Hajj 2026: 3,600-ലധികം ഹജ്ജ് തീർഥാടകരെ സ്വീകരിക്കാൻ ദുബായ് എയർപോർട്ട് സജ്ജം; ക്രമീകരണങ്ങൾ ഇങ്ങനെ …
Dubai Airports Set to Handle Over 3,600 Hajj Pilgrims : തീർഥാടകരുടെ യാത്ര സുഗമമാക്കുന്നതിനായി വിവിധ വിമാനക്കമ്പനികളുമായും സർക്കാർ സ്ഥാപനങ്ങളുമായും ഏകോപിപ്പിച്ച് വിപുലമായ പ്രവർത്തന പദ്ധതിയാണ് തയ്യാറാക്കിയിട്ടുള്ളത്. ദുബായ് പോലീസ്, ജിഡിആർഎഫ്എ (GDRFA), ദുബായ് കസ്റ്റംസ്, ദുബായ് കോർപ്പറേഷൻ ഫോർ ആംബുലൻസ് സർവീസസ് (DCAS), ഡനാറ്റ (dnata), ദുബായ് ഡ്യൂട്ടി ഫ്രീ, ആർടിഎ (RTA), ദുബായ് ഹെൽത്ത് അതോറിറ്റി (DHA) എന്നിവർ സംയുക്തമായാണ് ക്രമീകരണങ്ങൾ ഒരുക്കുന്നത്.
ദുബായ്: ഈ വർഷത്തെ ഹജ്ജ് തീർഥാടന കാലയളവിൽ 3,600-ലധികം തീർഥാടകർക്ക് ആവശ്യമായ യാത്രാ സൗകര്യങ്ങൾ ഒരുക്കാൻ ദുബായ് എയർപോർട്ട്സ് പൂർണ്ണ സജ്ജമായി. യുഎഇയിൽ നിന്ന് പുറപ്പെടുന്ന ആകെ ഹജ്ജ് തീർഥാടകരുടെ ഏകദേശം 59 ശതമാനവും ദുബായ് ടെർമിനലുകൾ വഴിയാണ് യാത്ര തിരിക്കുന്നത്. എമിറേറ്റ്സ്, സൗദിയ, ഫ്ലൈദുബായ്, ഫ്ലൈനാസ് എന്നീ വിമാന സർവീസുകൾ വഴിയുള്ള ഹജ്ജ് വിമാനങ്ങൾ മേയ് 23 വരെ സർവീസ് നടത്തും. ദുബായ് ഗവൺമെന്റിന്റെ ഔദ്യോഗിക പ്രതിനിധി സംഘം മേയ് 21-ന് യാത്ര തിരിച്ചു കഴിഞ്ഞു.
ഏകോപിപ്പിച്ചുള്ള പ്രവർത്തനങ്ങളും വിമാനത്താവളത്തിലെ സൗകര്യങ്ങളും
തീർഥാടകരുടെ യാത്ര സുഗമമാക്കുന്നതിനായി വിവിധ വിമാനക്കമ്പനികളുമായും സർക്കാർ സ്ഥാപനങ്ങളുമായും ഏകോപിപ്പിച്ച് വിപുലമായ പ്രവർത്തന പദ്ധതിയാണ് തയ്യാറാക്കിയിട്ടുള്ളത്. ദുബായ് പോലീസ്, ജിഡിആർഎഫ്എ (GDRFA), ദുബായ് കസ്റ്റംസ്, ദുബായ് കോർപ്പറേഷൻ ഫോർ ആംബുലൻസ് സർവീസസ് (DCAS), ഡനാറ്റ (dnata), ദുബായ് ഡ്യൂട്ടി ഫ്രീ, ആർടിഎ (RTA), ദുബായ് ഹെൽത്ത് അതോറിറ്റി (DHA) എന്നിവർ സംയുക്തമായാണ് ക്രമീകരണങ്ങൾ ഒരുക്കുന്നത്.
തീർഥാടകർക്കായി ഒരുക്കിയിരിക്കുന്ന പ്രധാന സൗകര്യങ്ങൾ
- പ്രത്യേക കൗണ്ടറുകൾ: ഹജ്ജ് തീർഥാടകർക്കായി മാത്രമായി പ്രത്യേക ചെക്ക്-ഇൻ കൗണ്ടറുകളും സഹായ ഡെസ്കുകളും.
- എളുപ്പമുള്ള പ്രവേശനം: പ്രധാന കോൺകോഴ്സുകളോട് ഏറ്റവും അടുത്തുള്ള ഡിപ്പാർച്ചർ, അറൈവൽ ഗേറ്റുകളുടെ വിന്യാസം.
