വേരിയന്റ് 42999 രൂപ വിലയിലും ലിസ്റ്റ് ചെയ്തിരിക്കുന്നു. ഓഫർ സെയിലിന്റെ ഭാഗമായി ഇവയ്ക്ക് 2000 രൂപയുടെ ബാങ്ക് ഡിസ്കൗണ്ട് ലഭ്യമാണ്. ഇത് പ്രയോജനപ്പെടുത്തിയാൽ യഥാക്രമം 35999 രൂപ, 42999 രൂപ വിലകളിൽ ഇത് വാങ്ങാനാകും.

സ്മാർട്ട്ഫോൺ വിപണിയിൽ മൊത്തത്തിൽ ഉണ്ടായിട്ടുള്ള വിലവർധന പരിഗണിക്കുമ്പോൾ ഐക്യൂ നിയോ 10 5ജിയുടെ ഈ വേരിയന്റുകളുടെ ഡീൽ മികച്ചതാണ്. കുറഞ്ഞ വേരിയന്റുകൾ കിട്ടാനില്ലെങ്കിലും ഈ രണ്ട് വേരിയന്റുകളെങ്കിലും ലഭ്യമായി എന്ന് ആശ്വസിക്കാം. ബാങ്ക് ഡിസ്കൗണ്ട് കൂടാതെ 1000 രൂപ സ്റ്റുഡന്റ് ഡിസ്കൗണ്ടും ഈ മോഡലിന് ഉണ്ട്. ഐക്യൂ വെബ്​സൈറ്റിന് പുറമേ ആമസോണിലും ഫ്ലാഗ്ഷിപ്പ് ഡേയ്സ് സെയിൽ ഡിസ്കൗണ്ട് ലഭ്യമാണ്.

പ്രധാന ഫീച്ചറുകൾ

ഒക്ട കോർ സ്നാപ്ഡ്രാഗൺ 8s Gen 4 4nm മൊബൈൽ പ്ലാറ്റ്ഫോം കരുത്തിൽ എത്തിയ ഐക്യൂ നിയോ 10 5ജിയിൽ അഡ്രിനോ 825 GPU, LPDDR5x അൾട്രാ (9600Mbps) റാം, UFS 4.1 സ്റ്റോറേജ്, ഹാർഡ്‌വെയർ ലെവൽ 1.5K+144FPS സൂപ്പർ-റെസല്യൂഷനും സൂപ്പർ-ഫ്രെയിം കൺകറൻസിയും വാഗ്ദാനം ചെയ്യുന്ന Q1 സ്വതന്ത്ര ഗ്രാഫിക്‌സ് ചിപ്പ് എന്നിവയുണ്ട്. പരമാവധി 7K ഐസ് ഡോം VC ലിക്വിഡ് കൂളിംഗും ഇതിൽ സജ്ജീകരിച്ചിരിക്കുന്നു.

1/ 1.95 ഇഞ്ച് സോണി LYT-600 സെൻസറുള്ള 50MP മെയിൻ ക്യാമറ (f/1.79 അപ്പർച്ചർ, OIS), 8MP അൾട്രാ-വൈഡ് ആംഗിൾ ലെൻസ് ( f/2.2 അപ്പേർച്ചർ, 4K 60 fps വരെ വീഡിയോ റെക്കോർഡിംഗ്) LED ഫ്ലാഷ് എന്നിവ അ‌ടങ്ങുന്ന ഡ്യുവൽ റിയർ ക്യാമറ സജ്ജീകരണവും 32MP ഫ്രണ്ട് ഫേസിംഗ് ക്യാമറയും (f/2.45 അപ്പേർച്ചർ, 4K 60 fps വരെ വീഡിയോ റെക്കോർഡിംഗ്) ഇതിലുണ്ട്.

ഡിസ്പ്ലേയുടെ കാര്യമെടുത്താൽ, 6.78 ഇഞ്ച് (2800×1260 പിക്സലുകൾ) 1.5K AMOLED സ്ക്രീൻ, 144Hz റിഫ്രഷ് റേറ്റ്, 360Hz ടച്ച് സാമ്പിൾ റേറ്റ്, 5500 nits വരെ പീക്ക് ബ്രൈറ്റ്നസ്, HDR10+, എന്നിവ ഇതിലുണ്ട്. 120W ഫാസ്റ്റ് ചാർജിങ്, ബൈപാസ് ചാർജിങ്, 100W PPS/PD ഫ്ലാഷ് ചാർജിങ്, 44W UFCS ഫ്യൂഷൻ ഫാസ്റ്റ് ചാർജിങ് എന്നിവയുടെ പിന്തുണയോടെ എത്തുന്ന 7000mAh സിലിക്കൺ ബ്ലൂവോൾട്ട് ബാറ്ററിയാണ് മറ്റൊരു മുഖ്യ ആകർഷണം.

ആൻഡ്രോയിഡ് 15 അ‌ടിസ്ഥാനമായുള്ള ഫൺടച്ച് OS 15ൽ എത്തിയ ഈ മോഡലിന് 3 OS അപ്‌ഡേറ്റുകളും 4 വർഷത്തെ സുരക്ഷാ അപ്‌ഡേറ്റുകളും ലഭിക്കും. IP65 റേറ്റിങ്, ഇൻ-ഡിസ്പ്ലേ ഫിംഗർപ്രിന്റ് സെൻസർ, ഡ്യുവൽ സിം (നാനോ + നാനോ), 5G SA/NSA, ഡ്യുവൽ 4G VoLTE എന്നിവയാണ് മറ്റ് പ്രധാന ഫീച്ചറുകൾ. ഇൻഫെർണോ റെഡ്, ടൈറ്റാനിയം ക്രോം എന്നീ രണ്ട് കളർ ഓപ്ഷനുകളിൽ ഇത് വാങ്ങാനാകും.

English Summary

The iQoo Neo 10 5G is now available at a discount during the iQoo Flagship Days Sale. Currently, only two variants of the Neo 10 5G are in stock on the iQoo website. The 8GB+256GB variant is listed at Rs 37,999 and the 12GB+256GB variant is listed at Rs 42,999. As part of the offer sale, a bank discount of Rs 2,000 is available on these.

ലാവ കഴിഞ്ഞ ആഴ്ച ഇന്ത്യയിൽ ലോഞ്ച് ചെയ്ത ബജറ്റ് 5ജി സ്മാർട്ട്ഫോണായ ലാവ ബോൾഡ് N2 5G (Lava Bold N2 5G) ഇന്ന് മുതൽ ഇന്ത്യയിൽ വിൽപ്പന ആരംഭിച്ചു. ആമസോൺ വഴിയാണ് ഇത് വാങ്ങാൻ ലഭ്യമായിരിക്കുന്നത്. 10000 രൂപയോട് അ‌ടുത്ത ബജറ്റിൽ പുതിയ സ്മാർട്ട്ഫോൺ തേടുന്നവർക്ക് പരിഗണിക്കാൻ കഴിയും വിധത്തിലാണ് ലാവ ഈ സ്മാർട്ട്ഫോൺ അ‌വതരിപ്പിച്ചിരിക്കുന്നത്. നേരത്തെ 10000 രൂപയിൽ താഴെ വിലയിൽ 5ജി ഫോണുകൾ ധാരാളമായി ഇറങ്ങിയിരുന്നു. എന്നാൽ ചിപ് ക്ഷാമം മൂലം നിർമാണച്ചെല് ഉയർന്നതോടെ സ്മാർട്ട്ഫോണുകൾ ഇപ്പോൾ മുൻപത്തെക്കാൾ കൂടിയ വിലയിലാണ് ലോഞ്ച് ചെയ്യപ്പെട്ടുകൊണ്ടിരിക്കുന്നത്. 4ജി സ്മാർട്ട്ഫോണുകൾ ഇപ്പോൾ പതിനായിരം രൂപയിലധികം വിലയിൽ ലോഞ്ച് ചെയ്യപ്പെടുന്നത് അ‌തിനുദാഹരണമാണ്.

വില

എന്നാൽ ഇപ്പോൾ ഇറങ്ങുന്ന ചില 4ജി ഫോണുകളെ അ‌പേക്ഷിച്ച്, അ‌തിനെക്കാൾ കുറഞ്ഞ വിലയിൽ സ്വന്തമാക്കാവുന്ന ബെസ്റ്റ് ഓപ്ഷനാണ് ലാവ ബോൾഡ് N2 5ജി. പുതിയ ലാവ ബോൾഡ് N2 5ജിയുടെ യഥാർഥ വില 12,999 രൂപയാണ്. എന്നാൽ ലോഞ്ച് ഓഫറിന്റെ ഭാഗമായി 11999 രൂപ വിലയിൽ ആണ് ഇത് ആമസോണിൽ ലിസ്റ്റ് ചെയ്തിരിക്കുന്നത്.

ALSO READ: കുറഞ്ഞ വിലയ്ക്ക് ഇനി ഇതൊക്കെയാണ് ഓപ്ഷൻ! ഇൻഫിനിക്സ് സ്മാർട്ട് 20 ഇന്ത്യയിൽ ലോഞ്ച് ചെയ്തു

കൂടാതെ 750 രൂപ ബാങ്ക് ഡിസ്കൗണ്ടും ലാവ ബോൾഡ് N2 5ജിക്ക് ലഭ്യമാണ്. ഇത് പ്രയോജനപ്പെടുത്തിയാൽ 11,249 രൂപ വിലയിൽ ഇത് വാങ്ങാനാകും. റീഗൽ ഗോൾഡ്, ബില്യണയർ ബ്ലൂ എന്നീ രണ്ട് കളർ ഓപ്ഷനുകളിലാണ് ബോൾഡ് N2 5G വിൽപ്പനയ്ക്ക് എത്തിയിരിക്കുന്നത്.

പ്രധാന ഫീച്ചറുകൾ

2.3GHz യൂണിസോക് T8200 6nm പ്രൊസസർ ആണ് ലാവ ബോൾഡ് N2 5ജിയുടെ കരുത്ത്. മാലി-G57 MC2 ജിപിയു, 4GB LPDDR4x റാം, 64GB UFS 2.2 ഇന്റേണൽ സ്റ്റോറേജ് എന്നിവയും ഇതിലുണ്ട്. കൂടാതെ മൈക്രോ എസ്ഡി ഉപയോഗിച്ച് 1TB വരെ സ്റ്റോറേജ് വർധിപ്പിക്കാനുള്ള സൗകര്യവുമുണ്ട്.

120Hz റിഫ്രഷ് റേറ്റുള്ള 6.75 ഇഞ്ച് (1612 × 720 പിക്സൽസ്) HD+ LCD സ്ക്രീൻ ആണ് ബോൾഡ് N2 5ജിയിൽ ലാവ നൽകിയിരിക്കുന്നത്. ബജറ്റ് വിലയ്ക്കുള്ളിൽ നിന്നുകൊണ്ട് 13MP AI ഡ്യുവൽ റിയർ ക്യാമറ സജ്ജീകരണവും 5MP ഫ്രണ്ട് ക്യാമറയും ലാവ ബോൾഡ് N2 5ജിയിൽ സജ്ജീകരിച്ചിരിക്കുന്നു.

ആൻഡ്രോയിഡ് 16 അ‌ടിസ്ഥാനമാക്കിയാണ് ഈ ഫോണിന്റെ പ്രവർത്തനം. സുരക്ഷയ്ക്കായി സൈഡ്-മൗണ്ടഡ് ഫിംഗർപ്രിന്റ് സ്കാനർ, ഈടിനായി IP64 റേറ്റിങ് എന്നിവയുമുണ്ട്. കുറഞ്ഞ വിലയിൽ എത്തുമ്പോൾ തന്നെ 6000mAh ബാറ്ററി സഹിതം എത്തുന്നു എന്നതും ലാവ ബോൾഡ് N2 5ജിയുടെ ആകർഷണമാണ്. 18W ചാർജിങ് പിന്തുണ ഇതിനുണ്ട്.

ഇതിലെ 6000mAh ബാറ്ററി ഒറ്റ ചാർജിൽ 815 മിനിറ്റ് തുടർച്ചയായ YouTube പ്ലേബാക്കും 743 മിനിറ്റ് ടോട്ടൽ സ്ക്രീൻ-ഓൺ ​ടൈമും വാഗ്ദാനം ചെയ്യുമെന്ന് ലാവ പറയുന്നു. ഇത്ര മികച്ച ബാറ്ററി ശേഷിയോടെ എത്തുന്ന ഈ ബജറ്റ് 5ജി ഫോണിന് 165.85×76.8×8.75mm വലിപ്പവും 210 ഗ്രാം ഭാരവും ആണ് ഉള്ളത്.

ഡ്യുവൽ സിം, 5G SA / NSA (N1/N3/N5/N8/N28/N40/N77/N78 ബാൻഡുകൾ), 4G VoLTE, Wi-Fi 802.11 ac, ബ്ലൂടൂത്ത് 5.0, GPS + GLONASS, USB ടൈപ്പ്-C എന്നീ ഫീച്ചറുകളും ലാവ ബോൾഡ് N2 5ജിയിൽ ഉണ്ട്. പതിനായിരം രൂപയോട് അ‌ടുത്ത വിലയിൽ ഒരു പുതിയ സ്മാർട്ട്ഫോൺ തേടുന്നവർക്ക് ഈ പുതിയ 5ജി ഫോൺ പരിഗണിക്കാവുന്നതാണ്.

English Summary

Lava launched its budget 5G smartphone, the Lava Bold N2 5G, in India last week. Its original price is Rs 12,999. However, as part of the launch offer, it is listed on Amazon at Rs 11,999. There is also a bank discount of Rs 750 available on the Lava Bold N2 5G. If you take advantage of this, you can buy it for Rs 11,249.

പ്രമുഖ സ്മാർട്ട്ഫോൺ ബ്രാൻഡായ ഇൻഫിനിക്സ് ബജറ്റ് സ്മാർട്ട്ഫോൺ പ്രേമികളെ ലക്ഷ്യമിക്ക് ഒരു പുത്തൻ സ്മാർട്ട്ഫോൺ ഇന്ത്യയിൽ ലോഞ്ച് ചെയ്തിരിക്കുന്നു. കഴിഞ്ഞ വർഷം ലോഞ്ച് ചെയ്ത ഇൻഫിനിക്സ് സ്മാർട്ട് 10 മോഡലിന്റെ പിൻഗാമിയായി ഇൻഫിനിക്സ് സ്മാർട്ട് 20 (Infinix Smart 20) എന്ന മോഡലാണ് അ‌വതരിപ്പിക്കപ്പെട്ടിരിക്കുന്നത്. ഇന്ത്യൻ വിപണിയൽ എൻട്രി ലെവൽ സ്മാർട്ട്‌ഫോണുകളുടെ വിഭാഗത്തിൽ തങ്ങളുടെ ശക്തിവർധിപ്പിക്കാൻ ഇൻഫിനിക്സ് ശ്രമിക്കുന്നതിന്റെ തെളിവ് കൂടിയാണ് ഈ പുതിയ ബജറ്റ് സ്മാർട്ട്ഫോണിന്റെ ലോഞ്ച്. എന്നാൽ ബജറ്റ് വിലയിലാണ് എത്തുന്നത് എങ്കിലും ഇത് ഒരു 5ജി ഫോൺ അ‌ല്ല എന്നകാര്യം ശ്രദ്ധിക്കുക. നേരത്തെ 10000 രൂപ ബജറ്റിൽ പുത്തൻ 5ജി ഫോണുകൾ ഇറങ്ങിയിരുന്നു. എന്നാൽ ഈ വർഷത്തിന്റെ തുടക്കം മുതൽ സ്മാർട്ട്ഫോൺ വിപണിയിൽ ഉണ്ടായ വിലവർധന കാര്യങ്ങൾ ആകെ മാറ്റിമറിച്ചു.

മുൻപ് 10000 രൂപയ്ക്ക് പുതിയ 5ജി ഫോണുകൾ ഇറങ്ങിയിരുന്നു എങ്കിലും ഇനി അ‌ത് അ‌ധികം പ്രതീക്ഷിക്കാനാവില്ല. സ്മാർട്ട്ഫോൺ നിർമാണ ഘടകങ്ങൾക്ക്, പ്രധാനമായും ചിപ്പുകൾക്ക് വില വർധന ഉണ്ടായത് ​ബജറ്റ് 5ജി ഫോണുകളുടെ വില വർധനവിലേക്ക് നയിച്ചു. ഇനി കുറഞ്ഞ വിലയ്ക്ക് ഇൻഫിനിക്സ് സ്മാർട്ട് 20 പോലെയുള്ള 4ജി ഫോണുകളായിരിക്കും കൂടുതലും ലഭ്യമാകുക.

ALSO READ: 7600mAh ബാറ്ററി, സോണി ക്യാമറ, സ്നാപ്ഡ്രാഗൺ 8 ജെൻ 5 കരുത്ത്; 4000 രൂപ ഡിസ്കൗണ്ടുമായി ഐക്യൂ 15R 5G

കുറഞ്ഞ വിലയിൽ ഒരു സ്മാർട്ട്ഫോൺ തേടുന്നവരെ ലക്ഷ്യമിട്ട് ഇൻഫിനിക്സ് അ‌വതരിപ്പിച്ചിരിക്കുന്ന സ്മാർട്ട് 20​ ക്ക് അ‌തിന്റെ മുൻഗാമിയുമായി താരതമ്യം ചെയ്യുമ്പോൾ ഡിസ്‌പ്ലേ, ബാറ്ററി ശേഷി, പ്രോസസ്സിംഗ് ഹാർഡ്‌വെയർ എന്നിവയിൽ അപ്‌ഡേറ്റുകൾ ഉണ്ടായിട്ടുണ്ട്. മുൻ മോഡലിൽ ഡിസ്പ്ലേ 6.67-ഇഞ്ച് ആയിരുന്നത് ഇപ്പോൾ 120Hz റിഫ്രഷ് റേറ്റുള്ള 6.78-ഇഞ്ച് HD+ IPS LCD സ്ക്രീനായി നവീകരിച്ചിരിക്കുന്നു.

നോട്ടിഫിക്കേഷനുകൾക്കും സ്റ്റാറ്റസ് ട്രാക്കിംഗിനുമായി "ഡൈനാമിക് ബാർ" ഫീച്ചർ സഹിതം ഒരു കേന്ദ്രീകൃത പഞ്ച്-ഹോൾ കട്ട്ഔട്ട് ഡിസ്‌പ്ലേയിൽ ഉണ്ട്. 1 കിലോമീറ്റർ വരെ ദൂരത്തിൽ അനുയോജ്യമായ ഇൻഫിനിക്‌സ് ഡി​വൈസുകളുമായി വയർലെസ് വാക്കി-ടോക്കി-സ്റ്റൈൽ ആശയവിനിമയം നടത്താൻ കഴിയും വിധം രൂപകൽപ്പന ചെയ്‌തിരിക്കുന്ന സൗജന്യ ഓഫ്‌ലൈൻ ആശയവിനിമയ ഫീച്ചറായ അൾട്രാലിങ്ക് ആണ് ഈ സ്മാർട്ട് 20 യുടെ ശ്രദ്ധേയ പ്രത്യേകതകളിലൊന്ന്.

പ്രധാന ഫീച്ചറുകൾ

120Hz റിഫ്രഷ് റേറ്റ് ഉള്ള 6.78-ഇഞ്ച് (1576 x 720 പിക്സൽസ്) HD+ ഡിസ്പ്ലേ, 20:9 ആസ്പക്ട് റേഷ്യോ, 700 nits വരെ HBM ​ബ്രൈറ്റ്നസ് എന്നിവ ഇതിലുണ്ട്. 2 GHz ഒക്ട-കോർ ​​മീഡിയടെക് ഹീലിയോ G81 അൾട്ടിമേറ്റ് 12nm പ്രൊസസർ ആണ് ഈ ബജറ്റ് സ്മാർട്ട്ഫോണിന്റെ കരുത്ത്.

4GB LPDDR4X റാമും ഇൻഫിനിക്‌സിന്റെ "മെംഫ്യൂഷൻ" ടെക്നോളജിയും ഇതിലുണ്ട്. ഇത് ഇന്റേണൽ സ്റ്റോറേജ് ഉപയോഗിച്ച് 4 ജിബി അധികമായി റാം വർദ്ധിപ്പിക്കാൻ ഉപയോക്താക്കളെ അനുവദിക്കുന്നു. 64GB / 128GB eMMC 5.1 സ്റ്റോറേജ് ആണ് ഇതിലുള്ളത്. കൂടാതെ മൈക്രോ എസ്ഡി കാർഡ് സ്ലോട്ട് വഴി സ്റ്റോറേജ് 2TB വരെ വർധിപ്പിക്കാം.

8MP മെയിൻ ക്യാമറ ( f/2.0 അപ്പർച്ചർ, ഡ്യുവൽ-എൽഇഡി ഫ്ലാഷ്), 8MP ഫ്രണ്ട് ക്യാമറ (f/2.0 അപ്പർച്ചർ) എന്നിവ ഇതിലെ ക്യാമറ സജ്ജീകരണത്തിൽ അ‌ടങ്ങുന്നു. ആൻഡ്രോയിഡ് 16 അടിസ്ഥാനമാക്കിയുള്ള XOS 16-ൽ ആണ് പ്രവർത്തനം. സൈഡ്-മൗണ്ടഡ് ഫിംഗർപ്രിന്റ് സെൻസർ, ഇൻഫ്രാറെഡ് സെൻസർ, 3.5 എംഎം ഓഡിയോ ജാക്ക്, സ്റ്റീരിയോ സ്പീക്കറുകൾ, ഡിടിഎസ്, എഫ്എം റേഡിയോ എന്നിവയും ഇതിലുണ്ട്.

ഡ്യുവൽ സിം (നാനോ + നാനോ + മൈക്രോ എസ്ഡി), ഡ്യുവൽ 4G VoLTE, Wi-Fi 802.11 b/g/n (2.4GHz), ബ്ലൂടൂത്ത് 5.2, GPS, USB ടൈപ്പ്-സി, 15W ചാർജിങ് പിന്തുണയുള്ള 5200mAh ബാറ്ററി എന്നിവയാണ് മറ്റ് പ്രധാന ഫീച്ചറുകൾ. 167.7×78.8×7.7mm വലിപ്പവും 189 ഗ്രാം ഭാരവും ഇതിനുണ്ട്. സൺലൈക്ക് ഓറഞ്ച്, ക്ലൗഡ്‌ലൈൻ ബ്ലൂ, ഷാഡോ ബ്ലാക്ക്, പോളാരിസ് ടൈറ്റാനിയം കളർ ഓപ്ഷനുകളിൽ ഇത് വാങ്ങാനാകും.

വിലയും ലഭ്യതയും

ഇൻഫിനിക്സ് സ്മാർട്ട് 20യുടെ 4GB+ 64GB വേരിയന്റിന് 12,499 രൂപയും 4GB+ 128GB വേരിയന്റിന് 13,999 രൂപയുമാണ് വില. എന്നാൽ ലോഞ്ച് ഓഫറിന്റെ ഭാഗമായി എല്ലാ പ്രധാന ബാങ്ക് കാർഡുകളിലും 500 രൂപ ഡിസ്കൗണ്ട് ലഭ്യമായതിനാൽ 11,999 രൂപ പ്രാരംഭ വിലയിൽ കിട്ടും. ഫ്ലിപ്പ്കാർട്ട്, ഇൻഫിനിക്സ് ഇന്ത്യ ഓൺലൈൻ സ്റ്റോർ എന്നിവ വഴി ജൂൺ 12 ന് ഉച്ചയ്ക്ക് 12 മുതൽ ഇതിന്റെ വിൽപ്പന ആരംഭിക്കും.

English Summary

Infinix Smart 20 has been launched in India. It is priced at Rs 12,499 for the 4GB+64GB variant and Rs 13,999 for the 4GB+128GB variant. However, as part of the launch offer, a discount of Rs 500 is available on all major bank cards, so it will be available at a starting price of Rs 11,999. It will be available for purchase from 12 noon on June 12 via Flipkart and Infinix India online store.

പ്രീമിയം സ്മാർട്ട്ഫോൺ മോഡലുകൾക്ക് ആകർഷകമായ ഡിസ്കൗണ്ടുകളുമായി ഐക്യൂ ഇന്ത്യയിൽ ഫ്ലാഗ്ഷിപ്പ് ഡേയ്സ് (iQoo Flagship Days) സെയിൽ ആരംഭിച്ചു. നിലവിലെ പ്രീമിയം മോഡലുകളായ ഐക്യൂ 15, ഐക്യൂ 15R എന്നിവയും ഐക്യൂ നിയോ 10 5ജിയും ഈ ഓഫർ സെയിലിന്റെ ഭാഗമായി ഡിസ്കൗണ്ട് സഹിതം വാങ്ങാൻ ലഭ്യമായിട്ടുണ്ട്. ഇതിൽ മികച്ച പെർഫോമൻസും ബാറ്ററി ശേഷിയും സഹിതം മാന്യമായ വിലയിൽ സ്വന്തമാക്കാൻ കഴിയുന്ന ഏറ്റവും മികച്ച ഓപ്ഷനാണ് ഐക്യൂ 15R 5ജി. ഈ വർഷം ഫെബ്രുവരിയിലാണ് 15R 5ജി ഇന്ത്യയിൽ അ‌വതരിപ്പിക്കപ്പെട്ടത്. ലോഞ്ചിന് ശേഷം, സ്മാർട്ട്ഫോൺ വിപണിയിൽ ഉണ്ടായ പൊതുവില വർധനവിനെ തുടർന്ന് ഈ മോഡലിന്റെ വിലയിലും ചെറിയ വർധന ഉണ്ടായി.

ഇന്ത്യയിൽ ലോഞ്ച് ചെയ്യുമ്പോൾ ഐക്യൂ 15R 5ജിയുടെ 8GB + 256GB മോഡലിന് 44,999 രൂപയും, 12GB + 256GB മോഡലിന് 47,999 രൂപയും, ടോപ്പ്-എൻഡ് 12GB + 512GB മോഡലിന് 52,999 രൂപയുമായിരുന്നു വില. എന്നാൽ ഇപ്പോൾ യഥാക്രമം 46999 രൂപ, 50999 രൂപ, 57999 രൂപ എന്നീങ്ങനെയാണ് ഈ വേരിയന്റുകളുടെ വില.

ഫ്ലാഗ്ഷിപ്പ് ഡേയ്സ് ഡിസ്കൗണ്ട്

ഇപ്പോൾ ഫ്ലാഗ്ഷിപ്പ് ഡേയ്സ് സെയിലിന്റെ ഭാഗമായി ഐക്യൂ 15R 5ജിക്ക് 4000 രൂപ ഡിസ്കൗണ്ട് ലഭ്യമാണ്. ഇത് പ്രയോജനപ്പെടുത്തിയാൽ അ‌ടിസ്ഥാന മോഡൽ 42999 രൂപ വിലയിൽ സ്വന്തമാക്കാം. വിലവർധനയുടെ ഭാരം ഒഴിവാക്കി ഈ മികച്ച പെർഫോമൻസുള്ള സ്മാർട്ട്ഫോൺ സ്വന്തമാക്കാൻ ഇത് ഒരു മികച്ച അ‌വസരമാണ്. ജൂൺ 8 മുതൽ 11 വരെ ഐക്യൂ വെബ്​സൈറ്റിലും ആമസോണിലും ഐക്യൂ ഫ്ലാഗ്ഷിപ്പ് ഡേയ്സ് ​ഡിസ്കൗണ്ടുകൾ ലഭ്യമാണ്.

ALSO READ : നന്ദി വൺപ്ലസേ… നന്ദി! പുത്തൻ നോർഡ് 6, നോർഡ് CE6, നോർഡ് CE6 ​ലൈറ്റ് 5G ഫോണുകൾക്ക് ഡിസ്കൗണ്ട്

പ്രധാന ഫീച്ചറുകൾ

ശക്തമായ ഫീച്ചറുകൾ അ‌ണിനിരക്കുന്ന പ്രീമിയം ലെവൽ സ്മാർട്ട്ഫോണാണ് ഐക്യൂ 15R 5ജി. ഒക്ട കോർ സ്നാപ്ഡ്രാഗൺ 8 Gen 5 3nm മൊബൈൽ പ്ലാറ്റ്ഫോം ആണ് ഈ ഫോണിന്റെ കരുത്ത്. കൂടാതെ 100W ഫാസ്റ്റ് ചാർജിങ് പിന്തുണയോടെ, 7600mAh ബാറ്ററിയും ഇതിലുണ്ട്.

ഡ്യുവൽ റിയർ ക്യാമറ സജ്ജീകരണമാണ് ഐക്യൂ 15R 5ജിയിൽ ഉള്ളത്. അ‌തിൽ 1/1.56″ സോണി LYT-700V സെൻസറുള്ള 50MP മെയിൻ ക്യാമറ (f/1.88 അപ്പേർച്ചർ, OIS), 8MP അൾട്രാ-വൈഡ് ആംഗിൾ ലെൻസ് (f/2.2 അപ്പേർച്ചർ), 4K 60fps വീഡിയോ റെക്കോർഡിങ് എന്നിവ അ‌ടങ്ങുന്നു. ഫ്രണ്ടിൽ 32MP സെൽഫി ക്യാമറയും (f/2.45 അപ്പേർച്ചർ, 4K 60fps വീഡിയോ റെക്കോർഡിങ്) ഉണ്ട്.

144Hz റിഫ്രഷ് റേറ്റുള്ള 6.59-ഇഞ്ച് (2750×1260 പിക്സലുകൾ) 1.5K AMOLED ഡിസ്പ്ലേ, 300Hz ടച്ച് സാമ്പിൾ റേറ്റ്, 5000 nits വരെ പീക്ക് ബ്രൈറ്റ്നസ്, HDR10+, ഷോട്ട് ഷീൽഡ് ഗ്ലാസ് പ്രൊട്ടക്ഷൻ, അഡ്രിനോ 840 GPU, 12GB / 16GB LPDDR5x അൾട്രാ 9600Mbps റാം, 256GB/512GB/1TB UFS 4.1 സ്റ്റോറേജ് എന്നിവയും ഇതിലുണ്ട്.

ആൻഡ്രോയിഡ് 16 അ‌ടിസ്ഥാനമാക്കിയുള്ള ഒറിജിൻ OS 6-ൽ ആണ് പ്രവർത്തനം. 4 ആൻഡ്രോയിഡ് ഒഎസ് അപ്‌ഡേറ്റുകളും 6 വർഷത്തെ സുരക്ഷാ അപ്‌ഡേറ്റുകളും ലഭിക്കും. ഇൻ-ഡിസ്പ്ലേ 3D അൾട്രാസോണിക് ഫിംഗർപ്രിന്റ് സെൻസർ, IP68 + IP69 റേറ്റിങ്, ഡ്യുവൽ സിം (നാനോ + നാനോ), 5G SA/NSA, ഡ്യുവൽ 4G VoLTE എന്നിവയും ഇതിലുണ്ട്.

6500mm ഐസ്‌കോർ VC കൂളിങ്, ഡ്യുവൽ-ലെയർ ഗ്രാഫൈറ്റ് ഷീറ്റ്, 2000 W/m.K തെർമൽ കണ്ടക്ടിവിറ്റി, 14000 mm²-ൽ കൂടുതൽ തെർമൽ കണ്ടക്ടിവിറ്റി ഏരിയ എന്നിവയും ഐക്യൂ 15R ന്റെ ഫീച്ചറുകളിൽപ്പെടുന്നു. കൂടാതെ മികച്ച സിഗ്നൽ ശേഷിക്കായി നെറ്റ്‌വർക്ക് എൻഹാൻസ്‌മെന്റ് ചിപ്പും ഉണ്ട്. മാറ്റ് ബ്ലാക്ക് ഫിനിഷുള്ള ഡാർക്ക് നൈറ്റ്, പിന്നിൽ പാറ്റേണുകളുള്ള വെള്ള നിറത്തിലുള്ള ട്രയംഫ് സിൽവർ കളർ ഓപ്ഷനുകളിൽ ഇത് വാങ്ങാനാകും.

English Summary

The iQoo 15R 5G is now available for purchase with a discount of Rs 4000 during the iQoo Flagship Days Sale. By taking advantage of this discount, you can get the iQoo 15R base model at a starting price of Rs 42,999. This is a great opportunity to get this high-performance smartphone without the burden of smartphone price hikes. The Flagship Days discount is available on the iQoo website and Amazon.

