AC Using Tips: എസി ഉപയോഗിക്കുമ്പോൾ കറൻ്റ് ബില്ല് കുറക്കാം, സിമ്പിൾ ഐഡിയ

വേനൽക്കാലം തുടങ്ങിയാൽ പിന്നെ വീട്ടിൽ എസിക്കും റെസ്റ്റുണ്ടാവില്ല, എസി കൂടുതൽ പ്രവർത്തിക്കും തോറും വൈദ്യുതി ബില്ലുകളും കുതിച്ചുയരുന്നതാണ് സംഭവം. 16 ഡിഗ്രിയോ, 18 ഡിഗ്രിയോ എസി പ്രവർത്തിച്ചാൽ മുറി വേഗത്തിൽ തണുക്കുമെന്നാണ് പലരും കരുതുന്നത്. എന്നാൽ യഥാർത്ഥത്തിൽ അതുവഴി എന്താണ് സംഭവിക്കുക എന്നത് അറിയുമോ? അതിനെ പറ്റിയാണ് പരിശോധിക്കുന്നത്.

എസി പ്രവർത്തിപ്പിക്കേണ്ടത്.

നിങ്ങളുടെ എസി 24 നും 26 നും ഇടയിൽ പ്രവർത്തിപ്പിക്കണമെന്നാണ് പൊതുവേ പറയുന്നത്. എസിയുടെ കംപ്രസ്സർ അധികം പ്രവർത്തിക്കേണ്ടി വരാത്തതിനാൽ, വളരെ കുറച്ച് വൈദ്യുതി മാത്രമേ ഇതിന് വേണ്ടി വരൂ, മിക്ക ആധുനിക എയർ കണ്ടീഷണറുകളും വളരെ താഴ്ന്ന താപനിലയിലല്ല, മിതമായ താപനിലയിൽ പ്രവർത്തിക്കാനായി വേണ്ടിയാണ് നിർമ്മിച്ചിരിക്കുന്നത്. 24 ഡിഗ്രി സെൽഷ്യസിൽ, നിങ്ങളുടെ എസി ശരിയായി പ്രവർത്തിക്കും – മുറി തണുപ്പിച്ച് നിർത്തും, അധികം വൈദ്യുതി പാഴാകില്ല. താപനില ഒരു ഡിഗ്രി വർദ്ധിപ്പിച്ചാൽ പോലും വൈദ്യുതി ഉപയോഗം ഏകദേശം 6 ശതമാനം കുറയ്ക്കാൻ കഴിയും.

അറിഞ്ഞിരിക്കാൻ

1.എയർ കണ്ടീഷണറുകൾ വായുവിൽ നിന്ന് ചൂട് വലിച്ചെടുക്കുന്നു

2. തെർമോസ്റ്റാറ്റ് താഴ്ത്തുമ്പോൾ, നിങ്ങളുടെ എസിയുടെ കംപ്രസ്സർ പ്രവർത്തിക്കാൻ കൂടുതൽ ബുദ്ധിമുട്ടാം.
3. മുറിയിലെ താപനിലയും സാധാരണ താപനിലയും തമ്മിലുള്ള വ്യത്യാസം കൂടുന്നതിനനുസരിച്ച്, എസി പ്രവർത്തിപ്പിക്കാൻ കൂടുതൽ ഊർജ്ജം ആവശ്യമായി വരും.

ALSO READ : Vivo X300 Ultra : ഇനി കഥ മാറും! 200എംപി ക്യാമറയുള്ള വിവോ X300 ഇന്ത്യയിൽ എത്തി; വില കേട്ടാൽ ഞെട്ടും

എസി 16 ഡിഗ്രി സെൽഷ്യസിൽ വെച്ചാൽ

1.  കൂടുതൽ വൈദ്യുതി ബില്ലുകൾ
2.  കംപ്രസ്സർ പ്രവർത്തനം വേഗത്തിലാക്കുന്നു
3.  വരണ്ട തൊണ്ടയും വരണ്ട ചർമ്മവും,അസ്വസ്ഥത തോന്നിപ്പിക്കാം.
4.  മുറിയിലാകെ തണുപ്പ്.
5.  എസി 24°C യിൽ നിന്ന് 16°C ൽ എത്തുമ്പോൾ മുറി വേഗത്തിൽ തണുപ്പിക്കില്ല. ഷട്ട് ഓഫ് ചെയ്യുന്നതിന് മുമ്പ് കൂടുതൽ നേരം പ്രവർത്തിക്കും എന്ന് മാത്രം.

AI, സ്ലീപ്പ് മോഡുകൾ ഉപയോഗിക്കുക

പുതിയ ഇൻവെർട്ടർ എസികളിൽ സ്മാർട്ട് ഫീച്ചറുകൾ ധാരാളമുണ്ട് – ഇക്കോ മോഡ്, AI കൂളിംഗ്, സ്ലീപ്പ് മോഡ്, എനർജി സേവർ മോഡ്. എന്നിവ ഉപയോഗിക്കാം. ഇക്കോ, എനർജി സേവർ അധിക വൈദ്യുതി കുറയ്ക്കും. ഉറങ്ങുമ്പോൾ എസി സെറ്റ് താപനില ഉയർത്തുകയും വിയർക്കാതെ ഊർജ്ജ ഉപയോഗം കുറയ്ക്കുകയും ചെയ്യുന്നതിനാൽ രാത്രികൾക്ക് സ്ലീപ്പ് മോഡ് മികച്ചതാണ്.

ഫിൽട്ടറുകൾ വൃത്തിയായി സൂക്ഷിക്കാം

ഫിൽറ്റർ വൃത്തിയായി സൂക്ഷിക്കാൻ എപ്പോഴും ശ്രമിക്കുക. ചൂട് കൂടുമ്പോൾ ഓരോ 2-3 ആഴ്ചയിലും ഫിൽട്ടറുകൾ വൃത്തിയാക്കുക, ഔട്ട്ഡോർ യൂണിറ്റിൽ ശരിയായ വായുസഞ്ചാരം ഉണ്ടെന്ന് ഉറപ്പാക്കുക. ഇതുവഴി നിങ്ങളുടെ എസി നന്നായി പ്രവർത്തിക്കും.

ബിൽ കുറയ്ക്കാൻ കുറച്ച് വഴികൾ കൂടി

1. ചുറ്റും തണുത്ത വായു വ്യാപിപ്പിക്കാൻ എസിക്കൊപ്പം സീലിംഗ് ഫാനുകളും ഉപയോഗിക്കുക—ഇത് നിങ്ങളുടെ എസി താപനില ക്രമീകരിക്കും.
2. എസി പ്രവർത്തിക്കുമ്പോൾ ജനലുകളും വാതിലുകളും അടച്ചിടുക
3. മുറിയിൽ കർട്ടനുകളോ ബ്ലൈൻഡുകളോ ഉപയോഗിച്ച് നേരിട്ടേൽക്കുന്ന സൂര്യപ്രകാശം തടയുക.
4. കഴിയുമെങ്കിൽ ഇൻവെർട്ടർ എസികൾ തിരഞ്ഞെടുക്കുക

English Summary

Air Condition Using and the bigger Electricity Bills are Common in Summer. Here we discussing how to Reduce the Power Consumption while Using AC. People can easily reduce the bills through some simple power saving Tips. From Temperature Adjustments to Features all you needs to Know.