Viral Video: ഇവനൊക്കെ എന്തിന്റെ കേടാ? വനിതാ കമ്പാര്‍ട്ട്‌മെന്റില്‍ ബുര്‍ഖ ധരിച്ചെത്തി യുവാവ്: ഒടുവില്‍

മുംബൈ: ബുര്‍ഖ ധരിച്ച് ട്രെയിനിലെ വനിതാ കമ്പാര്‍ട്ടുമെന്റില്‍ പ്രവേശിച്ച യുവാവിനെതിരെ കേസെടുത്തു. മുംബൈയില്‍ വെള്ളിയാഴ്ചയാണ് സംഭവം നടന്നത്. തുടര്‍ന്ന് ആര്‍പിഎഫ് എഫ്‌ഐആര്‍ രജിസ്റ്റര്‍ ചെയ്യുകയായിരുന്നു. സംഭവത്തിന്റെ വീഡിയോ സോഷ്യല്‍ മീഡിയയില്‍ പ്രചരിച്ചിക്കുന്നുണ്ട്. പ്രതി നിലവില്‍ ഒളിവിലാണ്. വെള്ളിയാഴ്ച ഉച്ചകഴിഞ്ഞ് ഛത്രപതി ശിവാജി മഹാരാജ് ടെർമിനസിലേക്ക് പുറപ്പെട്ട ഒരു ലോക്കൽ ട്രെയിനിലാണ് സംഭവം നടന്നത്.

ബുര്‍ഖ ധരിച്ച ഇയാളെ കണ്ട് വനിതാ യാത്രക്കാര്‍ക്ക് സംശയം തോന്നി. തുടര്‍ന്ന് ചോദ്യം ചെയ്തപ്പോള്‍ ബുര്‍ധ ധരിച്ചത് ഒരു യുവാവാണെന്ന് കണ്ടെത്തി. എന്തിനാണ് വനിതാ കമ്പാർട്ടുമെന്റിൽ കയറിയതെന്നും എന്തിനാണ് ബുർഖ ധരിച്ചിരിക്കുന്നതെന്നും വനിതാ യാത്രികര്‍ യുവാവിനോട് ചോദിച്ചു. ചില യാത്രക്കാർ സംഭവം മൊബൈൽ ഫോണുകളിൽ പകർത്തി.

അടുത്ത സ്‌റ്റോപ്പായ ഘാട്‌കോപ്പർ സ്റ്റേഷനിൽ വെച്ച് യുവാവിനെ പൊലീസിന് കൈമാറാനായിരുന്നു യാത്രക്കാരുടെ നീക്കം. എന്നാല്‍ ട്രെയിന്‍ നിര്‍ത്തുന്നതിന് മുമ്പ് പുറത്തേക്ക് ചാടിയ ഇയാള്‍ മറ്റൊരു പ്ലാറ്റ്‌ഫോമിലെത്തുകയും, വേറൊരു ലോക്കല്‍ ട്രെയിനില്‍ കയറി പോവുകയും ചെയ്‌തെന്നാണ് റിപ്പോര്‍ട്ട്.

Also Read: Viral Video: ഇതെന്താ സഞ്ചരിക്കുന്ന മാര്‍ക്കറ്റോ! ഓട്ടോയ്ക്കുള്ളില്‍ ജ്വല്ലറി…സംഭവം വെറൈറ്റി അല്ലേ?

ഘാട്‌കോപ്പർ സ്റ്റേഷനിൽ ഡ്യൂട്ടിയിലുണ്ടായിരുന്ന പൊലീസുകാരെ യാത്രക്കാര്‍ വിവരമറിയിച്ചു. സിസിടിവി കാമറ പരിശോധിച്ചെങ്കിലും അതില്‍ ഇയാളുടെ ദൃശ്യം പതിഞ്ഞിരുന്നില്ല. തുടര്‍ന്ന് ഇയാള്‍ ഓടിക്കയറിയ ട്രെയിനിലും പരിശോധന നടത്തി. എന്നാല്‍ അതിനകം അയാള്‍ ആ ട്രെയിനില്‍ നിന്നും രക്ഷപ്പെട്ടിരുന്നു. പ്രതിയെ കണ്ടെത്താൻ തിരച്ചിൽ പുരോഗമിക്കുകയാണ്.

വീഡിയോ കാണാം

Shocking incident on Mumbai local train: A man disguised in a burqa allegedly entered the ladies-only compartment near Ghatkopar station, attempted to molest women passengers.

Alert commuters confronted him; he fled by jumping to another train. Complaint filed at Ghatkopar PS;… pic.twitter.com/Czl4eNlwdh

— Megh Updates 🚨™ (@MeghUpdates) February 7, 2026