India vs Pakistan, Women’s Asia Cup Live : വനിത ഏഷ്യ കപ്പ്; പാകിസ്താനെ തകർത്തെറിഞ്ഞ് ഇന്ത്യ

ഏഷ്യ കപ്പിൽ പാകിസ്താനെ ഏഴ് വിക്കറ്റിന് തോൽപ്പിച്ച് ഇന്ത്യ. പാക് വനിതകൾ ഉയർത്തിയ 56 റൺസ് വിജയലക്ഷ്യം മൂന്ന് വിക്കറ്റ് നഷ്ടത്തിലാണ് ഇന്ത്യ മറികടന്നത്.

പാകിസ്താനെതിരെ ഇന്ത്യയുടെ മൂന്നാം വിക്കറ്റും നഷ്ടമായി. ഓപ്പണർ സ്മൃതി മന്ദനയാണ് പുറത്തായത്.

ഇന്ത്യയുടെ രണ്ടാം വിക്കറ്റ് നഷ്ടമായി. വൺഡൌണായി എത്തിയ പ്രാർഥിക റവാലാണ് പുറത്തായത്. വെറും നാല് റൺസെടുത്താണ് താരം പുറത്തായത്

പാകിസ്താനെതിരെയുള്ള മത്സരത്തിൽ ഇന്ത്യക്ക് ആദ്യ വിക്കറ്റ് നഷ്ടമായി. ഓപ്പണർ ഷെഫാലി വർമയുടെ വിക്കറ്റാണ് ഇന്ത്യക്ക് നഷ്ടമായത്.

ആദ്യ പന്തിൽ സിക്സർ പറത്തി കരിയറിൽ ഒരു നാഴിക കല്ല് താണ്ടി ഇന്ത്യൻ ഓപ്പണർ ഷെഫാലി വർമ. രാജ്യാന്തര ടി20 കരിയറിൽ 3000 റൺസ് നേട്ടം താരം സ്വന്തമാക്കി. ഈ നേട്ടം സ്വന്തമാക്കുന്ന മൂന്നാമത്തെ ഇന്ത്യ താരമാണ് ഷെഫാലി. ഹർമൻപ്രീത് കൌറും സ്മൃതി മന്ദനയുമാണ് പട്ടികയിൽ ഷെഫാലി മുകളിലുള്ളത്.

56 റൺസ് വിജയലക്ഷ്യവുമായി പാകിസ്താനെതിരെ ഇന്ത്യയുടെ മറുപടി ബാറ്റിങ് ആരംഭിച്ചു, ആദ്യ ബോളിൽ തന്നെ സിക്സറർ പറത്തി ഷെഫാലി വർമ്മ.

രാജ്യാന്തര വനിത ക്രിക്കറ്റിൽ പാകിസ്താൻ നേടുന്ന ഏറ്റവും കുറഞ്ഞ സ്കോറാണിത്.

ചീട്ടുകൊട്ടാരം പോലെ തകർന്നടിഞ്ഞു പാകിസ്താൻ. വെറും 55 റൺസിന് പാകിസ്താൻ തകർത്തെറിഞ്ഞ് ഇന്ത്യൻ ബോളർമാർ. ഇന്ത്യക്കായി ശ്രീ ചരണിയു പ്രേമ റാവത്തും മൂന്ന് വിക്കറ്റുകൾ വീതം വീഴ്ത്തി.

പാകിസ്താന് ഒമ്പതാം വിക്കറ്റും നഷ്ടമായി. റൺസൊന്നും എടുക്കാതെ നാഷിറ സന്ധു ആണ് പുറത്തായത്. പ്രേമ റാവത്തിനാണ് വിക്കറ്റ്

പാകിസ്താൻ എട്ടാം വിക്കറ്റും വീണു. പ്രേമ റാവത്തിൻ്റെ പന്തിൽ  ഉം-ഇ ഹാനി ക്യാച്ചിലൂടെയാണ് പുറത്തായത്.

