ഐഫോൺ ഡ്യുവോയുടെ ഫോൾഡബിൾ സ്ക്രീൻ പൊട്ടിപ്പോവുന്നുവെന്ന പരാതിയിൽ ഇടപെട്ട് ആപ്പിൾ. പ്രശ്നങ്ങൾ നേരിടുന്ന ഉപയോക്താക്കൾ, ഫോൺ മാറ്റിവാങ്ങുന്നതിനായി ആപ്പിൾ കെയറുമായി ബന്ധപ്പെടേണ്ടതാണെന്ന് ആപ്പിൾ അ‌റിയിച്ചു. ഐഫോൺ 18 പ്രോ മോഡലുകൾക്കൊപ്പം ഈ വർഷം സെപ്റ്റംബറിൽ ആണ് തങ്ങളുടെ ആദ്യ ഫോൾഡബിൾ ഐഫോൺ മോഡലായ ഐഫോൺ ഡ്യുവോയും (iPhone Duo) ആപ്പിൾ അ‌വതരിപ്പിച്ചത്. ഐഫോൺ പ്രോ മോഡലുകൾ നേരത്തെ വിപണിയിൽ എത്തിയെങ്കിലും ഐഫോൺ ഡ്യുവോ പ്രീ ബുക്കിങ്ങിന് ശേഷം ഒക്ടോബർ പകുതിയോടുകൂടിയാണ് വിൽപ്പനയ്ക്ക് എത്തിയത്. എന്നാൽ വിൽപ്പന ആരംഭിച്ചതി​ന് പിന്നാലെ ഐഫോണിന്റെ 'പുത്തരിയിൽ കല്ലുകടി' അ‌നുഭവപ്പെട്ടുതുടങ്ങി. അ‌തായത് ആദ്യ ഫോൾഡബിൾ ഐഫോണിൽ സ്ക്രീൻ തകരാർ ഉൾപ്പെടെ റിപ്പോർട്ട് ​ചെയ്യപ്പെടാൻ തുടങ്ങി. ഇത് വിവാദമായതോടെയാണ് ആപ്പിൾ പ്രതികരണവുമായി എത്തിയിരിക്കുന്നത്.

ഐഫോൺ ഡ്യുവോയ്ക്ക് വിപണിയിൽ പ്രതീക്ഷിച്ചതിലും വലിയ പ്രതികരണമാണ് ലഭിച്ചത്. എന്നാൽ ഇത് വാങ്ങിയതിന് പിന്നാലെ ചില ഉപഭോക്താക്കൾ ഫോണിന്റെ ഉൾവശത്തെ ഡിസ്‌പ്ലേയിൽ വിള്ളലുകൾ ഉണ്ടായതായി റിപ്പോർട്ട് ചെയ്തു. ഫോൺ തുറക്കുമ്പോൾ എന്തോ പൊട്ടുന്ന ശബ്ദം കേൾക്കുന്നതായും, അസാധാരണമായ തടസ്സം അനുഭവപ്പെടുന്നതായും ഉപയോക്താക്കൾ പറയുന്നു.

Also Read: ഗെയിമിങ് ഫോണാ, കരുത്ത് കൂടും! ഇൻഫിനിക്സ് GT 50 പ്രോ ഇന്ത്യയിൽ ലോഞ്ച് ചെയ്തു

ഫോൺ മടക്കുന്ന ഭാഗത്ത് (center crease) വിള്ളലുകൾ ഉണ്ടാവുകയോ ഡിസ്‌പ്ലേ തകരാറിലാവുകയോ ചെയ്യുന്നതായാണ് പരാതികൾ. '9to5Mac'-ന് നൽകിയ പ്രസ്താവനയിൽ, ചില ഉപയോക്താക്കൾ പ്രശ്നം റിപ്പോർട്ട് ചെയ്തിട്ടുണ്ടെന്ന് ആപ്പിൾ സ്ഥിരീകരിച്ചു. തകരാർ സംഭവിച്ച ഫോണുകൾ ഉള്ള ഉപയോക്താക്കൾ ആപ്പിൾ കെയറുമായി (AppleCare) ബന്ധപ്പെട്ട് ഫോൺ മാറ്റിവാങ്ങാൻ ആപ്പിൾ നിർദ്ദേശിച്ചു.

ആപ്പിളിന്റെ പ്രസ്താവന: "ഐഫോൺ ഡുവോയോട് തുടക്കത്തിലെ ഉപയോക്താക്കൾ വളരെ മികച്ച പ്രതികരണമാണ് നൽകുന്നത്. ഫോണിന്റെ സവിശേഷമായ രൂപകൽപ്പനയ്ക്ക് അനുയോജ്യമായ രീതിയിൽ ഡെവലപ്പർമാർ തങ്ങളുടെ ആപ്പുകൾ വേഗത്തിൽ അപ്‌ഡേറ്റ് ചെയ്യുന്നത് കാണുമ്പോൾ സന്തോഷമുണ്ട്. ഐഫോൺ ഡുവോയുടെ വളരെ കുറച്ച് യൂണിറ്റുകളിൽ, ഉൾവശത്തെ ഡിസ്‌പ്ലേയെ ബാധിക്കുന്ന ഒരു പ്രശ്നം ശ്രദ്ധയിൽപ്പെട്ടിട്ടുണ്ട്. ഇത്തരം പ്രശ്നങ്ങൾ നേരിടുന്ന ഉപയോക്താക്കൾ, ഫോൺ മാറ്റിവാങ്ങുന്നതിനായി ആപ്പിൾ കെയറുമായി ബന്ധപ്പെടേണ്ടതാണ്."

ഐഫോൺ ഡ്യുവോ വിൽപ്പന ആരംഭിച്ചതിന് പിന്നാലെ റെഡ്ഡിറ്റിലൂടെയും മറ്റ് സോഷ്യൽ മീഡിയ പ്ലാറ്റ്‌ഫോമുകളിലൂടെയും ഉപയോക്താക്കൾ പ്രശ്നം വെളിപ്പെടുത്തുകയായിരുന്നു. ബ്ലൂംബെർഗ് നടത്തിയ അന്വേഷണത്തിൽ, പ്രശ്നം നേരിട്ട അര ഡസനോളം ഉപഭോക്താക്കളെ കണ്ടെത്താനായി. പല കേസുകളിലും, ഫോൺ വാങ്ങി മണിക്കൂറുകൾക്കോ ​​ദിവസങ്ങൾക്കോ ​​ഉള്ളിലാണ് കേടുപാടുകൾ സംഭവിച്ചത്. ഉൾവശത്തെ ഡിസ്‌പ്ലേ പൂർണ്ണമായും ഉപയോഗശൂന്യമായെന്ന് ഒരു ഉപഭോക്താവ് ബ്ലൂംബെർഗിനോട് പറഞ്ഞു.

ഡിസ്‌പ്ലേ തകരാറിന്റെ കൃത്യമായ കാരണം ആപ്പിൾ വെളിപ്പെടുത്തിയിട്ടില്ല. iFixit നടത്തിയ പരിശോധനയിൽ ഫോണിന്റെ ഹിഞ്ചിനുള്ളിലെ സപ്പോർട്ട് ബാറിലെ പ്രശ്നമാണ് ഇതിന് കാരണമെന്ന് അ‌വകാശപ്പെടുന്നു. ഫോൺ മടക്കുമ്പോൾ ഈ സപ്പോർട്ട് ബാർ കൃത്യമായി താഴേക്ക് മാറാതിരിക്കുകയും തുടർന്ന് സ്ക്രീനിൽ കടുത്ത സമ്മർദ്ദം രൂപപ്പെട്ട് ഉള്ളിൽനിന്ന് വിള്ളലുണ്ടാകുകയുമാണ് ചെയ്യുന്നത്. സ്ക്രീൻ തകരാർ സംഭവിച്ച ഫോൺ ഉടമകൾക്ക് സൗജന്യമായി പുതിയ ഫോൺ കൈപ്പറ്റാമെന്നും പ്രത്യേക ആപ്പിൾകെയർ പ്ലസ് സബ്‌സ്‌ക്രിപ്‌ഷൻ ആവശ്യമില്ലെന്നും ആപ്പിൾ വ്യക്തമാക്കിയിട്ടുണ്ട്.

English Summary

Apple has responded following reports from some users regarding malfunctions with the iPhone Duo's screens. A technical issue affecting the internal display has been identified in a very small number of iPhone Duo units. Apple has advised users experiencing such problems to contact AppleCare to arrange for a device replacement.

ഇൻഫിനിക്സ് തങ്ങളുടെ GT സീരീസിന്റെ ഭാഗമായി ഇൻഫിനിക്സ് GT 50 പ്രോ 5ജി (Infinix GT 50 Pro) ഇന്ത്യയിൽ ലോഞ്ച് ചെയ്തു. ഗെയിമിങ് പ്രേമികളെക്കൂടി ലക്ഷ്യമിട്ടുകൊണ്ട് മൊബൈൽ ഗെയിമിംഗ് പെർഫോമൻസ് മെച്ചപ്പെടുത്തുന്നതിനായി ഫിസിക്കൽ കൺട്രോൾ, അഡ്വാൻസ്ഡ് തെർമൽ മാനേജ്‌മെന്റ്, സോഫ്റ്റ്‌വെയർ ഒപ്റ്റിമൈസേഷൻ എന്നിവ സംയോജിപ്പിച്ചാണ് ഇൻഫിനിക്സ് ഈ സ്മാർട്ട്ഫോൺ അ‌വതരിപ്പിച്ചിരിക്കുന്നത്. ഓൺലൈൻ ഗെയിമിങ്ങിനിടെ ലേറ്റൻസി കുറയ്ക്കുന്നതിനും സിഗ്നൽ ശക്തി സ്ഥിരപ്പെടുത്തുന്നതിനും രൂപകൽപ്പന ചെയ്ത ഇൻ-ഹൗസ് N1 നെറ്റ്‌വർക്ക് ചിപ്പും ഈ ഇൻഫിനിക്സ് ജിടി സ്മാർട്ട്ഫോണിൽ ഉണ്ട്.

പ്രധാന ഫീച്ചറുകൾ

6.78 ഇഞ്ച് (1208 x 2644 പിക്സൽ) 1.5K AMOLED സ്‌ക്രീൻ, 144Hz റിഫ്രഷ് റേറ്റ്, 330Hz ടച്ച് സാംപ്ലിംഗ് റേറ്റ്, 2800Hz ഇൻസ്റ്റന്റ് ടച്ച് സാംപ്ലിംഗ് റേറ്റ്, 2304Hz PWM ഡിമ്മിംഗ്, 4500 നിറ്റ്‌സ് വരെ പീക്ക് ബ്രൈറ്റ്‌നസ്, കോർണിംഗ് ഗോറില്ല ഗ്ലാസ് 7i പ്രൊട്ടക്ഷൻ എന്നിവയാണ് ഡിസ്പ്ലേയുമായി ബന്ധപ്പെട്ട പ്രധാന ഫീച്ചറുകൾ.

Also Read: അ‌ന്ന് 25999 രൂപ, ഇപ്പോൾ 18999 രൂപ; മോട്ടോ G77 Power 5G പുതിയ വേരിയന്റ് ഫ്ലിപ്പ്കാർട്ടിലെത്തി

3.25GHz ഒക്ടാ കോർ മീഡിയടെക് ഡൈമെൻസിറ്റി 8400 അൾട്ടിമേറ്റ് 4nm പ്രോസസർ ആണ് ഈ ഫോണിന്റെ പ്രവർത്തനങ്ങളുടെ ശക്തികേന്ദ്രം. ഒപ്പം Mali-G720 MC6 GPU, 12GB LPDDR5X റാം, 256GB UFS 4.1 സ്റ്റോറേജ് എന്നിവയും ഇതിലുണ്ട്. ആൻഡ്രോയിഡ് 16 അ‌ടിസ്ഥാനമായുള്ള XOS 16 -ൽ ആണ് പ്രവർത്തനം. 3 വർഷത്തെ ആൻഡ്രോയിഡ് അപ്‌ഡേറ്റുകളും 5 വർഷത്തെ സുരക്ഷാ പാച്ചുകളും ലഭിക്കും.

ക്യാമറകളുടെ കാര്യമെടുത്താൽ, 50MP മെയിൻ ക്യാമറ (f/1.59 അപ്പേർച്ചർ), 8MP അൾട്രാ-വൈഡ് ലെൻസ് (f/2.2 അപ്പേർച്ചർ), ഡ്യുവൽ LED ഫ്ലാഷ്, 4K 60fps വീഡിയോ റെക്കോർഡിംഗ് എന്നിവ അ‌ടങ്ങുന്ന റിയർ ക്യാമറ സജ്ജീകരണവും സെൽഫിക്കും മറ്റുമായി 13MP ഫ്രണ്ട് ക്യാമറയും (f/2.2 അപ്പേർച്ചർ, 4K 60fps വീഡിയോ റെക്കോർഡിംഗ്) ഇതിലുണ്ട്.

ഇൻ-ഡിസ്‌പ്ലേ ഫിംഗർപ്രിന്റ് സ്കാനർ, IR ബ്ലാസ്റ്റർ, IP64 റേറ്റിങ്, ഡ്യുവൽ സിം (നാനോ + നാനോ), 5G SA/NSA, 6500mAh ബാറ്ററി, 45W ഫാസ്റ്റ് ചാർജിംഗ്, 30W വയർലെസ് ചാർജിംഗ്, 10W റിവേഴ്സ് വയർഡ് ചാർജിംഗ് എന്നിവയാണ് മറ്റ് പ്രധാന ഫീച്ചറുകൾ.

വിലയും ലഭ്യതയും

ഇൻഫിനിക്സ് GT 50 പ്രോയുടെ 12GB + 256GB മോഡലിന് 69,999 രൂപയാണ് വില. ബ്ലാക്ക് അബിസ്, 'റെഡ് ബ്ലേസ് എന്നീ രണ്ട് കളർ ഓപ്ഷനുകളിൽ ഇത് വാങ്ങാനാകും. ഫ്ലിപ്പ്കാർട്ട്, ഇൻഫിനിക്സ് ഇന്ത്യ ഓൺലൈൻ സ്റ്റോർ എന്നിവ വഴി ഇപ്പോൾ പ്രീ-ഓർഡർ ചെയ്യാവുന്നതാണ്. ഒക്ടോബർ 30 മുതൽ ഫോൺ വിൽപ്പനയ്‌ക്കെത്തും.

ലോഞ്ച് ഓഫറിന്റെ ഭാഗമായി ഉപഭോക്താക്കൾക്ക് 5,000 രൂപയുടെ ഇൻസ്റ്റന്റ് ബാങ്ക് ഡിസ്‌കൗണ്ട് ലഭിക്കും. കൂടാതെ ആകർഷകമായ നോ കോസ്റ്റ് ഇഎംഐ ഓപ്ഷനുകളും ലഭ്യമാകും. കൂടാതെ 24,999 രൂപ മൂല്യമുള്ള 'GT 50 പ്രോ ഗെയിമിംഗ് ഇക്കോസിസ്റ്റം ബണ്ടിൽ' ഇതിനൊപ്പം സൗജന്യമായി ലഭിക്കും. GT NX സ്റ്റേഷൻ, GT NX കൺട്രോളർ, GT കൂളിംഗ് ഫാൻ കം ചാർജർ, GT 50 പ്രോ മാഗ്‌സേഫ് കവർ എന്നിവ ഈ ബണ്ടിലിൽ ഉൾപ്പെടുന്നു.

English Summary

Infinix has launched the Infinix GT 50 Pro 5G in India as part of its GT series. The 12GB + 256GB model of the Infinix GT 50 Pro is priced at Rs. 69,999. It is available in two color options: Black Abyss and Red Blaze. Pre-orders are now open via Flipkart and the Infinix India online store. The phone will go on sale starting October 30.

ആര്‍ട്ടിഫിഷ്യല്‍ ഇന്റലിജന്‍സ് (എഐ) മേഖലയിലെ നിക്ഷേപം ശക്തമാക്കുന്നതിനിടെ ചെലവുകള്‍ നിയന്ത്രിക്കാനുള്ള നീക്കവുമായി ടെക് ഭീമനായ മൈക്രോസോഫ്റ്റ്. കമ്പനിയിലെ ഏകദേശം 60,000 ജീവനക്കാര്‍ക്ക് സ്വമേധയാ ജോലി വിടാനുള്ള അവസരമാണ് മൈക്രോസോഫ്റ്റ് പ്രഖ്യാപിച്ചിരിക്കുന്നത്. ആഗോളതലത്തിലെ കമ്പനിയുടെ ആകെ ജീവനക്കാരുടെ ഏകദേശം 27 ശതമാനത്തോളം പേര്‍ക്ക് ഈ പദ്ധതിയുടെ ഭാഗമാകാന്‍ അര്‍ഹതയുണ്ടാകുമെന്നാണ് റിപ്പോര്‍ട്ട്.

ഇന്ത്യയിലെ ജീവനക്കാര്‍ക്കും അവസരം

അമേരിക്ക, കാനഡ, ഇന്ത്യ, ബ്രിട്ടന്‍ എന്നിവിടങ്ങളിലെ തിരഞ്ഞെടുത്ത വിഭാഗങ്ങളിലുള്ള ജീവനക്കാര്‍ക്കാണ് ഈ ആനുകൂല്യം ലഭിക്കുക. വൈസ് പ്രസിഡന്റ് പദവിയിലും അതിന് താഴെയുമുള്ള ജീവനക്കാരെ പദ്ധതിയില്‍ ഉള്‍പ്പെടുത്തിയിട്ടുണ്ട്. എന്നാല്‍ കമ്പനിയിലെ എല്ലാ ജീവനക്കാര്‍ക്കും ഈ അവസരം ലഭിക്കില്ല. ഡാറ്റാ സെന്ററുകളുമായി ബന്ധപ്പെട്ട ചില വിഭാഗങ്ങള്‍, സെയില്‍സ്, മാര്‍ക്കറ്റിങ് തുടങ്ങിയ മേഖലകളിലെ ജീവനക്കാരെ പദ്ധതിയില്‍നിന്ന് ഒഴിവാക്കിയിട്ടുണ്ട്.

ജീവനക്കാര്‍ക്ക് സാമ്പത്തിക പിന്തുണയോടെയും കരിയര്‍ ആസൂത്രണത്തിനുള്ള സഹായത്തോടെയും കമ്പനിയില്‍നിന്ന് മാറാന്‍ അവസരമൊരുക്കുകയാണ് പദ്ധതിയുടെ ലക്ഷ്യമെന്ന് മൈക്രോസോഫ്റ്റ് ചീഫ് പീപ്പിള്‍ ഓഫീസര്‍ ആമി കോള്‍മാന്‍ ജീവനക്കാര്‍ക്കയച്ച സന്ദേശത്തില്‍ വ്യക്തമാക്കി. കമ്പനിയുടെ മാറിവരുന്ന ആവശ്യങ്ങള്‍ക്കനുസരിച്ച് തൊഴില്‍സംഘടനയില്‍ കൂടുതല്‍ വഴക്കമുള്ള സമീപനം സ്വീകരിക്കുന്നതിന്റെ ഭാഗമായാണ് ഈ നീക്കം.

ഈ വര്‍ഷം രണ്ടാമത്തെ സ്വമേധയാ വിരമിക്കല്‍ പദ്ധതി

2026ല്‍ ജീവനക്കാര്‍ക്ക് സ്വമേധയാ ജോലി വിടാനുള്ള അവസരം മൈക്രോസോഫ്റ്റ് നല്‍കുന്നത് ഇത് രണ്ടാം തവണയാണ്. നേരത്തെ ഏപ്രിലില്‍ അമേരിക്കയിലെ ജീവനക്കാരില്‍ ഒരു വിഭാഗത്തിന് നേരത്തേ വിരമിക്കാനുള്ള പദ്ധതി കമ്പനി അവതരിപ്പിച്ചിരുന്നു. അന്ന് അര്‍ഹതയുണ്ടായിരുന്നവരില്‍ ഏകദേശം 30 ശതമാനം പേര്‍ പദ്ധതി സ്വീകരിച്ചതായാണ് റിപ്പോര്‍ട്ടുകള്‍.

Also Read: Dubai Traffic Alert: ദുബായിൽ എമിറേറ്റ്സ് റോഡിലും എയർപോർട്ട് ടണലിലും ഗതാഗത നിയന്ത്രണം: അറിയേണ്ടതെല്ലാം

എഐ നിക്ഷേപവും ചെലവ് നിയന്ത്രണവും

കമ്പനിയുടെ ജീവനക്കാരുടെ എണ്ണത്തില്‍ കഴിഞ്ഞ കുറച്ചുകാലമായി മാറ്റങ്ങള്‍ സംഭവിക്കുന്നുണ്ട്. 2025 അവസാനത്തോടെ ആഗോളതലത്തില്‍ 2,28,000 ജീവനക്കാരുണ്ടായിരുന്ന മൈക്രോസോഫ്റ്റില്‍ 2026 ജൂണ്‍ അവസാനത്തോടെ ഇത് 2,23,000 ആയി കുറഞ്ഞു. അതേസമയം, എഐ സാങ്കേതികവിദ്യയിലും അതിന് ആവശ്യമായ ഡാറ്റാ സെന്റര്‍ അടിസ്ഥാനസൗകര്യങ്ങളിലും കമ്പനി വന്‍തോതില്‍ നിക്ഷേപം നടത്തിവരികയാണ്.

എഐ മേഖലയിലെ വളര്‍ച്ചയ്ക്കായി കൂടുതല്‍ വിഭവങ്ങള്‍ വിനിയോഗിക്കുമ്പോള്‍ ജീവനക്കാരുമായി ബന്ധപ്പെട്ട ചെലവുകള്‍ നിയന്ത്രിക്കാനുള്ള ശ്രമമായും ഈ നീക്കത്തെ വിലയിരുത്താം. എന്നാല്‍ എഐയുടെ വരവ് മാത്രമാണ് ഈ പദ്ധതിക്ക് പിന്നിലെ കാരണമെന്ന് കമ്പനി വ്യക്തമാക്കിയിട്ടില്ല.

English Summary

Microsoft is reportedly offering voluntary exit packages to around 60,000 eligible employees as the company increases its investments in artificial intelligence. The initiative is part of its workforce planning strategy, with selected employees in several countries, including India, eligible for the scheme.

മോട്ടറോള ഈ വർഷം ജൂ​ലൈയിൽ ഇന്ത്യയിൽ ലോഞ്ച് ചെയ്ത സ്മാർട്ട്ഫോൺ ആണ് മോ​ട്ടോ ജി77 പവർ 5ജി (Moto G77 Power). ഇന്ത്യയിൽ വിൽപ്പന ആരംഭിക്കുമ്പോൾ മോട്ടോ ജി77 പവർ 5ജി 8GB+128GB എന്ന സിംഗിൾ വേരിയന്റിൽ ആണ് ലഭ്യമായിരുന്നത്, അ‌തിന് 25,999 രൂപയായിരുന്നു ലോഞ്ച് വില. എന്നാലിപ്പോൾ ഇതിനെക്കാൾ കുറഞ്ഞ വിലയിൽ വാങ്ങാൻ കഴിയുന്ന ഒരു പുതിയ വേരിയന്റിലും ഈ മോട്ടറോള ഫോൺ ഇപ്പോൾ ഫ്ലിപ്പ്കാർട്ടിൽ വാങ്ങാൻ ലഭ്യമായിട്ടുണ്ട്. മോട്ടോ ജി77 പവർ 5ജിയുടെ പുതിയ വേരിയന്റ് 4GB റാം+ 128GB സ്റ്റോറേജ് സഹിതമാണ് എത്തിയിരിക്കുന്നത്, ഇത് 18999 രൂപ വിലയിൽ ഫ്ലിപ്പ്കാർട്ടിൽ ലിസ്റ്റ് ചെയ്തിരിക്കുന്നു.

അ‌തായത് മുൻപ് മോട്ടോ ജി77 പവർ 5ജി വാങ്ങണമെങ്കിൽ 25999 രൂപ മുടക്കണമായിരുന്നു. എന്നാലിപ്പോൾ അ‌ത്രയും എണം മുടക്കാൻ കഴിയാത്തവർക്കായും 20000 രൂപയിൽ താഴെ വിലയിൽ പുതിയ 5ജി ഫോൺ തേടുന്നവർക്കായും ഇതിന്റെ പുതിയ ​കുറഞ്ഞ വേരിയന്റ് കുറഞ്ഞ വിലയിൽ ലഭ്യമായിരിക്കുന്നു.

