UAE Lottery: 30 മില്യൺ ദിർഹം അടിച്ചു മോനെ…!; ജാക്ക്പോട്ട് നേടി അബുദാബിയിലെ ഇന്ത്യൻ പ്രവാസി

UAE Lottery

അബുദാബി: യു,എ.ഇ ലോട്ടറിക്ക് ഇന്ത്യക്കാരോട് എന്തോ പ്രത്യേക താല്പര്യം തന്നെ ഉണ്ടെന്ന് തോന്നും. കാരണം ജാക്ക്പോട്ട് വിജയികളുടെ കൂട്ടത്തിൽ ഇന്ത്യക്കാരുടെ സാനിധ്യം അത്ര കൂടുതലാണ്. ഇപ്പോഴിതാ വീണ്ടും ഒരു ഇന്ത്യക്കാരനെ തേടി ഭാഗ്യം എത്തിയിരിക്കുകയാണ്. യു.എ.ഇ ലോട്ടറിയുടെ ജാക്ക്പോട്ട് പ്രൈസ് 30 മില്യൺ ദിർഹമാണ് അബുദാബിയിൽ താമസിക്കുന്ന 52-കാരനായ ഇന്ത്യക്കാരൻ സുനിൽ കുമാർ സദാശിവൻ സ്വന്തമാക്കിയത്. ജൂലൈ ഒന്ന് ബുധനാഴ്ച നടന്ന ‘ലക്കി ഡേ’ നറുക്കെടുപ്പിലാണ് ഇദ്ദേഹത്തെ മഹാഭാഗ്യം തേടിയെത്തിയത്. 30 മില്യൺ ദിർഹം എന്നാൽ ഇന്ത്യൻ രൂപയിൽ ഏകദേശം 70 കോടിക്ക് മുകളിൽ വരും.

ആദ്യം ടിക്കറ്റ് നോക്കിയപ്പോൾ വിശ്വസിക്കാനായില്ലെന്നും പിന്നീട് ഒന്നുകൂടി നോക്കി നമ്പർ പൂർണമായും കണ്ടപ്പോഴാണ് ജാക്ക്പോട്ട് ലഭിച്ച വിവരം താൻ തിരിച്ചറിഞ്ഞതെന്നും വിജയത്തിന് ശേഷം സുനിൽ കുമാർ പറഞ്ഞു. ഈ വർഷം ആദ്യം യു.എ.ഇ ലോട്ടറി ‘ലക്കി ഡേ’ ഫോർമാറ്റ് അവതരിപ്പിച്ചതിന് ശേഷം നൽകുന്ന 30 മില്യൺ ദിർഹത്തിൻ്റെ രണ്ടാമത്തെ ജാക്ക്പോട്ടാണിത്. ജൂണിൽ പ്രഖ്യാപിച്ച ആദ്യ വിജയി നേപ്പാൾ സ്വദേശിയായ സെക്യൂരിറ്റി ഗാർഡ് തയ്യിബ് ഖാനായിരുന്നു. സുഹൃത്തുക്കളോടൊപ്പം ചേർന്ന് ടിക്കറ്റെടുത്ത ഇദ്ദേഹം സമ്മാനത്തുക മറ്റ് നാല് പേരുമായി പങ്കിടുകയും ചെയ്തു. ഈ രണ്ട് ജാക്ക്പോട്ട് വിജയികൾക്ക് പുറമെ, രണ്ടാം സമ്മാനമായി അഞ്ച് മില്യൺ ദിർഹം മറ്റൊരാൾക്ക് ലഭിച്ചിരുന്നു.

Also Read: Major UAE Transport Updates: യു.എ.ഇയിൽ വൻ ഗതാഗത പരിഷ്കാരങ്ങൾ; ഈ പ്രധാന മാറ്റങ്ങൾ അറിയൂ !

എല്ലാ ബുധനാഴ്ചകളിലും ശനിയാഴ്ചകളിലും നടക്കുന്ന ‘ലക്കി ഡേ’ നറുക്കെടുപ്പിൽ 30 മില്യൺ ദിർഹത്തിൻ്റെ ഒന്നാം സമ്മാനവും, അഞ്ച് മില്യൺ ദിർഹത്തിൻ്റെ രണ്ടാം സമ്മാനവും നൽകുന്നുണ്ട്. ഇതിനുപുറമെ 50,000 ദിർഹം വീതം ലഭിക്കുന്ന മൂന്ന് ‘ലക്കി ചാൻസ്’ സമ്മാനങ്ങളുമുണ്ട്. 50 ദിർഹമാണ് ലക്കി ഡേ ടിക്കറ്റ് നിരക്ക്. ജനറൽ കൊമേഴ്‌സ്യൽ ഗെയിമിംഗ് റെഗുലേറ്ററി അതോറിറ്റിയുടെ നിയന്ത്രണത്തിൽ പ്രവർത്തിക്കുന്ന രാജ്യത്തെ ആദ്യത്തെ ഫെഡറൽ ലൈസൻസുള്ള ലോട്ടറിയാണ് യു.എ.ഇ ലോട്ടറി. ‘ദ ഗെയിം എൽ.എൽ.സിയുടെ കീഴിലാണ് ലോട്ടറി പ്രവർത്തിപ്പിക്കുന്നത്. 18 വയസ്സ് തികഞ്ഞ യു.എ.ഇ നിവാസികൾക്ക് മാത്രമേ ഇതിൽ പങ്കെടുക്കാൻ സാധിക്കൂ. അടുത്ത ലക്കി ഡേ നറുക്കെടുപ്പ് ബുധനാഴ്ച രാത്രി നടക്കും.അതിന് ശേഷം ശനിയാഴ്ചയും നറുക്കെടുപ്പ് നടക്കും.

English Summary

Sunil Kumar Sadasivan, a 52-year-old Indian expat living in Abu Dhabi, has won the Dh30 million jackpot in the UAE Lottery’s Lucky Day draw. By matching all seven numbers, he became the second person to win this massive grand prize. The federally licensed lottery, regulated by the GCGRA, holds draws every Wednesday and Saturday, offering players a chance to win life-changing amounts with just a Dh50 ticket.