Bank Holiday: ഇടപാടുകാരുടെ ശ്രദ്ധയ്ക്ക്, ഇന്ന് മുതൽ 3 ദിവസം ബാങ്ക് അവധി
Bank Holiday in Kerala: കണക്കെടുപ്പ് ആയതിനാൽ ഇന്ന് പണമിടപാട് ഉണ്ടായിരിക്കില്ല. സാമ്പത്തിക വർഷത്തിന്റെ കണക്കെടുപ്പും തുടർന്നു വരുന്ന പൊതു അവധികളുമാണ് ബാങ്ക് പ്രവർത്തനങ്ങളെ ബാധിക്കുന്നത്. ബാങ്കുകൾക്കൊപ്പം ട്രഷറികളിലെ പ്രവർത്തനവും തടസപ്പെടും. എ.ടി.എം സേവനങ്ങളും ഓൺലൈൻ ബാങ്കിംഗ് സൗകര്യങ്ങളും തടസ്സമില്ലാതെ ലഭ്യമാകും.
ഇന്ന് ബാങ്കിൽ പോകാൻ പ്ലാൻ ചെയ്തിരിക്കുകയാണോ? എങ്കിൽ നിരാശ ആയിരിക്കും ഫലം. ആർബിഐ കലണ്ടർ പ്രകാരം, സംസ്ഥാനത്ത് ഇന്ന് മുതൽ മൂന്ന് ദിവസത്തേക്ക് ബാങ്കുകൾക്ക് അവധിയായിരിക്കും. കണക്കെടുപ്പ് ആയതിനാൽ ഇന്ന് പണമിടപാട് ഉണ്ടായിരിക്കില്ല.
സാമ്പത്തിക വർഷത്തിന്റെ കണക്കെടുപ്പും തുടർന്നു വരുന്ന പൊതു അവധികളുമാണ് ബാങ്ക് പ്രവർത്തനങ്ങളെ ബാധിക്കുന്നത്. ഏപ്രിൽ 1 ബുധനാഴ്ച, കണക്കെടുപ്പ് ആണ്. ഏപ്രിൽ 2 പെസഹ വ്യാഴവും ഏപ്രിൽ 3 ദു:ഖവെള്ളിയും അവധിയാണ്.
ബാങ്കുകൾക്കൊപ്പം ട്രഷറികളിലെ പ്രവർത്തനവും തടസപ്പെടും. ഏപ്രിൽ ഒന്ന് 'നോ ട്രാൻസാക്ഷൻ ഡേ' പ്രഖ്യാപിച്ചതിനാല് ട്രഷറികളിലും സാമ്പത്തിക ഇടപാടുകള് നടക്കില്ലെന്ന് അധികൃതർ അറിയിച്ചു.
അതേസമയം, ശനിയാഴ്ച രാവിലെ ഏജന്സി ബാങ്കുകളില് നിന്ന് പണം ലഭ്യമാക്കിയശേഷമേ ട്രഷറികളില് പെന്ഷന്, സേവിങ്സ് ബാങ്ക് തുടങ്ങിയവ വഴിയുള്ള പണം ഇടപാടുകള് ആരംഭിക്കുകയുള്ളൂവെന്ന് അധികൃതര് അറിയിച്ചിട്ടുണ്ട്.
ബാങ്ക് വഴിയുള്ള പണമിടപാടുകൾ, ചെക്ക് ക്ലിയറൻസ് തുടങ്ങിയ സേവനങ്ങൾ ഇനി ശനിയാഴ്ച മാത്രമേ പുനരാരംഭിക്കുകയുള്ളൂ. എന്നാൽ എ.ടി.എം സേവനങ്ങളും ഓൺലൈൻ ബാങ്കിംഗ് സൗകര്യങ്ങളും തടസ്സമില്ലാതെ ലഭ്യമാകും. (Image Credit: PTI, Getty Images)