ഇൻഫിനിക്സ് സ്മാർട്ട്ഫോൺ ആരാധകർക്ക് ഒരു സന്തോഷ വാർത്ത, ബോക്സിൽ എക്സ്ക്ലൂസീവ് മാഗ്പവർ സ്പീക്കറുമായി (MagPower Speaker) ഇൻഫിനിക്സ് നോട്ട് എഡ്ജ് JBL എഡിഷൻ (Infinix Note Edge JBL Edition) ഇന്ത്യയിൽ ലോഞ്ച് ചെയ്തു. ജെബിഎല്ലിന്റെ ഓഡിയോ ട്യൂണിംഗ് ഉൾക്കൊള്ളുന്ന ലിമിറ്റഡ് എഡിഷൻ എന്ന നിലയിൽ ഈ സ്മാർട്ട്‌ഫോണിന്റെ 5,000 യൂണിറ്റുകൾ മാത്രമേ വാങ്ങാൻ ലഭ്യമാകൂ. ഈ വർഷം ഫെബ്രുവരിയിൽ ഇൻഫിനിക്സ് നോട്ട് എഡ്ജ് ഇന്ത്യയിൽ ലോഞ്ച് ചെയ്തിരുന്നു, ആ എഡ്ജ് മോഡലിന്റെ അ‌തേ ഫീച്ചറുകൾ തന്നെയാണ് പുതിയ എഡ്ജ് JBL എഡിഷനിലും ഉള്ളത്, പുതിയതായി ജെബിഎൽ ഫീച്ചറുകൾ കൂട്ടിച്ചേർത്തിരിക്കുന്നു എന്നതാണ് വ്യത്യാസം.

ഇൻഫിനിക്സ് നോട്ട് എഡ്ജ് ജെബിഎൽ എഡിഷൻ 8GB റാമും 256GB സ്റ്റോറേജുമുള്ള സിംഗിൾ വേരിയന്റിൽ ആണ് എത്തിയിരിക്കുന്നത്. 26999 രൂപ വിലയിലാണ് ഔദ്യോഗിക വെബ്​സൈറ്റിൽ ഇത് ലിസ്റ്റ് ചെയ്തിരിക്കുന്നത്. എന്നാൽ 2000 രൂപ ബാങ്ക് ഡിസ്കൗണ്ട് ലഭ്യമാണ്. ഇത് പ്രയോജനപ്പെടുത്തിയാൽ വില 24999 രൂപയായി കുറയ്ക്കാം. 3,999 രൂപ വിലയുള്ള ഒരു മാഗ്പവർ സ്പീക്കർ ഈ സ്പെഷൽ എഡിഷനിൽ ബണ്ടിൽ ചെയ്യുന്നു.

ALSO READ: ഇപ്പോൾ വാങ്ങിയാൽ പിന്നീട് ദുഃഖിക്കേണ്ട! 7000mAh ബാറ്ററിയുള്ള മോട്ടറോള 5G ഫോണിന് ഡിസ്കൗണ്ട്

സോളാർ ഓറഞ്ച് കളർ ഓപ്ഷനിൽ ആണ് ഇൻഫിനിക്സ് നോട്ട് എഡ്ജ് JBL എഡിഷൻ വാങ്ങാൻ ലഭ്യമായിട്ടുള്ളത്. കമ്പനിയുടെ ഔദ്യോഗിക വെബ്​സൈറ്റിന് പുറമേ ഫ്ലിപ്പ്കാർട്ടിലും ഈ ഫോൺ വിൽപ്പനയ്ക്ക് എത്തിയിട്ടുണ്ട്. ബണ്ടിൽ ചെയ്‌ത JBL സ്പീക്കറും ഓഡിയോ എന്റർടെയ്മെന്റിനുള്ള പ്രാധാന്യവും പുതിയ എഡിഷനെ വിപണിയിൽ കൂടുതൽ ശ്രദ്ധേയമാക്കുന്നു.

പ്രധാന ഫീച്ചറുകൾ

2.4GHz ഒക്ട കോർ മീഡിയടെക് ഡൈമെൻസിറ്റി 7100 6nm പ്രൊസസർ ആണ് ഈ ഫോണിന്റെ കരുത്ത്. ആൻഡ്രോയിഡ് 16 അടിസ്ഥാനമാക്കിയുള്ള XOS 16-ലാണ് പ്രവർത്തനം. 3 പ്രധാന ആൻഡ്രോയിഡ് അപ്‌ഡേറ്റുകളും (XOS 19 വരെ) 5 വർഷത്തെ സുരക്ഷാ പാച്ചുകളും കമ്പനി ഈ മോഡലിന് വാഗ്ദാനം ചെയ്യുന്നുണ്ട്.

6.78-ഇഞ്ച് (2644 × 1208 പിക്സലുകൾ) 1.5K 3D കർവ്ഡ് AMOLED സ്ക്രീൻ, 120Hz റിഫ്രഷ് റേറ്റ്, 4500 nits വരെ പീക്ക് ബ്രൈറ്റ്നസ്, 2160Hz PWM ഡിമ്മിംഗ്, കോർണിംഗ് ഗൊറില്ല ഗ്ലാസ് 7i പ്രൊട്ടക്ഷൻ, മാലി-G610 GPU, 6GB / 8GB LPDDR5X റാം, 128GB / 256GB UFS 2.2 സ്റ്റോറേജ് എന്നിവ ഇതിലുണ്ട്.

50MP മെയിൻ ക്യാമറ

50MP മെയിൻ ക്യാമറ (f/1.8 അപ്പേർച്ചർ), LED ഫ്ലാഷ്, 2K 30fps വീഡിയോ റെക്കോർഡിങ് എന്നിവയടങ്ങുന്ന റിയർ ക്യാമറ സജ്ജീകരണവും 13MP ഫ്രണ്ട്-ഫേസിംഗ് ക്യാമറയും (f/2.2 അപ്പേർച്ചർ, 2K 30fps വീഡിയോ റെക്കോർഡിങ്) എന്നിവയും ഇതിലുണ്ട്. സുരക്ഷയ്ക്കായി ഇൻ-ഡിസ്പ്ലേ ഫിംഗർപ്രിന്റ് സെൻസർ, IP65 റേറ്റിങ് ഈട് എന്നിവയും ഈ ഇൻഫിനിക്സ് സ്മാർട്ട്ഫോൺ വാഗ്ദാനം ചെയ്യുന്നു.

ഡ്യുവൽ സിം (നാനോ + നാനോ), 5G SA/NSA, ഡ്യുവൽ 4G VoLTE, Wi-Fi 802.11 ac (2.4GHz + 5GHz), ബ്ലൂടൂത്ത് 5.4, GPS/ GLONASS/ Beidou, USB Type-C, NFC എന്നീ ഫീച്ചറുകളും ഇൻഫിനിക്സ് നോട്ട് എഡ്ജ് 5ജിയിലുണ്ട്. 45W ഫാസ്റ്റ് ചാർജിങ് പിന്തുണയോടെ 6500mAh ബാറ്ററിയും 10W റിവേഴ്സ് ചാർജിങ് പിന്തുണയും ഇതിലുണ്ട്.

2,000 ചാർജ് സൈക്കിളുകൾക്ക് ശേഷവും ഇതിലെ ബാറ്ററിക്ക് അതിന്റെ ശേഷിയുടെ 80% ത്തിലധികം നിലനിർത്താൻ കഴിയുമെന്നും ഇത് ഏകദേശം ആറ് വർഷത്തെ സാധാരണ ഉപയോഗത്തിന് തുല്യമാണെന്നും കമ്പനി വ്യക്തമാക്കുന്നുണ്ട്. ഡൈനാമിക് റീക്രിസ്റ്റലൈസേഷൻ ഉപയോഗിക്കുന്ന ഒരു "സെൽഫ് റിപ്പയറിങ്" സിസ്റ്റം വഴിയാണ് ബാറ്ററിയുടെ ആരോഗ്യം നിലനിർത്തുന്നത്.

English Summary

Infinix Note Edge JBL Edition has been launched in India with an exclusive MagPower speaker in the box. This special edition comes bundled with a MagPower speaker priced at Rs 3,999. Apart from the company's official website, the phone is also available for sale on Flipkart.

മോട്ടറോള കഴിഞ്ഞ മാസം തങ്ങളുടെ G സീരീസിൽ രണ്ട് 5G ഫോണുകൾ ഇന്ത്യയിൽ ലോഞ്ച് ചെയ്യുകയുണ്ടായി. മോട്ടോ ജി37 5G (moto g37 5G), മോട്ടോ ജി37 പവർ 5G (moto g37 Power 5G) എന്നിവയായിരുന്നു അ‌വ. ഇതിൽ ഏറ്റവും വില കുറഞ്ഞ മോഡൽ ജി37 5ജിയാണ്. എന്നാൽ വില കുറയുന്നതിനനുസരിച്ച് ഫീച്ചറുകളിലും ചെറിയ മാറ്റങ്ങൾ ഉണ്ട്. പ്രധാനമായും ബാറ്ററി ശേഷിയുടെ കാര്യത്തിലാണ് ഈ രണ്ട് മോഡലുകളും വ്യത്യാസപ്പെടുന്നത്. മികച്ച ബാറ്ററി ശേഷിയുള്ള ഒരു 5ജി സ്മാർട്ട്ഫോൺ തേടുന്നവരെ സംബന്ധിച്ചിടത്തോളം മോട്ടോ ജി37 പവർ 5G (moto g37 Power 5G) ആണ് അ‌നുയോജ്യമായ ഓപ്ഷൻ.

ഇന്ത്യയിൽ ലോഞ്ച് ചെയ്യുന്ന സമയത്ത് മോട്ടോ g37 പവറിന്റെ 4GB + 128GB മോഡലിന് 15,999 രൂപയും 8GB + 128GB മോഡലിന് 18,999 രൂപയുമായിരുന്നു വില. എന്നാൽ പിന്നീട് ഈ വിലയിൽ വൻ വർധന ഉണ്ടായി. നിലവിൽ മോട്ടറോളയുടെ ഇന്ത്യയിലെ ഔദ്യോഗിക വെബ്​സൈറ്റിൽ യഥാക്രമം 21999 രൂപ, 27999 രൂപ എന്നീ വിലകളിലാണ് ഇത് ലിസ്റ്റ് ചെയ്തിരിക്കുന്നത്.

ഫ്ലിപ്പ്കാർട്ട് വഴിയും

മോട്ടറോളയുടെ ഔദ്യോഗിക വെബ്​സൈറ്റിന് പുറമേ ഫ്ലിപ്പ്കാർട്ട് വഴിയും മോട്ടോ ജി37 പവർ 5ജി വാങ്ങാൻ ലഭ്യമായിരുന്നു. എന്നാൽ ഔ​ദ്യോഗിക ​സൈറ്റിൽ കാണുന്നത്ര വില വർധന ഫ്ലിപ്പ്കാർട്ടിൽ ഇല്ല. യഥാക്രമം 18999 രൂപ, 24999 രൂപ എന്നീ വിലകളിലാണ് ഫ്ലിപ്പ്കാർട്ടിൽ ഇതിന്റെ വേരിയന്റുകൾ ലിസ്റ്റ് ചെയ്തിരിക്കുന്നത്. ഇത് ലോഞ്ച് വിലയെക്കാൾ കൂടുതലാണെങ്കിലും ഔദ്യോഗിക വെബ്​സൈറ്റിലെയത്ര വിലയില്ല എന്നത് ആശ്വാസകരമാണ്.

വരുംദിവസങ്ങളിൽ ഔദ്യോഗിക വെബ്​സൈറ്റിലേതിന് സമാനമായ നിലയിലേക്ക് ഫ്ലിപ്പ്കാർട്ടിലും മോട്ടറോള ജി37 പവർ 5ജിയുടെ വില വർധിച്ചേക്കാം. അ‌തിനാൽ താൽപര്യമുള്ളവർക്ക് ഇത് ഇപ്പോൾ ഫ്ലിപ്പ്കാർട്ടിൽ നിന്ന് വാങ്ങുന്നത് പരിഗണിക്കാം. അ‌ല്ലെങ്കിൽ പിന്നീട് ഉയർന്ന വില നൽകി വാങ്ങുമ്പോൾ ദുഃഖിക്കേണ്ടിവരും. മാത്രമല്ല, ഫ്ലിപ്പ്കാർട്ടിൽ ഇപ്പോൾ ഇതിന് 950 രൂപയുടെ ബാങ്ക് ഡിസ്കൗണ്ടും ലഭ്യമാണ്, ഇത് പ്രയോജനപ്പെടുത്തിയാൽ വില കുറച്ചുകൂടി കുറയ്ക്കാം.

ALSO READ : നന്ദി വൺപ്ലസേ… നന്ദി! പുത്തൻ നോർഡ് 6, നോർഡ് CE6, നോർഡ് CE6 ​ലൈറ്റ് 5G ഫോണുകൾക്ക് ഡിസ്കൗണ്ട്

പ്രധാന ഫീച്ചറുകൾ

6.7-ഇഞ്ച് (1604 x 720 പിക്സലുകൾ) HD+ LCD സ്ക്രീൻ, 120Hz റിഫ്രഷ് റേറ്റ്, 1050 nits വരെ HBM ബ്രൈറ്റ്നസ്, കോർണിംഗ് ഗൊറില്ല ഗ്ലാസ് 7i പ്രൊട്ടക്ഷൻ എന്നിവ ഇതിലുണ്ട്. ഒക്ട കോർ മീഡിയടെക് ഡൈമെൻസിറ്റി 6400 6nm പ്രോസസർ ആണ് ഈ ഫോണിന്റെ കരുത്ത്.

ആം മാലി-G57 MC2 GPU, 4GB / 8GB LPDDR4X റാം, 64GB / 128GB UFS 2.2 സ്റ്റോറേജ്, മൈക്രോ എസ്ഡി ഉപയോഗിച്ച് 1TB വരെ സ്റ്റോറേജ് വർധിപ്പിക്കാനുള്ള സൗകര്യം എന്നിവയും ഇതിലുണ്ട്. ആൻഡ്രോയിഡ് 16 അ‌ടിസ്ഥാനമാക്കിയാണ് പ്രവർത്തനം. 1 OS അ‌പ്ഡേറ്റും 3 വർഷത്തെ സുരക്ഷാ അ‌പ്ഡേറ്റുകളും ലഭ്യമാകും.

50MP മെയിൻ ക്യാമറ (f/1.8 അപ്പേർച്ചർ, LED ഫ്ലാഷ്, 2-ഇൻ-1 ലൈറ്റ് സെൻസർ, 2K വരെ 30fps വീഡിയോ റെക്കോർഡിംഗ്), 8MP ഫ്രണ്ട് ക്യാമറ (f/2.0 അപ്പേർച്ചർ, 2K 30fps വരെ വീഡിയോ റെക്കോർഡിംഗ്) എന്നിവ ഇതിലെ ക്യാമറ സജ്ജീകരണത്തിൽ അ‌ടങ്ങുന്നു. IP64 റേറ്റിങ്, MIL-STD 810H സർട്ടിഫിക്കേഷൻ എന്നിവയും ഇതിലുണ്ട്.

സൈഡ്-മൗണ്ടഡ് ഫിംഗർപ്രിന്റ് സെൻസർ, 3.5mm ഓഡിയോ ജാക്ക്, സ്റ്റീരിയോ സ്പീക്കറുകൾ, ഡോൾബി അറ്റ്മോസ്, ഡ്യുവൽ മൈക്രോഫോണുകൾ, ഹൈബ്രിഡ് ഡ്യുവൽ സിം (നാനോ + നാനോ / മൈക്രോ എസ്ഡി), 5G SA/NSA, ഡ്യുവൽ 4G VoLTE, 30W ടർബോചാർജിങ്ങുള്ള 7000mAh ബാറ്ററി, 6W റിവേഴ്സ് ചാർജിംഗ് എന്നിവയാണ് മറ്റ് പ്രധാന ഫീച്ചറുകൾ.

English Summary

The Moto G37 Power 5G is now available for purchase on Flipkart with bank discounts. It is currently listed on Motorola's official website in India at prices of Rs 21,999 and Rs 27,999 respectively. However, it is listed at a lower price on Flipkart. There is also a bank discount available.

ഓപ്പോ കഴിഞ്ഞ മാസം (മേയ്) ഇന്ത്യയിൽ ലോഞ്ച് ചെയ്ത പ്രീമിയം സ്മാർട്ട്ഫോണായ ഓപ്പോ ​ഫൈൻഡ് X9s (OPPO Find X9s) ഇപ്പോൾ 8000 രൂപ ഡിസ്കൗണ്ടിൽ വാങ്ങാം. ഓപ്പോ ​ഫൈൻഡ് X9 സീരീസിന്റെ ഭാഗമായി ഫൈൻഡ് X9 അൾട്ര മോഡലിനൊപ്പമാണ് ഫൈൻഡ് X9s ഇന്ത്യയിലെത്തിയത്. ഈ രണ്ട് പ്രീമിയം ഓപ്പോ ഫോണുകളിൽ ഏറ്റവും കുറഞ്ഞ വിലയിൽ വാങ്ങാനാകുന്ന ഓപ്ഷൻ ഫൈൻഡ് X9s ആണ്. ശക്തമായ ക്യാമറ സജ്ജീകരണങ്ങളും മികച്ച പെർഫോമൻസിനായി ഒക്ട-കോർ ​​ഡൈമെൻസിറ്റി 9500s കരുത്തും ദീർഘനേര ഉപയോഗം ഉറപ്പിക്കാൻ 7025mAh ബാറ്ററി ഉൾപ്പെടെ ശക്തമായ ഫീച്ചറുകൾ ഈ പ്രീമിയം ഫോണിലുണ്ട്.

യഥാർഥ വില

ഇന്ത്യയിൽ ലോഞ്ച്​ ചെയ്യുമ്പോൾ ഓപ്പോ ഫൈൻഡ് X9s 5ജിയുടെ 12GB + 256GB വേരിയന്റിന് 79,999 രൂപയും 12GB + 512GB വേരിയന്റിന് 89,999 രൂപയുമായിരുന്നു വില. ഇപ്പോഴും ഇതേ വിലയിൽ തന്നെയാണ് ഓപ്പോ വെബ്​സൈറ്റ്, ഫ്ലിപ്പ്കാർട്ട്, ആമസോൺ എന്നിവിടങ്ങളിൽ ഇത് ലിസ്റ്റ് ചെയ്തിരിക്കുന്നത്. ഇതിൽ ഫ്ലിപ്പ്കാർട്ടിൽ നിലവിൽ 4000 രൂപയുടെ ബാങ്ക് ഡിസ്കൗണ്ട് ആണ് ഉള്ളത്, അ‌തിനാൽ 75999 രൂപ വിലയിലാണ് ഫ്ലിപ്പ്കാർട്ടിൽ നിന്ന് ഇത് വാങ്ങാനാകുക.

ALSO READ : നന്ദി വൺപ്ലസേ… നന്ദി! പുത്തൻ നോർഡ് 6, നോർഡ് CE6, നോർഡ് CE6 ​ലൈറ്റ് 5G ഫോണുകൾക്ക് ഡിസ്കൗണ്ട്

ബെസ്റ്റ് ഡിസ്കൗണ്ട്

ഓപ്പോയുടെ ഔദ്യോഗിക വെബ്​സൈറ്റിൽ 7999 രൂപ ബാങ്ക് ഡിസ്കൗണ്ട് ഫൈൻഡ് X9s 5ജിക്ക് ലഭ്യമാണ്. അ‌തിനാൽ 72,000 രൂപ വിലയിൽ അ‌ടിസ്ഥാന മോഡൽ സ്വന്തമാക്കാം, ടോപ് വേരിയന്റിന് 8999 രൂപ ബാങ്ക് ഡിസ്കൗണ്ട് ലഭ്യമാണ്. ആമസോണിൽ ഫൈൻഡ് X9s 5ജി വേരിയന്റുകൾക്ക് യഥാക്രമം 8000 രൂപ, 9000 രൂപ ബാങ്ക് ഡിസ്കൗണ്ടുകൾ ലഭ്യമാണ്. അ‌തിനാൽ അ‌ടിസ്ഥാന മോഡൽ 71999 രൂപ വിലയിൽ വാങ്ങാനാകും.

പുത്തൻ ഫൈൻഡ് X9s വാങ്ങാൻ ആലോചിക്കുന്നവരെ സംബന്ധിച്ചിടത്തോളം ഓപ്പോയുടെ ഔദ്യോഗിക വെബ്​സൈറ്റ്, അ‌​ല്ലെങ്കിൽ ആമസോണിൽ ലഭ്യമായിട്ടുള്ള ബാങ്ക് ഡിസ്കൗണ്ടുകൾ പ്രയോജനപ്പെടുത്തിയാൽ യഥാർഥ വിലയിലും കുറഞ്ഞ വിലയിൽ ഈ പ്രീമിയം ഫോൺ സ്വന്തമാക്കാനാകും. മിഡ്‌നൈറ്റ് ഗ്രേ, ലാവെൻഡർ സ്കൈ, സൺസെറ്റ് ഓറഞ്ച് എന്നീ കളർ ഓപ്ഷനുകളിലാണ് ഇത് ലഭ്യമായിട്ടുള്ളത്.

പ്രധാന ഫീച്ചറുകൾ

6.59-ഇഞ്ച് (2760 × 1256 പിക്‌സലുകൾ) 120Hz AMOLED സ്ക്രീൻ, 3840Hz അൾട്രാ-ഹൈ-ഫ്രീക്വൻസി PWM ഡിമ്മിംഗ്, 3600 nits വരെ പീക്ക് ബ്രൈറ്റ്‌നസ്, ഡോൾബി വിഷൻ, കോർണിംഗ് ഗൊറില്ല ഗ്ലാസ് 7i പ്രൊട്ടക്ഷൻ എന്നിവയാണ് ഡിസ്പ്ലേയുമായി ബന്ധപ്പെട്ട ഫൈൻഡ് X9s 5ജിയുടെ പ്രധാന ഫീച്ചറുകൾ.

ഒക്ട-കോർ ​​ഡൈമെൻസിറ്റി 9500s 3nm ചിപ്സെറ്റാണ് ഈ ഓപ്പോ ഫോണിന്റെ കരുത്ത്. ഇമ്മോർട്ടാലിസ് G925 MC12 GPU, 12GB LPDDR5X റാം, 256GB / 512GB UFS 4.1 സ്റ്റോറേജ് എന്നിവയും ഇതിലുണ്ട്. ആൻഡ്രോയിഡ് 16 അ‌ടിസ്ഥാനമാക്കിയുള്ള കളർOS 16-ൽ ആണ് പ്രവർത്തനം.

50MP ട്രിപ്പിൾ റിയർ ക്യാമറ സജ്ജീകരണം ഇതിലുണ്ട്. അ‌തിൽ 1/1.56″ സെൻസറുള്ള 50MP മെയിൻ ക്യാമറ (f/1.8 അപ്പേർച്ചർ, OIS), 50MP അൾട്രാ-വൈഡ് ക്യാമറ ( f/2.0 അപ്പേർച്ചർ), 50MP 3x പെരിസ്കോപ്പ് ടെലിഫോട്ടോ ക്യാമറ (ƒ/2.6 അപ്പേർച്ചർ, OIS, ഹാസൽബ്ലാഡ് പോർട്രെയ്റ്റ്) എന്നിവ അ‌ടങ്ങുന്നു. സെൽഫിക്കും മറ്റുമായി f/2.4 അപ്പേർച്ചറുള്ള 32MP ഫ്രണ്ട് ക്യാമറയാണ് നൽകിയിരിക്കുന്നത്.

ഇൻ-ഡിസ്പ്ലേ 3D അൾട്രാസോണിക് ഫിംഗർപ്രിന്റ് സെൻസർ, ഇൻഫ്രാറെഡ് സെൻസർ, IP66 + IP68 + IP69 റേറ്റിങ്, USB ടൈപ്പ്-സി ഓഡിയോ, സ്റ്റീരിയോ സ്പീക്കറുകൾ, ഡ്യുവൽ സിം (നാനോ + നാനോ), 5G SA/NSA, Wi-Fi 7 (802.11be), 80W SuperVOOC ഫാസ്റ്റ് ചാർജിങ് സഹിതം 7025mAh ബാറ്ററി എന്നിവയാണ് മറ്റ് പ്രധാന ഫീച്ചറുകൾ. 156.98×73.93×7.99mm വലിപ്പവും 202 ഗ്രാം ഭാരവും ഈ ഫോണിനുണ്ട്.

English Summary

The Oppo Find X9s 5G, which was launched in India last month, is now available for purchase with a discount of Rs 8,000 using select bank cards. The original price of the Oppo Find X9s 5G is Rs 79,999 for the 12GB + 256GB variant and Rs 89,999 for the 12GB + 512GB variant. It is listed at the same price on the Oppo website, Amazon, and Flipkart.

ആപ്പിളിന്റെ ഐഫോൺ പോലെ തന്നെ സ്മാർട്ട്ഫോൺ വിപണിയിൽ താരമൂല്യമുള്ളവയാണ് സാംസങ്ങിന്റെ ഗാലക്സി എസ് സീരീസ് അ‌ൾട്ര മോഡലുകൾ. പല ആൻഡ്രോയിഡ് ആരാധകരെയുടെയും പ്രധാനമോഹം ഏറ്റവും പുതിയ ഗാലക്സി എസ് സീരീസ് അ‌ൾട്ര മോഡൽ സ്വന്തമാക്കുക എന്നതായിരിക്കും. എന്നാൽ ഐഫോണുകളുടെ കാര്യത്തിലെന്നപോലെ എസ് സീരീസ് അ‌ൾട്ര മോഡലുകൾ സ്വന്തമാക്കുന്നതിലും ആളുകൾക്ക് പലപ്പോഴും വെല്ലുവിളിയാകുന്നത് അ‌തിന്റെ വിലയാണ്. പ്രീമിയം മോഡൽ എന്ന നിലയിൽ ഒരുലക്ഷത്തി ഇരുപത്തയ്യായിരത്തിനും മുകളിലാണ് എസ് സീരീസ് അ‌ൾട്ര മോഡലുകളുടെ വില വരിക. എന്നാൽ കഴിഞ്ഞ വർഷത്തെ എസ് സീരീസിൽപ്പെടുന്ന സാംസങ് ഗാലക്സി എസ്25 അ‌ൾട്ര (Samsung Galaxy S25 Ultra 5G) ഇപ്പോൾ ഒരുലക്ഷത്തിലും താഴെ വിലയിൽ ഇന്ത്യയിൽ വാങ്ങാൻ ലഭ്യമായിരിക്കുന്നു.

ആമസോൺ മെഗാ ഡീൽസ് സെയിൽ

ആമസോൺ ഇന്ത്യ ഇപ്പോൾ ഒരു മെഗാ ഡീൽസ് ഡേയ്‌സ് സെയിൽ സംഘടിപ്പിച്ചിട്ടുണ്ട്. ഏറ്റവും കൂടുതൽ വിറ്റഴിക്കപ്പെടുന്ന ഇലക്ട്രോണിക് ഗാഡ്‌ജെറ്റുകൾക്ക് 70% വരെ കിഴിവ് വാഗ്ദാനം ചെയ്യുന്ന ഈ വിൽപ്പന 2026 ജൂൺ 9 വരെയാണ് നിശ്ചയിച്ചിരിക്കുന്നത്. ഈ സെയിലിന്റെ ഭാഗമായി ഗാലക്സി എസ്25 അ‌ൾട്ര ഇപ്പോൾ ലഭ്യമായതിൽ വച്ച് ഏറ്റവും കുറഞ്ഞ വിലയിൽ വാങ്ങാൻ അ‌വസരമുണ്ട്.

ALSO READ : ലെയ്‌ക ക്യാമറ വിട്ടൊരു കളിയില്ല! ആരാധകർക്ക് ആവേശമായി ഷവോമി 17T ഇന്ത്യയിൽ ലോഞ്ച് ചെയ്തു

കഴിഞ്ഞ വർഷം ജനുവരിയിൽ ഇന്ത്യയിൽ ലോഞ്ച് ചെയ്യുമ്പോൾ സാംസങ് ഗാലക്സി എസ്25 അ‌ൾട്രയുടെ 12GB + 256GB അ‌ടിസ്ഥാന വേരിയന്റിന് 1,29,999 രൂപയും 12GB + 512GB വേരിയന്റിന് 1,41,999 രൂപയും 12GB + 1TB ടോപ് വേരിയന്റിന് 1,65,999 രൂപയും ആയിരുന്നു വില. എന്നാൽ ഈ വർഷം പുതിയ എസ്26 സീരീസ് എത്തിയതോടെ മുൻഗാമിയായ എസ്25 അ‌ൾട്രയുടെ വില കുറഞ്ഞിട്ടുണ്ട്.

നിലവിൽ സാംസങ്ങിന്റെ ഔദ്യോഗിക വെബ്​സൈറ്റിൽ എസ്25 അ‌ൾട്രയുടെ അ‌ടിസ്ഥാന മോഡൽ 10000 രൂപ ഡയറക്ട് ഡിസ്കൗണ്ടിന് ശേഷം 119999 രൂപ വിലയിലാണ് ലിസ്റ്റ് ചെയ്തിരിക്കുന്നത്. എന്നാൽ സാംസങ് വെബ്​സൈറ്റിലെക്കാൾ വിലക്കുറവിൽ ഫ്ലിപ്പ്കാർട്ടിൽ എസ്25 അ‌ൾട്ര ലിസ്റ്റ് ചെയ്തിട്ടുണ്ട്, അ‌തായത് അ‌ടിസ്ഥാന മോഡൽ 94,397 രൂപ വിലയിൽ ലിസ്റ്റ് ചെയ്തിരിക്കുന്നു. കൂടാതെ ബാങ്ക് ഡിസ്കൗണ്ടുകളും ലഭ്യമാണ്.

ഈ രണ്ട് പ്ലാറ്റ്ഫോമുകളിലും ലിസ്റ്റ് ചെയ്തിരിക്കുന്നതിനെക്കാൾ കുറഞ്ഞ വിലയിൽ ആമസോണിൽ എസ്25 അ‌ൾട്ര ലിസ്റ്റ് ചെയ്തിരിക്കുന്നു എന്നതാണ് കൂടുതൽ ശ്രദ്ധേയം. ഡയറക്ട് ഡിസ്കൗണ്ടിന് ശേഷം 92,490 രൂപ വിലയിലാണ് ആമസോൺ എസ്25 അ‌ൾട്ര വിൽക്കുന്നത്. 2774 രൂപയുടെ ക്യാഷ്ബാക്ക് ഓഫർ കൂടി പ്രയോജനപ്പെടുത്തിയാൽ വില 90000 രൂപയിൽ താഴെയാകും. അ‌തിനാൽ എസ്25 അ‌ൾട്ര സ്വന്തമാക്കാൻ ആഗ്രഹിക്കുന്നവർക്ക് ഈ ഡീൽ പരിഗണിക്കാവുന്നതാണ്.

കഴിഞ്ഞ വർഷം പുറത്തിറങ്ങിയ മോഡൽ ആണെങ്കിലും പ്രീമിയം ഫോൺ എന്ന നിലയിൽ നിലവിലെ പുത്തൻ ഫോണുകളോട് കിടപിടിക്കുന്ന ശക്തൻ ഫീച്ചറുകൾ എസ്25 അ‌ൾട്രയിലുണ്ട്. എന്നാൽ ഫോണിനൊപ്പം ചാർജർ ഉണ്ടാകില്ല എന്നത് പ്രത്യേകം ശ്രദ്ധിക്കുക. പുതിയ എസ്26 അ‌ൾട്ര സ്വന്തമാക്കണമെങ്കിൽ സാംസങ് വെബ്​സൈറ്റിലെ വിലവച്ച് നോക്കിയാൽ കുറഞ്ഞത് ഒരുലക്ഷത്തി മുപ്പതിനായിരം രൂപയോളം വേണ്ടിവരും.

