iQOO 15T: പുത്തൻ ഐക്യുമോഡലിൻ്റെ ബാറ്ററി സർപ്രൈസല്ല, സംഭവം വേറെ ലെവൽ

ക്യാമറക്കൊപ്പം തന്നെ ബാറ്ററിയിലും സമഗ്രമായ മാറ്റങ്ങൾ കൊണ്ടുവരുകയാണ് സ്മാർട്ട്ഫോൺ കമ്പനികളുടെ ലക്ഷ്യം. അതിൻ്റെ ഉദാഹരണമാണ് ബാറ്ററി കപ്പാസിറ്റി ഉയർത്തുന്നത്. ഇത്തരത്തിലൊരു കിടിലൻ ബാറ്ററിയുമായി വിപണിയിലേക്ക് എത്തുന്ന ഫോണാണ് iQOO 15T. ഈ മാസം അവസാനം ഫോൺ ലോഞ്ച് ചെയ്യുമെന്നാണ് വിവരം. എന്നാൽ ആദ്യമെത്തുന്നത് ഇന്ത്യൻ വിപണിയിലേക്കല്ല. ചൈനയിലേക്കാണ്. iQOO പാഡ് 6 പ്രോ ടാബ്‌ലെറ്റ്, iQOO TWS 5i ഇയർബഡ് എന്നിവയും ഇതിനൊപ്പം ലോഞ്ചിനൊരുങ്ങുന്ന മറ്റ് ഗാഡ്ജെറ്റുകളാണ്. ഗെയിമിംഗിൽ വളരെയധികം ശ്രദ്ധ കേന്ദ്രീകരിക്കുന്നവർക്കായാണ് ഫോൺ എത്തുക എന്നതാണ് സൂചന. ഒപ്പം ബാറ്ററിയും മറ്റ് ഫീച്ചറുകളും കൂടിയാകുമ്പോൾ സംഭവം ജോറായി.

ഡൈമെൻസിറ്റി 9500 ചിപ്‌സെറ്റ്

ഫോണിൻ്റെ പ്രോസസ്സർ നോക്കിയാൽ മീഡിയടെക്കിന്റെ പുതിയ ഡൈമെൻസിറ്റി 9500 ചിപ്‌സെറ്റ് ഐക്യുഒഒ ഉപയോഗിക്കുമെന്നാണ് വിവരം. ഗ്രാഫിക്സ് വർദ്ധിപ്പിക്കുന്നതിനും ഫ്രെയിം റേറ്റുകൾ സ്ഥിരമായി നിലനിർത്തുന്നതിനും ആവശ്യപ്പെടുന്ന ഗെയിമുകൾ പ്രവർത്തിപ്പിക്കുമ്പോൾ ഗെയിമിംഗ് ഒപ്റ്റിമൈസേഷൻ മികച്ചതാക്കുന്നതിനും കമ്പനിയുടെ തന്നെ ക്യു3 ഗെയിമിംഗ് ചിപ്പും ഇതിലുണ്ട്. കൂടുതൽ പ്രകടനം വാഗ്ദാനം ചെയ്യുന്ന ഒരു കസ്റ്റം ‘മോൺസ്റ്റർ’ പതിപ്പും ഇതിലുണ്ട്.

ALSO READ : Vivo X300 Ultra : ഇനി കഥ മാറും! 200എംപി ക്യാമറയുള്ള വിവോ X300 ഇന്ത്യയിൽ എത്തി; വില കേട്ടാൽ ഞെട്ടും

iQOO 15T യുടെ ഗെയിമിംഗ്

നിലവിൽ പുറത്തു വന്ന വിവരങ്ങൾ പ്രകാരം iQOO 15T വിവിധ ടെസ്റ്റുകളും വിജയിച്ചിട്ടുണ്ട്. ഫോൺ അധികമായി ഉപയോഗിക്കുമ്പോൾ ഉപകരണം ഉരുകുകയോ സെഷനുകൾക്ക് കാലതാമസം വരുൃകയോ ചെയ്തില്ല്. ഡിസ്പ്ലേ നോക്കിയാൽ 2K റെസല്യൂഷൻ നൽകുന്ന 6.82 ഇഞ്ച് OLED പാനൽ, 144Hz റിഫ്രഷ് റേറ്റ് എന്നിവയും ഇതിലുണ്ട്. ഇതിന് 163.37 x 76.71 x 8.25mm ഉം 216 ഗ്രാമും ഉണ്ട്. മുകളിൽ ഇടത് മൂലയിൽ ചതുരാകൃതിയിലുള്ള ക്യാമറ ബമ്പുള്ള ഒരു ഫ്ലാറ്റ് ഡിസ്പ്ലേയാണ് ഫോട്ടോകൾ കാണിക്കുന്നത്.

ഫോണിതാ

iQOO 15T spotted ahead of launch 👀

Performance ⚡
• Dimensity 9500
• LPDDR5X RAM
• UFS 4.1 storage

Display 📱
• 6.82-inch 2K flat OLED
• 144Hz refresh rate
• Center punch-hole design

Cameras 📸
• 200MP Samsung HP5 OIS
• 50MP ultra-wide
• 16MP front camera

Battery &… pic.twitter.com/kZt9kb1r4f

— Saurav (@Saurav_DJ47) May 11, 2026

ക്യാമറ

ഐക്യുഒ 15T യിൽ 200-മെഗാപിക്സൽ മെയിൻ സെൻസറും 50-മെഗാപിക്സൽ സെക്കൻഡറി ഷൂട്ടറും നൽകിയിട്ടുണ്ട്. സെൽഫികൾക്കായി മുൻവശത്ത് 16-മെഗാപിക്സൽ ക്യാമറയുണ്ട്. 8,000mAh- ബാറ്ററിയാണ് ഫോണിന് നൽകിയിരിക്കുന്നത്. 100W ഫാസ്റ്റ് ചാർജിംഗാണ് ഇതിലുള്ളത്. എന്നാൽ വയർലെസ് ചാർജിംഗ് ഫീച്ചർ നൽകുന്നുണ്ടോ എന്ന കാര്യത്തിൽ വ്യക്തതയില്ല.

പ്രോസസ്സർ

ഫോൺ പ്രവർത്തിക്കുന്നത് ആൻഡ്രോയിഡ് 16-ൽ, OriginOS 6-ൽ ആയിരിക്കും. 8GB/256GB, 12GB/256GB, 12GB/512GB, 16GB/256GB, 16GB/512GB തുടങ്ങിയ വിവിധ സ്റ്റോറേജ് വേരിയൻ്റുകളിൽ ഫോൺ ലഭ്യമാണ്. ഏറ്റവും മികച്ച ഫീച്ചറുകളാണ് ഫോണിൽ നൽകിയിരിക്കുന്നത്.

English Summary

iQOO 15T Battery will not be a Surprise. This Chinese brand likely to Introduce this smartphone as a Gaming Phone. these are the features of the phone. here we discussing about how this phone is unique in Indian market.