Bengaluru-Belgaum Train: ബെംഗളൂരു ട്രെയിന് നേരത്തെ പോകില്ല, സമയം മാറി; എപ്പോള് പുറപ്പെടും?
Belgaum Bengaluru Train Schedule Change: യാത്രക്കാരുടെ ആവശ്യം കണക്കിലെടുത്ത് എക്സ്പ്രസ് പ്ലാറ്റ്ഫോം നമ്പര് ഒന്നിലേക്ക് മാറ്റിയിട്ടുമുണ്ട്. മുമ്പ് പ്ലാറ്റ്ഫോം നമ്പര് മൂന്നിലായിരുന്നു ട്രെയിന് നിര്ത്തിയിരുന്നത്. ഫൂട്ട് ഓവര് ബ്രിഡ്ജിന്റെ നിര്മാണം പൂര്ത്തിയാക്കത്തതിനാല് യാത്രക്കാര്ക്ക് സ്റ്റേഷന് മുഴുവന് ചുറ്റേണ്ടതായി വരാറുണ്ട്.
പ്രതീകാത്മക ചിത്രം
ബെംഗളൂരു: ബെല്ഗാമില് നിന്ന് ബെംഗളൂരുവിലേക്ക് പോകുന്ന ട്രെയിനിന്റെ സമയത്തില് മാറ്റം. ബെല്ഗാം-ബെംഗളൂരു എക്സ്പ്രസ് ഇനി മുതല് രാത്രി 10 മണിക്കായിരിക്കും യാത്ര ആരംഭിക്കുക. നേരത്തെ 9.15നായിരുന്നു സര്വീസ്. രാജ്യസഭ അംഗം ഇറണ്ണ കടാടി നല്കി അപേക്ഷയെ തുടര്ന്നാണ് ട്രെയിനിന്റെ സമയക്രമത്തില് റെയില്വേ മാറ്റം വരുത്തിയത്.
9.15ന് ട്രെയിന് പുറപ്പെടുന്നത് വഴി ധാരാളം യാത്രക്കാര് ബുദ്ധിമുട്ടിയിരുന്നു. പലര്ക്കും ജോലി കഴിഞ്ഞ് ഈ സമയത്തിനുള്ളില് സ്റ്റേഷനില് എത്തിച്ചേരാന് സാധിക്കാറില്ല. ഇതേതുടര്ന്നാണ് ഇറണ്ണ കടാടി റെയില്വേയ്ക്ക് ട്രെയിനിന്റെ സമയം മാറ്റണമെന്ന് ചൂണ്ടിക്കാട്ടി അപേക്ഷ സമര്പ്പിച്ചത്. യാത്രക്കാര്ക്ക് ഭക്ഷണം കഴിച്ച് പതുക്കെ യാത്ര ആരംഭിക്കാന് സാധിക്കുന്ന രീതിയില് സമയം മാറ്റണമെന്നാണ് എംപി ആവശ്യപ്പെട്ട്.
കൂടാതെ, യാത്രക്കാരുടെ ആവശ്യം കണക്കിലെടുത്ത് എക്സ്പ്രസ് പ്ലാറ്റ്ഫോം നമ്പര് ഒന്നിലേക്ക് മാറ്റിയിട്ടുമുണ്ട്. മുമ്പ് പ്ലാറ്റ്ഫോം നമ്പര് മൂന്നിലായിരുന്നു ട്രെയിന് നിര്ത്തിയിരുന്നത്. ഫൂട്ട് ഓവര് ബ്രിഡ്ജിന്റെ നിര്മാണം പൂര്ത്തിയാക്കത്തതിനാല് യാത്രക്കാര്ക്ക് സ്റ്റേഷന് മുഴുവന് ചുറ്റേണ്ടതായി വരാറുണ്ട്. ഇത് യാത്രക്കാരില് പ്രതിഷേധത്തിന് കാരണമായി. ഇതേതുടര്ന്നാണ് നടപടി.
Also Read: Bengaluru Vande Bharat: ബെംഗളൂരുവില് നിന്നും പുതിയ വന്ദേ ഭാരതിന് തുടക്കം; സര്വീസ് ഈ ദിവസങ്ങളില്
രാത്രി 10 മണിക്ക് യാത്ര ആരംഭിക്കുന്ന ട്രെയിന് പിറ്റേദിവസം രാവിലെ 7.30 ഓടെയാണ് ബെംഗളൂരുവില് എത്തിച്ചേരുന്നത്. ആകെ ആറ് സ്റ്റോപ്പുകളാണ് ട്രെയിനിനുള്ളത്. ധര്വാഡ്, ഹുബ്ബള്ളി ജങ്ഷന്, ദേവാങ്കരെ, അര്സിക്കെരെ ജങ്ഷന്, തുംകൂര്, യശ്വന്ത്പൂര് ജങ്ഷന് എന്നിങ്ങനെയാണ് സ്റ്റോപ്പുകള്.