ഒരുലക്ഷത്തിൽ താഴെ വിലയിൽ പ്രീമിയം സ്മാർട്ട്ഫോൺ സ്വന്തമാക്കാൻ ആഗ്രഹിക്കുന്നവർക്ക് എസ്25 അ‌ൾട്രയുടെ ആമസോൺ അ‌ല്ലെങ്കിൽ ഫ്ലിപ്പ്കാർട്ട് ഡീലുകൾ പരിഗണിക്കാവുന്നതാണ്. 4.47GHz ഒക്ടാ കോർ ക്വാൽക്കോം സ്നാപ്ഡ്രാഗൺ 8 എ​ലൈറ്റ് ഫോർ ഗാലക്സി ചിപ്സെറ്റ്, 6.9-ഇഞ്ച് QHD+, ഡൈനാമിക് AMOLED 2X ഡിസ്‌പ്ലേ, 200MP ​വൈഡ് ക്യാമറ+ 50MP അ‌ൾട്രാ ​വൈഡ്+ 50MP ടെലിഫോട്ടോ+ 10MP ടെലിഫോട്ടോ എന്നിവ അ‌ടങ്ങുന്ന ക്വാഡ് റിയർ ക്യാമറ തുടങ്ങി ശക്തമായ ഫീച്ചറുകൾ ഇതിലുണ്ട്.

English Summary

The base model of the Samsung Galaxy S25 Ultra is now listed at a lower price on Amazon. When it was launched in India in January last year, the Samsung Galaxy S25 Ultra was priced at Rs 1,29,999 for the 12GB + 256GB base variant, Rs 1,41,999 for the 12GB + 512GB variant, and Rs 1,65,999 for the top-end 12GB + 1TB variant. However, the base model can now be purchased for under Rs 90,000 on Amazon.

പെർഫോമൻസിന് പ്രാധാന്യം നൽകിക്കൊണ്ട് റെഡ്മി തങ്ങളുടെ ടർബോ സീരീസിലെ ആദ്യ സ്മാർട്ട്ഫോൺ ഇന്ത്യയിൽ ലോഞ്ച് ചെയ്യാൻ തയാറെടുത്തിരിക്കുന്നു. ഇതുവരെയുള്ളതിൽ വച്ച് ഏറ്റവും വേഗതയേറിയ റെഡ്മി സ്മാർട്ട്‌ഫോൺ എന്ന പ്രത്യേകതയുമായി റെഡ്മി ടർബോ 5 (Redmi Turbo 5) എന്ന മോഡൽ ആണ് വരുന്നത്. ജൂൺ 16 ന് ഇത് ഇന്ത്യയിൽ ലോഞ്ച് ചെയ്യുമെന്ന് കഴിഞ്ഞ ദിവസം കമ്പനി ഔദ്യോഗികമായി സ്ഥിരീകരിച്ചു. മീഡിയടെക്കിന്റെ ഡൈമെൻസിറ്റി 8500 അൾട്രാ ചിപ്‌സെറ്റ് കരുത്തിലാണ് ഈ ഫോൺ എത്തുകയെന്നും കമ്പനി വെളിപ്പെടുത്തിയിട്ടുണ്ട്. മറ്റ് ഫീച്ചറുകൾ വരുംദിവസങ്ങളിൽ പുറത്തുവിടും എന്ന് പ്രതീക്ഷിക്കുന്നു.

പ്രീമിയം മോഡലുകളുടെയത്ര ഉയർന്ന വിലയില്ലാത്തതും എന്നാൽ പ്രീമിയം ലെവൽ പെർഫോമൻസ് ലഭ്യമാകുന്നതുമായ സ്മാർട്ട്ഫോണുകൾ തേടുന്ന മൊബൈൽ ഗെയിമർമാർ, മറ്റ് ഉപയോക്താക്കൾ എന്നിവരെ ലക്ഷ്യമിട്ടാണ് റെഡ്മി ടർബോ 5 എത്തുന്നത്. ഐക്യൂ15R, വൺപ്ലസ് 15R പോലുള്ള മോഡലുകൾക്ക് ഒരു വെല്ലുവിളിയാകാൻ ടർബോ 5ന് കഴിഞ്ഞേക്കും എന്നാണ് പ്രതീക്ഷിക്കുന്നത്.

ജൂൺ 16ലെ ലോഞ്ചിന് ശേഷം ആമസോൺ വഴിയും ഈ ഫോൺ വാങ്ങാൻ ലഭ്യമാകുമെന്ന് ആമസോണിലെ റെഡ്മി ടർബോ 5 പേജ് സ്ഥിരീകരിക്കുന്നു. ​​വൈറ്റ് കളർ ഓപ്ഷനിലുള്ള ടർബോ 5 ന്റെ ചിത്രങ്ങൾ കമ്പനി ഇതിനകം പുറത്തുവിട്ടിട്ടുണ്ട്. ഇതിന് പുറമേ ഗ്രീൻ, ബ്ലാക്ക് നിറങ്ങളിലും ഇത് ലഭ്യമാകുമെന്നാണ് വിവരം.

ALSO READ : നന്ദി വൺപ്ലസേ… നന്ദി! പുത്തൻ നോർഡ് 6, നോർഡ് CE6, നോർഡ് CE6 ​ലൈറ്റ് 5G ഫോണുകൾക്ക് ഡിസ്കൗണ്ട്

പ്രതീക്ഷിക്കുന്ന ഫീച്ചറുകൾ

ഇന്ത്യയിൽ ലോഞ്ച് ചെയ്യാൻ പോകുന്ന റെഡ്മി ടർബോ 5 ന്റെ പ്രോസസർ ഒഴികെയുള്ള മറ്റ് ഫീച്ചറുകളൊന്നും കമ്പനി ഇതുവരെ വെളിപ്പെടുത്തിയിട്ടില്ല. മുൻ പതിവുകൾ കണക്കിലെടുത്താൽ, ഈ മോഡലിനെപ്പറ്റിയുള്ള ചർച്ചകൾ സജീവമാക്കിനിർത്താൻ വരും ദിവസങ്ങളിൽ ഡിസ്പ്ലേ, ക്യാമറ, ബാറ്ററി ഉൾപ്പെടെയുള്ള ഫീച്ചറുകളെക്കുറിച്ചുള്ള പ്രധാന വിവരങ്ങൾ ദിവസേന പുറത്തുവിടാനാണ് സാധ്യത.

ഇതിനകം തന്നെ ​ചൈനയിൽ ലോഞ്ച് ചെയ്ത മോഡലാണ് റെഡ്മി ടർബോ 5. ഇന്ത്യൻ മോഡലിൽ സ്ഥിരീകരിച്ചിരിക്കുന്ന അ‌തേ മീഡിയടെക് ഡൈമെൻസിറ്റി 8500 അൾട്രാ ചിപ്‌സെറ്റ് കരുത്തിലായിരുന്നു ​ചൈനീസ് മോഡലും എത്തിയത്. ​അ‌തിനാൽ പ്രോസസർ മാത്രമല്ല, മറ്റ് ഫീച്ചറുകളുടെ കാര്യത്തിലും ഇന്ത്യൻ വേരിയന്റ് ​ചൈനീസ് വേരിയന്റുമായി സാമ്യം പുലർത്തുമെന്ന് പ്രതീക്ഷിക്കുന്നു.

ചൈനീസ് വേരിയന്റിലെ ഫീച്ചറുകൾ പിന്തുടരും എന്ന സൂചനകൾ സത്യമാണെങ്കിൽ, 50MP മെയിൻ ക്യാമറ, 8MP അൾട്രാ-വൈഡ് ക്യാമറ എന്നിവ അ‌ടങ്ങുന്ന ഡ്യുവൽ റിയർ ക്യാമറ സജ്ജീകരണവും സെൽഫിക്കും മറ്റുമായി 20MP ഫ്രണ്ട് ക്യാമറയും റെഡ്മി ടർബോ 5 ​ഇന്ത്യൻ വേരിയന്റിൽ പ്രതീക്ഷിക്കാം. കൂടാതെ 120Hz റിഫ്രഷ് റേറ്റുള്ള 6.59-ഇഞ്ച് OLED ഡിസ്പ്ലേയായിരിക്കും ഇതിലുണ്ടാകുക.

റെഡ്മി ടർബോ 5ന്റെ ​ചൈനീസ് വേരിയന്റിലെ ബാറ്ററി ശേഷി ഏറെ ശ്രദ്ധിക്കപ്പെട്ടിരുന്നു. 100W ഫാസ്റ്റ് ചാർജിങ് സഹിതം 7560mAh ബാറ്ററിയാണ് അ‌തിലുണ്ടായിരുന്നത്. ഇന്ത്യയിൽ ലോഞ്ച് ചെയ്യാൻ പോകുന്ന ടർബോ 5 മോഡലിലും ഇതേ ബാറ്ററി ശേഷി പ്രതീക്ഷിക്കുന്നു. പൊടി, ജല പ്രതിരോധത്തിനായി IP66, IP68, IP69 റേറ്റിങ്ങും ഉണ്ടാകും.

കോർണിംഗ് ഗൊറില്ല ഗ്ലാസ് 7i പ്രൊട്ടക്ഷൻ, ഇൻ-ഡിസ്പ്ലേ ഒപ്റ്റിക്കൽ ഫിംഗർപ്രിന്റ് സെൻസർ, 5G, LPDDR5X റാം, UFS 4.1 സ്റ്റോറേജ് എന്നിവയും റെഡ്മി ടർബോ 5 ഇന്ത്യൻ വേരിയന്റിൽ പ്രതീക്ഷിക്കുന്നു. ഏകദേശം 50000 രൂപയിൽ താഴെ വിലയുള്ള സ്മാർട്ട്ഫോണുകളുടെ വിഭാഗത്തിലാകും ഈ ഫോൺ ഇന്ത്യയിൽ അ‌വതരിപ്പിക്കപ്പെടുക. കൂടുതൽ ഡീറ്റെയിൽസ് വരുംദിവസങ്ങളിലറിയാം.

English Summary

Xiaomi has officially confirmed that it will launch the Redmi Turbo 5 in India on June 16. This is Redmi's first Turbo series phone in India. The phone will be powered by MediaTek's Dimensity 8500 Ultra chipset. Xiaomi has introduced the Redmi Turbo 5 as the fastest Redmi smartphone yet.

വൺപ്ലസ് ആരാധകർക്ക് സന്തോഷം പകർന്നുകൊണ്ട്, ജനപ്രിയ സ്മാർട്ട്ഫോൺ മോഡലുകൾ വൻ വിലക്കുറവിൽ വാങ്ങാൻ അ‌വസരമൊരുക്കി വൺപ്ലസ് കമ്യൂണിറ്റി സെയിൽ (OnePlus Community Sale) ആരംഭിച്ചു. വൺപ്ലസിന്റെ പ്രീമിയം മോഡലുകൾക്ക് പുറമേ അ‌ടുത്തിടെ മാത്രം പുറത്തിറങ്ങിയ വൺപ്ലസ് നോർഡ് 6 സീരീസ് മോഡലുകൾക്കും ഈ ഓഫർ സെയിലിന്റെ ഭാഗമായി ഡിസ്കൗണ്ട് ലഭ്യമാക്കിയിരിക്കുന്നു എന്നതാണ് ഏറ്റവും ശ്രദ്ധേയം. ജൂൺ 4ന് ആരംഭിച്ച വൺപ്ലസ് കമ്യൂണിറ്റി സെയിൽ നിലവിൽ ജൂൺ 10 വരെയാണ് നിശ്ചയിച്ചിരിക്കുന്നത്. വൺപ്ലസിന്റെ ​ഔദ്യോഗിക വെബ്​സൈറ്റിന് പുറമേ ആമസോണിൽ നിന്നും കമ്യൂണിറ്റി സെയിൽ ഡിസ്കൗണ്ടുകൾ ലഭ്യമാണ്.

വൺപ്ലസ് പ്രീമിയം സ്മാർട്ട്‌ഫോണുകൾ, വൺപ്ലസ് നോർഡ് സീരീസ് മോഡലുകൾ എന്നിവയ്ക്ക് പുറമേ വൺപ്ലസിന്റെ ടാബ്‌ലെറ്റുകൾ, ഓഡിയോ ഡി​വൈസുകൾ എന്നിവയ്ക്കും കമ്യൂണിറ്റി സെയിലിന്റെ ഭാഗമായി ഡിസ്കൗണ്ടുകൾ ലഭ്യമാണ്. ഡിസ്കൗണ്ട് ലഭ്യമാകുന്ന പ്രീമിയം മോഡലുകളുടെ നിരയിൽ നിലവിലെ പ്രീമിയം മോഡലായ വൺപ്ലസ് 15, വൺപ്ലസ് 15r എന്നിവയുണ്ട്. കൂടാതെ കഴിഞ്ഞ വർഷത്തെ പ്രീമിയം മോഡലുകളായ വൺപ്ലസ് 13 സീരീസ്, വൺപ്ലസ് 13s എന്നിവയ്ക്കും ഡിസ്കൗണ്ട് ഉണ്ട്.

വൺപ്ലസ് കമ്യൂണിറ്റി സെയിൽ ഡിസ്കൗണ്ടുകൾ

വൺപ്ലസ് 15 5ജിയുടെ വില ലോഞ്ച് വില 77,999 രൂപയാണ്. എന്നാൽ കമ്യൂണിറ്റി സെയിൽ 3,000 രൂപ ഡിസ്കൗണ്ടിന് ശേഷം 74,999 രൂപ പ്രാരംഭ വിലയിൽ ഇത് സ്വന്തമാക്കാനാകും. അ‌തേപോലെ വൺപ്ലസ് 15r മോഡലിന്റെ MOP 54,999 രൂപയാണ്. 3,000 രൂപ ഡിസ്കൗണ്ടിന് ശേഷം ഇത് 51,999 രൂപ വിലയിൽ വാങ്ങാനാകും.

ALSO READ : Cheaper Smartphone: റിയൽമിയുടെ 3000 രൂപയുടെ ഫോൺ ഇന്ത്യയിൽ എന്ന്?

വൺപ്ലസ് 15 5ജിയുടെ മുൻഗാമിയും കഴിഞ്ഞ വർഷത്തെ പ്രീമിയം മോഡലുമായ വൺപ്ലസ് 13 5ജിയുടെ ലോഞ്ച് വില 69,999 രൂപയാണ്. ഇപ്പോൾ 12,000 രൂപ ഡയറക്ട് ഡിസ്കൗണ്ടിനും 5,000 രൂപ ബാങ്ക് ഡിസ്കൗണ്ടിനും ശേഷം ഇത് 52,999 രൂപ വിലയിൽ വാങ്ങാനാകും. അ‌തേപോലെ വൺപ്ലസ് 13s മോഡലിന്റെ വില 54,999 രൂപയാണ്, 2,000 രൂപ ഡയറക്ട് ഡിസ്കൗണ്ടിനും 3,000 രൂപ ബാങ്ക് ഡിസ്കൗണ്ടിനും ശേഷം 49,999 രൂപ വിലയിൽ ഇത് വാങ്ങാം.

വൺപ്ലസ് ​അ‌ടുത്തിടെ പുറത്തിറക്കിയ പുത്തൻ നോർഡ് സീരീസ് ഫോണുകൾക്കും ഇപ്പോൾ വിവിധ ഡിസ്കൗണ്ടുകൾ ലഭ്യമാക്കിയിട്ടുണ്ട്. നോർഡ് 6 സീരീസിലെ ഏറ്റവും കരുത്തൻ മോഡലായ വൺപ്ലസ് നോർഡ് 6 5ജിയുടെ വില 42,999 രൂപയാണ്. എന്നാൽ 2,000 രൂപ ബാങ്ക് ഡിസ്കൗണ്ട് സഹിതം 40,999 രൂപ വിലയിൽ കമ്യൂണിറ്റി സെയിലിൽ ഇത് ലഭ്യമാണ്.

വൺപ്ലസ് നോർഡ് CE6 5ജിക്ക്

വൺപ്ലസ് നോർഡ് CE6 5ജിക്ക് 31,999 രൂപയാണ് വില. ഇപ്പോൾ 2,000 ബാങ്ക് ഡിസ്കൗണ്ട് സഹിതം ഇത് 29,999 രൂപ വിലയിൽ വാങ്ങാൻ ലഭ്യമാണ്. അ‌തേപോലെ വൺപ്ലസ് നോർഡ് CE6 ​ലൈറ്റ് 5ജിക്ക് 22,999 രൂപയാണ് യഥാർഥ വില. കമ്യൂണിറ്റി സെയിലിൽ 1,500 രൂപ ബാങ്ക് ഡിസ്കൗണ്ട് സഹിതം ഇത് 21,499 രൂപയ്ക്ക് വാങ്ങാനാകും.

ബാങ്ക് ഡിസ്കൗണ്ട് മാത്രമല്ല, തിരഞ്ഞെടുത്ത ക്രെഡിറ്റ് കാർഡുകളിൽ ഉപയോഗിച്ച് പർച്ചേസ് ചെയ്യുന്നവർക്ക് 6 മാസം വരെ നോ-കോസ്റ്റ് ഇഎംഐ ഓപ്ഷനുകളും വൺപ്ലസ് കമ്യൂണിറ്റി സെയിലിൽ ലഭ്യമാണ്. കൂടാതെ ചില മോഡലുകൾക്ക് വാങ്ങാൻ തിരഞ്ഞെടുത്ത ക്രെഡിറ്റ് കാർഡുകളിലും ഇഎംഐ ഇടപാടുകളിലും 5,000 രൂപവരെ ഇൻസ്റ്റന്റ് ബാങ്ക് ഡിസ്കൗണ്ടും ഉണ്ട്.

English Summary

OnePlus Community Sale has started. As part of this sale, the recently launched OnePlus Nord 6, Nord CE6, and Nord CE6 Lite can be purchased at a discount. Apart from these, discounts are also available on premium models like OnePlus 15, OnePlus 15R, OnePlus 13, and OnePlus 13s. The OnePlus Community Sale, which started on June 4, is currently scheduled to run until June 10.

വൈദ്യുതി പോലെ തന്നെ ഇന്റർനെറ്റും ഇന്ന് എല്ലാ വീടുകളിലും അ‌ത്യാവശ്യമായി വേണ്ട ഒരു സേവനമായി മാറിയിട്ടുണ്ട്. എങ്കിലും നമ്മുടെ രാജ്യത്ത് ബ്രോഡ്ബാൻഡ് ഇന്റർനെറ്റ് സേവനം ഇനിയുമേറെ വളരാനുണ്ട്. നിലവിൽ ഇന്ത്യയിലെ ഏറ്റവും പ്രധാന ഇന്റർനെറ്റ് സേവന ദാതാക്കളിൽ (ISP) ഒന്നാണ് റിലയൻസ് ജിയോ. മൊ​ബൈൽ ടെലിക്കോം സേവനങ്ങളിലെന്നപോലെ ബ്രോഡ്ബാൻഡ് ഇന്റർനെറ്റ് സേവനത്തിലും ജിയോ ഏറെ മികവ് പുലർത്തുന്നു. ജിയോ ​ഫൈബർ, ജിയോ എയർ​ഫൈബർ എന്നീ രണ്ട് വിധത്തിൽ ജിയോയുടെ ബ്രോഡ്ബാൻഡ് ഇന്റർനെറ്റ് സേവങ്ങൾ ലഭ്യമാണ്. ജിയോഹോം എന്ന പ്ലാറ്റ്ഫോമിന് കീഴിലാണ് ഇവ വരുന്നത്. ഉപയോക്താക്കളുടെ ആവശ്യങ്ങൾക്കനുസരിച്ച് തെരഞ്ഞെടുക്കാവുന്ന നിരവധി ബ്രോഡ്ബാൻഡ് പ്ലാനുകൾ ജിയോഹോമിലുണ്ട്.

30Mbps മുതൽ 1Gbps വരെ വേഗതയുള്ള ബ്രോഡ്ബാൻഡ് പ്ലാനുകൾ ജിയോ ഉപയോക്താക്കൾക്ക് ലഭ്യമാക്കിയിരിക്കുന്നു. അ‌തിൽ കുറഞ്ഞ ബജറ്റിൽ വീട്ടിലേക്ക് ഇന്റർനെറ്റ് കണക്ഷൻ എടുക്കണമെന്ന് താൽപര്യമുള്ളവർക്ക് 30Mbps പ്ലാനുകൾ പരിഗണിക്കാം. പ്രതിമാസ അ‌ടിസ്ഥാനത്തിലും മൂന്ന് മാസം, ആറ് മാസം, ഒരു വർഷം എന്നീ കാലയളവുകളിലേക്കുമുള്ള പ്ലാനുകൾ ഉപയോക്താക്കൾക്ക് തെരഞ്ഞെടുക്കാനാകും.

ALSO READ: 5G ഫോൺ ആണ്, 6000mAh ബാറ്ററിയുമുണ്ട്! ലാവ ബോൾഡ് N2-5G ഇന്ത്യയിൽ

അ‌ത്യാവശ്യം മികച്ച വേഗതയോടെ വീട്ടിൽ ഇന്റർനെറ്റ് വേണമെന്നുള്ളവർക്ക് ജിയോയുടെ 100Mbps ​ഫൈബർ പ്ലാനാണ് അ‌നുയോജ്യം. അ‌തിലും ഉയർന്ന വേഗത വേണ്ടവർക്ക് 150Mbps, 300Mbps​, 500Mbps, 1 Gbps ​ഫൈബർ പ്ലാനുകൾ ലഭ്യമാണെങ്കിലും വേഗത കൂടുന്നതിന് അ‌നുസരിച്ച് പ്ലാനുകളുടെ നിരക്കും വർധിക്കും എന്നത് ശ്രദ്ധിക്കുക.

ഒരു വീട്ടിലെ ഇന്റർനെറ്റ് ആവശ്യങ്ങൾ കണക്കിലെടുക്കുമ്പോൾ 100Mbps ​വേഗതയുള്ള പ്ലാൻ തന്നെ ധാരാളമാണ്. ജിയോയ്ക്ക് 100Mbps ​വേഗതയുള്ള മൂന്ന് ​ഫൈബർ പ്രതിമാസ പ്ലാനുകളാണ് ഉള്ളത്. അ‌വ 899 രൂപ, 699 രൂപ, 1199 രൂപ വിലകളിൽ എത്തുന്നു. ഇതിൽ 699 രൂപ പ്ലാനിൽ ഒടിടി സബ്സ്ക്രിപ്ഷനുകൾ ഉൾപ്പെടുന്നില്ല.

ജിയോയുടെ 100Mbps ​​ഫൈബർ പ്ലാനുകളിൽ ഏറ്റവും മികച്ചതായി പൊതുവിൽ വിലയിരുത്തുന്നത് 1199 രൂപയുടെ പ്ലാനാണ്. കാരണം മികച്ച വേഗതയിൽ ഡാറ്റ ലഭിക്കുന്നതിന് പുറമേ ഏതാണ്ട് പതിനാറോളം ജനപ്രിയ ഒടിടി പ്ലാറ്റ്ഫോമുകളുടെ സബ്സ്ക്രിപ്ഷനും ഈ പ്ലാനിൽ ലഭ്യമാകും. വാർഷിക അ‌ടിസ്ഥാനത്തിൽ തെരഞ്ഞെടുക്കുമ്പോൾ 14,388 രൂപ (1199x12) + GST ആണ് ഈ പ്ലാനിന് ചെലവാകുക.

1199 രൂപ പ്ലാൻ ഒരു വർഷത്തേക്ക് തെരഞ്ഞെടുക്കുമ്പോൾ 30 ദിവസത്തെ സൗജന്യ ഉപയോഗവും ജിയോ വാഗ്ദാനം ചെയ്യുന്നുണ്ട്. അ‌തായത് 12 മാസത്തെ പണം ഒന്നിച്ചടച്ചാൽ 13 മാസം ഈ പ്ലാൻ ഉപയോഗിക്കാം. അ‌തിലൂടെ 1199 രൂപ ലാഭിക്കാം. ഈ പ്ലാനിൽ ലഭ്യമാകുന്ന ആനുകൂല്യങ്ങൾ എന്തൊക്കെയെന്ന് ഇതാ.

ജിയോ ഫൈബർ 1199 രൂപ ​പ്ലാനിലെ ആനുകൂല്യങ്ങൾ

100 ​Mbps ഡൗൺലോഡ്, അപ്‌ലോഡ് വേഗതയിൽ പ്രതിമാസം 3300GB അ‌ഥവാ 3.3TB ഡാറ്റ ഈ ​ഫൈബർ പ്ലാനിൽ ലഭ്യമാകും. കൂടാതെ ഉപയോക്താക്കൾക്ക് അ‌ൺലിമിറ്റഡ് വോയ്‌സ് കോളിങ് ലഭ്യമാണ്. എന്നാൽ ഉപയോക്താവ് തന്നെ ലാൻഡ്‌ലൈൻ ഉപകരണം ലഭ്യമാക്കേണ്ടിവരും. ഇവ കൂടാതെ 1000+ ടിവി ചാനലുകളും ഈ പ്ലാനിൽ ബണ്ടിൽ ചെയ്തിരിക്കുന്നു.

1199 രൂപയുടെ ജിയോ​ ​ഫൈബർ ​പ്ലാനിലെ OTT ആനുകൂല്യങ്ങൾ

ഈ ജിയോ ​ഫൈബർ പ്ലാനിൽ ഉപയോക്താക്കൾക്ക് നെറ്റ്ഫ്ലിക്സ് ബേസിക്, ആമസോൺ ​പ്രൈം ​ലൈറ്റ് (2 വർഷത്തേക്ക്), ജിയോഹോട്ട്സ്റ്റാർ, യൂട്യൂബ് പ്രീമിയം, സോണിലിവ്, സീ5, സൺനെക്സ്റ്റ്, ഹോയ്ചോയ്, ഡിസ്കവറി+, ​ടൈംസ് പ്ലേ, തരംഗ് പ്ലസ്, ഇറോസ് നൗ, ലയൺസ്ഗേറ്റ് പ്ലേ, ഷെമാരൂമീ, ഇടിവി വിൽ, ജിയോടിവി+ വഴി ഫാൻകോഡ് എന്നിവയുടെ സബ്സ്ക്രിപ്ഷൻ ആസ്വദിക്കാനാകും.

English Summary

Jio offers broadband plans with speeds ranging from 30Mbps to 1Gbps. Considering the internet needs of a household, a 100Mbps plan is more than enough. Jio has three fiber monthly plans with speeds of 100Mbps. The best of them is generally considered to be the Rs 1199 plan.

ഇന്ത്യയിലെ സ്മാർട്ട്ഫോൺ ആരാധകർക്ക് ആവേശം പകർന്ന് ഷവോമി തങ്ങളുടെ 17 സീരീസിലേക്ക് ഒരു പുതിയ പ്രീമിയം സ്മാർട്ട്ഫോൺ കൂടി ലോഞ്ച് ചെയ്തു. ഇതിനകം ഇന്ത്യയിൽ അ‌വതരിപ്പിക്കപ്പെട്ട ഷവോമി 17, ഷവോമി 17 അ‌ൾട്ര എന്നിവയുടെ നിരയിലേക്ക് ഷവോമി 17T (Xiaomi 17T) എന്ന മോഡലാണ് പുതിയതായി അ‌വതരിപ്പിക്കപ്പെട്ടിരിക്കുന്നത്. ഷവോമി 17 സീരീസിൽ ഇതുവരെ ലഭ്യമായ സ്മാർട്ട്ഫോണുകളിൽ ഏറ്റവും കുറഞ്ഞ വിലയിൽ വാങ്ങാൻ കഴിയുന്ന പ്രീമിയം മോഡൽ എന്നതാണ് ഷവോമി 17Tയുടെ വരവിനെ ശ്രദ്ധേയമാക്കുന്നത്. ഷവോമി 17 മോഡലിന് ഏകദേശം 89999 രൂപയും 17 അ‌ൾട്ര മോഡലിന് 139999 രൂപയും വിലയുണ്ട്.

സീരീസിലെ മറ്റ് രണ്ട് മോഡലുകളെയും അ‌പേക്ഷിച്ച് കുറഞ്ഞ വിലയിലാണ് എത്തുന്നത് എങ്കിലും ക്യാമറകളുടെ കാര്യത്തിൽ ലെയ്ക സഹകരണം പുതിയ ഷവോമി 17T മോഡലിലും ഉറപ്പാക്കിയിട്ടുണ്ട്, അ‌തിനാൽത്തന്നെ ഒരു ഇമേജിങ് ഫ്ലാഗ്ഷിപ്പായി ഈ ഫോൺ ഇന്ത്യൻ വിപണിയിൽ തിളങ്ങും എന്ന് പ്രതീക്ഷിക്കപ്പെടുന്നു. അഡ്വാൻസ്ഡ് ഐ-കെയർ ഡിസ്‌പ്ലേ, നെക്സ്റ്റ് ജനറേഷൻ ബാറ്ററി ടെക്നോളജി എന്നിവയും ഇതിലുണ്ട്.

ഒറ്റക്കെയിൽ ഈസിയായി

ഒറ്റക്കെയിൽ ഈസിയായി ഉപയോഗിക്കാൻ കഴിയും വിധത്തിൽ ഒപ്റ്റിമൈസ് ചെയ്‌ത കൂടുതൽ ഒതുക്കമുള്ള ഡി​സൈനാണ് ഷവോമി 17Tയ്ക്ക് ഉള്ളത്. ഉപയോക്താവിന്റെ ശ്രദ്ധ പൂർണ്ണമായും ദൃശ്യങ്ങളിൽ കേന്ദ്രീകരിക്കുന്നതിനായി ഇതിലെ സ്‌ക്രീൻ അൾട്രാ-സ്ലിം ബെസലുകളാൽ ചുറ്റപ്പെട്ടിരിക്കുന്നു. സുഖകരമായ ഇൻ-ഹാൻഡ് ഫീലിനായി മൈക്രോ-കർവ്ഡ് എഡ്ജ് ആണ് പുറമേ നൽകിയിരിക്കുന്നത്.

ALSO READ: 5G ഫോൺ ആണ്, 6000mAh ബാറ്ററിയുമുണ്ട്! ലാവ ബോൾഡ് N2-5G ഇന്ത്യയിൽ

മീഡിയടെക് ഡൈമെൻസിറ്റി 8500-അൾട്രാ ചിപ്‌സെറ്റാണ് ഈ ഫോണിന്റെ കരുത്ത്. ഹെവി മൾട്ടിടാസ്കിങ്ങും മൊബൈൽ ഗെയിമിങ്ങും ഉൾപ്പെടെ ഈസിയായി ​കൈകാര്യം ചെയ്യാൻ ഇതിന് ശേഷിയുണ്ട്. പെർഫോമൻസ് കൂടുതൽ സുഗമമാക്കാൻ Xiaomi 3D ഐസ്‌ലൂപ്പ് സിസ്റ്റവും ഷവോമി 17T 5ജിയിലുണ്ട്. ഫോണുപയോഗത്തിനിടെ കണ്ണിന്റെ ആയാസം ലഘൂകരിക്കാൻ രൂപകൽപ്പന ചെയ്ത സംയോജിത ഡിസ്പ്ലേ ആർക്കിടെക്ചറായ ഷവോമി വിഷൻ കെയറും ഈ പ്രീമിയം ഫോണിന്റെ ​ഹൈ​ലൈറ്റുകളിലൊന്നാണ്.

പ്രധാന ഫീച്ചറുകൾ

120Hz റിഫ്രഷ് റേറ്റുള്ള 6.59-ഇഞ്ച് (2756 x 1268 പിക്സൽസ്) 1.5K OLED ഡിസ്പ്ലേ, ഡോൾബി വിഷൻ, 3840Hz ഹൈ-ഫ്രീക്വൻസി PWM ഡിമ്മിംഗ് + DC ഡിമ്മിംഗ്, 3500 nits വരെ പീക്ക് ബ്രൈറ്റ്നസ്, HDR10+, ഡോൾബി വിഷൻ, കോർണിംഗ് ഗൊറില്ല ഗ്ലാസ് 7i പ്രൊട്ടക്ഷൻ എന്നിവ ഇതിലുണ്ട്.

3.4GHz ഒക്ടാ-കോർ ഡൈമെൻസിറ്റി 8500-അൾട്രാ 4nm പ്രോസസർ ആണ് ഷവോമി 17Tയുടെ പ്രവർത്തനങ്ങളുടെ ശക്തികേന്ദ്രം. ആം മാലി -G720 MC8 GPU, 12GB LPPDDR5X റാം, 256GB / 512GB (UFS 4.1) സ്റ്റോറേജ് എന്നിവയും ഇതിലുണ്ട്. ആൻഡ്രോയിഡ് 16 അടിസ്ഥാനമാക്കിയുള്ള ഷവോമി ഹൈപ്പർ OS 3- ൽ ആണ് പ്രവർത്തനം.

