Kuwait Vehicle Ownership: കുവൈറ്റില് മൂന്ന് വാഹനങ്ങള് വാങ്ങിയാലോ? ഇത്രയാണ് നിബന്ധനകള്
Kuwait Vehicle Registration Process: പ്രവാസികള്ക്ക് മൂന്ന് വാഹനങ്ങള് ഒരേ സമയം കൈവശം വെക്കാന് സാധിക്കും. പ്രവാസികളുടെ പേരിലുള്ള വാഹനങ്ങളുടെ രജിസ്ട്രേഷന്, നിലവിലുള്ള നടപടിക്രമങ്ങള് പാലിച്ച് പുതുക്കാനുള്ള അവസരവും കുവൈത്ത് സര്ക്കാര് മുന്നോട്ടുവെക്കുന്നു.
കുവൈറ്റില് താമസിക്കുന്ന മലയാളികള് ഉള്പ്പെടെയുള്ള പ്രവാസികള്ക്ക് മൂന്ന് വാഹനങ്ങള് വരെ സ്വന്തമാക്കാം. പലരും കുവൈറ്റില് തങ്ങള്ക്ക് കാറുകള് മാത്രമേ സ്വന്തമാക്കാന് സാധിക്കൂവെന്നാണ് ധരിച്ചുവെച്ചിരിക്കുന്നത്. എന്നാല് കാറിന് പുറമെ മോട്ടോര് സൈക്കിളുകള്, പിക്കപ്പ് ട്രക്കുകള് തുടങ്ങിയ വാഹനങ്ങളും വാങ്ങിക്കാനാകുമെന്ന് ആഭ്യന്തര മന്ത്രാലയം വ്യക്തമാക്കുന്നു.
എന്നാല് ഈ വാഹനങ്ങള് നിങ്ങള്ക്ക് വ്യക്തിപരമായിട്ടുള്ള ആവശ്യങ്ങള്ക്കായി മാത്രമേ ഉപയോഗിക്കാന് സാധിക്കൂ. വാണിജ്യ ആവശ്യങ്ങള്ക്ക് ഇവ ഉപയോഗിക്കാന് അനുവദിക്കില്ലെന്ന് കുവൈറ്റ് ട്രാഫിക് ബോധവല്ക്കരണ വിഭാഗം അസിസ്റ്റന്റ് ഡയറക്ടര് ലഫ്റ്റനന്റ് കേണല് അബ്ദുല്ല ബൂഹസ്സാന് നേരത്തെ വ്യക്തമാക്കിയതാണ്.
പ്രവാസികള്ക്ക് മൂന്ന് വാഹനങ്ങള് ഒരേ സമയം കൈവശം വെക്കാന് സാധിക്കും. പ്രവാസികളുടെ പേരിലുള്ള വാഹനങ്ങളുടെ രജിസ്ട്രേഷന്, നിലവിലുള്ള നടപടിക്രമങ്ങള് പാലിച്ച് പുതുക്കാനുള്ള അവസരവും കുവൈത്ത് സര്ക്കാര് മുന്നോട്ടുവെക്കുന്നു.
വാഹനങ്ങളുടെ വര്ധനവ് നിയന്ത്രിക്കുക, ഗതാഗത സംവിധാനം മെച്ചപ്പെടുത്തുക, റോഡുകളിലെ സുരക്ഷ മികവുറ്റതാക്കുക, രജിസ്ട്രേഷന് സംവിധാനം കൂടുതല് സുതാര്യമാക്കുക എന്നിങ്ങനെയുള്ള ലക്ഷ്യങ്ങള് മുന്നിര്ത്തിയാണ് ആഭ്യന്തര മന്ത്രാലയത്തിന്റെ നീക്കം. എന്നാല് നിങ്ങള് മൂന്ന് വാഹനത്തില് കൂടുതല് കൈവശം വെക്കുകയാണെങ്കില് രജിസ്ട്രേഷന് ചെയ്യാന് സാധിക്കുകയില്ല.
Also Read: Etihad Rail: സെക്കന്ഡുകള്ക്കുള്ളില് അബുദബി ടു ഫുജൈറ; ഇത്തിഹാദ് റെയിലില് ഉടന് യാത്ര ചെയ്യാം
എങ്ങനെ വാഹനം രജിസ്റ്റര് ചെയ്യാം
- വാഹനം രജിസ്റ്റര് ചെയ്യുന്നതിന് മുമ്പ് തീര്ച്ചയായും നിങ്ങള് ഇന്ഷുറന്സ് എടുത്തിരിക്കണം.
- വാഹനത്തിന്റെ തരം അനുസരിച്ച് രഡിസ്ട്രേഷന് ഫീസ് അടച്ചിരിക്കണം.
- വാഹന രജിസ്ട്രേഷനായി സിവില് ഐഡി, പാസ്പോര്ട്ട്, ഇന്ഷുറന്സ് രേഖകള് എന്നിവ ആവശ്യമാണ്.
- അതാത് ഗവര്ണറേറ്റിലെ ജനറല് ട്രാഫിക് ഡിപ്പാര്ട്ട്മെന്റില് നിന്നും ലഭിക്കുന്ന അപേക്ഷ ഫോം പൂരിപ്പിക്കണം.
- പഴയ വാഹനമാണെങ്കില് ട്രാഫിക് വിഭാഗം ഉദ്യോഗസ്ഥര് പരിശോധിച്ച് സാക്ഷ്യപ്പെടുത്തണം.
- ഇതിനെല്ലാം ശേഷം നിങ്ങള്ക്ക് വാഹനത്തിന്റെ രജിസ്ട്രേഷന് കാര്ഡ് ലഭിക്കുന്നതാണ്.
