യുദ്ധ വിജയങ്ങളിൽ അ‌മേരിക്കയുടെ വലം​കൈ! യുഎസ് B-52 ബോംബർ വിമാനം തകർന്നു; 8 പേർ കൊല്ലപ്പെട്ടു

Us Air Force B 52 Bomber Crashes After Takeoff

കാലിഫോർണിയ: യു.എസ്. വ്യോമസേനയുടെ പക്കലുള്ള ഏറ്റവും കരുത്തുറ്റതും ലോകപ്രശസ്തവുമായ ദീർഘദൂര യുദ്ധവിമാനമായ ബി-52 സ്ട്രാറ്റോഫോർട്രെസ് (B-52 Stratofortress) ബോംബർ വിമാനം തകർന്നുവീണു. ദക്ഷിണ കാലിഫോർണിയയിലെ മൊജാവെ മരുഭൂമിയിലുള്ള എഡ്വേർഡ്സ് എയർഫോഴ്സ് ബേസിൽ നിന്ന് പറന്നുയർന്നതിന് തൊട്ടുപിന്നാലെ തകർന്നുവീഴുകയായിരുന്നു. വിമാനത്തിലുണ്ടായിരുന്ന എട്ടുപേരും മരിച്ചതായാണ് റിപ്പോർട്ട്. ഫ്ലൈറ്റ് കൺട്രോൾ സിസ്റ്റത്തിലെ തകരാറോ എഞ്ചിൻ തകരാറോ ആകാം അ‌പകട കാരണമെന്ന് വ്യോമയാന വിദഗ്ധർ സംശയിക്കുന്നു. കൃത്യമായ കാരണം കണ്ടെത്താൻ വിശദമായ അന്വേഷണം പ്രഖ്യാപിച്ചിട്ടുണ്ട്. അ‌മേരിക്കയെ സംബന്ധിച്ചിടത്തോളം 1955 മുതൽ യു.എസ് വ്യോമസേനയുടെ ഭാഗമായ ഈ വിമാനം എട്ട് എഞ്ചിനുകളുള്ള ഒരു ഭീമൻ തന്ത്രപ്രധാന ബോംബറാണ്.

വിയറ്റ്നാം യുദ്ധം, പേർഷ്യൻ ഗൾഫ് യുദ്ധം, അഫ്ഗാനിസ്ഥാൻ, ഇറാഖ് യുദ്ധങ്ങൾ എന്നിവയിലെല്ലാം അമേരിക്കൻ സൈന്യത്തിന്റെ പ്രധാന കരുത്തായിരുന്നു ബി52 സ്ട്രാറ്റോഫോർട്രെസ് ബോംബർ. സാധാരണയായി 5 പേരാണ് ക്രൂ ആയി ഉണ്ടാകാറുള്ളത്. എന്നാൽ പുതിയ റഡാർ സംവിധാനങ്ങളുടെ പരീക്ഷണ പറക്കൽ ആയതിനാൽ ഇത്തവണ എട്ടുപേർ വിമാനത്തിലുണ്ടായിരുന്നു.

ALSO READ: എൽ നിനോ വില്ലനായി, ശക്തമായ മഴ രണ്ട് ജില്ലകളിൽ; ഇന്നത്തെ കാലാവസ്ഥ

ഏറ്റവും പ്രധാന ആയുധം

അമരിക്കൻ വ്യോമസേനയുടെ ചരിത്രത്തിലെ ഏറ്റവും ദൗർഭാഗ്യകരമായ സംഭവങ്ങളിലൊന്നായാണ് ഈ ദുരന്തം വിലയിരുത്തപ്പെടുന്നത്. ആണവായുധങ്ങളും സാധാരണ ബോംബുകളും ഒരേപോലെ വഹിക്കാൻ ശേഷിയുള്ള ഈ ബോംബർ യുദ്ധങ്ങളിൽ അ‌മേരിക്കയുടെ ഏറ്റവും പ്രധാന ആയുധങ്ങളിലൊന്നായിരുന്നു. വിയറ്റ്നാം യുദ്ധം മുതൽ അടുത്തിടെ മിഡിൽ ഈസ്റ്റിലുണ്ടായ സംഘർഷങ്ങളിൽ വരെ അമേരിക്കൻ സൈന്യത്തിന്റെ പ്രധാന കരുത്ത് ബി-52 വിമാനങ്ങൾ ആയിരുന്നു.

