Kerala Rain Holiday: ശക്തമായ മഴയ്ക്ക് സാധ്യത; ഈ ജില്ലകളില് ഇന്ന് വിദ്യാഭ്യാസ സ്ഥാപനങ്ങള്ക്ക് അവധി
Kerala School and College Holiday Today Updates : ശക്തമായ മഴയ്ക്കുള്ള സാധ്യതയുള്ളതിനാല് കണ്ണൂര്, കാസര്കോട് ജില്ലകളില് ഇന്ന് വിദ്യാഭ്യാസ സ്ഥാപനങ്ങള്ക്ക് അവധി, എല്ലാ പ്രൊഫഷണല് കോളേജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും ബുധനാഴ്ച അവധി, റസിഡന്ഷ്യല് സ്കൂളുകള്ക്ക് അവധിയില്ല.
പ്രതീകാത്മക ചിത്രം
കാസര്കോട്/കണ്ണൂര്: ശക്തമായ മഴയ്ക്കുള്ള സാധ്യതയുള്ളതിനാല് കണ്ണൂര്, കാസര്കോട് ജില്ലകളില് ഇന്ന് (ജൂലൈ ഒന്ന്) വിദ്യാഭ്യാസ സ്ഥാപനങ്ങള്ക്ക് അവധി പ്രഖ്യാപിച്ചു. കാസര്കോട് ജില്ലയില് ഓറഞ്ച് അലര്ട്ട് പ്രവചിച്ചിരിക്കുന്നതിനാലും ശക്തമായ മഴ തുടരുന്നതിനാലും മുന്കരുതല് നടപടിയായി ജില്ലയിലെ എല്ലാ പ്രൊഫഷണല് കോളേജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും ബുധനാഴ്ച അവധി പ്രഖ്യാപിക്കുകയാണെന്ന് കളക്ടര് അര്ജുന് പാണ്ഡ്യന് അറിയിച്ചു. റസിഡന്ഷ്യല് സ്കൂളുകള്ക്ക് അവധിയില്ല.
പ്രൊഫഷണല് കോളേജുകള്, കോളേജുകള്, സ്കൂളുകള്, അങ്കണവാടികള്, ട്യൂഷന് സെന്ററുകള്, സിബിഎസ്ഇ, ഐസിഎസ്ഇ സ്കൂളുകള്, കേന്ദ്രീയ വിദ്യാലയങ്ങള്, മദ്രസകള് ഉള്പ്പെടെയുള്ള മതവിദ്യാഭ്യാസ സ്ഥാപനങ്ങള് എന്നിവയ്ക്കെല്ലാം ഇന്ന് അവധിയാണ്. നേരത്തെ നിശ്ചയിച്ച സര്വകലാശാല, പൊതുപരീക്ഷകള്ക്കും അഭിമുഖങ്ങള്ക്കും മാറ്റമില്ല.
കണ്ണൂര് ജില്ലയിലും അവധി
കണ്ണൂര് ജില്ലയിലെ വിദ്യാഭ്യാസ സ്ഥാപനങ്ങള്ക്കും ഇന്ന് അവധി പ്രഖ്യാപിച്ചു. കണ്ണൂര് ജില്ലയിലും ഇന്ന് ഓറഞ്ച് അലര്ട്ടാണ്. കനത്ത മഴയ്ക്ക് സാധ്യതയുള്ളതിനാല് ജില്ലയിലെ പ്രൊഫഷണല് കോളേജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും ജൂലൈ ഒന്നിന് അവധി പ്രഖ്യാപിക്കുകയാണെന്ന് കളക്ടര് അറിയിച്ചു. റസിഡന്ഷ്യല് സ്കൂളുകള്ക്ക് അവധിയില്ല.
