IPL 2026: സഞ്ജുവിന് പകരമെത്തിയ താരം പരിക്കേറ്റ് പുറത്ത്; പകരക്കാരനെ പ്രഖ്യാപിച്ച് രാജസ്ഥാന് റോയല്സ്
Dasun Shanaka replaces Sam Curran at Rajasthan Royals: രാജസ്ഥാന് റോയല്സിന് തിരിച്ചടി. സാം കറന് രിക്കേറ്റ് ലീഗില് നിന്ന് പുറത്തായി. ദസുന് ശനകയാണ് പകരക്കാരന്. കറന് പുറത്തായതില് നിരാശയുണ്ടെന്ന് റോയല്സ്. ശനകയെ പോലൊരു പകരക്കാരനെ കണ്ടെത്തിയതില് സന്തോഷമുണ്ട്. 2 കോടി രൂപയ്ക്ക് ദസുൻ ശനക ആർആറിൽ ചേരും. ഐപിഎൽ ലേലത്തിൽ ശനക അണ്സോള്ഡായിരുന്നു.
ഐപിഎല് ആരംഭിക്കുന്നതിന് മുമ്പ് രാജസ്ഥാന് റോയല്സിന് തിരിച്ചടി. സഞ്ജു സാംസണ് പകരം ചെന്നൈ സൂപ്പര് കിങ്സില് നിന്ന് റോയല്സില് എത്തിച്ച രണ്ട് താരങ്ങളില് ഒരാള് പരിക്കേറ്റ് ലീഗില് നിന്ന് പുറത്തായി. രവീന്ദ്ര ജഡേജ, സാം കറന് എന്നിവരെയാണ് ചെന്നൈയില് നിന്ന് റോയല്സിലേക്ക് ട്രേഡ് ചെയ്തത്. ഇതില് സാം കറനാണ് പരിക്കേറ്റ് പുറത്തായത് (Image Credits: PTI).
റോയല്സ് സാം കറന് പകരക്കാരനെയും കണ്ടെത്തി. ശ്രീലങ്കയുടെ ടി20 ക്യാപ്റ്റന് ദസുന് ശനകയാണ് പകരക്കാരന്. പിഎസ്എല് കരാര് നിലനില്ക്കെയാണ് ശനക റോയല്സിലെത്തുന്നത്. ശനകയ്ക്കെതിരെ പിസിബി നിയമനടപടി സ്വീകരിച്ചേക്കും.
സാം കറന് പുറത്തായതില് നിരാശയുണ്ടെന്ന് റോയല്സ് വ്യക്തമാക്കി. ബാറ്റിങിലും, ബൗളിങിലും കറന് മികച്ചതാണ്. എന്നാല് ശനകയെ പോലൊരു പകരക്കാരനെ കണ്ടെത്തിയതില് സന്തോഷമുണ്ട്. മികച്ച ഓള് റൗണ്ടറാണ് ശനകയെന്നും ക്രിക്കറ്റ് ഡയറക്ടറും ഫ്രാഞ്ചൈസിയുടെ മുഖ്യ പരിശീലകനുമായ കുമാർ സംഗക്കാര പറഞ്ഞു.
2 കോടി രൂപയ്ക്ക് ദസുൻ ശനക ആർആറിൽ ചേരും. ശ്രീലങ്കയ്ക്കായി 6 ടെസ്റ്റുകളിലും 71 ഏകദിനങ്ങളിലും 131 ടി20 മത്സരങ്ങളിലും ദസുൻ ശനക കളിച്ചിട്ടുണ്ട്. അന്താരാഷ്ട്ര ക്രിക്കറ്റിൽ 3350-ലധികം അന്താരാഷ്ട്ര റൺസും 86 വിക്കറ്റുകളും ദസുൻ ശനകയുടെ പേരിലുണ്ട്. മുമ്പ് ഐപിഎല്ലിൽ ഗുജറാത്ത് ടൈറ്റൻസിനായി ശനക കളിച്ചിട്ടുണ്ടെന്നും ഐപിഎല്ലിന്റെ പ്രസ്താവനയിൽ പറയുന്നു.
അബുദാബിയിൽ നടന്ന ഐപിഎൽ ലേലത്തിൽ ശനക അണ്സോള്ഡായിരുന്നു. പിന്നീട് പിഎസ്എല്ലില് ലാഹോര് ഖലന്ദേഴ്സ് 75 ലക്ഷം പാകിസ്ഥാന് രൂപയ്ക്ക് ശനകയെ ടീമിലെത്തിച്ചു. സിംബാബ്വെയുടെ ബ്ലെസ്സിംഗ് മുസറബാനിക്ക് ശേഷം പിഎസ്എൽ വിട്ട് ഈ വർഷം ഐപിഎല്ലിൽ ചേരുന്ന രണ്ടാമത്തെ താരമാണ് ശനക. ദക്ഷിണാഫ്രിക്കയുടെ കോർബിൻ ബോഷ് കഴിഞ്ഞ വര്ഷം ഇത്തരത്തില് ഐപിഎല് കളിച്ചിരുന്നു.