ട്രിപ്പിൾ റിയർ ക്യാമറ സജ്ജീകരണമാണ് ഷവോമി 17T 5ജിയിൽ ഉള്ളത്. അ‌തിൽ 50MP മെയിൻ ക്യാമറ (1/1.55″ ലൈറ്റ് ഫ്യൂഷൻ 800 സെൻസർ, f/1.7 അപ്പർച്ചർ, OIS), 12MP അൾട്രാ-വൈഡ്-ആംഗിൾ ക്യാമറ, 50MP 5x പെരിസ്‌കോപ്പ് ടെലിഫോട്ടോ (f/3.0 അപ്പർച്ചർ, OIS), 4K 60fps വരെ വീഡിയോ റെക്കോർഡിംഗ് എന്നിവ അ‌ടങ്ങുന്നു.

1G + 6P ഹൈബ്രിഡ് ലെയ്‌ക സമ്മിലക്‌സ് ലെൻസ് സ്ട്രക്ചറും ലെയ്‌ക അൾട്രാപ്യുവർ ഒപ്റ്റിക്കൽ ഡിസൈനും പ്രധാന ക്യാമറയിൽ ഉൾപ്പെടുത്തിയിട്ടുണ്ട്. കൂടാതെ OIS ഉള്ള 50MP ലെയ്‌ക 5x ടെ
Xiaomi 17T 5G launched in India - ഷവോമി 17T 5ജി ഇന്ത്യയിൽ ലോഞ്ച് ചെയ്തു. ഇതിന്റെ 12GB + 256GB വേരിയന്റിന് 59,999 രൂപയും 12GB + 512GB വേരിയന്റിന് 64,999 രൂപയുമാണ് വില. എന്നാൽ ലോഞ്ച് ഓഫറിന്റെ ഭാഗമായുള്ള 5000 രൂപ ബാങ്ക് ഡിസ്കൗണ്ട് പ്രയോജനപ്പെടുത്തിയാൽ യഥാക്രമം 54999 രൂപ, 59999 രൂപ വിലകളിൽ ഇത് വാങ്ങാനാകും.
ലിഫോട്ടോ ക്യാമറ സിസ്റ്റം സങ്കീർണ്ണമായ 30cm മാക്രോ ഫോട്ടോഗ്രാഫി മുതൽ 10x ഒപ്റ്റിക്കൽ-ഗ്രേഡ് സൂം വരെയും 120x AI അൾട്രാ സൂം വരെയും വൈവിധ്യമാർന്ന ഫോക്കൽ ശ്രേണിയെ പിന്തുണയ്ക്കുന്നു.

സെൽഫിക്കും മറ്റുമായി ഫ്രണ്ടിൽ 32MP ക്യാമറയാണ് ഉള്ളത്. ഇത് 4K 30fps വീഡിയോ റെക്കോർഡിങ് പിന്തുണയോടെ എത്തിയിരിക്കുന്നു. ഇൻ-ഡിസ്‌പ്ലേ ഫിംഗർപ്രിന്റ് സെൻസർ, ഇൻഫ്രാറെഡ് സെൻസർ, IP68 റേറ്റിങ്, USB ടൈപ്പ്-സി ഓഡിയോ, ഹൈ-റെസ് ഓഡിയോ, ഡ്യുവൽ സ്പീക്കറുകൾ, ഡോൾബി അറ്റ്മോസ് എന്നിവയും ഇതിലുണ്ട്.

ഡ്യുവൽ സിം (നാനോ + നാനോ), 5G SA/NSA, ഡ്യുവൽ 4G VoLTE, Wi-Fi 7 802.11 ax, ബ്ലൂടൂത്ത് 6.0, നാവിക്: L5, NFC, USB ടൈപ്പ്-സി, 67W ഹൈപ്പർചാർജിങ് പിന്തുണയുള്ള 6500mAh ബാറ്ററി എന്നിവയാണ് മറ്റ് പ്രധാന ഫീച്ചറുകൾ. 157.6x 75.2×8.17mm വലിപ്പവും 200g ഭാരവും ഈ ഫോണിനുണ്ട്.

വിലയും ലഭ്യതയും

ഷവോമി 17T 5ജിയുടെ 12GB + 256GB വേരിയന്റിന് 59,999 രൂപയും 12GB + 512GB വേരിയന്റിന് 64,999 രൂപയുമാണ് വില. എന്നാൽ ലോഞ്ച് ഓഫറിന്റെ ഭാഗമായി തുടക്കത്തിൽ തെരഞ്ഞെടുത്ത ബാങ്ക് കാർഡുകൾക്ക് 5000 രൂപ ഡിസ്കൗണ്ട് ലഭിക്കും. ഇത് പ്രയോജനപ്പെടുത്തിയാൽ യഥാക്രമം 54999 രൂപ, 59999 രൂപ വിലകളിൽ ഇത് വാങ്ങാനാകും.

പർപ്പിൾ, ബ്ലൂ, ബ്ലാക്ക് എന്നീ മൂന്ന് കളർ ഓപ്ഷനുകളിലാണ് ഷവോമി 17T 5ജി ഇന്ത്യയിൽ വാങ്ങാനാകുക. ജൂൺ 10 മുതൽ ഷവോമിയുടെ ഔദ്യോഗിക വെബ്​സൈറ്റ്, ആമസോൺ, ഷവോമി റീട്ടെയിൽ ഔട്ട്‌ലെറ്റുകൾ എന്നിവ വഴി ഇതിന്റെ വിൽപ്പന ആരംഭിക്കും. തുടക്കത്തിൽ ആകർഷകമായ നിരവധി ലോഞ്ച് ഓഫറുകൾ ഈ മോഡലിന് ലഭ്യമാക്കിയിട്ടുണ്ട്.

English Summary

Xiaomi 17T 5G with Dimensity 8500-Ultra chip launched in India. Its 12GB + 256GB variant is priced at Rs 59,999 and 12GB + 512GB variant is priced at Rs 64,999. However, if you take advantage of the Rs 5000 bank discount as part of the launch offer, you can buy it for Rs 54,999 and Rs 59,999 respectively.

മോട്ടറോള തങ്ങളുടെ എഡ്ജ് 70 സീരീസിന്റെ ഭാഗമായി ഒരു പുതിയ സ്മാർട്ട്ഫോൺ കൂടി ഇന്ത്യയിൽ ലോഞ്ച് ചെയ്തു. എഡ്ജ് 70 സീരീസിലെ നാലാമത്തെ മോഡലായി മോട്ടറോള എഡ്ജ് 70 പ്രോ പ്ലസ് (motorola edge 70 Pro Plus) 5G ആണ് എത്തിയിരിക്കുന്നത്. ഇതിനകം ലോഞ്ച് ചെയ്യപ്പെട്ട എഡ്ജ് 70, എഡ്ജ് 70 ഫ്യൂഷൻ, എഡ്ജ് 70 പ്രോ എന്നിവയാണ് സീരീസിലെ മറ്റ് മൂന്ന് മോഡലുകൾ. നവീകരിച്ച ക്വാഡ്-ക്യാമറ സിസ്റ്റം, എഐ ഫീച്ചറുകൾ, വലിയ സിലിക്കൺ-കാർബൺ ബാറ്ററി, കർവ്ഡ് സ്ലിം ഡി​സൈൻ, മിലിട്ടറി ഗ്രേഡ് ഈട് എന്നിവ സഹിതം ഒരു പ്രീമിയം ഓൾറൗണ്ടറായിട്ടാണ് ഇത് എത്തിയിരിക്കുന്നത്.

കോർണിങ് ഗൊറില്ല ഗ്ലാസ് 7i, സ്മാർട്ട് വാട്ടർ ടച്ച് ടെക്നോളജി എന്നിവയുടെ പിന്തുണയോടെ, 144Hz റിഫ്രഷ് റേറ്റുള്ള 6.8-ഇഞ്ച് സൂപ്പർ HD+ എക്‌സ്ട്രീം AMOLED 1.5K ഡിസ്‌പ്ലേയാണ് ഇതിലുള്ളത്. ക്യാമറകളുടെ കാര്യമെടുത്താൽ ട്രിപ്പിൾ റിയർ ക്യാമറ സജ്ജീകരണവും ഫ്രണ്ട് ക്യാമറയും 50MP ക്യാമറകളുമായി എത്തിയിരിക്കുന്നു.

മീഡിയടെക് ഡൈമെൻസിറ്റി 8500 എക്‌സ്ട്രീം ചിപ്‌സെറ്റാണ് എഡ്ജ് 70 പ്രോ പ്ലസിന്റെ കരുത്ത്. മുൻഗാമിയെ അപേക്ഷിച്ച് ഗ്രാഫിക്സ് പെർഫോമൻസിൽ 40% മെച്ചപ്പെടുത്തൽ ഈ പുതിയ ചിപ്സെറ്റിനുണ്ട് എന്ന് മോട്ടറോള വ്യക്തമാക്കിയിട്ടുണ്ട്. 4600mm² വേപ്പർ ചേമ്പർ കൂളിങ്, 17 5G ബാൻഡുകളുടെ പിന്തുണ എന്നിവയും ഈ എഡ്ജ് സീരീസ് ഫോണിനുണ്ട്.

ALSO READ: 5G ഫോൺ ആണ്, 6000mAh ബാറ്ററിയുമുണ്ട്! ലാവ ബോൾഡ് N2-5G ഇന്ത്യയിൽ

പ്രധാന ഫീച്ചറുകൾ

6.8 ഇഞ്ച് (2772 x 1272 പിക്സൽസ്) 1.5K 10- ബിറ്റ് എക്സ്ട്രീം AMOLED സ്ക്രീൻ, 144Hz റിഫ്രഷ് റേറ്റ്, 5200 nits വരെ പീക്ക് ബ്രൈറ്റ്നസ്, കോർണിംഗ് ഗൊറില്ല ഗ്ലാസ് 7i പ്രൊട്ടക്ഷൻ എന്നിവയാണ് ഡിസ്പ്ലേയുമായി ബന്ധപ്പെട്ട പ്രധാന ഫീച്ചറുകൾ.

3.4GHz ഒക്ടാ-കോർ ഡൈമെൻസിറ്റി 8500 എക്സ്ട്രീം 4nm പ്രോസസർ ആണ് ഈ ഫോണിന്റെ കരുത്ത്. ആം മാലി G720 MC8 GPU, 12GB LPDDR5X റാം, 256GB UFS 4.1 സ്റ്റോറേജ് എന്നിവയും ഇതിലുണ്ട്. ആൻഡ്രോയിഡ് 16 അ‌ടിസ്ഥാനമാക്കിയാണ് പ്രവർത്തനം. 3 OS അ‌പ്ഡേറ്റുകളും 5 വർഷത്തെ സുരക്ഷാ അ‌പ്ഡേറ്റുകളും ഈ മോഡലിന് കമ്പനി വാഗ്ദാനം ചെയ്യുന്നുണ്ട്.

ട്രിപ്പിൾ റിയർ ക്യാമറ സജ്ജീകരണമാണ് എഡ്ജ് 70 പ്രോ പ്ലസിലുള്ളത്. അ‌തിൽ LYTIA-710 സെൻസറുള്ള 50MP മെയിൻ ക്യാമറ (f/1.8 അപ്പേർച്ചർ, OIS), 50MP 122º അൾട്രാ-വൈഡ് ഓട്ടോഫോക്കസ് ക്യാമറ, മാക്രോ ഓപ്ഷൻ, 50MP 3.5x പെരിസ്കോപ്പ് ടെലിഫോട്ടോ ക്യാമറ (f/2.8 അപ്പേർച്ചർ, മൾട്ടിസ്പെക്ട്രൽ സെൻസർ), 4K 60fps വീഡിയോ റെക്കോർഡിങ് എന്നിവ അ‌ടങ്ങുന്നു.

സെൽഫിക്കും വീഡിയോ കോളുകൾക്കുമായി

സെൽഫിക്കും വീഡിയോ കോളുകൾക്കുമായി 50MP ഓട്ടോഫോക്കസ് ഫ്രണ്ട് ക്യാമറയും (f/1.9 അപ്പേർച്ചർ, 4K 60fps വരെ വീഡിയോ റെക്കോർഡിംഗ്) ഇതിലുണ്ട്. വെള്ളം, പൊടി എന്നിവയെ പ്രതിരോധിക്കാൻ IP68 + IP69 റേറ്റിങ്ങും മികച്ച ഈടിനായി മിലിട്ടറി-ഗ്രേഡ് ഡ്യൂറബിലിറ്റിയും (MIL-STD-810H) ഉറപ്പാക്കിയിരിക്കുന്നു. USB ടൈപ്പ്-സി ഓഡിയോ, സ്റ്റീരിയോ സ്പീക്കറുകൾ, ഡോൾബി അറ്റ്‌മോസ് എന്നിവയും ഇതിലുണ്ട്.

ഡ്യുവൽ സിം (നാനോ + നാനോ), 5G SA/NSA (17 5G ബാൻഡുകൾ), ഡ്യുവൽ 4G VoLTE, Wi-Fi 6E 802.11be (2.4GHz/5GHz/6GHz), ബ്ലൂടൂത്ത് 5.4, GPS, USB ടൈപ്പ്-C 2.0, NFC എന്നീ ഫീച്ചറുകളും എഡ്ജ് 70 പ്രോ പ്ലസിലുണ്ട്. 90W ടർബോപവർ ഫാസ്റ്റ് ചാർജിങ്, 15W വയർലെസ് ചാർജിങ് പിന്തുണകളോടെ 6500mAh ബാറ്ററിയാണ് ഈ ഫോണിൽ സജ്ജീകരിച്ചിരിക്കുന്നത്.

ശക്തമായ എഐ ഫീച്ചറുകളും മോട്ടറോള ഈ എഡ്ജ് സീരീസ് ഫോണിൽ ഒരുക്കിയിരിക്കുന്നു. പാന്റോൺ സ്റ്റോമി സീ (ഗ്രീൻ), പാന്റോൺ സിൻഫാൻഡെൽ (റെഡ്), പാന്റോൺ ചിക്കറി കോഫി (വുഡ്) എന്നീ മൂന്ന് കളർ ഓപ്ഷനുകളിലാണ് മോട്ടോറോള എഡ്ജ് 70 പ്രോ പ്ലസ് എത്തിയിരിക്കുന്നത്. 190 ഗ്രാം ആണ് ഈ ഫോണിന്റെ ഭാരം.

വിലയും ലഭ്യതയും

മോട്ടോറോള എഡ്ജ് 70 പ്രോ പ്ലസിന്റെ 12GB + 256GB മോഡലിന് 47,999 രൂപയാണ് വില. എന്നാൽ, ലോഞ്ച് ഓഫറിന്റെ ഭാഗമായി തുടക്കത്തിൽ ആക്സിസ്, ഐസിഐസിഐ ബാങ്ക് കാർഡുകൾ ഉപയോഗിച്ച് 3000 രൂപ ഡിസ്കൗണ്ട് നേടാം. ജൂൺ 11 മുതൽ ഫ്ലിപ്പ്കാർട്ട്, മോട്ടറോളയുടെ ഔദ്യോഗിക വെബ്​സൈറ്റ്, ഓഫ്‌ലൈൻ സ്റ്റോറുകൾ എന്നിവ വഴി ഇതിന്റെ വിൽപ്പന ആരംഭിക്കും.

English Summary

Motorola Edge 70 Pro Plus launched in India. This premium all-rounder from Motorola has four 50MP cameras, including a front camera. The phone is powered by an octa-core Dimensity 8500 Extreme 4nm processor. The Edge 70 Pro Plus 5G will go on sale from June 11 via Flipkart, Motorola's official website, and offline stores.

റിയൽമിയുടെ P4 സീരീസിൽ 'ഏഴാമത്തെ' അ‌ദ്ഭുതം വരാൻ പോകുന്നു. റിയൽമി P4 സീരീസിന്റെ ഭാഗമായി റിയൽമി P4R 5G (realme P4R 5G) എന്ന മോഡൽ 2026 ജൂൺ 10 ന് ഇന്ത്യയിൽ ലോഞ്ച് ചെയ്യും എന്ന് കമ്പനി ഔദ്യോഗികമായി സ്ഥിരീകരിച്ചു. കഴിഞ്ഞ വർഷമാണ് റിയൽമി P4 സീരീസിൽ സ്മാർട്ട്ഫോണുകൾ പുറത്തിറക്കാൻ ആരംഭിച്ചത്. ഇതിനോടകം, റിയൽമി P4 5G, റിയൽമി P4 പ്രോ 5G, റിയൽമി P4x 5G, റിയൽമി P4 പവർ 5G, റിയൽമി P4 ​ലൈറ്റ്, റിയൽമി P4 ​ലൈറ്റ് 5G എന്നിങ്ങനെ ആറ് മോഡലുകൾ ഇന്ത്യയിൽ എത്തിയിട്ടുണ്ട്.

ഇതാദ്യമായാണ് P സീരീസിലേക്ക് ​റിയൽമി ഒരു R മോഡൽ അ‌വതരിപ്പിക്കുന്നത്. ശക്തമായ ബാറ്ററി ശേഷിയാണ് റിയൽമി പി4R 5ജിയുടെ പ്രധാന ​ഹൈ​ലൈറ്റ്. ബാറ്ററി ശേഷിയിൽ ഉപയോക്താക്കളെ ഞെട്ടിച്ച പാരമ്പര്യം റിയൽമിയുടെ P സീരീസിന് ഇതിനകംതന്നെയുണ്ട്. 10,001mAh ബാറ്ററിശേഷിയുള്ള റിയൽമി പി4 പവർ 5ജി അ‌തി​നുദാഹരണമാണ്.

ALSO READ: 5G ഫോൺ ആണ്, 6000mAh ബാറ്ററിയുമുണ്ട്! ലാവ ബോൾഡ് N2-5G ഇന്ത്യയിൽ

8,000mAh "ടൈറ്റൻ ബാറ്ററിയുമായാണ് പുത്തൻ റിയൽമി P4R 5ജി എത്തുക എന്ന് കമ്പനി സ്ഥിരീകരിച്ചിരിക്കുന്നു. വരാൻ പോകുന്ന ഈ 5ജി ഫോണിന്റെ കൂടുതൽ ഫീച്ചറുകൾ റിയൽമി വെളിപ്പെടുത്തിയിട്ടില്ല. എന്നാൽ, 8,000mAh ബാറ്ററി ഇതിലുണ്ട് എന്ന് വെളിപ്പെടുത്തിക്കൊണ്ട്, സെഗ്മെന്റിൽ ലഭ്യമായ 5ജി ഫോണുകളിൽ വച്ച് ഏറ്റവും വലിയ ബാറ്ററി ശേഷിയുള്ള സ്മാർട്ട്ഫോണായിരിക്കും റിയൽമി P4R 5G എന്ന് കമ്പനി അ‌വകാശപ്പെടുന്നു.

മൂന്ന് ദിവസം നീണ്ടുനിൽക്കുന്ന ബാറ്ററി

ഒറ്റചാർജിൽ മൂന്ന് ദിവസം നീണ്ടുനിൽക്കുന്ന ബാറ്ററി ശേഷിയാണ് ഈ ഫോണിനുള്ളത് എന്ന് കമ്പനി അ‌വകാശപ്പെടുന്നു. ഏഴ് വർഷത്തെ ഉപയോഗത്തിന് ശേഷവും യഥാർത്ഥ ശേഷിയുടെ 80% ത്തിലധികം നിലനിർത്താൻ കഴിയും വിധം രൂപകൽപ്പന ചെയ്‌തിരിക്കുന്ന ബാറ്ററി ഹെൽത്ത് എഞ്ചിൻ ഫീച്ചറും ദീർഘകാല സോഫ്റ്റ്‌വെയർ സ്മൂത്ത്നെസ് ഉറപ്പാക്കാൻ 48 മാസത്തെ ഫ്ലൂവൻസി ഗ്യാരണ്ടിയും റിയൽമി P4R 5ജിയുടെ പ്രത്യേകതകളാണ് എന്ന് കമ്പനി വിശദീകരിക്കുന്നു.

ദീർഘനേരത്തെ ഉപയോഗത്തിനിടയിലും പീക്ക് പെർഫോമൻസ് നിലനിർത്താൻ, 5300mm² എയർഫ്ലോ VC കൂളിംഗ് സിസ്റ്റവും ഈ റിയൽമി ഫോണിൽ സജ്ജീകരിച്ചിരിക്കുന്നു, ഇതും സെഗ്‌മെന്റിൽ ഈ റിയൽമി ഫോണിന് മാത്രമുള്ള പ്രത്യേകതയാണ് എന്നാണ് കമ്പനി പറയുന്നത്. സ്മാർട്ട്ഫോൺ ഉപയോക്താക്കൾ ഏറെ ഇഷ്ടപ്പെടുന്ന ബൈപാസ് ചാർജിങ്, റിവേഴ്‌സ് ചാർജിങ് ഫീച്ചറുകളും ​​​P4R 5ജിയിൽ ഉണ്ട്.

വേഗതയേറിയ 45W ഫാസ്റ്റ് ചാർജിംഗ്

AI പവർ മാനേജ്‌മെന്റ് ഫീച്ചർ, സെഗ്‌മെന്റിലെ ഏറ്റവും വേഗതയേറിയ 45W ഫാസ്റ്റ് ചാർജിങ് പിന്തുണ എന്നിവയും റിയൽമി P4R 5ജിയുടെ പ്രത്യേകതകളാണ്. ഇത്രമികച്ച ബാറ്ററിശേഷി വാഗ്ദാനം ചെയ്യുമ്പോൾതന്നെ ഈ​ 5ജി ഫോൺ വളരെ സ്ലിം ആയിട്ടുള്ള ബോഡി നിലനിർത്തുന്നുവെന്നും റിയൽമി ചൂണ്ടിക്കാട്ടുന്നു.

റിയൽമി P4R 5ജിയുടെ മറ്റ് പ്രധാന ഫീച്ചറുകൾ നിലവിൽ കമ്പനി വെളിപ്പെടുത്തിയിട്ടില്ല. എങ്കിലും ലോഞ്ച് തിയതി പ്രഖ്യാപിച്ചതിനാൽ തുടർന്നുള്ള ദിവസങ്ങളിൽ പ്രധാന ഫീച്ചറുകൾ ഒന്നൊന്നായി സ്ഥിരീകരിക്കപ്പെടും എന്നാണ് പ്രതീക്ഷിക്കുന്നത്. ശക്തമായ ബാറ്ററി ശേഷിക്ക് പുറമേ മികച്ച ഫോട്ടോഗ്രാഫി ഫീച്ചറുകളും ആകർഷകമായ ഡിസൈനും പ്രാധാന്യം നൽകിക്കൊണ്ടാണ് ഈ റിയൽമി ഫോൺ എത്തുകയെന്നാണ് റിപ്പോർട്ട്.

മിഡ്-റേഞ്ച് സെഗ്‌മെൻ്റ്

റിയൽമി P4R 5ജിയുടെ വില അ‌ടക്കമുള്ള വിവരങ്ങൾ ലോഞ്ചിന് ശേഷമാകും വെളിപ്പെടുത്തുക. എങ്കിലും മിഡ്-റേഞ്ച് സെഗ്‌മെന്റിനെ ലക്ഷ്യം വച്ചുകൊണ്ടാണ് ഈ ഫോൺ എത്തുകയെന്നാണ് സൂചന. ടൈറ്റാനിയം ഗ്ലെയർ, സിൽവർ ഗ്ലെയർ, ലാവെൻഡർ ഗ്ലെയർ എന്നീ കളർ ഓപ്ഷനുകളിലാണ് ഇത് ലഭ്യമാകുകയെന്ന് സ്ഥിരീകരിക്കപ്പെട്ടിട്ടുണ്ട്. ലോഞ്ചിന് ശേഷം റിയൽമിയുടെ ഔദ്യോഗിക വെബ്​സൈറ്റ്, ഫ്ലിപ്പ്കാർട്ട് എന്നിവ വഴി P4R 5ജി വിൽപ്പനയ്ക്ക് എത്തും.

English Summary

Realme P4R 5G with 8000mAh battery capacity has been officially confirmed to be launched in India on June 10. The company claims that this phone has a battery capacity that lasts for three days on a single charge. After the launch, the P4R 5G will go on sale via Realme's official website and Flipkart.

ബജറ്റ് വിലയിൽ ഒരു പുത്തൻ 5G ഫോൺ സ്വന്തമാക്കാൻ ആഗ്രഹിക്കുന്ന സാധാരണക്കാർക്ക് പ്രതീക്ഷ നൽകിക്കൊണ്ട് പ്രമുഖ ഇന്ത്യൻ സ്മാർട്ട്ഫോൺ ബ്രാൻഡായ ലാവ തങ്ങളുടെ ബോൾഡ് സീരീസി​ൽ ഒരു പുത്തൻ സ്മാർട്ട്ഫോൺ ഇന്ത്യയിൽ ലോഞ്ച് ചെയ്തു. ലാവ ബോൾഡ് N2 സീരീസിന്റെ ഭാഗമായി ലാവ ബോൾഡ് N2 5G (Lava Bold N2 5G) എന്ന പുത്തൻ മോഡൽ ആണ് അ‌വതരിപ്പിച്ചിരിക്കുന്നത്. ഈ സീരീസിൽ ഇതിനകം ലാവ ബോൾഡ് N2, ലാവ ബോൾഡ് N2 ​ലൈറ്റ് എന്നീ മോഡലുകൾ ഇന്ത്യയിൽ എത്തിയിട്ടുണ്ട്. എന്നാൽ ഈ രണ്ട് മോഡലുകളും 4ജി ഫോണുകൾ ആയിരുന്നു.

12000 രൂപയിൽ താഴെ വിലയിൽ വാങ്ങാവുന്ന 5ജി ഫോൺ എന്നതാണ് ലാവ ബോൾഡ് N2 5Gയെ ശ്രദ്ധേയമാക്കുന്നത്. ബജറ്റ് 5ജി ഫോൺ ആണെങ്കിലും ബാറ്ററി ശേഷിയിലും ഡിസ്‌പ്ലേ പെർഫോമൻസിലും വളരെയധികം ശ്രദ്ധ കേന്ദ്രീകരിച്ചുകൊണ്ടാണ് ഈ ഫോൺ അ‌വതരിപ്പിച്ചിരിക്കുന്നത് എന്നാണ് കമ്പനി വ്യക്തമാക്കിയിരിക്കുന്നത്. കൂടാതെ ബജറ്റിനുള്ളിൽ നിന്നുകൊണ്ട് തന്നെ സാധ്യമായ മികച്ച ഈടും ഈ മോഡലിന് ലാവ വാഗ്ദാനം ചെയ്യുന്നുണ്ട്.

പ്രധാന ഫീച്ചറുകൾ

120Hz റിഫ്രഷ് റേറ്റുള്ള 6.75 ഇഞ്ച് (1612 × 720 പിക്സൽസ്) HD+ LCD സ്ക്രീൻ ആണ് ഈ 5ജി ഫോണിലുള്ളത്. 2.3GHz യൂണിസോക് T8200 6nm പ്രൊസസർ ആണ് ലാവ ബോൾഡ് N2 5ജിയുടെ കരുത്ത്. ആൻഡ്രോയിഡ് 16 അ‌ടിസ്ഥാനമാക്കിയാണ് പ്രവർത്തനം.

മാലി-G57 MC2 ജിപിയു, 4GB LPDDR4x റാം, 64GB UFS 2.2 ഇന്റേണൽ സ്റ്റോറേജ്, മൈക്രോ എസ്ഡി ഉപയോഗിച്ച് 1TB വരെ സ്റ്റോറേജ് വർധിപ്പിക്കാനുള്ള സൗകര്യം എന്നിവയും ഇതിലുണ്ട്. ക്യാമറകളുടെ കാര്യമെടുത്താൽ, 13MP AI ഡ്യുവൽ റിയർ ക്യാമറ സജ്ജീകരണവും 5MP ഫ്രണ്ട് ക്യാമറയും ലാവ ബോൾഡ് N2 5ജിയിൽ സജ്ജീകരിച്ചിരിക്കുന്നു.

ALSO READ : Cheaper Smartphone: റിയൽമിയുടെ 3000 രൂപയുടെ ഫോൺ ഇന്ത്യയിൽ എന്ന്?

സൈഡ്-മൗണ്ടഡ് ഫിംഗർപ്രിന്റ് സ്കാനർ, IP64 റേറ്റിങ്, ഡ്യുവൽ സിം, 5G SA / NSA (N1/N3/N5/N8/N28/N40/N77/N78 ബാൻഡുകൾ), 4G VoLTE, Wi-Fi 802.11 ac, ബ്ലൂടൂത്ത് 5.0, GPS + GLONASS, USB ടൈപ്പ്-C തുടങ്ങിയ ഫീച്ചറുകളും ലാവ ബോൾഡ് N2 5ജിയിൽ ഉണ്ട്.

ഈ ബജറ്റ് ലാവ 5ജി ഫോണിന്റെ പ്രധാന ആകർഷണങ്ങളിലൊന്ന് ഇതിലെ 6000mAh ബാറ്ററിയാണ്. 18W ചാർജിങ് പിന്തുണയോടെയാണ് ഇത് എത്തുന്നത്ഈ ബജറ്റ് ലാവ 5ജി ഫോണിന്റെ പ്രധാന ആകർഷണങ്ങളിലൊന്ന് ഇതിലെ 6000mAh ബാറ്ററിയാണ്. 18W ചാർജിങ് പിന്തുണയോടെയാണ് ഇത് എത്തുന്നത്. ഒറ്റ ചാർജിൽ 815 മിനിറ്റ് തുടർച്ചയായ YouTube പ്ലേബാക്കും 743 മിനിറ്റ് ടോട്ടൽ സ്ക്രീൻ-ഓൺ ​ടൈമും ലാവ ബോൾഡ് N2 5ജിക്ക് ലഭിക്കുമെന്ന് കമ്പനി പറയുന്നു.

റീഗൽ ഗോൾഡ്, ബില്യണയർ ബ്ലൂ എന്നീ രണ്ട് കളർ ഓപ്ഷനുകളിലാണ് ലാവ ബോൾഡ് N2 5G ഇന്ത്യയിൽ വാങ്ങാൻ ലഭ്യമാകുക. 165.85×76.8×8.75mm വലിപ്പവും 210 ഗ്രാം ഭാരവും ഈ 5ജി ഫോണിന് ഉണ്ട്. ബജറ്റ് വിലയിൽ പുതിയ 5ജി ഫോൺ തേടുന്നവർക്ക് ഇത് പരിഗണിക്കാവുന്നതാണ്.

വിലയും ലഭ്യതയും

ലാവ ബോൾഡ് N2 5ജിയുടെ യഥാർഥ വില 12,999 രൂപയാണ്. എന്നാൽ ലോഞ്ച് ഓഫറിന്റെ ഭാഗമായി തുടക്കത്തിൽ 11999 രൂപ വിലയിൽ ഇത് വാങ്ങാനാകും. ജൂൺ 9 ന് ആണ് വിൽപ്പന ആരംഭിക്കുക. താൽപര്യമുള്ളവർക്ക് ആമസോൺ വഴി ഈ ലാവ 5ജി ഫോൺ സ്വന്തമാക്കാം.

English Summary

Lava Bold N2 5G has been launched in India. It will be available in two color options - Regal Gold and Billionaire Blue. Its original price is Rs 12,999, but as part of the launch offer, it will be available for an initial price of Rs 11,999. It will go on sale via Amazon starting June 9.

