Lok Sabha Protest: ലോക്സഭയിലെ പ്രതിഷേധം: ഹൈബി ഈഡൻ, ഡീൻ കുര്യാക്കോസ് ഉൾപ്പെടെയുള്ള 8 എംപിമാർക്ക് സസ്പെൻഷൻ
Lok Sabha Protest: മുൻ കരസേന മേധാവിയായ എം.എം. നരവനെയുടെ ഓർമക്കുറിപ്പിലെ പരാമർശത്തെച്ചൊല്ലിയാണ് ലോക്സഭയിൽ ഇന്നും പ്രതിഷേധം അരങ്ങേറിയത്...
ന്യൂഡൽഹി: ലോക്സഭയിൽ സംഭവിച്ച പ്രതിപക്ഷ പ്രതിഷേധത്തിൽ ഡീൻ കുര്യാക്കോസ് ഹൈബി ഈഡൻ ഉൾപ്പെടെയുള്ള 8 എംപിമാർക്ക് സസ്പെൻഷൻ ലഭിച്ചു. ലോക്സഭയിലെ ബഹളത്തിനിടെ സെക്രട്ടറി ജനറലിന്റെ മേശപ്പുറത്ത് കയറിയതിനും കടലാസങ്ങൾ കീറി കളഞ്ഞതിനുമാണ് എംപിമാർക്കെതിരെ നടപടി സ്വീകരിച്ചത്. ഈ സമ്മേളന കാലയളവിലേക്കാണ് സസ്പെൻഷൻ. മുൻ കരസേന മേധാവിയായ എം.എം. നരവനെയുടെ ഓർമക്കുറിപ്പിലെ പരാമർശത്തെച്ചൊല്ലിയാണ് ലോക്സഭയിൽ ഇന്നും പ്രതിഷേധം അരങ്ങേറിയത്.
ബഹളത്തെത്തുടർന്ന് സഭ ഇന്നത്തേക്ക് പിരിഞ്ഞു.കേരളത്തിൽനിന്നുള്ള എംപിമാരായ ഹൈബി ഈഡൻ, ഡീൻ കുര്യാക്കോസ് എന്നിവരെ കൂടാതെ, അമരീന്ദർ സിങ്, രാജാ വാറിങ്, മാണിക്കം ടാഗോർ, ഗുർജീത് സിങ് ഔജില, പ്രശാന്ത് യഡാറാവു പഡോലേ, കിരൺ കുമാർ റെഡ്ഡി, വെങ്കട്ട് രാമൻ തുടങ്ങിയവരാണ് നടപടി നേരിട്ട മറ്റു എംപിമാർ. അതേസമയം സസ്പെൻഷനിൽ പ്രതിഷേധിച്ച് 8 എംപിമാരും പ്രതിപക്ഷ നേതാവായ രാഹുൽ ഗാന്ധിയുടെ നേതൃത്വത്തിൽ പാർലമെന്റിന്റെ കവാടത്തിനു മുന്നിൽ ധർണ ആരംഭിച്ചിട്ടുണ്ട്.