Also Read: പറഞ്ഞപോലെ ​തന്നെ 10000mAh ബാറ്ററിയുണ്ട്! വിവോ Y600 ​ലോഞ്ച് ചെയ്തു

18999 രൂപ വിലയിൽ ലിസ്റ്റ് ചെയ്തിരിക്കുന്ന മോട്ടോ ജി77 പവർ 5ജി പ്രാരംഭ വേരിയന്റിന് 950 രൂപ ബാങ്ക് ഡിസ്കൗണ്ടും ഫ്ലിപ്പ്കാർട്ടിൽ ലഭ്യമാണ്, അ‌തിനാലിത് 18049 രൂപ വിലയിൽ വാങ്ങാം. ഇത് കൂടാതെ ടോപ് മോഡലിനും വില കുറഞ്ഞിട്ടുണ്ട്. മോട്ടോ ജി77 പവർ 5ജി 8GB+128GB വേരിയന്റ് ഇപ്പോൾ 1000 രൂപ ഡയറക്ട് ഡിസ്കൗണ്ടിന് ശേഷം 24999 രൂപ വിലയിലാണ് ഫ്ലിപ്പ്കാർട്ടിൽ ലിസ്റ്റ് ചെയ്തിരിക്കുന്നത്.

ഇതിന്റെ 8GB+128GB വേരിയന്റിന് 1250 രൂപ വരെ ബാങ്ക് ഡിസ്കൗണ്ടും ലഭ്യമാണ്. അ‌തിനാൽ ടോപ് വേരിയന്റ് 23749 രൂപ വിലയിൽ വാങ്ങാനാകുമെന്ന് ഫ്ലിപ്പ്കാർട്ട് പറയുന്നു. പാന്റോൺ ഇംപെനിട്രബിൾ, പാന്റോൺ നോട്ടിക്കൽ ബ്ലൂ, പാന്റോൺ ഫ്യൂഷിയ റെഡ്, പാന്റോൺ ലോറൽ ഗ്രീൻ എന്നീ നാല് കളർ ഓപ്ഷനുകളിൽ ഈ ഫോൺ ലഭ്യമാണ്.

പ്രധാന ഫീച്ചറുകൾ

ഒക്ട കോർ മീഡിയടെക് ഡൈമെൻസിറ്റി 6400 6nm പ്രോസസർ, ക്വാഡ് പിക്‌സൽ ടെക്നോളജി പിന്തുണയുള്ള 50MP മെയിൻ ക്യാമറ (സോണി LYTIA 600 സെൻസർ, f/1.8 അപ്പർച്ചർ), 8MP അൾട്രാ-വൈഡ് ക്യാമറ (f/2.2 അപ്പേർച്ചർ, 2-ഇൻ-1 ലൈറ്റ് സെൻസർ, 2K 30fps വരെ വീഡിയോ റെക്കോർഡിംഗ്), LED ഫ്ലാഷ്, 32MP ഫ്രണ്ട് ക്യാമറ, ആം മാലി-G57 MC2 ജിപിയു, 8GB LPDDR4X റാം, 128GB UFS 2.2 സ്റ്റോറേജ്.

ഒറ്റ ചാർജിൽ മൂന്ന് ദിവസം വരെ ഉപയോഗം വാഗ്ദാനം ചെയ്യുന്ന 7000mAh ബാറ്ററി, 30W ടർബോചാർജിംഗ്, 6W വയർഡ് റിവേഴ്സ് ചാർജിംഗ്, 120Hz 6.72-ഇഞ്ച് FHD+ LCD സ്ക്രീൻ, കോർണിംഗ് ഗൊറില്ല ഗ്ലാസ് 7i പ്രൊട്ടക്ഷൻ, സൈഡ്-മൗണ്ടഡ് ഫിംഗർപ്രിന്റ് സെൻസർ, IP64 റേറ്റിങ്, മിലിട്ടറി ഗ്രേഡ് (MIL-STD 810H) സർട്ടിഫിക്കേഷൻ, ഹൈബ്രിഡ് ഡ്യുവൽ സിം (നാനോ+നാനോ / മൈക്രോ എസ്ഡി), 5G SA/NSA, ഡ്യുവൽ 4G VoLTE.

English Summary

When the Moto G77 Power 5G first went on sale in India, it was available in a single variant- 8GB RAM + 128GB storage- priced at Rs. 25,999. Now, a lower-end variant featuring 4GB of RAM and 128GB of storage has been introduced; it is listed on Flipkart at a price of Rs.18,999.

വിവോ തങ്ങളുടെ Y സീരീസിലേക്ക് പുതിയതായി Y600 (vivo Y600) എന്ന മോഡൽ ലോഞ്ച് ചെയ്തു. ലോഞ്ചിന് മുമ്പ് വെളിപ്പെടുത്തിയതുപോലെ തന്നെ, 10,000mAh ബാറ്ററിയുമായാണ് ഈ ഫോൺ ​ചൈനയിൽ അ‌വതരിപ്പിക്കപ്പെട്ടിരിക്കുന്നത്. 7 വർഷം വരെ ഈടുനിൽക്കുന്നതും അതിശൈത്യത്തിലും പ്രവർത്തിക്കാൻ കഴിയുന്നതുമായ" ബാറ്ററി ആണ് ഇതിലുള്ളത് എന്നാണ് വിവോ അ‌വകാശപ്പെടുന്നത്. -35°C മുതൽ 50°C വരെയുള്ള താപനിലയിൽ പ്രവർത്തിക്കാൻ ഈ ബാറ്ററിക്ക് കഴിയും എന്നതാണ് ഒരു പ്രത്യേകത. അതീവ ശൈത്യമോ ഉഷ്ണമോ ഉള്ള കാലാവസ്ഥകളിലും, യാത്രകളിലും, പുറം ജോലികൾക്കിടയിലും വിശ്വസനീയമായി ഫോൺ ഉപയോഗിക്കാൻ ഇത് സഹായിക്കുന്നു.

മികച്ച ബാറ്ററിക്ക് പുറമേ മികച്ച ഈടും ഈ വിവോ ഫോണിലുണ്ട്. IP68 റേറ്റിങ് (20 മണിക്കൂർ വരെ വെള്ളത്തിനടിയിൽ തുടർച്ചയായി കിടന്നാലും കേടുപാടുകൾ സംഭവിക്കില്ല), IP69 റേറ്റിങ് (ഉയർന്ന താപനിലയിലും ഉയർന്ന മർദ്ദത്തിലുമുള്ള ജലപ്രവാഹത്തെ ഇത് അതിജീവിക്കും) എന്നിവ ഇതിലുണ്ട്. 24 മണിക്കൂർ വരെ തുടർച്ചയായ മഴയെയും നനവിനെയും പ്രതിരോധിക്കാൻ ഇതിനാകും. കൂടാതെ സോപ്പ് വെള്ളം ഉൾപ്പെടെ, വ്യത്യസ്തങ്ങളായ 30 തരം ദ്രാവകങ്ങൾ വീണാലും ഇതിന് കേടുപാടുകൾ സംഭവിക്കില്ല.

Also Read: വൺപ്ലസ് 16 ന്റെ അ‌തേ ഓറിയന്റൽ സ്‌ക്രീൻ, 9000mAh ബാറ്ററി; വൺപ്ലസ് എയ്സ് 7 സീരീസ് വരുന്നു

പ്രധാന ഫീച്ചറുകൾ

6.83 ഇഞ്ച് (1260×2800 പിക്സൽ) 1.5K AMOLED സ്‌ക്രീൻ; HDR10+, 120Hz വരെ റിഫ്രഷ് റേറ്റ്, 2000 nits വരെ HBM ബ്രൈറ്റ്‌നസ് എന്നിവ ഇതിലുണ്ട്. 2.5GHz വേഗതയുള്ള ഒക്ടാ കോർ മീഡിയടെക് ​ഡൈമൻസിറ്റി 7300e 6nm പ്രോസസർ ആണ് ഈ ഫോണിന്റെ കരുത്ത്.

Mali-G610 GPU, 6GB / 8GB LPDDR4X റാം, 128GB / 256GB UFS 3.1 സ്റ്റോറേജ് എന്നിവയും ഇതിലുണ്ട്. ആൻഡ്രോയിഡ് 16 അ‌ടിസ്ഥാനമാക്കിയുള്ള OriginOS 6 -ൽ ആണ് പ്രവർത്തനം. ഇൻ ഡിസ്‌പ്ലേ ഒപ്റ്റിക്കൽ ഫിംഗർപ്രിന്റ് സെൻസർ, ഇൻഫ്രാറെഡ് സെൻസർ, USB Type-C ഓഡിയോ, സ്റ്റീരിയോ സ്പീക്കറുകൾ എന്നിവയും ഇതിലുണ്ട്.

ക്യാമറകളുടെ കാര്യമെടുത്താൽ, 50MP മെയിൻ ക്യാമറ (Sony IMX852 സെൻസർ, f/1.8 അപ്പേർച്ചർ, 'ഓറ ലൈറ്റ്') അ‌ടങ്ങുന്ന റിയർ ക്യാമറ സജ്ജീകരണവും 8MP ഫ്രണ്ട് ക്യാമറയും (f/2.0 അപ്പേർച്ചർ) ഇതിലുണ്ട്. IP68+IP69 റേറ്റിംഗ്, ​​മിലിട്ടറി-ഗ്രേഡ് ഈട് (MIL-STD-810H), 5G SA/NSA, ഡ്യുവൽ സിം (നാനോ + നാനോ), ഡ്യുവൽ 4G VoLTE, 44W ഫാസ്റ്റ് ചാർജിംഗിനെ പിന്തുണയ്ക്കുന്ന 10,000mAh ബാറ്ററി എന്നിവയാണ് മറ്റ് പ്രധാന ഫീച്ചറുകൾ.

വില

വിവോ Y600 6GB + 128GB: 1999 യുവാൻ (ഏകദേശം 28,495 രൂപ), 8GB + 128GB: 2099 യുവാൻ (ഏകദേശം 29,920 രൂപ), 6GB + 256GB: 2199 യുവാൻ (ഏകദേശം 31,345 രൂപ), 8GB + 256GB: 2499 യുവാൻ (ഏകദേശം 35,620 രൂപ).

English Summary

Vivo has launched a new model, the Y600, as part of its Y series. As previously revealed, the phone has been introduced in China featuring a 10,000mAh battery. The base variant, which comes with 6GB of RAM and 128GB of storage, is priced at 1,999 Yuan (approximately Rs. 28,495).

വൺപ്ലസ് തങ്ങളുടെ എയ്സ് സീരീസിലേക്ക് പുതിയ സ്മാർട്ട്ഫോൺ മോഡലുകൾ ഈ ആഴ്ച ലോഞ്ച് ചെയ്യും. എയ്സ് 6 സീരീസിന്റെ പിൻഗാമിയായി എയ്സ് 7 സീരീസിൽ രണ്ട് ഫോണുകളാണ് ഒക്ടോബർ 29-ന് ചൈനയിൽ ലോഞ്ച് ചെയ്യുന്നത്. എയ്സ് 7, എയ്സ് 7 പ്രോ എന്നിവയാണ് എയ്സ് 7 സീരീസിന് തുടക്കം കുറിച്ച് എത്തുന്ന പുത്തൻ മോഡലുകൾ. ഇവയുടെ ലോഞ്ച് ഇതിനകം സ്ഥിരീകരിച്ചിട്ടുണ്ട്. ​ചൈനയിൽ എയ്സ് സീരീസിൽ ലോഞ്ച് ചെയ്യുന്ന മോഡലുകൾ പിന്നീട് ഇന്ത്യയിൽ നോർഡ് സീരീസിൽ എത്താറുണ്ട്. അ‌തിനാൽത്തന്നെ പുതിയ എയസ് 7 സീരീസ് മോഡലുകളും ​വൈകാതെ ഇന്ത്യയിൽ മറ്റൊരു പേരിൽ അ‌വതരിപ്പിക്കപ്പെടും എന്ന് പ്രതീക്ഷിക്കുന്നു.

ലോഞ്ചിന് മുന്നോടിയായി വൺപ്ലസ് എയ്സ് 7, എയ്സ് 7 പ്രോ മോഡലുകളുടെ ചില ഫീച്ചറുകൾ കമ്പനി ഔദ്യോഗകിമായി സ്ഥിരീകരിച്ചിട്ടുണ്ട്. വൺപ്ലസിന്റെ ടോപ് മോഡലായ വൺപ്ലസ് 16-ൽ ഉപയോഗിച്ചിരിക്കുന്ന അതേ ഫോർത് ജനറേഷൻ 'ഓറിയന്റൽ സ്‌ക്രീൻ' ഈ എയ്സ് 7 സീരീസിലും ഉപയോഗിച്ചിരിക്കുന്നു എന്ന് വൺപ്ലസ് സ്ഥിരീകരിച്ചു.

Also Read: സാംസങ് ഒക്ടോബറിൽ വില കൂട്ടിയ ഗാലക്സി 5G ഫോണിന് ആമസോണിൽ വമ്പൻ വിലക്കുറവ്! കൂടെ 2000 രൂപ ഡിസ്കൗണ്ടും

ക്വാൽകോമിന്റെ സ്നാപ്ഡ്രാഗൺ 8 എലൈറ്റ് ജെൻ 5 സീരീസ് ചിപ്‌സെറ്റുകളാണ് ഈ പുതിയ മോഡലുകളിൽ ഉപയോഗിക്കുന്നത്. എന്നാൽ, മറ്റ് പല ഫീച്ചറുകളും ഇതുവരെ ഔദ്യോഗികമായി സ്ഥിരീകരിച്ചിട്ടില്ല. 'എയ്സ് 7' മോഡലിൽ സ്നാപ്ഡ്രാഗൺ 8 എലൈറ്റ് ജെൻ 5V പ്രോസസറും പ്രോ മോഡലിൽ സ്നാപ്ഡ്രാഗൺ 8 എലൈറ്റ് ജെൻ 5 പ്രോസസറും ആയിരിക്കും ഉണ്ടാവുക.

ഉയർന്ന ഫ്രെയിം റേറ്റ് ഉള്ള കണ്ടന്റുകൾ കൈകാര്യം ചെയ്യുന്നതിനായി വൺപ്ലസിന്റെ 'സൂപ്പർ ഡിസ്‌പ്ലേ ചിപ്പ് P4' ഈ എയ്സ് 7 സീരീസിൽ ഉൾപ്പെടുത്തിയിട്ടുണ്ട്. ഒപ്പം, കണ്ണുകൾക്ക് ആയാസം കുറയ്ക്കുന്നതിനായി 'ബ്രൈറ്റ് ഐസ് പ്രൊട്ടക്ഷൻ' സംവിധാനവും ഇതിലുണ്ട്. ഈ വർഷം പുറത്തിറങ്ങുന്ന സ്മാർട്ട്ഫോണുകളിൽ, 185Hz LTPO സാങ്കേതികവിദ്യയുള്ളതും അൾട്രാ-ഹൈ-ഡെഫനിഷൻ നിലവാരമുള്ളതുമായ ഒരേയൊരു ഫ്ലാഗ്ഷിപ്പ് ഡിസ്‌പ്ലേ ഇതാണെന്ന് വൺപ്ലസ് ചൈന പ്രസിഡന്റ് ലി ജി അവകാശപ്പെട്ടു.

BOE-യുമായി ചേർന്ന് വികസിപ്പിച്ച ഓറിയന്റൽ സ്‌ക്രീൻനിൽ ഉപയോഗിച്ചിരിക്കുന്ന പ്രത്യേക 'X4 ലുമിനസെന്റ് മെറ്റീരിയൽ' സ്‌ക്രീനിലെ വ്യക്തതയും തെളിച്ചവും വർദ്ധിപ്പിക്കുന്നു. മെനു, സ്ക്രോളിംഗ് എന്നിവയുൾപ്പെടെ സിസ്റ്റത്തിലുടനീളം 165Hz വരെയും, അനുയോജ്യമായ ഗെയിമുകളിൽ 185Hz വരെയും റിഫ്രഷ് റേറ്റ് ഇതിൽ ലഭിക്കും. പുതിയ LTPO സർക്യൂട്ട് ടെക്നോളജിയാണ് ഇതിൽ ഉയർന്ന റിഫ്രഷ് റേറ്റ് സാധ്യമാക്കുന്നത്.

എയ്സ് 7 സീരീസ് ഫോണുകളിൽ 9,000mAh ബാറ്ററികൾ ഉണ്ടായിരിക്കുമെന്ന് വൺപ്ലസ് സ്ഥിരീകരിച്ചിട്ടുണ്ട്. ലി ജി പറയുന്നതനുസരിച്ച്, ഈ ബാറ്ററികൾ ഉപയോഗിച്ച് 185fps വേഗതയിൽ തുടർച്ചയായി ഏഴ് മണിക്കൂർ വരെ ഗെയിം കളിക്കാനും, 24 മണിക്കൂർ വരെ വീഡിയോ കാണാനും സാധിക്കും. കൂടാതെ, 'ഹാർഡ്‌വെയർ ബൈപാസ് ചാർജിംഗ്' സൗകര്യവും ഇവയിലുണ്ട്.

ഇവയിലെ ക്യാമറ പോലുള്ള ഫീച്ചറുകൾ ഇതുവരെ സ്ഥിരീകരിച്ചിട്ടില്ല. ലീക്ക് റിപ്പോർട്ടുകൾ പറയുന്നത് രണ്ട് മോഡലുകളിലും 200MP മെയിൻ ക്യാമറ ഉണ്ടായേക്കാം എന്നാണ്. ഇതിനു പുറമെ, പ്രോ മോഡലിൽ 3.5x ഒപ്റ്റിക്കൽ സൂം, ഒപ്റ്റിക്കൽ ഇമേജ് സ്റ്റെബിലൈസേഷൻ (OIS) എന്നിവയുള്ള 50MP പെരിസ്‌കോപ്പ് ടെലിഫോട്ടോ ക്യാമറയും ഉൾപ്പെടുത്തിയേക്കാം. ഫ്രണ്ട് ക്യാമറ രണ്ട് ഫോണുകളിലും 16MP ആയിരിക്കും.

ടീസറിലെ ചിത്രങ്ങൾ പ്രകാരം, രണ്ട് മോഡലുകളിലും പിൻഭാഗത്തെ ക്യാമറ ക്രമീകരണം സമാനമാണ്. വൺപ്ലസ് എയ്സ് 7, കറുപ്പ്, വെള്ള, ഗ്രേഡിയന്റ് (നിറങ്ങൾ തമ്മിൽ ലയിച്ചുചേരുന്ന രീതിയിലുള്ള) ഫിനിഷുകളിൽ ലഭ്യമാകും. 7 പ്രോ മോഡൽ കറുപ്പ്, വെള്ള നിറങ്ങളിലും, കൂടാതെ 'പോഫെങ്' എന്ന് വിളിക്കപ്പെടുന്ന മൂന്നാമതൊരു നിറത്തിലും ലഭിക്കും.

English Summary

As successors to the OnePlus Ace 6 series, two phones from the Ace 7 series will be launched in China on October 29. Ahead of the launch, the company has officially confirmed certain features of the OnePlus Ace 7 and Ace 7 Pro models. The Ace 7 series incorporates the same fourth-generation 'Oriental Screen' found in the OnePlus 16, the brand's top-tier model.

സാംസങ് അ‌ടുത്തിടെ വലിയ തോതിൽ വില വർധിപ്പിച്ച ഒരു സ്മാർട്ട്ഫോൺ മോഡലാണ് സാംസങ് ഗാലക്സി എം47 5ജി (Samsung Galaxy M47 5G). എന്നാലിപ്പോൾ ഗ്രേറ്റ് ഇന്ത്യൻ ഫെസ്റ്റിവൽ റീലോഡഡ് സെയിൽ (Amazon Great Indian Festival Reloaded Sale) നടക്കുന്ന ആമസോണിൽ ഈ സാംസങ് ഫോൺ ബെസ്റ്റ് ഡീലിൽ വൻ വിലക്കുറവിൽ വാങ്ങാൻ ലഭ്യമായിരിക്കുന്നു. ഒക്ടോബർ 13ന് ലഭ്യമായ ഏറ്റവും പുതിയ വിവരങ്ങൾ പ്രകാരം ഗാലക്സി എം47 5ജിയുടെ അ‌ടിസ്ഥാന മോഡലിന് 37999 രൂപയായിരുന്നു പ്രാരംഭ വില.

എന്നാലിപ്പോൾ ആമസോണിൽ ഗാലക്സി എം47 5ജിയുടെ 6GB + 128GB വേരിയന്റ് വിത്തൗട്ട് സാംസങ് കെയർ ഓപ്ഷനിൽ 26999 രൂപ വിലയിൽ ലിസ്റ്റ് ചെയ്തിരിക്കുന്നു. കൂടാതെ 2000 രൂപ കൂപ്പൺ ഡിസ്കൗണ്ടും ഉണ്ട്. അ‌തിനാൽ 24999 രൂപ വിലയിൽ ഇപ്പോൾ ഈ മോഡൽ സ്വന്തമാക്കാനാകും.

Also Read: 7000mAh ബാറ്ററിയോടെ എത്തിയ വൺപ്ലസ് ഫോൺ; ഇപ്പോൾ ആമസോൺ ഗ്രേറ്റ് ഇന്ത്യൻ ഫെസ്റ്റിവൽ റീലോഡഡ് സെയിലിൽ താരം!

വിത്ത് സാംസങ് കെയർ ഓപ്ഷൻ ആണ് തെരഞ്ഞെടുക്കുന്നത് എങ്കിൽ 28098 രൂപയാണ് വില കാണിക്കുന്നത്. സാംസങ് ആരാധകരെ സംബന്ധിച്ചിടത്തോളം വില വർധനയുടെ ഭാരമില്ലാതെ ഈ സ്മാർട്ട്ഫോൺ സ്വന്തമാക്കാൻ താൽപര്യമുണ്ടെങ്കിൽ ആമസോണിലെ ഡീൽ പരിഗണിക്കാവുന്നതാണ്. റോഗ് റെഡ്, ബ്ലേസ് ബ്ലൂ എന്നിങ്ങനെ രണ്ട് കളർ ഓപ്ഷനുകളിൽ ഈ ഗാലക്സി 5ജി ഫോൺ വാങ്ങാനാകും.

പ്രധാന ഫീച്ചറുകൾ

ഈ വർഷം ജൂണിൽ ഇന്ത്യയിൽ അ‌വതരിപ്പിക്കപ്പെട്ട സാംസങ് ഗാലക്സി എം47 5ജിയുടെ കരുത്ത് ഒക്ട-കോർ ​​(4×2.4GHz കോർടെക്സ്-A78 & 4×1.8GHz കോർട്ടെക്സ്-A55) ക്വാൽകോം സ്നാപ്ഡ്രാഗൺ 6 ജെൻ 3 4nm 5G പ്രോസസർ ആണ്.
ആൻഡ്രോയിഡ് 16 അടിസ്ഥാനമാക്കിയുള്ള വൺ UI 8.5 ൽ ആണ് പ്രവർത്തനം. 6 OS അപ്‌ഗ്രേഡുകളും 6 വർഷത്തെ തുടർച്ചയായ സുരക്ഷാ പാച്ചുകളും ലഭിക്കും.

50MP മെയിൻ ക്യാമറ (f/1.8 അപ്പേർച്ചർ, OIS), 8MP അൾട്രാ-വൈഡ് ആംഗിൾ ക്യാമറ (f/2.2 അപ്പേർച്ചർ) 2MP മാക്രോ സെൻസർ (f/2.4 അപ്പേർച്ചർ), LED ഫ്ലാഷ് എന്നിവ അ‌ടങ്ങുന്ന ട്രിപ്പിൾ റിയർ ക്യാമറ സജ്ജീകരണവും 12MP ഫ്രണ്ട് ക്യാമറയും ഇതിലുണ്ട്. 6.7 ഇഞ്ച് (1080×2340 പിക്സൽസ്) FHD+ ഇൻഫിനിറ്റി-O സൂപ്പർ AMOLED ഡിസ്പ്ലേ കോർണിംഗ് ഗൊറില്ല ഗ്ലാസ് വിക്ടസ്+ പ്രൊട്ടക്ഷൻ സഹിതം എത്തുന്നു.

45W ഫാസ്റ്റ് ചാർജിംഗിനുള്ള പിന്തുണയുള്ള 6000mAh ബാറ്ററി, അഡ്രിനോ 710 GPU, 6GB / 8GB LPDDR5X റാം, 128GB / 256GB UFS 3.1 ഇന്റേണൽ സ്റ്റോറേജ്, മൈക്രോ SD കാർഡ് വഴി 2TB വരെ സ്റ്റോറേജ് വർധിപ്പിക്കാനുള്ള സൗകര്യം, സൈഡ്-മൗണ്ടഡ് ഫിംഗർപ്രിന്റ് സ്കാനർ, ഹൈബ്രിഡ് ഡ്യുവൽ സിം (നാനോ + നാനോ / മൈക്രോ എസ്ഡി), 5G SA / NSA, 4G VoLTE എന്നിവയാണ് മറ്റ് പ്രധാന ഫീച്ചറുകൾ.

