T20 World Cup 2026: യുഎസിനെതിരായ മത്സരത്തില് ഗംഭീര് പറഞ്ഞതെന്ത്? ആ തന്ത്രം വെളിപ്പെടുത്തി സൂര്യ
Suryakumar Yadav Reveals Gautam Gambhir's Message: മത്സരത്തിനിടെ എത്രമാത്രം സമ്മര്ദ്ദം അനുഭവിച്ചെന്ന് തനിക്ക് മാത്രമേ അറിയൂവെന്നും സൂര്യകുമാര് യാദവ് വ്യക്തമാക്കി. പക്ഷേ, തനിക്ക് ആത്മവിശ്വാസമുണ്ടായിരുന്നുവെന്നും ഇന്ത്യന് ക്യാപ്റ്റന്.
ടി20 ലോകകപ്പിലെ ആദ്യ മത്സരത്തില് ഇന്ത്യ യുഎസിനെ 29 റണ്സിന് തോല്പിച്ചു. യുഎസിനെതിരെ കൂട്ടത്തകര്ച്ച നേരിട്ട ഇന്ത്യയെ ക്യാപ്റ്റന് സൂര്യകുമാര് യാദവിന്റെ ബാറ്റിങാണ് രക്ഷപ്പെടുത്തിയത്. താരം പുറത്താകാതെ 49 പന്തില് 84 റണ്സെടുത്തു (Image Credits: PTI).
ബാറ്റര്മാര് ഇതിലും മികച്ച പ്രകടനം പുറത്തെടുക്കണമായിരുന്നുവെന്ന് മത്സരശേഷം താരം പ്രതികരിച്ചു. മത്സരത്തിനിടെ എത്രമാത്രം സമ്മര്ദ്ദം അനുഭവിച്ചെന്ന് തനിക്ക് മാത്രമേ അറിയൂവെന്നും സൂര്യ വ്യക്തമാക്കി. പക്ഷേ, തനിക്ക് ആത്മവിശ്വാസമുണ്ടായിരുന്നുവെന്നും ഇന്ത്യന് ക്യാപ്റ്റന് പറഞ്ഞു (Image Credits: PTI).
അവസാനം വരെ ബാറ്റ് ചെയ്താല് മാറ്റമുണ്ടാകുമെന്ന് അറിയാമായിരുന്നു. മത്സരത്തിനിടെ പരിശീലകന് ഗൗതം ഗംഭീര് തനിക്ക് നല്കിയ സന്ദേശത്തെക്കുറിച്ചും സൂര്യകുമാര് യാദവ് വെളിപ്പെടുത്തി. 14 ഓവറുകള് കഴിഞ്ഞതിന് ശേഷമുള്ള ബ്രേക്കിനിടെ 'ഗൗതി ഭായ്' വന്ന് സംസാരിച്ചു (Image Credits: PTI).
അവസാനം വരെ ബാറ്റ് ചെയ്യണമെന്നും, പ്രശ്നം പരിഹരിക്കാമെന്നും അദ്ദേഹം പറഞ്ഞു. വാങ്കഡെ സ്റ്റേഡിയത്തെക്കുറിച്ചും സൂര്യ സംസാരിച്ചു. താന് കൂടുതല് ക്രിക്കറ്റും കളിച്ചിട്ടുള്ളത് ഇവിടെയാണെന്ന് ഇന്ത്യന് ക്യാപ്റ്റന് പറഞ്ഞു (Image Credits: PTI).
ഇത്തരം വിക്കറ്റുകളില് എങ്ങനെ കളിക്കണമെന്ന് അറിയാം. ആറു വിക്കറ്റിന് 77 എന്ന നിലയില് നില്ക്കുമ്പോള് ഒരു ബാറ്റര് അവസാനം വരെ ക്രീസിലുണ്ടാകണമെന്ന് മനസിലാക്കാവുന്നതേയുള്ളൂ. നല്ല ഷോട്ടുകള് കണ്ടെത്താനായിരുന്നു ശ്രമമെന്നും സൂര്യ പറഞ്ഞു (Image Credits: PTI).
