8th Pay Commission: 3% ഡിഎ ദീപാവലിക്ക് മുമ്പ്; കുടിശ്ശിക ഉൾപ്പെടെ ശമ്പളത്തിലും വൻ വർധനവ്
Diwali 2026 DA Hike Update: നവംബർ 8നാണ് ദീപാവലി. ഒക്ടോബർ 14 ന് നടന്ന യോഗത്തിൽ കേന്ദ്ര മന്ത്രിസഭാ യോഗം ഡിഎ/ ഡിആർ പ്രഖ്യാപിച്ചിരുന്നില്ല. ഇത്തവണ മൂന്ന് ശതമാനം വർധിപ്പിച്ച് ഡിഎ 60% ൽ നിന്ന് 63% ആയി ഡിഎ ഉയർത്തുമെന്നാണ് പ്രതീക്ഷ.
എട്ടാം ശമ്പള കമ്മീഷന് വേണ്ടിയുള്ള കാത്തിരിപ്പ് നീളുംതോറും കേന്ദ്ര സർക്കാർ ജീവനക്കാരുടെയും പെൻഷൻകാരുടെയും ആശങ്കയും വർധിക്കുകയാണ്. ഉടനെ പ്രഖ്യാപിക്കാൻ സാധ്യതയുള്ള ഡിഎ വർധനവാണ് ഏക പ്രതീക്ഷ. ദീപാവലി പടിവാതിൽക്കൽ എത്തിയതോടെ ഡിഎ ഉടൻ പ്രഖ്യാപിക്കാനുള്ള സാധ്യതയും ഉയർന്നു. 2026 ജൂലൈയിലെ നിശ്ചയിച്ചിട്ടുള്ള പുതുക്കിയ ഡിഎ ദീപാവലിക്ക് മുമ്പ് കേന്ദ്രം അംഗീകരിച്ചാൽ, കേന്ദ്ര സർക്കാർ ജീവനക്കാർക്ക് ഉയർന്ന ശമ്പളവും കുടിശ്ശികയും ലഭിച്ചേക്കും.
നവംബർ 8നാണ് ദീപാവലി. ഒക്ടോബർ 14 ന് നടന്ന യോഗത്തിൽ കേന്ദ്ര മന്ത്രിസഭാ യോഗം ഡിഎ/ ഡിആർ പ്രഖ്യാപിച്ചിരുന്നില്ല. ഇത്തവണ മൂന്ന് ശതമാനം വർധിപ്പിച്ച് ഡിഎ 60% ൽ നിന്ന് 63% ആയി ഡിഎ ഉയർത്തുമെന്നാണ് പ്രതീക്ഷ. 3 ശതമാനം 18,000 രൂപ അടിസ്ഥാന ശമ്പളം വാങ്ങുന്ന ഒരാൾക്ക് പ്രതിമാസം 540 രൂപയുടെ വർധനവാണ് നൽകുന്നത്, 56,100 രൂപ അടിസ്ഥാന ശമ്പളം വാങ്ങുന്ന ജീവനക്കാരന് 1,683 രൂപ കൂടി ലഭിക്കും.
2026 ലെ ഡിഎ വർദ്ധനവ്
അടിസ്ഥാന ശമ്പളത്തിന്റെ ഒരു നിശ്ചിത ശതമാനമായാണ് ഡിഎ കണക്കാക്കുന്നത്. 2026 ജനുവരി 1 മുതല്‍ പ്രാബല്യത്തില്‍ വരുന്ന രീതിയില്‍ 2 ശതമാനം വര്‍ധനവ് കേന്ദ്രസര്‍ക്കാര്‍ അംഗീകരിച്ചതിനെത്തുടര്‍ന്ന്, നിലവിലെ ഡിഎ 60 ശതമാനമാണ്. ഡിഎ 63 ശതമാനമായി ഉയരുകയാണെങ്കില്‍, അടിസ്ഥാന ശമ്പളത്തിന്റെ 3 ശതമാനം അധികമായി ഓരോ മാസവും ലഭിക്കും. വര്‍ഷത്തില്‍ ഏകദേശം 6,480 രൂപ മുതല്‍ 20,196 രൂപ വരെ അധികമായി ലഭിക്കാൻ സാധ്യതയുണ്ട്.
