Electricity Using Tips: നിങ്ങളുടെ ഫാൻ ദിവസം ഉപയോഗിക്കുന്ന വൈദ്യതി എത്രയെന്ന് അറിയുമോ?

ചൂടായാലും മഴയായലും പോലും വീട്ടിൽ 24 മണിക്കൂറും ഫാൻ ഇടുന്നതാണ് മലയാളിയുടെ രീതി. വേനൽ കനത്തതോടെ നേരത്തെ മുറിയിൽ മാത്രം ഉപയോഗിച്ചിരുന്ന ഫാൻ വീട്ടിലാകെ ഉപയോഗിക്കുന്നതാണ് രീതി. സീലിംഗ്, ടേബിൾ ഫാനുകൾ ഇല്ലാതെ ഉറങ്ങാൻ സാധിക്കുമോ എന്ന് പോലും ഇപ്പോൾ മലയാളികൾക്ക് അറിയില്ല. എന്നാൽ ഒരു ദിവസം നിങ്ങളുടെ ഫാന് ചിലവാകുന്ന വൈദ്യതി എത്രയെന്ന് അറിയുമോ, എങ്ങനെ ചിലവ് കുറക്കാം, എന്തൊക്കെ ചെയ്യാം തുടങ്ങിയവ പരിശോധിക്കാം.

സാധാരണയായി, ഒരു സീലിംഗ് ഫാൻ 60W മുതൽ 80W വരെ വൈദ്യുതി ഉപയോഗിക്കുന്നു. നിങ്ങളുടെ ഫാൻ 75 വാട്ട്സ് ആണെങ്കിൽ, അത് ഒരു മണിക്കൂറിൽ 0.075 kWh (യൂണിറ്റ്) വൈദ്യുതി ഉപയോഗിക്കുന്നു. കൃത്യമായി പറഞ്ഞാൽ 75W എന്നത് 0.075 kW ആണ്, അതായത് ഓരോ മണിക്കൂറിലും 0.075 യൂണിറ്റുകൾ ആണ് ഒരു സീലിംഗ് ഫാൻ ഉപയോഗിക്കുന്നത്

ALSO READ: 9000 രൂപ കമ്പനിയുടെ കുറവ്, വാങ്ങുമ്പോൾ ഇനിയും കുറയും, ഇതാണ് ടൈം

10 മണിക്കൂർ പ്രവർത്തിപ്പിച്ചാൽ

75W-ൻ്റെ ഒരു സീലിംഗ് ഫാൻ ദിവസവും 10 മണിക്കൂർ വീതം പ്രവർത്തിപ്പിച്ചാൽ , ഉപഭോഗം: 0.075 × 10 = 0.75 യൂണിറ്റ് / ദിവസം. 30 ദിവസത്തെ ഒരു മാസത്തിൽ, ഇത്: 0.75 × 30 = 22.5 യൂണിറ്റ് / മാസം. അതായത് പ്രതിമാസം വേണ്ടുന്ന വൈദ്യതി ഒരു ഫാന് 22.5 യൂണിറ്റ്. ഉദാഹരണമായി വൈദ്യുതി നിരക്ക് യൂണിറ്റിന് ഏകദേശം 7 രൂപ ആണെങ്കിൽ, ഒരു ഫാനിൻ്റെ പ്രതിമാസ ചെലവ് 22.5 × 7 = 157.5 ഇതായിരിക്കും. ഇതിനർത്ഥം ഒരു സീലിംഗ് ഫാനിൽ നിന്ന് നിങ്ങളുടെ പ്രതിമാസ വൈദ്യുതി ബില്ലിൽ 150 മുതൽ 160 രൂപ വരെയായിരിക്കും. 2–4 ഫാനുകളുള്ള മിക്ക വീടുകളിലും, ചെലവ് ഏകദേശം 450 അല്ലെങ്കിൽ അതിൽ കൂടുതൽ ആയി ഉയരാം.

ബിഎൽഡിസി ഫാൻ ആണോ?

സാധാരണ ഫാനിൽ നിന്നും നിങ്ങൾക്ക് ബിഎൽഡിസി ഫാനുകൾ ഉപയോഗിക്കാൻ സാധിച്ചാൽ വൈദ്യതി ലാഭിക്കാം. ബ്രഷ്‌ലെസ് ഡയറക്ട് കറൻ്റ് ഫാൻ എന്നാണ് ഇവയുടെ പൂർണ രൂപം. ഇവ കൂടുതൽ ഊർജ്ജക്ഷമതയുള്ളവയാണ്. കൂടാതെ 25–35W വൈദ്യുതി മാത്രമേ ഉപയോഗിക്കുന്നുള്ളൂ. 75W ഫാൻ മാറ്റി 30W BLDC ഫാൻ സ്ഥാപിക്കുന്നത് വൈദ്യുതി ഉപഭോഗം പകുതിയിലധികം കുറയ്ക്കുകയും പ്രതിമാസ ലാഭം ഗണ്യമായി കുറയ്ക്കുകയും ചെയ്യും.

വൈദ്യുതി ബിൽ കുറയ്ക്കാൻ

വൈദ്യുതി ബിൽ കുറയ്ക്കാൻ , മുറിയിൽ ആളില്ലാത്തപ്പോൾ ഫാൻ ഓഫ് ചെയ്യുക, ആവശ്യമില്ലാത്തപ്പോൾ വേഗത കുറയ്ക്കുക. രാത്രിയിൽ ആവശ്യം കഴിഞ്ഞ ശേഷം ഫാൻ പ്രവർത്തിപ്പിക്കാതിരിക്കാൻ ശ്രദ്ധിക്കുക.