South Africa vs New Zealand: ആദ്യ ഫൈനലിസ്റ്റുകളെ ഇന്നറിയാം; ന്യൂസിലന്‍ഡ് ഫീല്‍ഡിങ് തിരഞ്ഞെടുത്തു; ഇരുടീമിലും മാറ്റങ്ങള്‍
SA vs NZ T20 World Cup 2026 Toss Updates: ഈഡന്‍ ഗാര്‍ഡന്‍സ് സ്റ്റേഡിയത്തില്‍ നടക്കുന്ന ആദ്യ സെമി ഫൈനലില്‍ ടോസ് നേടിയ ന്യൂസിലന്‍ഡ് ദക്ഷിണാഫ്രിക്കയ്‌ക്കെതിരെ ബൗളിങ് തിരഞ്ഞെടുത്തു. ഇരുടീമിലും മാറ്റങ്ങളുണ്ട്.
ടി20 ലോകകപ്പിലെ ആദ്യ ഫൈനലിസ്റ്റുകളെ ഇന്നറിയാം. കൊല്‍ക്കത്തയിലെ ഈഡന്‍ ഗാര്‍ഡന്‍സ് സ്റ്റേഡിയത്തില്‍ നടക്കുന്ന ആദ്യ സെമി ഫൈനലില്‍ ടോസ് നേടിയ ന്യൂസിലന്‍ഡ് ദക്ഷിണാഫ്രിക്കയ്‌ക്കെതിരെ ബൗളിങ് തിരഞ്ഞെടുത്തു. ഇരുടീമിലും മാറ്റങ്ങളുണ്ട് (Image Credits: PTI).
ഇഷ് സോധിക്ക് പകരം ജെയിംസ് നീഷം ന്യൂസിലന്‍ഡിന്റെ പ്ലേയിങ് ഇലവനിലുണ്ട്. ദക്ഷിണാഫ്രിക്കന്‍ നിരയില്‍ മൂന്ന് മാറ്റങ്ങള്‍. കഗിസോ റബാദ, മാര്‍ക്കോ യാന്‍സന്‍, കേശവ് മഹാരാജ് എന്നിവര്‍ പ്ലേയിങ് ഇലവനില്‍ തിരിച്ചെത്തി (Image Credits: PTI).
ഐഡന്‍ മര്‍ക്രം, ക്വിന്റോണ്‍ ഡി കോക്ക്, റിയാന്‍ റിക്കല്‍ട്ടണ്‍, ഡെവാള്‍ഡ് ബ്രെവിസ്, ട്രിസ്റ്റണ്‍ സ്റ്റബ്‌സ് എന്നിവര്‍ പ്രോട്ടീസിന്റെ ബാറ്റിങിന് കരുത്ത് പകരും. മാര്‍ക്കോ യാന്‍സന്‍, കോര്‍ബിന്‍ ബോഷ്, കേശവ് മഹാരാജ് എന്നിവരാണ് ഓള്‍ റൗണ്ടര്‍മാര്‍. കഗിസോ റബാദ, ലുങ്കി എന്‍ഗിഡി എന്നിവരാണ് സ്‌പെഷ്യലിസ്റ്റ് പേസര്‍മാര്‍ (Image Credits: PTI).
ടിം സെയ്‌ഫെര്‍ട്ട്, ഫിന്‍ അലന്‍, രചിന്‍ രവീന്ദ്ര, മാര്‍ക്ക് ചാപ്മാന്‍ എന്നിവര്‍ അണിനിരക്കുന്ന ബാറ്റിങ് നിര ന്യൂസിലന്‍ഡിന് ആത്മവിശ്വാസം നല്‍കുന്നു. ഗ്ലെന്‍ ഫിലിപ്‌സ്, ഡാരില്‍ മിച്ചല്‍, ജെയിംസ് നിഷം, മിച്ചല്‍ സാന്റ്‌നര്‍, കോള്‍ മക്കോഞ്ചി എന്നിവര്‍ ബാറ്റിങിലും ബൗളിങിലും കീവിസിന്റെ കരുത്താണ്. മാറ്റ് ഹെന്റിയും, ലോക്കി ഫെര്‍ഗൂസണും ബൗളിങ് ആക്രമണത്തിന് നേതൃത്വം നല്‍കും (Image Credits: PTI).
ബാറ്റിംഗിൽ മികച്ച തുടക്കം കുറിക്കാനും ബോർഡിൽ മികച്ച സ്കോർ നേടാനും കഴിയുമെന്ന് പ്രതീക്ഷിക്കുവെന്ന് ദക്ഷിണാഫ്രിക്കന്‍ ക്യാപ്റ്റന്‍ ഐഡന്‍ മര്‍ക്രം പറഞ്ഞു. മികച്ച രീതിയില്‍ പരിശീലിച്ചതായും താരം വ്യക്തമാക്കി. മികച്ച ടീമിനോടാണ് ഏറ്റുമുട്ടുന്നതെന്ന് അറിയാമെന്ന് കീവിസ് ക്യാപ്റ്റന്‍ മിച്ചല്‍ സാന്റ്‌നര്‍ പ്രതികരിച്ചു (Image Credits: PTI).
