Health tips: ഇരുന്നുള്ള ജോലിയാണോ? സൂക്ഷിക്കുക, ഈ ആരോഗ്യപ്രശ്നങ്ങൾ നിങ്ങളെ തേടിയെത്തിയേക്കാം
Desk Job issues and Remedies: കൂടുതൽ സമയം അനങ്ങാതെ ഇരിക്കുന്നത് ശരീരത്തിലെ ഉപാപചയ പ്രവർത്തനങ്ങളെ മന്ദഗതിയിലാക്കുകയും രക്തചംക്രമണം കുറയ്ക്കുകയും ചെയ്യുന്നു. ഇത് സന്ധികളിലും പേശികളിലും കടുത്ത വേദനയ്ക്കും പിരിമുറുക്കത്തിനും കാരണമാകും. ദീർഘനേരം ഒരേയിരുപ്പിൽ ഇരിക്കുന്നത് നട്ടെല്ല്, കഴുത്ത്, തോൾ എന്നിവിടങ്ങളിൽ കടുത്ത സമ്മർദ്ദമുണ്ടാക്കുന്നു.
വർക്ക് ഫ്രം ഹോം ആണെങ്കിലും ഓഫീസിലാണെങ്കിലും മണിക്കൂറുകളോളം ഒരേയിരുപ്പിൽ ജോലി ചെയ്യുന്നത് ഗുരുതരമായ ആരോഗ്യപ്രശ്നങ്ങൾക്ക് വഴിവെക്കുമെന്ന് ഡോക്ടർമാർ മുന്നറിയിപ്പ് നൽകുന്നു. അമിതവണ്ണം, ഹൃദ്രോഗം, ടൈപ്പ്-2 പ്രമേഹം തുടങ്ങിയ ജീവിതശൈലി രോഗങ്ങളിലേക്ക് നയിക്കുന്ന പ്രധാന കാരണങ്ങളിലൊന്നാണ് ഈ സെഡന്ററി ലൈഫ്സ്റ്റൈൽ.
എന്തുകൊണ്ട് ദീർഘനേരത്തെ ഇരിപ്പ് ദോഷകരമാകുന്നു?
കൂടുതൽ സമയം അനങ്ങാതെ ഇരിക്കുന്നത് ശരീരത്തിലെ ഉപാപചയ പ്രവർത്തനങ്ങളെ മന്ദഗതിയിലാക്കുകയും രക്തചംക്രമണം കുറയ്ക്കുകയും ചെയ്യുന്നു. ഇത് സന്ധികളിലും പേശികളിലും കടുത്ത വേദനയ്ക്കും പിരിമുറുക്കത്തിനും കാരണമാകും. ദീർഘനേരം ഒരേയിരുപ്പിൽ ഇരിക്കുന്നത് നട്ടെല്ല്, കഴുത്ത്, തോൾ എന്നിവിടങ്ങളിൽ കടുത്ത സമ്മർദ്ദമുണ്ടാക്കുന്നു. ഇത് പിന്നീട് നടുവേദനയ്ക്കും കഴുത്ത് വേദനയ്ക്കും സന്ധികളുടെ തേയ്മാനത്തിനും വഴിമാറുന്നു എന്ന് വിദഗ്ധർ വ്യക്തമാക്കുന്നു.
ജോലിക്കിടയിൽ ആരോഗ്യം സംരക്ഷിക്കാൻ വഴികൾ
- ചെറിയ ഇടവേളകൾ എടുക്കുക: എല്ലാ 30-60 മിനിറ്റിലും കസേരയിൽ നിന്ന് എഴുന്നേറ്റ് ഒന്ന് നടക്കുകയോ ശരീരം സ്ട്രെച്ച് ചെയ്യുകയോ വേണം.
- ഡെസ്ക് വ്യായാമങ്ങൾ: കഴുത്ത് വട്ടം കറക്കുക, തോളുകൾ ഉയർത്തുക, ഇരുന്നുകൊണ്ട് തന്നെ കാലുകൾ നീട്ടുക തുടങ്ങിയ ലളിതമായ വ്യായാമങ്ങൾ ചെയ്യാം.
ALSO READ: തടി കുറയ്ക്കണോ? നാരങ്ങാവെള്ളത്തിൽ അല്പം തേനൊഴിച്ചു കുടിക്കൂ; ഒറ്റ മാസം കൊണ്ട് മാറ്റം കാണാം
- ശരിയായ ഇരിപ്പ് രീതി: നട്ടെല്ല് നേരെ വെച്ച് ഇരിക്കുക. കമ്പ്യൂട്ടർ സ്ക്രീൻ കണ്ണിന്റെ നേരെയായിരിക്കണം. പാദങ്ങൾ തറയിൽ അമർന്നിരിക്കണം.
- ഫോൺ കോളുകൾക്കിടയിൽ നടക്കുക: ഫോൺ സംസാരിക്കുമ്പോൾ ഇരിക്കാതെ എഴുന്നേറ്റ് നടക്കുന്നത് ശീലമാക്കുക. ലിഫ്റ്റിനു പകരം പടവുകൾ ഉപയോഗിക്കുന്നതും ഗുണകരമാണ്.
- ധാരാളം വെള്ളം കുടിക്കുക: നിർജ്ജലീകരണം ഒഴിവാക്കാൻ വെള്ളം കുടിക്കുന്നത് ശീലമാക്കുക. ഇത് ഇടയ്ക്കിടെ എഴുന്നേൽക്കാനുള്ള അവസരവും നൽകും.
ജോലിക്ക് ശേഷമുള്ള ജീവിതം
ഓഫീസ് സമയത്തെ ചലനങ്ങൾക്കൊപ്പം തന്നെ ആഴ്ചയിൽ കുറഞ്ഞത് 150 മിനിറ്റ് മിതമായ വ്യായാമം (സൈക്ലിംഗ്, നീന്തൽ, അല്ലെങ്കിൽ വേഗത്തിലുള്ള നടപ്പ്) അത്യാവശ്യമാണെന്ന് വിദഗ്ധർ പറയുന്നു നിർദ്ദേശിക്കുന്നു. ശാരീരിക ആരോഗ്യത്തിനൊപ്പം തന്നെ മാനസികാരോഗ്യവും പ്രധാനമാണ്. ജോലിക്കിടയിൽ ചെറിയ ശ്വസന വ്യായാമങ്ങൾ ചെയ്യുന്നത് സമ്മർദ്ദം കുറയ്ക്കാൻ സഹായിക്കും. ചെറിയ മാറ്റങ്ങളിലൂടെ വലിയ ആരോഗ്യപ്രശ്നങ്ങളെ നമുക്ക് പ്രതിരോധിക്കാം.
English Summary
Prolonged sitting at desk jobs can lead to serious health issues like obesity, heart disease, and joint pain due to reduced circulation and poor posture. To combat these risks, experts recommend integrating small movements—such as short walking breaks, stretching, and ergonomic adjustments—into your daily work routine.
