കാലാവസ്ഥ

വേനലും വർഷവും കൊണ്ട് സമൃദ്ധമായ കേരളത്തിനുള്ളത് രണ്ട് മഴക്കാലങ്ങളാണ് . ജൂണിൽ ആരംഭിക്കുന്ന കാലവർഷവും ഒക്ടോബർ പകുതിയോടെ ആരംഭിക്കുന്ന തുലാവർഷവും. സാമാന്യം ഭേദപ്പെട്ട കാലാവസ്ഥ തുടരുന്ന സംസ്ഥാനങ്ങളിലൊന്നായതിനാൽ തന്നെ കേരളത്തിൻ്റെ ഭൂപ്രകൃതി സഞ്ചാരികളെയും ആകർഷിക്കാറുണ്ട്. ജൂണിൽ ആരംഭിക്കുന്ന കാലവർഷംവും ഒക്ടോബറിലെ തുലാവർഷവും ഏപ്രിൽ മെയ് മാസങ്ങളിലെ വേനൽ മഴകളും കേരളത്തിൻ്റെ കാലാവസ്ഥക്ക് ഒരു സന്തുലിതാവസ്ഥ തരുന്നുണ്ട്. ഏപ്രിൽ മെയ് മാസങ്ങളാണ് പൊതുവേ കേരളത്തിൻ്റെ വേനൽക്കാലങ്ങൾ, 30 ഡിഗ്രിയായിരുന്നു മുൻപത്തെ ശരാശരി ചൂടെങ്കിൽ ഇപ്പോഴത് 35 ഡിഗ്രിക്കും മുകളിലാകുന്നതാണ് കാലാവസ്ഥയിൽ കണ്ട് വരുന്ന മാറ്റം. പാലക്കാടാണ് ഏപ്പോഴും കൂടുതൽ ചൂട് രേഖപ്പെടുത്തുന്ന ജില്ല. ഇത് 40 ഡിഗ്രിക്കും മുകളിലാകാറുണ്ട്.