പിടിച്ച് നിൽക്കാനാകാതെ പാകിസ്താൻ. ഏഴാം വിക്കറ്റും വീണു. റൺഔട്ടിലൂടെ എയ്മാൻ ഫാത്തിമ ആണ് പുറത്തായത്

13 ഓവർ പിന്നിടുമ്പോഴും 50 റൺസ് പിന്നിടാനാകാതെ പാകിസ്താൻ. ആറ് വിക്കറ്റ് നഷ്ടത്തിൽ 45 റൺസ് എന്ന നിലയിലാണ് പാകിസ്താൻ

ചീട്ടുകൊട്ടാരം പോലെ പാകിസ്താൻ ലൈനപ്പ്. 35 റൺസെടുക്കവെ ആറ് വിക്കറ്റുകൾ വീണു.

ഏഷ്യ കപ്പിൽ പാകിസ്താൻ നാലാം വിക്കറ്റും നഷ്ടുമായി. സ്പിന്നർ ശ്രീ ചരണിയാണ് വിക്കറ്റ് നേടിയത്

ഏഷ്യ കപ്പിൽ ഇന്ത്യ പാകിസ്താൻ പോരാട്ടത്തിന് തുടക്കം. ഇന്ത്യക്കായി ക്രാന്തി ഗൌഡാണ് ആദ്യ ഓവർ എറിയുന്നത്.

മത്സരത്തിന് മുന്നോടിയായി ഇന്ത്യ പാകിസ്താൻ താരങ്ങൾ മൈതാനത്തെത്തി. ഇരു രാജ്യങ്ങളുടെ ദേശീയ ഗാനം ആലപനം പുരോഗമിക്കുന്നു.

ലൈനപ്പിൽ മാറ്റമില്ലാതെയാണ് ഇന്ത്യയും പാകിസ്താൻ ഇന്ന് ഏറ്റുമുട്ടാൻ ഇറങ്ങുന്നത്

ഇന്ത്യയുടെ പ്ലേയിങ് ഇലവൻ – സ്മൃതി മന്ദന, ഷെഫാലി വർമ, പ്രഥിക റാവൽ, റിച്ച ഘോഷ്, ഹർമൻപ്രീത് കൌർ, ഭാരതി ഫൾമാലി, ദീപ്തി ശർമ, പ്രേമ റാവത്, നന്ദനി ശർമ, ശ്രീ ചരണി, ക്രിന്തി ഗൌഡ്

പാകിസ്താൻ്റെ പ്ലേയിങ് ഇലവൻ – മുനീബാ അലി, ഷാവാൽ സുലിഫിക്കർ, ഗുൾ, ഫിറോസാ, അയ്ഷാ സഫർ, സദാഫ് ഷമാസ്, ഫാത്തിമ സനാസ, ഉമീ ഹാനി, എയ്മാൻ ഫാത്തിമ, തുബ ഹസ്സൻ, നാഷ്റ സന്ധു, സാദിയ ഇഖ്ബാൽ

വനിത ഏഷ്യ കപ്പ് ഇന്ത്യ പാകിസ്താൻ മത്സരത്തിൻ്റെ ടോസിട്ടു. ടോസ് നേടിയ പാകിസ്താൻ ഇന്ത്യക്തെതിരെ ആദ്യ ബാറ്റിങ് തിരഞ്ഞെടുത്തു.

വനിത ഏഷ്യ കപ്പിൻ്റെ ഗ്രൂപ്പ് ഘട്ടം മത്സരത്തിലാണ് ഇന്ത്യയും പാകിസ്താനും തമ്മിൽ ഏറ്റുമുട്ടന്നത്. ദുബായ് രാജ്യാന്തര സ്റ്റേഡിയത്തിൽ വെച്ച് നടക്കുന്ന മത്സരം ഇന്ത്യൻ സമയം എട്ട് മണിക്കാണ് ആരംഭിക്കുക

നമസ്കാരം,

പ്രിയ കായിക പ്രേമികൾക്ക് ഇന്ത്യ പാകിസ്താൻ വനിത ഏഷ്യ കപ്പ് മത്സരത്തിൻ്റെ തത്സമയ വിവരത്തിലേക്ക് സ്വാഗതം. ചിരകാല വൈരികൾ തമ്മിൽ ഏറ്റുമുട്ടന്ന മത്സരത്തിൽ എല്ലാ വിശദാംശങ്ങളും നിങ്ങൾക്ക് ലൈവ് അപ്ഡേറ്റിലൂടെ ലഭിക്കുന്നതാണ്.