Abhishek Sharma: ഡക്കുകള്‍ കണ്ട് പതറുന്നവനല്ല അഭിഷേക്; മനോഭാവം മാറ്റില്ലെന്ന് പ്രഖ്യാപനം
Abhishek Sharma Opens Up: അഭിഷേക് ശര്‍മയുടെ മോശം ഫോമാണ് ഇന്ത്യയുടെ ആശങ്ക. ഗ്രൂപ്പ് ഘട്ടത്തില്‍ അഭിഷേക് കളിച്ച മൂന്ന് മത്സരങ്ങളിലും പൂജ്യത്തിന് പുറത്തായിരുന്നു. എന്നാലും അഭിഷേകിന്റെ സ്ഥാനത്തിന് ഇളക്കം തട്ടില്ല.
സൂപ്പര്‍ എട്ടില്‍ ഇന്ത്യയുടെ ആദ്യ മത്സരം നാളെ ദക്ഷിണാഫ്രിക്കയ്‌ക്കെതിരെയാണ്. ടി20യിലെ ഒന്നാം നമ്പര്‍ ബാറ്ററും, ഓപ്പണറുമായ അഭിഷേക് ശര്‍മയുടെ മോശം ഫോമാണ് ഇന്ത്യയുടെ ആശങ്ക. ഗ്രൂപ്പ് ഘട്ടത്തില്‍ അഭിഷേക് കളിച്ച മൂന്ന് മത്സരങ്ങളിലും പൂജ്യത്തിന് പുറത്തായിരുന്നു (Image Credits: PTI).
യുഎസ്, പാകിസ്ഥാന്‍, നെതര്‍ലന്‍ഡ്‌സ് ടീമുകള്‍ക്കെതിരെയാണ് അഭിഷേക് പൂജ്യത്തിന് ഔട്ടായത്. എന്നാലും അഭിഷേകിന്റെ സ്ഥാനത്തിന് ഇളക്കം തട്ടില്ല. ഇനിയുള്ള എല്ലാ മത്സരങ്ങളിലും താരത്തിന് അവസരം ലഭിക്കുകയും ചെയ്യും (Image Credits: PTI).
മോശം ഫോമിനിടയിലും താരം തന്റെ മനസ് തുറന്നു. ബാറ്റിങ് ആസ്വദിക്കുന്നുവെന്നും, നന്നായി പരിശീലിക്കുന്നുണ്ടെന്നും താരം വ്യക്തമാക്കി. സമ്മര്‍ദ്ദം നേരിടുന്നില്ലെന്നും സ്റ്റാര്‍ സ്‌പോര്‍ട്‌സിനോട് അഭിഷേക് ശര്‍മ പറഞ്ഞു (Image Credits: PTI).
ബാറ്റര്‍മാര്‍ക്ക് ഉയര്‍ച്ച താഴ്ചകളുണ്ടാകും. ചിലപ്പോള്‍ റണ്‍സ് നേടാനാകും. ചിലപ്പോള്‍ അത് സംഭവിക്കില്ലെന്നും താരം വ്യക്തമാക്കി (Image Credits: PTI).
ചില ഘട്ടങ്ങളില്‍ പ്രത്യേക രീതിയില്‍ കളിക്കണമെന്ന് തോന്നും. അത് വിജയിച്ചെന്നും, വിജയിച്ചില്ലെന്നും വരും. എന്നാല്‍ പ്രോസസിലും മനോഭാവത്തിലും മാറ്റമുണ്ടാകില്ലെന്നും അഭിഷേക് ശര്‍മ്മ പറഞ്ഞു (Image Credits: PTI).