English Summary

The Samsung Galaxy M47 5G is a smartphone model for which Samsung recently implemented a significant price increase. However, it is now available at a major discount- offering a great deal- on Amazon as part of the 'Great Indian Festival Reloaded' sale.

ആമസോൺ ഗ്രേറ്റ് ഇന്ത്യൻ ഫെസ്റ്റിവൽ അ‌വസാനിച്ചതിന് പിന്നാലെ ദീപാവലി വരെയുള്ള ഫെസ്റ്റിവൽ സീസൺ കണക്കിലെടുത്ത് ഗ്രേറ്റ് ഇന്ത്യൻ ഫെസ്റ്റിവൽ റീലോഡഡ് സെയിൽ ആമസോൺ ആരംഭിച്ചിട്ടുണ്ട്. ഈ ഓഫർ സെയിലിന്റെ ഭാഗമായി വൺപ്ലസ് N സീരീസിലെ രണ്ടാമത്തെ സ്മാർട്ട്ഫോണായി ഇന്ത്യയിൽ അ‌വതരിപ്പിക്കപ്പെട്ട വൺപ്ലസ് N6x 5ജി മോഡലിന് ഡിസ്കൗണ്ട് ലഭ്യമാണ് എന്ന് ആമസോൺ ടീസറിലൂടെ വെളിപ്പെടുത്തിയിട്ടുണ്ട്. ഡയറക്ട് ഡിസ്കൗണ്ടിന് ശേഷം വൺപ്ലസ് N6x 5ജി അ‌ടിസ്ഥാന മോഡൽ 18499 രൂപ വിലയിലാണ് ആമസോൺ ലിസ്റ്റ് ചെയ്തിരിക്കുന്നത്. ഇത് കൂടാതെ ബാങ്ക് ഡിസ്കൗണ്ടും ലഭ്യമാണ്.

ഇന്ത്യയിൽ ലോഞ്ച് ചെയ്യുമ്പോൾ വൺപ്ലസ് N6x 5ജിയുടെ 4GB+64GB അ‌ടിസ്ഥാന വേരിയന്റിന് 18,999 രൂപയും 4GB+128GB വേരിയന്റിന് 20,999 രൂപയുമായിരുന്നു വില. ഈ വർഷം ജൂ​ലൈയിലാണ് വൺപ്ലസ് ഈ എൻ സീരീസ് ഫോൺ ഇന്ത്യയിൽ അ‌വതരിപ്പിച്ചത്. ലോഞ്ച് വിലയെക്കാൾ കുറഞ്ഞ വിലയിൽ ഇത് ഇപ്പോൾ ലിസ്റ്റ് ചെയ്തിരിക്കുന്നത് തന്നെ ഉപയോക്താവിന് നേട്ടമാണ്.

Also Read: 56 ദിവസവും 84 ദിവസവും വാലിഡിറ്റി; പുതിയ രണ്ട് റീച്ചാർജ് പ്ലാനുകൾ അ‌വതരിപ്പിച്ച് വൊഡാഫോൺ ഐഡിയ

ഡയറക്ട് ഡിസ്കൗണ്ടിന് പുറമേ ബാങ്ക് 1000 രൂപ ബാങ്ക് ഡിസ്കൗണ്ടും ആമസോണിൽ വൺപ്ലസ് N6x 5ജിക്ക് ലഭ്യമാക്കിയിട്ടുണ്ട്. അ‌തിനാൽ അ‌ടിസ്ഥാന മോഡൽ ഇപ്പോൾ ഗ്രേറ്റ് ഇന്ത്യൻ ഫെസ്റ്റിവൽ റീലോഡഡ് സെയിലിൽ 17499 രൂപ വിലയിൽ സ്വന്തമാക്കാൻ അ‌വസരമുണ്ട്. ബജറ്റ് വിലയിൽ ഒരു പുതിയ 5ജി ഫോൺ തേടുന്നവർക്ക് ഈ വൺപ്ലസ് ഡീലും പരിഗണിക്കാം.

ബർഗണ്ടി റെഡ്, ഐസ് ബ്ലൂ എന്നീ കളർ ഓപ്ഷനുകളിലാണ് വൺപ്ലസ് N6x 5G ലഭ്യമായിട്ടുള്ളത്. 5,300mm² വേപ്പർ ചേംബർ (VC) കൂളിംഗ് സിസ്റ്റം, 48 മാസത്തെ ഫ്ലുവൻസി സർട്ടിഫിക്കേഷൻ, സ്റ്റാൻഡേർഡ് ബേസിക് ഇമേജിംഗ് സെൻസറുകൾ, MIL-STD-810H ഡ്യൂറബിലിറ്റി റേറ്റിംഗ് തുടങ്ങി മികച്ച ഫീച്ചറുകൾ ഈ ഫോണിലുണ്ട്.

പ്രധാന ഫീച്ചറുകൾ: ഒക്ട കോർ മീഡിയടെക് ഡൈമെൻസിറ്റി 6360 അപെക്സ് 6nm പ്രോസസർ, 13MP മെയിൻ ക്യാമറ (f/2.2 അപ്പേർച്ചർ, 1080p വരെ 30 fps വീഡിയോ റെക്കോർഡിംഗ്) നയിക്കുന്ന റിയർ ക്യാമറ സജ്ജീകരണവും സെൽഫിക്കും മറ്റുമായി f/2.2 അപ്പേർച്ചർ ഉള്ള 5MP ഫ്രണ്ട് ഫേസിംഗ് ക്യാമറ, 120Hz റിഫ്രഷ് റേറ്റ് ഉള്ള 6.8-ഇഞ്ച് (1570 x 720 പിക്സലുകൾ) HD+ LCD സ്ക്രീൻ.

15W ചാർജിംഗ്, 5W റിവേഴ്സ് ചാർജിംഗ് എന്നിവയുള്ള 7000mAh ബാറ്ററി, സൈഡ്മൗണ്ട് ഫിംഗർപ്രിന്റ് സ്കാനർ, USB ടൈപ്പ്-സി ഓഡിയോ, അ‌ണ്ടർ പോർട്ട് സ്പീക്കറുകൾ, ആൻഡ്രോയിഡ് 16 അ‌ടിസ്ഥാനമാക്കിയുള്ള OxygenOS 16, IP64 റേറ്റിങ്, ഹൈബ്രിഡ് ഡ്യുവൽ സിം (നാനോ + നാനോ / മൈക്രോ എസ്ഡി) സ്ലോട്ട്, 5G SA / NSA, ഡ്യുവൽ 4G VoLTE.

English Summary

Following the conclusion of the Amazon Great Indian Festival, Amazon has launched the 'Great Indian Festival Reloaded' sale, keeping the festive season leading up to Diwali in mind. As part of this sale, a discount is available on the OnePlus N6x 5G- the second smartphone from the OnePlus 'N' series to be introduced in India. The offer includes a direct discount, supplemented by an additional bank discount of Rs 1,000.

വിവോ തങ്ങളുടെ ​വൈ സീരീസിലേക്ക് വിവോ Y600 (Vivo Y600) എന്ന പുതിയ മോഡൽ അ‌വതരിപ്പിക്കാൻ തയാറെടുത്തിരിക്കുന്നു. Y600 സീരീസിലെ സ്റ്റാന്റേർഡ് മോഡലാണ് ഇത്. നേരത്തെ ഈ സീരീസിൽ Y600 പ്രോ, Y600 ടർബോ, Y600i എന്നീ മോഡലുകൾ അ‌വതരിപ്പിക്കപ്പെട്ടിരുന്നു. അടുത്ത ആഴ്ച ചൈനയിൽ ഈ സ്മാർട്ട്ഫോൺ അവതരിപ്പിക്കുമെന്ന് വിവോ ഔദ്യോഗികമായി സ്ഥിരീകരിച്ചിട്ടുണ്ട്. വിവോ Y600 സീരീസിൽ ഇതിനകം എത്തിയ മൂന്ന് മോഡലുകളും ബാറ്ററി ശേഷിക്ക് പേരുകേട്ടവയാണ്. അ‌തിൽ 8,000mAh മുതൽ 10,200mAh വരെയുള്ള വലിയ ബാറ്ററി ശേഷി ഉള്ള മോഡലുകൾ ഉൾപ്പെടുന്നു.

വിവോ Y600 സീരീസിലെ സ്റ്റാന്റേർഡ് മോഡലായ വിവോ Y600-യിൽ 10000mAh ശേഷിയുള്ള വലിയ ബാറ്ററിയാണ് വിവോ നൽകിയിരിക്കുന്നത് എന്ന് ഇതിനകം സ്ഥിരീകരിക്കപ്പെട്ടിരിക്കുന്നു. ഈ ഫോണിന്റെ പ്രധാന ​​ഹൈ​ലൈറ്റുകളിലൊന്ന് ഈ വലിയ ബാറ്ററി ശേഷിയാകും. ഈ മാസം ആദ്യം ഇന്ത്യയിൽ പുറത്തിറങ്ങിയ 'വിവോ S2 FE' (Vivo S2 FE) മോഡലുമായി വിവോ Y600-ന്റെ ഡിസൈനും ഫീച്ചറുകൾക്കും സാമ്യമുണ്ട്.

Also Read: ഇത് നന്നാക്കുന്ന കാശുണ്ടെങ്കിൽ പുതിയ ഐഫോൺ 18 പ്രോ വാങ്ങാം! ഐഫോൺ ഡ്യുവോ റിപ്പയർ കോസ്റ്റ്

വിവോ Y600 മോഡലിൽ പ്രതീക്ഷിക്കുന്ന ഫീച്ചറുകൾ

ഇതിലെ 10,000mAh ബാറ്ററി ശേഷിയിലൂടെ ഏറ്റവും ദൈർഘ്യമേറിയ തുടർച്ചയായ ലൈവ് സ്ട്രീം ടെസ്റ്റിലൂടെ (32 മണിക്കൂറും 37 മിനിറ്റും) വിവോ Y600 ഗിന്നസ് വേൾഡ് റെക്കോർഡ് സ്ഥാപിച്ചതായി കമ്പനി അവകാശപ്പെടുന്നു. ബാറ്ററി എത്രത്തോളം കാര്യക്ഷമമായി ഒപ്റ്റിമൈസ് ചെയ്തിട്ടുണ്ടെന്ന് അറിയാൻ ഫോൺ നേരിട്ട് ഉപയോഗിച്ചു തന്നെ അ‌റിയേണ്ടിയിരിക്കുന്നു.

10,000mAh ബാറ്ററി ശേഷി എന്ന അ‌വകാശവാദം കണക്കിലെടുക്കുമ്പോൾ, ഒന്നിലധികം ദിവസത്തേക്ക് വി​വോ Y600 ന്റെ ചാർജ് നിൽക്കുമെന്ന് പ്രതീക്ഷിക്കപ്പെടുന്നു. വെള്ള, നീല നിറങ്ങളിൽ ഫോൺ ലഭ്യമാകും എന്ന് ടീസർ സ്ഥിരീകരിച്ചിട്ടുണ്ട്. ഫോണിന്റെ പിൻഭാഗത്ത് സ്വർണ്ണ നിറത്തിലുള്ള ബോർഡറോട് കൂടിയ ചതുരാകൃതിയിലുള്ള ക്യാമറ മൊഡ്യൂളാണ് നൽകിയിരിക്കുന്നത്.

ഫോണിന്റെ വശങ്ങൾ ഫ്ലാറ്റ് എഡ്ജ് ഡി​സൈനിലാണ് കാണുന്നത്. പവർ ബട്ടണും വോളിയം കീയും വലതുവശത്തായി നൽകിയിരിക്കുന്നു. മീഡിയടെക് ​ഡൈമൻസിറ്റി 7300e ചിപ്സെറ്റാകും ഈ വിവോ ഫോണിന് കരുത്ത് പകരുക. അ‌തേപോലെ 50MP റിയർ ക്യാമറ, IP68 റേറ്റിംഗ് എന്നിവയും വിവോ Y600-ൽ ഉണ്ടാകാൻ സാധ്യതയുണ്ട്.

English Summary

Vivo will introduce the Vivo Y600 model to its Y series next week. It has already been confirmed that the Vivo Y600, the standard model in the series, will feature a large 10,000mAh battery. This substantial battery capacity will be one of the phone's key highlights.

ബജാജ് തങ്ങളുടെ പൾസർ ലൈനപ്പിൽ പുതിയൊരു അപ്ഡേഷൻ കൂടി കൊണ്ടുവന്നരിക്കുകയാണ്. പൾസർ NS200 ലാണ് പുതിയ മാറ്റങ്ങൾ കമ്പനി കൊണ്ടുവന്നിരിക്കുന്നുത്. വാഹനത്തിൽ വിവിധ തരം റൈഡ് മോഡുകൾ സാധ്യമാക്കുന്ന ഇ ടി ബി സാങ്കേതികവിദ്യ, ഗൂഗിൾ മാപ്‌സ് മിററിംഗ് സൗകര്യമുള്ള 5 ഇഞ്ച് ടിഎഫ് ടി (TFT) മീറ്റർ കൺസോൾ, സ്‌പോർട്‌സ് ഷിഫ്റ്റർ എന്നിവയാണ് പുതിയ മോഡലിൽ കൊണ്ടുവന്നിരിക്കുന്ന പ്രധാന അപ്ഡേഷനുകൾ. നേരത്തെ മറ്റ് പുതിയ പൾസർ മോഡലുകളിൽ അവതരിപ്പിച്ച ഈ ഫീച്ചറുകളാണ് ഇപ്പോ NS200 ലേക്കും കമ്പനി കൊണ്ടുവന്നിരിക്കുന്നത്.

ഇതുകൊണ്ടും പുതിയ അപ്ഡേഷനുകൾ അവസാനിക്കുന്നില്ല. ട്രാക്ഷൻ കൺട്രോൾ, അഡ്ജസ്റ്റ് ചെയ്യാവുന്ന വിധത്തിലുള്ള ലിവറുകൾ, പാനിക് ബ്രേക്ക് അലേർട്ട്, USB ടൈപ്പ്- സി പോർട്ട്, ഹസാർഡ് സ്വിച്ച് എന്നിവയും പുതിയ അപ്ഡേഷന്റെ ഭാ​ഗമായി ബൈക്കിൽ ചേർത്തിട്ടുണ്ട്. ഇത്രയും കാര്യങ്ങൾ കൂടി ചേർത്തതോടെ സെ​ഗ്മെന്റിലെ ഏറ്റവും കൂടുതൽ ഫീച്ചറുകളുള്ള മോട്ടോർസൈക്കിളായി NS200 മാറിയിരിക്കുന്നു. ഫീച്ചറുകളിൽമ മാത്രമല്ല കരുത്തിലും മാറ്റം സംഭവിച്ചിട്ടുണ്ട്. 24.5 HP കരുത്തുണ്ടായിരുന്ന NS200 മോഡലിന് ഇപ്പോൾ 25.5 HP കരുത്താണ് ലഭിക്കുന്നത്.

Also Read: 343 കിലോമീറ്റർ റേഞ്ച്, വില 2.65 ലക്ഷം, അൾട്രാവയലറ്റ് X-47 വെനം എത്തി

പുതിയ പൾസർ NS200- ന് 1,60,374 രൂപയാണ് എക്സ്- ഷോറൂം ഡൽഹി വില വരുന്നത്. അതേ സമയം ബജാജ് പൾസർ NS200- ൽ നിലവിലുള്ള 199.5 സിസി, 4- വാൽവ്, ലിക്വിഡ്- കൂൾഡ് എൻജിൻ തന്നെയാണ് കമ്പനി നിലനിർത്തിയിരിക്കുന്നത്. ഇതിനൊപ്പം സിക്സ് സ്പീഡ് ​ഗിയർ ബോക്സാണ് കമ്പനി കൊടുത്തിരിക്കുന്നത്.

പൾസറിനെ സംബന്ധിച്ചിടത്തോളം പെർഫോമൻസ് എന്നത് എപ്പോഴും കരുത്തുമായി ബന്ധപ്പെട്ടിരിക്കുന്നു. എന്നാൽ, ഒരു റൈഡർക്ക് എത്രത്തോളം ആത്മവിശ്വാസത്തോടെയും സ്വാഭാവികമായും ആ കരുത്ത് ഉപയോഗിക്കാൻ കഴിയുന്നു എന്നതിനെ അടിസ്ഥാനമാക്കിയാണ് അത് നിർവചിക്കപ്പെടേണ്ടതെന്ന് തങ്ങൾ വിശ്വസിക്കുന്നു. നിരന്തരം മാറ്റം വന്നുകൊണ്ടിരിക്കുന്ന റൈഡിംഗ് ആവശ്യങ്ങൾ നിറവേറ്റുന്നതിനും, റൈഡിംഗ് അനുഭവത്തിൽ കൂടുതൽ മികച്ചതാക്കുകയും ചെയ്യുന്നതിന്റെയും ഭാ​ഗമയാിട്ടണ് പുതിയ അപ്ഡേഷൻ NS200 ൽ കൂടി ഉൾപ്പെടുത്തിയിരിക്കുന്നത് എന്ന് ബജാജ് അധികൃതർ വ്യക്തമാക്കുന്നു. പുതിയതായി കൂട്ടിച്ചേർത്ത ഫീച്ചറുകൾ എന്തുകൊണ്ടും ബൈക്ക് ഉപയോ​ഗിക്കുന്നവരെ സംബന്ധിച്ചെടുത്തോളം ഏറെ ​ഗുണകരമാകുന്ന ഒന്നാണ്. ​ഗൂ​ഗിൾ മിററിം​ഗ് ഉൾപ്പെടെയുള്ള സംവിധാനങ്ങൾ തീർച്ചായായും യാത്രയെ കൂടുതൽ എളുപ്പമാക്കാൻ സാഹിക്കുന്നതാണ്.

English Summary

Bajaj is introducing another update to its Pulsar lineup, specifically for the Pulsar NS200. Key updates in this new model include the addition of various ride modes, a 5-inch TFT instrument console with Google Maps mirroring, and a Sports Shifter.

വൺപ്ലസ് തങ്ങളുടെ ടർബോ സീരീസിലേക്ക് വൺപ്ലസ് ടർബോ 7 പ്രോ (OnePlus Turbo 7 Pro) എന്ന പേരിൽ ഒരു കരുത്തൻ സ്മാർട്ട്ഫോൺ മോഡൽ കൂടി അ‌വതരിപ്പിക്കാൻ തയാറെടുക്കുകയാണ്. ഇപ്പോൾ ഈ ടർബോ 7 പ്രോ മോഡലിനെ സംബന്ധിക്കുന്ന ചില വിവരങ്ങൾ ടിപ്സ്റ്റർമാർ പുറത്തുവിടാൻ തുടങ്ങിയിട്ടുണ്ട്. അ‌തിൽ ഏറ്റവും ശ്രദ്ധേയമായ കാര്യം വൺപ്ലസ് 16 മോഡലിലെ പല ഫീച്ചറുകളും പുതിയ ടർബോ 7 പ്രോയിൽ വൺപ്ലസ് ഉൾപ്പെടുത്തും എന്നതാണ്. അ‌ടുത്തിടെ ലോഞ്ച് ചെയ്ത, വൺപ്ലസിന്റെ ഏറ്റവും ടോപ് മോഡലാണ് വൺപ്ലസ് 16.

മികച്ച ഡിസ്‌പ്ലേ, 200 മെഗാപിക്സൽ പ്രൈമറി ക്യാമറ, വലിയ ബാറ്ററി എന്നിവയൊക്കെ സഹിതമാണ് വൺപ്ലസ് 16 അ‌വതരിപ്പിക്കപ്പെട്ടത്. ഈ ഫീച്ചറുകൾ വൺപ്ലസ് ടർബോ 7 പ്രോ മോഡലിലും ഇടംപിടിച്ചേക്കും എന്ന് റിപ്പോർട്ടുകൾ പറയുന്നു. പ്രമുഖ ടിപ്സ്റ്ററായ 'ഡിജിറ്റൽ ചാറ്റ് സ്റ്റേഷൻ' വൺപ്ലസ് ടർബോ 7 പ്രോയുടെ ഫീച്ചറുകൾ വെയ്‌ബോ പ്ലാറ്റ്‌ഫോമിലൂടെ പങ്കുവച്ചിട്ടുണ്ട്.

Also Read: രണ്ട് 200MP ക്യാമറ അ‌ടങ്ങുന്ന ട്രിപ്പിൾ റിയർ ക്യാമറ സജ്ജീകരണമുണ്ട്; ഓപ്പോ ​ഫൈൻഡ് X10 ഇന്ത്യയിലെത്തി

വൺപ്ലസ് ടർബോ 7 പ്രോയിൽ ഉണ്ടാകാൻ സാധ്യതയുള്ള ഫീച്ചറുകൾ എന്തൊക്കെയാണ് എന്ന് ടിപ്സ്റ്റർ ഡിജിറ്റൽ ചാറ്റ് സ്റ്റേഷൻ വെളി​പ്പെടുത്തലിൽ പറയുന്നുണ്ട്, 1.5K റെസല്യൂഷനും 185Hz റിഫ്രഷ് റേറ്റുമുള്ള 6.78 ഇഞ്ച് ഫ്ലാറ്റ് ഡിസ്‌പ്ലേ ഈ ഫോണിൽ ഉണ്ടാകാൻ സാധ്യതയുണ്ട് എന്നതാണ് വെളിപ്പെടുത്തലുകളിലൊന്ന്.

ക്വാൽകോമിന്റെ 3nm SM8845 Pro ചിപ്‌സെറ്റായിരിക്കും ഈ വൺപ്ലസ് ഫോണിന് കരുത്ത് പകരുക. എന്നാൽ ഈ ചിപ്‌സെറ്റ് ഔദ്യോഗികമായി ഇതുവരെ ലോഞ്ച് ചെയ്തിട്ടില്ല. 'സ്നാപ്ഡ്രാഗൺ 8 ജെൻ 6' അല്ലെങ്കിൽ 'സ്നാപ്ഡ്രാഗൺ 8 ജെൻ 5 പ്രോ' എന്ന പേരിൽ ആയിരിക്കും ഈ ചിപ്സെറ്റ് വിപണിയിൽ അ‌വതരിപ്പിക്കപ്പെടുക എന്നാണ് റിപ്പോർട്ട്.

വരാനിരിക്കുന്ന 'ഐക്യൂ Z12 ടർബോ' (അല്ലെങ്കിൽ ഐക്യൂ 16R) മോഡലിലും ഇതേ ചിപ്‌സെറ്റ് തന്നെയായിരിക്കും ഉപയോഗിക്കുക എന്ന് പ്രതീക്ഷിക്കപ്പെടുന്നു. ബാറ്ററി ശേഷിയായിരിക്കും വൺപ്ലസ് ടർബോ 7 പ്രോയുടെ മറ്റൊരു പ്രധാന ആകർഷണം. 9,000mAh ശേഷിയുള്ള ബാറ്ററി ഈ വൺപ്ലസ് ഫോണിൽ ഉണ്ടാകാൻ സാധ്യതയുണ്ട്. ചില പരീക്ഷണ മോഡലുകളിൽ (engineering samples) ഇത് 10,000mAh വരെ എത്തിയതായും റിപ്പോർട്ടുകളുണ്ട്. അന്തിമ ബാറ്ററി ശേഷിയും ചാർജിംഗ് വേഗതയും എത്രയായിരിക്കുമെന്ന് ഇതുവരെ വ്യക്തമല്ല.

ക്യാമറകളുടെ കാര്യമെടുത്താൽ, വലിയ സെൻസറോട് കൂടിയ 200 മെഗാപിക്സൽ പ്രൈമറി ക്യാമറ ഈ വൺപ്ലസ് ഫോണിലുണ്ടാകാം. ഗെയിമർമാരെക്കൂടി ലക്ഷ്യമിട്ട് ഒരു എക്സ്റ്റേണൽ കൂളിംഗ് ഫാനും വൺപ്ലസ് തയാറാക്കിക്കൊണ്ടിരിക്കുന്നതായി റിപ്പോർട്ടുകളുണ്ട്. ഫോണിനൊപ്പം ഉപയോഗിക്കുന്ന കെയ്‌സിലെ 'പോഗോ പിൻസ്' വഴി ഇത് ഫോണുമായി ബന്ധിപ്പിക്കാം. ദീർഘനേരം ഗെയിമുകൾ കളിക്കുമ്പോൾ ഫോണിന്റെ താപനില നിയന്ത്രിക്കാൻ ഇത് സഹായിക്കും.

