Unified Bharat eCharge: ഇ.വി. ചാർജിംഗിന് ഇനി ഒറ്റ ആപ്പ്; കേന്ദ്രത്തിന്റെ ഏകീകൃത പ്ലാറ്റ്ഫോം വരുന്നു
India to Launch Unified One Nation: നിലവിൽ വിവിധ കമ്പനികളുടെ ചാർജിംഗ് സ്റ്റേഷനുകൾ ഉപയോഗിക്കാൻ ഉപയോക്താക്കൾ ഒന്നിലധികം മൊബൈൽ ആപ്പുകളും വെവ്വേറെ പേയ്മെന്റ് സംവിധാനങ്ങളും ഉപയോഗിക്കേണ്ടതുണ്ട്. ഇതിന് പരിഹാരമായാണ് വൺ നേഷൻ, വൺ ആപ്പ് എന്ന മാതൃകയിൽ പുതിയ സംവിധാനം വരുന്നത്. എല്ലാ കമ്പനികളും ഒരൊറ്റ പ്ലാറ്റ്ഫോമിൽ എന്നതാണ് ഇതിന്റെ സവിശേഷത.
ന്യൂഡൽഹി: രാജ്യത്തെ ഇലക്ട്രിക് വാഹന (ഇ.വി.) ഉപയോക്താക്കൾക്ക് ആശ്വാസമായി കേന്ദ്ര സർക്കാരിന്റെ പുതിയ നീക്കം. വാഹന നിർമ്മാതാക്കൾ, പെട്രോളിയം കമ്പനികൾ, സ്വകാര്യ ഓപ്പറേറ്റർമാർ എന്നിവരുടെ വ്യത്യസ്ത ചാർജിംഗ് ശൃംഖലകളെ ഒരു കുടക്കീഴിലാക്കി യൂണിഫൈഡ് ഭാരത് ഇ-ചാർജ് (UBC) എന്ന ഏകീകൃത പ്ലാറ്റ്ഫോം കേന്ദ്ര സർക്കാർ പുറത്തിറക്കുന്നു. ഹെവി ഇൻഡസ്ട്രീസ് മന്ത്രാലയത്തിന് കീഴിലുള്ള ഈ സംരംഭത്തിന്റെ മൊബൈൽ ആപ്പ് വരും ആഴ്ചകളിൽ തന്നെ പുറത്തിറങ്ങിയേക്കുമെന്നാണ് റിപ്പോർട്ടുകൾ.
എന്താണ് ഈ പ്ലാറ്റ്ഫോമിന്റെ പ്രത്യേകത?
നിലവിൽ വിവിധ കമ്പനികളുടെ ചാർജിംഗ് സ്റ്റേഷനുകൾ ഉപയോഗിക്കാൻ ഉപയോക്താക്കൾ ഒന്നിലധികം മൊബൈൽ ആപ്പുകളും വെവ്വേറെ പേയ്മെന്റ് സംവിധാനങ്ങളും ഉപയോഗിക്കേണ്ടതുണ്ട്. ഇതിന് പരിഹാരമായാണ് വൺ നേഷൻ, വൺ ആപ്പ് എന്ന മാതൃകയിൽ പുതിയ സംവിധാനം വരുന്നത്. എല്ലാ കമ്പനികളും ഒരൊറ്റ പ്ലാറ്റ്ഫോമിൽ എന്നതാണ് ഇതിന്റെ സവിശേഷത. ടാറ്റ മോട്ടോഴ്സ്, മഹീന്ദ്ര, മാരുതി സുസുക്കി തുടങ്ങിയ വാഹന നിർമ്മാതാക്കളും, ഐ.ഒ.സി.എൽ, ബി.പി.സി.എൽ പോലുള്ള പെട്രോളിയം കമ്പനികളും, ചാർജ്സോൺ, ബോൾട്ട്.എർത്ത് പോലുള്ള സ്വകാര്യ സ്റ്റേഷനുകളും ഈ പ്ലാറ്റ്ഫോമിൽ ലഭ്യമാകും.