പ്രൊഫഷണല് കോളേജുകള്, സ്കൂളുകള്, അങ്കണവാടികള്, ട്യൂഷന് സെന്ററുകള്, ഐസിഎസ്ഇ, സിബിഎസ്ഇ സ്കൂളുകള്, കേന്ദ്രീയ വിദ്യാലയങ്ങള്, മദ്രസകള് ഉള്പ്പെടെയുള്ള മതവിദ്യാഭ്യാസ സ്ഥാപനങ്ങള് എന്നിവയ്ക്ക് ഇന്ന് അവധി ബാധകമാണ്. നേരത്തെ തീരുമാനിച്ച സര്വകലാശാല/പൊതുപരീക്ഷകള്ക്കും അഭിമുഖങ്ങള്ക്കും മാറ്റമില്ലെന്നും കളക്ടര് വ്യക്തമാക്കി.
ഓറഞ്ച് അലര്ട്ട്
ഓറഞ്ച് അലര്ട്ട് പ്രഖ്യാപിച്ച പശ്ചാത്തലത്തിലാണ് ഇന്ന് കണ്ണൂര്, കാസര്കോട് ജില്ലകളില് അവധി പ്രഖ്യാപിച്ചത്. ഈ രണ്ട് ജില്ലകളില് മാത്രമാണ് ഇന്ന് ഓറഞ്ച് അലര്ട്ടുള്ളത്. ആലപ്പുഴ, എറണാകുളം, തൃശൂര്, പാലക്കാട്, മലപ്പുറം, കോഴിക്കോട്, വയനാട് ജില്ലകളില് യെല്ലോ അലര്ട്ടുണ്ട്. മറ്റ് ജില്ലകളില് ഗ്രീന് അലര്ട്ടാണ്.
നിലവിലെ വിലയിരുത്തലുകള് പ്രകാരം നാളെ ഒരു ജില്ലയിലും ഓറഞ്ച് അലര്ട്ടില്ല. കോഴിക്കോട്, കണ്ണൂര്, കാസര്കോട് ജില്ലകളില് യെല്ലോ അലര്ട്ടും, മറ്റ് ജില്ലകളില് ഗ്രീന് അലര്ട്ടുമാണ്. വെള്ളിയാഴ്ച എറണാകുളം, ഇടുക്കി, തൃശൂര്, മലപ്പുറം, കോഴിക്കോട്, കണ്ണൂര്, കാസര്കോട് ജില്ലകളില് യെല്ലോ അലര്ട്ടുണ്ട്. ശനിയാഴ്ച പത്തനംതിട്ട, കോട്ടയം, എറണാകുളം, ഇടുക്കി, തൃശൂര്, മലപ്പുറം, കോഴിക്കോട്, കണ്ണൂര്, കാസര്കോട് ജില്ലകളിലാണ് യെല്ലോ അലര്ട്ട്.
കേരളത്തില് ജൂലൈ രണ്ട് വരെ ഒറ്റപ്പെട്ടയിടങ്ങളില് ഇടിമിന്നലോട് കൂടിയ മഴയ്ക്കും, മണിക്കൂറില് 40-50 കി.മീ വേഗതയില് ശക്തമായ കാറ്റിനും സാധ്യതയുണ്ടെന്നാണ് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. എന്നാല് സംസ്ഥാനത്ത് ജൂലൈ മാസത്തില് സാധാരണയെക്കാള് കുറവ് മഴ സാധ്യതയാണ് കാലാവസ്ഥ വകുപ്പ് പ്രവചിക്കുന്നത്. എല്നിനോ സാഹചര്യം തുടരുകയാണ്. തുടര്ന്നുള്ള കാലവര്ഷ മാസങ്ങളില് ഇത് കൂടുതല് ശക്തി പ്രാപിച്ചേക്കും.
English Summary
Due to heavy rain, a holiday has been declared for all educational institutions, including professional colleges, in Kannur and Kasaragod districts today. This holiday will not affect any previously scheduled university exams, public exams, or interviews. An orange alert has been issued for Kannur and Kasaragod today, while several other districts are under a yellow alert. Though heavy rain and strong winds are expected until July 2, overall rainfall for July is predicted to be below normal.