തകർന്നുവീണ ഉടൻ തന്നെ വിമാനത്തിന് തീപിടിക്കുകയും പൂർണ്ണമായും കത്തിയമരുകയും ചെയ്തു. റൺവേയ്ക്ക് സമീപമുള്ള മരുഭൂമിയിൽ വലിയ തോതിൽ കറുത്ത പുക ഉയർന്നതായി ദൃശ്യങ്ങൾ വ്യക്തമാക്കുന്നു. വിമാനത്തിലുണ്ടായിരുന്ന എട്ടുപേരും (സൈനികരും ഗവൺമെന്റ് കരാറുകാരും) മരണപ്പെട്ടതായി എഡ്വേർഡ്സ് ബേസ് ഡെപ്യൂട്ടി കമാൻഡർ കേണൽ ജെയിംസ് ഹെയ്സ് സ്ഥിരീകരിച്ചു. അപകടത്തിന്റെ തീവ്രത കാരണം ആരും രക്ഷപ്പെടാൻ സാധ്യതയില്ലെന്ന് വ്യോമസേന നേരത്തെ വ്യക്തമാക്കിയിരുന്നു.

ഏകദേശം 1,065 കോടി രൂപ വില

അപകടത്തെത്തുടർന്ന് എഡ്വേർഡ്സ് എയർഫോഴ്സ് ബേസിലെ റൺവേ താൽക്കാലികമായി അടയ്ക്കുകയും മറ്റ് വിമാനങ്ങൾ വഴിതിരിച്ചുവിടുകയും ചെയ്തു. അന്താരാഷ്ട്ര വിപണിയിൽ ഏകദേശം 110 മില്യൺ ഡോളർ (ഏകദേശം 1,065 കോടി രൂപ) വിലവരുന്ന അത്യാധുനിക യുദ്ധവിമാനങ്ങളിൽ ഒന്നാണ് അ‌മേരിക്കയ്ക്ക് നഷ്ടമായിരിക്കുന്നത്. പ്രശസ്ത വിമാന നിർമ്മാണ കമ്പനിയായ ബോയിംഗ് ആണ് ബി-52 രൂപകൽപ്പന ചെയ്തത്.

1952-ൽ ആദ്യമായി പറന്ന ബി-52 ബോംബർ 1955-ലാണ് യു.എസ്. വ്യോമസേനയുടെ ഭാഗമാകുന്നത്. ഏകദേശം 32,000 കിലോഗ്രാം ആയുധങ്ങൾ ഒരേസമയം വഹിക്കാൻ ഇതിനാകും. ആധുനിക സാങ്കേതികവിദ്യകൾ ഉൾപ്പെടുത്തി നിരന്തരം നവീകരിക്കുന്നതിനാൽ 2050 വരെ ഈ വിമാനം സേവനത്തിൽ തുടരുമെന്നാണ് യു.എസ്. വ്യോമസേന വ്യക്തമാക്കിയിട്ടുള്ളത്. അതായത് ഒരു നൂറ്റാണ്ടോളം കാലം സേവനമനുഷ്ഠിക്കുന്ന അപൂർവ്വം യുദ്ധവിമാനങ്ങളിൽ ഒന്നായിരുന്നു ബി-52 ബോംബർ.

എട്ട് എഞ്ചിനുകളുള്ള ഭീമൻ

എട്ട് എഞ്ചിനുകളുള്ള ഒരു ഭീമൻ വിമാനമാണിത്. ഇതിന്റെ ചിറകുകളുടെ നീളം മാത്രം ഏകദേശം 185 അടിയാണ്. വലിപ്പവും വിനാശകാരിയായ ശേഷിയും കണക്കിലെടുത്ത് പൈലറ്റുമാരും സൈനികരും ഇതിനെ BUFF (Big Ugly Fat Fellow) എന്ന് സ്നേഹത്തോടെ വിളിക്കാറുണ്ട്. ഇന്ധനം നിറയ്ക്കാതെ തന്നെ ഒൻപതിനായിരത്തിലധികം മൈലുകൾ (ഏകദേശം 14,000 കിലോമീറ്റർ) തുടർച്ചയായി പറക്കാൻ ബി-52 വിമാനങ്ങൾക്ക് കഴിയും. പറക്കലിനിടയിൽ വായുവിൽ വെച്ച് ഇന്ധനം നിറയ്ക്കാനുള്ള സംവിധാനവും ഇതിലുണ്ട്.

English Summary

The B-52 Stratofortress bomber, the most powerful and world-famous long-range fighter jet in the U.S. Air Force, has crashed. It crashed shortly after takeoff from Edwards Air Force Base in the Mojave Desert in Southern California. All eight people on board are reported to have died. The B-52 Stratofortress bomber was a major force for the American military in the Vietnam War, the Persian Gulf War, the Afghanistan and Iraq wars.