Aadhaar Security: ഒരാളുടെ മരണശേഷം അയാളുടെ ആധാർ കാർഡ് എന്തു ചെയ്യണം? നിയമം കടുപ്പിച്ച് അധികൃതർ
Deactivate Aadhaar after a family member’s death: കുടുംബാംഗങ്ങളുടെ മരണം റിപ്പോർട്ട് ചെയ്യുന്നതിനായി 'myAadhaar' പോർട്ടലിൽ പുതിയ സൗകര്യം ഏർപ്പെടുത്തിയിട്ടുണ്ട്. മരിച്ച വ്യക്തിയുടെ ആധാർ നമ്പറും ഡെത്ത് രജിസ്ട്രേഷൻ നമ്പറും പോർട്ടലിൽ സമർപ്പിക്കാം. വിവരങ്ങൾ പരിശോധിച്ച ശേഷം ആധാർ നമ്പർ ഡിആക്ടിവേറ്റ് ചെയ്യും.
ന്യൂഡൽഹി: ആധാർ കാർഡ് സംബന്ധിച്ചുള്ള വിവാദങ്ങൽ ചൂടുപിടിക്കുന്ന കാലമാണല്ലോ ഇത്. അപ്പോൾ ഒരാൾ മരിച്ചാൽ അയാളുടെ ആധാർ കാർഡ് എന്തു ചെയ്യണം എന്നത് പലപ്പോഴും സംശയമുള്ള കാര്യമാണ്. ഇപ്പോൾ ഇതു സംബന്ധിച്ചുള്ള കർശന നടപടിയ്ക്ക് ഒരുങ്ങുകയാണ് അധികൃതർ.
മരിച്ച വ്യക്തികളുടെ ആധാർ വിവരങ്ങൾ ദുരുപയോഗം ചെയ്യുന്നത് തടയാൻ കർശന നടപടികളുമായി രംഗത്തെത്തിയിരിക്കുന്നത് യുണീക് ഐഡന്റിഫിക്കേഷൻ അതോറിറ്റി ഓഫ് ഇന്ത്യയാണ്. ഇതുവരെയുള്ള കണക്കുകൾ പ്രകാരം 2.5 കോടിയിലധികം മരിച്ചവരുടെ ആധാർ നമ്പറുകൾ അധികൃതർ പ്രവർത്തന രഹിതമാക്കിയിട്ടുണ്ട്. ആധാർ ഡാറ്റാബേസിന്റെ സുതാര്യത ഉറപ്പാക്കുന്നതിനും അനധികൃതമായി ആനുകൂല്യങ്ങൾ കൈപ്പറ്റുന്നത് തടയുന്നതിനുമാണ് ഈ നടപടി.
കുടുംബാംഗങ്ങളുടെ മരണം റിപ്പോർട്ട് ചെയ്യുന്നതിനായി ‘myAadhaar’ പോർട്ടലിൽ പുതിയ സൗകര്യം ഏർപ്പെടുത്തിയിട്ടുണ്ട്. മരിച്ച വ്യക്തിയുടെ ആധാർ നമ്പറും ഡെത്ത് രജിസ്ട്രേഷൻ നമ്പറും പോർട്ടലിൽ സമർപ്പിക്കാം. വിവരങ്ങൾ പരിശോധിച്ച ശേഷം ആധാർ നമ്പർ ഡിആക്ടിവേറ്റ് ചെയ്യും.
ഐഡന്റിറ്റി തട്ടിപ്പുകൾ കുറയ്ക്കുന്നതിനായി ബയോമെട്രിക് ലോക്കിംഗ്, ഫെയ്സ് ഓതന്റിക്കേഷൻ തുടങ്ങിയ സംവിധാനങ്ങളും UIDAI ശക്തമാക്കിയിട്ടുണ്ട്. ആധാർ വിവരങ്ങൾ എൻക്രിപ്റ്റ് ചെയ്ത രൂപത്തിൽ സൂക്ഷിക്കാൻ ‘ആധാർ ഡാറ്റാ വോൾട്ടുകളും’ നിർബന്ധമാക്കി. മരിച്ചവരുടെ ആധാർ യഥാസമയം റദ്ദാക്കുന്നത് വഴി ക്ഷേമപദ്ധതികൾ അർഹരായവരിലേക്ക് മാത്രം എത്തുന്നുവെന്ന് ഉറപ്പാക്കാൻ സാധിക്കും.
