Health Tips: നഖങ്ങളിൽ തവിട്ട് നിറത്തിൽ വരയുണ്ടോ? അവഗണിക്കരുത്; ഈ രോഗത്തിൻ്റെ ലക്ഷണമാകാം
Brown Line Warning on Nails; ഒരുപക്ഷേ നിസാരമെന്ന് കരുതി തള്ളികളയുന്ന ഈ ലക്ഷണം വലിയ രോഗത്തിൻ്റെ അടയാളമാണെങ്കിലോ. നഖത്തിനടിയിൽ വികസിക്കുന്ന ഈ അവസ്ഥയെ സബ്ഗുവൽ മെലനോമ എന്നാണ് അറിയപ്പെടുന്നത്. ഇത് ഒരു തരം ചർമ്മ കാൻസറാണെന്നാണ് ആരോഗ്യ വിദഗ്ധർ പറയുന്നത്. പുതിയ നഖ കോശങ്ങൾ നിർമ്മിക്കപ്പെടുന്ന മാട്രിക്സിൽ നിന്നാണ് ഈ കാൻസർ ഉണ്ടാകുന്നത്.
നമ്മുടെ ആരോഗ്യാവസ്ഥ മോശമാണെങ്കിൽ അതിൻ്റെ ലക്ഷണങ്ങൽ പല തരത്തിലാണ് പ്രത്യക്ഷപ്പെടുന്നത്. അതിലൊന്നാണ് നഖത്തിനുണ്ടാകുന്ന മാറ്റങ്ങൾ. പല ആരോഗ്യ പ്രശനങ്ങളുടെയും ആദ്യ ലക്ഷണമെന്നോണം നഖത്തിൽ മാറ്റങ്ങൾ സംഭവിക്കാം. നിറവ്യത്യാസമാണ് ഏറ്റവും പ്രധാനമായും ശ്രദ്ധിക്കേണ്ടത്. അത്തരത്തിൽ നിങ്ങൾ ശ്രദ്ധിക്കേണ്ട ഒന്നാണ് നഖത്തിലെ തവിട്ടുനിറത്തിലുള്ള വര. (Image Credits : Getty Images)
ഒരുപക്ഷേ നിസാരമെന്ന് കരുതി തള്ളികളയുന്ന ഈ ലക്ഷണം വലിയ രോഗത്തിൻ്റെ അടയാളമാണെങ്കിലോ. നഖത്തിനടിയിൽ വികസിക്കുന്ന ഈ അവസ്ഥയെ സബ്ഗുവൽ മെലനോമ എന്നാണ് അറിയപ്പെടുന്നത്. ഇത് ഒരു തരം ചർമ്മ കാൻസറാണെന്നാണ് ആരോഗ്യ വിദഗ്ധർ പറയുന്നത്. പുതിയ നഖ കോശങ്ങൾ നിർമ്മിക്കപ്പെടുന്ന മാട്രിക്സിൽ നിന്നാണ് ഈ കാൻസർ ഉണ്ടാകുന്നത്.
മെലനോസൈറ്റുകൾ എന്നാൽ നമ്മുടെ ചർമ്മത്തിനും നഖത്തിനും നിറം നൽകുന്ന പിഗ്മെന്റുകൾ ഉത്പാദിപ്പിക്കുന്ന കോശങ്ങളാണ്. ഈ കോശങ്ങൾ അനിയന്ത്രിതമായി വളരാൻ തുടങ്ങുന്നതാണ് നഖത്തിന് തവിട്ടുനിറമായി കാണപ്പെടുന്നത്. നഖത്തിന് കുറുകെയോ നീളത്തിലോ ഉള്ള ഇരുണ്ട നിറത്തിലുള്ള വരകളായിട്ടാണ് ഇതിൻ്റെ ആദ്യ ലക്ഷണം പുറത്തുവരുന്നത്.
ചിലപ്പോൾ ഇത് ഒരു ഫംഗസ് അണുബാധയോ വിറ്റാമിൻ കുറവുകൾ മൂലമുണ്ടാകുന്ന പിഗ്മെന്റേഷനോ ആയേക്കാം. ഇക്കാരണത്താൽ, പലരും വൈദ്യോപദേശം വൈകിപ്പിക്കുകയും ലക്ഷണങ്ങളെ അവഗണിക്കുകയും വീട്ടുവൈദ്യങ്ങൾ ആശ്രയിക്കുകയും ചെയ്യാറുണ്ട്. എന്നാൽ ഇത്തരം സാഹചര്യങ്ങളിൽ ആദ്യം തന്നെ ഒരു ഡോക്ടറെ സമീപിച്ച് കാരണം കണ്ടെത്തി ചികിത്സിക്കുന്നത് വളരെ നല്ലതാണ്.
അതൊകൊണ്ട് തന്നെ നഖത്തിലെ നിറവ്യത്യാസം, ഘടന വളർച്ചയിലുണ്ടാകുന്ന മാറ്റങ്ങൾ ഇതെല്ലാം ഇടയ്ക്കിടെ ശ്രദ്ധിക്കേണ്ടത്. ഏത് രോഗത്തെയും പോലെ തന്നെ നേരത്തെ കണ്ടെത്തിയാൽ കാൻസറിനെയും നമുക്ക് അകറ്റിനിർത്താൻ സാധിക്കുന്നതാണ്. കൂടാതെ ഈ നഖത്തിലെ നിറവ്യത്യാസം മറ്റ് നഖങ്ങളിലേക്ക് വ്യാപിക്കില്ല, പകരം നിലവിലുള്ള നഖത്തിൻ്രെ ചുറ്റമുള്ള ചർമ്മത്തെ മാത്രമാണ് ബാധിക്കുന്നത്.
