Mumbai Cheapest Market: വിലക്കുറവോ…വേണേല് ഫ്രീയായും കിട്ടും; മുംബൈയിലെ ഷോപ്പിങ് സ്പോട്ടുകള്
Top Affordable Shopping Places in Mumbai Every Tourist Must Explore: ആദ്യമായി മുംബൈയിലേക്ക് പോകുന്ന ഒരാൾക്ക് എവിടെ നിന്ന് എങ്ങനെ ഷോപ്പിംഗ് നടത്തണം എന്നതിനെ കുറിച്ച് വലിയ ധാരണ ഉണ്ടായിരിക്കില്ല. ഒട്ടും വിഷമിക്കേണ്ട ആദ്യമായി മുംബൈയിൽ എത്തുന്നവർക്ക് പോലും അതിവേഗം ഷോപ്പിംഗ് പൂർത്തിയാക്കി മടങ്ങാൻ സഹായിക്കുന്ന ഒരു സമ്പൂർണ ഗൈഡ് താഴെ കൊടുത്തിരിക്കുന്നു.
വിലക്കുറവിൽ സാധനങ്ങൾ വാങ്ങിക്കാനായി ഒരുപാട് യാത്രകൾ നടത്തുന്നവരാണ് ഇന്ത്യക്കാർ. വിവാഹം ഉൾപ്പെടെയുള്ള ആവശ്യങ്ങൾക്കായി ദൂരദേശങ്ങളിൽ പോലും പോയി ആളുകൾ ഷോപ്പിങ് നടത്താറുണ്ട്. വിവിധ നഗരങ്ങളിലെ മാർക്കറ്റുകൾ കേന്ദ്രീകരിച്ചാണ് ഇത്തരം ഷോപ്പിംഗുകൾ നടക്കുന്നത്. അത്തരത്തിൽ ഏറ്റവും വിലക്കുറവിൽ സാധനങ്ങൾ നൽകുന്ന ഇന്ത്യയിലെ പ്രമുഖ മാർക്കറ്റുകളിൽ പലതും സ്ഥിതി ചെയ്യുന്നത് മുംബൈയിൽ ആണ്. ഇവിടെ നിന്നും വൻ വിലക്കുറവിൽ നിങ്ങൾക്ക് സാധനങ്ങൾ വാങ്ങിക്കാൻ സാധിക്കുന്നതാണ്.
എന്നാൽ ആദ്യമായി മുംബൈയിലേക്ക് പോകുന്ന ഒരാൾക്ക് എവിടെ നിന്ന് എങ്ങനെ ഷോപ്പിംഗ് നടത്തണം എന്നതിനെ കുറിച്ച് വലിയ ധാരണ ഉണ്ടായിരിക്കില്ല. ഒട്ടും വിഷമിക്കേണ്ട ആദ്യമായി മുംബൈയിൽ എത്തുന്നവർക്ക് പോലും അതിവേഗം ഷോപ്പിംഗ് പൂർത്തിയാക്കി മടങ്ങാൻ സഹായിക്കുന്ന ഒരു സമ്പൂർണ ഗൈഡ് താഴെ കൊടുത്തിരിക്കുന്നു.
മുംബൈ എന്ന ഷോപ്പിംഗ് നഗരം
ഇന്ത്യയുടെ സാമ്പത്തിക തലസ്ഥാനം എന്നറിയപ്പെടുന്ന നഗരമാണ് മുംബൈ. എന്നാൽ ബജറ്റ് ഷോപ്പിംഗ് നടത്തുന്നവർക്കും ഈ നഗരം ഏറെ പ്രിയപ്പെട്ടത് തന്നെ. ഫാഷൻ, ആക്സസറികൾ, പുരാവസ്തുക്കൾ, സുഗന്ധവ്യഞ്ജനങ്ങൾ, സെക്കൻഡ് ഹാൻഡ് സാധനങ്ങൾ തുടങ്ങി എല്ലാതും മികച്ച് വിലയിൽ ഇവിടെ നിന്ന് നിങ്ങൾക്ക് വാങ്ങിക്കാൻ സാധിക്കും. മുംബൈയിലെ 10 ഷോപ്പിംഗ് സ്പോട്ടുകൾ നോക്കാം.
മാട്ടുംഗ മാർക്കറ്റ്
ദാദർ ഈസ്റ്റിന് അടുത്തുള്ള മാട്ടുംഗ മാർക്കറ്റിൽ പൂക്കൾ, വസ്ത്രങ്ങൾ, വീട്ടുപകരണങ്ങൾ, എന്നിവയെല്ലാം ലഭിക്കും. സ്ട്രീറ്റ് ഷോപ്പിംഗിന് പേരുകേട്ട ഒരു ഇടം കൂടിയാണിത്.
ലാൽബാഗ് സ്പൈസ് മാർക്കറ്റ്
പാചക പ്രേമികൾക്ക് ഏറെ ഇഷ്ടപ്പെടുന്ന ഒരു മാർക്കറ്റ് ആണിത്. വളരെ കുറഞ്ഞ വിലയ്ക്ക് സുഗന്ധവ്യഞ്ജങ്ങളും ഔഷധസസ്യങ്ങളും വിത്തുകളും ഇവിടെ നിന്ന് വാങ്ങിക്കാം.