ALSO READ : Vivo X300 Ultra : ഇനി കഥ മാറും! 200എംപി ക്യാമറയുള്ള വിവോ X300 ഇന്ത്യയിൽ എത്തി; വില കേട്ടാൽ ഞെട്ടും
ചാർജിംഗ് സ്റ്റേഷനുകളുടെ ലഭ്യത, പ്രവർത്തന സമയം, ചാർജിംഗ് വേഗത, നിരക്കുകൾ എന്നിവ തത്സമയം അറിയാൻ സാധിക്കും. ഒറ്റ ഇന്റർഫേസിലൂടെ തന്നെ സ്റ്റേഷനുകൾ കണ്ടെത്താനും സ്ലോട്ടുകൾ ബുക്ക് ചെയ്യാനും പണമടയ്ക്കാനും സാധിക്കും.
പ്രധാന വിവരങ്ങൾ
നാഷണൽ പേയ്മെന്റ്സ് കോർപ്പറേഷൻ ഓഫ് ഇന്ത്യ (N P C I) ആണ് ഈ പ്ലാറ്റ്ഫോമിനായുള്ള ചട്ടക്കൂട് വികസിപ്പിച്ചത്. പദ്ധതിയുടെ പ്രവർത്തന മേൽനോട്ടം ഭാരത് ഹെവി ഇലക്ട്രിക്കൽസ് ലിമിറ്റഡിന് (B H E L) ആയിരിക്കും. രാജ്യത്തുടനീളം 72,300 പൊതു ചാർജിംഗ് സ്റ്റേഷനുകൾ സ്ഥാപിക്കുന്നതിനായി പ്രധാനമന്ത്രി ഇ-ഡ്രൈവ് പദ്ധതിക്ക് കീഴിൽ സർക്കാർ 2,000 കോടി രൂപ വകയിരുത്തിയിട്ടുണ്ട്.
നിലവിൽ 50 ലക്ഷത്തിലധികം ഇലക്ട്രിക് വാഹനങ്ങളാണ് ഇന്ത്യയിലുള്ളത്. ചാർജിംഗ് സ്റ്റേഷനുകളുടെ ഏകോപനമില്ലായ്മ വലിയൊരു പ്രതിസന്ധിയായി നിൽക്കുന്ന സാഹചര്യത്തിൽ, പുതിയ ഏകീകൃത പ്ലാറ്റ്ഫോം ഇ.വി. വിപണിയിൽ വലിയ വിപ്ലവം സൃഷ്ടിക്കുമെന്നാണ് പ്രതീക്ഷിക്കുന്നത്.
മുന്നേറ്റങ്ങൾ മാറ്റങ്ങൾ
ദീർഘദൂര യാത്രകളിൽ ചാർജ് തീരുമോ എന്ന ആശങ്ക പരിഹരിക്കാൻ ‘ഫാസ്റ്റ് ചാർജിംഗ്’ സാങ്കേതികവിദ്യയിൽ വലിയ പുരോഗതി നടക്കുന്നുണ്ട്. വീടുകളിലും ഓഫീസുകളിലും സോളാർ പാനലുകൾ ഉപയോഗിച്ച് വാഹനങ്ങൾ ചാർജ് ചെയ്യുന്ന രീതി കൂടുതൽ ജനകീയമായി വരികയാണ്. ഇത് യാത്രാച്ചെലവ് പൂജ്യത്തിലേക്ക് എത്തിക്കാൻ സഹായിക്കുന്നു. ലിഥിയത്തിന് പകരമായി സോഡിയം-അയൺ, സോളിഡ് സ്റ്റേറ്റ് ബാറ്ററികൾ എന്നിവ വികസിപ്പിക്കാനുള്ള ഗവേഷണങ്ങൾ ഇന്ത്യയുൾപ്പെടെയുള്ള രാജ്യങ്ങളിൽ സജീവമാണ്. ഇലക്ട്രിക് വാഹനങ്ങൾ വിപണിയിൽ സജീവമായതോടെ, പഴയ ഇ.വികൾ വാങ്ങുന്നതിനും വിൽക്കുന്നതിനുമുള്ള പ്രത്യേക വിപണിയും രാജ്യത്ത് വളർന്നുവരുന്നുണ്ട്.
English Summary
India is launching a unified platform called ‘Unified Bharat e-Charge’ (UBC) to integrate various EV charging networks into a single “One Nation, One App” interface. Developed by NPCI, this app will allow users to locate, book, and pay for charging stations across different operators with real-time updates on availability and pricing