- പ്രാർത്ഥനാ മുറികൾ: ഇഹ്റാം വസ്ത്രം മാറുന്നതിനുള്ള പ്രത്യേക സൗകര്യങ്ങൾ, പ്രാർത്ഥനാ മുറികൾ, വിവിധ ഭാഷകൾ സംസാരിക്കുന്ന സഹായ ജീവനക്കാർ.
- മുതിർന്ന പൗരന്മാർക്കുള്ള സഹായം: പ്രായമായവർക്കും ശാരീരിക ബുദ്ധിമുട്ടുകൾ നേരിടുന്നവർക്കുമായി കൂടുതൽ വീൽചെയറുകൾ, ഗ്രൗണ്ട് സപ്പോർട്ട് ടീമുകൾ, ഡിസിഎസിന്റെ (DCAS) നേതൃത്വത്തിലുള്ള മെഡിക്കൽ സേവനങ്ങൾ.
തീർഥാടകർ ശ്രദ്ധിക്കേണ്ട കാര്യങ്ങൾ
വിമാനം പുറപ്പെടുന്നതിന് കുറഞ്ഞത് നാല് മണിക്കൂർ മുമ്പെങ്കിലും തീർഥാടകർ വിമാനത്താവളത്തിൽ എത്തിച്ചേരേണ്ടതാണ്. ഹജ്ജ് പെർമിറ്റുകൾ, വാക്സിനേഷൻ സർട്ടിഫിക്കറ്റുകൾ ഉൾപ്പെടെയുള്ള എല്ലാ ആവശ്യമായ രേഖകളും കൈവശമുണ്ടെന്ന് ഉറപ്പുവരുത്തുക. മേയ് 30 നും ജൂൺ 2 നും ഇടയിലാണ് തീർഥാടകരുടെ മടക്കയാത്ര പ്രതീക്ഷിക്കുന്നത്. മടങ്ങിയെത്തുന്ന തീർഥാടകർക്കായി വിമാനത്താവളത്തിൽ പ്രത്യേക ക്രമീകരണങ്ങൾ ഏർപ്പെടുത്തിയിട്ടുണ്ട്. വിശുദ്ധമായ സംസം വെള്ളം കൈകാര്യം ചെയ്യുന്നതിനായി പ്രത്യേകം ബാഗേജ് ബെൽറ്റുകളും സജ്ജീകരിക്കും.
ആദ്യ 3 ദിവസം സൗജന്യ പാർക്കിംഗ്
ഈദ് അൽ അദ്ഹ പ്രമാണിച്ച് ഷാർജ എമിറേറ്റിൽ വിപുലമായ ഒരുക്കങ്ങളും സുരക്ഷാ മുൻകരുതലുകളും പ്രഖ്യാപിച്ച് ഷാർജ സിറ്റി മുൻസിപ്പാലിറ്റി. പെരുന്നാൾ കാലത്തെ തിരക്ക് നിയന്ത്രിക്കുന്നതിനും പൊതുജനാരോഗ്യം ഉറപ്പാക്കുന്നതിനുമായി വിപുലമായ കർമ്മപദ്ധതിയാണ് അധികൃതർ തയ്യാറാക്കിയിരിക്കുന്നത്. പെരുന്നാൾ ആഘോഷങ്ങളുടെ ഭാഗമായി എമിറേറ്റിലെ പൊതു പാർക്കിംഗ് കേന്ദ്രങ്ങളിൽ ആദ്യത്തെ മൂന്ന് ദിവസങ്ങളിൽ പാർക്കിംഗ് പൂർണ്ണമായും സൗജന്യമായിരിക്കും എന്ന് മുൻസിപ്പാലിറ്റി അറിയിച്ചു. എന്നാൽ ചില മേഖലകളിൽ ഈ ഇളവ് ബാധകമായിരിക്കില്ല. ആഴ്ചയിൽ ഏഴു ദിവസവും പൊതുഅവധി ദിവസങ്ങളിലും പണം നൽകേണ്ട പാർക്കിംഗ് മേഖലകളിൽ ഇളവ് ലഭിക്കില്ല.
English Summary
Dubai Airports is preparing to handle over 3,600 Hajj pilgrims this season, accounting for nearly 59 percent of all departures from the UAE. In coordination with various government entities, a comprehensive operational plan has been implemented to provide dedicated check-in counters, medical support, and specialized arrival facilities for handling Zamzam water.
