UNI: യുഎൻഐ ഡൽഹി ഓഫീസ് ബലമായി ഒഴിപ്പിച്ച് പോലീസ്, വനിതാ മാധ്യമപ്രവർത്തകർക്ക് നേരെ കൈയേറ്റം

ന്യൂഡൽഹി: പ്രമുഖ വാർത്ത ഏജൻസിയായ യുണൈറ്റഡ് ന്യൂസ് ഓഫ് ഇന്ത്യയുടെ ഓഫീസ് ബലമായി ഒഴിപ്പിച്ച് പോലീസ്. ഡൽഹി റഫിമാർഗിലെ ഓഫീസാണ് പോലീസ് സീൽ ചെയ്തത്. കേന്ദ്ര ഭവന-നഗരകാര്യ മന്ത്രാലയത്തിന് കീഴിലുള്ള ഭൂമി അനുവദിച്ചത് റദ്ദാക്കിയതിനെതിരേ യു.എൻ.ഐ. നൽകിയ ഹർജി ഹൈക്കോടതി തള്ളിയതോടെയാണ് നടപടി. കോടതി ഉത്തരവ് പ്രകാരം നിമയമപരമായ നടപടിയാണ് സ്വീകരിച്ചതെന്ന് ഡെപ്യൂട്ടി പോലീസ് കമ്മീഷണർ അറിയിച്ചു.

ലാൻഡ് ആൻഡ് ഡെവലപ്മെൻറ് ഓഫീസിന്റെ നിർദേശത്തെ തുടർന്നാണ് പോലീസിന്റെ നടപടി. ഏജൻസിക്ക് ലാൻഡ് ആൻഡ് ഡെവലപ്മെൻറ് ബോർഡ് അലോട്ട് ചെയ്ത ഭൂമിയായിരുന്നു റാഫി മാർഗത്തിലേത്. എന്നാൽഓഫിസ് കെട്ടിടത്തിനായി ഭൂമി അനുവദിച്ചത് സർക്കാർ റദ്ദാക്കി. യുഎൻഐ ഹൈക്കോടതിയെ സമീപിച്ചിരുന്നെങ്കിലും ഹർജി തള്ളിയിരുന്നു.

മാധ്യമ സ്വാതന്ത്ര്യത്തിൻമേലുള്ള കടന്നുകയറ്റമാണ് ഇതെന്ന് യുഎൻഐ പ്രതികരിച്ചു. വനിത മാധ്യമപ്രവർത്തകരെ പോലീസ് കൈയേറ്റം ചെയ്തതായും ആരോപണമുയർന്നു. മാധ്യമപ്രവർത്തക നിലത്ത് വീഴുന്ന ദൃശ്യങ്ങളും ഏജൻസി പങ്കുവെച്ചിട്ടുണ്ട്.

In an unprecedented atrocity and attack on freedom of media in India, the Rafi Marg office of the nation’s oldest news agency, United News of India (UNI), was literally attacked by a police force that would put an anti-terror operation to shame. Employees were not given time to… pic.twitter.com/O1H18imaPs

— The Statesman (@TheStatesmanLtd) March 20, 2026