Viral Video: സോഡിയം ഇനി ‘ഷാരാതൂ’, പൊട്ടാസിയം ‘ദഹാതൂ’; മൂലകങ്ങളുടെ സംസ്കൃതപ്പേരുകൾ വൈറലാകുന്നു
Chemistry Meets Sanskrit: വീഡിയോ പുറത്തുവന്നതിന് പിന്നാലെ കമൻ്റ് ബോക്സുകളിൽ വലിയ ചർച്ചകളാണ് നടക്കുന്നത്. "സംസ്കൃതം എത്രത്തോളം ശാസ്ത്രീയമായ ഭാഷയാണെന്ന് ഇത് തെളിയിക്കുന്നു" എന്നാണ് ചിലരുടെ അഭിപ്രായം. കൂടുതൽ മൂലകങ്ങളുടെ പേരുകൾ അറിയാൻ താൽപ്പര്യമുണ്ടെന്ന് പല ഉപയോക്താക്കളും വീഡിയോയ്ക്ക് താഴെ കുറിച്ചു.
Viral Video
ശാസ്ത്രവും ഭാഷാചരിത്രവും കൈകോർത്താൽ എങ്ങനെയിരിക്കും? അത്തരത്തിൽ ഇൻ്റർനെറ്റിനെ ഒന്നടങ്കം അത്ഭുതപ്പെടുത്തുന്ന ഒരു വീഡിയോയാണ് ഇപ്പോൾ ഇൻസ്റ്റാഗ്രാമിൽ തരംഗമാകുന്നത്. പീരിയോഡിക് ടേബിളിലെ മൂലകങ്ങൾക്ക് സംസ്കൃതത്തിൽ പേര് നൽകുന്ന ഒരു യുവാവിന്റെ വീഡിയോയാണ് ലക്ഷക്കണക്കിന് ആളുകളെ ആകർഷിക്കുന്നത്. @abeautifultree_ എന്ന ഇൻസ്റ്റാഗ്രാം അക്കൗണ്ടിലൂടെ പങ്കുവെക്കപ്പെട്ട ഈ വീഡിയോ ഇതിനോടകം തന്നെ മൂന്ന് ലക്ഷത്തിലധികം ആളുകൾ കണ്ടുകഴിഞ്ഞു.
രസതന്ത്രം സംസ്കൃതത്തിൽ പഠിപ്പിക്കുമ്പോൾ (Teaching chemistry in Sanskrit) എന്ന അടിക്കുറിപ്പോടെയാണ് വീഡിയോ പങ്കുവെച്ചിരിക്കുന്നത്. ഹൈഡ്രജൻ, കാർബൺ, നൈട്രജൻ, ഫോസ്ഫറസ് തുടങ്ങിയ ഓരോ മൂലകങ്ങളെയും സംസ്കൃത പദങ്ങളിലൂടെ അദ്ദേഹം പരിചയപ്പെടുത്തുന്നു. സാധാരണയായി ഇംഗ്ലീഷിലും ലാറ്റിനിലും മാത്രം കേട്ടുപരിചയിച്ച ശാസ്ത്രനാമങ്ങൾക്ക് സംസ്കൃതത്തിലുള്ള ഈ രൂപം വായനക്കാരെയും കാഴ്ചക്കാരെയും ഒരുപോലെ അത്ഭുതപ്പെടുത്തുന്നുണ്ട്.
ALSO READ: ദമ്പതികളെ ഞെട്ടിച്ച് വീട്ടുജോലിക്കാരിയുടെ സമ്മാനം
വീഡിയോ പുറത്തുവന്നതിന് പിന്നാലെ കമൻ്റ് ബോക്സുകളിൽ വലിയ ചർച്ചകളാണ് നടക്കുന്നത്. “സംസ്കൃതം എത്രത്തോളം ശാസ്ത്രീയമായ ഭാഷയാണെന്ന് ഇത് തെളിയിക്കുന്നു” എന്നാണ് ചിലരുടെ അഭിപ്രായം. കൂടുതൽ മൂലകങ്ങളുടെ പേരുകൾ അറിയാൻ താൽപ്പര്യമുണ്ടെന്ന് പല ഉപയോക്താക്കളും വീഡിയോയ്ക്ക് താഴെ കുറിച്ചു. പീരിയോഡിക് ടേബിളിനെ ഇത്ര ലളിതമായും സുന്ദരമായും അവതരിപ്പിക്കാൻ കഴിയുമെന്ന് കരുതിയില്ലെന്ന് പലരും കമന്റ് ചെയ്യുന്നു.
പുതിയ കാലത്തെ ശാസ്ത്രവിഷയങ്ങളെ പ്രാചീന ഭാഷയായ സംസ്കൃതവുമായി ബന്ധിപ്പിക്കുന്നത് കുട്ടികളിൽ വിഷയാവബോധം വളർത്താൻ സഹായിക്കുമെന്നും സോഷ്യൽ മീഡിയയുടെ വിലയിരുത്തൽ.
