IPL 2026 Qualifier 1: ധർമ്മശാലയിൽ ഇന്ന് ‘തീപാറും’ പോരാട്ടം; മത്സരം മഴ കൊണ്ടുപോയാല് ഫൈനലിൽ കയറുന്നത് ആര്?
RCB vs GT Qualifier 1 IPL 2026: ടോസ് നേടിയ ഗുജറാത്ത് ടൈറ്റന്സ് റോയല് ചലഞ്ചേഴ്സ് ബെംഗളൂരുവിനെ ബാറ്റിങിന് അയച്ചു. മഴ മൂലം മത്സരം ഉപേക്ഷിച്ചാല് പോയിന്റ് പട്ടികയില് ഒന്നാമതുള്ള ആര്സിബി നേരിട്ട് ഫൈനലിലെത്തും. ക്വാളിഫയര് മത്സരങ്ങള്ക്ക് റിസര്വ് ദിനമില്ല.
ഐപിഎല് 2026-ലെ ആദ്യ ക്വാളിഫയര് അല്പസമയത്തിനുള്ളില് ആരംഭിക്കും. ടോസ് നേടിയ ഗുജറാത്ത് ടൈറ്റന്സ് ആര്സിബിയെ ബാറ്റിങിന് അയച്ചു. ഇരുടീമുകളും ലീഗ് ഘട്ടത്തിലെ 14 മത്സരങ്ങളില് ഒമ്പത് വിജയങ്ങള് നേടി. മികച്ച റണ്റേറ്റിന്റെ പിന്ബലത്തില് ആര്സിബി പോയിന്റ് ടേബിളില് ഒന്നാമതെത്തി (Image Credit Source: PTI).
ധര്മ്മശാലയില് നടക്കുന്ന ക്വാളിഫയര് പോരാട്ടത്തില് മഴ വില്ലനായേക്കുമോയെന്ന് ആശങ്കയുണ്ട്. അക്യുവെതർ പ്രവചനപ്രകാരം നഗരത്തിൽ 14 മുതൽ 25 ശതമാനം വരെ മേഘാവൃതമായ അന്തരീക്ഷവും, ഒപ്പം 80 ശതമാനം മഴയ്ക്കുള്ള സാധ്യതയുമുണ്ട്. മത്സരം മൂലം മഴ ഉപേക്ഷിച്ചാല് ആര്സിബി രക്ഷപ്പെടും. ഗുജറാത്തിന് തിരിച്ചടിയാകും.
മഴ മൂലം മത്സരം ഉപേക്ഷിച്ചാല് പോയിന്റ് പട്ടികയില് ഒന്നാമതുള്ള ആര്സിബി നേരിട്ട് ഫൈനലിലെത്തും. ക്വാളിഫയര് മത്സരങ്ങള്ക്ക് റിസര്വ് ദിനമില്ല. അതുകൊണ്ട് തന്നെ മത്സരം ഉപേക്ഷിക്കേണ്ടി വന്നാല് ടേബിള് ടോപേഴ്സിന് ആനുകൂല്യം ലഭിക്കും. അങ്ങനെ സംഭവിച്ചാലും ഗുജറാത്തിന് നിരാശപ്പെടേണ്ടതില്ല.
രാജസ്ഥാന് റോയല്സും, സണ്റൈസേഴ്സ് ഹൈദരാബാദും തമ്മില് നടക്കുന്ന എലിമിനേറ്റര് പോരാട്ടത്തിലെ വിജയിയുമായി രണ്ടാം ക്വാളിഫയറില് ഗുജറാത്തിന് ഏറ്റുമുട്ടേണ്ടി വരും. ഈ മത്സരത്തിലെ വിജയികള് ഫൈനലില് ആര്സിബിയെ നേരിടും. എന്നാല് ഇന്നത്തെ മത്സരം മഴ തടസപ്പെടുത്തിയില്ലെങ്കില്, വിജയികള് നേരിട്ട് ഫൈനലിലെത്തും. തോല്ക്കുന്ന ടീം എലിമിനേറ്ററിലെ വിജയിയെ രണ്ടാം ക്വാളിഫയറില് നേരിടും.
രണ്ടാം ക്വാളിഫയറില് ജയിക്കുന്ന ടീം ആദ്യ ക്വാളിഫയറിലെ വിജയിയെ ഫൈനലില് നേരിടും. നാളെയാണ് എലിമിനേറ്റര് മത്സരം. രണ്ടാം ക്വാളിഫയര് 29-ന് നടക്കും. 31-നാണ് ഫൈനല്.
