Chintha Jerome : ചിന്ത ജെറോം ഡിവൈഎഫ്ഐ സംസ്ഥാന പ്രസിഡന്റ്, ചരിത്രത്തിലാദ്യം

തൃശ്ശൂർ : ഡിവൈഎഫ്ഐയുടെ സംസ്ഥാന സംഘടനാ ചരിത്രത്തിൽ ആദ്യമായി ഒരു വനിതാ നേതാവ് സംസ്ഥാന അധ്യക്ഷ പദവിയിലേക്ക് എത്തിയിരിക്കുകയാണ്. തൃശ്ശൂരിൽ നടക്കുന്ന സംസ്ഥാന സമ്മേളനത്തിൽ ചിന്താ ജെറോമിനെ ഡിവൈഎഫ്ഐ സംസ്ഥാന പ്രസിഡണ്ടായും സംസ്ഥാന സെക്രട്ടറിയായി എൻ വിജിൻ എംഎൽഎയും തെരഞ്ഞെടുത്തു. ഡിവൈഎഫ്ഐയുടെ അഖിലേന്ത്യാ പ്രസിഡന്റ് എ. എ റഹീം എംപിയാണ് സംസ്ഥാന ഭാരവാഹികളെ പ്രഖ്യാപിച്ചത്. ആർ ശ്യാമ, വി അനൂപ്, മുഹമ്മദ്‌ അഫ്സൽ എന്നിവരാണ് സംസ്ഥാന വൈസ് പ്രസിഡന്റുമാരായി തെരഞ്ഞെടുക്കപ്പെട്ടത്. ഗിരീഷ്മ അജയഘോഷ് ആണ് ജോയിന്റ് സെക്രട്ടറി, ആർ രാഹുൽ ആണ് ട്രഷറർ. ഡിവൈഎഫ്ഐയുടെ സംസ്ഥാന കമ്മിറ്റിയിൽ 96 അംഗങ്ങളാണ് ഉള്ളത്. സംസ്ഥാന സെക്രട്ടറിയേറ്റിൽ 25 അംഗങ്ങളും ഉൾപ്പെടുന്നു. ഡിവൈഎഫ്ഐയുടെ സംസ്ഥാന ചരിത്രത്തിൽ ഇത് ആദ്യമായാണ് ഒരു വനിത പ്രസിഡന്റ് സ്ഥാനത്തേക്ക് എത്തുന്നത്.