എന്നാൽ, വൺപ്ലസ് ടർബോ 7 പ്രോയുടെ ഈ ഫീച്ചറുകൾ ഔദ്യോഗികമായി സ്ഥിരീകരിക്കപ്പെട്ടിട്ടില്ല എന്നകാര്യം പ്രത്യേകം ശ്രദ്ധിക്കുക. ടിപ്സ്റ്റർമാർ പുറത്തുവിട്ട ലീക്ക് റിപ്പോർട്ടുകൾ ആണ് ലഭ്യമായിട്ടുള്ളത്. വൺപ്ലസ് ടർബോ 6 ഈ വർഷം ജനുവരിയിലാണ് ​ചൈനയിൽ എത്തിയത്. പിന്നീടിത് ഏപ്രിലിൽ വൺപ്ലസ് നോർഡ് 6 ആയി എത്തി. ഇതേ മാതൃകയിൽ വൺപ്ലസ് ടർബോ 7 പ്രോ ഇന്ത്യയിൽ മറ്റൊരു പേരിൽ അ‌വതരിപ്പിക്കപ്പെടാൻ സാധ്യതയുണ്ട്.

English Summary

OnePlus is preparing to introduce a powerful new smartphone, the OnePlus Turbo 7 Pro, to its 'Turbo' series. Meanwhile, prominent tipster 'Digital Chat Station' has shared details regarding the features of the OnePlus Turbo 7 Pro on the platform Weibo. According to this leak, the device is expected to include a high-quality display, a 200-megapixel primary camera, and a large battery.

ഹ്യുണ്ടായിയുടെ ഏറ്റവും പുതിയ കോംപാക്റ്റ് എസ്.യു.വി മോഡലായ ബയോൺ (Bayon) ഒക്ടോബർ 26നാണ് ഇന്ത്യയിൽ ലോഞ്ച് ചെയ്യുന്നത്. നിലവിലെ ഹ്യുണ്ടായിയുടെ വാഹന നിരയിൽ വെന്യുവിനും (Venue) ക്രെറ്റയ്ക്കും (Creta) ഇടയിലായാണ് ഈ മോഡലിന്റെ സ്ഥാനം വരിക. ഈ എസ്‌യു‌വിയുടെ (SUV) സവിശേഷതകളും ഡിസൈൻ വിശദാംശങ്ങളും കമ്പനി അടുത്തിടെ വെളിപ്പെടുത്തയിരുന്നു. മോഡൽ ലൈനപ്പിൽ ക്രെറ്റയെക്കാൾ താഴെയാണെങ്കിലും, ക്രെറ്റയിൽ ലഭ്യമല്ലാത്ത പല ഫീച്ചറുകളും ബയോണിൽ ലഭ്യമാകും.

ഇപ്പോൾ വാഹന ലോകത്ത് വലിയ ചർച്ചയായി തുടരുന്ന ഈ വാഹനമോഡലിനെ കുറിച്ച് കൂടുതൽ അറിയാം. പുതിയ വെന്യു (Venue) മോഡലിലേതുപോലെ, ഡിജിറ്റൽ ഇൻസ്ട്രുമെന്റ് ക്ലസ്റ്ററിനും ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റത്തിനുമായി 12.3 ഇഞ്ച് വീതമുള്ള രണ്ട് ഡിസ്‌പ്ലേകൾ ചേർന്ന, കർവ്ഡ് ഡിസ്പ്ലെ സംവിധാനമാണ് ബയോണിൽ നൽകിയിരിക്കുന്നത്. പക്ഷേ വൈരുധ്യം എന്തെന്നാൽ ഇതിനേക്കാൾ വിലകൂടിയ ക്രെറ്റ യിൽ 10.25 ഇഞ്ച് വലിപ്പമുള്ള ചെറിയ സ്‌ക്രീനുകളാണ് ഉപയോഗിച്ചിരിക്കുന്നത്. മാത്രമല്ല കർവ്ഡ് ഡിസ്പ്ലേ സംവിധാനവും വാഹനത്തിൽ ഇല്ല.

Also Read: ലെറ്റ്സ് വെയിറ്റ്, കിടിലൻ അപ്ഡേറ്റുമായി ഫോർച്യൂണർ എത്തും! അടുത്ത മാസം

നിലവിലെ ക്രെറ്റയിൽ ഉൾപ്പെടുത്താത്ത, വയർലെസ് ആപ്പിൾ കാർപ്ലേ, ആൻഡ്രോയിഡ് ഓട്ടോ സൗകര്യങ്ങൾ ബയോണിൽ കൊടുത്തിണ്ടുണ്ട്. ക്രെറ്റയുടെ ഉയർന്ന വകഭേദങ്ങളിൽ വയർ വഴിയുള്ള സ്മാർട്ട്ഫോൺ കണക്റ്റിവിറ്റി ലഭ്യമാണെങ്കിലും, കുറഞ്ഞ വകഭേദങ്ങളിൽ വയർലെസ് സൗകര്യം ലഭിക്കുന്നതിന് പ്രത്യേക അഡാപ്റ്ററുകളോ ഡോംഗിളുകളോ ഉപയോഗിക്കേണ്ടി വരും. ബയേണിൽ വയർലെസ് കണക്റ്റിവിറ്റി ഉള്ളതുകൊണ്ട് ഫോൺ കാറുമായി ബന്ധിപ്പിക്കുന്നതിന് കേബിളുകൾ കൊണ്ടുനടക്കേണ്ടി വരില്ല. കൂടാതെ, ഫോൺ എപ്പോഴും ചാർജിംഗ് കേബിളുമായി ഘടിപ്പിച്ചു വെക്കേണ്ടി വരാത്തതിനാൽ, അമിതമായി ചാർജ് ആകുന്നതോ ബാറ്ററിയുടെ കാര്യക്ഷമത കുറയുന്നതോ ഒഴിവാക്കാൻ സാധിക്കുകയും ചെയ്യും.

അത്യാധുനിക ജനറേറ്റീവ് എഐ വോയ്‌സ് അസിസ്റ്റന്റ് സംവിധാനവും ബയേണിൽ നൽകിയിരിക്കുന്നു. Perplexity AI, SoundHound എന്നിവയെ അടിസ്ഥാനമാക്കിയുള്ളതുമായ ഒരു ജനറേറ്റീവ് എഐ വോയ്‌സ് അസിസ്റ്റന്റ് സംവിധാനമാണ് ഇത്. മുൻകൂട്ടി നിശ്ചയിച്ച കമാൻഡുകൾക്ക് പകരം, സ്വാഭാവികമായ സംഭാഷണത്തിൽ വരുന്ന നിർദ്ദേശങ്ങൾ ഈ സംവിധാനം തിരിച്ചറിയുന്നതാണ്. അതിനാൽ, ഡ്രൈവർമാർക്ക് കാറുമായി സാധാരണ രീതിയിൽ സംസാരിച്ചുകൊണ്ട് വിവിധ കാര്യങ്ങൾ കൺട്രോൾ ചെയ്യാൻ സാധിക്കും.അധിക ഫീച്ചറുകൾ എന്ന നിലയിൽ, ബയോണിലും ലെവൽ 2 ADAS അഥവാ അഡ്വാൻസ്ഡ് ഡ്രൈവർ അസിസ്റ്റൻസ് സിസ്റ്റം സംവിധാനങ്ങൾ ഉൾപ്പെടുത്തിയിട്ടുണ്ട്. ക്രെറ്റയിലെ 19 ഫംഗ്‌ഷനുകളെ അപേക്ഷിച്ച്, ബയോണിൽ 23 ഫംഗ്‌ഷനുകൾ ലഭിക്കും.

English Summary

Hyundai’s latest compact SUV model, the Bayon, is set to launch in India on October 26. In Hyundai’s current vehicle lineup, this model will be positioned between the Venue and the Creta. The company recently revealed the features and design details of this SUV.

ഇന്ത്യയിൽ ഓപ്പോയുടെ പ്രീമിയം സ്മാർട്ട്ഫോൺ നിരയിലേക്ക് പുതിയ ഓപ്പോ ​ഫൈൻഡ് X10 പ്രോ മാക്സ് ​(OPPO Find X10 Pro Max) ലോഞ്ച് ചെയ്തു. നേരത്തെ ​ചൈനയിലും കഴിഞ്ഞ ദിവസം ആഗോളതലത്തിലും ലോഞ്ച് ചെയ്തതിന് പിന്നാലെയാണ് ഓപ്പോ ഫൈൻഡ് X10 സീരീസ് ഇന്ത്യയിലും എത്തിയിരിക്കുന്നത്. ​ഫൈൻഡ് X10 പ്രോ മാക്സിന് ഒപ്പം ​ഫൈൻഡ് X10 മോഡലും ഈ സീരീസിന്റെ ഭാഗമായി ഇന്ത്യയിൽ എത്തിയിട്ടുണ്ട്. പുതിയ ​ഫൈൻഡ് X10 സീരീസിലെ ഏറ്റവും കരുത്തൻ ട്രിപ്പിൾ 200MP ക്യാമറകൾ സഹിതം എത്തിയിരിക്കുന്ന ​ഫൈൻഡ് X10 പ്രോ മാക്സ് മോഡലാണ്.

ഹാസൽബ്ലാഡുമായി സഹകരിച്ച് വികസിപ്പിച്ച ഓപ്പോ ​ഫൈൻഡ് X10 പ്രോ മാക്സിലെ ക്യാമറ സജ്ജീകരണങ്ങൾ, സ്മാർട്ട്ഫോൺ ഫോട്ടോഗ്രഫിക്ക് ഈ മോഡലിൽ ഓപ്പോ ഏറെ പ്രാധാന്യം നൽകിയിരിക്കുന്നതിന്റെ തെളിവാണ്. ഇതിനൊപ്പം ശക്തമായ പെർഫോമൻസിനായി കരുത്തൻ പ്രോസസറും ദീർഘനേര ഉപയോഗം വാഗ്ദാനം ചെയ്യുന്ന വമ്പൻ ബാറ്ററിയും ഇതിലുണ്ട്.

Also Read: 5G പരക്കട്ടെ! ലാവ ഓറ കർവ് 5ജി ഇന്ത്യയിൽ ലോഞ്ച് ചെയ്തു

പ്രധാന ഫീച്ചറുകൾ

6.78 ഇഞ്ച് (2772×1272 പിക്സലുകൾ) 120Hz LTPO AMOLED ഡിസ്‌പ്ലേ, 144Hz വരെ റിഫ്രഷ് റേറ്റ്, 2000 നിറ്റ്‌സ് വരെ പീക്ക് ബ്രൈറ്റ്‌നസ്, 3840Hz അൾട്രാ-ഹൈ ഫ്രീക്വൻസി PWM ഡിമ്മിംഗ്, HDR10+, ഡോൾബി വിഷൻ എന്നിവയാണ് ഡിസ്പ്ലേയുമായി ബന്ധപ്പെട്ട് ഇതിലെ പ്രധാന ഫീച്ചറുകൾ.

ഒക്ടാ-കോർ ​ഡൈമൻസിറ്റി 9600 Pro 2nm പ്രോസസർ ആണ് ഈ പ്രീമിയം മോഡലിന്റെ കരുത്ത്. മാലി G2 അ‌ൾട്രാ NX ജിപിയു, 12GB / 16GB LPDDR5X റാം, 512GB UFS 4.1 സ്റ്റോറേജ് എന്നിവയും ഇതിലുണ്ട്. ആൻഡ്രോയിഡ് 17 അ‌ടിസ്ഥാനമാക്കിയുള്ള കളർഒഎസ് 17-ൽ ആണ് പ്രവർത്തനം.

ക്യാമറകളുടെ കാര്യമെടുത്താൽ, 200MP മെയിൻ ക്യാമറ (f/1.5 അപ്പേർച്ചർ, OIS), 2000MP 124° അൾട്രാ-വൈഡ് ക്യാമറ ( f/2.1 അപ്പേർച്ചർ, OIS), 200MP 3x പെരിസ്‌കോപ്പ് ടെലിഫോട്ടോ ക്യാമറ (ടെലിഫോട്ടോ മാക്രോ സൗകര്യത്തോടെ), 120x വരെ ഡിജിറ്റൽ സൂം, ഹാസൽബ്ലാഡ് (Hasselblad) പോർട്രെയ്‌റ്റ് മോഡ് എന്നിവ അ‌ടങ്ങുന്ന റിയർ ക്യാമറ സജ്ജീകരണവും സെൽഫിക്കും മറ്റുമായി 50MP ഫ്രണ്ട് ക്യാമറയും (f/2.0 അപ്പേർച്ചർ, 4K 60fps ഡോൾബി വിഷൻ വീഡിയോ റെക്കോർഡിംഗ്) ഇതിലുണ്ട്.

ഇൻ ഡിസ്പ്ലേ അൾട്രാസോണിക് ഫിംഗർപ്രിന്റ് സെൻസർ, ഇൻഫ്രാറെഡ് സെൻസർ, IP66 + IP68 + IP69 റേറ്റിങ്, USB Type-C ഓഡിയോ, സ്റ്റീരിയോ സ്പീക്കറുകൾ, ഡ്യുവൽ സിം (നാനോ + നാനോ), 5G SA/NSA, 8000 mAh ബാറ്ററി, 80W സൂപ്പർവൂക്ക് ഫാസ്റ്റ് ചാർജിംഗ്, 50W വയർലെസ് ചാർജിംഗ് എന്നിവയാണ് മറ്റ് പ്രധാന ഫീച്ചറുകൾ.

വിലയും ലഭ്യതയും

ഓപ്പോ ​ഫൈൻഡ് X10 പ്രോ മാക്സ് 12GB+ 512GB മോഡലിന് 1,99,999 രൂപയാണ് വില. ടൈറ്റാനിയം ഗ്രേ, ഡ്യുവൽ-ടോൺ ലൂണ വൈറ്റ് എന്നിവയാണ് കളർ ഓപ്ഷനുകൾ. ഓപ്പോ Hasselblad ടെലികൺവെർട്ടർ കിറ്റിന് 29,999 രൂപയാണ് വില.
ഓപ്പോയുടെ ഔദ്യോഗിക വെബ്​സൈറ്റ്, ആമസോൺ, ഫ്ലിപ്പ്കാർട്ട്, ഓഫ്‌ലൈൻ സ്റ്റോറുകൾ എന്നിവ വഴി ഇന്ന് മുതൽ ഈ ഫോൺ പ്രീ ഓഡർ ചെയ്യാം, ഒക്ടോബർ 29 മുതലാണ് വിൽപ്പന ആരംഭിക്കുക.

English Summary

Oppo has launched the new Oppo Find X10 Pro Max as part of its premium smartphone lineup in India. The 12GB+512GB model is priced at Rs. 1,99,999. It is available in two color options: Titanium Grey and Dual-Tone Luna White. The Oppo Hasselblad Teleconverter Kit is priced at Rs 29,999. The device can be purchased through Oppo's official website, Amazon, Flipkart, and offline retail stores.

ടൊയോട്ടയുടെ ഏറ്റവും ജനപ്രിയമായ വാഹന മോഡലുകളിൽ ഒന്നാണ് ഫോർച്യൂണർ. ഒരു ശരാശരി വാഹന പ്രേമിയുടെ പോലും മനസ്സിലുള്ള സ്വപ്ന മോഡലാണിത്. ഈ വാഹനത്തിന്റെ അടുത്ത ഫേസ് ലിഫ്റ്റിനെ ടെയോട്ട അവതരിപ്പിമെന്ന റിപ്പോർട്ട് വന്നത് മുതൽ വാഹന പ്രേമികൾ വലിയ കാത്തിരിപ്പിലാണ്. എന്തായാലും ആ കാത്തിരിപ്പിന് ഒടുവിൽ അവസാനമാവുകയാണ് ടൊയോട്ടയുടെ അടുത്ത തലമുറ ഫോർച്യൂണർ 2026 ഡിസംബർ 1- ന് ആഗോളതലത്തിൽ അവതരിപ്പിക്കും. കാർ മാഗ് എന്ന പ്രസിദ്ധീകരണത്തിലെ റിപ്പോർട്ട് പ്രകാരം ടൊയോട്ട സൗത്ത് ആഫ്രിക്കയാണ് ഇക്കാര്യം സ്ഥിരീകരിച്ചിരിക്കുന്നത്.

എന്നാണ് ഈ വാഹനം ഇന്ത്യയിലേക്ക് എത്തുന്നത് എന്ന സംശയമാകും അടുത്തത്. ഔദ്യോ​ഗിക സ്ഥിരീകരണം ഇല്ലെങ്കിലും 2027 ൽ ഈ വാഹനം ഇന്ത്യയിൽ എത്തുമെന്നാണ് കരുതുന്നത്. പുതിയ ഫോർച്യൂണർ ടെസ്റ്റ് ​ഡ്രൈവ് നടത്തുന്ന സ്പൈ ഷോട്ടുകൾ ഇതിനകം തന്നെ പലകുറി പുറത്ത് വന്നിട്ടുണ്ട്. ഈ ചിത്രങ്ങൾ പുതിയ മോഡൽ വാഹനത്തിന്റെ രൂപകൽപ്പനയെക്കുറിച്ചുള്ള സൂചനകൾ നൽകുന്നുണ്ട്. ചിത്രങ്ങൾ പരിശോധിക്കുമ്പോൾ, ഈ എസ്‌യുവി അതിന്റെ നിലവിലുള്ള ഐ എം വി (IMV) ലാഡർ- ഫ്രെയിം പ്ലാറ്റ്‌ഫോമും അടിസ്ഥാന ബോഡി ഘടനയും തന്നെ നിലനിർത്തുമെന്ന് ഏകദേശം ഉറപ്പാണ്.

Also Read: പ്രീമിയം ലുക്ക്! ആരുമൊന്ന് നോക്കിപ്പോകും, ബൊലെറോ ബോൾ‍ഡ് എഡിഷൻ എത്തി

അതേസമയം, വാഹനത്തിന്റെ പുറംകാഴ്ചയിൽ പുതുമ കൊണ്ടുവരുന്നതിനായി ബോഡി പാനലുകളിൽ മാറ്റങ്ങൾ വരുത്താൻ സാധ്യതയുണ്ടെന്നും വാഹന ലോകത്ത് സംസാരമുണ്ട്. എന്നാൽ വാഹനത്തിന്റെ നിലവിള്ള ആകെയുള്ള തലയെടുപ്പുള്ള രൂപഘടനയിൽ കാര്യമായ മാറ്റമുണ്ടാകില്ല. ഏറ്റവും പുതിയ ഹിലക്സ് (Hilux) മോഡലിലും ഇതേ രീതിയാണ് പിന്തുടരുന്നത്. വാഹനത്തിന്റെ അടിസ്ഥാന ഡിസൈനിൽ വലിയ മാറ്റങ്ങളൊന്നും വരുത്താതെ തന്നെ, ഇന്റീരിയറിലും എക്സ്റ്റീരിയറിലും കാര്യമായ മാറ്റങ്ങൾ വരുത്തിയിട്ടുണ്ട്.

വാഹനത്തിന്റെ മുൻഭാഗത്ത് എടുത്തുനിൽക്കുന്ന രൂപത്തിലുള്ള ഗ്രില്ല്, നേർത്ത ലൈനോട് കൂടിയ ലൈറ്റുകൾ, ഉയരമുള്ള ബോണറ്റ്, വ്യക്തമായി കാണാവുന്ന വീൽ ആർച്ചുകൾ, സൈഡ് സ്റ്റെപ്പുകൾ എന്നിവ ചിത്രങ്ങളിൽ കാണാം. പിൻഭാഗത്ത്, റീ ഡീസേൻ ചെയ്ത ടെയിൽഗേറ്റും പരസ്പരം ബന്ധിപ്പിച്ചിരിക്കുന്ന എൽഇഡി ലൈറ്റ് ബാറും പുതിയ മോഡലിൽ പ്രതീക്ഷിക്കാം. കൂടാതെ ടെയിൽ- ലാമ്പുകളുടെ രൂപകൽപ്പനയിലും മാറ്റങ്ങൾ വരുത്തിയിട്ടുണ്ട് എന്നാണ് സ്പൈ ഷോട്ടുകൾ വ്യക്തമാക്കുന്നത്.

English Summary

The Fortuner is one of Toyota's most popular vehicle models; for many automotive enthusiasts, it is a dream vehicle. Ever since reports emerged that Toyota was preparing a facelift for the model, fans have been eagerly awaiting its arrival. Now, that wait is finally coming to an end: the next-generation Toyota Fortuner is set to make its global debut on December 1, 2026.

ലാവ ഇന്ത്യയിൽ ലാവ ഓറ കർവ് 5ജി (Lava Aura Curve 5G) എന്ന പുതിയ 5ജി സ്മാർട്ട്ഫോൺ ലോഞ്ച് ചെയ്തു. ഓഫ്‌ലൈൻ റീട്ടെയിൽ വിപണിയെ ലക്ഷ്യമിട്ടാണ് ഈ ലാവ ഫോൺ എത്തിയിരിക്കുന്നത്. അ‌തായത് ഇത് ഇന്ത്യയിലുടനീളമുള്ള ലാവയുടെ ഓഫ്‌ലൈൻ റീട്ടെയിൽ പാർട്നർ ശൃംഖലയിലൂടെ മാത്രമാണ് വിൽക്കുന്നത്, ഓൺ​ലൈനിൽ ഇത് വാങ്ങാൻ ലഭ്യമാകില്ല. ഇതിന് മുൻപ് പല ലാവ സ്മാർട്ട്ഫോണുകളിലും കണ്ടിട്ടുള്ള സെക്കൻഡറി സ്ക്രീൻ ഈ പുതിയ ഓറ കർവ് 5ജിയിലും ഉണ്ട്. മികച്ച ഈടിനായി 'അയൺഗാർഡ് പ്രൊട്ടക്ഷൻ' ഈ ഫോണിലുണ്ട്. ഇതിനായി 'Al-Si DT Star 2' കവർ ഗ്ലാസാണ് ഉപയോഗിച്ചിരിക്കുന്നത്. കൂടാതെ, പൊടിയിൽ നിന്നും വെള്ളത്തുള്ളികളിൽ നിന്നും സംരക്ഷണം നൽകുന്ന IP64 റേറ്റിംഗും, മിലിട്ടറി ഗ്രേഡ് (MIL-STD-810H) ഈടും ഇതിലുണ്ട്.

പ്രധാന ഫീച്ചറുകൾ

6.67 ഇഞ്ച് (1080 x 2400 പിക്സൽ) FHD+ AMOLED സ്‌ക്രീൻ, 120Hz റിഫ്രഷ് റേറ്റ്, 800 nits വരെ HBM ബ്രൈറ്റ്‌നസ്, 1100 nits വരെ പീക്ക് ബ്രൈറ്റ്‌നസ്, Al-Si DT Star 2 കവർ ഗ്ലാസ് പ്രൊട്ടക്ഷൻ എന്നിവ ഇതിലുണ്ട്. റിയർ പാനലിൽ AMOLED സ്‌ക്രീനും ഉണ്ട്.

Also Read: കോൾ വിളിക്കാൻ മാത്രം പ്ലാൻ, നിരക്കും കുറവ്, ടെലികോം ഇൻഡസ്ട്രി മാറുന്നു

2.4GHz വേഗതയുള്ള ഒക്ടാ കോർ മീഡിയടെക് ഡൈമെൻസിറ്റി 7100 6nm പ്രോസസർ ആണ് ഈ ലാവ ഫോണിന്റെ കരുത്ത്. Mali-G610 GPU, 6GB LPDDR5 റാം, 128GB UFS 2.2 സ്റ്റോറേജ് എന്നിവയും ഇതോടൊപ്പം എത്തുന്നു. ആൻഡ്രോയിഡ് 16 അ‌ടിസ്ഥാനമാക്കിയാണ് പ്രവർത്തനം.

ക്യാമറകളുടെ കാര്യമെടുത്താൽ, Sony IMX752 സെൻസറുള്ള 50MP മെയിൻ ക്യാമറ, EIS, LED ഫ്ലാഷ്, 2K റെസല്യൂഷനിൽ 30fps വീഡിയോ റെക്കോർഡിംഗ് സൗകര്യം എന്നിവ അ‌ടങ്ങുന്ന റിയർ ക്യാമറ സജ്ജീകരണവും സെൽഫിക്കും മറ്റുമായി 13MP ഫ്രണ്ട് ക്യാമറയും ഇതിലുണ്ട്. പ്രോ വീഡിയോ, നൈറ്റ് മോഡ്, ഡ്യുവൽ-വ്യൂ വീഡിയോ, മോഷൻ ഫോട്ടോ, സ്‌പോർട്‌സ് മോഡ് തുടങ്ങിയ വിവിധ മോഡുകൾ ഇതിന്റെ ക്യാമറ സോഫ്റ്റ്‌വെയറിൽ ഉൾപ്പെടുത്തിയിട്ടുണ്ട്.

