Bengaluru Weather: പൊടിക്കാറ്റും കൂടെ കട്ടക്ക് വെയിലും; ബെംഗളൂരുവിലെ ചൂടാണ് ചൂട്
Bengaluru Climate Update February 17 and 18: ബെംഗളൂരുവില്‍ 16 ഡിഗ്രി മുതല്‍ 31 ഡിഗ്രി സെല്‍ഷ്യസ് വരെയാണ് താപനില. രാത്രിയില്‍ കനത്ത തണുപ്പ് അനുഭവപ്പെടാന്‍ സാധ്യതയുണ്ട്. താപനില ഉയരുന്നതിനൊപ്പം ബെംഗളൂരുവില്‍ കാറ്റും ശക്തമാകുന്നു.
പ്രതീകാത്മക ചിത്രം
ബെംഗളൂരു: കനത്ത ചൂടില്‍ വലഞ്ഞ് ബെംഗളൂരു നിവാസികള്‍. ചൂടിനോടൊപ്പം എത്തിയ മൂടല്‍ മഞ്ഞും ദുരിതം വിതയ്ക്കുന്നു. ചൂട് കാറ്റും മഞ്ഞും കാരണം കര്‍ണാടകയിലെ ഉത്തര കന്നഡ, ദക്ഷിണ കന്നഡ, ഉഡുപ്പി, കരാവലി എന്നീ ജില്ലകളില്‍ യെല്ലോ അലര്‍ട്ട് പ്രഖ്യാപിച്ചു. ഫെബ്രുവരി 17, 18 തീയതികളിലാണ് അലര്‍ട്ടുള്ളത്.
ബെംഗളൂരുവില്‍ 16 ഡിഗ്രി മുതല്‍ 31 ഡിഗ്രി സെല്‍ഷ്യസ് വരെയാണ് താപനില. രാത്രിയില്‍ കനത്ത തണുപ്പ് അനുഭവപ്പെടാന്‍ സാധ്യതയുണ്ട്. താപനില ഉയരുന്നതിനൊപ്പം ബെംഗളൂരുവില്‍ കാറ്റും ശക്തമാകുന്നു. പൊടിക്കാറ്റിന്റെ വേഗത മാറിമറിയുന്നത് വിവിധതരത്തിലുള്ള അസുഖങ്ങള്‍ക്ക് ഉള്‍പ്പെടെ കാരണമാകും.
ഫെബ്രുവരി 17, 18 തീയതികളില്‍ സമാന കാലാവസ്ഥ തുടരാനാണ് സാധ്യത. കുറഞ്ഞ താപനില 15 ഡിഗ്രി സെല്‍ഷ്യസും പരമാവധി താപനില 31 ഡിഗ്രി സെല്‍ഷ്യസുമായിരിക്കും. പകല്‍ 10 മണി വരെ തണുത്തകാറ്റിനും മൂടല്‍ മഞ്ഞിനും സാധ്യതയുണ്ടെങ്കിലും അതിന് ശേഷം ചുട്ടുപ്പൊള്ളുന്ന വെയിലായിരിക്കും. പുറത്തിറങ്ങുമ്പോള്‍ ജനങ്ങള്‍ മുന്‍കരുതലുകള്‍ സ്വീകരിക്കണമെന്ന് അധികൃതര്‍ നിര്‍ദേശം നല്‍കുന്നു.
എന്നാല്‍ ചൂട് ഉയരുന്നത് മഴയ്ക്കുള്ള സാധ്യത വര്‍ധിപ്പിക്കുന്നുവെന്നും റിപ്പോര്‍ട്ടുകളുണ്ട്. മാര്‍ച്ച് പകുതിയോടെ എത്തേണ്ട വേനല്‍ക്കാലം ഫെബ്രുവരിയുടെ തുടക്കത്തില്‍ തന്നെ വന്നെത്തിയത് രാജ്യത്തെയാകെ നടുക്കിയിരിക്കുകയാണ്. കനത്ത വേനല്‍ ജലക്ഷാമത്തിനും അസുഖങ്ങള്‍ക്കും വഴിയൊരുക്കാനിടയുണ്ട്.
വിവിധ നഗരങ്ങളിലെ കാലാവസ്ഥ
ബെംഗളൂരു- 16-31
മംഗലാപുരം- 23-31
ശിവമോഗ- 18-32
മൈസൂര്‍- 18-31
ബെല്‍ഗാം- 18-31
മാണ്ഡ്യ- 18-31
മടിക്കേരി- 16-28
രാമനഗര- 16-29
ഹാസന്‍- 16-29
ചാമരാജനഗര- 17-31
ചിക്കബെല്ലാപൂര്‍- 16-29
കോലാര്‍- 29-15
തുംകൂര്‍- 17-31
ഉഡുപ്പി- 23-31
കാര്‍വാര്‍- 24-29
ചിക്കമംഗളൂരു- 15-28
ദാവന്‍ഗരെ- 19-32
ഹുബ്ലി- 19-32
ചിത്രദുര്‍ഗ- 18-30
ഹാവേരി- 19-32
ബെല്ലാരി- 19-32
ഗദഗ്- 19-31
കൊപ്പള്‍- 19-31
റായ്ച്ചൂര്‍- 20-32
യാദ്ഗിര്‍- 19-32
വിജയപുര- 20-31
ബിദര്‍- 18-31
കലബുറഗി- 19-32
ബാഗല്‍കോട്ട- 19-32
