Curd: വേനൽച്ചൂടിൽ തൈര് പെട്ടെന്ന് പുളിക്കുന്നുണ്ടോ? പരിഹാരം ഇത്
Way to Prevent Curd from Getting Sour: ഏറെ ആരോഗ്യഗുണങ്ങളുള്ളതും ശരീരത്തിന് തണുപ്പ് നൽക്കുന്നവയുമാണ് തൈര്. എന്നാൽ വേനൽച്ചൂടിൽ തൈര് പെട്ടെന്ന് പുളിച്ച് പോകുന്നത് പലരും നേരിടുന്ന വെല്ലുവിളിയാണ്. എന്നാൽ ഇനി അതോർത്ത് വിഷമിക്കേണ്ട, തൈര് പെട്ടെന്ന് പുളിച്ച് പോകുന്നത് തടയാൻ സഹായിക്കുന്ന ചില പരിഹാരമാർഗങ്ങളുണ്ട്. അവ ഏതെല്ലാമെന്ന് നോക്കിയാലോ....
ഒരിക്കലും തിളപ്പിച്ച പാൽ ചൂടോടെ ഉറയൊഴിക്കാൻ ഉപയോഗിക്കരുത്. അമിതമായ ചൂടുള്ള പാലിൽ ഉറയൊഴിക്കുന്നത് തൈര് പെട്ടെന്ന് പുളിച്ച് പോകാൻ കാരണമാകും. അതിനാൽ, പാൽ നന്നായി തണുത്ത ശേഷം മാത്രം ഉറയൊഴിക്കുക. (Image Credit Source : Getty Images)
അതുപോലെ ഉറ അധികമായാലും തൈര് പെട്ടെന്ന് പുളിച്ച് പോകും. അതുകൊണ്ട് വേനൽക്കാലത്ത് തൈര് ഉണ്ടാക്കുമ്പോൾ ഉപയോഗിക്കുന്ന ഉറയുടെ, അതായത് മുമ്പ് ഉണ്ടാക്കിയ തൈരിന്റെ അളവ് കുറയ്ക്കുക. ഒരു ലിറ്റർ പാലിന് ഒരു ടീസ്പൂൺ ഉറ മാത്രം മതിയാകും.
തൈര് സൂക്ഷിക്കാൻ മൺപാത്രങ്ങൾ ഉപയോഗിക്കുന്നതാണ് നല്ലത്. മൺപാത്രങ്ങൾ സ്വാഭാവികമായും തണുപ്പ് നിലനിർത്തുന്നതിനാൽ തൈര് പെട്ടെന്ന് കേടാകില്ല. സ്റ്റീൽ പാത്രങ്ങളേക്കാൾ കൂടുതൽ സമയം ഫ്രഷ് ആയി ഇരിക്കാനും മൺപാത്രങ്ങളിൽ സൂക്ഷിക്കുന്നത് സഹായിക്കും.
തൈര് നിറച്ച പാത്രം എവിടെ വെക്കുന്നു എന്നതും തൈര് പുളിക്കുന്നതിനെ സ്വാധീനിക്കും. അടുക്കളയിലെ താരതമ്യേന തണുത്ത ഭാഗത്ത് തൈര് സൂക്ഷിക്കുവുന്നതാണ്. സൂര്യപ്രകാശം നേരിട്ട് ഏൽക്കുന്ന സ്ഥലത്തോ ഗ്യാസ് സ്റ്റൗവിനടുത്തോ തൈര് വെക്കുന്നത് ഒഴിവാക്കേണ്ടതാണ്.
തൈര് കട്ടയായി കഴിഞ്ഞാൽ ഉടൻ തന്നെ ഫ്രിഡ്ജിലേക്ക് മാറ്റാൻ ശ്രദ്ധിക്കുക. കൂടുതൽ സമയം പുറത്തുവെക്കുന്നത് പുളിപ്പ് വർദ്ധിപ്പിക്കും. സാധാരണയായി 4-5 മണിക്കൂർ കൊണ്ട് തൈര് റെഡിയാകും.