ഇൻ ഡിസ്പ്ലേ ഫിംഗർപ്രിന്റ് സെൻസർ, USB Type-C ഓഡിയോ, സ്റ്റീരിയോ സ്പീക്കറുകൾ, IP64 റേറ്റിങ്, മിലിട്ടറി ഗ്രേഡ് ഈട് (MIL-STD-810H), ഡ്യുവൽ സിം (നാനോ + നാനോ), 5G SA/ NSA, ഡ്യുവൽ 4G VoLTE, 45W ഫാസ്റ്റ് ചാർജിംഗ് സൗകര്യമുള്ള 6000mAh ബാറ്ററി എന്നിവയാണ് മറ്റ് പ്രധാന ഫീച്ചറുകൾ.

വില, ലഭ്യത

ലാവ ഓറ കർവ് 5ജിയുടെ 6GB + 128GB വേരിയന്റിന് 23,999 രൂപയാണ് വില. ഇന്ത്യയിലുടനീളമുള്ള ലാവ ഓഫ്‌ലൈൻ റീട്ടെയിൽ പാർട്നർ ശൃംഖലയിലൂടെ ഇത് വാങ്ങാനാകും. 'വീഗൻ ലെതർ' ഫിനിഷിലാണ് ഈ ഫോണിന്റെ റിയർ പാനൽ എത്തിയിട്ടുള്ളത്. 'അംബർ ബ്ലൂ', 'ഹിം സിൽവർ'എന്നീ രണ്ട് കളർ ഓപ്ഷനുകളിൽ ഇത് ലഭ്യമാകും.

English Summary

Lava Aura Curve 5G has been launched in India. The 6GB + 128GB variant is priced at Rs 23,999. It can be purchased through Lava's network of offline retail partners across India. The phone features a 'vegan leather' finish on its rear panel and is available in two color options: 'Amber Blue' and 'Him Silver'.

രാജ്യത്ത് ഇനി ഫോൺ വിളിക്കാൻ മാത്രം വേണമെങ്കിലും റീ ചാർജ്ജ് ചെയ്യാം. എയർടെല്ലാണ് ഇത്തരത്തിൽ പുതിയ റീചാർജ് പ്ലാനുകൾ പ്രഖ്യാപിച്ചിരിക്കുന്നത്.. 185 രൂപ, 203 രൂപ, 206 രൂപ എന്നിങ്ങനെയാണ് ഈ പ്ലാനുകളുടെ വില - ഇന്റർനെറ്റ് ഉപയോഗം ആവശ്യമില്ലാത്ത ഉപഭോക്താക്കളെയാണ് കമ്പനി ലക്ഷ്യമിടുന്നത്. മൂന്ന് പ്ലാനുകളിലും രാജ്യത്തിനകത്ത് അൺലിമിറ്റഡ് ലോക്കൽ, എസ്ടിഡി, റോമിംഗ് കോളുകൾ ലഭിക്കും. അതിനുപുറമെ, വാലിഡിറ്റി കാലയളവിൽ നിങ്ങൾക്ക് 300 എസ്എംഎസുകളും ലഭിക്കും. ഇതിൽ മൊബൈൽ ഡാറ്റ ഉണ്ടാവില്ല, അതുകൊണ്ട് തന്നെ ഇൻ്റർനെറ്റ് ഉപയോഗിക്കേണ്ടവർ പ്രത്യേകം ഡാറ്റാ പ്ലാൻ തിരഞ്ഞെടുക്കണം.

അറിഞ്ഞിരിക്കാൻ

185 രൂപ: 28 ദിവസം വാലിഡിറ്റി; പരിധിയില്ലാത്ത കോളുകൾ, 300 എസ്എംഎസ്.
203 രൂപ: 30 ദിവസം വാലിഡിറ്റി; പരിധിയില്ലാത്ത കോളുകൾ, 300 എസ്എംഎസ്.
രൂപ. 206: ഒരു മാസം വാലിഡിറ്റി ; പരിധിയില്ലാത്ത കോളുകൾ, 300 എസ്എംഎസ്, കൂടാതെ എല്ലാ മാസവും അതേ തീയതിയിൽ നിങ്ങൾക്ക് റീചാർജ് ചെയ്യാം.

Also Read:  ഇന്ത്യൻ വിപണിയിലെ കൈയ്യിലൊതുങ്ങുന്ന വിലയുള്ള 7 സീറ്റർ മോഡലുകൾ

ഡാറ്റക്ക് പണം നൽകാൻ താത്പര്യമില്ലത്തവർക്കും

അനാവശ്യമായി ഡാറ്റക്ക് പണം നൽകാൻ താത്പര്യമില്ലത്തവർക്കും, സാധാരണ ബേസിക് ഫോൺ ഉപയോഗിക്കുന്നവർക്കും ഉപകാരപ്രദമായാണ് ഇത്തരം പ്ലാനുകൾ രൂപകൽപ്പന ചെയ്തിരിക്കുന്നത്. കുറഞ്ഞ സാധുത കാലയളവുള്ള വോയ്‌സ്, എസ്എംഎസ് പ്ലാനുകൾ വാഗ്ദാനം ചെയ്യാൻ ടെലികോം കമ്പനികളോട് ആവശ്യപ്പെട്ട് ട്രായ് നിയമങ്ങൾ മാറ്റിയതിന് തൊട്ടുപിന്നാലെയാണ് എയർടെല്ലിന്റെ നീക്കം.

ഏറ്റവും പുതിയ ചട്ടങ്ങൾ അനുസരിച്ച്, ടെലികോം ഓപ്പറേറ്റർമാർ ബണ്ടിൽ ചെയ്ത ഡാറ്റയില്ലാതെ പ്രത്യേക താരിഫ് വൗച്ചറുകൾ വാഗ്ദാനം ചെയ്യണം, കൂടാതെ 30 ദിവസമോ അതിൽ കുറവോ കാലാവധിയും നൽകണം. റിലയൻസ് ജിയോ, വോഡഫോൺ ഐഡിയ (വിഐ), ബിഎസ്എൻഎൽ എന്നിവരും ഇതിൻ്റെ ചുവട് പിടിച്ച് പുതിയ പദ്ധതികൾ ആരംഭിച്ചേക്കും.

ഇനിയും പ്രതീക്ഷിക്കാം

ടെലികോം മേഖലയിൽ സമഗ്രമായ കൂടുതൽ മാറ്റങ്ങളും ഇതിൻ്റെ പശ്ചാത്തലത്തിൽ പ്രതീക്ഷിക്കാമെന്ന് വിദഗ്ധർ നിരീക്ഷിക്കുന്നു. ഉപഭോക്താവിന് ആവശ്യമുള്ള കാലയളവിലേക്കുള്ള മാത്രം റീ ചാർജ്ജ് ചെയ്യാനും സംവിധാനങ്ങൾ വന്നേക്കാം. ഏറെ നാളായി മേഖലയിൽ ചർച്ചയായിരുന്ന വിഷയമായിരുന്നു ഇത്തരം റീ ചാർജ്ജ് പ്ലാനുകളുടെ പ്രശ്നങ്ങൾ.

English Summary

Airtel Most affordable plan for calling only users from 185 rupees know more about the Biggest Move in Telecom Industry after TRAI'S New Rule.

ഓർമ്മയുണ്ടോ? ഇന്ത്യൻ മൊബൈൽ ഫോൺ വിപണിയിൽ സജീവമായിരുന്ന കാർബൺ എന്ന ബ്രാൻഡ്. ഏറെ നാളായി പുതിയ മോഡലുകൾ ഒന്നും അവതരിപ്പിക്കാതെ വിപണയിൽ നിന്നും മാഞ്ഞു പോയ പേരായിരുന്നു കാർബൺ. ഏറ്റവും അവസാനം 2019ൽ ആയിരുന്നു കാർബൺ ഒരു സ്മാർട്ട്ഫോൺ ഇന്ത്യൻ വിപണയിൽ അവതരിപ്പിച്ചത്. അതിന് ഏഴ് വർഷങ്ങൾക്ക് ശേഷം ഇപ്പോഴിതാ, കാർബൺ തങ്ങളുടെ ഏറ്റവും പുതിയ മോഡലുമായി വീണ്ടും വിപണിയിലേക്കെത്തിയിരിക്കുകയാണ്.

ഈ ഏഴ് വർഷം കൊണ്ടുള്ള ടെക് ലോകത്തെ എല്ലാ മാറ്റങ്ങളും അറിഞ്ഞുകൊണ്ടുള്ള ഒരു വരവാണ് കാർബൺ നടത്താൻ പോകുന്നതെന്നാണ് സൂചന. കാർബണിൻ്റെ ഏറ്റവും പുതിയ മോഡൽ കാർബൺ റിബെൽ 5G എന്ന പേരിൽ വിപണിയിലേക്കെത്താൻ പോകുന്നത്. ഇതിനായി ആമസോണിൽ പ്രത്യേകം മൈക്രോസൈറ്റും ആരംഭിച്ചിട്ടുണ്ട്. അതേസമയം റിബെൽ 5ജി എന്ന പേരിൽ പുതിയ മോഡൽ കാർബൺ അവതരിപ്പിക്കുന്നു എന്നല്ലാതെ ഫോണിൻ്റെ ഫീച്ചേഴ്സോ സ്പെസിഫിക്കേഷനോ വിലയോ കുറിച്ചുള്ള യാതൊരു സൂചനയും മൈക്രോസൈറ്റിൽ നിന്നും ഇപ്പോൾ ലഭ്യമല്ല.

ALSO READ : ബാറ്ററി മാറ്റാൻ 13900 രൂപ, സ്ക്രീനിന് 42900 രൂപ; ഐഫോൺ 18 പ്രോ മാക്സ് നന്നാക്കാനുള്ള ചെലവ് വെളിപ്പെടുത്തി

ഒരു റിബെൽ പോലെയാകും കാർബണിൻ്റെ തിരിച്ചുവരവ് എന്നാണ് മൈക്രോസൈറ്റിലെ വാക്കുകളിൽ നിന്നും മനസ്സിലാക്കാൻ സാധിക്കുന്നത്. ഫോണിൻ്റെ വിവരങ്ങൾ കൂടാതെ പുതിയ മോഡൽ എന്ന് വിപണിയിലേക്ക് അവതരിപ്പിക്കുമെന്നോ കമ്പനി അറിയിക്കുന്നില്ല. ആമസോൺ മൈക്രോസൈറ്റിലൂടെ ഉടൻ തന്നെ മറ്റ് വിവരങ്ങളും പുറകാലെ വരാനാകും സാധ്യത.

കാർബൺ മൊബൈൽ ഫോൺ കമ്പനി

ഡൽഹി ആസ്ഥാനമായിട്ടുള്ള ജയ്നാ ഗ്രൂപ്പും ബെംഗളൂരു ആസ്ഥാനമായിട്ടുള്ള യുടിഎൽ ഗ്രൂപ്പും ചേർന്നാണ് കാർബണിൻ്റെ സ്മാർട്ട്ഫോണുകൾ ഇന്ത്യൻ വിപണിയിലേക്കെത്തിച്ചിരുന്നത്. സ്മാർട്ട്ഫോണിന് പുറമെ കീപ്പാഡ് ഫോണുകൾ, ടാബലെറ്റുകൾ തുടങ്ങിവ വിപണിയിലേക്കെത്തിച്ചിരുന്നു. ഗൂഗിളിൻ്റെ ആൻഡ്രോയ്ഡ് വൺ ഒഎസിലായിരുന്നു ഫോൺ പ്രവർത്തിച്ചിരുന്നത്. കാർബണിൻ്റെ സ്പാർക്കിൾ വി ആണ് ആൻഡ്രോയ്ഡ് വൺ വിഭാഗത്തിൽ അവതരിപ്പിച്ച ഇന്ത്യയിലെ ആദ്യ ഫോൺ. 2018-19 കാലഘട്ടത്തിൽ അവതരിപ്പിച്ചിരുന്ന കാർബണിൻ്റെ മിക്ക സ്മാർട്ട്ഫോണുകളുടെ വില 10,000ത്തിൽ താഴെയായിരന്നു.

English Summary

Indian Orgin Smartphone Brand Karbonn Back To Mobile Phone Market. Company Title Their New Model As Karboon Rebel 5G.

ഇന്ത്യൻ വാഹന വിപണിയിൽ നിലവിൽ ഇലക്ട്രിക് വാഹനങ്ങളുടെ ആവശ്യകത വർദ്ധിച്ചു വരികയാണ്. പ്രത്യേകിച്ച് ദീർഘദൂരം സഞ്ചരിക്കാൻ കഴിയുന്ന ഇലക്ട്രിക്ക് കാറുകൾക്ക് ഇന്ന് വലിയ മാർക്കറ്റ് അവസരങ്ങൾ ആണ് ലഭിക്കുന്നത്. കിലോമീറ്റർ റെയിഞ്ച് ഭയമില്ലാതെ കൊണ്ടുനടക്കാൻ കഴിയുന്ന വാഹനങ്ങളെയാണ് കൂടുതൽ ആളുകളും പരിഗണിക്കാൻ ശ്രമിക്കാറ്. അത്തരത്തിൽ നോക്കുകയാണെങ്കിൽ ഇന്ത്യയിൽ ലഭ്യമായിട്ടുള്ള ഇലക്ട്രിക് വാഹനങ്ങളിൽ കോംപാക്ട്  എസ്.യു.വി സെഗ്മെന്റിൽ വരുന്ന 500 കിലോമീറ്ററിന് മുകളിൽ റേഞ്ച് തരുന്ന, ഏകദേശ എക്സ് ഷോറൂം വില 20 ലക്ഷത്തിനടുത്ത് വരുന്ന നാല് വാഹനങ്ങളെ പരിചയപ്പെടാം.

മാരുതി ഇ വിറ്റാര Maruti E Vitara - ഡെൽറ്റ, സെറ്റ, ആൽഫ എന്നി വേരിയന്റുകളാണ് വാഹനത്തിന് ഉള്ളത്. ലിഥിയം ഫോസ്ഫേറ്റ് ബാറ്ററിയാണ് ഈ മൂന്ന് മോഡലുകളിലും ഉള്ളത്. 49 കിലോ വാട്ട്, 61 കിലോ വാട്ട്, 61കിലോവാട്ട് യാഥാക്രമം ഇങ്ങനെയാണ് ഈ മോഡലുകളിലെ ബാറ്ററി കരുത്ത് വരുന്നത്. ഇതിൽ കുറഞ്ഞ വേരിയന്റായ ഡെൽറ്റയ്ക്ക് ഒറ്റത്തവണ ഫുൾ ചാർജ് ചെയ്താൽ 440 കിലോമാറ്റർ റേഞ്ചാണ് ലഭിക്കുന്നത്. എന്നാൽ ടോപ് വേരിയന്റുകളായ സെറ്റ, ആൽഫ മോഡലുകൾക്ക് 543 കിലോ മീറ്റർ റേഞ്ചും ലഭിക്കും.

കിയ സിറോസ് ഇ.വി KIA Syros EV- കിയയുടെ ഏറ്റവും പുതിയ ഇലക്ട്രിക് കാറുകളിൽ ഒന്നാണ് കിയ സിറോസ് ഇ.വി. മികച്ച കിലോമീറ്റർ റേഞ്ചാണ് ഈ വാഹനം വാഗ്ദാനം ചെയ്യുന്നത്. ബാറ്ററി ഒരു തവണ ഫുൾ ചാർജ് ചെയ്താൽ 526 കിലോമീറ്റർ സഞ്ചരിക്കാൻ കഴിയും. അതുമാത്രമല്ല വെറും 39 മിനിറ്റ് കൊണ്ട് 10 മുതൽ 80 ശതമാനം വരെ ബാറ്ററി ചാർജ് ചെയ്യാനും സാധിക്കും. ഇനി പവറിന്റെ കാര്യത്തിലേക്ക് വന്നാൽ 171 പിഎസ് ആണ് ഈ വാഹനത്തിന് ഉള്ളത്. വാഹനത്തിന്റെ ബാറ്ററിക്ക് ലൈഫ് ടൈം വാറണ്ടിയും ലഭിക്കും

Also Read:  ഇന്ത്യൻ വിപണിയിലെ കൈയ്യിലൊതുങ്ങുന്ന വിലയുള്ള 7 സീറ്റർ മോഡലുകൾ

ടാറ്റ കർവ് ഇ.വി TATA Curvv EV - ടാറ്റയുടെ ഇലക്ട്രിക് നിരയിലെ മികച്ച കോംപാക്റ്റ് എസ്.യു.വി മോഡലാണ് ടാറ്റ കർവ് ഇ.വി. വാഹനത്തിൻ്റെ ബാറ്ററി ഫുൾ ചാർജ് ചെയ്താൽ 502 കിലോ മീറ്റർ റേഞ്ചാണ് ലഭിക്കുക. നാല് വേരിയൻ്റകളാണ് കർവ് ഇ.വിക്ക് ഉള്ളത്.

ഹ്യുണ്ടായി ക്രെറ്റ ഇലക്ട്രിക് CRETA Electric - ഹ്യുണ്ടായിയുടെ ഇലക്ട്രിക് നിരയിലെ പ്ര​ധാനിയാണ് ക്രെറ്റ ഇലക്ട്രിക്. 42 kWh, 51.4 kWh എന്നിങ്ങനെ രണ്ട് വകഭേദങ്ങളാണ് മോഡലിനുള്ളത്. 42 kWhവാട്ട് വകഭേദം 420 km റേഞ്ചും 51.4 kWh വേരിയന്റ് 510 km കിലോമീറ്റർ റേഞ്ചുമാണ് ഫുൾ ചാർജിൽ നൽകുക.

English Summary

Most people prefer vehicles that can be used without concerns regarding their driving range. With this in mind, let’s take a look at four electric vehicles available in India within the compact SUV segment that offer a range of over 500 kilometers.

കഴിഞ്ഞ ദിവസം ലോകത്തെയാകെ ഞെട്ടിച്ച കാർ ലോഞ്ചായിരുന്നു ടെസ്ല റോഡ്സ്റ്ററിന്റേത് (Roadster). പറക്കുന്ന കാർ എന്ന ഫാന്റസിയെ യാഥാർത്ഥ്യമാക്കിക്കൊണ്ട് ആണ് ആ​ഗോള ടെക് ഭീമൻ എലോൺ മസ്കിന്റെ ഉടമസ്ഥതയിലുള്ള ടെസ്ല കമ്പനി റോ‍ഡ്സ്റ്ററിനെ പുറത്തിറക്കിയത്. ഈ വാഹനം ഇന്ത്യയിലേക്കും എത്തുന്നു എന്ന സന്തോഷകരമായ റിപ്പോർട്ടും കഴിഞ്ഞ ദിവസം പുറത്ത് വന്നിരുന്നു. ഇപ്പോഴിതാ ഈ നെക്സ്റ്റ് ജെൻ കാറിന്റെ ബുക്കിം​ഗ് ഇന്ത്യയിലും ആരംഭിച്ചിരിക്കുകയാണ്. ഈ വാർത്ത കേൾക്കുമ്പോൾ വാഹന പ്രേമികൾ ആവേശത്തിലാകുമെങ്കിലും ചിലപ്പോൾ ബുക്കിം​ഗ് നിരക്ക് അവരെ ഞെട്ടിക്കാനിടയുണ്ട്.

ബുക്കിം​ഗിന്  ഭീമമായ തുക വേണ്ടിവരും

കാരണം മറ്റൊന്നുമല്ല വാഹനത്തിന്റെ ബുക്കിം​ഗിന് തന്നെ ഭീമമായ തുകയാണ് വേണ്ടിവരുക. റോഡ്സ്റ്ററിന്റെ പെർഫോമൻസ് (Performance) പതിപ്പിനായി 50.06 ലക്ഷം രൂപയും, ത്രസ്റ്റ് (Thrust) പതിപ്പിനായി 2.50 കോടി രൂപയുമാണ് ബുക്കിംഗ് തുകയായി ഉപഭോക്താക്കൾ ഇന്ത്യയിൽ നൽകേണ്ടത്. റോഡ്‌സ്റ്റർ പെർഫോമൻസ് മോഡലിനായി, ഉപഭോക്താക്കൾ തുടക്കത്തിൽ 5.01 ലക്ഷം രൂപയും, തുടർന്ന് 10 ദിവസത്തിനുള്ളിൽ 45.05 ലക്ഷം രൂപയും പെയ്മെന്റ് നടത്തണം. ഇത് രണ്ടും കൂടി ആകെ തുക 50.06 ലക്ഷം രൂപയാകും.

Also Read: എർട്ടി​ഗകയ്ക്ക് പണിയാകുമോ, ഹ്യുണ്ടായിയുടെ പുതിയ സെവൻ സീറ്റർ വരുന്നു?

ത്രസ്റ്റ് മോഡലിന് ( പറക്കുന്ന) 2.5 കോടി ബുക്കിംഗ് ഫീ

ത്രസ്റ്റ് കോൺഫിഗറേഷനിലും ബുക്കിം​ഗിനുള്ള ആദ്യ ഗഡു ഇതേ തുക തന്നെയാണെങ്കിലും, 10 ദിവസത്തിനുള്ളിൽ 2,45,24,000 രൂപ അടയ്ക്കേണ്ടതുണ്ട്. ഇതോടെ ആകെ തുക 2,50,25,000 രൂപ ആകുന്നു (ഏകദേശം 2.50 കോടി രൂപ). ബുക്കിം​ഗ് ആരംഭിച്ചിട്ടുണ്ടെങ്കിലും എന്നാണ് ഈ വാഹനം ഇന്ത്യയിൽ എത്തുക എന്നും ഡെലിവറി എന്നുമുതലാകും എന്നോ കാര്യത്തിലും സ്ഥിരീകരണങ്ങൾ ഇതുവരെ കിട്ടിയിട്ടില്ല.

എന്ന് മുതൽ റോഡ്സ്റ്റർ ഇന്ത്യയിൽ എത്തും ?

2028-ൽ റോഡ്‌സ്റ്റർ (Roadster) മോഡലുകളുടെ ഉൽപ്പാദനം ആരംഭിക്കുമെന്നും, ആ സമയത്ത് ലെഫ്റ്റ്- ഹാൻഡ്-   ഡ്രൈവ് (left-hand-drive) വാഹനങ്ങൾ മാത്രമേ നിർമ്മിക്കൂ എന്നും കമ്പനി അറിയിട്ടുണ്ട്. റൈറ്റ്- ഹാൻഡ്- ഡ്രൈവ് (right-hand-drive) വാഹനങ്ങളുടെ ഉൽപ്പാദനത്തെക്കുറിച്ച് ഇതുവരെ യാതൊരു വിവരവും കമ്പനി വ്യക്തമായി നൽകിയിട്ടില്ല. അതിനാൽ, ഇന്ത്യയ്ക്കായുള്ള വാഹനങ്ങളുടെ സവിശേഷതകൾ, അന്തിമ വില, ഡെലിവറി ക്രമീകരണങ്ങൾ എന്നിവയെക്കുറിച്ച് നിലവിൽ സ്ഥിരീകരിക്കാറായിട്ടില്ല. എന്തായാലും ലോഞ്ച് വീഡിയോ കണ്ടത് മുതൽ വാഹന ലോകം ഈ പറക്കും കാർ നിരത്തിൽ എത്തുന്നത് കാണാനുള്ള വലിയ കാത്തിരിപ്പിലാണ്.

English Summary

The recent launch of the Tesla Roadster took the world by surprise. By bringing the fantasy of a flying car" closer to reality, Tesla the company owned by global tech magnate Elon Musk unveiled the Roadster.

ഇന്ത്യൻ വിപണിയിൽ മറ്റൊരു പോർമുഖം കൂടി തുറക്കാൻ ഒരുങ്ങുകയാണ് ഹ്യുണ്ടായ്. ഹ്യുണ്ടായി തങ്ങളുടെ പുതിയ സെവൻ സീറ്റർ മോഡലിനെ ഇന്ത്യയിൽ അവതരിപ്പിക്കാൻ പോകുന്നു എന്ന റിപ്പോർട്ടുകൾ ആണ് വരുന്നത്. നിലവിൽ ഈ സെഗ്മെന്റിൽ മാരുതി സുസുക്കിയും കിയയും ആണ് ലീഡ് ചെയ്യുന്നത്. ഇവിടേക്ക് പെട്രോൾ, ഡീസൽ, ടർബോ പെട്രോൾ, സിഎൻജി, എന്നിങ്ങനെ വിവിധ പവർ ട്രെയിനുകളിൽ പുതിയ വാഹനം എത്തും എന്നാണ് വരുന്ന റിപ്പോർട്ടുകൾ. ഇതിൽ സിഎൻജി പതിപ്പിന് കൂടുതൽ പ്രാധാന്യം നൽകുമെന്നും കേൾക്കുന്നു.