ബിബി ദാദർ മാർക്കറ്റ്
ഇക്കോണമി ക്ലാസ്സ് വീട്ടുപകരണങ്ങൾ, വസ്ത്രങ്ങൾ, ആക്സസറികൾ എന്നിവയാണ് ബിബി ദാദർ മാർക്കറ്റിലെ മുഖ്യ ആകർഷണം.
സാവേരി ബസാർ
സ്വർണ, വജ്രഭരണങ്ങൾക്ക് പേരുകേട്ട സ്ഥലമാണ് സാവേരി ബസാർ. ഇവിടെയുള്ള ഒരു സ്റ്റോറുകളും തമ്മിൽ ഒരു മത്സരം നടക്കുന്നതിനാൽ, വിപണിയിലെ പല ഉത്പന്നങ്ങളുടെയും അതായത് ആഭരണങ്ങൾ, ആക്സസറികൾ, അലങ്കാര വസ്തുക്കൾ എന്നിവയുടെ എല്ലാം അനുകരണ വസ്തുക്കൾ വിലക്കുറവിൽ ലഭിക്കുന്നതാണ്.
അന്ധേരി മാർക്കറ്റ്
അന്ധേരി വെസ്റ്റിൽ സ്ഥിതി ചെയ്യുന്ന ഈ മാർക്കറ്റിൽ വസ്ത്രങ്ങൾ, പാദരക്ഷകൾ, തുടങ്ങിയ സാധനങ്ങൾ വിലക്കുറവിൽ ലഭിക്കും. മുംബൈയിലെ ഏറ്റവും മികച്ച ഷോപ്പിംഗ് സ്പോട്ടുകളിൽ ഒന്നുകൂടിയാണിത്.
കൊളാബ മാർക്കറ്റ്
സുവനീറുകൾ, തൊപ്പികൾ, ആഭരണങ്ങൾ, ട്രെൻഡി വസ്ത്രങ്ങൾ എന്നിവ ഇവിടെ നിന്ന് ലഭിക്കും. വിനോദ സഞ്ചാരികൾക്കിടയിൽ പേരുകേട്ട സ്ഥലമാണിത്. ഇവിടെ വിലപേശി സാധനങ്ങൾ വാങ്ങിച്ചാൽ വൻ വിലക്കുറവും സ്വന്തമാക്കാം.
ലോഖണ്ഡ്വാല കോംപ്ലക്സ് മാർക്കറ്റ്
താങ്ങാനാവുന്ന വിലയിൽ വസ്ത്രങ്ങൾ, പാദരക്ഷകൾ, ബാഗുകൾ, ആക്സസറികൾ എന്നിവ വാങ്ങിക്കാനായി ധാരാളം ആളുകൾ ഇവിടേക്ക് എത്താറുണ്ട്. ഉയർന്ന നിലവാരമുള്ള വിപണി കൂടിയാണിത്. ഫാഷൻ വസ്തുക്കൾ തേടി എത്തുന്നവർക്ക് പ്രിയപ്പെട്ട ഇടം കൂടിയാണിത്.
മംഗൾദാസ് മാർക്കറ്റ്
കൽബദേവിയിൽ സ്ഥിതി ചെയ്യുന്ന തുണി മൊത്തവ്യാപാര മാർക്കറ്റ് ആണ് മംഗൾദാസ് മാർക്കറ്റ്. വസ്ത്രവ്യാപാരം നടത്തുന്നവർക്ക് ഇവിട വളരെ മികച്ചതാണ്.
ചോർ ബസാർ
ഷോപ്പിംഗ് അനുഭവം വ്യത്യസ്തമായ അനുഭവം സ്വന്തമാക്കാൻ സാധിക്കുന്ന ആളുകൾക്ക് ചോർ ബസാർ വളരെ മികച്ച ഓപ്ഷൻ ആണ്. മുംബൈയിലെ ഏറ്റവും പഴക്കം ചെന്ന ഫ്ലീ മാർക്കറ്റുകളിൽ ഒന്നാണ് ചോർ ബസാർ. വിൻ്റേജ് ഹോം ഡെക്കറേഷൻ മുതൽ വിചിത്രമായ വസ്തുക്കൾ വരെ ഇവിടെ നിന്ന് ലഭിക്കുന്നതാണ്.
ക്രോഫോർഡ് മാർക്കറ്റ്
മുംബൈയിലെ ഷോപ്പിംഗ് കേന്ദ്രങ്ങളിൽ പ്രധാനിയാണ് ക്രോഫോർഡ് മാർക്കറ്റ്. പഴങ്ങളും ഫർണിച്ചറുകളും, വീട്ടുപകരണങ്ങളും, ഫാഷൻ വസ്തുക്കളും ഇവിടെ നിന്ന് വാങ്ങാം. കൊളോണിയൽ ശൈലിയിലുള്ള പശ്ചാത്തലമാണ് ഇവിടുത്തെ പ്രത്യേകത.
English Summary
Mumbai is home to several budget-friendly shopping destinations where tourists can buy clothes, accessories, footwear and souvenirs at affordable prices. Here is a detailed guide to the city’s cheapest shopping markets, their specialities and travel routes.