ഐഫോൺ 18 പ്രോയെ പറ്റി നിരവധി വിവരങ്ങൾ ഇതിനോടകം ടെക് ലോകത്ത് പ്രചരിക്കുന്നുണ്ട്. ഇതിൽ പ്രധാനപ്പെട്ട ഒന്ന് ഫോണിൻ്റെ ബാറ്ററിയെ പറ്റിയാണ്.  ഫോണിൻ്റെ ബാറ്ററിയിൽ വലിയ മാറ്റങ്ങൾ തന്നെ ഉണ്ടാവുമെന്നാണ് സൂചന. ഒപ്പം തന്നെ ഫോണിൻ്റെ ഹാർഡ്വെയറുകളിലടക്കം വലിയ മാറ്റങ്ങൾ ഉണ്ടായേക്കാം. ബാറ്ററി, ഫോട്ടോഗ്രഫി തുടങ്ങിയവയിൽ എല്ലാം ആപ്പിൾ  പുതിയ സാധ്യതകൾ, ഫീച്ചറുകൾ എന്നിവയെല്ലാം അധികമായി ഉൾപ്പെടുത്തിയേക്കാം എന്നാണ് വിവരം.  ഫോണിൻ്റെ ലോഞ്ചിംഗ് തീയ്യതിയും ഇതിനോടകം പുറത്തു വന്നതോടെ സർപ്രൈസ് എന്തായിരിക്കും എന്ന ചിന്തയിലാണ് ഐഫോൺ പ്രേമികൾ.

ക്യാമറ

ഐഫോൺ 18 പ്രോ ലൈനപ്പിലെ ഏറ്റവും വലിയ മാറ്റം ക്യാമറയിലാണ്. ഇതിൻ്റെ ഭാഗമായി ഫോണിൻ്റെ പ്രധാന ക്യാമറയിൽ (ബാക്ക്) ഒരു വേരിയബിൾ ആപ്പർച്ചർ സിസ്റ്റം ഉണ്ടാവാം എന്നാണ് വിവരം. നിലവിലെ ഐഫോണുകളിൽ കാണപ്പെടുന്ന ഫിക്സഡ് അപ്പർച്ചറിൽ നിന്ന് വ്യത്യസ്തമായിയിരിക്കും എന്നാണ് സൂചന. സെൻസറിലേക്കുള്ള വെളിച്ചം അഡ്ജസ്റ്റ് ചെയ്യാൻ ഇത് സഹായിക്കും. 48 മെഗാപിക്സൽ പ്രൈമറി ക്യാമറ തന്നെ ഇതിൽ പ്രതീക്ഷിക്കാം എന്നാണ് സൂചന. ഒപ്പം ചിത്രങ്ങളിലെ നോയിസ് ഒഴിവാക്കാനുള്ള സംവിധാനവും ഇതിലുണ്ടായിരിക്കും. കുറഞ്ഞ വെളിച്ചത്തിലും മികച്ച ഫോട്ടോ എടുക്കാം എന്ന് ചുരുക്കം.

ബാറ്ററി

5,100 എംഎഎച്ച് മുതൽ 5,200 എംഎഎച്ച് വരെയാണ് ഐഫോൺ 18 പ്രോ മാക്സിന്റെ ബാറ്ററി. ഒപ്പം തന്നെ ഫോണിൻ്റെ ബോഡിയുടെ കട്ടി (വലുപ്പം) 8.8 മില്ലീമീറ്ററായിരിക്കും. ഫോണിൻ്റെ ഭാരം 240 ഗ്രാം ഭാരമായിരിക്കും. ഒപ്പം ആപ്പിളിന്റെ എ 20 പ്രോ ചിപ്പും ഫോണിൽ ഉണ്ടായിരിക്കാം. ഇതുവഴി ആപ്പിളിൻ്റെ എഐ ഫെസിലിറ്റിയിൽ വലി മാറ്റങ്ങളും ഉണ്ടായിരിക്കുമെന്നാണ് വിവരം.

ALSO READ : Cheaper Smartphone: റിയൽമിയുടെ 3000 രൂപയുടെ ഫോൺ ഇന്ത്യയിൽ എന്ന്?

ഡിസ്പ്ലേ

6.9 ഇഞ്ച് ഡിസ്പ്ലേയാണ് ഫോണിലുള്ളത്, ഫോണിൻ്റെ ആകെയുള്ള പെർഫോമൻസ് മെച്ചെപ്പെടുത്താൻ ആപ്പിൾ തങ്ങളുടെ മികച്ച ചിപ്പ് സാങ്കേതിക വിദ്യ തന്നെയാണ് 18 പ്രോയിൽ ഉപയോഗിക്കുന്നതെന്നാണ് വിവരം.

എന്ന് ലോഞ്ച് ചെയ്യും

നിലവിൽ ലഭിക്കുന്ന വിവരങ്ങൾ പ്രകാരം ഫോൺ ലോഞ്ച് ചെയ്യുന്നത് സെപ്റ്റംബറിൽ ആയിരിക്കുമെന്നാണ് വിവരം. ഐഫോൺ 18, ഐഫോൺ എയർ 2, ഐഫോൺ 18 പ്രോ, 18 പ്രോ മാക്സ് എന്നീ വേരിയൻ്റുകളാണ് കമ്പനി പുറത്തിറക്കുന്നത്. ഐഫോൺ 18 ന്റെ വില ഐഫോൺ 17 നെ അപേക്ഷിച്ച് കമ്പനി വർദ്ധിപ്പിക്കുമെന്നാണ് സൂചന.

പ്രോ വേരിയൻ്റ് ആവശ്യം

ഫോബ്സിൻ്റെ റിപ്പോർട്ട് അനുസരിച്ച് ഐഫോണിൻ്റെ പ്രോ-വേരിയൻ്റിന് മാർക്കറ്റിൽ വലിയ ഡിമാൻ്റാണുള്ളത്. അതുകൊണ്ട് തന്നെ
2026 അവസാന പാദത്തിൽ കമ്പനിക്ക് ഇതുവഴി അധിക വരുമാനം നേടാനാകും. മെമ്മറി,ചിപ്പ് ക്ഷാമം എന്നിവ മൂലം ലോകമെമ്പാടുമുള്ള മൊബൈൽ ഫോൺ കമ്പനികൾ വിലയിൽ വലിയ മാറ്റങ്ങൾ വരുത്തിയിരിക്കുകയാണ്. ഇത് ആപ്പിളിനും ബാധകമായേക്കാം എന്നാണ് സൂചന.

English Summary

iPhone 18 Pro updates smartphone likely to get two battery variant's check all the features. Know when this phone will launch in India

ഒറ്റവാക്കിൽ മനുഷ്യ സാധ്യമാണോ ? എന്ന് തോന്നും വിധമാണ് സാമൂഹിക മാധ്യമങ്ങളിൽ ഇപ്പോൾ ചർച്ചയാകുന്നൊരു ഇൻസ്റ്റഗ്രാം പേജ്. 28.7 മില്യൺ പോസ്റ്റുകളാണ് ഈ പേജിലുള്ളത്. അതായത് കൃത്യമായി പറഞ്ഞാൽ ഏതാണ്ട് 2 കോടിക്കും മുകളിൽ പോസ്റ്റ്. ഒറ്റ നോട്ടത്തിൽ ഒരു പ്രോഫൈൽ ചിത്രമോ, ഡിസ്ക്രിപഷ്നോ ഒന്നുമില്ലാത്തൊരു പേജ്, ഇനി ഇത് പേജ് തന്നെയോ എന്ന് പലർക്കും സംശയമുണ്ട്. പ്രൈവറ്റ് അക്കൗണ്ട്‌ ആയതിനാൽ കൂടുതൽ വിവരങ്ങൾ ഒറ്റ നോട്ടത്തിൽ കാണാനും സാധിക്കില്ല. Moapies എന്നതാണ് പേജിൻ്റെ പേര്. ഇങ്ങനെയൊരു പേരിൻ്റെ അർഥം ഗൂഗിളിൽ പോലും തിരഞ്ഞാൽ ലഭിക്കില്ലെന്നതാണ് സത്യം. 78.8K ഫോളോവേഴ്സാണ് ഇതിലുള്ളത്. പേജിൽ നിന്നും ഫോളോ ചെയ്യുന്നത് വെറും 4 അക്കൗണ്ടുകൾ മാത്രം.എന്താണ് ഇത്തരമൊരു പ്രതിഭാസത്തിന് പിന്നിൽ എന്ന് പരിശോധിക്കാം.

മനുഷ്യ സാധ്യമാണോ

ഒരു വ്യക്തിക്കോ, അല്ലെങ്കിൽ ഏതെങ്കിലും സ്ഥാപനത്തിനോ ഇത്തരമൊരു കാര്യം ചെയ്യാൻ പറ്റുമോ എന്ന് പലരും ചോദിക്കുന്നുണ്ട്. ഇങ്ങനെ ചെയ്യാം എന്ന് കരുതിയാലും ഇതിൻ്റെ കണക്കുകൾ നോക്കിയാൽ അത് സാധ്യമല്ലെന്ന് വേണം കരുതാൻ. 2019-ൽ ആരംഭിച്ച പേജാണിതെന്നാണ് വിവരം. അങ്ങനെ നോക്കിയാൽ ഏകദേശം 7 വർഷത്തെ പഴക്കം. ഇതിനെ ദിവസങ്ങളായി കണക്കാക്കിയാൽ ഏകദേശം 2557 ദിവസങ്ങൾ. ഇതിനെ 2.8 കോടി കൊണ്ട് ഭാഗിച്ചാൽ അതായത് 10950 പോസ്റ്റുകൾ വീതം പേജിൽ ദിവസവും പോസ്റ്റ് ചെയ്താലെ നിലവിലെ 2.8 കോടിയിലേക്ക് 6 വർഷം കൊണ്ട് എത്താൻ സാധിക്കൂ.

ALSO READ:  Meta Forum app: ഫേസ്ബുക്ക് ഉണ്ടെങ്കില്‍ ഫോറം ഉപയോഗിക്കാം; റെഡ്ഡിറ്റിന് പണി കൊടുത്ത് മെറ്റ

ഒരു മണിക്കൂറിൽ

1 മണിക്കൂറിൽ കുറഞ്ഞത് 456 പോസ്റ്റുകൾ എങ്കിലും പബ്ലിഷ് ചെയ്യണം. അതായത് ദിവസം തോറും ഒാരോ ഏഴ് സെക്കൻ്റുകളിലും 1 പോസ്റ്റ് പബ്ലിഷ് ചെയ്യണം. ഇതിന് സാധ്യതയില്ലെന്നാണ് പല സോഷ്യൽ മീഡിയ വിദഗ്ധരും ചൂണ്ടിക്കാണിക്കുന്നത്. യാതൊരു വിധത്തിലുമുള്ള പ്രശ്നങ്ങളും കൂടാതെ തന്നെ ഇത് പൂർത്തിയാക്കുക അൽപ്പം പ്രയാസകരമായ കാര്യമാണ്.

ഇതാണ് ആ പേജ് ( ഒരു എക്സ് പോസ്റ്റ് )

इंस्टाग्राम पर एक Moapies नाम का अकाउंट है , जिसने सबका दिमाग घुमा दिया हैं !

2018 में बने इस अकाउंट पर 78000 फॉलोअर्स हैं लेकिन इसने 28.7 मिलियन पोस्ट कर दिया हैं , 28.7 मिलियन पोस्ट आखिर कैसे ?

अगर रोज 10 पोस्ट किया जाएं तो लगभग 7980 साल का समय लगेगा ,

अगर रोज 100 पोस्ट करे… pic.twitter.com/DYOsAigGNk

— Prem Bhardwaj (@premkumarcbn01) May 31, 2026

സാധ്യത

ഇത് ഇൻസ്റ്റഗ്രാമിൻ്റെ ഭാഗത്ത് നിന്നുണ്ടായ ഒരു സാങ്കേതിക പ്രശ്നമോ അതല്ലെങ്കിൽ ഹാക്കർമാരുടെ തന്ത്രങ്ങളോ ആകാം എന്നാണ് സൂചന. എന്തായാലും ആഗോളതലത്തിൽ തന്നെ ചർച്ചയായിരിക്കുകയാണ് പേജ്. ഇതിനോടകം പല യൂട്യൂബർമാരും ഇത് സംബന്ധിച്ച് വീഡിയോകൾ സോഷ്യൽ മീഡിയയിൽ പങ്കുവെച്ചിട്ടുണ്ട്. "Tag me in the post you found me to get accepted!" എന്നാണ് പേജിൻ്റെ ബയോ. അതുകൊണ്ട് തന്നെ ഇതിൽ ചില തട്ടിപ്പുകളും ഉണ്ടാവാം എന്നും സൂചനയുണ്ട്. എന്തായാലും അഞ്ജാത ഇൻസ്റ്റഗ്രാം പേജിനെ കുറിച്ചുള്ള ചർച്ചയാണ് സാമൂഹിക മാധ്യമങ്ങളിൽ.

English Summary

Explaining the Real Mystery behind the Viral Moapies Instagram account. is that really possible to post More than 2 crore posts in 7 years. How to do this posting if its is possible. Check how we can calculate the Posting and Differences

നിങ്ങളുടെ ഫോണിലെ ബാറ്ററി വളരെ വേഗത്തിൽ തീരുന്നതായി നിങ്ങൾക്ക് സംശയമുണ്ടോ? എങ്കിൽ സംശയിക്കേണ്ടതില്ല അതിന് കാരണം ഒരു പക്ഷെ 5G നെറ്റ്‌വർക്കുകൾ ആയിരിക്കാം. ഒരു പരിധി വരെ 5G ഉപകാരപ്രദമാണെങ്കിലും ചില പ്രശ്നങ്ങളും 5G നെറ്റ്വർക്കുകൾ വഴിയുണ്ട് അതിലൊന്നാണ് സ്മാർട്ട്ഫോണുകളിലെ ബാറ്ററി പ്രശ്നം. വേഗതയേറിയ ഡൗൺലോഡ്, സുഗമമായ സ്ട്രീമിംഗ്, ഓൺലൈൻ ഗെയിമിംഗ് എന്നിവയ്ക്കെല്ലാം നെറ്റ്വർക്കിൽ വേഗത കൂടുതലായതിനാൽ ഫോണും കൂടുതൽ പ്രവർത്തിക്കേണ്ടി വരാം. ഇങ്ങനെ ഫോണിൻ്റെ ബാറ്ററി കുറഞ്ഞേക്കാം.

5G കൂടുതൽ ബാറ്ററി ഉപയോഗിക്കുമോ?

4G-യെ അപേക്ഷിച്ച് 5G കൂടുതൽ ബാറ്ററി ഉപയോഗിക്കുന്നുണ്ട്. ഇതിൻ്റെ പ്രധാന കാരണം നെറ്റ്‌വർക്ക് വേഗത, പ്രകടനം എന്നിവ മെച്ചപ്പെട്ട രീതിയിൽ ചെയ്യുന്നതു കൊണ്ടാണ്. ഇതുവഴി കൂടുതൽ ഡാറ്റ ഉപയോഗിക്കേണ്ടി വരുന്നു. ഇതുവഴി സോഫ്റ്റ്‌വെയറിൽ കൂടുതൽ സമ്മർദ്ദം ചെലുത്തേണ്ടി വരാം. മൾട്ടി ടാസ്ക്കിംഗ് പോലെയുള്ളവക്കായി ഡിസൈൻ ചെയ്തിട്ടുള്ളവയാണ് സ്മാർട്ട്ഫോണുകൾ.

യാത്ര ചെയ്യുമ്പോൾ

യാത്ര ചെയ്യുമ്പോഴും ഫോൺ ബാറ്ററിയിൽ കുറവ് ഉണ്ടാകാം. ഇതിന് കാരണം നെറ്റ്വർക്ക് പലയിടത്തും മാറി കൊണ്ടിരിക്കുന്നതാണ്. ഇതുവഴി നിങ്ങളുടെ ഫോൺ ബാറ്ററിയിൽ കുറവുണ്ടാകും. റോമിംഗിലായിരിക്കുമ്പോഴോ, മൊബൈൽ നെറ്റ്‌വർക്കുകൾ ലഭിക്കാത്ത സ്ഥലങ്ങളിലോ ഇത്തരം പ്രശ്നം ഉണ്ടാകാം. ഇങ്ങനെയുള്ളയിടങ്ങളിൽ ബാറ്ററി ചിലപ്പോൾ റെക്കോർഡ് സമയത്തിൽ തന്നെ തീർന്നു പോകും. 5G ഫോണുകളുടെ ബാറ്ററി ബാക്കപ്പ് മെച്ചപ്പെടുത്താൻ ചില പൊടിക്കൈകൾ ഫോണിൽ തന്നെയുണ്ട്. ഇത് കൃത്യമായി മനസ്സിലാക്കി ചെയ്താൽ ഒരു പരിധി വരെ ബാറ്ററി ഉപയോഗം കുറക്കാൻ സാധിക്കും.

ALSO READ : Cheaper Smartphone: റിയൽമിയുടെ 3000 രൂപയുടെ ഫോൺ ഇന്ത്യയിൽ എന്ന്?

അഡാപ്റ്റീവ് ബാറ്ററി

മിക്ക ആൻഡ്രോയിഡുകളിലും അഡാപ്റ്റീവ് ബാറ്ററി എന്നൊരു ഫീച്ചർ സെറ്റിംഗ്സിൽ ഉണ്ടാവും. ഇത് നിങ്ങളുടെ ഫോണിലെ ആപ്പുകൾ എങ്ങനെ ഉപയോഗിക്കണമെന്ന് മനസ്സിലാക്കാൻ സഹായിക്കുകയും, ഒപ്പം തന്നെ ഫോണിലെ ആപ്പുകളുടെ അനാവശ്യമായ ബാറ്ററി ഉപഭോഗവും ഇതുവഴി നിയന്ത്രിക്കും.

ബാറ്ററി സേവർ മോഡ് ഓണാക്കുക

ഫോണിലെ ചാർജ് കുറയുന്ന സാഹചര്യത്തിൽ ആദ്യം ചെയ്യേണ്ടത് ഫോണിലെ തന്നെ ബാറ്ററി സേവർ മോഡ് ഉപയോഗിക്കുക എന്നതാണ്. ഇത് ഫോണിലുള്ള ബാക്ക് ഗ്രൌണ്ട് ആപ്പുകളുടെ പ്രവർത്തനം പരിമിതപ്പെടുത്തും. ചില ആപ്പുകൾ തുടർച്ചയായി ചോദിക്കുന്ന ലൊക്കേഷൻ ആക്സസ് കുറക്കും. ഒപ്പം അനാവശ്യമായ നെറ്റ്വർക്ക്
ആക്സസുകളും ഒഴിവാക്കും.

മൊബൈൽ ഡാറ്റ

ആവശ്യമില്ലാത്തപ്പോൾ നിങ്ങളുടെ മൊബൈൽ ഡാറ്റ പ്രവർത്തിപ്പിക്കാതിരിക്കുക.മോശം നെറ്റ്‌വർക്ക് ഉള്ള പ്രദേശങ്ങളിൽ ഇൻ്റർനെറ്റ് ആവശ്യമില്ലെങ്കിൽ, മൊബൈൽ ഡാറ്റ ഓഫാക്കി വെച്ച് നിങ്ങളുടെ ഫോണിൻ്റെ ചാർജ് ലാഭിക്കുക.

4G ഉപയോഗിക്കുക

നെറ്റ്വർക്ക് കുറവായ പ്രദേശങ്ങളിൽ 4G ഉപയോഗിക്കുക. ഇതിനായി ഫോണിലെ സെറ്റിംഗ്സിൽ നിന്നും 4G യിലേക്ക് മാറുക. പ്രദേശത്ത് 5G കവറേജ് കുറവാണെങ്കിൽ, നിങ്ങളുടെ നെറ്റ്‌വർക്ക് സെറ്റിംഗ്സിൽ നിന്നും 4G ലേക്ക് മാറാം. തുടർച്ചയായ നെറ്റ്‌വർക്ക് സ്വിച്ചിംഗ് നിങ്ങൾക്ക് ഒഴിവാക്കാനാകും.

വേഗത കൂടും, ബാറ്ററി മാനേജ്മെന്റ് ആവശ്യമാണ്!

5G-വന്നാൽ നിങ്ങളുടെ ഫോണിൽ ഇൻ്റർനെറ്റിൻ്റെ വേഗത വർദ്ധിപ്പിക്കും. എന്നാൽ സ്ഥിരതയില്ലാത്ത കവറേജും നിരന്തരമായ നെറ്റ്‌വർക്ക് പ്രശ്നങ്ങളും നിങ്ങളുടെ സ്മാർട്ട്‌ഫോണിന്റെ ബാറ്ററിയെ ബാധിച്ചേക്കാം. ഇതിന് കൃത്യമായൊരു ശ്രദ്ധ ഫോണിൽ ഉണ്ടായിരിക്കണമെന്ന് മാത്രം.

ചൈനീസ് സ്മാർട്ട്ഫോൺ നിർമാതാക്കളായ വിവോ തങ്ങളുടെ ഏറ്റവും പുതിയ മിഡ് റേഞ്ച് മോഡലായ വിവോ എസ്60 അവതരിപ്പിച്ചു. നിലവിൽ ചൈനയിൽ മാത്രമാണ് വിവോ തങ്ങളുടെ പുതിയ ഫോൺ അവതരിപ്പിച്ചിട്ടുള്ളത്. പിന്നാലെ ഇന്ത്യ ഉൾപ്പെടെയുള്ള മറ്റ് ആഗോള വിപണിയിലേക്ക് വിവോ എസ്60 എത്തുമെന്നാണ് പ്രതീക്ഷിക്കുന്നത്. ട്രിപ്പിൾ ക്യമാറ സിസ്റ്റം, 90വാട്ട് ഫാസ്റ്റ് ചാർജിങ് സപ്പോർട്ട് ചെയ്യുന്ന 7,200mAh ബാറ്ററി തുടങ്ങിയവാണ് വിവോ എസ്60യുടെ ആകർഷണീയമായ ഫീച്ചർ. 144ഹെർട്സ് റിഫ്രെഷ് റേറ്റുള്ള ഡിസ്പ്ലെയുടെ വലുപ്പം 6.59 ഇഞ്ചാണ്. ഇവയ്ക്ക് പുറമെ 3ഡി അൾട്രാസോണിക് ഫിംഗർപ്രിൻ്റ് സ്കാനറും പ്രധാന ഫീച്ചറായിട്ടുണ്ട്.

വിവോ എസ്60 ഫോണിൻ്റെ ഇന്ത്യയിലെ വില

നിലവിൽ ചൈനയിൽ മാത്രം വിൽപന ആരംഭിച്ച ഫോണിൻ്റെ ബേസ് വേരിയൻ്റായ 12ജിബി റാമും 256 ജിബി സ്റ്റോറേജുള്ള വിവോ എസ്60ക്ക് 3,599 യുവാനാണ് വില. അതായത് ഇന്ത്യ 50,000 രൂപയോളം വരും. 12 ജിബി റാം 512 ജിബി ഇൻ്റേണൽ സ്റ്റോറേജുള്ള ഫോണിന് 3,999 യുവാൻ(ഏകദേശം 56,000 രൂപ). ഈ മോഡലിൻ്റെ ടോപ്പ് വേരിയൻ്റായ 16ജിബി റാമും 512 ജിബി ഇൻ്റേണൽ സ്റ്റോറേജുമുള്ള ഫോണിന് 4,399 യുവാനാണ് ചൈനയിലെ വില. ഇന്ത്യയിൽ ഇത് 62,000 രൂപയോളം വരും. മുന്ന് കളർ വേരിയൻ്റിലാണ് ഫോൺ വിപണയിലേക്കെത്തുന്നത്. ഏർളി സമ്മർ ഗ്രീൻ, മിഡ്സമ്മർ നൈറ്റ്സ് ഡ്രീം, സീ ഓഫ് സ്റ്റാർസ് എന്നിങ്ങിനെ മൂന്ന നിറത്തിലാണ് വിവോ എസ്60 നിർമിച്ചിട്ടുള്ളത്. ജൂൺ മൂന്നാം തീയതി മുതലാണ് ഫോണിൻ്റെ വിൽപന ചൈനയിൽ ആരംഭിക്കുക.

ALSO READ : Cheaper Smartphone: റിയൽമിയുടെ 3000 രൂപയുടെ ഫോൺ ഇന്ത്യയിൽ എന്ന്?

വിവോ എസ്60 ഫോണിൻ്റെ സ്പെസിഫിക്കേഷനുകളും ഫീച്ചറുകളും

ആൻഡ്രോയ്ഡ് 16നെ അടിസ്ഥാനപ്പെടുത്തി ഒറിജിൻഒഎസ് 6ലാണ് വിവോ എസ്60 പ്രവർത്തിക്കുക.6.5 ഇഞ്ച് വലുപ്പമുള്ള ഫോണിൻ്റെ സ്ക്രീൻ 1.5കെ അമോൾഡ് ഡിസ്പ്ലെയാണ്. 144 ഹെർട്സാണ് റിഫ്രെഷ് റേറ്റ്, 459 പിപിഐ ആണ് പിക്സൽ ഡെൻസിറ്റി. 1.07 ബില്യൺ കളേഴ്സ്, എച്ച്ഡിആർ സപ്പോർട്ട്, 300 ഹെർട്സ് ടച്ച് സാമ്പ്ലിങ് റേറ്റുമാണ് വിവോ എസ്60 ഫോണിൻ്റെ ഡിസ്പ്ലെയുടെ മറ്റ് ഫീച്ചറുകൾ. ഐപി69 പ്ലസ് ഐപി69 റേറ്റിങ്ങുള്ള ഡസ്റ്റ് വാട്ടർ റെസിസ്റ്റൻസാണ് ഫോണിനുള്ളത്. 4nm ഒക്ടാ കോർ സ്നാപ്ഡ്രാഗൺ 8എസ് ജെൻ 3 ചിപ്പ്സെറ്റാണ് ഫോണിനുള്ളത്.

ഫോണിൻ്റെ പിന്നിൽ ട്രിപ്പിൾ ക്യാമറ യൂണിറ്റാണുള്ളത്. 50 മെഗാപിക്സലാണ് പ്രൈമറി ലെൻസ്, ഒപ്റ്റിക്കൽ ഇമേജ് സ്റ്റെബിലൈസേഷനും ഫീച്ചറായിട്ടുണ്ട്. എട്ട് എംപി അൾട്രവൈഡ് ലെൻസും 50 എംപിയുടെ പെരിസ്കോപ്പ് ടെലിഫോട്ടോ ലെൻസുമാണ് ട്രിപ്പിൾ ക്യാമറ സിസ്റ്റത്തിലുള്ളത്. ഫ്രണ്ട് ക്യാമറയും 50 എംപിയാണ്. 4K ക്വാളിറ്റിയിൽ വീഡിയോകൾ ചീത്രീകരിക്കാൻ സാധിക്കുന്നതാണ്. ഫോണിൻ്റെ ഭാരം 207 ഗ്രാം മാത്രമാണ്.

English Summary

Chinese Smartphone maker Vivo new Mid Range Model Vivo S60 Launched in China. Vivo expect to Launch in India Next Month With Price Range of 50,000 to 65,000 Rupees.

ഇതുക്കും മേലെ ഒരു ബജറ്റ് ഫോൺ സ്വപ്നം മാത്രമായിരിക്കും എന്ന് പറഞ്ഞാൽ അത് എത്ര പേർക്ക് മനസ്സിലാവും അങ്ങനെയൊരു സ്മാർട്ട്ഫോണാണ് റിയൽമിയുടെ C-2 S എന്താണിത്ര പ്രത്യേകത എന്ന് കരുതുന്നവർ അറിഞ്ഞിരിക്കേണ്ടത് സംഭവത്തിൻ്റെ വിലയാണ് ഏതാണ്ട് 3400 രൂപയുണ്ടെങ്കിൽ നിങ്ങൾക്ക് ഇങ്ങനെയൊരു ഫോൺ വാങ്ങാൻ സാധിക്കും. ഇത് സ്വപ്നമാണോ സത്യമാണോ എന്നൊക്കെ ഇപ്പോൾ പലർക്കും തോന്നിയേക്കാം. എന്തായാലും സംഭവം സത്യം തന്നെയാണ്. റിയൽമി അങ്ങനെയൊരു ഫോൺ വിപണിയിലേക്ക് എത്തിച്ചിട്ടുണ്ട്. അതിനെ പറ്റിയാണ് ഇനി പരിശോധിക്കുന്നത്.

റിയൽമിയുടെ C-2s

വില കുറവാകുമ്പോൾ ഫീച്ചറുകളിലും അൽപ്പം കുറവ് പ്രതീക്ഷിക്കാം. റിയൽമിയുടെ C-2 വിൻ്റെ പ്രധാന പ്രത്യേകത അതിൻ്റെ പ്രോസ്സറാണ് മീഡിയടെക് പി22 പിന്തുണയോടെ ഇത് പ്രവർത്തിക്കുന്നത്. ആൻഡ്രോയിഡ് 9.0 ആണ് ഇതിൻ്റെ ഒഎസ്. 3 ജിബി റാമും 32 ജിബി സ്റ്റോറേജുമുള്ള ഫോണിന് 6.1 ഇഞ്ച് ഐപിഎസ് എൽസിഡി ഡിസ്‌പ്ലേയാണ് കമ്പനി നൽകിയിരിക്കുന്നത്.

ഒപ്പം 13 എംപി + 2 എംപി ഡ്യുവൽ റിയർ ക്യാമറയും 5 എംപി ഫ്രണ്ട് ക്യാമറയും ഇതിനുണ്ട്. 4000 എംഎഎച്ച് ബാറ്ററിയാണ് ഫോണിലുള്ളത്. ഒപ്പം ആവശ്യമെങ്കിൽ എക്സ്പാൻഡബിൾ സ്റ്റോറേജും ലഭ്യമാണ്, ഒപ്പം 3.5 എംഎം ഹെഡ്‌ഫോൺ ജാക്ക്, യുഎസ്ബി ഓൺ-ദി-ഗോ എന്നിവയെല്ലാം റിയൽമിയുടെ C-2 എസിലുണ്ട്.

ALSO READ : Budget Phones: 10000 രൂപ കൊടുത്താൽ 6000 mah ബാറ്ററിയുള്ള ഫോൺ, ഞെട്ടിയോ

ഫോൺ ഇന്ത്യയിലുണ്ടോ

ഇതാണ് ഏറ്റവും പ്രധാനപ്പെട്ട കാര്യം. വില കണ്ട് പലരും അതിശയിച്ച് വാങ്ങാൻ തയ്യാറെടുക്കും മുൻപ് ഒരു കാര്യം കൂടി അറിഞ്ഞിരിക്കണം. ഇന്ത്യയിൽ ഫോൺ ഇതുവരെ എത്തിയിട്ടില്ല. നിലവിൽ 2020-ൽ ഫോൺ തായ്ലൻ്റിൽ ലോഞ്ച് ചെയ്ത വിലയാണ് 3400. എന്നാൽ ചില വെബ്സൈറ്റുകൾ പങ്കുവെക്കുന്ന വിവരങ്ങൾ പ്രകാരം ഫോൺ അധികം താമസിക്കാതെ തന്നെ ഇന്ത്യയിൽ ലോഞ്ച് ചെയ്യുംമെന്നാണ്. ഏന്നാൽ റിയൽമി ഇത് ഒഫീഷ്യലായി പറഞ്ഞിട്ടില്ല. എന്നാൽ ഇത്രയും വിലക്കുറവിൽ എത്തുന്ന മോഡൽ ഇന്ത്യയിൽ ലോഞ്ച് ചെയ്താൽ അതിവേഗത്തിൽ വിൽപ്പന നടക്കുമെന്ന് ചില മാർക്കറ്റ് അനലിസ്റ്റുകളും നിരീക്ഷിക്കുന്നു.

ഇതാണ് ആ ഫോൺ

Realme C2s quietly unveiled with a Helio P22 SoC and dual camera https://t.co/TrgzlRye8m pic.twitter.com/QMm8MbBl1c

— UniverSmartphone (@UniverSmartphon) January 7, 2020

എന്തു കൊണ്ട് വാങ്ങണം

ബജറ്റ് ഫ്രണ്ട്ലി, എൻട്രി ലെവൽ ഫോണുകൾ മാത്രം താത്പര്യമുള്ളവർക്ക് എല്ലാം കൊണ്ടും പറ്റിയ മോഡലായിരിക്കും ഇത്. വിലക്കുറവും, താരതമ്യേനെ ചെറിയ ഫീച്ചറുകൾ വേണ്ടവർക്കും ഇത് ഉപയോഗിക്കാവുന്നതാണ്. വിലയിലും വലിയ കൂടുതലില്ല. പ്രായമായവർക്കും, അധികം ആവശ്യങ്ങളില്ലാത്തവർക്കും, ഒരു സ്മാർട്ട്ഫോൺ ഉപയോഗിച്ച് പഠിക്കേണ്ടവർക്കുമെല്ലാം ബെസ്റ്റ് മോഡലാണിത്.