ഈ വർഷത്തെ ഇൻഡോനേഷ്യ മോട്ടർ ഷോയിൽ നീര ഇവി കൺസെപ്റ്റ് എന്ന പേരിൽ പുതിയ മോഡലിനെ കമ്പനി പ്രദർശിപ്പിച്ചിരുന്നു. ഈ മോഡലിനെ അടിസ്ഥാനപ്പെടുത്തി ഇന്ത്യയ്ക്കായി ഇന്റേണൽ കംപ്രഷൻ എൻജിൻ പതിപ്പ് വികസിപ്പിക്കാനാണ് കമ്പനിയുടെ നീക്കം എന്നാണ് റിപ്പോർട്ട്. അടുത്തവർഷം ആദ്യപകുതിയിൽ വാഹനത്തിന്റെ പ്രൊഡക്ഷൻ മോഡൽ കമ്പനി അവതരിപ്പിച്ചേക്കും.

Also Read: ഹിമാലയനോ, എക്സ്പൾസോ? ഓഫ് റോഡിങ്ങിനും ലോങ്ങ് റൈഡിനും ഏതെടുക്കണം

പ്രമുഖ ഇന്ത്യൻ ഓട്ടോമൊബൈൽ പോർട്ടലുകളുടെ റിപ്പോർട്ട് പ്രകാരം പെട്രോൾ ഡീസൽ ടർബോ പെട്രോൾ സിഎൻജി തുടങ്ങിയ പവർ ട്രെയിനുകളിൽ വാഹനം വിപണിയിൽ എത്തുകയാണെങ്കിൽ അതൊരു പുത്തൻ ചുവടുവെപ്പ് ആയി മാറും. പ്രധാനമായും ടാക്സി സെഗ്മെന്റിലും അംഗങ്ങൾ കൂടുതലുള്ള കുടുംബങ്ങളും ആണ് ബഡ്ജറ്റ് സെവൻ സീറ്റർ വാഹനങ്ങളെ കൂടുതൽ ആശ്രയിക്കുന്നത്. നിലവിൽ ഈ സെഗ്മെന്റിൽ ഏറ്റവും കൂടുതൽ വിറ്റഴിക്കപ്പെടുന്ന വാഹനം മോഡലുകളാണ് മാരുതി സുസുക്കിയുടെ ഏർട്ടിഗയും കിയ മോട്ടോസിന്റെ കാരെൻസും.

അടുത്ത വർഷം ഈ വാഹനം വിപണിയിൽ എത്തുമെന്നാണ് സൂചന. ഈ മോഡലിനെ ഇന്ത്യ മൊബിലിറ്റി എക്സ്പോയിൽ അവതരിപ്പിക്കും എന്നും ഓട്ടോമോട്ടീവ് പേജുകൾ പറയുന്നു. എന്നാൽ വാഹനത്തിന്റെ ലോഞ്ച്, വില എത്രയാകും, എൻജിൻ സവിശേഷതകൾ എന്തൊക്കെയാണ് എന്നിങ്ങനെയുള്ള കാര്യങ്ങളെപ്പറ്റി ഹ്യൂണ്ടായിയുടെ ഔദ്യോഗിക സ്ഥിരീകരണം ഇതുവരെ ലഭ്യമായിട്ടില്ല. എന്തായാലും ഈ പുതിയ മോഡൽ വിപണിയിൽ എത്തുകയാണെങ്കിൽ മാരുതി എർട്ടിഗയ്ക്ക് വെല്ലുവിളിയാകും. നിലവിൽ ഇന്ത്യൻ വിപണിയിൽ ബഡ്ജെറ്റ് ടാക്സി വിഭാഗത്തിൽ ഏറ്റവും അധികം പേർ പരിഗണിക്കുന്ന വാഹനമാണ് എർട്ടിഗ. അതോടൊപ്പം തന്നെ 5 പേരിൽ കൂടുതൽ അംഗങ്ങളുള്ള ഫാമിലിയും ഈ വാഹനത്തെ പരിഗണിക്കുന്നുണ്ട്.

English Summary

Another battlefront is set to open in the Indian market. Reports indicate that Hyundai is preparing to launch a new seven-seater model in India. Currently, Maruti Suzuki and Kia are the leaders in this segment. According to the reports, the new vehicle will be available with various powertrain options, including petrol, diesel, turbo-petrol, and CNG.

ഓഡി തങ്ങളുടെ പുതിയ 2026 ഓഡി Q3 മോഡലിനെ ഇന്ത്യയിൽ അവതരിപ്പിച്ചു. 52 ലക്ഷം രൂപയാണ് വാഹനത്തിന്റെ പ്രാരംഭ എക്സ്-ഷോറൂം വില. മൂന്നാം തലമുറ വാഹനമായ ഈ പ്രീമിയം എസ്‌യുവി (SUV), പുതിയ ഡിസൈൻ, കൂടുതൽ മെച്ചപ്പെടുത്തിയ സാങ്കേതികവിദ്യ, ഉയർന്ന സുരക്ഷാ സംവിധാനങ്ങൾ, ഒപ്പം യാത്രക്കാർക്ക് മികച്ച സൗകര്യമൊരുക്കുന്ന ഒട്ടനവധി സവിശേഷതകൾ എന്നിവയുമായാണ് എത്തുന്നത്. ഓഡിയുടെ എൻട്രി ലെവൽ എസ്‌യുവിയായി അവതരിപ്പിച്ചിരിക്കുന്ന പുതിയ Q3, ലക്ഷ്വറി കോംപാക്റ്റ് എസ്‌യുവി വിഭാഗത്തിൽ പുതിയൊരു പോർമുഖം തുറക്കുകയാണ്.

പുതിയ Q3 മോഡലിന് കരുത്തേകുന്നത് 2.0-ലിറ്റർ TFSI പെട്രോൾ എൻജിനാണ്. ഈ എൻജിൻ 150 kW (201 bhp) കരുത്തും 320 Nm ടോർക്കും ആണ് നൽകുക. പൂജ്യത്തിൽ നിന്ന് 100 kmph വേഗത കൈവരിക്കാൻ ഈ വാഹനത്തിന് വെറും 7.1 സെക്കൻഡ് മതിയെന്നാണ് കമ്പനി അവകാശപ്പെടുന്നത്. എന്നുവച്ചാൽ ഈ സെ​ഗ്നെന്റിലെ ഏറ്റവും വേഗതയേറിയ എസ്‌യുവികളിൽ (SUV) ഒന്നായി പുതിയ Q3 മാറുകയാണ്. വിവിധ റോഡ് നിലവാരങ്ങൾക്കനുസരിച്ച് മികച്ച ഗ്രിപ്പും (traction) സ്ഥിരതയും ഉറപ്പുനൽകുന്ന, ഓഡിയുടെ സവിശേഷമായ 'ക്വാട്രോ' ഓൾ-വീൽ-ഡ്രൈവ് സിസ്റ്റം ഈ വാഹനത്തിൽ കൊടുത്തിട്ടുണ്ട്. കുത്തനെയുള്ള കയറ്റങ്ങളിലും ഇറക്കങ്ങളിലും കൂടുതൽ കൺട്രോൾ ഉറപ്പാക്കുന്നതിനായിഹിൽ-ഹോൾഡ് അസിസ്റ്റ്, ഡൗൺഹിൽ അസിസ്റ്റ് എന്നീ സംവിധാനങ്ങളും ഈ എസ്‌യുവിയിൽ ഉൾപ്പെടുത്തിയിരിക്കുന്നു.

Also Read: റെനോയുടെ വിസ്മയം! 29 കിലോ മീറ്റർ മൈലേജുമായി ഡസ്റ്റർ ഹൈബ്രിഡ് എത്തി

ഓഡി ഡ്രൈവ് സെലക്ട് ഉപയോഗിച്ച് ഡ്രൈവർമാർക്ക് Q3-ന്റെ ​ഡ്രൈവിം​ഗ് നേച്ചർ ക്രമീകരിക്കാവുന്നതാണ്. ബാലൻസ്ഡ് (Balanced), ഡൈനാമിക് (Dynamic), കംഫർട്ട് (Comfort), എഫിഷ്യൻസി (Efficiency), ഓഫ്‌റോഡ്+ (Offroad+) എന്നിങ്ങനെ അഞ്ച് ഡ്രൈവിം​ഗ് മോഡുകളാണ് വാഹനത്തിലുള്ളത്. പ്രോഗ്രസീവ് സ്റ്റിയറിംഗും കംഫർട്ട് സസ്പെൻഷനും ഈ വാഹനത്തിന്റെ ഡ്രൈവിംഗ് അനുഭവം കൂടുതൽ മെച്ചപ്പെടുത്തുന്നു.
ഡിജിറ്റൽ മാട്രിക്സ് എൽഇഡി ഹെഡ്‌ലൈറ്റുകളുടെ അവതരണമാണ് പുതിയ മോഡലിലെ പ്രധാന സവിശേഷതകളിലൊന്ന്. 25,600 മൈക്രോ-എൽഇഡികൾ ഉപയോഗിക്കുന്ന ഈ സംവിധാനത്തിൽ, തിരഞ്ഞെടുക്കാവുന്ന നാല് തരം ഡേടൈം റണ്ണിംഗ് ലൈറ്റ്, ഡൈനാമിക് ലൈറ്റിംഗ് ക്രമങ്ങൾ, വിപുലമായ പ്രൊജക്ഷൻ ഫംഗ്‌ഷനുകൾ എന്നിവ ഹെഡ്ലൈറ്റിൽ ലഭ്യമാണ്യ

സേജ് ഗ്രീൻ, മൈത്തോസ് ബ്ലാക്ക്, ഗ്ലേസിയർ വൈറ്റ്, നവാര ബ്ലൂ, തംബോറ ഗ്രേ എന്നീ കളർ കോംബിനേഷനുകളിലാണ് ഈ വാഹനം ലഭ്യമാവുക.അകത്ത്, ഓഡി ടാമറിൻഡ് ബ്രൗൺ, പെർഗമെന്റ് ബീജ് ക്യാബിൻ തീമുകൾ ആണ് നൽകിയിരിക്കുന്നത്. 30.22സെന്റിമീറ്റർ വെർച്വൽ കോക്ക്പിറ്റും 32.51 സെന്റിമീറ്റർ സെൻട്രൽ ടച്ച്‌സ്‌ക്രീനും അടങ്ങുന്ന ഓഡിയുടെ പുതിയ ഡിജിറ്റൽ സ്റ്റേജ് ലേഔട്ട് ക്യാബിനിൽ ഉൾക്കൊള്ളിച്ചിരിക്കുന്നു. ഹെഡ്-അപ്പ് ഡിസ്‌പ്ലേ സാങ്കേതികവിദ്യയും കൊടത്തിട്ടുണ്ട് വാഹനത്തിൽ.

English Summary

Audi has introduced its new 2026 Audi Q3 model in India. The vehicle has a starting ex-showroom price of 52 lakh. As a third-generation model, this premium SUV features a new design, enhanced technology, advanced safety systems, and a host of features designed to provide superior comfort for passengers.

നിലവിൽ ഹാച്ച്ബാക്കോ സെഡാനോ ഉപയോഗിക്കുന്നവർ എപ്പോഴും മോഹിക്കുന്ന കാര്യമായിരിക്കും എസ്‌യുവി വാങ്ങണമെന്നത്. ഉയർന്ന സീറ്റിംഗ് പൊസിഷനും നല്ല ഗ്രൌണ്ട് ക്ലിയറൻസും റോഡ് പ്രസൻസുമെല്ലാം സ്പോർട് യൂട്ടിലിറ്റി വാഹനങ്ങളിലേക്ക് ആളുകളെ ആകർഷിക്കുന്ന സംഗതികളാണ്. ഇപ്പോൾ ഉപയോഗിക്കുന്ന വണ്ടി കൊടുത്ത് 12 ലക്ഷം ബജറ്റിൽ പുത്തനൊരു എസ്‌യുവി വാങ്ങാൻ താത്പര്യപ്പെടുന്നവർക്ക് പറ്റിയ ചില മോഡലുകൾ പറഞ്ഞുതരാം.

ടാറ്റ കർവ്

സാധാരണ കണ്ടുവന്ന എസ്‌യുവികളിൽ നിന്നും വ്യത്യസ്‌തമായ കൂപ്പെ സ്റ്റൈൽ ഡിസൈൻ തന്നെയാണ് ടാറ്റ കർവിനെ വേറിട്ടുനിർത്തുന്നത്. അതോടൊപ്പം ഫീച്ചർ റിച്ച് ഇന്റീരിയറും കൂടിയാവുമ്പോൾ ഏതൊരു കുടുംബത്തിനും അനുയോജ്യമായ വാഹനമായി ഇതിനെ കണക്കാക്കാം. 1.2 ലിറ്റർ ടർബോ പെട്രോൾ മാനുവൽ ബേസ് വേരിയന്റിന് 9.66 ലക്ഷം രൂപയാണ് ഇന്ത്യയിലെ എക്സ്ഷോറൂം വില വരുന്നത്. ഇനി കർവിന്റെ ഡീസൽ ആണ് നോക്കുന്നതെങ്കിവും 11.10 ലക്ഷം രൂപ മതിയാവും.

Also Read: റെനോയുടെ വിസ്മയം! 29 കിലോ മീറ്റർ മൈലേജുമായി ഡസ്റ്റർ ഹൈബ്രിഡ് എത്തി

മഹീന്ദ്ര ഥാർ

എസ്‌യുവികളിലെ തമ്പുരാൻ എന്ന വിശേഷണമാണ് മഹീന്ദ്ര ഥാറിനുള്ളത്. ബോക്‌സി ഡിസൈനും കരുത്തുറ്റ ലാഡർ-ഫ്രെയിം ഷാസിയും ഒത്തിണങ്ങിയ വണ്ടിക്ക് ഏത് മോശം റോഡിലൂടെയും അനായാസം സഞ്ചരിക്കാൻ കഴിയും. പിന്നെ പത്രാസിലും ഒട്ടും കുറവില്ലാത്ത ഥാറിന്റെ 1.5 ലിറ്റർ ഡീസൽ മാനുവൽ റിയർവീൽ ഡ്രൈവ് മോഡൽ വെറും 9.99 ലക്ഷം രൂപയ്ക്ക് സ്വന്തമാക്കാനാവുമെന്നതും കൂടി കണക്കിലെടുത്താൽ ആരും ഇവനെ ഒന്ന് മോഹിക്കും.

റെനോ ഡസ്റ്റർ

ഫ്രഞ്ച് വാഹന നിർമാതാക്കളായ റെനോയുടെ നിരയിലെ ഏറ്റവും സക്‌സസ്‌ഫുൾ മോഡലാണ് ഡസ്റ്റർ. ഇടയ്ക്ക് ഒന്ന് ഗുഡ്ബൈ പറഞ്ഞുപോയെങ്കിലും ഈ വർഷം ഗംഭീരമായൊരു തിരിച്ചുവരവ് നടത്തിയക്കൊണ്ട് മിഡ്-സൈസ് എസ്‌യുവി സെഗ്മെന്റിലെ എതിരാളികളെയെല്ലാം ഒന്ന് ഞെട്ടിച്ചിട്ടുണ്ട്. 12 ലക്ഷം ബജറ്റിൽ ഇപ്പോൾ വാങ്ങാൻ സാധിക്കുന്ന മികച്ച സ്പോർട് യൂട്ടിലിറ്റി വാഹനം കൂടിയാണിത്. ഡസ്റ്ററിന്റെ 1.0 ലിറ്റർ ടർബോ പെട്രോൾ മാനുവൽ ബേസ് വേരിയന്റ് 10.29 ലക്ഷം രൂപയുടെ എക്സ്ഷോറൂം വിലയിലാണ് സ്വന്തമാക്കാനാവുക.

സ്കോഡ കുഷാഖ്

ഒന്നാന്തരം ബിൽഡ് ക്വാളിറ്റിയും മികച്ച ഡ്രൈവിംഗ് എക്‌സ്പീരിയൻസുമുള്ള ഒരു എസ്‌യുവി 12 ലക്ഷം ബജറ്റിൽ നോക്കുന്നവർക്ക് പറ്റിയ മോഡലാണ് സ്കോഡ കുഷാഖ്. 1.0 ലിറ്റർ ടർബോ-പെട്രോൾ എഞ്ചിനുള്ള മാനുവൽ ബേസ് വേരിയന്റിന് വെറും 10.66 ലക്ഷം രൂപയാണ് ചെക്ക് റിപ്പബ്ലിക്കൻ വാഹന നിർമാതാക്കൾ നിശ്ചയിച്ചിരിക്കുന്നത്. വെന്റിലേറ്റഡ് സീറ്റുകൾ, ഇലക്ട്രിക് സൺറൂഫ്, ഇലക്ട്രിക്കലി അഡ്ജസ്റ്റ് ചെയ്യാവുന്നതും വെന്റിലേറ്റഡ് ആയതുമായ മുൻ സീറ്റുകൾ, ഓട്ടോ ക്ലൈമറ്റ് കൺട്രോൾ, റിയർ വ്യൂ ക്യാമറ തുടങ്ങിയ പ്രീമിയം ഫീച്ചറുകളും കുഷാഖിനെ വേറിട്ടുനിർത്തുന്നുണ്ട്.

കിയ സെൽറ്റോസ്

12 ലക്ഷം ബജറ്റിനുള്ളിൽ ആകർഷകമായ ഡിസൈൻ, വിശാലമായ ഇന്റീരിയർ, അത്യാധുനിക ഫീച്ചറുകൾ എന്നിവയുള്ള എസ്‌യുവി വേണമെന്ന് നിർബന്ധമുള്ളവർക്ക് കിയ സെൽറ്റോസ് തന്നെ തിരഞ്ഞെടുക്കാം. പിന്നെ നല്ല യാത്രാസുഖം നൽകാനും മോഡലിനാവും. 1.5 ലിറ്റർ പെട്രോൾ എഞ്ചിനുമായി വരുന്ന ഈ മിഡ്-സൈസ് എസ്‌യുവിയുടെ പെട്രോൾ മാനുവൽ പതിപ്പിന് 10.99 ലക്ഷം രൂപയാണ് എക്സ്ഷോറൂം വില വരുന്നത്.

English Summary

Those currently driving a hatchback or a sedan often aspire to own an SUV. Features such as a high seating position, good ground clearance, and a commanding road presence are what draw people toward Sport Utility Vehicles (SUVs). For those looking to trade in their current vehicle and purchase a brand-new SUV with a budget of around Rs. 12 lakh, suitable options include the Tata Curvv, Mahindra Thar, Renault Duster, Skoda Kushaq, and Kia Seltos.

റെനോയുടെ പുത്തൻ സ്ട്രോങ് ഹൈബ്രിഡ് ‍ഡസ്റ്റർ ലോഞ്ച് ചെയ്തു. റെനോ ഡസ്റ്റർ സ്ട്രോങ് ഹൈബ്രിഡ് ഇ-ടെക് 160 (Renault Duster Strong Hybrid E-Tech 160) മോഡലിന് 16.99 ലക്ഷം രൂപമുതലാണ് ‍എക്സ് ഷോറൂം വില ആ​രംഭിക്കുന്നത്. എവല്യൂഷൻ' (Evolution), ടെക്നോ (Techno), ഇമോഷൻ (Emotion) എന്നിങ്ങനെ മൂന്ന് വകഭേദങ്ങളിലാണ് ഈ ജനപ്രിയ എസ്‌യുവി ലഭ്യമാകുന്നത്.

റെനോ ഡസ്റ്റർ ഹൈബ്രിഡ് മോ‍ഡലുകളുടെ എക്സ്- ഷോറൂം വില

എവല്യൂഷൻ സ്ട്രോംഗ് ഹൈബ്രിഡ് ഇ-ടെക് 160: 16.99 ലക്ഷം
ടെക്നോ സ്ട്രോംഗ് ഹൈബ്രിഡ് ഇ-ടെക് 160: 18.99 ലക്ഷം
ഇമോഷൻ സ്ട്രോംഗ് ഹൈബ്രിഡ് ഇ-ടെക് 160: 19.49 ലക്ഷം

വിപണിയിലെത്താൻ പോകുന്ന ഡസ്റ്റർ സെ​ഗ്മെന്റിലെ ഏറ്റവും മികച്ച മൈലേജ് നൽകുന്ന വാഹനമായി ഡസ്റ്റർ മാറുകയാണ്. ടൊയോട്ട അർബൻ ക്രൂയിസർ ഹൈറൈഡർ ഹൈബ്രിഡ്, മാരുതി ഗ്രാൻഡ് വിറ്റാര ഹൈബ്രിഡ് എന്നിവയുടെ 27.97 kmpl എന്ന മൈലേജിനെയാണ് റെനോ ഡസ്റ്റർ കടത്തിവെട്ടിയിരിക്കുന്നത്. ഇതോടെ സെ​ഗ്മെന്റിൽ പുതിയ മത്സരത്തിനാണ് കമ്പനി വഴി തുറന്നിരിക്കുന്നത്. വാഹനത്തിന്റെ പ്രീ ബുക്കിംഗ് കമ്പനി നേരത്തെ ആരംഭിച്ചിരുന്നു.

Also Read: വില 4.26 ലക്ഷം, റോയൽ എൻഫീൽഡ് ക്ലാസ്സിക് 650 ആനിവേഴ്സറി എഡിഷൻ എത്തി

ഇവയൊക്കെയാണ് പ്രധാന ഫീച്ചറുകൾ

212 mm എന്ന മികച്ച ഗ്രൗണ്ട് ക്ലിയറൻസ് വരുന്ന ഡസ്റ്ററിൽ, പനോരമിക് സൺറൂഫ്, പവർഡ് ടെയിൽഗേറ്റ്, വെന്റിലേറ്റഡ് ഫ്രണ്ട് സീറ്റുകൾ, ഡ്യുവൽ-സോൺ ക്ലൈമറ്റ് കൺട്രോൾ, 10.1 ഇഞ്ച് ഓപ്പൺആർ ലിങ്ക് ഇൻഫോടെയ്ൻമെന്റ് സിസ്റ്റം എന്നിവയും പ്രധാന ആകർഷണങ്ങളാണ്. ഇന്റീരിയറിൽ പുതിയ അപ്‌ഹോൾസ്റ്ററി ഓപ്ഷനുകളും കമ്പനി നൽകിയിട്ടുണ്ട്. ഏറ്റവും ഉയർന്ന ഇമോഷൻ വേരിയന്റിൽ എന്ന വേരിയന്റിൽ ഡ്യൂൺ ബ്രൗൺ നിറത്തിലുള്ള ലെതറെറ്റ് ഫിനിഷും കൊടുത്തിരിക്കുന്നു.

ആർക്കൊക്കെ പിരിഗണിക്കാം

17 ലക്ഷം മുതൽ 20 ലക്ഷം രൂപ വരെ വിലയുള്ള ഡീസൽ SUV-കൾ പരിഗണിക്കുന്ന ഉപഭോക്താക്കൾക്ക് ഒരു പകരം ഓപ്ഷൻ എന്ന നിലയിലാണ്റെനോ, ഡസ്റ്റർ സ്ട്രോംഗ് ഹൈബ്രിഡ് ഇ-ടെക് 160 നെ അവതരിപ്പിക്കുന്നത്. നല്ല പെർഫോമൻസ്, മികച്ച ഇന്ധനക്ഷമത, സെൽഫ് ചാർജ് സംവിധാനമുള്ള ഹൈബ്രിഡ് സാങ്കേതികവിദ്യ എന്നിവ ഒത്തുചേരുന്ന പുതിയ ഡസ്റ്റർ ഇലക്ട്രിക് മോഡലുകൾ വാങ്ങാൻ തയ്യാറെടുക്കുന്നവർക്കും പരി​ഗണിക്കാവുന്നതാണ്.

English Summary

Renault has launched its new strong-hybrid Duster In India . The ex-showroom price for the Renault Duster Strong Hybrid E-Tech 160 model starts at 16.99 lakh.

തലകീഴായി സഞ്ചരിക്കാനും, വേണ്ടി വന്നാൽ പറന്നുയരാനും കഴിയുന്ന നെക്സ്റ്റ് ലെവൽ കാറിനെ അവതരിപ്പിച്ച് പ്രമുഖ ആ​ഗോള വാഹന നിർമ്മാതാക്കളായ ടെസ്ല. ടെക്സാസിലെ സ്പേസ് എക്സ് (SpaceX) കേന്ദ്രത്തിൽ നടന്ന പരിപാടിയിലാണ് ഈ ഫ്യൂച്ചറിസ്റ്റിക് കാർ മോഡലിനെ കമ്പനി അവതരിപ്പിച്ചത്. ഒരു വലിയ വളഞ്ഞ റാമ്പിലൂടെ മുകളിലേക്ക് കയറുകയും, തുടർന്ന് തലകീഴായി മറിയുകയും ചെയ്ത് സേഫ് ആയി താഴെ ലാൻഡ് ചെയ്യുന്ന ഈ കാറിന്റെ ദൃശ്യങ്ങളാണ് ഇപ്പോൾ സമൂഹമാധ്യമങ്ങളിൽ തരം​ഗമായി മാറിയിരിക്കുന്നത്. എലോൺ മസ്കിന്റെ ഉടമസ്ഥതയിലുള്ള ടെസ്ല ഇതിന് മുമ്പും പലവട്ടം ഇത്തരം വിസ്മയകരമായ കാര്യങ്ങൾ അവതരിപ്പിച്ചിട്ടുണ്ട്.