ALSO READ: എട്ടാം ശമ്പള കമ്മീഷൻ: ഫിറ്റ്‌മെന്റ് ഫാക്ടർ 4.0, ജീവനക്കാരുടെ ശമ്പളം എത്രകൂടും?
| പ്രതിമാസ അടിസ്ഥാന ശമ്പളം | നിലവിലെ 60% ഡിഎ | 63% ഡിഎ | പ്രതിമാസ വർദ്ധനവ് |
| ₹18,000 | ₹ 10,800 | ₹ 11,340 | ₹ 540 |
| ₹ 25,500 | ₹ 15,300 | ₹ 16,065 | ₹ 765 |
| ₹ 35,400 | ₹ 21,240 | ₹ 22,302 | ₹ 1,062 |
| ₹ 44,900 | ₹ 26,940 | ₹ 28,287 | ₹ 1,347 |
| ₹ 56,100 | ₹ 33,660 | ₹ 35,343 | ₹ 1,683 |
കുടിശ്ശിക എത്ര കിട്ടും?
2026 ജൂലൈയിലെ ഡിഎ പരിഷ്‌കരണം സാധാരണയായി ജൂലൈ 1 മുതല്‍ പ്രാബല്യത്തില്‍ വരുന്ന രീതിയിലാണ് കണക്കാക്കാറുള്ളത്. മുന്‍കാല പ്രാബല്യത്തോടെ അംഗീകരിക്കുകയാണെങ്കില്‍, ഇടയിലുള്ള മാസങ്ങളിലെ തുക കുടിശ്ശികയായി ലഭിക്കാന്‍ സാധ്യതയുണ്ട്.
അതേസമയം, ഇത് ഔദ്യോഗിക ഉത്തരവിലെ വ്യവസ്ഥകള്‍ക്ക് വിധേയമായിരിക്കും. ഉദാഹരണത്തിന്, 35,400 രൂപ അടിസ്ഥാന ശമ്പളമുള്ള ഒരു ജീവനക്കാരന്, 3 ശതമാനം വര്‍ധനവ് പ്രകാരം, പ്രതിമാസം 1,062 രൂപയുടെ അധിക വരുമാനം ലഭിക്കേണ്ടതുണ്ട്. കുടിശ്ശിക കണക്കാക്കിയാൽ ജൂലൈ, ഓഗസ്റ്റ്, സെപ്റ്റംബര്‍, ഒക്ടോബര്‍ മാസം വരെ നാല് മാസത്തേക്ക് ആകെ 4,248 രൂപ ലഭിക്കും.
ദീപാവലി ബോണസ്
ഡിഎ പരിഷ്‌കരണം സര്‍ക്കാര്‍ ഇതിനകം പ്രഖ്യാപിച്ച ഉത്സവ ബോണസുകളില്‍ നിന്ന് വ്യത്യസ്തമാണ്. ഉല്‍പ്പാദനക്ഷമതയെ അടിസ്ഥാനമാക്കിയുള്ള ബോണസ് പദ്ധതികളില്‍ ഉള്‍പ്പെടാത്ത, അര്‍ഹരായ ഗ്രൂപ്പ് സി, ഗസറ്റഡ് അല്ലാത്ത ഗ്രൂപ്പ് ബി ജീവനക്കാര്‍ക്ക് 30 ദിവസത്തെ അഡ്-ഹോക്ക് ബോണസ് നല്‍കാന്‍ കേന്ദ്ര സര്‍ക്കാര്‍ അനുമതി നല്‍കിയിട്ടുണ്ട്.
യോഗ്യതാ വ്യവസ്ഥകൾക്ക് വിധേയമായി പരമാവധി സ്റ്റാൻഡേർഡ് പേഔട്ട് 6,908 രൂപ ആണ്. യോഗ്യരായ റെയിൽവേ ജീവനക്കാർക്ക് 78 ദിവസത്തെ ഉൽപ്പാദനക്ഷമതയുമായി ബന്ധപ്പെട്ട ബോണസ് ലഭിക്കും. പരമാവധി തുക 17,951 രൂപയായി പരിമിതപ്പെടുത്തിയിട്ടുണ്ട്.
English Summary:
The central government may announce a Dearness Allowance hike before Diwali 2026, potentially increasing the rate from the current 60% to 63% of basic pay. The proposed 3-percentage-point increase could provide additional monthly income to central government employees, depending on their basic salary.
