Hardik Pandya: ഇന്സ്റ്റഗ്രാം അക്കൗണ്ട് ഇല്ലാതാക്കി; ഹാര്ദ്ദിക് പാണ്ഡ്യയ്ക്ക് സംഭവിച്ചതെന്ത്?
Hardik Pandya Deactivates Instagram Profile : ഇന്സ്റ്റഗ്രാം അക്കൗണ്ട് ഇല്ലാതാക്കി ക്രിക്കറ്റ് താരം ഹാര്ദിക് പാണ്ഡ്യ. കാരണം വ്യക്തമല്ല. അദ്ദേഹത്തിന്റെ അക്കൗണ്ട് തിരയുമ്പോള് യൂസർ നോട്ട് ഫൗണ്ട് എന്നാണ് കാണിക്കുന്നത്. ഹാര്ദ്ദിക് അക്കൗണ്ട് നീക്കം ചെയ്തതിന്റെ കാരണം തേടുകയാണ് ആരാധകര്.
തന്റെ ഇന്സ്റ്റഗ്രാം അക്കൗണ്ട് ഇല്ലാതാക്കി ക്രിക്കറ്റ് താരം ഹാര്ദിക് പാണ്ഡ്യ. കാരണം വ്യക്തമല്ല. അദ്ദേഹത്തിന്റെ അക്കൗണ്ട് തിരയുമ്പോള് 'യൂസർ നോട്ട് ഫൗണ്ട്' എന്നാണ് കാണിക്കുന്നത്. ഹാര്ദ്ദിക് അക്കൗണ്ട് നീക്കം ചെയ്തതിന്റെ കാരണം തേടുകയാണ് ആരാധകര് (Image Credit Source: PTI).
ഐപിഎല്ലില് ഹാര്ദിക് ഏറെ വിമര്ശനം നേരിട്ടിരുന്നു. ഹാര്ദിക് ക്യാപ്റ്റനായ മുംബൈ ഇന്ത്യന്സ് മോശം പ്രകടനമാണ് പുറത്തെടുത്തത്. 14 മത്സരങ്ങളില് നാലെണ്ണത്തില് മാത്രമാണ് ജയിച്ചത്. പോയിന്റ് ടേബിളില് ഒമ്പതാമതായിരുന്നു.
ക്യാപ്റ്റനെന്ന നിലയിലും, ഓള് റൗണ്ടറായും മികച്ച പ്രകടനം പുറത്തെടുക്കാന് ഹാര്ദിക്കിന് സാധിച്ചില്ല. പരിക്കും തിരിച്ചടിയായി. താരം മുംബൈ ഇന്ത്യന്സ് വിട്ടേക്കുമെന്ന തരത്തിലുള്ള അഭ്യൂഹങ്ങളും ശക്തമായിരുന്നു. ഒരു ട്രേഡിംഗ് ഉടൻ തന്നെ ഉണ്ടായേക്കാമെന്നാണ് ആരാധകര് സംശയിച്ചത്.
അടുത്തിടെ ഹാർദിക് സോഷ്യൽ മീഡിയയിൽ പങ്കുവെച്ച ഒരു ചിത്രം വലിയ ചർച്ചകൾക്ക് വഴിവെച്ചിരുന്നു. ചിത്രത്തിൽ അദ്ദേഹത്തിന്റെ ഫോണിൽ കണ്ട '07:07' എന്ന ടൈംസ്റ്റാമ്പ്, താരം ചെന്നൈ സൂപ്പർ കിംഗ്സിലേക്ക് മാറാൻ പോകുന്നതിന്റെ സൂചനയാണെന്ന തരത്തില് അഭ്യൂഹം വ്യാപകമായി. ധോണിയുമായി ബന്ധപ്പെട്ട് ആരാധകര് പരാമര്ശിക്കുന്ന നമ്പറാണ് ഏഴ്. ഇതാണ് അഭ്യൂഹങ്ങള്ക്ക് കാരണമായത്.
ഈ ഐപിഎല് സീസണില് ഹാര്ദിക് വളരെ മോശം പ്രകടനമാണ് പുറത്തെടുത്തത്. 10 മത്സരങ്ങളിൽ നിന്ന് വെറും 206 റൺസ് മാത്രമാണ് അദ്ദേഹം നേടിയത്. നാല് വിക്കറ്റുകൾ മാത്രമാണ് വീഴ്ത്താനായത്. പുറംവേദന കാരണം അദ്ദേഹത്തിന് ചില മത്സരങ്ങൾ നഷ്ടമാവുകയും ചെയ്തിരുന്നു.
