Sanoop Santhosh: ഇനി ബേബി സനൂപ് അല്ല, എട്ട് വർഷത്തിന് ശേഷം ‘കത്തനാർ’ ലുക്കിൽ ഞെട്ടിച്ച് താരം
Sanoop Santhosh in Kathanar Movie: കത്തനാർ സിനിമയ്ക്ക് വേണ്ടിയുള്ള കാത്തിരിപ്പിലാണ് സിനിമാപ്രേമികൾ. ഇപ്പോഴിതാ, ചിത്രത്തിന്റെ ട്രെയിലർ പുറത്തിറങ്ങിയിരിക്കുകയാണ്. ചിത്രം 15 ഭാഷകളിൽ റിലീസ് ചെയ്യും. മലയാള സിനിമ ഇന്നുവരെ കണ്ടിട്ടില്ലാത്ത ഒരു ദൃശ്യവിസ്മയം ആകും കത്തനാർ സമ്മാനിക്കുക എന്ന് ട്രെയ്ലർ ഉറപ്പുനൽകുന്നുണ്ട്. ബാലതാരം സനൂപ് സന്തോഷിന്റെ തിരിച്ചുവരവും കത്തനാറിലൂടെയാകും.
ജയസൂര്യയും തെന്നിന്ത്യൻ താരം അനുഷ്ക ഷെട്ടിയും കേന്ദ്രകഥാപാത്രങ്ങളായി എത്തുന്ന കത്തനാർ സിനിമയ്ക്ക് വേണ്ടിയുള്ള കാത്തിരിപ്പിലാണ് സിനിമാപ്രേമികൾ. ഇപ്പോഴിതാ, ചിത്രത്തിന്റെ ട്രെയിലർ പുറത്തിറങ്ങിയിരിക്കുകയാണ്.
മലയാള സിനിമ ഇന്നുവരെ കണ്ടിട്ടില്ലാത്ത ഒരു ദൃശ്യവിസ്മയം ആകും കത്തനാർ സമ്മാനിക്കുക എന്ന് ട്രെയ്ലർ ഉറപ്പുനൽകുന്നുണ്ട്. കൂടാതെ,മങ്കി പെൻ എന്ന ചിത്രത്തലൂടെ ശ്രദ്ധേയനായ മലയാളികളുടെ പ്രിയപ്പെട്ട ബാലതാരം സനൂപ് സന്തോഷിന്റെ തിരിച്ചുവരവും കത്തനാറിലൂടെയാകും.
കത്തനാറിൽ സനൂപ് വളരെ ശക്തമായ വേഷത്തിലാകും എത്തുന്നതെന്ന് ട്രെയ്ലറിലൂടെ വ്യക്തമാണ്. ജയസൂര്യയുടെ കുട്ടിക്കാലം ആകുമോ എന്ന സംശയവുമുണ്ട്. എട്ട് വർഷത്തെ ഇടവേളയ്ക്ക് ശേഷമാണ് സനൂപ് തിരിച്ചെത്തുന്നത്.
സനൂപിന്റെ രണ്ടാം വരവിലെ സന്തോഷം പങ്ക് വച്ച് സഹോദരിയും നടിയുമായ സനൂഷയുമെത്തി. 'സനൂ.. ഈ നിമിഷത്തിന് വേണ്ടിയാണ് ഞാൻ ഇത്രയും നാൾ കാത്തിരിക്കുന്നത്', എന്ന് സനൂഷ സോഷ്യൽ മീഡിയയിൽ കുറിച്ചു.
അതേസമയം, കത്തനാർ എന്ന് തിയറ്ററുകളിലെത്തുമെന്നതിൽ വ്യക്തതയില്ല. ചിത്രം 15 ഭാഷകളിൽ റിലീസ് ചെയ്യും. പ്രഭുദേവ, സാൻഡി, ദേവിക, നിതീഷ് ഭരദ്വാജ്, വിനീത്, ഹരീഷ് ഉത്തമൻ, ശ്രീകാന്ത് മുരളി, കുൽപ്രീത് യാദവ് എന്നിവരാണ് മറ്റ് പ്രധാന വേഷങ്ങളിൽ എത്തുന്നത്. (Image Credit: Instagram)
