Viral Video: വായിൽ വെച്ച ഫോൺ ബാറ്ററി പൊട്ടിത്തെറിച്ചു; കുട്ടിക്ക് ഗുരുതര പരിക്ക്, വീഡിയോ പുറത്ത്
Phone Battery Exploding Video: കൗതുകം കൊണ്ടോ അതോ മറ്റെന്തെങ്കിലും പരിശോധിക്കാനോ വേണ്ടി കയ്യിലിരുന്ന ലിഥിയം-അയൺ ബാറ്ററി വായ്ക്കുള്ളിൽ വെച്ച് കടിക്കാൻ ഇയാൾ ശ്രമിച്ചു. എന്നാൽ ബാറ്ററി വായിൽ വച്ച തൊട്ടടുത്ത നിമിഷം ഉഗ്രസ്ഫോടനത്തോടെ അത് പൊട്ടിത്തെറിക്കുകയായിരുന്നു.
മൊബൈൽ ഫോൺ ബാറ്ററികൾ കൈകാര്യം ചെയ്യുമ്പോൾ എത്രത്തോളം ജാഗ്രത വേണമെന്ന് വ്യക്തമാക്കുന്ന ഒരു ഭയാനകമായ വീഡിയോയാണ് ഇപ്പോൾ സോഷ്യൽ മീഡിയയിൽ വൈറലാകുന്നത്. ഒരു മൊബൈൽ സർവീസ് ഷോപ്പിലെത്തിയ ആൺകുട്ടിയാണ് അപ്രതീക്ഷിതമായി അപകടത്തിൽപ്പെട്ടത്. ഒരു മൊബൈൽ ഷോപ്പിലെ സർവീസ് കൗണ്ടറിന് സമീപം നിൽക്കുകയായിരുന്നു ആ യുവാവ്.
കൗതുകം കൊണ്ടോ അതോ മറ്റെന്തെങ്കിലും പരിശോധിക്കാനോ വേണ്ടി കയ്യിലിരുന്ന ലിഥിയം-അയൺ ബാറ്ററി വായ്ക്കുള്ളിൽ വെച്ച് കടിക്കാൻ ഇയാൾ ശ്രമിച്ചു. എന്നാൽ ബാറ്ററി വായിൽ വച്ച തൊട്ടടുത്ത നിമിഷം ഉഗ്രസ്ഫോടനത്തോടെ അത് പൊട്ടിത്തെറിക്കുകയായിരുന്നു. മുഖത്തിന് തൊട്ടടുത്ത് വെച്ചുണ്ടായ സ്ഫോടനമായതിനാൽ കുട്ടിക്ക് സാരമായ പരിക്കേറ്റതായാണ് റിപ്പോർട്ടുകൾ. കടയിലുണ്ടായിരുന്ന സിസിടിവി ക്യാമറയിലാണ് ഈ ദൃശ്യങ്ങൾ പതിഞ്ഞത്.
മൊബൈൽ ഫോണുകളിൽ ഉപയോഗിക്കുന്ന ലിഥിയം-അയൺ ബാറ്ററികൾ വളരെയധികം രാസപ്രവർത്തന ശേഷിയുള്ളവയാണ്. ഇവ കടിക്കുമ്പോഴോ അല്ലെങ്കിൽ പല്ല് കൊണ്ട് അമർത്തുമ്പോഴോ പൊട്ടിത്തെറിക്കാനുള്ള സാധ്യത കൂടുതലാണ്. ബാറ്ററിക്കുള്ളിലെ പാളികൾ തമ്മിൽ കൂട്ടിമുട്ടുകയും ആന്തരികമായി ഷോർട്ട് സർക്യൂട്ട് സംഭവിക്കുകയും ചെയ്യുമ്പോഴാണ് അപകടം സംഭവിക്കുന്നത്. നിലവിൽ ആൺകുട്ടി ചികിത്സയിലാണ്.
Shocking incident inside a mobile shop when a boy began chewing on a Lithium Phone Battery. Within seconds, the battery exploded, leaving him seriously injured. The injured boy was rushed for medical treatment pic.twitter.com/03MeyXz28p
— Rosy (@rose_k01) February 5, 2026
