Viral News: അപ്രതീക്ഷിതമായി 10 കോടി അക്കൗണ്ടിലേക്ക്, ചില്ലി പൈസ എടുത്തില്ല, ഒടുവിൽ

Up Woman Viral News

പെട്ടെന്നൊരു ദിവസം കോടികൾ ബാങ്കിലേക്ക് എത്തിയാൽ എന്ത് സംഭവിക്കും? ചിലപ്പോൾ നിങ്ങളൊന്നും ഞെട്ടും അല്ലേ? അങ്ങനെയൊരു സംഭവത്തിന് സാക്ഷ്യം വഹിച്ചത് ഉത്തർപ്രദേശിലെ ഒരു കർഷകൻ്റെ ഭാര്യയാണ്. മെയിൻപുരി ജില്ലയിലെ ബിച്വാൻ, ദേവ്ഗഞ്ച് ഗ്രാമത്തിൽ താമസിക്കുന്ന പരസ്ഭാൻ ബഹേലിയയുടെ ഭാര്യയായ റീത്തക്കാണ് ഇത്തരമൊരു അനുഭവം ഉണ്ടായത്. നാട്ടിലെ ഉത്സവ ദിനത്തിൽ പണം പിൻവലിക്കാൻ അവർ തങ്ങളുടെ ബാങ്കിൻ്റെ ശാഖയിൽ എത്തിയതായിരുന്നു. അവധിയായതിനാൽ സമീപത്തെ എടിഎമ്മിൽ പോയി പൈസ പിൻവലിക്കാൻ നോക്കുകയായിരുന്നു.

എടിഎമ്മിൽ ബാലൻസ് പരിശോധിച്ചപ്പോഴാണ് യഥാർത്ഥത്തിൽ റീത്ത ഞെട്ടിയത്. തൻ്റെ ബാങ്ക് ഓഫ് ഇന്ത്യ അക്കൗണ്ടിൽ 9,99,49,588 രൂപയാണ് അവർ കണ്ടത്. വീണ്ടും മറ്റൊരു എടിഎമ്മിൽ നിന്നും അവർ വീണ്ടും ബാലൻസ് പരിശോധിച്ചെങ്കിലും തുക അതു തന്നെയായിരുന്നു. ഇതോടെ ബാലൻസിൻ്റെ വീഡിയോ ദൃശ്യങ്ങൾ അവർ തൻ്റെ ഫോണിൽ പകർത്തി. പലരും അതിൽ നിന്നും തുക പിൻവലിക്കാൻ ആവശ്യപ്പെട്ടെങ്കിലും പ്രശ്നം പരിഹരിക്കുന്നതുവരെ ഒരു രൂപ പോലും അവർ അതിൽ നിന്നും പിൻവലിച്ചില്ല.

ALSO READ: ക്രൂരതയുടെ അങ്ങേയറ്റം, വിവാഹേതര ബന്ധമെന്ന് സംശയം; ഭാര്യയെ വാഹനം കയറ്റി കൊലപ്പെടുത്തി ഭർത്താവ്

പ്രശ്നം എന്താണെന്ന് മനസ്സിലാകുന്നതു വരെയും പൈസയിൽ ഒന്നും ചെയ്യാൻ പാടില്ലെന്ന് അവർ തൻ്റെ കുടുംബാംഗങ്ങൾക്കും നിർദ്ദേശം നൽകി.  സാങ്കേതികപ്പിഴവാകാം കാരണമെന്നാണ് ബാങ്ക് അധികൃതർ വ്യക്തമാക്കുന്നത്. ഇത് പരിഹരിക്കാനുള്ള നടപടിക്രമങ്ങളും ബാങ്കിൻ്റെ ഭാഗത്ത് നിന്നും നടന്നു വരികയാണ്. മുൻപ് പലർക്കും ഇത്തരം അനുഭവങ്ങളുണ്ടായിട്ടുണ്ട്.

നേരത്തെ ചെന്നൈയിലെ ഒരു ടാക്സി ഡ്രൈവറിൻ്റെ അക്കൗണ്ടിൽ കോടികൾ എത്തിയതും വാർത്തയായിരുന്നു. പിന്നീട് ഒരു നിശ്ചിത തുക അയാൾ തന്നെ എടുത്ത് ചിലവഴിച്ചിരുന്നു. ഇതിന് ശേഷം ബാങ്കിലേക്ക് തന്നെ ബാക്കി തുക നൽകി. ബാങ്കും ഇതിന് സമ്മതിക്കുകയായിരുന്നു. ഇത്തരത്തിഷ പലയിടങ്ങളിലും സമാന പ്രശ്നങ്ങൾ ഉണ്ടായിട്ടുണ്ട്.