ടെസ്ലയുടെ അടുത്ത വിസ്മയം

മുമ്പ് ​ഡ്രൈവറില്ലാ കാറുകൾ അവതരിപ്പിച്ചപ്പോൾ അത് വെറും കൺസപ്റ്റായി മാത്രം അവശേഷിക്കുമെന്ന് കരുതിയവരുണ്ട്. എന്നാൽ അധികം നാളുകൾ കഴിയുന്നതിന് മുമ്പ് തന്നെ അമേരിക്കയിൽ ടെസ്ലയുടെ ഡ്രൈവറില്ലാ കാറുകൾ ടാക്സി സർവീസുകൾ നടത്തുന്ന കാഴ്ച ലോകം കണ്ടു. അതുപോലെ തന്നെ സൈബർ ട്രക്കിനെ മസ്ക് പുറത്തിറക്കിയപ്പോഴും ആ വാഹനം പ്രാക്ടിക്കലാകുമോ എന്ന് സംശയം പ്രകടപ്പിച്ചവരുണ്ട്. കുറച്ച് നാളുകൾ കഴിഞ്ഞപ്പോൾ വിപണിയിൽ ഏറ്റവും ഡിമാൻഡുള്ള ടെസ്ലയുടെ മോഡലായി സൈബർ ട്രക്കും മാറി. ഇപ്പോഴിതാ പറക്കും കാറിനെ മസ്ക് അവതരിപ്പിക്കുമ്പോൾ ഇതൊക്കെ നടക്കുമോ എന്ന സംശയം പലർക്കുമുണ്ടാകാം.

Also Read: വില 4.26 ലക്ഷം, റോയൽ എൻഫീൽഡ് ക്ലാസ്സിക് 650 ആനിവേഴ്സറി എഡിഷൻ എത്തി

പറക്കും തലകീഴായി മറിയും

എന്നാൽ മുൻമാതൃകകൾ വച്ച് നോക്കിയാൽ കുറച്ച് സമയമെടുത്താൽ പോലും റോ‍ഡ്സ്റ്റർ വാഹന വിപണിയിലെ പ്രധാന ആകർഷണങ്ങിൽ ഒന്നായി മാറാൻ ഇയടുണ്ട്. റാമ്പിൽ നിന്ന് താഴേക്ക് വീണതിന് ശേഷം വാഹനം സ്വയം സന്തുലിതാവസ്ഥ വീണ്ടെടുക്കുന്നതും, മുന്നിൽ മറ്റ് വാഹനങ്ങൾ തടസ്സം സൃഷ്ടിക്കുമ്പോൾ അതിനെ മറികടന്നുകൊണ്ട് പറന്ന് മുൻപോട്ട് നീങ്ങി ഫ്ലിപ് ചെയ്ത് യാതെരുവിധ കുഴപ്പമില്ലാതെ താഴെ ഇറങ്ങുന്നതും കാണാം.

എങ്ങനെയിത് സാധിക്കുന്നു

കാറ് പറക്കുന്ന സാങ്കേതികവിദ്യ സാധ്യമാക്കുന്നത് സ്പേസ് എക്സ് (SpaceX) വികസിപ്പിച്ച ത്രസ്റ്ററുകൾ ഉപയോഗിച്ചാണ്. പുറത്ത് വരുന്ന റിപ്പോർട്ടുകൾ നൽകുന്ന സൂചന, റോഡ്‌സ്റ്ററിൽ 10 ത്രസ്റ്ററുകൾ ആണ് സജ്ജീകരിച്ചിരിക്കുന്നത്. ഈ ത്രസ്റ്ററുകൾ 600 ലിറ്റർ കംപ്രസ്ഡ് എയറുമായിട്ടാണ് കണക്ട് ചെയ്യുന്നത്. ഈ സംവിധാനം ഉപയോഗിച്ച് കാറിനെ വായുവിലേക്ക് ഉയർത്താനും തലകീഴായി മറിക്കാനും സേഫ് ആയി താഴെ ഇറക്കാനും കഴിയും. സ്പേസ് എക്സ് വികസിപ്പിച്ച കോൾഡ്- ഗ്യാസ് ത്രസ്റ്ററുകൾ ഇവിടെ ഉപയോ​ഗിച്ചരിക്കുന്നത്.

English Summary

Leading global automaker Tesla has unveiled a 'next-level' car capable of driving upside down and even taking flight when needed. The company introduced this futuristic vehicle model at an event held at the SpaceX facility in Texas. Footage of the car ascending a large, curved ramp, flipping upside down, and landing safely has now gone viral on social media.

ഇന്ത്യൻ സ്മാർട്ട്ഫോൺ വിപണിയിലേക്ക് സാംസങ്ങിന്റെ പുതിയ 'ലോവർ മിഡ്-റേഞ്ച്' ഓപ്ഷനായി സാംസങ് ഗാലക്സി F70 5G (Samsung Galaxy F70 5G) ഒക്ടോബർ 18ന് ലോഞ്ച് ചെയ്യും. ഓഗസ്റ്റിൽ 'F70 പ്രോ 5G' പുറത്തിറക്കിയതിന് പിന്നാലെയാണ് ഇപ്പോൾ വീണ്ടും ഗാലക്സി എഫ് സീരീസിൽ ഒരു പുതിയ ഫോൺ എത്തുന്നത് എന്നത് ശ്രദ്ധേയമാണ്. 20000 രൂപയിൽ താഴെ വിലയിലാണ് ഗാലക്സി എഫ്70 5ജി ലോഞ്ച് ചെയ്യുക എന്ന് ഇതിനകം സ്ഥിരീകരിച്ചിട്ടുണ്ട്. ഔദ്യോഗിക ലോഞ്ചിന് മുന്നോടിയായി, ഫോണിന്റെ ഹാർഡ്‌വെയർ ഫീച്ചറുകൾ, ഡിസൈൻ, സോഫ്റ്റ്‌വെയർ മികവ് എന്നിവ വ്യക്തമാക്കുന്ന ടീസറുകൾ കമ്പനി പുറത്തുവിട്ടിട്ടുണ്ട്.

മികച്ച ഡിസ്‌പ്ലേ നിലവാരം, സെഗ്മെന്റിലെ വിലയ്ക്ക് ഉള്ളിൽ നിൽക്കുന്ന മാന്യമായ ക്യാമറ സജ്ജീകരണം, സ്ലിം ഡി​സൈൻ എന്നിവയ്ക്ക് മുൻഗണന നൽകിക്കൊണ്ടാണ് സാംസങ് ഗാലക്സി എഫ്70 5ജി എത്തുന്നത് എന്നാണ് റിപ്പോർട്ട്. 20000 രൂപയിൽ താഴെ വിലയിലാണ് ഇത് എത്തുക എന്ന് ഫ്ലിപ്പ്കാർട്ട് ടീസർ ആണ് ഇതിനകം സ്ഥിരീകരിച്ചത്.

Also Read: ദുരന്തമല്ല, ഇത് ‘5ജി കാ ദുരന്തർ’! താങ്ങാനാകുന്ന വിലയിൽ വാങ്ങാം; ടെക്നോ സ്പാർക്ക് 50s 5G ലോഞ്ച് ചെയ്തു

120Hz റിഫ്രഷ് റേറ്റുള്ള ഫുൾ HD+ സൂപ്പർ AMOLED ഡിസ്‌പ്ലേയാണ് ഗാലക്സി എഫ്70 5ജിയിൽ ഉള്ളത്. ഇത് മികച്ച കോൺട്രാസ്റ്റും സുഗമമായ സ്ക്രോളിംഗ് അനുഭവവും നൽകുന്നു. വീഴ്ചകളിൽ നിന്നും പോറലുകളിൽ നിന്നും സംരക്ഷണം നൽകാനായി, സ്‌ക്രീനിന് മുകളിൽ കോർണിംഗ് ഗൊറില്ല ഗ്ലാസ് വിക്ടസ് (Corning Gorilla Glass Victus) പ്രൊട്ടക്ഷനും ഉണ്ട്.

കോർണിംഗ് ഗൊറില്ല ഗ്ലാസ് വിക്ടസ് പ്രൊട്ടക്ഷൻ ഒരു സ്മാർട്ട്ഫോണിൽ ഉള്ളതിൽ എന്താണ് പ്രത്യേകത എന്ന് ചിലർ സംശയിച്ചേക്കാം. എന്നാൽ വിപണിയിലെ മറ്റ് ഫോണുകളിൽ AMOLED ഡിസ്‌പ്ലേകളും OIS (Optical Image Stabilization) ക്യാമറകളും ലഭ്യമാണെങ്കിലും, 20000 രൂപയ്ക്കുള്ളിൽ FHD+ 120Hz ഡിസ്‌പ്ലേ, ഗോറില്ല ഗ്ലാസ് വിക്ടസ് സുരക്ഷ, ട്രിപ്പിൾ റിയർ ക്യാമറ സെറ്റപ്പ് എന്നിങ്ങനെ നിരവധി ഘടകങ്ങൾ ഒത്തുചേരുന്നു എന്നതാണ് എഫ്70 5ജിയെ മറ്റ് മോഡലുകളിൽ നിന്ന് വേറിട്ടുനിർത്തുന്നത്.

ട്രിപ്പിൾ റിയർ ക്യാമറ സജ്ജീകരണവുമായാണ് ഗാലക്സി എഫ്70 5ജി എത്തുന്നത്. അ‌തിൽ മെയിൻ ക്യാമറ 50MP ആണ്. 5 MP അൾട്രാ-വൈഡ് ലെൻസ്, 2 MP മാക്രോ സെൻസർ എന്നിവയാണ് റിയർ പാനലിലെ മറ്റ് ക്യാമറകൾ. സെൽഫിക്കും മറ്റുമായി സ്‌ക്രീനിന്റെ മുകൾഭാഗത്തുള്ള 'വാട്ടർഡ്രോപ്പ് നോച്ചി'ൽ 13 MP ഫ്രണ്ട് ക്യാമറയും ഉണ്ട്.

സാംസങ്ങിന്റെ സ്വന്തം 'എക്സിനോസ് 1330' ഒക്ടാ-കോർ പ്രോസസറാണ് ഗാലക്സി F70 5ജിയുടെ കരുത്ത്. 4 ഒഎസ് അപ്‌ഗ്രേഡുകളും 5 വർഷത്തെ സുരക്ഷാ പാച്ചുകളും ഈ മോഡലിന് ലഭ്യമാകുമെന്നതും സാംസങ് സ്ഥിരീകരിച്ചിട്ടുണ്ട്. 25W വയർഡ് ഫാസ്റ്റ് ചാർജിംഗ് പിന്തുണയോടെ 5,000 mAh ബാറ്ററിയും ഇതിലുണ്ട്.

7.5 mm കനമുള്ള, സ്ലിം ഡിസൈനാണ് ഗാലക്സി F70 5G-യുടേത്. ലൈലാക് ബ്ലിസ്, ബ്ലിസ് ബ്ലാക്ക് എന്നിങ്ങനെ രണ്ട് ഓപ്ഷനുകളിൽ ഈ ഫോൺ വാങ്ങാനാകും. ഒക്ടോബർ 18ലെ ലോഞ്ചിന് ശേഷം ഫ്ലിപ്കാർട്ട്, സാംസങ്ങിന്റെ ഔദ്യോഗിക ചാനലുകൾ എന്നിവ വഴി സാംസങ് ഗാലക്‌സി F70 5G ഇന്ത്യയിൽ വിൽപ്പനയ്ക്ക് എത്തും. റിയൽമി, റെഡ്മി, മോട്ടോറോള തുടങ്ങിയ ബ്രാൻഡുകളുടെ 20000 രൂപയിൽ താഴെ വിലയുള്ള 5ജി സ്മാർട്ട്ഫോണുകളുമായാണ് ഈ സാംസങ് ഫോൺ ഏറ്റുമുട്ടുക.

English summary

The Samsung Galaxy F70 5G will be launched on October 18 as Samsung's new 'lower mid-range' option for the Indian smartphone market. It is noteworthy that after the launch of the 'F70 Pro 5G' in August, a new phone is coming to the Galaxy F series.

ഇലക്ട്രിക് വാഹനങ്ങൾക്ക് മുൻപ് എങ്ങും ഇല്ലാത്ത വിധം സ്വീകാര്യത ലഭിക്കുന്ന സമയമാണ് ഇത്. സാധാരണക്കാർ ഉൾപ്പെടെ ഇന്ന് ഇലക്ട്രിക് വാഹനങ്ങളിലേക്ക് പതിയെ മാറിക്കൊണ്ടിരിക്കുകയാണ്. എന്നാൽ കാറുകളുടെ കാര്യത്തിൽ നിലവിൽ ഇന്ത്യൻ വിപണിയിൽ ബഡ്ജറ്റ് ഇലക്ട്രിക് ഓപ്ഷനുകൾ വളരെ കുറവാണ്. ഇപ്പോഴുള്ള ബഡ്ജറ്റ് വാഹനങ്ങളിൽ ഏകദേശം 10 ലക്ഷം രൂപ വിലയിൽ സ്വന്തമാക്കാൻ കഴിയുന്ന കാർ മോഡലുകൾ ഏതൊക്കെയെന്ന് നോക്കാം.

ടാറ്റ ടിയാഗോ ഇ.വി - Tiago EV

ഇന്ന് ഇന്ത്യൻ ഇലക്ട്രിക് വാഹന വിപണിയിൽ മുൻപന്തിയിൽ നിൽക്കുന്ന ബ്രാൻഡ് ആണ് ടാറ്റ. കമ്പനിയുടെ ഏറ്റവും കുറഞ്ഞ വിലയിൽ ലഭ്യമാകുന്ന ഇലക്ട്രിക് മോഡൽ ആണ് ടിയാഗോ ഇ.വി. ത്യാഗോയുടെ വില ആരംഭിക്കുന്നത് ഏകദേശം 7 ലക്ഷം രൂപ മുതലാണ്. ബാറ്ററി അസ് എ സർവീസ് വഴിയാണെങ്കിൽ 4.6 9 ലക്ഷം രൂപ മുതൽ ഈ വാഹനം സ്വന്തമാക്കാം. 255 കിലോമീറ്റർ ആണ് വാഗ്ദാനം ചെയ്യുന്ന മൈലേജ്.

Also Read: ഞെട്ടാൻ റെഡിയായിക്കോ! ഇലക്ട്രിക് എസ്.യു.വിയുമായി ഹോണ്ട, ലോഞ്ച് ഡിസംബറിൽ

എം.ജി കോമറ്റ് - MG Comet

10 ലക്ഷം രൂപയിൽ താഴെ വില വരുന്ന എംജിയുടെ ബഡ്ജറ്റ് ഇലക്ട്രിക് വാഹനമാണ് കോമറ്റ്. നാലുപേർക്ക് സുഖമായി യാത്ര ചെയ്യാൻ കഴിയുന്ന ഈ മോഡൽ രൂപം കൊണ്ട് ഏറെ ശ്രദ്ധ പിടിച്ചു പറ്റിയിട്ടുണ്ട്. അധിക ദൂരം യാത്രയില്ലാത്ത നാലു പേര് അടങ്ങുന്ന ഒരു കുടുംബത്തിന് പരിഗണിക്കാൻ കഴിയുന്ന ബജറ്റ് മോഡലാണിത്. എന്നാൽ പലരും ഇപ്പോൾ ഈ മോഡലിനെ ഒരു സിറ്റി കാർ എന്ന നിലയിലാണ് സ്വന്തമാക്കുന്നത്. 7.89 ലക്ഷം രൂപ മുതലാണ് വാഹനത്തിന്റെ വില ആരംഭിക്കുന്നത്. 230 കിലോമീറ്റർ ആണ് വാഹനത്തിന് കിലോമീറ്റർ റേഞ്ച് ലഭിക്കുക.

ടാറ്റ പഞ്ച് ഇ.വി - Tata Punch EV

ഏറ്റവും കൂടുതൽ വിൽക്കപ്പെടുന്ന ടാറ്റയുടെ ഇലക്ട്രിക് മോഡലാണ് പഞ്ച് ഇ. വി. കോംപാക്റ്റ് എസ്.യു.വി സെഗ്മെന്റിൽ ഉൾപ്പെടുന്ന ഈ വാഹനം വിപണിയിലെത്തിയ അന്നുമുതൽ മികച്ച ഡിമാൻഡുമായി മുന്നേറുകയാണ്. 6.4 9 ലക്ഷം രൂപയ്ക്ക് ബാറ്ററി അസ് എ സർവീസ് എന്ന ഓപ്‌ഷനിലും നോർമൽ വേരിയന്റ് 9.69 ലക്ഷം രൂപ എക്സ് ഷോറൂം വിലകളിലും സ്വന്തമാക്കാം. ഫുൾ ചാർജിൽ 468 കിലോമീറ്റർ ആണ് പഞ്ചിന് ലഭിക്കുക.

English Summary

Currently, there are very few budget electric vehicle options in the Indian market. Let’s take a look at the available budget car models that can be purchased for around 10 lakh.

അങ്ങനെ ഇന്ത്യൻ ഇലക്ട്രിക് കാർ വിപണിയിലേക്ക് പുതിയൊരു മോഡൽ കൂടി എത്തുകയാണ്. ഇന്ത്യയിലെ മുൻനിര വാഹന ബ്രാൻഡ് ആയ ഹോണ്ടയാണ് പുതിയൊരു ഇലക്ട്രിക് എസ്‌യുവിയെ ഇന്ത്യൻ മാർക്കറ്റിൽ അവതരിപ്പിക്കാൻ ഒരുങ്ങുന്നത്. ഈ വരുന്ന ഡിസംബർ രണ്ടിന് തങ്ങളുടെ പുതിയ ഇലക്ട്രിക് എസ് യു വിയായ 0 ആൽഫയെ Honda 0 Alpha Electric SUV വിപണിയിൽ എത്തിക്കുമെന്ന് കമ്പനി തന്നെ സ്ഥിരീകരിച്ചിരിക്കുകയാണ് ഇപ്പോൾ. 2025 ൽ ജപ്പാനിൽ നടന്ന മൊബിലിറ്റി ഷോയിൽ ആണ് ആൽഫ 0 യുടെ പ്രോട്ടോ ടൈപ്പിനെ കമ്പനി ആദ്യമായി അവതരിപ്പിക്കുന്നത്. തുടർന്ന് അങ്ങോട്ട് നിരവധി പരീക്ഷണ ഘട്ടങ്ങളിലൂടെ കടന്നുപോയതിനു ശേഷമാണ് ഇപ്പോൾ ഇന്ത്യയിൽ വാഹനം ലോഞ്ചിന് എത്തുന്നത്.

ഫ്യൂച്ചറസ്റ്റിക് ഡിസൈൻ

ഡിസൈൻ കൊണ്ട് തന്നെ ആൽഫ 0 ഏവരെയും ആകർഷിക്കുന്ന വാഹനമാണ്. ബോക്സി രൂപത്തെയും ഫ്ലോട്ടിങ് ശൈലിയെയും സമന്വയിപ്പിച്ചു കൊണ്ടാണ് വാഹനത്തെ കമ്പനി രൂപകല്പന ചെയ്തിരിക്കുന്നത്. മുൻഭാഗത്ത് സീ ടൈപ്പ് ഹെഡ് ലാമ്പുകളാണ് നൽകിയിട്ടുള്ളത്. ഇരുവശങ്ങളിലേയും ലൈറ്റുകളെ മുകളിൽ ഒരു സ്ട്രിപ്പിലൂടെ ബന്ധിപ്പിക്കുന്നുമുണ്ട്. മുൻ ഭാഗത്തുനിന്ന് നോക്കുമ്പോൾ തന്നെ വാഹനത്തിന് ഒരു ഗാംഭീര്യം തോന്നും. അല്പം പുറത്തേക്ക് തള്ളി നിൽക്കുന്ന ബംമ്പറുകളും വീൽ ആർച്ചും വാഹനത്തിന് അല്പം റിജിഡ് രൂപം നൽകുന്നുണ്ട്. മികച്ച ഗ്രൗണ്ട് ക്ലിയറൻസും തോന്നുന്നു.

Also Read: ഇന്ത്യൻ വിപണിയിലെ കൈയ്യിലൊതുങ്ങുന്ന വിലയുള്ള 7 സീറ്റർ മോഡലുകൾ

ടെയിൽ ഭാഗം

പിൻഭാഗത്ത് വിശാലമായ വിൻഡ് സ്ക്രീൻ ഏരിയയാണ് നൽകിയിരിക്കുന്നത്. വാഹനത്തിന്റെ ബോഡിയിൽ നിന്ന് ഒരല്പം പുറകോട്ട് തള്ളിയ രീതിയിലാണ് ടൈൽ ഭാഗം ഉള്ളത്. ഇതിനു ചുറ്റും ഒരു സ്ട്രിപ്പ് പോലെയാണ് ബ്രേക്ക് ലൈറ്റും ഇൻഡിക്കേറ്ററും എല്ലാം ഉൾക്കൊള്ളിച്ചിരിക്കുന്നത്. അതിനോടനുബന്ധമായി തന്നെ റൂഫ് മൗണ്ട് സ്പോയിലറും ക്രമീകരിച്ചിരിക്കുന്നു. ഇതുവരെ ഇന്ത്യൻ വാഹന വിപണിയിൽ അധികം കണ്ടിട്ടില്ലാത്ത ഡിസൈൻ ശൈലി ആണ് ഇത്.

ഇന്റീരിയർ

ഇന്റീരിയറിൽ ലാൻഡ്സ്കേപ്പ് രീതിയിൽ അറേഞ്ച് ചെയ്തിട്ടുള്ള ടച്ച് സ്ക്രീൻ ഡിസ്പ്ലേ ഉണ്ടാകും എന്നുള്ളത് ഏതാണ്ട് ഉറപ്പാണ്. ഡാഷ്ബോർഡിനോട് ഇന്റഗ്രേറ്റ് ചെയ്ത രീതിയിൽ ആകും ഈ സ്ക്രീൻ ക്രമീകരിക്കുക എന്നാണ് റിപ്പോർട്ടുകൾ. ഇന്ത്യൻ വിപണിയിൽ എത്തിയാൽ പ്രധാനമായും ഹ്യുണ്ടായിയുടെ ക്രെറ്റ ഇലക്ട്രിക്, ടാറ്റയുടെ സിയറ ഇ.വി, മഹീന്ദ്ര BE 6 എന്നെ മോഡലുകളും ആയിട്ടായിരിക്കും നേരിട്ട് ആൽഫ 0 മത്സരിക്കുക.

Emglish Summary

Yet another new model is set to enter the Indian electric car market. Honda, a leading automotive brand in India, is preparing to introduce a new electric SUV to the Indian market. The company has now confirmed that it will launch its new electric SUV, the 0 Alpha, on December 2nd.

റെഡ്മാജിക് സ്മാർട്ട്ഫോൺ നിരയിലേക്ക് റെഡ്മാജിക് 12 പ്രോ പ്ലസ് മോഡൽ (REDMAGIC 12 Pro+) ചൈനയിൽ ഔദ്യോഗികമായി ​ ലോഞ്ച് ചെയ്തു. ശക്തമായ ഫീച്ചറുകൾ അ‌ടങ്ങുന്ന സ്മാർട്ട്ഫോണുകൾ അ‌വതരിപ്പിക്കപ്പെടുമ്പോൾ അ‌വയിലെ ഫീച്ചറുകൾ ആ ഫോണിന്റെ ഒരു ശക്തിപ്രകടനം ആകാറുണ്ട്. അ‌തുപോലെ റെഡ്മാജിക് 12 പ്രോ പ്ലസ് ലോഞ്ച് ഒരു പവർ ഷോ തന്നെയാണ്, കാരണം 6.85 ഇഞ്ച് 1.5K 185Hz OLED ഡിസ്‌പ്ലേ, സ്‌നാപ്ഡ്രാഗൺ 8 എലൈറ്റ് എക്‌സ്ട്രീം ജെൻ 6 പ്രോസസർ, എയർ + ലിക്വിഡ് കൂളിംഗ്, 8400mAh ബാറ്ററി തുടങ്ങിയ ഫീച്ചറുകൾ ഇതിൽ അ‌ണിനിരക്കുന്നു. ഈ കരുത്തൻ ഫോണിനൊപ്പം, 24GB റാം+ 1TB സ്റ്റോറേജ് എന്ന വമ്പൻ കോംബിനേഷനിൽ റെഡ്മാജിക് 12 പ്രോ പ്ലസ് ഗോൾഡൻ സാഗാ ലിമിറ്റഡ് എഡിഷനും (REGMAGIC 12 PRO+ GOLDEN SAGA) ലോഞ്ച് ചെയ്തിട്ടുണ്ട്.

