​കൈയടി കുറേ കിട്ടുമല്ലോ! വില 15000 രൂപയിൽ താഴെ; നോവ 2 പ്രോ 5G ഇന്ത്യയിൽ ലോഞ്ച് ചെയ്തു

Ai Plus Nova 2 Pro 5g Launched In India

ഇന്ത്യയിലെ സ്മാർട്ട്ഫോൺ ആരാധകർക്കായി ഇന്ന് എഐ പ്ലസ് തങ്ങളുടെ നോവ സീരീസിൽ രണ്ട് സ്മാർട്ട്ഫോണുകൾ ലോഞ്ച് ചെയ്തു. ഇതിൽ മികച്ച ഫീച്ചറുകൾ സഹിതം അ‌വതരിപ്പിക്കപ്പെട്ടിരിക്കുന്ന സ്മാർട്ട്ഫോൺ ആണ് Ai+ നോവ 2 പ്രോ 5G (AI Plus Nova 2 Pro 5G). ഇതോടൊപ്പം എത്തിയ രണ്ടാമത്തെ മോഡൽ എഐ പ്ലസ് നോവ 2 നിയോ 5ജി ആണ്. കുറഞ്ഞ വിലയിൽ വാങ്ങാനാകുന്ന ഒരു പ്രോ മോഡൽ 5ജി ഫോൺ എന്ന് നോവ 2 പ്രോ 5ജിയെ സിംപിളായി പരിചയപ്പെടുത്താനാകും. 15000 രൂപയിൽ താഴെ വിലയിൽ ആണ് ഈ പ്രോ മോഡൽ അ‌വതരിപ്പിക്കപ്പെട്ടിരിക്കുന്നത്.

നോവ 2 നിയോ 5ജിയെ അ‌പേക്ഷിച്ച് മെച്ചപ്പെട്ട പ്രോസസർ, ഡിസ്പ്ലേ, ഫ്രണ്ട് ക്യാമറ, റാം, സ്റ്റോറേജ്, ഫാസ്റ്റ് ചാർജിങ് എന്നീ ഫീച്ചറുകൾ എഐ പ്ലസ് നോവ 2 പ്രോ 5ജിയിൽ ഉണ്ട്. മീഡിയടെക് ഡൈമെൻസിറ്റി 7100 6nm പ്രൊസസർ ആണ് ഈ പ്രോ മോഡലിന് കരുത്തുപകരുന്നത്. സ്മാർട്ട്ഫോണുകൾക്ക് പൊതുവെ വില കൂടുതലായ ഈ കാലഘട്ടത്തിൽ വില ഒരു പ്രധാന ഘടകമായി പരിഗണിച്ച് സ്മാർട്ട്ഫോൺ വാങ്ങാൻ ഇറങ്ങുന്നവർക്ക് ഈ പ്രോ മോഡൽ പരിഗണിക്കാവുന്നതാണ്.

Also Read: 12999 രൂപ മാത്രം വിലയുള്ള 5G ഫോൺ! Ai+ നോവ 2 നിയോ 5G ഇന്ത്യയിൽ ലോഞ്ച് ചെയ്തു

പ്രധാന ഫീച്ചറുകൾ

6.9-ഇഞ്ച് (2340 x 1080 പിക്സലുകൾ) FHD+ 144Hz LCD സ്ക്രീൻ, 800 nits വരെ HBM ബ്രൈറ്റ്നസ് എന്നിവ ഇതിലുണ്ട്. 2.4GHz ഒക്ട കോർ മീഡിയടെക് ഡൈമെൻസിറ്റി 7100 6nm പ്രൊസസർ ആണ് നോവ 2 പ്രോ 5ജിയുടെ കരുത്ത്. ഇതോടൊപ്പം മാലി-G610 ജിപിയുവും ഉണ്ട്.

