Viral Video: ദമ്പതികളെ ഞെട്ടിച്ച് വീട്ടുജോലിക്കാരിയുടെ സമ്മാനം
House Help Surprises Couple with Anniversary Gift: വിവാഹവാർഷികത്തിന് വീട്ടുജോലിക്കാരി നൽകിയ സമ്മാനം ദമ്പതികളെ പോലെ തന്നെ കാണുന്ന ഓരോരുത്തരുടെയും മനസും നിറയ്ക്കുകയാണ്. ലക്ഷക്കണക്കിന് ആളുകളുടെ മനം കവർന്ന ആ വിഡിയോ കണ്ടാലോ...
സ്നേഹത്തിന് ഭാഷയോ പണമോ തടസ്സമല്ലെന്ന് തെളിയിക്കുന്ന ഒരു ഹൃദയസ്പർശിയായ വീഡിയോയാണ് ഇപ്പോൾ സോഷ്യൽ മീഡിയയിൽ തരംഗമാകുന്നത്. വിവാഹവാർഷികത്തിന് വീട്ടുജോലിക്കാരി നൽകിയ സമ്മാനം ദമ്പതികളെ പോലെ തന്നെ കാണുന്ന ഓരോരുത്തരുടെയും മനസും നിറയ്ക്കുകയാണ്. ലക്ഷക്കണക്കിന് ആളുകളുടെ മനം കവർന്ന ആ വിഡിയോ കണ്ടാലോ…
ബെംഗളൂരു സ്വദേശിയായ നേഹ ഹർച്ചന്ദാനിയാണ് തന്റെ ഇൻസ്റ്റാഗ്രാം പേജിലൂടെ ഈ വീഡിയോ പങ്കുവെച്ചത്. നേഹ തന്റെ വിവാഹവാർഷികത്തെക്കുറിച്ച് വീട്ടിലെ സഹായിയായ ‘ദീദി’യോട് വെറുതെ ഒന്ന് സൂചിപ്പിച്ചിരുന്നു. എന്നാൽ ഇത് ഓർത്തുവെച്ച അവർ അടുത്ത ദിവസം ജോലിക്ക് എത്തിയത് കയ്യിൽ ഒരു റോസാപ്പൂവും ചോക്ലേറ്റുമായാണ്.
ALSO READ: ഇവനൊക്കെ എന്തിന്റെ കേടാ? വനിതാ കമ്പാര്ട്ട്മെന്റില് ബുര്ഖ ധരിച്ചെത്തി യുവാവ്: ഒടുവില്
വീഡിയോയിൽ ദീദി വളരെ നാണത്തോടെ ഈ സമ്മാനങ്ങൾ ദമ്പതികൾക്ക് നൽകുന്നത് കാണാം. ‘ദീദി, എന്തിനാണ് ഇന്ന് ഇതൊക്കെ കൊണ്ടുവന്നത്?’ എന്ന് നേഹ അത്ഭുതത്തോടെ ചോദിക്കുന്നുണ്ട്. ദീദിയുടെ ഈ കരുതലിൽ സന്തോഷരായ ദമ്പതികൾ, നന്ദി പറയുകയും സ്നേഹപൂർവ്വം അവരുടെ പാദങ്ങളിൽ തൊട്ട് അനുഗ്രഹം വാങ്ങുകയും ചെയ്യുന്നുണ്ട്. തന്റെ ഭർത്താവിനോട് പറഞ്ഞ് ഓൺലൈനായി ഓർഡർ ചെയ്താണ് ദീദി ഈ സമ്മാനങ്ങൾ വാങ്ങിച്ചത്.
വിഡിയോ:
View this post on Instagram
സോഷ്യൽ മീഡിയ വഴി വിഡിയോ കണ്ട ലക്ഷക്കണക്കിന് ആളുകൾ അവരുടെ സന്തോഷവും ആശംസകളും കമന്റുകളിലൂടെ അറിയിച്ചു. ‘ഇതാണ് യഥാർത്ഥ സ്നേഹം’, ‘വിലമതിക്കാനാവാത്ത നിമിഷം’ തുടങ്ങി നിരവധി കമന്റുകളാണ് വിഡീയോയ്ക്ക് താഴെ വന്നത്. കൂടാതെ ജോലിക്കാരെ സ്വന്തം കുടുംബാംഗങ്ങളെപ്പോലെ കാണുന്ന ദമ്പതികളെയും പലരും അഭിനന്ദിച്ചു.
