T20 World Cup 2026: ടി20 ലോകകപ്പില് നിന്ന് പാകിസ്ഥാന് പുറത്ത്
Pakistan Eliminated from T20 World Cup 2026: ടി20 ലോകകപ്പില് നിന്ന് പാകിസ്ഥാന് പുറത്ത്. ശ്രീലങ്കയ്ക്കെതിരായ മത്സരമാണ് പാകിസ്ഥാന്റെ വിധിയെഴുതിയത്.
ടി20 ലോകകപ്പില് നിന്ന് പാകിസ്ഥാന് പുറത്ത്. നിര്ണായക മത്സരത്തില് ലങ്കയെ അഞ്ച് റണ്സിന് തോല്പിച്ചിട്ടും പാകിസ്ഥാന് സെമിയിലെത്താനായില്ല. ആദ്യം ബാറ്റു ചെയ്ത പാകിസ്ഥാന് 20 ഓവറില് എട്ട് വിക്കറ്റ് നഷ്ടത്തില് 212 റണ്സെടുത്തു (Image Credits: PTI).
റണ് റേറ്റ് പരിഗണിക്കുമ്പോള് ലങ്കയെ 147 റണ്സില് താഴെ പിടിച്ചുനിര്ത്തിയാല് പാകിസ്ഥാന് സെമിയില് പ്രവേശിക്കാമായിരുന്നു. എന്നാല് ലങ്ക 20 ഓവറില് ആറു വിക്കറ്റിന് 207 റണ്സ് നേടി. ഇതോടെ ജയിച്ചിട്ടും പാകിസ്ഥാന് പുറത്തായി (Image Credits: PTI).
നിര്ണായക മത്സരത്തില് മികച്ച പ്രകടനം കാഴ്ചവച്ചെങ്കിലും മുന് മത്സരങ്ങളിലെ കുറവ് റണ് റേറ്റും, പരാജയവും പാകിസ്ഥാന് തിരിച്ചടിയായി. 60 പന്തില് 100 റണ്സെടുത്ത സാഹിബ്സാദ ഫര്ഹാനും, 42 പന്തില് 84 റണ്സെടുത്ത ഫഖര് സമാനും പാകിസ്ഥാനായി തിളങ്ങി. ബാബര് അസമിനെ ഇന്ന് ഒഴിവാക്കി (Image Credits: PTI).
മറ്റ് പാക് ബാറ്റര്മാര് പരാജയമായി. ശ്രീലങ്കയ്ക്ക് വേണ്ടി ദില്ഷന് മധുശങ്ക മൂന്ന് വിക്കറ്റ് വീഴ്ത്തി. ദസുന് ശനക രണ്ടും, ദുശ്മന്ത ചമീര ഒരു വിക്കറ്റും സ്വന്തമാക്കി (Image Credits: PTI).
പുറത്താകാതെ 31 പന്തില് 76 റണ്സെടുത്ത ദസുന് ശനകയുടെ പ്രകടനം ലങ്കയ്ക്ക് അവസാന നിമിഷം വരെ വിജയപ്രതീക്ഷ നല്കി. 37 പന്തില് 58 റണ്സെടുത്ത പവന് രത്നായകെയും തിളങ്ങി. പാകിസ്ഥാനു വേണ്ടി അബ്രാര് അഹമ്മദ് മൂന്ന് വിക്കറ്റ് വീഴ്ത്തി (Image Credits: PTI).