6GB / 8GB റാം, 128GB സ്റ്റോറേജ്, മൈക്രോ എസ്ഡി ഉപയോഗിച്ച് 2TB വരെ സ്റ്റോറേജ് വർധിപ്പിക്കാനുള്ള സൗകര്യം എന്നിവ നോവ 2 പ്രോ 5ജിയിലുണ്ട്. ആൻഡ്രോയിഡ് 16 അ‌ടിസ്ഥാനമാക്കിയുള്ള nxtQ OS -ൽ ആണ് പ്രവർത്തനം. സുരക്ഷയ്ക്കായി സൈഡ്-മൗണ്ടഡ് ഫിംഗർപ്രിന്റ് സെൻസർ ആണ് നൽകിയിരിക്കുന്നത്.

സോണി IMX582 സെൻസറുള്ള 48MP മെയിൻ ക്യാമറ (f/1.8 അപ്പേർച്ചർ), 8MP അൾട്രാ-വൈഡ് ക്യാമറ (f/2.2 അപ്പേർച്ചർ), LED ഫ്ലാഷ്, 2K വരെ 30fps വീഡിയോ റെക്കോർഡിംഗ് എന്നിവ അ‌ടങ്ങുന്ന ഡ്യുവൽ റിയർ ക്യാമറ സജ്ജീകരണം ആണ് ഈ പ്രോ മോഡലിൽ എഐ പ്ലസ് നൽകിയിരിക്കുന്നത്. സെൽഫിക്കും മറ്റുമായി 13MP ഫ്രണ്ട് ക്യാമറയും (f/2.0 അപ്പേർച്ചർ, 2K വരെ 30fps വീഡിയോ റെക്കോർഡിംഗ്) ഇതിലുണ്ട്.

IP65 റേറ്റിങ്, USB ടൈപ്പ്-സി ഓഡിയോ, സ്റ്റീരിയോ സ്പീക്കറുകൾ, ഡ്യുവൽ സിം (നാനോ + നാനോ + മൈക്രോ എസ്ഡി), 5G SA/NSA, ഡ്യുവൽ 4G VoLTE, Wi-Fi 802.11 ac (2.4GHz + 5GHz), ബ്ലൂടൂത്ത് 5.4, GPS/ GLONASS/ Beidou, USB Type-C
33W ഫാസ്റ്റ് ചാർജിങ് പിന്തുണയുള്ള 6000mAh ബാറ്ററി എന്നിവയാണ് മറ്റ് പ്രധാന ഫീച്ചറുകൾ.

വിലയും ലഭ്യതയും

എഐ പ്ലസ് നോവ 2 പ്രോ 5ജിയുടെ 6GB+128GB അ‌ടിസ്ഥാന വേരിയന്റിന് 15,999 രൂപയും 8GB+128GB വേരിയന്റിന് 17,999 രൂപയുമാണ് വില. എല്ലാ പ്രധാന ക്രെഡിറ്റ്, ഡെബിറ്റ് കാർഡുകൾക്കും 1000 രൂപ ഇൻസ്റ്റന്റ് ബാങ്ക് ഡിസ്കൗണ്ട് ഉണ്ട്. ഫ്ലിപ്പ്കാർട്ട് വഴി ജൂൺ 26-ന് ഉച്ചയ്ക്ക് 12 മുതൽ ഇതിന്റെ വിൽപ്പനയാരംഭിക്കും. കുറഞ്ഞ വിലയിലെ പ്രോ മോഡൽ എന്ന നിലയിൽ ഇത് ​കൈയടി നേടാൻ സാധ്യതയുണ്ട്.

English Summary

Ai+ Nova 2 Pro 5G has been launched in India. Its 6GB+128GB base variant is priced at Rs 15,999 and the 8GB+128GB variant is priced at Rs 17,999. There is an instant bank discount of Rs 1000 on all major credit and debit cards. The sale of Nova 2 Pro 5G will start on June 26 at 12 noon via Flipkart.