Ration: സമയം കഴിഞ്ഞിട്ടില്ല….ഏപ്രിൽ മാസത്തെ റേഷൻ വാങ്ങാൻ ഇനിയും അവസരം!

പ്രതീകാത്മക ചിത്രം

തിരുവനന്തപുരം: സംസ്ഥാനത്തെ റേഷൻ വിതരണത്തിന്റെ സമയപരിധി നീട്ടിയതായി സിവിൽ സപ്ലൈസ് വകുപ്പ് അറിയിച്ചു. ഏപ്രിൽ മാസത്തെ റേഷൻ വിതരണത്തിന്റെ കാലാവധിയാണ് നീട്ടിയത്. പശ്ചിമേഷ്യൻ യുദ്ധത്തിന്‍റെയും വിഷുവും പ്രമാണിച്ച് ഏപ്രിൽ, മേയ് മാസത്തെ റേഷൻ ഒരുമിച്ച് നൽകിയിരുന്നു. എന്നാൽ, ചിലയിടങ്ങളിഷ രണ്ട് മാസത്തെ വിഹിതം ഒരുമിച്ച് വിതരണം ചെയ്തതിൽ ചില പാകപിഴകൾ സംഭവിച്ചിരുന്നു.

ഏപ്രിലിലെ വിഹിതം കൈപ്പറ്റുന്നതിന് പകരം പലരും മെയ് മാസത്തിലെ വിഹിതമാണ് വാങ്ങിയത്. തുടർന്ന് ഏപ്രിൽ മാസത്തെ റേഷൻ വാങ്ങാനുള്ള സമയം നീട്ടിയിരുന്നു. മേയ് 5 വരെയാണ് സമയം നീട്ടിയത്. എന്നാൽ ഇപ്പോഴിതാ, സമയം വീട്ടും നീട്ടിയിരിക്കുകയാണ്. മെയ് 15 വരെയാണ് സമയം നീട്ടിയത്.

സിവിൽ സപ്ലൈസ് വകുപ്പിന്റെ അറിയിപ്പ്

2026 ഏപ്രിൽ മാസത്തെ റേഷൻ വിതരണം മെയ് 15 (വെള്ളിയാഴ്ച) വരെ നീട്ടിയിട്ടുണ്ട്. തുടർന്ന് മെയ് 16, ശനിയാഴ്ച റേഷൻ കടകൾക്ക് അവധി ആയിരിക്കും. അതേസമയം, ഏപ്രിൽ 4ന് ആരംഭിച്ചിരുന്ന മെയ് മാസത്തിലെ റേഷൻ വിതരണം തുടരുകയാണ്. മെയ് മാസത്തിലെ റേഷൻ വിഹിതം ഏപ്രിൽ മാസത്തിൽ മുൻകൂറായി വാങ്ങാത്തവർക്ക് അത് മെയ് 30 വരെ വാങ്ങാവുന്നതാണ്.

ALSO READ: മെയ് 15ന് ശേഷം പെട്രോൾ, ഡീസൽ, ​ഗ്യാസ് വില കൂടും; കാര്യങ്ങളൊക്കെ ഉറപ്പായി!

മെയ് മാസത്തിലെ റേഷൻ വിഹിതം

അന്ത്യോദയ അന്ന ജോയന (AAY)

അന്ത്യോദയ അന്ന ജോയന കാർഡിന് 30 കിലോ അരിയും രണ്ട് കിലോ ഗോതമ്പും സൗജന്യമായി ലഭിക്കുന്നതാണ്. കൂടാതെ, 3 പായ്ക്കറ്റ് ആട്ട് ഏഴ് രൂപ നിരക്കിൽ ലഭിക്കും.

മുൻഗണന വിഭാഗം (PHH)

മുൻഗണന വിഭാഗം കാർഡിലെ ഓരോ അംഗത്തിനും 4 കിലോ അരിയും 1 കിലോ ഗോതമ്പും സൗജന്യമായി ലഭിക്കുന്നതാണ്. കാർഡിന് അനുവദിച്ചിട്ടുള്ള ആകെ ഗോതമ്പിന്റെ അളവിൽ നിന്ന് നാല് കിലോ കുറച്ച് അതിന് പകരം 4 പായ്ക്കറ്റ് ആട്ട ഒമ്പത് രൂപ നിരക്കിൽ വാങ്ങാവുന്നതുമാണ്.

പൊതു വിഭാഗം സബ്സിഡി (NPS)

പൊതു വിഭാഗം സബ്സിഡി കാർഡിലെ ഓരോ അംഗത്തിവും രണ്ട് കിലോ അരി വീതം കിലോയക്ക് നാല് രൂപ നിരക്കിൽ ലഭിക്കും. കൂടാതെ, അധിക വിഹിതമായി മൂന്ന് കിലോ അരി കിലോയ്ക്ക് 10.90 രൂപ നിരക്കിൽ ലഭിക്കും. അതാത്, താലൂക്കിലെ സ്‌റ്റോക്കിന് അനുസരിച്ച് കാർഡിന് നാല് കിലോ വരെ ആട്ട 17 രൂപ നിരക്കിലും ലഭിക്കും.

പൊതു വിഭാഗം (NPNS)

പൊതുവിഭാഗം കാർഡിന് നാല് കിലോ അരി കിലോയ്ക്ക് 10.90 രൂപ നിരക്കിൽ ലഭിക്കും. അതാത്, താലൂക്കിലെ സ്റ്റോക്കിനനുസരിച്ച് കാർഡിന് നാല് കിലോ വരെ ആട്ട കിലോയ്ക്ക് 17 രൂപ നിരക്കിൽ ലഭിക്കും.

പൊതു വിഭാഗം സ്ഥാപനം (NPI)

പൊതു വിഭാഗം സ്ഥാപനം കാർഡിന് രണ്ട് കിലോ അരി 10.90 രൂപ നിരക്കിൽ ലഭിക്കും, അതാത്, താലൂക്കിലെ സ്റ്റോക്കിനനുസരിച്ച് കാർഡിന് പരമാവധി 1 കിലോ ആട്ട കിലോയ്ക്ക് 17 രൂപ നിരക്കിൽ ലഭിക്കുന്നതാണ്.

ഫെയ്സ്ബുക്ക് പോസ്റ്റ്

English Summary:

Kerala Government Civil Supplies Department has announced that deadline for ration distribution extended. The ration distribution for the month of April 2026 has been extended till May 15 (Friday). Thereafter, ration shops will be closed on Saturday, May 16.