റെഡ്മാജിക്കിന്റെ സ്ഥിരം 'മെക്ക' (mecha) സ്റ്റൈൽ ഡിസൈനും ട്രാൻസ്പരന്റ് ബാക്ക് പാനലും പുതിയ മോഡലിലും നിലനിർത്തിയിരിക്കുന്നു. റിയർ പാനലിൽ ഡ്യുവൽ-റിംഗ് വാട്ടർ കൂളിംഗ് സംവിധാനവും അതിനു നടുവിലായി RGB ലൈറ്റ് റിംഗും കാണാം. 'ഡ്യൂട്ടീരിയം ട്രാൻസ്‌പരന്റ് നൈറ്റ്', 'ഡ്യൂട്ടീരിയം ട്രാൻസ്‌പരന്റ് സിൽവർ വിംഗ്', 'ഡ്യൂട്ടീരിയം ട്രാൻസ്‌പരന്റ് ഐസ് ബ്ലൂ' എന്നിങ്ങനെ മൂന്ന് കളർ ഓപ്ഷനുകളിൽ ആണ് ഇത് എത്തിയിരിക്കുന്നത്.

Also Raed: സാധാരണക്കാർക്കായി ​ചെലവ് ചുരുക്കി ഒരു 5G ഫോൺ; ഐടെൽ സിറ്റി 300 5G ഇന്ത്യയിൽ ലോഞ്ച് ചെയ്തു

പ്രധാന ഫീച്ചറുകൾ

6.85 ഇഞ്ച് (2688×1216 പിക്സലുകൾ) 1.5K OLED BOE X10 ഡിസ്‌പ്ലേ; 185Hz റിഫ്രഷ് റേറ്റ്, 960Hz വരെ ടച്ച് സാംപ്ലിംഗ് റേറ്റ്, 10-ബിറ്റ് കളർ ഡെപ്ത്, 100% DCI-P3 കളർ ഗാമറ്റ്, 2000 നിറ്റ്‌സ് വരെ പീക്ക് ബ്രൈറ്റ്‌നസ്, DC ഡിമ്മിംഗ്, 2592Hz PWM ഡിമ്മിംഗ് എന്നിവയാണ് ഡിസ്പ്ലേയുമായി ബന്ധപ്പെട്ട പ്രധാന ഫീച്ചറുകൾ.

ഒക്ടാ കോർ സ്നാപ്ഡ്രാഗൺ 8 എ​ലൈറ്റ് എക്സ്ട്രീം ജെൻ 6 2nm പ്രോസസർ ആണ് ഈ ഫോണിന്റെ കരുത്ത്. അ‌ഡ്രിനോ 850 ജിപിയു, റെഡ് കോർ R5 കോ പ്രോസസർ എന്നിവ ഇതോടൊപ്പം എത്തുന്നു. കൂടാതെ, 12GB / 16GB LPDDR5T റാം, 256GB / 512GB / 1TB (UFS 4.1) സ്റ്റോറേജ് എന്നിവയുമുണ്ട്.

50MP മെയിൻ ക്യാമറ (1/1.55″ സെൻസർ, f/1.88 അപ്പേർച്ചറും OIS), 50MP 120-ഡിഗ്രി അൾട്രാ-വൈഡ് ലെൻസ് ( f/2.2 അപ്പേർച്ചർ) എന്നിവ അ‌ടങ്ങുന്ന റിയർ ക്യാമറ സജ്ജീകരണവും ഡിസ്‌പ്ലേയ്ക്ക് താഴെയായി 16MP OmniVision ഫ്രണ്ട് ക്യാമറയും ഉണ്ട്. ആൻഡ്രോയിഡ് 17 അ‌ടിസ്ഥാനമാക്കിയുള്ള റെഡ്മാജിക് ഒഎസ് 12-ൽ ആണ് പ്രവർത്തനം.

3.5mm ഓഡിയോ ജാക്ക്, ഡ്യുവൽ 1115E സ്പീക്കറുകൾ, മൂന്ന് മൈക്കുകൾ, IPX8 റേറ്റിങ്, ഡ്യുവൽ സിം (നാനോ + നാനോ) 5G NSA/SA, ഡ്യുവൽ 4G VoLTE, 8400mAh ബാറ്ററി, 120W ഫാസ്റ്റ് ചാർജിംഗ്, 80W വയർലെസ് ചാർജിംഗ് എന്നിവയാണ് മറ്റ് പ്രധാന ഫീച്ചറുകൾ.

വിലയും ലഭ്യതയും

റെഡ്മാജിക് 12 പ്രോ പ്ലസിന്റെ 12GB+256GB വേരിയന്റിന് 6999 യുവാൻ (ഏകദേശം 99,395 രൂപ), 16GB+512GB വേരിയന്റിന് 7999 യുവാൻ (ഏകദേശം 1,13,595 രൂപ), 16GB+1TB വേരിയന്റിന് 8999 യുവാൻ (ഏകദേശം 1,27,795 രൂപ) എന്നിങ്ങനെയാണ് വില. ഇതിന്റെ ലിമിറ്റഡ് എഡിഷൻ പിന്നീട് ആണ് വിൽപ്പന ആരംഭിക്കുക.

English Summary

The RedMagic 12 Pro Plus model has been officially launched as part of the RedMagic smartphone lineup. It features a 6.85-inch 1.5K 185Hz OLED display, a Snapdragon 8 Elite Extreme Gen 6 processor, an air-and-liquid cooling system, and an 8400mAh battery.

ഇന്ത്യൻ വാഹന വിപണിയിൽ ഒഴിച്ചുകൂടാൻ ആവാത്ത ഒരു സെഗ്മെന്റ് ആണ് സെവൻ സീറ്ററുകൾ. അതിൽ തന്നെ ബഡ്ജറ്റ് സെവൻ സീറ്റർ വാഹനങ്ങൾക്ക് വലിയ ആവശ്യകതയാണ് ഉള്ളത്. അഞ്ചിൽ കൂടുതൽ അംഗങ്ങളുള്ള ഒരു സാധാരണ കുടുംബത്തെ സംബന്ധിച്ചിടത്തോളം വലിയ വില കൊടുത്ത് സെവൻ സീറ്റർ വാഹനങ്ങൾ സ്വന്തമാക്കുക ബുദ്ധിമുട്ടാണ്. എന്നാൽ ഇന്ത്യൻ വിപണിയിൽ സാധാരണക്കാർക്ക് കൂടി താങ്ങാൻ കഴിയുന്ന വിലയിൽ കുറച്ച് സെവൻ സീറ്റർ മോഡലുകൾ ഉണ്ട്. അത്തരത്തിൽ പരിഗണിക്കാൻ കഴിയുന്ന നാല് മോഡലുകളെ ഒന്ന് പരിചയപ്പെടാം.

മാരുതി സുസുക്കി എർട്ടിഗ : 8.9 ആക്ഷൻ രൂപ മുതലാണ് വാഹനത്തിന്റെ എക്സ് ഷോറൂം വില ആരംഭിക്കുന്നത്. മാരുതിയുടെ ഏറ്റവും ജനകീയമായ സെവൻ സീറ്റർ മോഡലും ഇതാണ്. 1462 സിസി എൻജിനാണ് വാഹനത്തിൽ വരുന്നത്. സിഎൻജി ഓപ്ഷനിലും ഈ വാഹനം സ്വന്തമാക്കാൻ കഴിയും. ഇന്ന് ടാക്സി സെഗ്മെന്റിലും ഏറ്റവും കൂടുതൽ പരിഗണിക്കപ്പെടുന്ന മോഡൽ കൂടിയാണ് എർട്ടിഗ.

മഹീന്ദ്ര ബൊലേറോ : വർഷങ്ങളായി ഇന്ത്യൻ വിപണിയിൽ നിറസാന്നിധ്യമായി തുടരുന്ന മഹീന്ദ്രയുടെ സെവൻ സീറ്റർ മോഡലാണ് ബൊലേറോ. 8.57 ലക്ഷം രൂപ മുതൽ 9.99 ലക്ഷം രൂപ വരെയാണ് ഈ വാഹനത്തിന്റെ എക്സ് ഷോറൂം വില വരുന്നത്. വിപണിയിലുള്ള മറ്റ് സെവൻ സീറ്റർ മോഡലുകളെ അപേക്ഷിച്ച് ഇതൊരു എസ്‌യുവി കൂടി ആണ് എന്നുള്ളതാണ് പ്രധാന സവിശേഷത. ഡീസൽ വാഹനം കൂടിയാണ് ഇത്.

Also Read: ഡസ്റ്ററിലും നിർത്തുന്നില്ല, പുതിയ സെവൻ സീറ്ററിനെ കൂടി ഇറക്കാൻ റെനോ

റെനോ ട്രൈബർ : ഇന്ത്യൻ വിപണിയിലെ ഏറ്റവും കുറഞ്ഞ വിലയിൽ ലഭ്യമാകുന്ന സെവൻ സീറ്റർ മോഡൽ ആണ് റെനോയുടെ ട്രൈബർ. സെവൻ സീറ്റർ ഓപ്ഷന് പുറമെ 5 സീറ്റർ ഓപ്ഷനിലും വാഹനം സ്വന്തമാക്കാം. ഏകദേശം 5.8 8 ലക്ഷം രൂപ മുതലാണ് റെനോ ട്രൈബറിന്റെ എക്സ് ഷോറൂം വില ആരംഭിക്കുന്നത്. ഈ അടുത്ത് ആണ് കമ്പനി ടർബോ ചാർജ്ഡ് എൻജിൻ ഓപ്ഷനിൽ വാഹനത്തെ പുതുക്കി അവതരിപ്പിച്ചത്. 21 കിലോമീറ്റർ ആണ് വാഹനത്തിന് കമ്പനി വാഗ്ദാനം ചെയ്യുന്ന മൈലേജ്.

മഹീന്ദ്ര ബൊലെറോ നീയോ: ഏകദേശം 10 ലക്ഷം രൂപ മുതലാണ് ഈ വാഹനത്തിന്റെ എക്സ് ഷോറൂം വില തുടങ്ങുന്നത്. എംഹോക്ക്100 ഡീസൽ എൻജിനാണ് ഈ വാഹനത്തിന് കരുത്തേകുന്നത്. സാധാരണ ബൊലേറോയുടെ റിജിഡ് ലുക്കിൽ നിന്ന് വ്യത്യസ്തമായ ഡിസൈനാണ് ഈ വാഹനത്തിനുള്ളത്.

English Summary

For an average family with more than five members, purchasing a seven-seater vehicle at a high price can be difficult. However, the Indian market offers a few seven-seater models at prices that are affordable for the common person. Let us take a look at four such models worth considering.

ഇന്ത്യൻ വിപണിയിൽ വൻ തിരിച്ചു തിരിച്ചുവരവാണ് റെനോ അടുത്തിടെ നടത്തിയത്. ഡസ്റ്റർ എന്ന മോഡലിനെ കൂടുതൽ ആകർഷകമാക്കി വിപണിയിൽ വീണ്ടും അവതരിപ്പിച്ചു കൊണ്ടാണ് റെനോ ഇന്ത്യൻ വാഹന വിപണിയിൽ തങ്ങളുടെ സാന്നിധ്യം ഒന്നുകൂടി ഉറപ്പിച്ചത്. ഇപ്പോഴിതാ പുതിയൊരു മോഡലിനെ കൂടി വിപണിയിൽ എത്തിച്ച് പരമാവധി ഉപഭോക്താക്കളിലേക്ക് എത്താൻ തയ്യാറെടുക്കുകയാണ് കമ്പനി. പുതിയ സെവൻ സീറ്റർ വാഹനത്തെയാണ് കമ്പനി വിപണിയിൽ എത്തിക്കാൻ ഒരുങ്ങുന്നത് എന്നാണ് വിവരം. ഡാസിയയുടെ ബിഗ് ബസ്റ്റർ എന്ന എസ്.യു.വി മോഡൽ റെനോ ബ്രാൻഡിന് കീഴിൽ ഇന്ത്യയിൽ അവതരിപ്പിക്കുമെന്നാണ് വാഹന ലോകത്ത് പ്രചരിക്കുന്ന അഭ്യുഹങ്ങൾ.

ഈ റിപ്പോർട്ടുകൾ ശരിയായി വരികയാണെങ്കിൽ ഇന്ത്യൻ വിപണിയിൽ പുതിയൊരു പോർമുഖത്തിനാകും റെനോ വഴി തുറക്കുക. ഇതിനോടകം തന്നെ യൂറോപ്യൻ വിപണിയിൽ ശ്രദ്ധ നേടിയ മോഡലാണ് ബിഗ്സ്റ്റർ. 2026 ലെ പാരിസ് ഓട്ടോ ഷോയിൽ ആണ് ഡാസിയ ബിഗ്സ്റ്ററിനെ കമ്പനി അവതരിപ്പിച്ചത്. നിലവിലുള്ള റെനോ ഡസ്റ്ററിനേക്കാൾ വലിപ്പമുള്ള വാഹനമാണ് ഇത്. എന്നുവച്ചാൽ ഡസ്റ്ററിനേക്കാൾ മുകളിൽ ആയിരിക്കും ഈ വാഹനത്തിന്റെ പൊസിഷൻ വരിക. ടർബോ പെട്രോളിന് ഒപ്പം സ്ട്രോങ്ങ് ഹൈബ്രിഡ് പവർ ട്രെയിനിലും ഈ വാഹനം ഇന്ത്യയിൽ അവതരിപ്പിക്കപ്പെട്ടേക്കാം. ഇതുവരെ കമ്പനി ഇത് സംബന്ധിച്ച് അപ്ഡേറ്റുകൾ ഒന്നും ഔദ്യോഗികമായി പുറത്തുവിട്ടിട്ടില്ല.

Also Read: ലെക്സസ് സ്റ്റൈൽ! പുത്തൻ ഗ്ലാൻസയെ അവതരിപ്പിച്ച് ടൊയോട്ട, വില 6.99 ലക്ഷം മുതൽ

1.3 ലിറ്റർ ടർബോ പെട്രോൾ എൻജിനും 1.8 ലിറ്റർ സ്ട്രോങ്ങ് ഹൈബ്രിഡ് ഓപ്ഷനും ആയിരിക്കും വാഹനത്തിൽ വരിക എന്നാണ് വിവരം. ഹൈബ്രിഡ് പവർട്രെയിനിൽ ഉപയോഗിക്കുന്ന അതേ സാങ്കേതികവിദ്യ തന്നെ ഈ വാഹനത്തിലും ആവർത്തിക്കാനാണ് സാധ്യത കാണുന്നത്. ഡസ്റ്ററിനേക്കാൾ ഏകദേശം 230 mm നീളമാണ് ബിഗ്സ്റ്ററിന് ഉള്ളത്. വീൽ ബേസിലും 45 മില്ലിമീറ്ററിന്റെ കൂടുതലുണ്ട്. നിലവിലുള്ള യൂറോപ്യൻ മോഡലിന്റെ ഡിസൈൻ ഇന്ത്യൻ രീതിയിലേക്ക് മാറ്റിയാകും എന്തായാലും കൊണ്ടുവരിക.

മൂന്നുനിരക്കിളിലായി ഏഴുപേർക്ക് യാത്ര ചെയ്യാവുന്ന രീതിയിൽ ആകും വാഹനത്തിന്റെ സീറ്റിംഗ് ലേ ഔട്ട് വരിക. എന്നാൽ ക്യാബിന്റെ ഡിസൈൻ ഡസ്റ്ററിന്റെ സമാനമാകാൻ ആണ് വഴി. ഡബിൾ ടോൺ ക്ലൈമറ്റ് കൺട്രോൾ, വയർലെസ് ചാർജിങ്, വെന്റിലേറ്റഡ് സീറ്റുകൾ എന്നീ സൗകര്യങ്ങൾ ഈ മോഡലിൽ പ്രതീക്ഷിക്കുന്നുണ്ട്. ഇന്ത്യൻ വിപണിയിൽ എത്തുമ്പോൾ പ്രധാനമായും മഹീന്ദ്രയുടെ എക്സ്യുവി 7എക്സ്ഒ, ഹ്യുണ്ടായി അൽകാസർ, എംജി ഹെക്ടർ തുടങ്ങിയ മോഡലുകളുമായിട്ടാകും ബിഗ്സ്റ്റർ നേരിട്ട് മത്സരിക്കുക.

English Summary

Renault has recently made a strong comeback in the Indian market. The company reaffirmed its presence by reintroducing the Duster model with enhanced appeal. Now, it is preparing to reach a wider customer base by launching yet another new model.

ഇപ്പോൾ ഇന്ത്യയിൽ ലഭ്യമായിട്ടുള്ള ഓപ്പോയുടെ ഏറ്റവും മികച്ച പ്രീമിയം മോഡലുകളിൽ ഒന്നായ ഓപ്പോ ​ഫൈൻഡ് X9 അ‌ൾട്രയ്ക്ക് ആമസോൺ ഗ്രേറ്റ് ഇന്ത്യൻ ഫെസ്റ്റിവൽ സെയിലിൽ 17000 രൂപ ബാങ്ക് ഡിസ്കൗണ്ട് കിട്ടും. ഈ വർഷം മേയിൽ ഓപ്പോ ഇന്ത്യയിൽ അ‌വതരിപ്പിച്ച സ്മാർട്ട്ഫോൺ ആണ് ഇത്. പുതിയ ഓപ്പോ ​ഫൈൻഡ് x10 പ്രോ മാക്സ് അ‌ടങ്ങുന്ന ഓപ്പോ ​ഫൈൻഡ് x10 സീരീസ് ഈ മാസം 22ന് ഇന്ത്യയിൽ ലോഞ്ച് ചെയ്യാനിരിക്കെയാണ് ഫൈൻഡ് X9 അ‌ൾട്ര വമ്പൻ വിലക്കുറവിൽ ആമസോണിൽ വാങ്ങാൻ ലഭ്യമായിരിക്കുന്നത് എന്നതാണ് ഏറെ ശ്രദ്ധേയം.

​ഈ വർഷം മേയിൽ ലോഞ്ച് ചെയ്യുമ്പോൾ ഓപ്പോ ​ഫൈൻഡ് x9 അ‌ൾട്ര 12GB + 512GB മോഡലിന് 1,69,999 രൂപയായിരുന്നു വില. ഇപ്പോഴും ഇതേ വിലയിൽ തന്നെയാണ് ഇത് ആമസോണിൽ ലിസ്റ്റ് ചെയ്തിരിക്കുന്നത്. പല സ്മാർട്ട്ഫോണുകൾക്കും ലോഞ്ചിന് ശേഷം വലിയ തോതിൽ വില വർധിച്ചു. എന്നാലിവിടെ ലോഞ്ച് വിലയിൽ തന്നെ ​ഫൈൻഡ് x9 അ‌ൾട്ര ലിസ്റ്റ് ചെയ്തിരിക്കുന്നു എന്നത് തന്നെ വലിയ കാര്യമാണ്.

Also Raed: ട്രിപ്പിൾ 200MP ക്യാമറയുമായിട്ടാണ് വരവ്! ഓപ്പോ ​ഫൈൻഡ് X10 സീരീസ് ഒക്ടോബർ 22ന് ഇന്ത്യയിൽ ലോഞ്ച് ചെയ്യും

ലോഞ്ച് വിലയിൽ ലിസ്റ്റ് ചെയ്തിരിക്കുന്നതിന് പുറമേ 17000 രൂപ ബാങ്ക് ഡിസ്കൗണ്ടും ലഭ്യമായിരിക്കുന്നതിനാൽ ഈ ​ഫൈൻഡ് x9 അ‌ൾട്ര ഇപ്പോൾ 152999 രൂപ വിലയിൽ സ്വന്തമാക്കാം. ഒരു മികച്ച പ്രീമിയം സ്മാർട്ട്ഫോൺ തേടുന്നവർക്ക് ഈ ഡീൽ പരിഗണിക്കാവുന്നതാണ്. ക്യാമറ ഫോണായി മാറിയതോ എന്ന് അ‌തിശയിക്കാവുന്ന വിധത്തിൽ, ഹാസൽബ്ലാഡ് പിന്തുണയുള്ള രണ്ട് 200MP ക്യാമറ അ‌ടങ്ങുന്ന ശക്തമായ റിയർ ക്യാമറ സജ്ജീകരണം ഈ ഓപ്പോ ഫോണിലുണ്ട്.

പ്രധാന ഫീച്ചറുകൾ

6.82 ഇഞ്ച് (3168 × 1440 പിക്സൽ) ക്വാഡ് HD+ 144Hz LTPO AMOLED ഡിസ്‌പ്ലേ, PWM ഡിമ്മിംഗ്, ഡോൾബി വിഷൻ, കോർണിംഗ് ഗോറില്ല ഗ്ലാസ് വിക്ടസ് 2 പ്രൊട്ടക്ഷൻ എന്നിവ ഇതിലുണ്ട്. ഒക്ടാ-കോർ സ്നാപ്ഡ്രാഗൺ 8 എലൈറ്റ് ജെൻ 5 3nm പ്രോസസർ ആണ് ഈ പ്രീമിയം ഫോണിന്റെ കരുത്ത്. അ‌ഡ്രിനോ 840 ജിപിയുവും ഇതോടൊപ്പം എത്തുന്നു.

200MP മെയിൻ ക്യാമറ (സോണി ലിറ്റിയ-901 സെൻസർ, OIS, 10-bit HDR, f/1.5 അപ്പേർച്ചർ), 50MP 120° അൾട്രാ-വൈഡ് ക്യാമറ (1/1.95″ Sony LYT-600 സെൻസർ, ƒ/2.0 അപ്പേർച്ചർ), 200MP 3X ടെലിഫോട്ടോ ക്യാമറ (OmniVision OV52A സെൻസർ, f/2.2 അപ്പേർച്ചർ), 50MP സാംസങ് JNL 10x പെരിസ്‌കോപ്പ് ടെലിഫോട്ടോ ക്യാമറ (OIS, f/3.5 അപ്പേർച്ചർ, 120X വരെ ഡിജിറ്റൽ സൂം, 8K 30fps/4K 120fps വീഡിയോ റെക്കോർഡിംഗ്), 3.2MP മോണോക്രോം സെൻസർ (f/2.4 അപ്പേർച്ചർ) എന്നിവ ഇതിന്റെ റിയർ ക്യാമറ സജ്ജീകരണത്തിൽ ഉണ്ട്.

സെൽഫിക്കും വീഡിയോ കോളുകൾക്കുമായി സാംസങ് JN5 സെൻസറുള്ള 50MP ഫ്രണ്ട് ക്യാമറയും (f/2.4 അപ്പേർച്ചർ, 4K 60fps വരെ വീഡിയോ റെക്കോർഡിംഗ്) ഉണ്ട്. ആൻഡ്രോയിഡ് 16 അ‌ടിസ്ഥാനമാക്കിയുള്ള ColorOS 16-ൽ ആണ് പ്രവർത്തനം. 12GB LPDDR5X റാം, 512GB UFS 4.1 സ്റ്റോറേജ് എന്നിവയും ഇതിലുണ്ട്.

ഇൻ-ഡിസ്‌പ്ലേ 3D അൾട്രാസോണിക് ഫിംഗർപ്രിന്റ് സെൻസർ, IP68+ IP69 റേറ്റിങ്, USB Type-C ഓഡിയോ, സ്റ്റീരിയോ സ്പീക്കറുകൾ, ഡോൾബി അറ്റ്‌മോസ്, 5G SA/NSA, 7050mAh ബാറ്ററി, 100W SuperVOOC ഫാസ്റ്റ് ചാർജിംഗ്, 50W വയർലെസ് ചാർജിംഗ് പിന്തുണ എന്നിവയാണ് മറ്റ് പ്രധാന ഫീച്ചറുകൾ.

English Summary

The Oppo Find X9 Ultra is available with a bank discount of Rs 17,000 during the Amazon Great Indian Festival sale. This smartphone was originally launched in India by Oppo in May of this year. The Find X9 Ultra is now available on Amazon at a significantly reduced price, just as the Oppo Find X10 series, which includes the new Oppo Find X10 Pro Max is set to launch in India on the 22nd of this month.