Kozhikode Deepak Death: ദീപക്കിന്റെ ആത്‍മഹത്യ; പ്രതി ഷിംജിതയെ പൊലീസ് കസ്റ്റഡിയിൽ വിട്ടു

കോഴിക്കോട്: ലൈംഗികാക്രമണ ആരോപണത്തെ തുടർന്ന് ദീപക് എന്ന യുവാവ് ആത്മഹത്യ ചെയ്ത സംഭവത്തിൽ പ്രതിയായ ഷിജിതയെ പോലീസ് കസ്റ്റഡിയിൽ വിട്ടു. ഇന്ന് വൈകിട്ട് 5 മണി വരെ പോലീസ് കസ്റ്റഡിയിൽ തുടരും. കുന്നമംഗലം മജിസ്ട്രേറ്റ് കോടതിയാണ് കസ്റ്റഡി അപേക്ഷ പരിഗണിച്ചത്. പ്രതിയായ ഷിംജിത വീഡിയോ ചിത്രീകരിച്ച സ്വകാര്യബസ്സിൽ വച്ച് തെളിവെടുപ്പ് നടത്തുന്നതിനു വേണ്ടിയാണ് പോലീസ് കസ്റ്റഡി അപേക്ഷ നൽകിയത്.

ALSO READ:ഷിംജിതയ്ക്ക് ജാമ്യമില്ല, ജയിലില്‍ തുടരും; അപേക്ഷ കോടതി തള്ളി

ദീപക്കിന്റെ മരണവുമായി ബന്ധപ്പെട്ട് കുടുംബം നൽകിയ പരാതിയിന്മേലാണ് ഷിംജിത മുസ്തഫയെ ആത്മഹത്യാപ്രേരണ കുറ്റം ചുമത്തി അറസ്റ്റ് ചെയ്തത്. ദീപക്ക് ജീവൻ ഒടുക്കാൻ കാരണം ഷിംജിത ഇൻസ്റ്റഗ്രാമിൽ ബസിൽ നിന്നുള്ള വീഡിയോ സഹിതം ഉന്നയിച്ച ആരോപണങ്ങളാണ് എന്നായിരുന്നു കുടുംബം നൽകിയ പരാതി. ജാമ്യാപേക്ഷ കോടതി നാളെ പരിഗണിക്കുവാനായി മാറ്റിയിരുന്നു.