Sanju Samson: ഫോൺ ഓഫ് ചെയ്തു, സോഷ്യൽ മീഡിയ ഒഴിവാക്കി; സഞ്ജുവിന്റെ വിജയമന്ത്രം
Sanju Samson's Success Mantra: വിജയരഹസ്യം വെളിപ്പെടുത്തി സഞ്ജു സാംസണ്‍. ഷോട്ട് സെലക്ഷനില്‍ താന്‍ നിരന്തരം പരിശ്രമിച്ചിരുന്നുവെന്ന് താരം പറഞ്ഞു. എന്നാല്‍ തനിക്ക് അധികം മാറ്റങ്ങള്‍ വരുത്താന്‍ താത്പര്യമില്ലായിരുന്നുവെന്നും സഞ്ജു.
വെസ്റ്റ് ഇന്‍ഡീസിനെതിരായ മിന്നും പ്രകടനത്തിലെ വിജയരഹസ്യം വെളിപ്പെടുത്തി സഞ്ജു സാംസണ്‍. ഷോട്ട് സെലക്ഷനില്‍ താന്‍ നിരന്തരം പരിശ്രമിച്ചിരുന്നുവെന്ന് താരം പറഞ്ഞു. എന്നാല്‍ തനിക്ക് അധികം മാറ്റങ്ങള്‍ വരുത്താന്‍ താത്പര്യമില്ലായിരുന്നുവെന്നും സഞ്ജു വ്യക്തമാക്കി (Image Credits: PTI).
കാരണം ഇതേ ശൈലിയില്‍ നേരത്തെ മികച്ച പ്രകടനം കാഴ്ചവച്ചിട്ടുണ്ട്. സ്വയം വിശ്വസിച്ചു. ഫോണ്‍ സ്വിച്ച് ഓഫ് ചെയ്തു. സോഷ്യല്‍ മീഡിയ ഒഴിവാക്കിയെന്നും മത്സരശേഷം സ്റ്റാര്‍ സ്‌പോര്‍ട്‌സിനോട് താരം പ്രതികരിച്ചു (Image Credits: PTI).
സ്‌പെഷ്യലായ മത്സരത്തില്‍ മികച്ച പ്രകടനം കാഴ്ചവയ്ക്കാന്‍ സാധിച്ചതില്‍ സന്തോഷമുണ്ട്. അൽപ്പം ബുദ്ധിമുട്ടുള്ള ഒരു ചേസായിരുന്നു. കൃത്യമായ ഇടവേളകളിൽ വിക്കറ്റുകൾ നഷ്ടപ്പെട്ടത് വെല്ലുവിളിയായെന്നും സഞ്ജു വെളിപ്പെടുത്തി (Image Credits: PTI).
നല്ലൊരു തുടക്കം ലഭിച്ചു. പക്ഷേ വിക്കറ്റുകൾ വീണുകൊണ്ടിരുന്നപ്പോൾ അവസാനം വരെ ക്രീസില്‍ തുടരണമെന്ന് തോന്നി. സാധാരണ അങ്ങനെ തോന്നാറുണ്ടെങ്കിലും സംഭവിക്കാറില്ല (Image Credits: PTI).
എന്നാല്‍ ഈ കളിയില്‍ അത് സംഭവിച്ചു. അതില്‍ സന്തോഷമുണ്ട്. സമ്മര്‍ദ്ദം നിറഞ്ഞ ഇത്തരമൊരു സാഹചര്യത്തില്‍ ചേസിങ് നടത്തുമ്പോള്‍, റിസ്‌കുള്ള രീതികള്‍ക്ക് പകരം കൂടുതല്‍ ബൗണ്ടറികള്‍ കണ്ടെത്താനാകും ശ്രമമെന്നും താരം കൂട്ടിച്ചേര്‍ത്തു (Image Credits: PTI).
