IPL 2026: ചെയ്ത തെറ്റുകള് തിരുത്തും; ഐപിഎല്ലിലൂടെ ദേശീയ ടീമിലേക്ക് ‘കം ബാക്ക്’ പ്രഖ്യാപിച്ച് പൃഥി ഷാ
Prithvi Shaw shares his IPL hopes: ഈ ഐപിഎല് പൃഥി ഷായ്ക്ക് നിര്ണായകമാണ്. മികച്ച പ്രകടനം നടത്തി ദേശീയ സെലക്ടര്മാരുടെ ശ്രദ്ധ പിടിച്ചുപറ്റുകയാണ് ലക്ഷ്യം. ഐപിഎല് 2025 സീസണില് താരം അണ്സോള്ഡായിരുന്നു. ഇത്തവണയും ആദ്യ റൗണ്ടില് അണ്സോള്ഡായി. ആക്സിലറേറ്റഡ് ലേലത്തില് ഡല്ഹി ക്യാപിറ്റല്സ് സ്വന്തമാക്കി.
ഏറെ നാളുകളായി ദേശീയ ടീമില് നിന്ന് പുറത്താണ് പൃഥി ഷാ. കഴിഞ്ഞ സീസണുകളില് ഐപിഎല്ലിലും മികച്ച പ്രകടനം പുറത്തെടുക്കാനായിട്ടില്ല. എല്ലാ മത്സരങ്ങളിലും അവസരം ലഭിക്കാറുമില്ല. അതുകൊണ്ട്, തന്നെ ഇത്തവണ മികച്ച പ്രകടനമാണ് പൃഥി ഷാ ലക്ഷ്യമിടുന്നത് (Image Credits: PTI).
ഈ ഐപിഎല് സീസണ് പൃഥിക്ക് നിര്ണായകമാണ്. മികച്ച പ്രകടനം നടത്തി സെലക്ടര്മാരുടെ ശ്രദ്ധ പിടിച്ചുപറ്റുകയാണ് ലക്ഷ്യം. കഴിഞ്ഞ സീസണില് താരം അണ്സോള്ഡായിരുന്നു. ഇത്തവണയും ആദ്യ റൗണ്ടില് അണ്സോള്ഡായി.
എന്നാല് ആക്സിലറേറ്റഡ് ലേലത്തില് ഡല്ഹി ക്യാപിറ്റല്സ് സ്വന്തമാക്കി. ഇപ്പോഴിതാ, തന്റെ ലക്ഷ്യങ്ങള് വെളിപ്പെടുത്തി പൃഥി ഷാ രംഗത്തെത്തി. ഇന്ത്യന് ടീമിലേക്ക് തിരിച്ചെത്തണം. അതിനായി കഠിനാധ്വാനം ചെയ്യുന്നുണ്ടെന്ന് താരം വ്യക്തമാക്കി.
നേരത്തെ ചെയ്തിരുന്നതിനെക്കാള് മൂന്നിരട്ടി കഠിനാധ്വാനമാണ് ഇപ്പോള് ചെയ്യുന്നത്. 100 ശതമാനമല്ല, 200% നല്കുന്നുണ്ട്. കുറച്ച് വര്ഷങ്ങളായി സംഭവിച്ച ഉയര്ച്ച താഴ്ചകളെ പുഞ്ചിരിയോടെയാണ് നേരിട്ടത്. തെറ്റുകള് ചെയ്തിട്ടുണ്ടെങ്കില് അത് തിരുത്തണമെന്നും അദ്ദേഹം പറഞ്ഞു.
ആരു ഓപ്പണറാകുമെന്നതിനെക്കുറിച്ച് ചിന്തിച്ചിട്ടില്ല. ആര് ഓപ്പണറായാലും നല്ല സീസണ് ആയിരിക്കണമെന്നേയുള്ളൂ. ആര് ഓപ്പണ് ചെയ്താലും ടീം വിജയിക്കണം. ഏത് മത്സരത്തിലായാലും ടീമിനുള്ളില് കോമ്പറ്റീഷന് ഉണ്ടാകുമെന്നും അദ്ദേഹം പറഞ്ഞു.