English Summary

When did Realme's Cheapest budget friendly Smartphone C2s Launching India. This Smartphone costs approximately Rs 3400 on Thailand market. Few websites saying this phone likely to launch soon in Indian Market. Here we discussing about this phone's features and Price.

ഫോൺ ചൂടാകുന്നു, ഒന്നും ചെയ്യാൻ പറ്റുന്നില്ല, ബുൾസൈ വരെ ഇതിൽ ഉണ്ടാക്കാം. മിക്കവാറും പേരുടെ പ്രധാന പരാതികളിൽ ഒന്നാണിത്. ഒന്നിലധികം കാരണങ്ങൾ മൂലമാണ് ഫോണുകളിലെ താപനില വർധിക്കുന്നത്. കൃത്യമായി ഇത് പരിഹരിച്ചില്ലെങ്കിൽ ചിലപ്പോൾ ഫോൺ പൊട്ടിത്തെറിച്ച് അത് ദുരന്തമാകാൻ പോലും കാരണമായേക്കാം. അതിനെ പറ്റിയൈാണ് ഇവിടെ പരിശോധിക്കുന്നത്. വേനൽക്കാലങ്ങളിൽ ഇത്തരം പ്രശ്നങ്ങൾ വളരെ അധികം വർധിച്ചേക്കാം.

ചൂടാകുന്നതിൻ്റെ കാരണങ്ങൾ

സ്മാർട്ട്ഫോണുകളിലെ ചൂടിൻ്റെ പ്രധാന കാരണങ്ങളിൽ ഒന്ന് ഫോണിൻ്റെ ഉപയോഗമാണ്. ഗെയിമിംഗ്, വീഡിയോ ഷൂട്ടിംഗ് തുടങ്ങിയവക്കെല്ലാം ഫോണിൻ്റെ ഇൻ്റേണൽ പാർട്സുകളിൽ കൂടുതൽ സമ്മർദ്ദം ചെലുത്തും ഇത് ഫോണിനെ ചൂടാക്കാൻ കാരണമാകും. എന്നാൽ ഇത് മാത്രമാണ് കാരണങ്ങൾ എന്ന് കരുതരുത്, വേറെയും ചില പ്രശ്നങ്ങളുണ്ട്.

ഫോൺ വെയിലിൽ നിന്ന് അകറ്റാം

തമാശയാണെന്ന് കരുതരുത്, ഒരു പരിധി വരെ ഫോണിന് സൂര്യപ്രകാശം ശത്രുവാണ്. വെയിലുള്ളപ്പോൾ നിങ്ങൾ പുറത്ത് ഫോൺ ഉപയോഗിക്കുകയോ കാറിൻ്റെ ഡാഷ്‌ബോർഡിൽ മറന്നുപോവുകയോ പാടില്ല, വേഗത്തിൽ തന്നെ താപനില ഉയരും. പരമാവധി നിങ്ങളുടെ ഫോൺ തണലിൽ വെയ്ക്കാൻ ശ്രദ്ധിക്കുക. ഒപ്പം ചൂടുള്ളപ്പോൾ കാറിനകത്തോ അല്ലാതെ ചൂടുള്ള പ്രതലങ്ങളിലോ ഫോൺ വെയ്ക്കാൻ പാടില്ല.

ALSO READ : Budget Phones: 10000 രൂപ കൊടുത്താൽ 6000 mah ബാറ്ററിയുള്ള ഫോൺ, ഞെട്ടിയോ

വെള്ളം ഉപയോഗിച്ച് ഫോൺ തണുപ്പിക്കാൻ ശ്രമിക്കരുത്

ചൂട് കൂടുമ്പോൾ ഫോൺ ഫ്രിഡ്ജിൽ പോലും വെക്കുന്നവരുണ്ട്, ചിലർ തണുത്ത വെള്ളത്തിൽ തുടക്കുകയും ചെയ്യും.ഇത് ഒരു മോശം രീതിയാണ്. ഇലക്ട്രോണിക്സ് ഉപകരണങ്ങളിൽ ഈർപ്പം ഇറങ്ങാൻ പാടില്ല. നിങ്ങളുടെ ഉപകരണം സ്പർശിക്കുമ്പോൾ ചൂടായി തോന്നുകയാണെങ്കിൽ, അത് ഓഫ് ചെയ്ത് സാധാരണ നിലയിലേക്ക് മടങ്ങുന്നത് ചൂട് കുറഞ്ഞ എവിടെയെങ്കിലും വയ്ക്കുക എന്നതാണ് നല്ലത്.

ഫോണിന് വിശ്രമം

ഗെയിമിംഗ്, ഫോട്ടോ, അല്ലെങ്കിൽ നീണ്ട സ്ട്രീമിംഗ് സെഷനുകൾ എന്നിവയ്ക്കായി നിങ്ങളുടെ ഫോൺ ഉപയോഗിക്കുന്നത് അത് ചൂടാകാൻ കാരണമാകും - പ്രത്യേകിച്ച് വേനൽക്കാലത്ത്. അതിന് ഒരു ഇടവേള നൽകുക. പ്രോസസ്സർ കേടാകും മുൻപ് അത് തണുപ്പിക്കുക.

സ്ഥലങ്ങൾ തിരഞ്ഞെടുക്കുക.

നിങ്ങളുടെ സ്‌ക്രീൻ തെളിച്ചം കൂട്ടുന്നത് അധിക ബാറ്ററി ലോഡുണ്ടാക്കും, ഒപ്പം ഫോണിനുള്ളിൽ താപനിലയും ഉയർത്തും. നിങ്ങളുടെ ഫോൺ എയർ കണ്ടീഷൻ ചെയ്തതോ കാറ്റുള്ളതോ ആയ എവിടെയെങ്കിലും ഉപയോഗിക്കുക. നാവശ്യ ആപ്പുകൾ ഷട്ട് ഡൗൺ ചെയ്യുന്നത് നിങ്ങളുടെ പ്രോസസർ ഓവർടൈം പ്രവർത്തിക്കുന്നത് തടയാൻ സഹായിക്കും.

ഒറിജിനൽ ചാർജറിൽ

കമ്പനി നൽകുന്ന ഒറിജനൽ ചാർജറിൽ തന്നെ ഫോൺ ചാർജ്ജ് ചെയ്യാൻ പ്രത്യേകം ശ്രദ്ധിക്കുക. വിലകുറഞ്ഞതോ, തേർഡ് പാർട്ടികളുടെയോ ആയ വ്യജ ചാർജറുകൾ ഒഴിവാക്കുക.ചിലത് വോൾട്ടേജ് ശരിയായി നിയന്ത്രിക്കില്ല,ഇവ കാലക്രമേണ അമിതമായി ചൂടാകുകയും ബാറ്ററിയെ നശിപ്പിക്കുകയും ചെയ്യും. എല്ലായ്പ്പോഴും ഫോൺ കമ്പനി അംഗീകരിച്ച ചാർജർ ഉപയോഗിച്ച് നിങ്ങളുടെ ഉപകരണം ചാർജ് ചെയ്യുക.

English Summary

Reason behind smartphone's Over heating ? this is not because of gaming. many reasons here Prevent Explosions & Boost Life! Fix Your Smartphone Heat Issues through simple tips. Know what are the Main Reasons behind the Smartphone heating.

മിക്കവാറും എല്ലാ ഐഫോൺ പ്രേമികളും കാത്തിരിക്കുന്നത് ഐഫോണിൻ്റെ ഫോൾഡബിൾ മോഡലിൻ്റെ ലോഞ്ചിനായാണ്. എന്നാൽ കേൾക്കുന്ന റിപ്പോർട്ടുകൾ വിശ്വസിക്കാമെങ്കിൽ ഇതിന് മുൻപ് മറ്റൊരു മോഡൽ കൂടി വിപണിയിലേക്ക് എത്തിക്കാൻ ഒരുങ്ങുകയാണ് ആപ്പിൾ. കമ്പനിയുടെ ഐഫോൺ 18 പ്രോയാണ് ഇത്തരത്തിൽ ലോഞ്ച് ചെയ്യാൻ പോകുന്നത്. എന്നാൽ സെപ്റ്റംബറിൽ നടക്കുന്ന ലോഞ്ച് ഇവൻ്റിൽ കമ്പനി രണ്ട് മോഡലുകൾ മാത്രമായിരിക്കും അവതരിപ്പിക്കു എന്നതാണ് സൂചന. ഐഫോൺ 18 പ്രോ, പ്രോ മാക്സ് എന്നിവ ലോഞ്ച് ചെയ്യുമെന്നാണ് സൂചന.

എന്തു കൊണ്ട് ആദ്യം പ്രോ മോഡലുകൾ

വിൽപ്പന കൂട്ടി വരുമാനം വർധിപ്പിക്കുക മാത്രമാണ് ഐഫോണിൻ്റെ പ്രോ മോഡലുകൾ ആദ്യം ലോഞ്ച് ചെയ്യുന്നതിലെ ഉദ്ദേശം. പ്രോ മോഡലുകളിലെ ഫീച്ചറുകളും സ്പെക്കും കൊണ്ടാണ് കൂടുതൽ പേരും ഇതിലേക്ക് എത്തുന്നത്. പ്രോ മാക്‌സ് മോഡലിൽ ആപ്പിൾ നിരവധി ശ്രദ്ധേയമായ അപ്‌ഗ്രേഡുകൾ കൊണ്ടുവരാൻ കഴിയുമെന്നാണ് ടെക് ലോകത്ത് പ്രചരിക്കുന്ന അഭ്യൂഹങ്ങൾ. മെച്ചപ്പെട്ട ബാറ്ററി ലൈഫ് മുതൽ പുതിയ 2nm ചിപ്‌സെറ്റും അപ്‌ഗ്രേഡ് ചെയ്‌ത ക്യാമറയും വരെ, ഐഫോൺ 18 പ്രോ മാക്‌സിൽ ഉണ്ടായേക്കാം എന്നാണ് വിവരം.]

ALSO READ : Budget Phones: 10000 രൂപ കൊടുത്താൽ 6000 mah ബാറ്ററിയുള്ള ഫോൺ, ഞെട്ടിയോ

ഫ്രണ്ട് ഡിസ്പ്ലേ

ഫോണിൻ്റെ ഏറ്റവും വലിയ മാറ്റങ്ങളിലൊന്ന് ഫ്രണ്ട് ഡിസ്പ്ലേയുമായി ബന്ധപ്പെട്ടതാണ്. നേരത്തെയുള്ള റിപ്പോർട്ടുകൾ പ്രകാരം ആപ്പിൾ സ്ക്രീനിനടിയിൽ ഫേസ് ഐഡി സിസ്റ്റം മാറ്റിയേക്കാം എന്നാണ് സൂചന, ഒരു ചെറിയ ക്യാമറ കട്ടൗട്ട് മാത്രമേ ഡിസ്പ്ലേയുടെ പുറത്ത് ദൃശ്യമാകൂ. എന്നാൽ പുതിയ വിവരങ്ങൾ പ്രകാരം ആപ്പിൾ ഇപ്പോൾ ഡിസ്പ്ലേയ്ക്ക് കീഴിൽ ഒരു ഫേസ് ഐഡി മാത്രമേ നീക്കുകയുള്ളൂ എന്നാണ്.

ഡിസ്പ്ലേ വലുപ്പം മാറാൻ സാധ്യതയില്ല. പ്രോ മാക്സ് വേരിയന്റിൽ 6.9 ഇഞ്ച് പാനലും ചെറിയ പ്രോ മോഡലിൽ 6.3 ഇഞ്ച് ഡിസ്പ്ലേയും ആപ്പിൾ തുടരുമെന്ന് റിപ്പോർട്ടുകൾ സൂചിപ്പിക്കുന്നു. എന്നിരുന്നാലും, കമ്പനി പുതിയ LTPO+ ഡിസ്പ്ലേ സാങ്കേതികവിദ്യസ ഫോണിൽ കൊണ്ടു വരുമെന്നാണ് വിവരം, ഇത് ബാറ്ററി ആയുസ്സ് കൂടുതൽ വർദ്ധിപ്പിക്കും.

ബാറ്ററി ലൈഫ്

ഐഫോൺ 18 പ്രോ മാക്‌സിന്റെ ഏറ്റവും വലിയ ഹൈലൈറ്റുകളിൽ ഒന്നായിരിക്കും ഫോണിൻ്റെ ബാറ്ററി ലൈഫ് എന്നാണ് സൂചന. ഐഫോൺ 17 പ്രോ മാക്‌സിനുള്ളിൽ 4,823mAh ബാറ്ററിയായിരുന്നെങ്കിൽ, വരാനിരിക്കുന്ന മോഡലിൽ 5,100mAh ബാറ്ററിയുണ്ടാകുമെന്ന് സൂചന. ഒരു ഐഫോണിൽ ഇതുവരെ ഉപയോഗിച്ചിട്ടുള്ളതിൽ വച്ച് ഏറ്റവും വലിയ ബാറ്ററികളിൽ ഒന്നായിരിക്കും ഇത്.

മറ്റൊരു പോരായ്മ എന്തെന്ന് വെച്ചാൽ, ഫോണിൻ്റെ ഭാരം 240 ഗ്രാമിൽ കൂടുതൽ ഭാരമുള്ളതായിരിക്കാം, ആപ്പിൾ ഇതുവരെ പുറത്തിറക്കിയതിൽ വച്ച് ഏറ്റവും ഭാരമേറിയ ഐഫോണായിരുക്കും ഇതെന്നാണ് സൂചന. ആപ്പിളിന്റെ അടുത്ത തലമുറ A20 പ്രോ ചിപ്‌സെറ്റായിരിക്കും എന്നാണ് സൂചന. താരതമ്യപ്പെടുത്തുമ്പോൾ, ഐഫോൺ 17 പ്രോ ലൈനപ്പിനുള്ളിലെ A19 പ്രോ ചിപ്പ് 3nm പ്രോസസ്സറിൽ ഉണ്ടായിരിക്കുമെന്നാണ് സൂചന.

English Summary

iPhone 18 Pro likely to launch before iPhone foldable ultra model here is what you need to know. This model is coming with a bigger battery and best features, comparing to previous models. 18 Pro Pro max models launch on September and Apple's much awaiting foldable model will launch on November.

പോക്കറ്റിനൊതുങ്ങുന്ന സ്മാർട്ട്ഫോൺ വാങ്ങുക ഇനിയൽപ്പം പ്രയാസകരമായ കാര്യമായിരിക്കും. ലഭിക്കുന്ന വിവരങ്ങൾ പ്രകാരം പല പ്രമുഖ സ്മാർട്ട്ഫോൺ ബ്രാൻഡുകളും തങ്ങളുടെ വിവിധ മോഡലുകളുടെ വില വർധിപ്പിക്കാൻ ഒരുങ്ങുകയാണ്. ഇതിനിടയിൽ റെഡ്മി തങ്ങളുടെ ചില മോഡലുകളുടെ വിലയും വർധിപ്പിച്ചതായാണ് പുറത്തു വരുന്ന പുതിയ റിപ്പോർട്ടുകൾ. റെഡ്മി നോട്ട് 15 5G, റെഡ്മി 15 5G എന്നീ മോഡലുകളുടെ വിലയാണ് കമ്പനി ഉയർത്തിയത്. മാസങ്ങൾക്കുള്ളിൽ ഇത് രണ്ടാമത്തെ വിലവർദ്ധനവാണ്. ചിപ്പുകളുടെ ക്ഷാമം മുതൽ ആഗോളതലത്തിലെ യുദ്ധം വരെയും ഇതിന് കാരണമായി വിദഗ്ധർ ഉയർത്തിക്കാട്ടുന്നു.

റെഡ്മിയുടെ ഇന്ത്യയിലെ പുതിയ വില

റെഡ്മി നോട്ട് 15 5G യുടെ 8GB RAM + 128GB സ്റ്റോറേജ് മോഡലിന് ഇപ്പോൾ 26,999 രൂപയും 8GB + 256GB പതിപ്പിന് 29,999 രൂപയുമാണെന്ന് ടിപ്സ്റ്റർ സഞ്ജു ചൗധരി X-ൽ പങ്കുവെച്ച ട്വീറ്റിൽ ചൂണ്ടിക്കാണിക്കുന്നു. ഇവയുടെ പഴയ വില യഥാക്രമം 22,999 രൂപയും 24,999 രൂപയും ആയിരുന്നു. ഇതിൽ നിന്നാണ് വില വർധിച്ചത്. 2,000 രൂപക്ക് മുകളിലാണ് വിലയിൽ മാറ്റം. റെഡ്മി 15 5G യുടെ കാര്യത്തിലും ഇതുതന്നെയാണ് സ്ഥിതി. പുതിയ വിലകൾ ഇവയാണ് 6GB + 128GB-ക്ക് 20,499 രൂപ, 8GB + 128GB-ക്ക് 22,499 രൂപ, 8GB + 256GB-ക്ക് 24,499 രൂപ എന്നിങ്ങനെയാണ് വില. ഇവയുടെ പഴയ വില യഥാക്രം 14,999 രൂപ, 15,999 രൂപ, 16,999 രൂപ എന്നിങ്ങനെയായിരുന്നു

ALSO READ : Budget Phones: 10000 രൂപ കൊടുത്താൽ 6000 mah ബാറ്ററിയുള്ള ഫോൺ, ഞെട്ടിയോ

റെഡ്മി വെബ്‌സൈറ്റിൽ വിലവർദ്ധന

റെഡ്മിയുടെ ഔദ്യോഗിക സൈറ്റ് പരിശോധിച്ചാൽ, നിങ്ങൾക്ക് പുതുക്കിയ വിലകൾ കാണാൻ കഴിയും. എന്നാൽ ഷവോമി ഇതുവരെ വിലയിലെ മാറ്റം സംബന്ധിച്ച് ഒരു ഔദ്യോഗിക പ്രസ്താവന പുറത്തിറക്കിയിട്ടില്ല,. ഏപ്രിലിൽ സമാനമായ ഒരു വർധനവിന് ശേഷമാണിത്, അന്ന് രണ്ട് മോഡലുകളുടെയും വില ഏകദേശം 2,000 രൂപയാണ് വർദ്ധിച്ചത്.റെഡ്മിയുടെ ഔദ്യോഗിക സൈറ്റ് പരിശോധിച്ചാൽ, നിങ്ങൾക്ക് പുതുക്കിയ വിലകൾ കാണാൻ കഴിയും. എന്നാൽ ഷവോമി ഇതുവരെ വിലയിലെ മാറ്റം സംബന്ധിച്ച് ഒരു ഔദ്യോഗിക പ്രസ്താവന പുറത്തിറക്കിയിട്ടില്ല,. ഏപ്രിലിൽ സമാനമായ ഒരു വർധനവിന് ശേഷമാണിത്, അന്ന് രണ്ട് മോഡലുകളുടെയും വില ഏകദേശം 2,000 രൂപയാണ് വർദ്ധിച്ചത്.

അറിഞ്ഞിരിക്കാൻ

Xiaomi has increased the prices of these phones by ₹2,000.

📱 Redmi 15 5G
• 6+128GB: ₹18,499 → ₹20,499
• 8+128GB: ₹20,499 → ₹22,499
• 8+256GB: ₹22,499 → ₹24,499

📱 Redmi Note 15 5G
• 8+128GB: ₹24,999 → ₹26,999
• 8+256GB: ₹27,999 → ₹29,999

Looks like… pic.twitter.com/WtrHLTHcUN

— TrakinTech (@TrakinTech) May 25, 2026

പ്രധാന കാരണങ്ങൾ

സ്മാർട്ട്ഫോൺ വില വർധനയുടെ പ്രധാന കാരണങ്ങളിൽ ഒന്ന് കമ്പോണന്റ്, ചിപ്‌സെറ്റ് ചെലവുകൾ വർദ്ധിച്ചതാണ്, ഒപ്പം ഇറക്കുമതി, നിർമ്മാണ ഫീസ് കുറയുന്നില്ല, ആഗോള വിതരണ ശൃംഖലയിലെ ഇപ്പോഴും പ്രതിസന്ധി തുടരുകയാണ്. മിഡ്-റേഞ്ച് ഫോണുകളിൽ പോലും AI, 5G പോലുള്ള പ്രീമിയം ഫീച്ചറുകൾക്ക് കൂടുതൽ ആവശ്യക്കാരുണ്ട്. ഈ ഘടകങ്ങളെല്ലാം നോക്കുമ്പോൾ ബജറ്റ് ഫോണുകൾ എന്ന് വിളിക്കപ്പെടുന്ന ഫോണുകൾ പോലും ഇപ്പോൾ ബജറ്റിന് അനുയോജ്യമല്ല എന്നാണ്.

English Summary

Redmi 15 and Note 15 Price is Increased due to Multiple Reasons. Mid Range Pocket friendly phones likely to vanish from the market because of the chip deficiency and global crisis.

ചൈനീസ് സ്മാർട്ട്ഫോൺ നിർമാതാക്കളായ ഒപ്പൊ തങ്ങളുടെ ഏറ്റവും ഫ്ലാഗ്ഷിപ്പ് മോഡൽ അവതരിപ്പിച്ചു. ഒപ്പൊ റെനോ 16 സീരീസിലെ റെനോ 16 പ്രൊ, റെനോ എന്നിങ്ങിനെ രണ്ട് ഫോണുകളാണ് വിപണയിൽ എത്തിച്ചിരിക്കുന്നത്. നിലവിൽ ചൈനീസ് മാർക്കറ്റിൽ മാത്രമാണ് റെനോ 16 അവതരിപ്പിച്ചിട്ടുള്ളത്. ഉടൻ തന്നെ ഇന്ത്യ ഉൾപ്പെടെയുള്ള മറ്റ് ആഗോള വിപണിയിലേക്ക് റെനോ 16 സീരീസ് ഫോണുകൾ ഒപ്പൊ എത്തിക്കുന്നതാണ്. ഇരു ഫോണുകൾക്ക് പുറമെ ഒപ്പൊ പാഡ് 6 ടാബ്ലെറ്റും ചൈനീസ് സ്മാർട്ട്ഫോൺ നിർമാതാക്കൾ അവതരിപ്പിച്ചിട്ടുണ്ട്.

ഒപ്പോ റനോ 16 സീരീസ് ഫോണുകളുടെ വില

16ജിബി റാം 200 എംപി വരുന്ന ട്രിപ്പിൾ ക്യാമറ സിസ്റ്റം, 7,000mAh ബാറ്ററി എന്നിങ്ങിനെ മികച്ച ഫീച്ചറുകളുമായിട്ടാണ് ഫോണുകൾ വിപണയിലേക്കെത്തിയിരിക്കുന്നത്. നിലവിൽ ചൈനീസ് വിപണയിലേക്ക് മാത്രം അവതരിപ്പിച്ചിരിക്കുന്ന ഫോണിൻ്റെ വില 50,000 മുതൽ 70,000 രൂപ വരും. 12ജിബി റാമും 256ജിബി ഇൻ്റേണൽ സ്റ്റോറേജുമുള്ള ഒപ്പൊ റെനോ 16ൻ്റെ ബേസ് വേരിയൻ്റിന് ചൈനയിലെ 3,499 യുവാനാണ് വില, ഇന്ത്യയിലെ ഇത് ഏകദേശം 49,000 രൂപയോളം വരും. റെനോ 16ൻ്റെ ടോപ് വേരിയൻ്റായ 16ജിബി റാമും 1ടിബി ഇൻ്റേണൽ സ്റ്റോറേജുമുള്ള ഫോണിന് 4,899 യുവാനാണ് വില. ഇന്ത്യയിൽ ഏകദേശം 69,000 രൂപ വരും. ഇവയ്ക്ക് പുറമെ 16 ജിബി റാം + 256ജിബി, 12ജിബി റാം + 512ജിബി, 16 ജിബി റാം + 512ജിബി എന്നിങ്ങനെ മറ്റ് മൂന്ന് വേരിയൻ്റുകളിലും റെനോ 16 ലഭിക്കുന്നതാണ്.

ALSO READ : Budget Phones: 10000 രൂപ കൊടുത്താൽ 6000 mah ബാറ്ററിയുള്ള ഫോൺ, ഞെട്ടിയോ

അതേസമയം റെനോ 16 പ്രൊ ഫോണിന് 63,000 മുതൽ 75,000 രൂപ വരെയാകും വില. സ്റ്റോറേജ് വേരിയൻ്റുകൾ രണ്ട് ഫോണുകൾക്കും ഒന്ന് തന്നെയാണ്. മെയ് 29-ാം തീയതി മുതലാണ് ഫോണുകളുടെ വിൽപന ചൈനയിൽ ആരംഭിക്കുന്നത്. രണ്ട് ഫോണുകളും മൂന്ന് വ്യത്യസ്ത നിറങ്ങളിലാണ് വിപണിയിലേക്കെത്തുന്നത്. റെനോ 16 ഗ്യാലക്സി പർപ്പിൾ, ഹാർട്ട്ബീറ്റ്, മൂൺലൈറ്റ് ഈസ് ഡാർക്ക് എന്നിങ്ങിനെ മൂന്ന് നിറങ്ങളിലാണ് വിപണിയിലേക്കെത്തുന്നത്. റെനോ 16 പ്രൊ ഗ്യാലക്സി പർപ്പിളിന് പകരം ഡ്രീം വൈറ്റ് നിറത്തിലും വിൽപനയ്ക്കെത്തും.

ഒപ്പൊ റെനോ 16 സീരീസ് ഫോണുകളുടെ ഫീച്ചറുകൾ

ആൻഡ്രോയ്ഡ് 16നെ അടിസ്ഥാനപ്പെടുത്തി കളർ ഒഎസ് 16ൽ ആണ് റെനോ 16 പ്രൊയും റെനോ 16നും പ്രവർത്തിക്കുക. പ്രൊ മോഡലിന് 6.78 ഇഞ്ചാണ് ഡിസ്പ്ലെ വലുപ്പം. അമോൾഡ് ഡിസ്പ്ലെ, 120 ഹെർട്സ് റിഫ്രെഷ് റേറ്റ്, 240 ഹെർട്സ് ടച്ച് സാമ്പ്ലിങ് റേറ്റ്, 1800 നിറ്റ്സ് പീക്ക് ബ്രൈറ്റ്നെസ് 450 പിപിഐ പിക്സെൽ ഡെൻസിറ്റി, 1,07 ബില്യൺ കളേഴ്സ് 100 ശതമാനം ഡിസിഐ-പി3 കളർ ഗാമട്ട് എന്നിങ്ങിനെയാണ് റെനോ 16 പ്രൊയുടെ ഡിസ്പ്ലെയുടെ ഫീച്ചറുകൾ. അതേസമയം റെനോ 16ന് 6.32 ഇഞ്ചാണ് സ്ക്രീൻ വലുപ്പം. 460 പിപിഐ ഡെൻസിറ്റിയാണ് പ്രൊ മോഡലുമായി ഡിസ്പ്ലെയിൽ വ്യത്യാസമുള്ളത്.

ഒക്ടാ കോർ മീഡിയടെക് ഡിമെൻസിറ്റി 9500sല ചിപ്പ്സെറ്റാണ് ഒപ്പൊ റെനോ 16 പ്രൊയ്ക്കുള്ളത്. റെനോ 16ന് ഒക്ടാ കോർ മീഡിയടെക് ഡിമെൻസിറ്റി 8550 സൂപ്പർ എസ്ഒസിയാണ് ചിപ്പ്സെറ്റ്. ഇരു ഫോണുകളുടെയും മെയിൻ ക്യാമറ ട്രിപ്പിൾ ക്യാമറ സിസ്റ്റമാണുള്ളത്. പ്രധാന ക്യാമറ 200 എംപിയാണ്. ഒപ്റ്റിക്കൽ ഇമേജ് സ്റ്റെബിലൈസേഷൻ തുടങ്ങിയ ഫീച്ചറുകൾ ഈ 200 എംപി ക്യാമറയ്ക്കുണ്ട്. പ്രധാന ക്യാമറയ്ക്കൊപ്പം 50എംപി അൾട്രാവൈഡ് ക്യാമറയും 50 എംപി പെരിസ്കോപ്പ് ടെലിഫോട്ടോ ക്യാമറയുമാണ് ഇരുഫോണുകൾക്കുമുള്ളത്. ഇരു ഫോണുകളുടെ ഫ്രണ്ട് ക്യാമറയും 50 എംപിയുമാണ്. 4കെ ക്വാളിറ്റിയിൽ ഫോണിൽ വീഡിയോ ചിത്രീകരിക്കാൻ സാധിക്കും.

7,000mAh 16 പ്രൊയുടെ ബാറ്ററി ബാക്കപ്പ്. റെനോ 16ന് 6,700mAh ആണ് ബാറ്ററി ബാക്കപ്പായി ലഭിക്കുന്നത്. ഇരു ഫോണുകളും 80 വാട്ട് ഫാസ്റ്റ് ചാർജിങ് സപ്പോർട്ട് ചെയ്യും.50 വാട്ട് വയർലെസ് ഫാസ്റ്റ് ചാർജിങ്ങും സപ്പോർട്ട് ചെയ്യും.

English Summary

Chinese smartphone makers Oppo launched there Oppo Reno 16 series phones. Oppo Reno 16 Pro, Oppo Reno 16 these two smartphones launched in China, with 200 megapixel camera, 7000mAh battery and other several features and specifications

മൊബൈൽ ഫോണും വെള്ളവും, ഒറ്റ വാക്കിൽ പറയാമെങ്കിലും രണ്ടും ഒരുമിച്ചായാൽ പോക്കറ്റ് കീറുമെന്ന് പ്രത്യേകിച്ച് പറയേണ്ട കാര്യമില്ലല്ലോ? കനൽ ഒരു തരിമതിയെന്നൊക്കെ പറയുന്ന പോലെ വെള്ളം ഒരു തരി ഉണ്ടായാൽ മതി ഫോൺ കേടാകാൻ മറ്റൊന്നും പിന്നെ വേണമെന്നില്ല. ഒരു ചെറിയ ശ്രദ്ധ നൽകിയാൽ വെള്ളം ഫോണിൽ വീണുണ്ടാകുന്ന തരത്തിലുള്ള എല്ലാ വിധ പ്രശ്നങ്ങളെയും ഒഴിവാക്കാം. ഇതിന് ആദ്യമായി വേണ്ടത്, ഫോണിലെ ഏതൊക്കെ ഭാഗങ്ങളിലാണ് വെള്ളം പറ്റാൻ പാടില്ലാത്തത് എന്നറിഞ്ഞിരിക്കുകയാണ്. അവ ഏതൊക്കെയെന്ന് നോക്കാം.

ചാർജിംഗ് പോർട്ടിൽ പറ്റരുത്

ഫോണിൻ്റെ ചാർജിംഗ് പോർട്ടിൽ അറിയാതെ പോലും ഒരു തരി വെള്ളം വീഴാതിരിക്കാൻ പ്രത്യേകം ശ്രദ്ധിക്കണം.ഇത്തരത്തിൽ വെള്ളം പറ്റിയാൽ ആദ്യം ഫോണിൽ ഷോർട്ട് സർക്യൂട്ടിനുള്ള സാധ്യതയുണ്ടാവും. ഫോണിൽ ചാർജിംഗ് നടക്കാതെ വരും, ഫോൺ പ്രവർത്തന രഹിതമാകാൻ പ്രത്യേകിച്ച് കാരണം വേണ്ടല്ലോ.

സ്പീക്കർ, മൈക്ക്, ഹെഡ് ഫോൺ ജാക്ക്

സ്പീക്കറിലും ഫോണിൻ്റെ മൈക്കിലും വെള്ളത്തിൻ്റെ അംശം പോലും പാടില്ല, ഇത് പിന്നീട് സ്പീക്കറിലെ പ്രശ്നങ്ങളിലേക്ക് നയിക്കാം, ഒപ്പം ചെറിയ സുഷിരങ്ങൾ അടയാനും അതുവഴി ഇവ കേടുവരാനും സാധ്യതയുണ്ട്. ഇതു പോലെ തന്നെയാണ് ഹെഡ് ഫോൺ ജാക്കിൻ്റെയും പ്രശ്നം വെള്ളം കയറിയാൽ ഷോർട്ട് സർക്യൂട്ടിന് പോലും സാധ്യതയുള്ള ഫോണിലെ മറ്റൊരു ഭാഗമാണ് ഹെഡ്ഫോൺ ജാക്ക്. ചിലപ്പോൾ ഫോൺ മുഴുവൻ സമയവും ഇത്തരത്തിൽ ഹെഡ്ഫോൺ മോഡിലേക്കാകും.

