IPL 2026: ‘ഒരു നിമിഷം പോലും പാഴാക്കരുത്’; ആര്സിബിയെ ‘ചാര്ജാ’ക്കി കോലി; ലക്ഷ്യം രണ്ടാം കിരീടം
What Virat Kohli said to his RCB teammates: ആര്സിബി താരങ്ങള്ക്ക് കരുത്ത് പകര്ന്ന് മുന് ക്യാപ്റ്റന് വിരാട് കോഹ്ലി. വെല്ലുവിളി കഠിനമായിരിക്കുമെന്ന് താരം. എല്ലാവരും മാനസികമായി സജീവമാകണം. ടീമിനായി 120 ശതമാനം നല്കണം. ദിവസങ്ങള് പാഴാക്കരുത്. ഒരു നിമിഷം പോലും പാഴാക്കരുതെന്ന് താരം.
ഐപിഎല് ആരംഭിക്കാന് ഇനി ഒരാഴ്ച മാത്രം. നിലവിലെ ചാമ്പ്യന്മാരായ ആര്സിബി മികച്ച തയ്യാറെടുപ്പിലാണ്. കഴിഞ്ഞ വര്ഷമാണ് ആര്സിബി കന്നിക്കിരീടം നേടിയത്. ഇത്തവണ രണ്ടാം ട്രോഫിയാണ് ലക്ഷ്യം (Image Credits: PTI).
രജത് പടീദാറാണ് ഇത്തവണയും ക്യാപ്റ്റന്. മുന് ക്യാപ്റ്റന് വിരാട് കോലി അടക്കമുള്ളവര് മികച്ച തയ്യാറെടുപ്പിലാണ്. പരിശീലനത്തിനിടെ കോലിയുടെ വാക്കുകള് ടീമിന് കരുത്തേകി. ഒരു നിമിഷം പോലും പാഴാക്കരുതെന്നായിരുന്നു കോലിയുടെ ആഹ്വാനം (Image Credits: PTI).
നിലവിലെ ചാമ്പ്യമാരായതിനാല് വെല്ലുവിളി കൂടുതല് കഠിനമാകും. താരങ്ങള് മാനസികമായി സജീവമാകണം. ടീമിനായി 120 ശതമാനം നല്കണം. രണ്ടോ മൂന്നോ സീസണിലെ കഠിനാധ്വാനമാണ് കഴിഞ്ഞ തവണത്തെ കിരീടനേട്ടത്തിന് കാരണമെന്നും അദ്ദേഹം പറഞ്ഞു (Image Credits: PTI).
മറ്റ് ടീമുകളും ശക്തമായി പോരാടും. അതുകൊണ്ട് മത്സരം കടുപ്പമേറിയതാകും. ദിവസങ്ങള് പാഴാക്കരുത്. നമ്മള് മുന്നോട്ട് പോകണമെന്നും കോലി പറഞ്ഞു (Image Credits: PTI).
പരിശീലന സെഷന്റെ ഒരു മിനിറ്റ് പോലും പാഴാക്കരുത്. രണ്ടര മാസത്തേക്ക് ടീമിനായി 120 ശതമാനവും നല്കണം. സഹതാരങ്ങളോടായി കോലി പറഞ്ഞു. ആര്സിബി ഈ വീഡിയോ പുറത്തുവിട്ടിട്ടുണ്ട് (Image Credits: PTI).
