ടി20 ലോകകപ്പ് 2026

അന്തരാഷ്ട്ര ക്രിക്കറ്റ് സംഘടനയായ ഐസിസി 2007 മുതൽ സംഘടിപ്പിക്കുന്ന ടൂർണമെൻ്റാണ് ട്വൻ്റി-20 ലോകകപ്പ്. സാധാരണയായി രണ്ട് വർഷം കൂടുമ്പോഴാണ് ഐസിസി ടി20 ലോകകപ്പ് സംഘടിപ്പിക്കുന്നത്. ഇത്തവണ 2026ൽ ടൂർണമെൻ്റിൻ്റെ പത്താം പതിപ്പാണ് ഇന്ത്യയിലും ശ്രീലങ്കയിലുമായിട്ടാണ് ഐസിസി സംഘടിപ്പിക്കുന്നത്. ഫെബ്രുവരി ഏഴാം തീയതി ആരംഭിക്കുന്ന ടി20 ലോകകപ്പിൻ്റെ ഫൈനൽ മാർച്ച് എട്ടാം തീയതിയാണ്.

നാല് ഗ്രൂപ്പുകളിലായിട്ടാണ് ലോകകപ്പിൻ്റെ ആദ്യഘട്ടം. തുടർന്ന് സൂപ്പർ എട്ടും സെമി-ഫൈനൽ ഫൈനൽ എന്നിങ്ങിനെയാണ് ടി20 ലോകകപ്പ് 2026 മത്സരഘടന. ഇന്ത്യ ഉൾപ്പെടെ 20 രാജ്യങ്ങളാണ് ഇത്തവണത്തെ ടി20 ലോകകപ്പിൽ പങ്കെടുക്കുന്നത്. ഐസിസിയുടെ 11 സ്ഥിര അംഗങ്ങളായി രാജ്യങ്ങളും ഒമ്പത് അസോസിയേറ്റ് രാജ്യങ്ങളുമാണ് ടി20 ലോകകപ്പ് 2026-ൽ പങ്കെടുക്കുന്നത്. 2024ൽ അമേരിക്കയിലും വെസ്റ്റ് ഇൻഡീസിലും വെച്ച് നടന്ന ടി20 ലോകകപ്പിൽ ഇന്ത്യയാണ് കിരീടം ഉയർത്തിയത്. ദക്ഷിണാഫ്രിക്കയെ തോൽപ്പിച്ചാണ് ഇന്ത്യ തങ്ങളുടെ രണ്ടാം ടി20 ലോകകപ്പ് കിരീടം ഉയർത്തുന്നത്