ALSO READ:  Budget Phones: 10000 രൂപ കൊടുത്താൽ 6000 mah ബാറ്ററിയുള്ള ഫോൺ, ഞെട്ടിയോ

സിം ഇടുന്ന ഭാഗം

ഫോണിൻ്റെ സിം ഇടുന്ന, സിം കാർഡ് ട്രേയിലും ഒരൽപ്പം വെള്ളത്തിൻ്റെ അംശം പാടില്ല, ഫോണിലെ മദർ ബോർഡുമായി നേരിട്ട് ബന്ധിക്കുന്ന ഭാഗങ്ങളിൽ ഒന്നാണിത്. അതുകൊണ്ട് തന്നെ വെള്ളം പറ്റിയാൽ പിന്നെ ഫോൺ വേഗത്തിൽ ഷോർട്ടിംഗ് പോലുള്ള പ്രശ്നങ്ങൾ വന്ന് കേടാകും.

വാട്ടർ പ്രൂഫാണെങ്കിലും

ഫോൺ വാട്ടർ പ്രൂഫാണെന്ന് പറഞ്ഞാലും ഇത്തരത്തിൽ ഫോണിലെ വളരെ അധികം സെൻസിറ്റീവായ ഭാഗങ്ങളിൽ വെള്ളം പറ്റിയാൽ ഫോൺ അധിവേഗത്തിൽ കേടുവരും. ഇനി ഫോണിന് 'IP68 ' റേറ്റിംഗ് ഉണ്ടെങ്കിലും അത് നനഞ്ഞിരിക്കുമ്പോൾ ചാർജ് ചെയ്യരുത്. വലിയ അപകടങ്ങൾക്ക് പോലും കാരണമാകാം. ഫോണിൽ ജലാംശം പറ്റിയെന്ന് ഉറപ്പായാൽ അത് സുരക്ഷിതമായി നീക്കം ചെയ്യുകയോ, വലിച്ചെടുക്കുകയോ ചെയ്യാം. ഫോൺ ഡ്രൈ ചെയ്യാനും ഇപ്പോൾ സംവിധാനങ്ങളുണ്ട്. എന്നിട്ട് മാത്രമെ ഫോൺ ഉപയോഗിക്കാവു.

പരീക്ഷിക്കരുതേ

ഫോൺ വെള്ളത്തിൽ പോയാൽ അരിയിൽ ഇട്ടു വെക്കുന്നതടക്കമുള്ള നിരവധി എളുപ്പ വഴികൾ ഇപ്പോഴും പലയിടത്തുമുണ്ട്. ഫോണിലെ ഇൻ്റേണൽ പാർട്സുകളിൽ തുരുമ്പുണ്ടാകാനും ഇതുവഴി ഫോൺ കേടാകാനും ഇതിന് കാരണമാകും. പരമാവധി ഫോൺ തുടക്കാനോ, അല്ലെങ്കിൽ മൈക്രോ ഫൈബർ ക്ലോത്ത് ഉപയോഗിച്ച് വെള്ളം ഒപ്പി മാറ്റാനോ ശ്രമിക്കുന്നതാണ് നല്ലത്. ഫോൺ ഉപയോഗിക്കാതിരിക്കാനും, ഡ്രൈ ആക്കാനും ശ്രദ്ധിക്കണം.

English Summary

Mobile Phone Part are More Sensitive. Users should avoid water contacts from the Phone and its main parts like Charging Port, Headphone Jack, Speaker and Mic. Here we discussing all types of water Issues and Damages.

Forum app by Meta: റെഡ്ഡിറ്റിന് വെല്ലുവിളി ഉയര്‍ത്തി 'ഫോറം' എന്ന പേരില്‍ പുതിയ ആപ്പ് പുറത്തിറക്കി മെറ്റ. അടുത്തിടെ ഐഒഎസ് ആപ്പ് സ്റ്റോറില്‍ ഔദ്യോഗിക പ്രഖ്യാപനങ്ങളൊന്നും തന്നെയില്ലാതെയാണ് ഫോറം ആപ്പ് പ്രത്യക്ഷപ്പെട്ടത്. ചര്‍ച്ചകള്‍ക്ക് മുന്‍ഗണന നല്‍കുന്ന ആപ്പ് റെഡ്ഡിറ്റിന് സമാനമായ രീതിയിലാകും പ്രവര്‍ത്തിക്കുകയെന്നാണ് സൂചന. ഫേസ്ബുക്ക് അക്കൗണ്ട് ഉണ്ടെങ്കില്‍ ഫോറം ആപ്പ് ഉപയോഗിക്കാം. കൂടാതെ, യഥാർത്ഥ പേരിന് പകരം വിളിപ്പേര് (Nickname) ഉപയോഗിച്ച് പോസ്റ്റുകൾ പങ്കുവെക്കാനുള്ള സൗകര്യവും ഇതിലുണ്ടെന്നാണ് വിവരം.

ആപ്പിൽ ഉൾപ്പെടുത്തിയിരിക്കുന്ന 'ആസ്ക്' ബട്ടണും, ആപ്പിലെ വിവിധ ഗ്രൂപ്പുകളിൽ നിന്നുള്ള മറുപടികൾ വേഗത്തിൽ ലഭ്യമാക്കാൻ സഹായിക്കുന്ന എഐ സാങ്കേതികവിദ്യയിലധിഷ്ഠിതമായ ടാബും ഫോറത്തിന്റെ പ്രത്യേകതകളാണ്.

ആപ്പ് സ്റ്റോറില്‍ ഫോറം ലിസ്റ്റ് ചെയ്തതിനെക്കുറിച്ച് സോഷ്യല്‍ മീഡിയ കണ്‍സള്‍ട്ടന്റായ മാറ്റ് നവാരയാണ് കണ്ടെത്തിയത്. "കൂടുതൽ ആഴത്തിലുള്ള ചർച്ചകൾക്കും ശരിയായ മറുപടികൾക്കും നിങ്ങൾ ഇഷ്ടപ്പെടുന്ന കമ്മ്യൂണിറ്റികൾക്കുമായി മാത്രമായി ഒരുക്കിയിട്ടുള്ള ഒരിടം" എന്നതാണ് ഈ ആപ്പിന്റെ വിശേഷണം.

റെഡ്ഡിറ്റിന് വെല്ലുവിളി

പ്രത്യേക ഹോബികൾ, പ്രാദേശികമായ വിഷയങ്ങള്‍, സപ്പോർട്ട് ഗ്രൂപ്പുകൾ തുടങ്ങി ആളുകൾക്ക് താല്പര്യമുള്ള വിഷയങ്ങളിൽ അവരെ പരസ്പരം ഒന്നിപ്പിക്കാനാണ് ഇത് രൂപകൽപ്പന ചെയ്തിരിക്കുന്നതെന്നാണ് റിപ്പോര്‍ട്ട്. അതുകൊണ്ട് തന്നെ, ഇത് റെഡ്ഡിറ്റിന് ശക്തമായ വെല്ലുവിളി ഉയര്‍ത്താനാണ് സാധ്യത. ഉപയോക്താക്കൾക്ക് അവരുടെ ഫേസ്‌ബുക്ക് അക്കൗണ്ട് ഉപയോഗിച്ച് ഫോറം ആപ്പിലേക്ക് ലോഗിൻ ചെയ്യാൻ സാധിക്കും. നിലവിലുള്ള ഫേസ്‌ബുക്ക് ഗ്രൂപ്പുകളും പ്രൊഫൈൽ വിവരങ്ങളും പ്രവർത്തനങ്ങളുമെല്ലാം സ്വയം ഫോറം ആപ്പിലേക്ക് മാറും.

Also Read: Budget Phones: 10000 രൂപ കൊടുത്താൽ 6000 mah ബാറ്ററിയുള്ള ഫോൺ, ഞെട്ടിയോ

ഇതിനൊപ്പം, നിക്ക്‌നെയിമുകള്‍ ഉപയോഗിച്ച് പോസ്റ്റ് ചെയ്യാനും സാധിക്കും. ഉപയോക്താവിന്റെ ഫേസ്‌ബുക്ക് ഗ്രൂപ്പുകൾ ഫേസ്‌ബുക്കിൽ തന്നെ തുടർന്നും നിലനിൽക്കുകയും, ഫോറം ആപ്പിലൂടെ പങ്കിടുന്ന ഏതൊരു ഉള്ളടക്കവും ആ ഫേസ്‌ബുക്ക് ഗ്രൂപ്പുകളിലും ഒരേസമയം പ്രത്യക്ഷപ്പെടുകയും ചെയ്യുമെന്നാണ് വിവരം. ഫോറം ആപ്പിന്റെ ഇന്റർഫേസ് എങ്ങനെയുള്ളതാണെന്ന് ആപ്പ് സ്റ്റോർ ലിസ്റ്റിങ് സൂചന നല്‍കുന്നുണ്ട്.

ഉപയോക്താക്കളുടെ ഗ്രൂപ്പുകളിൽ നിന്നുള്ള ചർച്ചകളായിരിക്കും ഇതിന്റെ ഫീഡിൽ കാണിക്കുക. നിലവിലുള്ള ചർച്ചകളെ പിന്തുടരാനും, അവർ നിർത്തിയേടത്തുനിന്ന് തന്നെ ചർച്ചകൾ പുനരാരംഭിക്കാനും ഇത് സഹായിക്കും. ഫേസ്‌ബുക്കിൽ ഗ്രൂപ്പ് അഡ്മിൻമാർക്ക് ലഭ്യമായിട്ടുള്ള എല്ലാ ടൂളുകളും ഫോറം ആപ്പിലും ഉപയോഗിക്കാം. ഗ്രൂപ്പുകൾ നിയന്ത്രിക്കാനും, മോഡറേറ്റ് ചെയ്യാനും, തുടര്‍ന്നുള്ള കാര്യങ്ങള്‍ക്കും സഹായിക്കുന്ന എഐ അഡ്മിൻ അസിസ്റ്റന്റും ഇതിലുണ്ട്. ഗ്രൂപ്പുകളുടെ പൂർണ്ണമായ നിയന്ത്രണം അഡ്മിൻമാർക്ക് തന്നെയായിരിക്കും ഉണ്ടായിരിക്കുക.

എവിടെ ഉപയോഗിക്കാം?

ഐഒഎസ് 18-ലും പുതിയ പതിപ്പുകളിലും പ്രവർത്തിക്കുന്ന ഐഫോണുകളില്‍ ഫോറം ആപ്പ് കിട്ടും. 13 വയസ്സും അതിനുമുകളിലും പ്രായമുള്ള ഉപയോക്താക്കൾ ഉദ്ദേശിച്ചുള്ളതാണ് ഈ പ്ലാറ്റ്‌ഫോം. നിലവിൽ ചില പ്രത്യേക വിപണികളിൽ മാത്രമാണ് ആപ്പ് പുറത്തിറക്കിയിരിക്കുന്നത്. അതുകൊണ്ട്‌ ഇന്ത്യയിലെ ആപ്പ് സ്റ്റോറിൽ ഇത് ഡൗൺലോഡ് ചെയ്യാൻ ലഭ്യമായിട്ടില്ല.

English Summary

Meta has quietly launched a new social media app called Forum on the iOS App Store. The discussion-focused platform functions similarly to Reddit and integrates with Facebook groups. Users can log in with Facebook, use nicknames, and access AI-powered tools like an "Ask" feature. The app requires iOS 18 and is currently unavailable in select regions, including India.

നോക്കിയയുമായി സഹകരിച്ച് ആഗോളതലത്തിൽ മൊബൈൽ ഫോണുകൾ നിർമ്മിക്കുന്ന കമ്പനിയാണ് എച്ച്എംഡി. ഇവർ ഇന്ത്യൻ വിപണിയിലേക്ക് അവതരിപ്പിച്ചിരിക്കുന്ന ഫോണാണ് എച്ച്എംഡിയുടെ വൈബ്-2 5ജി. പോക്കറ്റിൽ ഒതുങ്ങുന്ന ഫോൺ എന്ന് മാത്രമല്ല, പ്രത്യേകതകൾ നിരവധിയുണ്ട് വൈബിന്. അതെന്തൊക്കെയാണെന്ന് നോക്കാം. വലിയ ബാറ്ററി, സുഗമമായ ഡിസ്‌പ്ലേ, ക്ലീൻ ആൻഡ്രോയിഡ് സോഫ്റ്റ്‌വെയർ എന്നിവയെല്ലാം അധികം പൈസ മുടക്കാതെ തന്നെ ആളുകളിലേക്ക് എത്തിക്കുക എന്നത് കൂടിയാണ് മോഡലിൻ്റെ പ്രത്യേകത.

ഇന്ത്യയിലെ HMD വൈബ് 2

രാജ്യത്ത് HMD വൈബ് 2-ൻ്റെ രണ്ട് സ്റ്റോറേജ് വേരിയൻ്റുകൾ ലഭ്യമാണ്. 4 ജിബി റാമും 64 ജിബി സ്റ്റോറേജിനും വില 10,999 രൂപയും. 4 ജിബി റാമും 128 ജിബി സ്റ്റോറേജിനും 11,999 രൂപയുമാണ് വില. കോസ്മിക് ലാവെൻഡർ, നോർഡിക് ബ്ലൂ, പീച്ച് പിങ്ക് എന്നിങ്ങനെ മൂന്ന് നിറങ്ങളിൽ ഫോൺ നിങ്ങൾക്ക് ഫ്പിപ്പ്കാർട്ടിൽ നിന്നും വാങ്ങാം. വിലയിൽ ഒതുങ്ങുന്ന മികച്ച് ഫീച്ചറുകളുള്ള ഫോൺ എന്ന് തന്നെ എച്ച്എംഡി വൈബ്-2 5-ജിയെ പറ്റി പറയണം.

ALSO READ:  15,000 രൂപയിൽ താഴെ, ബജറ്റ് ഫോണെന്നാൽ ഇതാണ്, ലാവ ഞെട്ടിക്കും

സ്പെസിഫിക്കേഷനുകൾ ഇങ്ങനെ

ഫോൺ പ്രവർത്തിക്കുന്നത്. ആൻഡ്രോയിഡ് 16-ൽ ആണ്, ഡ്യുവൽ നാനോ സിമ്മുകൾ ഫോണിൽ സപ്പോർട്ട് ചെയ്യും. ഒപ്പം 120Hz റിഫ്രഷ് റേറ്റുള്ള ഒരു വലിയ 6.7 ഇഞ്ച് HD+ സ്‌ക്രീൻ ഇതിലുണ്ട്, ഇൻ്റേണലി നോക്കിയാൽ, 2.3 GHz വരെ പ്രവർത്തിക്കുന്ന ഒരു ഒക്ടാ-കോർ യൂണിസോക്ക് ചിപ്പ് ഇതിനുണ്ട്,ഒപ്പം 4GB റാമും നിങ്ങൾക്ക് ഇഷ്ടമുള്ള സ്റ്റോറേജും ഉണ്ട്.

50MP AI ക്യാമറ സജ്ജീകരണം

അത്ര വലിയ സംഭവമെന്ന് പറയാൻ സാധിക്കില്ലെങ്കിലും ഒരു മെച്ചപ്പെട്ട ക്യാമറ ഫോണിന് നൽകിയിട്ടുണ്ട് കമ്പനി. എൽഇഡി ഫ്ലാഷോടുകൂടിയ 50എംപി എഐ മെയിൻ ക്യാമറ (ബാക്ക്). സെൽഫികൾക്കും വീഡിയോ കോളുകൾക്കുമായി 8എംപി മുൻ ഫ്രണ്ട് ക്യാമറയും ഫോണിൽ ഉൾപ്പെടുത്തിയിട്ടുണ്ട് IP64 റേറ്റിംഗ് ഉള്ളതിനാൽ പൊടിയോ, ചെളിയോ ഒന്നും തെറിക്കുമെന്ന ആശങ്കയും വേണ്ട. കൊടുക്കുന്ന വിലക്ക് കയ്യിൽ ഒതുങ്ങുന്നയൊരു ഫോൺ നിങ്ങൾക്ക് സ്വന്തം.

ഫാസ്റ്റ് ചാർജിംഗ്, 6,000mAh ബാറ്ററി

ഫോണിൽ കമ്പനി നൽകിയിരിക്കുന്നത് 6,000mAh ബാറ്ററിയാണ്. ഫോൺ ചാർജ് ചെയ്താൽ എങ്ങനെ ഉപയോഗിച്ചാലും ഇതിൻ്റെ ബാറ്ററി. ഒരു ദിവസത്തിൽ കൂടുതൽ ചാർജ് നില നിർത്തും. 18W ഫാസ്റ്റ് ചാർജിംഗിനെയും ഇത് സപ്പോർട്ട് ചെയ്യുന്നുണ്ടെന്നതാണ് മറ്റൊരു കാര്യം. ഒരു ദിവസമല്ല അതിലും കൂടുതൽ വരെ എച്ച്എംഡി ഫോണിൻ്റെ ബാറ്ററി നിൽക്കുമെന്ന് കമ്പനി അവകാശപ്പെടുന്നു. ഫോണിൻ്റെയൊപ്പം ബോക്സിൽ ചാർജറും കമ്പനി നൽകുന്നുണ്ട്.

ബജറ്റ് 5G ഓപ്ഷൻ

11,000 രൂപയിൽ താഴെയാണ് ഫോണിൻ്റെ ഇന്ത്യൻ വിപണിയിലെ വില അധികം ചിലവില്ലാതെ 5Gയിലേക്ക് മാറാൻ ആഗ്രഹിക്കുന്ന ആളുകളെ ലക്ഷ്യം വച്ചുള്ളതെന്ന് വേണം ഫോണിനെ പറ്റി പറയാൻ. വലിയ ബാറ്ററി, വേഗതയേറിയ സ്‌ക്രീൻ, ഏറ്റവും പുതിയ ആൻഡ്രോയിഡ്, മികച്ച ക്യാമറകൾ എന്നിവയെല്ലാം ചേരുമ്പോൾ മികച്ച അനുഭവം തന്നെ പ്രതീക്ഷിക്കാം. 4G-യിൽ നിന്ന് അപ്‌ഗ്രേഡ് ചെയ്യാൻ നിങ്ങൾ ആഗ്രഹിക്കുന്നുവെങ്കിൽ, ഇത് ഒരു മികച്ച ചോയിസായിരിക്കും.

English Summary

HMD Vibe 2 5G Review: Best Budget 5G Phone with 6000mAh Battery & 120Hz Display. This is the best  5G Phone under RS 10000 With Bigger battery and features look how this pocket friendly phone is Different from other Budget Options. Here we discussing on HMD's Features Benefits and Price.

ആപ്പിൾ ഐഫോൺ അല്ല, കുറഞ്ഞ ചിലവിൽ നിങ്ങളുടെ സുഹൃത്തിന് വാങ്ങി നൽകാവുന്ന ഒരു സമ്മാനം, കുറഞ്ഞ ചിലവെന്ന് പറഞ്ഞാൽ 1000 ഉം, 2000 ഉം അല്ല ഒരു 100 രൂപക്കും വാങ്ങാവുന്ന ചില കിടിലൻ ഗാഡ്ജറ്റുകൾ നിങ്ങൾക്ക് വാങ്ങാം. കുട്ടികൾക്കും, പ്രൊഫഷണലുകൾക്കും, അല്ലെങ്കിൽ വീട്ടുകാർക്കോ പങ്കാളികൾക്കോ പോലും ഇത് വാങ്ങി നൽകാൻ കഴിയും എന്നതാണ് പ്രത്യേകത.

1. മൊബൈൽ കേബിൾ പ്രൊട്ടക്ടറുകൾ

നിങ്ങളുടെ ചാർജിംഗ് കേബിളുകൾ ഉപയോഗിക്കുന്നവർ നേരിടുന്ന പ്രധാന പ്രശ്നങ്ങളിൽ ഒന്ന് അവക്ക് കേടുപാടുകൾ സംഭവിക്കുന്നതാണ്. ഇത്തരം പ്രശ്നങ്ങളിൽ നിന്നും ചാർജിംഗ് കേബിളുകളെ സംരക്ഷിക്കുന്നത് മൊബൈൽ കേബിൾ പ്രൊട്ടക്ടറുകളാണ്. കേബിൾ പ്രൊട്ടക്ടറുകൾ ചാർജിംഗ് വയറുകളെ സംരക്ഷിക്കും. ഇതും നിങ്ങൾക്ക് സുഹൃത്തുക്കൾക്ക് സമ്മാനിക്കും.

2. മൊബൈൽ സ്റ്റാൻഡ്

ഒരു വ്ലോഗറാണ് നിങ്ങളെങ്കിൽ നിങ്ങൾക്ക് അധികം പൈസ മുടക്കാതെ വാങ്ങാവുന്നതും, വാങ്ങേണ്ടതുമായൊരു സാധനം മൊബൈൽ സ്റ്റാൻഡാണ്. ഓൺലൈൻ ക്ലാസുകളിൽ പങ്കെടുക്കാൻ, YouTube പാചകം, ഒരു വീഡിയോ പെർഫോമൻസ് എന്നിവക്കെല്ലാം പറ്റിയ ഒന്നാണിത്. നിങ്ങളുടെ ഫോൺ സ്റ്റാൻഡിൽ വെച്ചാൽ മാത്രം മതി, നിങ്ങൾക്ക് ഇത്തരത്തിൽ ഏത് കാര്യത്തിനും ശ്രദ്ധ കേന്ദ്രീകരിക്കാം.

3. യുഎസ്ബി എൽഇഡി ലൈറ്റ്

പവർ കട്ടുകളുടെ കാലമാണിത്. അത്തരം സാഹചര്യങ്ങൾക്ക് പറ്റിയ ഒന്നാണ് പോർട്ടബിൾ യുഎസ്ബി എൽഇഡി ലൈറ്റുകൾ. നിങ്ങളുടെ ലാപ്‌ടോപ്പിലോ പവർ ബാങ്കിലോ ഒരു യുഎസ്ബി എൽഇഡി ലൈറ്റ് പ്ലഗ് ചെയ്ത് അതിൻ്റെ ചാർജ് വഴി പ്രകാശം ലഭിക്കും. . വിദ്യാർത്ഥികൾ, വീട്ടിൽ നിന്ന് ജോലി ചെയ്യുന്നവർ, അല്ലെങ്കിൽ യാത്ര ചെയ്യുന്നവർ എന്നിവർക്കെല്ലാം ഈ ഗാഡ്‌ജെറ്റ് ഇഷ്ടപ്പെടും.

ALSO READ : Virus Alert: ആൻഡ്രോയിഡ് ഉപയോക്താക്കൾ ജാഗ്രതൈ! പുതിയ വൈറസ്; സർക്കാർ മുന്നറിയിപ്പ് ഇങ്ങനെ

4. സ്ക്രീൻ ക്ലീനിംഗ് കിറ്റ്

മൊബൈൽ ഫോൺ, ലാപ്പ്ടോപ്പ് എന്നിവയുടെ സ്ക്രീനുകളിലെ പൊടി, അഴുക്ക്, എണ്ണമയം എന്നിവയെല്ലാം എപ്പോഴും ആശങ്കയുണ്ടാക്കുന്നവയാണ്. ഒരു സ്‌ക്രീൻ-ക്ലീനിംഗ് സ്‌പ്രേ, ഒപ്പം ഒരു മൈക്രോഫൈബർ തുണി എന്നിവ ഉപയോഗിച്ച് നിങ്ങളുടെ ഡിസ്‌പ്ലേകൾ വൃത്തിയാക്കും. വൃത്തിയുള്ള സ്‌ക്രീനുകൾ മികച്ചതായി കാണപ്പെടുക മാത്രമല്ല; അവ കണ്ണുകൾക്കും ഗുണകരമായിരിക്കും.

5. ഇയർഫോൺ കെയ്‌സിംഗ് കേസ്

പോക്കറ്റിലോ ബാഗിലോ ഇയർഫോണുകൾ ഇട്ടു കൊണ്ടുപോകുന്നത് മിക്കവാറും എല്ലായ്‌പ്പോഴും ഇയർഫോണുകളുടെ വയറുകൾ കുരുങ്ങാനോ ഏതെങ്കിലും വിധത്തുലുള്ള കേടുപാടുകൾ ഉണ്ടാവാനോ കാരണമാകും. ഒരു കാരിയിംഗ് കേസ് ഉണ്ടെങ്കിൽ നിങ്ങളുടെ ഇയർഫോണുകൾ സുരക്ഷിതമായും കുരുക്കില്ലാതെയും സൂക്ഷിക്കാം.

6. പോപ്പ് സോക്കറ്റ് അല്ലെങ്കിൽ മൊബൈൽ ഗ്രിപ്പ്

സ്മാർട്ട് ഫോൺ ഉപയോഗിക്കുന്നവർ അത് ഒറ്റക്കൈ കൊണ്ട് കൈകാര്യം ചെയ്യാൻ ശ്രമിക്കാതിരിക്കുന്നതാണ് നല്ലത്. ഇതിന് പകരം ഒരു പോപ്‌സോക്കറ്റ് അല്ലെങ്കിൽ ഗ്രിപ്പ് നിങ്ങൾക്ക് ഫോണിനൊരു ഹോൾഡ് നൽകുന്നു, ഇതുവഴി ഫോൺ കൈകാര്യം ചെയ്യുന്നത് എളുപ്പമാകുന്നു. മാത്രമല്ല ഇതിനൊപ്പം നിങ്ങളുടെ ഫോൺ താഴെ വീഴാനുള്ള സാധ്യതയും കുറയും.

7. കേബിൾ ഓർഗനൈസർ

ചാർജറുകളും യുഎസ്ബി കേബിളുകളും എല്ലായിടത്തും വാരി വലിച്ച് കിടക്കുന്നത് എപ്പോഴും ബുദ്ധിമുട്ടുണ്ടാക്കുന്ന ഒന്നാണ്. എന്നാൽ കേബിൾ ഓർഗനൈസറുകൾ എല്ലാം കൃത്യമായി ഒതുക്കി വെക്കാൻ സഹായിക്കും, ഇതുവഴി നിങ്ങൾ നിരന്തരം കുരുക്കുകൾ അഴിച്ചെടുക്കേണ്ടി വരില്ല. ഒന്നിലധികം ഉപകരണങ്ങൾ കൈകാര്യം ചെയ്യുന്ന ഏതൊരാൾക്കും ഇതൊരു മികച്ച സമ്മാനമാണ്.

English Summary

Few Important gadget that need for home start from Even 100 Rupees. this is also you can gifted to your friends, family members and all. Check how these gadgets working and Features.

അങ്ങനെ പോക്കറ്റ് കീറാതെയൊരു ഫോൺ വേണമെന്നുള്ള നാടിൻ്റെ ആവശ്യം പരിഗണിക്കാൻ അരയും തലയും മുറുക്കി ഇറങ്ങിയിരിക്കുകയാണ് ലാവ. ഇതിൻ്റെ ഭാഗമായി മെയ് അവസാനത്തോടെ കമ്പനിയുടെ ഒരു കിടിലൻ മോഡൽ വിപണിയിലേക്ക് എത്തും. മെയ് അവസാനത്തോടെയാണ് ലാവയുടെ ഷാർക്ക് സീരിസിലെ ഷാർക്ക് 2- 5G എത്തുന്നത്. താങ്ങാനാവുന്ന വിലയിൽ ഉപയോക്താക്കൾക്കാ വാങ്ങാൻ സാധിക്കും എന്നതാണ് ഇതിൻ്റെ ഏറ്റവും വലിയ പ്രത്യേകത. കഴിഞ്ഞ വർഷം പുറത്തിറങ്ങിയ ലാവ ഷാർക്ക് 2 4G-യുടെ മറ്റൊരു പതിപ്പായിരിക്കും ഇത്. ഇതിൻ്റെ വിലയെ പറ്റിയാണ് ഭൂരിഭാഗം പേരും അറിയാൻ കാത്തിരിക്കുന്നത് അതിനെ പറ്റി പരിശോധിക്കാം.

വിലയെ പറ്റി

ഷാർക്ക് 2 5G-ക്ക് 15000 രൂപയാണ് നിലവിൽ പ്രതീക്ഷിക്കുന്നത്. പഴയ 4G ഫോൺ ഉപയോഗിക്കുന്നവർക്കും, പോക്കറ്റ് കീറാതെയൊരു ഫോൺ വേണമെന്ന് ആഗ്രഹിക്കുന്നവർക്കും. ഇത് പറ്റിയൊരു മോഡലാണ്. ഫീച്ചർ ഫോണുകളിൽ നിന്ന് മാറ്റം ആഗ്രഹിക്കുന്നവർക്ക് ഉറപ്പായും പരിഗണിക്കാവുന്ന മോഡലായിരിക്കും ഇത്. റെഡ്മി, റിയൽമി, പോക്കോ, സാംസങ് ഫോണുകൾക്കൊരു ഭീക്ഷണിയായിരിക്കും ഇതെന്നാണ് വിവരം.

ഡിസ്പ്ലേയെക്കുറിച്ച്

120Hz റിഫ്രഷ് റേറ്റും 6.75 ഇഞ്ച് ഡിസ്‌പ്ലേയാണ് ഫോണിലുള്ളത്, ഇതുവഴി നിങ്ങൾക്ക് സൂപ്പർ-സ്മൂത്ത് സ്‌ക്രോളിംഗും മികച്ച ഗെയിമിംഗ് അനുഭവവും ലഭിക്കും. ഗെയിമിംഗ് മുതൽ മൾട്ടിടാസ്കിംഗ് വരെയുള്ള എല്ലാത്തിനും കൂടുതൽ മികച്ച അനുഭവം നൽകുന്നതിനായി ലാവ ആ ഉയർന്ന റിഫ്രഷ് റേറ്റാണ് നൽകുന്നത്.

ALSO READ : Virus Alert: ആൻഡ്രോയിഡ് ഉപയോക്താക്കൾ ജാഗ്രതൈ! പുതിയ വൈറസ്; സർക്കാർ മുന്നറിയിപ്പ് ഇങ്ങനെ

ബാറ്ററി

ബാറ്ററി ലൈഫ് നോക്കിയാൽ ഏറ്റവും മികച്ച ബാറ്ററി ബാക്കപ്പാണ് കമ്പനി നൽകുമെന്ന് പ്രതീക്ഷിക്കുന്നത്. ലാവ ഷാർക്ക് 2 4G-യിൽ കമ്പനി നൽകുന്നത് 5,000mAh ബാറ്ററിയാണ്. ദിവസം മുഴുവൻ ബാറ്ററി നൽകുമെന്നാണ് പ്രതീക്ഷിക്കുന്നത്. 815 മിനിറ്റ് യൂട്യൂബ് പ്ലേബാക്കും 12 മണിക്കൂർ സ്‌ക്രീൻ ഓൺ സമയവും ഫോണിൽ ഇതേ ബാറ്ററി കപ്പാസിറ്റിയിൽ ലഭിക്കുമെന്നാണ് പ്രതീക്ഷ. ഷാർക്ക് 2 5G IP64 റേറ്റിംഗോടെയാണ് വരുന്നത്, അതിനാൽ മിക്ക എൻട്രി ലെവൽ ഫോണുകളേക്കാളും പൊടിയും അഴുക്കും എല്ലാം താങ്ങുന്ന ഫോണായിരിക്കും ഇത്.

പ്രകടനം

ദൈനംദിന മൾട്ടിടാസ്കിംഗ്, ലൈറ്റ് ഗെയിമിംഗ്, സോഷ്യൽ മീഡിയ സ്ക്രോളിംഗ്, സ്ട്രീമിംഗ് എന്നിവയ്‌ക്ക് എല്ലാം പറ്റിയതാണീ ഫോൺ. ലോഞ്ച് ഇവൻ്റിൽ പൂർണ്ണമായ ഫോണിൻ്റെ സവിശേഷതകൾ, ക്യാമറ വിശദാംശങ്ങൾ, ഡിസൈൻ സവിശേഷതകൾ, ഔദ്യോഗിക വില, ലഭ്യത എന്നിവ വെളിപ്പെടുത്തുമെന്ന് ലാവ പറയുന്നു. ഈ മാസം അവസാനമായിരിക്കും ലോഞ്ചിംഗ് എന്നാണ് സൂചന.

