Suryakumar Yadav: ‘ഹാര്ദ്ദിക് വേണ്ട, സൂര്യകുമാറിനെ മുംബൈയുടെ ക്യാപ്റ്റനാക്കണം’
R Ashwin wants a change in Mumbai Indians captaincy: മുംബൈ ഇന്ത്യന്സ് സൂര്യകുമാര് യാദവിനെ ക്യാപ്റ്റനാക്കണമെന്ന് രവിചന്ദ്രന് അശ്വിന്. സൂര്യകുമാറിനെ ക്യാപ്റ്റനാക്കാന് കൂടുതല് ചിന്തിക്കേണ്ടതില്ല. അദ്ദേഹം തീർച്ചയായും ക്യാപ്റ്റനാകണം. അത് സംഭവിക്കുന്നില്ല എന്നത് അൽപ്പം ആശങ്കാജനകമാണെന്നും തന്റെ യൂട്യൂബ് ചാനലില് അശ്വിന് പറഞ്ഞു.
ഐപിഎല് ആരംഭിക്കുന്നതിന് മുമ്പ് വമ്പന് പരാമര്ശവുമായി മുന് താരം രവിചന്ദ്രന് അശ്വിന്. മുംബൈ ഇന്ത്യന്സ് പുതിയ ക്യാപ്റ്റനെ കണ്ടെത്തണമെന്നാണ് അശ്വിന്റെ ആവശ്യം. നിലവിലെ ക്യാപ്റ്റന് ഹാര്ദ്ദിക് പാണ്ഡ്യയെ മാറ്റി, സൂര്യകുമാര് യാദവിനെ നായകനാക്കണണമെന്ന് അശ്വിന് പറഞ്ഞു. 2024-ൽ രോഹിത് ശർമ്മയിൽ നിന്ന് മുംബൈയുടെ ക്യാപ്റ്റൻ സ്ഥാനം ഏറ്റെടുക്കുമ്പോൾ വൈറ്റ്-ബോൾ ക്രിക്കറ്റിൽ ഇന്ത്യയുടെ വൈസ് ക്യാപ്റ്റനായിരുന്നു പാണ്ഡ്യയെന്ന് അശ്വിന് പറഞ്ഞു (Image Credits: PTI.
എന്നാല് പാണ്ഡ്യ ഇപ്പോള് രാജ്യാന്തര ക്രിക്കറ്റില് ക്യാപ്റ്റന്സി റോളില് ഇല്ല. ഇന്ത്യയുടെ നിലവിലെ ടി20ഐ ക്യാപ്റ്റൻ കൂടിയാണ് സൂര്യകുമാർ. ഇന്ത്യയെ ടി20 ലോകകപ്പ് കിരീടത്തിലേക്ക് നയിച്ചു. മുംബൈ ഇതുവരെ സൂര്യകുമാറിനെ അവരുടെ സ്ഥിരം ക്യാപ്റ്റനാക്കിയിട്ടില്ല എന്നത് ആശങ്കാജനകമാണെന്നും അശ്വിന് പറഞ്ഞു.
സൂര്യകുമാറിനെ ക്യാപ്റ്റനാക്കാന് കൂടുതല് ചിന്തിക്കേണ്ടതില്ല. അദ്ദേഹം തീർച്ചയായും ക്യാപ്റ്റനാകണം. അത് സംഭവിക്കുന്നില്ല എന്നത് അൽപ്പം ആശങ്കാജനകമാണ്. അശ്വിൻ തന്റെ യൂട്യൂബ് ചാനലായ 'ആഷ് കി ബാത്തി'ൽ പറഞ്ഞു.
എന്നാല് പാണ്ഡ്യയുടെ ക്യാപ്റ്റന്സി യോഗ്യതകളെയും അശ്വിന് അംഗീകരിച്ചു. ഗുജറാത്ത് ടൈറ്റൻസിന്റെ ക്യാപ്റ്റനായിരുന്ന ഹാർദിക് പാണ്ഡ്യ ആദ്യ സീസണിൽ കിരീടം നേടി. രണ്ടാം സീസണിൽ ടീം റണ്ണർഅപ്പായി. അദ്ദേഹം മുംബൈയിലെത്തിയപ്പോൾ നേട്ടം ആവര്ത്തിക്കുമെന്നായിരുന്നു പ്രതീക്ഷ.
അദ്ദേഹത്തിന്റെ മനസ്സിൽ ഒരുപാട് കാര്യങ്ങൾ കടന്നുവന്നേക്കാം. ഹാർദിക് പാണ്ഡ്യയ്ക്ക് യോഗ്യതകളില്ലെന്ന് കരുതുന്നില്ല. സമ്മർദ്ദം ഒഴിവാക്കിയാൽ പാണ്ഡ്യ മികച്ച ക്യാപ്റ്റനാകും. തന്റെ ടീമിനെ ശരിയായ രീതിയിൽ അദ്ദേഹം ഉപയോഗിക്കേണ്ടതുണ്ടെന്നും അശ്വിന് പറഞ്ഞു.
