IPL 2026: പിഎസ്എല്ലില്‍ നിന്ന് മുങ്ങിയ താരം പൊങ്ങിയത് ഐപിഎല്ലില്‍; സ്‌പെണ്‍സര്‍ ജോണ്‍സണെ പൊക്കി സിഎസ്‌കെ
Spencer Johnson replaces Nathan Ellis in CSK: നഥാന്‍ എല്ലിസിന് പകരക്കാരനെ കണ്ടെത്തി ചെന്നൈ സൂപ്പര്‍ കിങ്‌സ്. സ്‌പെണ്‍സര്‍ ജോണ്‍സണ്‍ സിഎസ്‌കെയുടെ ഭാഗമാകും. തുടക്കത്തിലെ ചില മത്സരങ്ങള്‍ താരത്തിന് നഷ്ടമാകും. ഐപിഎല്ലില്‍ ജോണ്‍സണ്‍ നേരത്തെ കൊല്‍ക്കത്ത നൈറ്റ് റൈഡേഴ്‌സിനും, ഗുജറാത്ത് ടൈറ്റന്‍സിനും വേണ്ടി വേണ്ടി കളിച്ചിട്ടുണ്ട്.
പരിക്കേറ്റ നഥാന്‍ എല്ലിസിന് പകരക്കാരനെ കണ്ടെത്തി ചെന്നൈ സൂപ്പര്‍ കിങ്‌സ്. 1.5 കോടി രൂപയ്ക്ക് സ്‌പെണ്‍സര്‍ ജോണ്‍സണ്‍ സിഎസ്‌കെയുടെ ഭാഗമാകും. എന്നാല്‍ തുടക്കത്തിലെ ചില മത്സരങ്ങള്‍ താരത്തിന് നഷ്ടമാകും. ഏപ്രില്‍ 21നും 23നും അകം ജോണ്‍സണ്‍ ടീമില്‍ ചേരുമെന്ന് സിഎസ്‌കെ അറിയിച്ചു (Image Credits: PTI).
ജോണ്‍സണ്‍ നേരത്തെ കൊല്‍ക്കത്ത നൈറ്റ് റൈഡേഴ്‌സിനും, ഗുജറാത്ത് ടൈറ്റന്‍സിനും വേണ്ടി വേണ്ടി കളിച്ചിട്ടുണ്ട്. ഓസ്ട്രേലിയയ്ക്കായി 13 അന്താരാഷ്ട്ര മത്സരങ്ങൾ കളിച്ചിട്ടുണ്ട്. ഇതില്‍ അഞ്ച് ഏകദിനവും, 8 ടി20കളും ഉള്‍പ്പെടുന്നു. രാജ്യാന്തര ക്രിക്കറ്റില്‍ 18 വിക്കറ്റുകള്‍ വീഴ്ത്തി.
കഴിഞ്ഞ സീസണില്‍ ജോണ്‍സണ്‍ കൊല്‍ക്കത്തയ്ക്ക് വേണ്ടിയാണ് കളിച്ചത്. നാല് മത്സരങ്ങളിലാണ് കളിച്ചത്. ഒരു വിക്കറ്റ് മാത്രമേ നേടാനായുള്ളൂ. ചെന്നൈയില്‍ താരം തിളങ്ങുമെന്ന പ്രതീക്ഷയിലാണ് ആരാധകര്‍.
വ്യക്തിപരമായ കാരണങ്ങളാൽ കുറച്ച് ദിവസങ്ങൾക്ക് മുമ്പ് പാകിസ്ഥാൻ സൂപ്പർ ലീഗില്‍ നിന്ന് ജോണ്‍സണ്‍ പിന്മാറിയിരുന്നു. ഇതിന് പിന്നാലെയാണ് ഐപിഎല്ലിന്റെ ഭാഗമായത്. പിഎസ്എല്ലില്‍ ക്വറ്റ ഗ്ലാഡിയേറ്റേഴ്‌സിനായി ജോൺസൺ കളിക്കേണ്ടതായിരുന്നു. വ്യക്തിപരമായ കാരണങ്ങളാൽ മാർച്ച് 15-ന് അദ്ദേഹം ടൂർണമെന്റിൽ നിന്ന് പിന്മാറി.
ഈ സീസണില്‍ ഐപിഎല്‍ കളിക്കാന്‍, പിഎസ്എല്‍ ഉപേക്ഷിക്കുന്ന മൂന്നാമത്തെ വിദേശ താരമാണ് ജോണ്‍സണ്‍. സിംബാബ്‌വെയുടെ ബ്ലെസ്സിംഗ് മുസറബാനിയാണ് ആദ്യം പിഎസ്എല്‍ ഉപേക്ഷിച്ചത്. പിന്നാലെ ശ്രീലങ്കയുടെ ദസുന്‍ ശനകയും പിഎസ്എല്ലില്‍ നിന്ന് ഐപിഎല്ലിലെത്തി. ഇപ്പോഴിതാ ജോണ്‍സണും.