കഴിഞ്ഞ വർഷം

കഴിഞ്ഞ വർഷം പുറത്തിറക്കിയ ഫോണിൻ്റെ ആദ്യ മോഡലിൽ 6.75-ഇഞ്ച് HD+ 120Hz ഡിസ്‌പ്ലേ, യൂണിസോക്ക് T7250 ചിപ്പ്, 50MP പിൻ ക്യാമറ, 18W ഫാസ്റ്റ് ചാർജിംഗ് എന്നിവ വെറും 6,999-ക്കാണ് ഉപയോക്താക്കളിലേക്ക് എത്തിയത്. ഒരു പ്രമീയം ഫീലിൽ വില കുറഞ്ഞൊരു ഫോൺ വേണ്ടവർക്ക്. ഇതാണ് പറ്റിയ മോഡൽ. വിലയും മറ്റ് വിവരങ്ങളും ലോഞ്ചിന് ശേഷം അറിയാം.

English Summary

Lava's Another Budget Friendly Model Shark 2 5G Launching Soon in this Month. These are the features and Specifications of the Model.

ഫോൺ മാറുന്ന കാര്യം ആലോചിക്കുമ്പോൾ മിക്കവാറും ആളുകളും ഐഫോണിലേക്കായിരിക്കും ആദ്യം ആലോചിക്കുന്നത്. എന്നാൽ ഐഫോൺ അല്ലാതെ തന്നെ ഒരു പ്രമീയം ഫീൽ തരുന്ന നിരവധി മോഡലുകൾ വേറെയുമുണ്ട്. അവ ഏതൊക്കെയാണ് എത്ര രൂപ നൽകണം തുടങ്ങിയവ നോക്കാം. 50,000 രൂപയിൽ താഴെ വിലയുള്ള നിരവധി പ്രീമിയം ഓപ്ഷനുകൾ നിലവിൽ സ്മാർട്ട്ഫോൺ വിപണിയിലുണ്ട്. ശക്തമായ ക്യാമറ, നീണ്ട ബാറ്ററി ലൈഫ്, സ്റ്റൈലിഷ് ഡിസൈൻ എന്നിങ്ങനെ പ്രത്യേകതകൾ ഒരുപാടുണ്ട്.

വൺപ്ലസ് 13s

ആൻഡ്രോയിഡ് 15-ൽ ആണ് വൺപ്ലസ് 13s പ്രവർത്തിക്കുന്നത്. ഓക്സിജൻ ഒഎസ് 15 ഉം ഇതിലുണ്ട്. 120Hz റിഫ്രഷ് റേറ്റും 6.32 ഇഞ്ച് LTPO AMOLED ഡിസ്പ്ലേയുമാണ് ഫോണിൽ നൽകിയിട്ടുള്ളത്.50MP ക്യാമറ സജ്ജീകരണവും 80W ഫാസ്റ്റ് ചാർജിംഗ് പിന്തുണയും ഇതിലുണ്ട്. ഒറ്റ കാഴ്ചയിൽ തന്നെ ഒരു പ്രീമിയം ലുക്ക് ആൻ്റ് ഫീൽ ഫോണിലുണ്ട്.

ഗാലക്‌സി എ57

സാംസങ് ഗാലക്‌സി എ57-ൽ 6.7 ഇഞ്ച് സൂപ്പർ അമോലെഡ്+ ഡിസ്‌പ്ലേ, 120Hz റിഫ്രഷ് റേറ്റ് 1900 ബ്രൈറ്റ്‌നസ് എന്നിവയുണ്ട്. എക്‌സിനോസ് 1680 പ്രോസസറിലും ആൻഡ്രോയിഡ് 16-ലും ആണ് ഫോൺ പ്രവർത്തിക്കുന്നത്. ഒപ്പം സാംസങ് ആറ് പ്രധാന അപ്‌ഡേറ്റുകളും ഫോണിൽ വാഗ്ദാനം ചെയ്യുന്നുണ്ട്.

ALSO READ : Virus Alert: ആൻഡ്രോയിഡ് ഉപയോക്താക്കൾ ജാഗ്രതൈ! പുതിയ വൈറസ്; സർക്കാർ മുന്നറിയിപ്പ് ഇങ്ങനെ

വൺപ്ലസ് 15R

വൺപ്ലസ് 15R ഫ്ലാഗ്ഷിപ്പ് ലെവൽ പ്രകടനം വാഗ്ദാനം ചെയ്യുന്നൊരു ഫോണാണ്. സ്നാപ്ഡ്രാഗൺ 8 ജെൻ 5 പ്രോസസറാണിതിൽ. 165Hz റിഫ്രഷ് റേറ്റും 3600 നിറ്റ്‌സ് ബ്രൈറ്റ്‌നസ്സുമുള്ള 6.83 ഇഞ്ച് AMOLED ഡിസ്‌പ്ലേയാണ് ഇതിനുള്ളത്. 7400mAh ബാറ്ററിയും 80W ചാർജിംഗും ഇതിനുണ്ട്

ഗൂഗിൾ പിക്‌സൽ 10a

ഒരു കോംപാക്റ്റ് ഫോൺ വൃത്തിയുള്ള സോഫ്റ്റ്‌വെയർ എന്നിവ ഇഷ്ടപ്പെടുന്ന ഉപയോക്താക്കൾക്ക് ഗൂഗിൾ പിക്‌സൽ 10a അനുയോജ്യമാണ്. ടെൻസർ ജി4 പ്രോസസർ, ആൻഡ്രോയിഡ് 16, ഏഴ് വർഷത്തെ സോഫ്റ്റ്‌വെയർ അപ്‌ഡേറ്റുകൾ എന്നിവയുമായാണ് ഇത് വരുന്നത്. ഒരു മികച്ച OLED ഡിസ്‌പ്ലേയും, ക്യാമറകളും ഫോണിന്റെ സവിശേഷതയാണ്.

വിവോ V70

ക്യാമറയാണ് വിവോ V70-യുടെ ഏറ്റവും പ്രധാനപ്പെട്ട സവിശേഷത. 50MP പ്രൈമറി ക്യാമറ, 3x ഒപ്റ്റിക്കൽ സൂമുള്ള 50MP ടെലിഫോട്ടോ ലെൻസ്, 8MP അൾട്രാവൈഡ് ക്യാമറ എന്നിവ ഇതിൽ ഉൾപ്പെടുന്നു. 90W ഫാസ്റ്റ് ചാർജിംഗ് പിന്തുണയുള്ള 6500mAh ബാറ്ററിയും ഫോണിലുണ്ട്.

Poco X8 Pro Max

ഗെയിമിംഗ് ഇഷ്ടപ്പെടുന്നവർക്ക് പറ്റിയ മോഡലാണിത്. മീഡിയടെക് ഡൈമെൻസിറ്റി 9500s പ്രോസസറിൽ പ്രവർത്തിക്കുന്ന ഇത് 100W ഫാസ്റ്റ് ചാർജിംഗുള്ള വലിയ 9000mAh ബാറ്ററിയും ഉപയോക്താവിന് നൽകുന്നു. 120Hz AMOLED ഡിസ്‌പ്ലേ ഫോണിലുണ്ടാവും.

ഗാലക്സി എസ്25 എഫ്ഇ

സാംസങ് ഗാലക്സി എസ്25 എഫ്ഇ എന്നതൊരു പ്രീമിയം ഡിസൈനും മികച്ച ഫീച്ചറുകളും കൂടിച്ചേരുന്ന ഫോണാണ്. എക്സിനോസ് 2400 പ്രോസസർ, ആൻഡ്രോയിഡ് 16, ടെലിഫോട്ടോ ലെൻസ് ഉൾപ്പെടെയുള്ള ട്രിപ്പിൾ ക്യാമറ സജ്ജീകരണവും ഇതിലുണ്ട്. . അമോലെഡ് ഡിസ്പ്ലേയും ക്ലീൻ സോഫ്റ്റ്‌വെയറുമാണ് മറ്റൊരു പ്രത്യേകത.

ഏത് തിരഞ്ഞെടുക്കാം

ഗെയിമിംഗ് ഇഷ്ടപ്പെടുന്നവർക്ക് Poco X8 Pro Max ഒരു മികച്ച ചോയിസാണ്. ഫോട്ടോഗ്രാഫിയുടെ കാര്യത്തിൽ, Vivo V70 ഉം Google Pixel 10a ഉം വേറിട്ടുനിൽക്കുന്നു. മുൻനിര പ്രകടനം ആഗ്രഹിക്കുന്ന ഉപയോക്താക്കൾക്ക് OnePlus 13s അല്ലെങ്കിൽ OnePlus 15R എന്നിവ പരിഗണിക്കാം, അതേസമയം Samsung Galaxy A57 ഉം S25 FE ഉം ദീർഘകാല സോഫ്റ്റ്‌വെയർ പിന്തുണയും പ്രീമിയം ഡിസൈനും വാഗ്ദാനം ചെയ്യുന്നു.

English Summary

Best Seven Smartphone Models which are Alternative for iPhone. People can buy these phones under the Budget of Rupees 50000. Revealing the Features of Camera, Performance and the availability of the Phones. Look which models is best fit for you

ന്യൂഡൽഹി: ആഗോളതലത്തിൽ തന്നെ മുൻനിര സ്മാർട്ട്‌ഫോൺ ബ്രാൻഡായ മോട്ടറോള തങ്ങളുടെ പുതിയ ജി-സീരീസ് ഫോണുകളുടെ ഇന്ത്യൻ ലോഞ്ച് തീയതി പ്രഖ്യാപിച്ചു. ഫ്ലിപ്കാർട്ടിലും രാജ്യത്തുടനീളമുള്ള പ്രധാന റീട്ടെയിൽ സ്റ്റോറുകളിലും ഫോൺ വാങ്ങാൻ താത്പര്യമുള്ളവർക്ക് ഇത് ലഭ്യമാകും. ചിപ്‌സെറ്റ് അപ്‌ഗ്രേഡ് അടക്കം വലിയ മാറ്റങ്ങളാണ് ഫോണിൽ കമ്പനി വരുത്തിയിരിക്കുന്നത്. എന്തൊക്കെയാണ് പുത്തൻ മോട്ടറോളം വാങ്ങാൻ താത്പര്യമുള്ളവർ അറിഞ്ഞിരിക്കേണ്ടത് എന്ന് നോക്കാം.

മീഡിയടെക് ഡൈമെൻസിറ്റി ചിപ്‌സെറ്റ്

ആഗോളതലത്തിൽ G37 മോഡലുകൾ മോട്ടറോള ഉപയോഗിച്ചത് മീഡിയടെക്കിൻ്റെ ഡൈമെൻസിറ്റി 6300 ആണ്, ഇന്ത്യൻ പതിപ്പുകൾക്ക് പുതിയ ഡൈമെൻസിറ്റി 6400 ലഭിച്ചു. മികച്ച ഗെയിമിംഗ് പ്രകടനം, മികച്ച മൾട്ടിടാസ്കിംഗ്, 5G എന്നിവയെല്ലാം ഇതിലുണ്ട്. എന്നാൽ പ്രധാന ആകർഷണം മറ്റൊന്നാണ്.

ബാറ്ററി

മോട്ടോ G37 പവറിലെ ബാറ്ററിയാണ് പ്രധാന ആകർഷണങ്ങളിൽ ഒന്ന്. ഒറ്റ ചാർജിൽ മൂന്ന് ദിവസം വരെ ചാർജ് ചെയ്യാൻ കഴിയുമെന്ന് മോട്ടറോള അവകാശപ്പെടുന്ന ഇതിൽ. 7,000mAh-ആണ് ഫോണിൻ്റെ ബാറ്ററി കപ്പാസിറ്റി. ബോക്സിൽ 30W ഫാസ്റ്റ് ചാർജിംഗും കമ്പനി നൽകിയിട്ടുണ്ട്. മോട്ടോ G37 ഉം ഒട്ടും പിന്നിലല്ല, 5,200mAh ബാറ്ററി പായ്ക്കാണ് ഇതിലുള്ളത്.

ALSO READ : Virus Alert: ആൻഡ്രോയിഡ് ഉപയോക്താക്കൾ ജാഗ്രതൈ! പുതിയ വൈറസ്; സർക്കാർ മുന്നറിയിപ്പ് ഇങ്ങനെ

ഡിസ്പ്ലേ, റാം

രണ്ട് ഫോണുകളിലും 120Hz റിഫ്രഷ് ആവുന്ന 6.67 ഇഞ്ച് HD+ LCD സ്‌ക്രീൻ ഉണ്ട്, അതുകൊണ്ട് തന്നെ ഫോണിലെ സ്‌ക്രോളിംഗ് ഗെയിമിംഗ് എന്നിവ വളരെ മികച്ചതായിരിക്കും . 12GB വരെ റാം ആൻഡ്രോയിഡ് 16 ഉം ഇതിൽ ലഭിക്കും. ക്യാമറ നോക്കിയാൽ ക്വാഡ്-പിക്സൽ സാങ്കേതികവിദ്യയുള്ള 50-മെഗാപിക്സൽ മെയിൻ സെൻസറും നൽകിയിട്ടുണ്ട്

ഓഡിയോ

ഡോൾബി അറ്റ്‌മോസുള്ള സ്റ്റീരിയോ സ്പീക്കറുകളും പൂർണ്ണമായ ശബ്ദത്തിനായി ഹൈ-റെസ് ഓഡിയോ സപ്പോർട്ടും ഫോണിലുണ്ടാവും. ഈടുനിൽക്കുന്നതും രണ്ട് ഫോണുകൾക്കും MIL-STD-810H സർട്ടിഫിക്കേഷൻ ഉണ്ട്, അതായത് ഏത് തരത്തിലുള്ള മോശം ഉപയോഗത്തെയും പാരിസ്ഥിതിക സമ്മർദ്ദത്തെയും പോലും ഇത് നേരിടും.

ഇതാണ് ഫോൺ

Meet the moto g37 & moto g37 power, made for a Break Free Zindagi with a segment-best 7000mAh battery with up to 3 days of power.

Launching 19th May on Flipkart, https://t.co/azcEfy2uaW and leading retail stores.⁣⁣ #motorolaIndia #breakfreezindagi #comingsoon pic.twitter.com/k4lGVQEMuT

— Motorola India (@motorolaindia) May 15, 2026

ഇന്ത്യയിലെ വില, തീയ്യതി

യൂറോപ്പിൽ കുറച്ചു കാലം മുമ്പാണ് മോട്ടോ G37 സീരിസ് പുറത്തിറങ്ങിയത്. ഏകദേശം 31,000 രൂപയാണ് അവിടുത്തെ വില, സ്റ്റാൻഡേർഡ് G37-ന് ഏകദേശം 27,000 രൂപ ആണ് വില. എന്നാൽ ഇതുവരെ ഇന്ത്യയിലെ ഔദ്യോഗിക വില കമ്പനി കുറച്ചിട്ടില്ല, മെയ് 19 ന് ഉച്ചയ്ക്ക് 12 മണിക്കായിരിക്കും ലോഞ്ചിംഗ് എന്നാണ് പ്രാഥമികമായ വിവരം.

English Summary

Motorola Announced their Latest Moto G37 Power and Moto G37 Launch in India. Both Models will available from May 19th through Flipkart and Retail Stores. Company added few changes in the Model on Chipset and Battery. This models considering as Valet friendly. for new features also in this Phone.

ആധാർ സേവനങ്ങൾക്ക് പുതിയ ആപ്ലിക്കേഷൻ അവതരിപ്പിച്ച് യുണീക് ഐഡെൻ്റിഫിക്കേഷൻ അതോറിറ്റി ഓഫ് ഇന്ത്യ (UIDAI). ആധാർ ആപ്പ് (Aadhaar App) എന്ന പേരിലാണ് പുതിയ ആപ്ലിക്കേഷൻ യുഐഡിഎഐ അവതരിപ്പിച്ചിരിക്കുന്നത്. അതേസമയം നിലവിലുള്ള mAadhaar ആപ്ലിക്കേഷൻ്റെ സേവനം ഇനി മുതൽ ലഭ്യമല്ല. ഗുഗിളിൻ്റെ പ്ലേ സ്റ്റോറിലും ആപ്പിളിൻ്റെ ആപ്പ് സ്റ്റോറിലും ആധാർ ആപ്പ് ലഭ്യമാണ്. ആധാർ വിവരങ്ങൾക്ക് കൂടുതൽ ഡിജിറ്റൽ സുരക്ഷ ഉറപ്പ് വരുത്താനാണ് പുതിയ ആപ്ലിക്കേഷൻ സജ്ജമാക്കിയിരിക്കുന്നത്. ക്യൂആർ അടിസ്ഥാനമാക്കിയുള്ള സേവനങ്ങൾ, ഫേസ് ഓതെൻ്റിക്കേഷൻ, ബയോമെട്രിക് ലോക്ക് കൺട്രോൾസ്, മറ്റ് ചില വിവരങ്ങളും പുതിയ ആപ്ലിക്കേഷനിൽ സേവനം ലഭിക്കുന്നതാണ്.

പുതിയ ആപ്ലിക്കേഷൻ സജജമായി എന്ന യുഐഡിഎഐ കഴിഞ്ഞ ദിവസം അറിയിച്ചിരുന്നു. രാജ്യത്തെ 13 ഭാഷകൾ ഈ ആപ്ലിക്കേഷനിൽ ലഭ്യമാണ്. ആധാർ നമ്പരുകൾ നൽകാതെ ഉപയോക്താക്കൾക്ക് സേവനം ലഭ്യമാകുമെന്നതാണ് ആധാർ ആപ്പിൻ്റെ പ്രധാന ഫീച്ചറുകൾ. ഏത് വിവരങ്ങൾ മാത്രമാണ് പങ്കുവെക്കേണ്ട, അത് മാത്രമായി സെലക്ട് ചെയ്യാനുള്ള ഫീച്ചറും പുതിയ ആപ്ലിക്കേഷനിലുണ്ട്. പുതിയ ക്യൂആർ ഫീച്ചർ സ്കാൻ ചെയ്തുകൊണ്ടുള്ള സേവനം വേഗത്തിലാക്കാൻ സഹായിക്കുന്നതാണ്.

ALSO READ : Virus Alert: ആൻഡ്രോയിഡ് ഉപയോക്താക്കൾ ജാഗ്രതൈ! പുതിയ വൈറസ്; സർക്കാർ മുന്നറിയിപ്പ് ഇങ്ങനെ

mAadhaar ആപ്ലിക്കേഷൻ്റെ സേവനം നിർത്തുന്നു, പുതിയ ആധാർ ആപ്പ് അവതരിപ്പിക്കുന്നയെന്ന് അറിയിച്ചുകൊണ്ടുള്ള യുഐഡിഎഐയുടെ എക്സ് പോസ്റ്റ്

The #mAadhaar App is retiring soon. Now experience a smarter, faster, and more secure digital journey with the new #AadhaarApp. From secure QR-based #Aadhaar sharing to enhanced privacy controls and seamless access to Aadhaar services — the new app is designed to make your… pic.twitter.com/snfeUx4Rgr

— Aadhaar (@UIDAI) May 15, 2026

പുതിയ ആപ്ലിക്കേഷനിൽ ആധാറുമായി ബന്ധിപ്പിച്ചിട്ടുള്ള മൊബൈൽ നമ്പർ അപ്ഡേറ്റ് ചെയ്യാൻ സാധിക്കുന്നതാണ്. ഒരു കുടുംബത്തിന് ഒരു ആപ്പ് മതി. അതായത് അക്കൗണ്ടിൽ ഒരു കുടുംബത്തിലെ അഞ്ച് പേരുടെ പ്രൊഫൈലുകൾ സൂക്ഷിക്കാൻ സാധിക്കുന്നതാണ്. ഫിംഗർപ്രിൻ്റും, മുഖം, കൃഷ്ണമണിയുടെ രേഖകൾക്ക് കൂടുതൽ സുരക്ഷ ഉറപ്പ് വരുത്താൻ ബയോമെട്രിക് സേവനങ്ങളും പുതിയ ആപ്ലിക്കേഷനിലും ലഭ്യമാണ്. സമർപ്പിച്ച രേഖകൾ വേണമെങ്കിൽ ആപ്ലിക്കേഷനിൽ നിന്നും നീക്കം ചെയ്യാൻ സാധിക്കുന്നതാണ്. എന്നിരുന്നാലും, ലിങ്ക് ചെയ്‌ത ഫോൺ നമ്പറിലേക്കോ സ്മാർട്ട്‌ഫോണിലേക്കോ ഉള്ള ആക്‌സസ് നഷ്‌ടപ്പെടുന്നത് ഉപയോക്താക്കളെ ആധാറുമായി ബന്ധപ്പെട്ട സേവനങ്ങളിൽ നിന്ന് താൽക്കാലികമായി ലോക്ക് ചെയ്‌തേക്കാമെന്ന് UIDAI അറിയിക്കുന്നുണ്ട്.

അതേസമയം പഴയ mAadhaar ആപ്പിനുള്ളിൽ സംഭരിച്ചിരിക്കുന്ന ഡാറ്റ പുതിയ ആധാർ ആപ്പിലേക്ക് സ്വയമേവ കൈമാറ്റം ചെയ്യപ്പെടുമോ എന്ന് UIDAI വ്യക്തമാക്കിയിട്ടില്ല. അതിനാൽ, അപ്ഡേറ്റ് ചെയ്ത ആപ്ലിക്കേഷൻ ഡൗൺലോഡ് ചെയ്തതിനുശേഷം നിലവിലുള്ള ഉപയോക്താക്കൾ വീണ്ടും അവരുടെ പ്രൊഫൈലുകൾ സ്വമേധയാ സജ്ജീകരിക്കേണ്ടതുണ്ട്.

പുതിയ ആധാർ ആപ്പിൽ എങ്ങനെ രജിസ്റ്റർ ചെയ്യാം?

1. ആധാർ ആപ്പ് തുറന്ന് ഇഷ്ടമുള്ള ഭാഷ തിരഞ്ഞെടുക്കുക.
2. ആധാറുമായി ബന്ധിപ്പിച്ചിട്ടുള്ള മൊബൈൽ നമ്പർ അല്ലെങ്കിൽ മറ്റൊരു മൊബൈൽ നമ്പർ ഉപയോഗിച്ച് ആപ്പിൽ രജിസ്റ്റർ ചെയ്യുക. രണ്ടാമത്തേതിനായി മറ്റ് രേഖകൾ ആവശ്യപ്പെടുന്നതിന് അനുസരിച്ച് നൽകേണ്ടതാണ്.
3. 12 അക്ക ആധാർ നമ്പർ നൽകി OTP നൽകി SMS പരിശോധന പൂർത്തിയാക്കുക.
4. പൂർത്തിയാകുമ്പോൾ, ഒരു ഫേഷ്യൽ ഓതന്റിക്കേഷൻ നടത്താൻ ആവശ്യപ്പെടും. പശ്ചാത്തലത്തിൽ ആവശ്യത്തിന് വെളിച്ചമുണ്ടെന്ന് ഉറപ്പാക്കുകയും കണ്ണടകൾ ഉണ്ടെങ്കിൽ അവ നീക്കം ചെയ്യുകയും ചെയ്യുക.
5. ഇനി, ആപ്പ് ആക്‌സസ് ചെയ്യാൻ ഉപയോഗിക്കുന്ന ആറ് അക്ക പാസ്‌വേഡ് നൽകുക.
6. ഇപ്പോൾ ആപ്പിന്റെ ഹോം പേജിലേക്ക് റീഡയറക്‌ട് ചെയ്യും, അവിടെ ആധാർ കാർഡ് ആക്‌സസ് ചെയ്യാനും മറ്റുള്ളവരുമായി പങ്കിടാനും ബയോമെട്രിക് ലോക്ക് ചേർക്കാനും കഴിയും.

English Summary

UIDAI Launches New Application For Aadhar Service and discontinued mAadhar App.  Instead mAadhar App Users should Instal Aadhar App For UIDAI Services. UIDAI Says New App provides Smart, Faster More Secure Services.

എഐ ഉപയോക്താക്കള്‍ക്കായി 'സ്വകാര്യ ഇടം' ഒരുക്കി മെറ്റയുടെ പുതിയ പരിഷ്‌കാരം. വാട്സ്ആപ്പിലെ മെറ്റാ എഐ ചാറ്റ്ബോട്ടുമായി നടത്തുന്ന സംഭാഷണങ്ങൾ മെറ്റായ്ക്ക് പോലും വായിക്കാൻ കഴിയാത്ത വിധത്തിലുള്ള പുതിയ 'ഇൻകോഗ്നിറ്റോ' മോഡ് വാട്സ്ആപ്പ് അവതരിപ്പിച്ചു. "വാട്സ്ആപ്പിലും മെറ്റാ എഐ ആപ്പിലും ഞങ്ങൾ ഇൻകോഗ്നിറ്റോ ചാറ്റ് ആരംഭിക്കുന്നു. എഐയുമായി സംവദിക്കാനുള്ള പൂർണ്ണമായും സ്വകാര്യമായ ഒരു രീതിയാണിത്" എന്ന് കമ്പനി ഒരു ബ്ലോഗ് പോസ്റ്റിലൂടെ വ്യക്തമാക്കി. വ്യക്തിപരം, സാമ്പത്തികം, ആരോഗ്യം, അല്ലെങ്കിൽ ജോലി സംബന്ധമായ വിവരങ്ങൾ ഉൾപ്പെടെയുള്ള കാര്യങ്ങളെക്കുറിച്ചുള്ള ചോദ്യങ്ങള്‍ മറ്റാരും കാണില്ലെന്ന ഉറപ്പോടെ ചോദിക്കാൻ ആഗ്രഹിക്കുന്ന ഉപയോക്താക്കൾക്കായാണ് ഈ ഫീച്ചർ രൂപകൽപ്പന ചെയ്തിരിക്കുന്നത്.

വരും മാസങ്ങളിൽ ഈ ഫീച്ചർ ആഗോളതലത്തിൽ ലഭ്യമാകും. കമ്പനിയുടെ 'പ്രൈവറ്റ് പ്രോസസ്സിംഗ്' സാങ്കേതികവിദ്യയുടെ അടിസ്ഥാനത്തിലാണ് ഇത് നിർമ്മിച്ചിരിക്കുന്നത്. ഉപയോക്താക്കളുടെ സംഭാഷണങ്ങൾ ആർക്കും വായിക്കാൻ കഴിയില്ലെന്ന് മെസ്സേജിംഗ് പ്ലാറ്റ്‌ഫോം അവകാശപ്പെടുന്നു. തങ്ങള്‍ക്ക് പോലും ചാറ്റുകള്‍ വായിക്കാന്‍ കഴിയില്ലെന്നാണ് കമ്പനിയുടെ വാദം.

ഈ ചാറ്റുകൾ താൽക്കാലികമായിരിക്കും. അവ സേവ് ചെയ്യപ്പെടില്ല. സെഷൻ അവസാനിക്കുന്നതോടെ അപ്രത്യക്ഷമാവുകയും ചെയ്യും. വെബ് ബ്രൗസറുകളിലും 'ഇന്‍കോഗ്നിറ്റോ' സൗകര്യം കാണാറുണ്ടെങ്കിലും, മെറ്റയുടെ ഫീച്ചര്‍ അതില്‍ നിന്നും വ്യത്യസ്തമാണ്.

Also Read: Whatsapp Noise Cancellation: കോളുകൾക്കിടയിലെ ‘നോയിസ്’ ഇനി ഔട്ട്! വാട്‌സ്ആപ്പിൻ്റെ പുത്തൻ ഫീച്ചർ ഇങ്ങനെ

നിലവിലുള്ള പല ഇൻകോഗ്നിറ്റോ സംവിധാനങ്ങൾക്കും ഉപയോക്താക്കളുടെ ചോദ്യങ്ങളും ഉത്തരങ്ങളും ഇപ്പോഴും ആക്സസ് ചെയ്യാൻ കഴിയുമെന്നും എന്നാൽ തങ്ങളുടെ ഇൻകോഗ്നിറ്റോ ചാറ്റ് "ഞങ്ങൾക്ക് പോലും" വായിക്കാൻ കഴിയാത്ത രീതിയിലാണ് രൂപകൽപ്പന ചെയ്തിരിക്കുന്നതെന്നുമാണ് മെറ്റയുടെ അവകാശവാദം.

'സൈഡ് ചാറ്റ്' എന്ന മറ്റൊരു ഫീച്ചർ കൂടി അവതരിപ്പിക്കാനുള്ള നീക്കത്തിലാണ് മെറ്റ. നിലവിലുള്ള വാട്സ്ആപ്പ് സംഭാഷണങ്ങൾക്ക് തടസ്സമില്ലാതെ തന്നെ, ആ ചാറ്റിലെ വിവരങ്ങളുടെ പശ്ചാത്തലത്തിൽ മെറ്റാ എഐയുമായി സ്വകാര്യമായി സംസാരിക്കാൻ ഈ സംവിധാനം ഉപയോക്താക്കളെ അനുവദിക്കും. ഈ ഫീച്ചറും കമ്പനിയുടെ പ്രൈവറ്റ് പ്രോസസ്സിംഗ് സിസ്റ്റം ഉപയോഗിച്ചാണ് പ്രവർത്തിക്കുന്നതെന്നാണ് റിപ്പോര്‍ട്ട്.

വാട്സ്ആപ്പിന്റെ പ്രസ്താവന:

"എഐയുമായുള്ള ചാറ്റിംഗ് ആളുകൾ വിവരങ്ങൾ ശേഖരിക്കുന്നതിനും സുപ്രധാന ചോദ്യങ്ങൾ ചോദിക്കുന്നതിനുമുള്ള ഒരു നിർണ്ണായക മാർഗമായി മാറിയിരിക്കുന്നു. ഈ ചോദ്യങ്ങളിൽ പലതും അതീവ രഹസ്യ സ്വഭാവമുള്ളതോ സാമ്പത്തികവും ആരോഗ്യപരവുമായ സ്വകാര്യ വിവരങ്ങൾ അടങ്ങിയതോ ആകാം. പത്ത് വർഷം മുമ്പ് ഞങ്ങൾ ലോകത്തിന് 'എൻഡ്-ടു-എൻഡ് എൻക്രിപ്ഷൻ' നൽകി, ഇപ്പോൾ ആ സ്വകാര്യത മെറ്റാ എഐയുമായുള്ള ചാറ്റുകളിലേക്കും വ്യാപിപ്പിക്കുകയാണ്.

ഇന്ന് ഞങ്ങൾ മെറ്റാ എഐയ്ക്കൊപ്പം ഇൻകോഗ്നിറ്റോ ചാറ്റ് ആരംഭിക്കുന്നു. ഞങ്ങളുടെ പ്രൈവറ്റ് പ്രോസസ്സിംഗ് സാങ്കേതികവിദ്യയിൽ നിർമ്മിച്ച ഈ ഫീച്ചർ മറ്റാർക്കും കാണാൻ കഴിയാത്ത വിധം മെറ്റാ എഐയുമായി സംസാരിക്കാൻ നിങ്ങളെ അനുവദിക്കുന്നു. മറ്റ് ആപ്പുകൾ സമാനമായ രീതികൾ അവതരിപ്പിച്ചിട്ടുണ്ടെങ്കിലും അവർക്ക് ഇപ്പോഴും ചോദ്യങ്ങളും ഉത്തരങ്ങളും കാണാൻ കഴിയും. എന്നാൽ മെറ്റാ എഐയുമായുള്ള ഇൻകോഗ്നിറ്റോ ചാറ്റ് യഥാർത്ഥത്തിൽ സ്വകാര്യമാണ് - ഞങ്ങൾക്ക് പോലും നിങ്ങളുടെ സംഭാഷണം വായിക്കാൻ കഴിയില്ല".

English Summary

Meta launched "Incognito Chat" for private AI conversations on WhatsApp. This feature uses "Private Processing" to hide chats from everyone, including Meta. The chats are temporary and disappear automatically once the session ends. A new "Side Chat" feature will also allow private AI help during regular conversations.