Iran – Israel Conflict: ഇറാന്റെ പച്ചക്കൊടി; ഹോർമുസ് കടലിടുക്ക് വഴി രണ്ട് ഇന്ത്യൻ കപ്പലുകൾ കൂടി യാത്ര തിരിച്ചു
Indian Ships Resume Journey via Strait of Hormuz: രണ്ടാഴ്ച മുൻപ് ഗൾഫിൽ നിന്ന് ചരക്ക് കയറ്റിയ ഈ കപ്പലുകൾ സുരക്ഷാ കാരണങ്ങളാൽ ലക്ഷ്യസ്ഥാനം വെളിപ്പെടുത്തിയിട്ടില്ല. നിലവിലെ യുദ്ധസാഹചര്യത്തിൽ ഇറാന്റെ നിയന്ത്രണത്തിലുള്ള അതീവ ജാഗ്രതാ മേഖലയാണിത്. ഈ രണ്ട് കപ്പലുകൾ കൂടി കടന്നുപോകുന്നതോടെ, ഇറാന്റെ അനുമതിയോടെ സുരക്ഷിതമായി യാത്ര ചെയ്യുന്ന ഇന്ത്യൻ കപ്പലുകളുടെ എണ്ണം ആറായി ഉയർന്നു. ഇതിനോടകം നാല് കപ്പലുകൾ ഇന്ത്യയിൽ സുരക്ഷിതമായി എത്തിയിട്ടുണ്ട്.
ടെഹ്റാൻ: മിഡിൽ ഈസ്റ്റിലെ യുദ്ധസമ്മർദ്ദങ്ങൾക്കിടയിലും ഇന്ത്യയുടെ നയതന്ത്ര ഇടപെടലുകൾ ഫലം കാണുന്നു. ഹോർമുസ് കടലിടുക്കിൽ കുടുങ്ങിക്കിടന്നിരുന്ന എൽപിജി വഹിച്ചുള്ള രണ്ട് ഇന്ത്യൻ കപ്പലുകൾ കൂടി യാത്ര പുനരാരംഭിച്ചു. ബിഡബ്ല്യു ടൈർ, ബിഡബ്ല്യു എൽമ് എന്നീ കപ്പലുകളാണ് ഇറാന്റെ പ്രത്യേക അനുമതിയോടെ സുരക്ഷിതമായി പുറപ്പെട്ടത്.
രണ്ടാഴ്ച മുൻപ് ഗൾഫിൽ നിന്ന് ചരക്ക് കയറ്റിയ ഈ കപ്പലുകൾ സുരക്ഷാ കാരണങ്ങളാൽ ലക്ഷ്യസ്ഥാനം വെളിപ്പെടുത്തിയിട്ടില്ല. നിലവിലെ യുദ്ധസാഹചര്യത്തിൽ ഇറാന്റെ നിയന്ത്രണത്തിലുള്ള അതീവ ജാഗ്രതാ മേഖലയാണിത്. ഈ രണ്ട് കപ്പലുകൾ കൂടി കടന്നുപോകുന്നതോടെ, ഇറാന്റെ അനുമതിയോടെ സുരക്ഷിതമായി യാത്ര ചെയ്യുന്ന ഇന്ത്യൻ കപ്പലുകളുടെ എണ്ണം ആറായി ഉയർന്നു. ഇതിനോടകം നാല് കപ്പലുകൾ ഇന്ത്യയിൽ സുരക്ഷിതമായി എത്തിയിട്ടുണ്ട്.
Also Read – പ്രവാസികൾക്ക് വലിയ ആശ്വാസം, ദുബായ്-ഷാർജ ഇന്റർസിറ്റി ബസ് സർവീസ് പുനരാരംഭിച്ചു
പ്രധാനമന്ത്രി നരേന്ദ്ര മോദി ഇറാൻ പ്രസിഡന്റ് മസൂദ് പെസെഷ്കിയനുമായി നടത്തിയ ചർച്ചകളാണ് ചരക്കുനീക്കം സുഗമമാക്കുന്നതിൽ നിർണ്ണായകമായത്. മേഖലയിൽ സമാധാനം പുനഃസ്ഥാപിക്കണമെന്നും അവശ്യസാധനങ്ങളുടെ നീക്കത്തിനായി ജലപാതകൾ തുറന്നിടണമെന്നും പ്രധാനമന്ത്രി ആവശ്യപ്പെട്ടിരുന്നു.
ഇന്ത്യയ്ക്കാവശ്യമായ പാചകവാതകത്തിന്റെ 60 ശതമാനവും ഗൾഫ് രാജ്യങ്ങളിൽ നിന്നാണ് ഇറക്കുമതി ചെയ്യുന്നത്. ലോകത്തെ ക്രൂഡ് ഓയിൽ വിതരണത്തിന്റെ അഞ്ചിലൊന്നും കടന്നുപോകുന്ന ഈ പാതയിലെ തടസ്സങ്ങൾ ഇന്ത്യയുടെ ഊർജ മേഖലയെ ബാധിക്കാതെ നോക്കാനാണ് സർക്കാരിന്റെ ശ്രമം.
യുദ്ധം മൂലം ഉണ്ടായേക്കാവുന്ന ഊർജ പ്രതിസന്ധി മുൻകൂട്ടി കണ്ട് ഇന്ത്യ ആഭ്യന്തരമായി എൽപിജി ഉൽപാദനം 50 ശതമാനം വർദ്ധിപ്പിച്ചിട്ടുണ്ട്. ഇത് ഇറക്കുമതിയിലെ തടസ്സങ്ങൾ ആഭ്യന്തര വിപണിയെ ബാധിക്കുന്നത് ഒരു പരിധിവരെ തടയാൻ സഹായിക്കും.
