CBSE Admit Card 2026: സിബിഎസ്ഇ വിദ്യാര്ത്ഥികള്ക്ക് ഇനി സമയം കളയാനില്ല; അഡ്മിറ്റ് കാര്ഡുകള് എത്തി; എങ്ങനെ ഡൗണ്ലോഡ് ചെയ്യാം?
Know How to Download CBSE Class 10th, 12th Admit Card 2026: സിബിഎസ്ഇ 10, 12 ക്ലാസുകളിലെ അഡ്മിറ്റ് കാർഡുകൾ പുറത്തിറക്കി. പരീക്ഷകൾ ഫെബ്രുവരി 17 ന് ആരംഭിക്കും. അഡ്മിറ്റ് കാര്ഡുകള് എങ്ങനെയാണ് ഡൗണ്ലോഡ് ചെയ്യേണ്ടതെന്ന് നോക്കാം.
CBSE Students File Pic
സെൻട്രൽ ബോർഡ് ഓഫ് സെക്കൻഡറി എജ്യുക്കേഷൻ (സിബിഎസ്ഇ) 10, 12 ക്ലാസുകളിലെ അഡ്മിറ്റ് കാർഡുകൾ പുറത്തിറക്കി. പരീക്ഷകൾ ഫെബ്രുവരി 17 ന് ആരംഭിക്കും. കഴിഞ്ഞ വർഷവും ഫെബ്രുവരി മൂന്നിനാണ് അഡ്മിറ്റ് കാര്ഡുകള് പുറത്തുവിട്ടത്. റെഗുലർ വിദ്യാർത്ഥികൾക്ക് അഡ്മിറ്റ് കാർഡുകൾ സ്വയം ഡൗൺലോഡ് ചെയ്യാൻ അനുവാദമില്ല. സ്കൂൾ അധികാരികള് അഡ്മിറ്റ് കാർഡുകൾ നല്കും.
സ്കൂൾ അധികാരികള് ലോഗിൻ ക്രെഡൻഷ്യലുകൾ ഉപയോഗിച്ച് പരീക്ഷാ സംഘം പോർട്ടലിൽ ലോഗിൻ ചെയ്ത് അഡ്മിറ്റ് കാർഡുകൾ ഡൗൺലോഡ് ചെയ്ത് വിദ്യാർത്ഥികൾക്ക് വിതരണം ചെയ്യും. അഡ്മിറ്റ് കാർഡ് ഇല്ലാതെ പരീക്ഷാ കേന്ദ്രത്തിൽ പ്രവേശനം അനുവദിക്കില്ല. അതുകൊണ്ട്, വിദ്യാര്ത്ഥികള് അവരുടെ സ്കൂളുകളുമായി ബന്ധപ്പെട്ട് അഡ്മിറ്റ് കാര്ഡുകള് കൈപറ്റണം.
സിബിഎസ്ഇയുടെ ഔദ്യോഗിക വെബ്സൈറ്റിൽ നിന്ന് സ്കൂൾ അധികാരികൾക്ക് അഡ്മിറ്റ് കാർഡുകൾ ഡൗൺലോഡ് ചെയ്യേണ്ടത് എങ്ങനെയെന്ന് പരിശോധിക്കാം. cbse.gov.in എന്ന ഔദ്യോഗിക വെബ്സൈറ്റ് സന്ദർശിക്കുക. പരീക്ഷാസംഘം പോർട്ടലിൽ ക്ലിക്ക് ചെയ്യുക. അഡ്മിറ്റ് കാർഡ്, സെന്റർ മെറ്റീരിയൽ എന്നിവയിലേക്ക് സ്ക്രോൾ ചെയ്യുക.
Also Read: Study Tips: എസ്എസ്എൽസി പരീക്ഷയെ പേടിയില്ലാതെ നേരിടാം; രക്ഷിതാക്കൾ അറിഞ്ഞിരിക്കേണ്ട കാര്യങ്ങൾ
അഡ്മിറ്റ് കാർഡ് ലിങ്കിൽ ക്ലിക്ക് ചെയ്യുക. യൂസര് ഐഡി, പാസ്വേഡ് തുടങ്ങിയ വിശദാംശങ്ങൾ പൂരിപ്പിക്കുക. ഇതുവഴി അഡ്മിറ്റ് കാര്ഡ് ഡൗണ്ലോഡ് ചെയ്യാം. വിദ്യാർത്ഥിയുടെ പേര്, റോൾ നമ്പർ, സ്കൂൾ നമ്പർ, സെന്റർ നമ്പർ, ഫോട്ടോ തുടങ്ങിയ വിശദാംശങ്ങള് അഡ്മിറ്റ് കാര്ഡിലുണ്ടാകും.
പരീക്ഷാ കേന്ദ്രത്തിന്റെ പേരും വിലാസവും വിദ്യാര്ത്ഥികള് പാലിക്കേണ്ട നിര്ദ്ദേശങ്ങളും ഇതിലുണ്ടാകും. ഇത് വായിക്കുകയും പാലിക്കുകയും വേണം. ഹാൾ ടിക്കറ്റുകൾ ഇപ്പോൾ ഔദ്യോഗിക സിബിഎസ്ഇ പോർട്ടലിൽ ലഭ്യമാണ്.
അഡ്മിറ്റ് കാർഡുകൾ ഡൗൺലോഡ് ചെയ്ത ശേഷം, സ്കൂൾ അധികാരികള് എല്ലാ വിവരങ്ങളും ശ്രദ്ധാപൂർവ്വം പരിശോധിക്കണം. വിദ്യാർത്ഥികൾക്ക് നൽകുന്നതിനുമുമ്പ് അഡ്മിറ്റ് കാർഡിൽ പ്രിൻസിപ്പലിന്റെ ഒപ്പും സ്കൂൾ സീലും നിർബന്ധമാണ്. പരീക്ഷയ്ക്ക് മുമ്പ് ഓരോ വിദ്യാർത്ഥിക്കും ശരിയായ ഹാൾ ടിക്കറ്റ് ലഭിക്കുന്നുണ്ടെന്ന് ഉറപ്പാക്കേണ്ടത് സ്കൂളുകളുടെ ഉത്തരവാദിത്തമാണ്. അഡ്മിറ്റ് കാര്ഡുകള് ഡൗണ്ലോഡ് ചെയ്യുന്നതിനുള്ള നേരിട്ടുള്ള ലിങ്കില് പ്രവേശിക്കുന്നതിന് ഇവിടെ ക്ലിക്ക് ചെയ്യുക.
റഗുലർ വിദ്യാർത്ഥികൾക്ക് ഡൗൺലോഡ് ചെയ്യുന്നതിന് സിബിഎസ്ഇ വെബ്സൈറ്റ് സന്ദർശിക്കേണ്ടതില്ല. സ്വകാര്യ വിദ്യാർത്ഥികൾക്ക് നേരിട്ട് ഹാൾ ടിക്കറ്റ് ഡൗൺലോഡ് ചെയ്യാം. അവർ ഔദ്യോഗിക സിബിഎസ്ഇ വെബ്സൈറ്റ് സന്ദർശിച്ച് അപേക്ഷാ നമ്പർ, മുൻ റോൾ നമ്പർ അല്ലെങ്കിൽ മറ്റ് ആവശ്യമായ വിശദാംശങ്ങൾ ഉപയോഗിച്ച് ലോഗിൻ ചെയ്യണം.
